.

تحذير : هذه المدونة تخضع لقانون حماية حقوق الملكية الفكرية ونحذر من نشر أو نقل أي نص أو مقال للكاتبة.. دون نسبه للمؤلفة.. في أي وسيلة

24.7.07

انا قلبي يحاسبني ..... الزين


قلبي يصرخ ... ذبحتيني ... قطعتي عروق ترويني

ابي فلان ... يداريني .... يحس فينى.... ويسقيني

ابي بدينج ترجيعلي هوى سنيني

تبيني ارجع

تبيني لذباحي انا اتبع

تبيني اسامح هوي فلان

تبيني اعيد اللي كان

افاا يا قلب

ترضاها لو الأيام دارت بي وكسر فيني

ترضاها اصير لواحد عمره ما يحس فيني

ترضاها اكون لواحد قلبه ما يدفيني


قرارج انتي اللي نجل فيني

نسى انه هوي يومي

حشى يوفي

نبضى اللي يدق فيني


عجيب امرك

انت اللي شكيت جفاه

انت اللي ماطاوعك قلبه ..... وهواه


انا ادري بعلومي وعلومه

ولو نسى هوى روحي مالومه

أبيه يمي يكون مرتاح

ابي ايامنا افراح

ابي اصير له صندوق .... وهو المفتاح


اكيد ينيت

اكيد انك مشتقاق له حيل الحيل

ترى فلان يا قليبي غنى عنا

ودروبه ماهي صوبك ولا يمنا


ما اصدق ...

ما اسمح لج احساسي تجذبينه

صج يالزين ؟؟ قدر ينسى


اجل ينسى


لا تقولين

انا ماقول ... وجفوته كل هالوقت هي اللى تقول

تبي اذكرك

تبي اعد لك

تبينا نقص اللي صار

حجي واسرار

تبيني اذكرك بالرجوى والإلحاح

يوم غط عني هواي ايام

حبيبي انا قلبي صار ملتاع

ابي اسمع صدى صوتك

يقول لي صار

ويغيب عني دهر وامرار


واحساسي بذاك الوقت

كأن الدنيا صارت هو

وهو ناسي

هواك جاسي

دمر كل احساسى

هقيتك عزتي وناسي


تلومينه

تلومين اللي كنتى سهله بيدينه

تلومين اللي قلتي الآه.... وانتى تذكرينه

تلومين اللي حلمت معاج في يوم تلمينه

وتاخذينه باحضانج لدنيا لونها وردي

تحسبينه ... بالألوان يحس فينا

تراه اعمى ما يبصر

النيرة اللي بيدينه


تعب فكرى وانا ادور له اعذار

اقول منى اللي صار

الوم نفسي ومالومه

مع اني اعرف علومه

مع اني كنت متأكده هواه بياع

اشوف عيونى تنادي له

تشكي له... ليالي طوال


حلفت يالزين ما أدري شعلاجى

ابي انساه

ابي اسلاه

ابي احيا بلا ذكراه

عطيني وقت

اكيد بقدر ..... اكيد بقدر

وعلى جروحي انا بصبر

يبي لي اسبوع مو اكثر

احس بغيبته واحتر

وبعد الإسبوع

بيرد قلبج يورد و يزهر

ويفرش لج بساط اخضر

الا يالزين وزين الزين

بخليج تفرحين اكثر

يوم انساه وبعد واسلاه

وادور من يسد فرقاه
وعلى بعاده....... انا بقدر


















هناك 30 تعليقًا:

shakshaka يقول...

life moves on and so do we .. kelshay 9a3ib eb bedayta laken m3a elwagt bekon mojarad thekra ..

Unknown يقول...

حديث بين العقل والقلب جميل جدا وعجبنى فعلا محاولات الاقناع والترجي
:)
بالاخير افضل ان العقل يغلب لانه هو من يقود للصح دائما

1001 Nights يقول...

To be honest I think the one party missing in this conversation is the ego. It's her ego talking in the end and saying she will be just fine. That's one of the best or worst things about having pride - it can get a person angry enough to get over almost anything or fight almost any emotion. Inshalla she'll get someone as romantic as she is without being "la3abi".

الزين يقول...
أزال المؤلف هذا التعليق.
الزين يقول...

1001 nights

I hope so 2

:)

الزين يقول...

Mishari

القلب سلم مفاتيحه للعقل يا مشارى
ودايما بالنهاية العقل اهو اللي له السطوة
المنطق اهو اللي يحكم

وانا اقول ان الزين خذت قرار صح
والله يقويها

محـــــارة يقول...

زوزوتا مادري الزين المهم مبدعتنا

يالغاليه كلامج الي كتبتيه وحسيتي لحظاته عجيب غريب لأنه بقلب كل بنت حبت ونفس النزاع والنقاش بين المشاعر وقلبها وبين عقلها والمنطق

صدقيني مسألة وقت وراح تقدر أنا ادرى وربي يمكن لو صار شيء عقب وحاول قلبها يدور حجه لرجوع ترجع بس بنفسيه وعقل يختلف

بوستج خلاني أفكر أكتب بوست عن هالجانب بس راح أعطي الموضوع ايام وعقبها أقدر أخذ قرار يرضي كل الأطراف داخلي

تسلم إيدج وقلبج وأحساسج ويارب يرد لزين منهو يوزنها ويحس بنيره الي بدينه

عَذبة يقول...

الزين
:
ماتعانينه الآن
تماما
كمعاناة الاعراض الانسحابية للمخدر من دم المدمن
.
قلبك ادمنه
وعقلك يكره هذاالادمان
..
فترة وتعدي
وستتفاجئين
يوما

كيف ينطفئون
!
كيف ينطفئ كل هذاالاشتعال بداخلنا
!
وتصبح ذكراهم
كذكرى جرح التئم
ولم يترك على الجلد سوى علامات باهته
لاتؤلم
!
أجمل مافيه
انه يلهمك بالكتابة
..

صباحك هنا وراحة بال يالزينة
..و
اغفرلي كتابتي الغير مترابطة
فأنا لم اجد للنوم طريقا حتى الآن

كوني بخير ..

vancouver يقول...

وتمضي الحياة


















نعم... نعم .....

تمضي
:))))

charisma يقول...

صباااح الورد كله

الله يعين
هذى اصعب واقسى مرحله
مو بس عشان انج تحبين
هم التعود
تعودتى على وجوده

تذبح هالمرحله
بس الايام كفيله انهى اداوى
الله يعينج
:(

ترضاها اصير لواحد عمره ما يحس فيني
ترضاها اكون لواحد قلبه ما يدفيني



هواك جاسي
دمر كل احساسى

مشكله بيدهم هالشى
بيدهم يزيدونا وبيدهم يحطمونه

:**

SHAHAD يقول...

وبإذن الله راح تقدرين
دامه ما يستاهلج .. اكيد راح تقدرين
شغلي وقتج ولا تعيشين لحظة تفكير فيه
ترى الحنين قوي .. بس انتي اقوى ان شاء الله
موفقه حبيبتي

TReSTeN يقول...

الزين اشلووونج وشخبااارج

اتصدقيين كلامج عور قلبي

صعب تتحب شخص مايحس فييك والاصعب انك تشتاقله

وصدقيني الفرااغ الي نمر فييه اهوا الي يخليينا نشتااااق

ونفس مااقتلج اول انتي تستااهليين وااحد يحفظ لغة الفلووب

ويفهما ويهمس فييهاا علشاان يروي مشااعرج

ومشكوورة

Abdulla Al Ameri يقول...

حديث و لا اروع

فعلا اعجبني

اووه نسيت

صباح الخير

magnoonah يقول...

صباح الانوار

للزين الاحلى من كل شي زين

انا سبقتج

مو قلت لج نتشابه

ما اراح اشرح شلون مع الوقت بتعرفين


احب ااكد لج العقل قبل الروح والقلب راح ينتصر الا انه فيه خساير لانه محد يدخل معركه ما يخسر فيها شي

بس القوي الي يحول خسايره الى شي يقويه ما يهد من حيله

ومثل ما قلت لج سبقتج

ورجعت غير

لانه القرار صح ولانه ما يستاهل وكان لازم اوقف بنص الدرب وارجع

ما اقدر اكمل شي عقلي يقوللي انه غلط

صعب اعيش التناقض خصوصا بداخلي


حوارج كان روعه مثل احساسج الرائع
الله لا يحرم قلبج هالاحساس
لانه فيه ينبض

ولا تندمين على شي ماعرف قدرج
لانج اهم من كل شي

بالنهايه

السفينه بتمشي فينا ولا من دونا

واكيد بترسى

تحياتي لشي مني
:)

الزين يقول...

shakshaka

صح لسانج يا الشيخه
اول مرور لج واتمنى انه ما يكون آخر مرور

نورتينا

الزين يقول...

عزيزتي محاره

انها ترجع تحن له
تشتاق له يمكن
بس ترجع له ما اعتقد

ناطرة اللي بتكتبينه
ابي اسمع عن تجربتج
يمكن هذا يساعدني اتخطى هالمرحلة بألم اقل

الزين يقول...

عذبة

انا في انتظار لحظة الإنطفاء

كثل ما سميتيها

متعبة
لكن بالنهاية اكون شريت الزين

وانتى ليش مو نايمه لما الحين

الزين يقول...

فانكوفر

مادري شاللي ضحكج

بس صح
وتمضي

MANAF يقول...

الله يالزين

انا شخصيا ما ارضى

اقصد ما ارضى انج تتأذين

احب اشوفج مستانسه

بالجاويه باللاويه

ابيج تستانسين عاد انتي كيفج

:)

فراوله يقول...

مساالغلا للغالين
غاليتي زوزوتا
صدقيني بكرة غير..بكرة في شمس بتشرق من يديد..شمس الامل والتفاؤل..وصفاة النفس
ولقيا الروح
بس انتي قولي
يارب
وبتشوفين
الله يخلي ايامج كلها
راحة بال
آمين
دمت بحب وود ابدا
:)

esTeKaNa يقول...

nالزين

عندما يتفق العقل والقلب
فذاك هو الحب الأبدي
.
.
.
يا الزين حوارك حوار قلب كل بنت
أحبت
وانهكها الحب
حوار كل نفس أبت على نفسها الذل
الاهمال
التعب
قلب كقلبك يحتاج دائما الافضل

الله يحفظك ويعينك على هذه المرحله
اجتيازها صعب ولكن نهايتها عذبه
كعذوبه روحك وكلماتك
:)

الزين يقول...

كاريزما

مساج الله بالخير
ادري فيج حاسه فيني
مرحلة وتعدي ان شاء الله

مشكوره على السؤال ووقفتج الحلوة معاي

الزين يقول...

شهد

الكلام وايد
ويبيله من يقول ومن يسمع

وقفتج معاي ما انساها يالشيخه

الزين يقول...

ترستن

دائما كلامك يثلج صدري يا ترستن
الله لا يحرمنى من حرفك الحلو

الزين يقول...

الستاذ بلاليط

الروع وجودك عزيزي

ومساء الورد

الزين يقول...

magnoonah

مساج الله بالخير يالغالية
دامج سبقتيني
علميني شلون اعديها
علميني

الله عليج
ذبحتيني بكلمة لشي منى
يا بعدهم كلهم والله

الزين يقول...

مناف

بالجاوية باللاوية
:)

بتعدى
وبتصير ذكرى
وهانت يالطيب

الزين يقول...

فراوله

يارب صبر جميل والله المستعان

الزين يقول...

استكانه

قاعده ارد على السريع
احس انى متعبه
وكأني ابي انحاش بأي طريقه
بس ما حبيت اترككم من غير ما ارد على كلماتكم الرقيقه

مشكوره من قلب
على كل كلة حلوة شديتي فيها من ازري

وعساه وصل ما ينقطع

Doaa Ebrahim Aaql يقول...

كلامك حلو اوى
تحياتى