.jpg)
قلبي يصرخ ... ذبحتيني ... قطعتي عروق ترويني
ابي فلان ... يداريني .... يحس فينى.... ويسقيني
ابي بدينج ترجيعلي هوى سنيني
تبيني ارجع
تبيني لذباحي انا اتبع
تبيني اسامح هوي فلان
تبيني اعيد اللي كان
افاا يا قلب
ترضاها لو الأيام دارت بي وكسر فيني
ترضاها اصير لواحد عمره ما يحس فيني
ترضاها اكون لواحد قلبه ما يدفيني
قرارج انتي اللي نجل فيني
نسى انه هوي يومي
حشى يوفي
نبضى اللي يدق فيني
عجيب امرك
انت اللي شكيت جفاه
انت اللي ماطاوعك قلبه ..... وهواه
انا ادري بعلومي وعلومه
ولو نسى هوى روحي مالومه
أبيه يمي يكون مرتاح
ابي ايامنا افراح
ابي اصير له صندوق .... وهو المفتاح
اكيد ينيت
اكيد انك مشتقاق له حيل الحيل
ترى فلان يا قليبي غنى عنا
ودروبه ماهي صوبك ولا يمنا
ما اصدق ...
ما اسمح لج احساسي تجذبينه
صج يالزين ؟؟ قدر ينسى
اجل ينسى
لا تقولين
انا ماقول ... وجفوته كل هالوقت هي اللى تقول
تبي اذكرك
تبي اعد لك
تبينا نقص اللي صار
حجي واسرار
تبيني اذكرك بالرجوى والإلحاح
يوم غط عني هواي ايام
حبيبي انا قلبي صار ملتاع
ابي اسمع صدى صوتك
يقول لي صار
ويغيب عني دهر وامرار
واحساسي بذاك الوقت
كأن الدنيا صارت هو
وهو ناسي
هواك جاسي
دمر كل احساسى
هقيتك عزتي وناسي
تلومينه
تلومين اللي كنتى سهله بيدينه
تلومين اللي قلتي الآه.... وانتى تذكرينه
تلومين اللي حلمت معاج في يوم تلمينه
وتاخذينه باحضانج لدنيا لونها وردي
تحسبينه ... بالألوان يحس فينا
تراه اعمى ما يبصر
النيرة اللي بيدينه
تعب فكرى وانا ادور له اعذار
اقول منى اللي صار
الوم نفسي ومالومه
مع اني اعرف علومه
مع اني كنت متأكده هواه بياع
اشوف عيونى تنادي له
تشكي له... ليالي طوال
حلفت يالزين ما أدري شعلاجى
ابي انساه
ابي اسلاه
ابي احيا بلا ذكراه
عطيني وقت
اكيد بقدر ..... اكيد بقدر
وعلى جروحي انا بصبر
يبي لي اسبوع مو اكثر
احس بغيبته واحتر
وبعد الإسبوع
بيرد قلبج يورد و يزهر
ويفرش لج بساط اخضر
الا يالزين وزين الزين
بخليج تفرحين اكثر
يوم انساه وبعد واسلاه
وادور من يسد فرقاه
وعلى بعاده....... انا بقدر
هناك 30 تعليقًا:
life moves on and so do we .. kelshay 9a3ib eb bedayta laken m3a elwagt bekon mojarad thekra ..
حديث بين العقل والقلب جميل جدا وعجبنى فعلا محاولات الاقناع والترجي
:)
بالاخير افضل ان العقل يغلب لانه هو من يقود للصح دائما
To be honest I think the one party missing in this conversation is the ego. It's her ego talking in the end and saying she will be just fine. That's one of the best or worst things about having pride - it can get a person angry enough to get over almost anything or fight almost any emotion. Inshalla she'll get someone as romantic as she is without being "la3abi".
1001 nights
I hope so 2
:)
Mishari
القلب سلم مفاتيحه للعقل يا مشارى
ودايما بالنهاية العقل اهو اللي له السطوة
المنطق اهو اللي يحكم
وانا اقول ان الزين خذت قرار صح
والله يقويها
زوزوتا مادري الزين المهم مبدعتنا
يالغاليه كلامج الي كتبتيه وحسيتي لحظاته عجيب غريب لأنه بقلب كل بنت حبت ونفس النزاع والنقاش بين المشاعر وقلبها وبين عقلها والمنطق
صدقيني مسألة وقت وراح تقدر أنا ادرى وربي يمكن لو صار شيء عقب وحاول قلبها يدور حجه لرجوع ترجع بس بنفسيه وعقل يختلف
بوستج خلاني أفكر أكتب بوست عن هالجانب بس راح أعطي الموضوع ايام وعقبها أقدر أخذ قرار يرضي كل الأطراف داخلي
تسلم إيدج وقلبج وأحساسج ويارب يرد لزين منهو يوزنها ويحس بنيره الي بدينه
الزين
:
ماتعانينه الآن
تماما
كمعاناة الاعراض الانسحابية للمخدر من دم المدمن
.
قلبك ادمنه
وعقلك يكره هذاالادمان
..
فترة وتعدي
وستتفاجئين
يوما
كيف ينطفئون
!
كيف ينطفئ كل هذاالاشتعال بداخلنا
!
وتصبح ذكراهم
كذكرى جرح التئم
ولم يترك على الجلد سوى علامات باهته
لاتؤلم
!
أجمل مافيه
انه يلهمك بالكتابة
..
صباحك هنا وراحة بال يالزينة
..و
اغفرلي كتابتي الغير مترابطة
فأنا لم اجد للنوم طريقا حتى الآن
كوني بخير ..
وتمضي الحياة
نعم... نعم .....
تمضي
:))))
صباااح الورد كله
الله يعين
هذى اصعب واقسى مرحله
مو بس عشان انج تحبين
هم التعود
تعودتى على وجوده
تذبح هالمرحله
بس الايام كفيله انهى اداوى
الله يعينج
:(
ترضاها اصير لواحد عمره ما يحس فيني
ترضاها اكون لواحد قلبه ما يدفيني
هواك جاسي
دمر كل احساسى
مشكله بيدهم هالشى
بيدهم يزيدونا وبيدهم يحطمونه
:**
وبإذن الله راح تقدرين
دامه ما يستاهلج .. اكيد راح تقدرين
شغلي وقتج ولا تعيشين لحظة تفكير فيه
ترى الحنين قوي .. بس انتي اقوى ان شاء الله
موفقه حبيبتي
الزين اشلووونج وشخبااارج
اتصدقيين كلامج عور قلبي
صعب تتحب شخص مايحس فييك والاصعب انك تشتاقله
وصدقيني الفرااغ الي نمر فييه اهوا الي يخليينا نشتااااق
ونفس مااقتلج اول انتي تستااهليين وااحد يحفظ لغة الفلووب
ويفهما ويهمس فييهاا علشاان يروي مشااعرج
ومشكوورة
حديث و لا اروع
فعلا اعجبني
اووه نسيت
صباح الخير
صباح الانوار
للزين الاحلى من كل شي زين
انا سبقتج
مو قلت لج نتشابه
ما اراح اشرح شلون مع الوقت بتعرفين
احب ااكد لج العقل قبل الروح والقلب راح ينتصر الا انه فيه خساير لانه محد يدخل معركه ما يخسر فيها شي
بس القوي الي يحول خسايره الى شي يقويه ما يهد من حيله
ومثل ما قلت لج سبقتج
ورجعت غير
لانه القرار صح ولانه ما يستاهل وكان لازم اوقف بنص الدرب وارجع
ما اقدر اكمل شي عقلي يقوللي انه غلط
صعب اعيش التناقض خصوصا بداخلي
حوارج كان روعه مثل احساسج الرائع
الله لا يحرم قلبج هالاحساس
لانه فيه ينبض
ولا تندمين على شي ماعرف قدرج
لانج اهم من كل شي
بالنهايه
السفينه بتمشي فينا ولا من دونا
واكيد بترسى
تحياتي لشي مني
:)
shakshaka
صح لسانج يا الشيخه
اول مرور لج واتمنى انه ما يكون آخر مرور
نورتينا
عزيزتي محاره
انها ترجع تحن له
تشتاق له يمكن
بس ترجع له ما اعتقد
ناطرة اللي بتكتبينه
ابي اسمع عن تجربتج
يمكن هذا يساعدني اتخطى هالمرحلة بألم اقل
عذبة
انا في انتظار لحظة الإنطفاء
كثل ما سميتيها
متعبة
لكن بالنهاية اكون شريت الزين
وانتى ليش مو نايمه لما الحين
فانكوفر
مادري شاللي ضحكج
بس صح
وتمضي
الله يالزين
انا شخصيا ما ارضى
اقصد ما ارضى انج تتأذين
احب اشوفج مستانسه
بالجاويه باللاويه
ابيج تستانسين عاد انتي كيفج
:)
مساالغلا للغالين
غاليتي زوزوتا
صدقيني بكرة غير..بكرة في شمس بتشرق من يديد..شمس الامل والتفاؤل..وصفاة النفس
ولقيا الروح
بس انتي قولي
يارب
وبتشوفين
الله يخلي ايامج كلها
راحة بال
آمين
دمت بحب وود ابدا
:)
nالزين
عندما يتفق العقل والقلب
فذاك هو الحب الأبدي
.
.
.
يا الزين حوارك حوار قلب كل بنت
أحبت
وانهكها الحب
حوار كل نفس أبت على نفسها الذل
الاهمال
التعب
قلب كقلبك يحتاج دائما الافضل
الله يحفظك ويعينك على هذه المرحله
اجتيازها صعب ولكن نهايتها عذبه
كعذوبه روحك وكلماتك
:)
كاريزما
مساج الله بالخير
ادري فيج حاسه فيني
مرحلة وتعدي ان شاء الله
مشكوره على السؤال ووقفتج الحلوة معاي
شهد
الكلام وايد
ويبيله من يقول ومن يسمع
وقفتج معاي ما انساها يالشيخه
ترستن
دائما كلامك يثلج صدري يا ترستن
الله لا يحرمنى من حرفك الحلو
الستاذ بلاليط
الروع وجودك عزيزي
ومساء الورد
magnoonah
مساج الله بالخير يالغالية
دامج سبقتيني
علميني شلون اعديها
علميني
الله عليج
ذبحتيني بكلمة لشي منى
يا بعدهم كلهم والله
مناف
بالجاوية باللاوية
:)
بتعدى
وبتصير ذكرى
وهانت يالطيب
فراوله
يارب صبر جميل والله المستعان
استكانه
قاعده ارد على السريع
احس انى متعبه
وكأني ابي انحاش بأي طريقه
بس ما حبيت اترككم من غير ما ارد على كلماتكم الرقيقه
مشكوره من قلب
على كل كلة حلوة شديتي فيها من ازري
وعساه وصل ما ينقطع
كلامك حلو اوى
تحياتى
إرسال تعليق