.

تحذير : هذه المدونة تخضع لقانون حماية حقوق الملكية الفكرية ونحذر من نشر أو نقل أي نص أو مقال للكاتبة.. دون نسبه للمؤلفة.. في أي وسيلة

21.7.07

يا متلف الروح .... الزين كلاكيت آخر مرة


هو : نايمة
الزين : اهمممم .... وقاعده احلم بعد
هو : اكيد حلم قوي .... والرقابه مقطعته
الزين : @@ .... فلان ... اخاف انت اللي مو صاحي .. نايم
هو : ههههههه لأ .. اطفرج عشان تصحصحين
الزين : صحيت خلاص .... انت تدري الساعة جم
هو : ايه ادري ..... ابي اكلمج
الزين : خلها الصبح بليييز
هو : انتى مو تقولين صحيتي ... خلاص
الزين : اوكي ... خير .. قول شعندك
هو : يومين اكلمج وماتردين علي
الزين : ماعندي شي اقوله
هو : من متى
الزين : فلان ... قول اللي عندك من غير مقدمات
هو : الله يالنفس ..... شدعوة يبا ... شنو اللي صار يستاهل كل هالزعل
الزين : ماصار شي ... وماني زعلانه ... بالعكس انا مرتاحه
هو : اشتقت لج ... فقدتج وايد
الزين : انت وينك فيه
هو : الشاليه
الزين : اشوف المزاج مضبوط
هو : مزاجي مضبوط لأنج رديتي على
الزين : اووووه .... كلام يديد
هو : اليوم سمعت اغنية وطريتي على بالي
الزين : أي اغنية
هو : يا متلف الروح ... ادري شكثر تحبين السامري
الزين : والله ماخذ بالك
هو : اكيد ماخذ بالي ....زيون الجو عجيب على البحر .... ياليتج تشوفين القمر
الزين : يا بختك
هو : قولي لي شسويتي بهاليومين
nothing much الزين : المعتاد
هو : زين .... شفيج
الزين : شفيني ؟
هو : انتى لما الحين زعلانه
الزين : قلت لك ماني زعلانه
هو : شنو يرضيج .... شنو يرجع زيون القبلية
الزين : هذي انا ما تغيرت
هو : ماكنتى جذيه
الزين : انت سويتني جذيه
هو : تيين نلعب لعبه
الزين : ههههه ... فجأتني
هو : جد .... تيين نرجع يهال
الزين : وبعدين
هو : نطلع نلعب يميع
الزين : بدون قيود ... بدون تحفظات
هو : بدون مشاغل ... مثل ما تبين
الزين : شنلعب؟
هو : هممممم ... شنلعب؟
الزين : حيلة .... عنبر ..... هياااا .....نلعب عنبر
هو : ههههههههه
الزين : بس اخاف تعورني بالكرة
هو : افا عليج .... قبل لا احد يعورج ... اقط روحي عليج

الزين تتنفس بعمق


هو : شفيج سكتي؟؟؟؟
الزين : فلان ..... احنا شقاعدين نسوي
هو : نسولف
الزين : وبعدين
هو : شنو اللي بعدين

هو : يعني ما رديتي
الزين : ما تشوف ان هالكلام ييه متأخر ... مثل مطر الصيف لا يروي ولا يخضر
هو : حيرتينى يالزين .... ماني عارف شتبين
الزين : مابي شي .... خلاص ... مابي شي
هو : شتقصدين
الزين : اقصد اللي فهمته
هو : زين ... انتي عارفه شنو قاعده تقولين
الزين : ومتاكده من قراري
هو : تبيني اطلع من حياتج
الزين : احنا مانصلح لبعض ... عمرك ما راح تقدر ترضيني ... وعمرى ما راح ارتاح معاك ... انت يا فلان من عالم وانا من عالم ثاني .... وانا تعبت ... ومليت ... والسالفه كلها ما عادت تهمني مثل الأول

هو : شنو اللي صار حق هذا كله ... انتى ليش مصرة تكبرين الأمور
الزين : بالعكس انا قاعده اعطي الأمور حجمها مو اكثر
هو : هذا آخر كلامج
الزين : ايه
هو : اوكي .... الله يوفقج ............. في امان الله
الزين : بحفظ الله
هو : زين ..... ... ابي منج شغلة قبل لا امشى
الزين : تفضل
هو : اذا احتجتى أي شي .....أي شي .... لا تترددين تكلميني .... عديني اخو من اخوانج
الزين : تسلم .... اكيد اخو ..... مو اكثر
هو : اخليج
الزين : الله وياك



هناك 44 تعليقًا:

غير معرف يقول...

غدا الشر
والف حمدلله على سلامتك
:)
بس

تخلى بسهوله كأنه ماصدق
!!
لا ويقول عديني واحد من اخوانك!!


بس تدرين
انا رحمت حاله

اسمحي لي على هالكلمه
هو غبي

وبيظل طول عمره

غبي
والمقروده اللي بياخذها

:

:)
تحياتي

**
كنت احب متلف الروح بصوت الشيخ محمد عبدو

بس كرهتها الحين
:كوكا:

محـــــارة يقول...

شنو هالخاتمه زيون :( لااااا

بس بردون أكيد أعرف سوالف انتهينا ومليون مره عقبها يدورون شيء عشان يردون مو بسهوله تنقطع علاقة جذي

وأنا ما أحس أنه يلعب يحبها بس مو فاهم لها .. أو يحبها وفاهم لها بس ماعنده حل منطقي للي تبيه مايبي يشغل مخه يبي يعيش يومه معاها ومع حبه بس

الحب غريب الأطوار مانقدر نقيس مصداقيته حتى لو ماتمت النتيجه الي على الأقل أطالبها كل بنت تحب وهو الارتباط

على العموم الله يكتب لهم الي فيه خير مع بعضهم ولا كل واحد بروح .. تأثرت بالنهايه بس تصدقين قايم سوقها هالأيام .. مادري ليش الحب ما صار له احترام ولا استذباح مثل قبل

esTeKaNa يقول...

!!مثل مطر صيف لا يروي ولا يخضر

حقيقه احساس
قرار مصيري
نتخذه في لحظة قوة
وفي لحزة ضياع وألم نجرع من حيث ابتدأنا
.
.
الزين كنز
واحساسها تعدى المجره
معقوله عن هذا الكنز يتخلي؟
وتكون قمة القمة لديه انه اتصل يومين دون رد؟
عندي احساس الزين دقت اكثر واكثردون رد
!!
ماهي نهايه
هذي بدايه
وربج اعلم بعدها شنو بيصير


استمتع برقيك
وفي قراءة فيض احساسك
دمتي بحب
:)

Mishari يقول...

احسن وتكسر وراه قلة بعد

قوليلها مشارى يقولج الريال لما يكون ريال مو يتصل ويقول خل نلعب

الريال يقول اذا وحدة اطق الباب واتزوجها وخصوصا اذا كان بعييييييييييير
يشتغل ويعتمد على نفسه مو يحط مليون عذر
والزواج رزق

وكلام التليفون الزايد لعب ما منه فايدة

ZoZOta يقول...

عزيزتي كوكا

الله يسلمج

تجربة وعدت

ZoZOta يقول...

محاره

هذا الواقع رضينا ام ابينا
نهايتهم اهدى من بدايتهم

بس انهم يرجعون
ما اظن

قطت وراه سبع حيرات

بس تصدقين ارتاحت
من القلق
من الضغط النفسي
ومن سؤال: يحبني لأ ما يحبني

ارتاحت من هالتعب كله

ZoZOta يقول...

عزيزتي استكانه

يمكن بدايه لها اهي
عشان تختار صح هالمره

وتبطل تتعلق بالأحبال الذايبه

قصة الزين يا استكانه اكتشفت ولقيت انها قصة بنات وايد مثلها
حبوا وعطوا ولقوا نفس البرود
واللي يسمونه الرياييل ثقل

اثقل يا وليد
خلها تركض وراك

خل الثقل ينفعهم

ياما رياييل خسروا بنات مثل الورد لأنه سمع كلام صاحبة لما قاله له اثقل عليها
لا تخليها تمشيك

والعكس صحيح

انا ما الوم طرف واحد

بس عقب اللي شافته الزين
اعتقد ان الحب معركه
يا نخسرها يا ننتصر
وللأسف الخسارة دايما تكون من نصيب البنت
خل نقول غالبا

البنت لما تحب تلغى كل الإعتبارت
الولد يضل يحسبها
ويضل متسمك بحياته ويبي يحب بنفس الوقت
ما يبي شي يتغير عليه

واذا طلبت اكثر
قال لها حياتي
ما ابي اغيرها

مرتاح جذي
والأعذار وايد

تقدم البنت تنازلات في حدود المسموح فيه طبعا
واهو ما يبي يضحي بساعه زمان تكون لها اهي وبس

شبابنا بخيلين يا استكانه
بمشاعرهم
وعطائهم
ويقول لج انا اكلمها واعيش لي جم يوم وبعدين اقول حق امي تخطب لي

:)
هذا اهو اللي حاصل
فلا بلا حب بلا خرابيط

خل نكون واقعيين
شباب الكويت يصلحون للزواج وبس
ويما خطبي لي
مو يمه احبها وابيها
ما يملكون الشجاعه
ما هم عنتر ولا قيس ولا ابن زيدون
ما يعرفون يحبون
وما انخلقوا حق الحب
كرة ، ديوانية ، شاليهات وسفرات وخرابيط يمكن
بس مو للحب
خلى الحب حق اصحابه

مع اعتذاري للقلة النادرة منهم اللي عندهم المقدرة على تذوق هذه المشاعر

هذا الزين بفلسفتها اليديده

ودمتى بحب
:)

ZoZOta يقول...

أي عليك يا مشارى

عين الصواب

بلا تليفون بلا خرابيط
:)))))

بس شنسوي بشبابنا اذا يحبون اللعب اكثر من الجد

وامي قالتها

راحو رياييل ينطحون الدروازه
وما بقى إلا رياييل المطنزة والعازة

وسلامتك يالشيخ

charisma يقول...

يعجبنى الحزم وحظور العقل
نعم التصرف
ونعم القرار
:**

مشارى

لوووووووووووووول
خابزهم وعاينهم انت
:))))

(روح) يقول...

اختي..


اعذريني



يوما ما ستفهمين

ما دار في نفسي


مااجهض حرفي
قبل تمام 9 شهوره


ستفهمين..


وحتى ذلك الحين اقول لك

"

هو : اخليج
الزين : الله وياك
"

ببساطة؟
بسؤال
وكلمتين


انتهت قصة ما؟

قد تكون هي الدافع
لكل حرف

وكل فاصلة هنا؟؟

لي عودة

لكن بلا وعد

قد تغلبني اوقاتي



كوني بخير

متعافية

فراوله يقول...

مساالاحاسيس المرهفة
غاليتي زوزوتا رغم الالم ولاكني تبسمت مع
انهمار تلك الدموع استبشارا بابتداء يوما جديدا ومشرقا باشراقة يوم تكون فيه الحياة غير الحياة
والوجود غير الوجود
والمشاعر اصدق وانبل من اي مشاعر عاشتها الزين لشخص لن ولم يعرف بيوم ما قيمة ذلك الحب الطاهر النابع
من قلب طفولي شفاف بشافية ونقاوة السماء بيوم جميل
فالتحمد الزين الله تعالي علي كل شي
ولتستبشر بان الدنيا لو خليت ...خربت
دمت بطهر وحب وود
وصفاء
ابدا
غاليتي
:)

TReSTeN يقول...

اهلييين

زيزووو

انتي بصرااحة تستااهليين احد يششيلج على كفوووفه

ويفدييج بكل شي ويحفظ قوااميس كل اللغاات عربية انجليزية فارسية اسبانية فرنسية

برتغالية

كاتلونية

بس علشااان يقووولج كلاام حب ويفييدج بكل اللغااات

ZoZOta يقول...

عزيزتي كاريزما

كان لازم العقل يحسمها بالنهايه
بعد ما تعب القلب واهو يطحن

هذى حال الدنيا
ودوام الحال من المحال

:)

SHAHAD يقول...

أخيييه على هالحب
يتعب القلب ويجرحه أكثر من إنه يسعده
أكيد بتلقى اللي يستاهلها
وأكيد بييله يوم ويفهم سبب هالنهاية
اضظريت اقرا البوستات اللي قبلها كلها.. لتغيبي عنهم
وفعلا استمتعت بكل بوست
يعطيج العافية

ZoZOta يقول...

عزيزتي روح

تصدقين عندي نفس احساسج
اجهض الحرف
ما عدت قادره اكتب
كأن الكلام ما عاد يوفي
ماعاد يريح
ما عاد يعني شي

امر بظرف صعب شويه
حتى الكلام عندي صار صعب ينقال

افكر اوقف لوهلة عشان ارتاح
يمكن اقدر استرجع نفسى
ويمكن نفسي تسترجعني

احس ان دمي ثقيل
وما احب اثقل عليكم
تعودت اشيل الهم لحالي
وما احب اشيل غيرى همي

ما تعتلي هم يا روح
كله ماشي

اتمنى اشوفج عن قريب
اذاما شفتيني قبل

لك منى كل القبل

ZoZOta يقول...

غاليتي فراولة

هو اكيد بداية يوم جديد
عمر جديد
بس شمسه بعدها ما اشرقت

ناطرتها على احر من الجمر
وبتعدي يا فراوله
ونصيبنا بيصيبنا
وكله منيح
كتر خير الله

:)

ZoZOta يقول...

ترستن

طلتك اليوم بالدنيا
بشرني عنك يا خوي
ان شاء الله احسن

مشكور على مشاعرك الرقيقه بكل لغات العالم
بس ما اعتقد اني بحتاجها لسبب واحد
ان لغة القلب وحده
تنفهم من غير قواميس

كلامك رفعني فوق يا ترستن
مشكور
عن جد مشكور

دمت بعافية

ZoZOta يقول...

شهد الغالية

الحمدالله على السلامه

اذا يت على اخيييييه
اخيييييه لين باجر

صج الطيحه تعور
بس تدرين شنو احسن شي فيها
لما تردين توقفين على ريولج وتحسين انج صرتي اقوى

وتعرفين وين طحتى
وليش طحتي

وتاخذين حذرج بالمره اليايه

وكل طيحة بتعلوم يا شهد

:)
ماعليه غيرنا بالمثل

(روح) يقول...

فهمتيني صح
كلامك

كأنه عني انا..
ربي يفرج كربتك

ويريح بالك



ويهدي سرك



يحفظك ربي

يالغالية..



دعواتي معك


واعذري قصوري


بس غصب عني

ZoZOta يقول...

روح

حبيبتي
مانج قصور

الله يكون بالعون

ترى كل ليل له آخر
ودايما الصبح له طعم آخر رغم جمال الليل
ولولا الظلمة ما عرفنا قيمة النور

لا تقطعين حبيبتي
ولا تتعذرين

بس طمنيني عليج بين الفتره والثانية

a7La eNG يقول...

في مثل
كلن له نصيب من اسمه

الــــزيــــن

امرأة حقيقية
شرت نفسها
واحساسها و لحظاتهااا

غيرها ممكن يعيش الوهم و يقص على روحه
:)

اهيا لا

قوية .. قرار صعب و يعصر القلب لحظته

بس اللي يسوي جذي .. يحب ذاته حب صح

و يعزها صح

حبيتها انا و كل شي له نهاية

و نهاية الزين كانت صح

:)

Fahad Al Askr يقول...

بالبوست اللي طاف وقفت مليا أمام كلمة "أنا بفل"، وفي هذا البوست تأملت "إحنا شنو نسوي" و"أخو مو أكثر" بصراحة بقدر ما عبرتني الجمل والكلمات، بقدر ما فتحت جروحا عجزت انتظر اندمالها

لكن بالنهاية اللي مافيه خير تركه ترى أخير

ZoZOta يقول...

احلا مهندسه

صعب ومر القرار

تحسين روحج تفرفر

تحسين قلبج يشتكي من قسوتج
يحاربج
وده يفر من صدرج

بس بالنهايه
تدوسين على كل هذا عشان تحفظين نفسج من الكسرة الأكبر

وعشان هذا القرار الصح
وعشان تشترين نفسج
ولأن عندج يقين
ان في مكان ما
في يوم ما
بتلقين الله يوفيج حقج
ويطيب خاطرج

اكيد اهو موجود

ZoZOta يقول...

احلا مهندسه

وانا حبيتج اكثر

هدوئج بالطرح يركد الراس

:)

لا تقاطعين

ZoZOta يقول...

اخوي فهد العسكر

كل من يغني على ليلاه
وكل من يشوف القصه من زاويته وتجربته
وكل من له بهالحكاية نصيب

وكل من له وجهة نظرة

تركته
تركها
تركوا بعض

السالفه كلها نصيب يالطيب

والطيبون للطيبات

واتمنى يكون فالك طيب يا فهد

لا تقاطع

عثماني يقول...

مساج الله بالخير زوزوتا

تصدقين !!؟

انا اعجبتني النهاية

ZoZOta يقول...

عثماني

يا حيا الله من زارنا

ممكن اعرف اسبابك
وشنو اللي عجبك بالنهاية
اذا سمحت

ابي اسمع وجهة نظر الجانب الثاني
الجانب الخشن من قرائي

7osen يقول...

الزين

يعني خلاص إنتهى كل شي

؟؟

ZoZOta يقول...

انتهى المشوار يا حوسن

:)

وكل من في طريجه سار

انتهى

sologa-bologa يقول...

مو قلنا

عين ما صلت على النبي


ودمتم بحب وود

محض روح يقول...

مش عارفه الخاتمه مش زي ماكانت في بالي
انتي فيكي شئ المره ديه

كان عجبني الحوار من الاول
بس كنت ديما حسه ان فيه حلقه ناقصه بين الشخصيتين دول
فيه تباعت
وده الي وصل للفراق السريع

بس ليه حسه ان لسه فيه امل
هو فيه ولا انا عندي امل زياده

على العموم مبسوطه انك عرفتيني على البلوج بتاعك
جميل فعلا

ربنا معاكي

عثماني يقول...

هلا بزوزوتا الغالية

انا اقولج اللي عجبني... و باختصار و بكلمة وحدة

العقل

او تحكيم العقل

دايما ما تجرفنا مشاعرنا الى مناطق بعيدة ...مجهولة ... و موحشة

و لكن العقل يكون بالنسبة لنا هو طوق النجاة... ولازم نتمسك فية لان متى ما فلت من ايدنا ...خلاص

يمكن يكون كلامي ابعد ما يكون عن الرومانسية...لكن اشفايدة الرومانسية بدون تحكيم العقل

و دمتي اخيتي الغالية

Vancouver يقول...

راحو رياييل ينطحون الدروازه
وما بقى إلا رياييل المطنزة والعازة



صدقت الوالدة وصح لسانها
bravoooo

مو الكل اكيد
مو الكل
بس واااايد تنطبق عليهم هالمقولة




الانسانة اللي تعز نفسها
تلقى الكل يعزها

بس اللي ترخص نفسها
حتى الرخيص يعافها
وهذي الكويت صل على النبي

:)

ZoZOta يقول...

سلوقا بلوقا

اول مره تضبط العين
والحسد اييب شي زين

:)

صدقنى ما يستاهلها ولا يستاهل العنوة

وكل فوله ولها شيال
وبيلاقي شياله اللي يناسبه
وبيعرف قدر الزين

وتلاقي شيالها
وبتعرف انها كانت صح لما تركته

ZoZOta يقول...

محض الروح

انتى كنتى فين
وحشتيني

اقولك حاجه
انتى عندك امل زياده حبتين

انها ترجع مش حكاية سهله

وانها تسمح له انه يرجع
كمان مش سهله
هو مش هيتغير
يبقى ما يناسبهاش

الزين بنت رومانسية اوي
ورومانستها بتتكسر على صخور شخصيته الجامده
هو مش عاوز يديها
وبيديها ساعات وبحساب

يعني بخيل معاها
ما ينفعهاش يا حبيبتي

اتمنى اشوفك على طول
ومتشكره على التواصل الجميل ده

ZoZOta يقول...

عثماني

صح لسانك يا خوي

العقل

العقل يحفظنا من الطيحات
من الزلات

يعلمنا باللي شارينا واللي راخص فينا

يعلمنا متى نسحب
ومتى نعطي ونحب

القلب ماهو مقياس
وحكمه غالبا غلط للناس

والزين حكمت عقلها هالمره
وشرت نفسها

مشكور يا عثماني

ZoZOta يقول...

فانكوفر

عفية عليج

join my club

انا قلتها وبرجع اقولها مره ثانية

ثلة صغيييييييرة جدا الله ممكن يعرفون يحبون ويتذوقون مشاعر الحب من شبابنا

الباجي يما خطبي لي

ما عندهم الشجاعه
يخافون من قلوبهم لين دقت
يتفاجأون ان في صدرهم شي يدق
يقمتونه
يكبتونه
تدرين ليش
عشان يبون يمشون تحت الساس
خوف ن تطيح الطوفه

والبنت اللي شارية نفسها
توخر عن هالصنف
لأنه يأذيها اكثر مما يسعدها

وسلامتج وتعيشين

1001 Nights يقول...

You are amazing! Mashala I just started reading your blog today and kept reading one thing after another. The conversation between Zayoon and the man is so raw and honest. Part of me thinks zain sawat feeh in the end. But the other part thinks that it would be great to have a husband like that because he's like a brick, very solid and unshakabLe...someone you can really depend on.

Anyway, I just wanted to tell you BRAAVO!

ZoZOta يقول...

1001 nights

welcome 2 my blogg dear

don’t you think that’s he's some how stiff and rigid
with a man like that you will die as a woman, a female bit by bit every day
and by time you will be changing to adjust with him with his way of life
until you got to the point that you became another person
some one you don’t know
living your small romantic dreams is part of your identity as a women
he will kill them 4 u with his stiffness
and believe me
if he couldn’t give u that before getting married to seek your luv
he will never do afterward coz he already had u
and there is nothing new 2 look 4
you r his
and it’s the end of the story

thank you for being here 2day
والساعه المباركه يا شهرزاد
اتمنى اني اشوفج مره ثانية

1001 Nights يقول...

Thank you for your warm welcome dear.

No I don't think he's stiff. I think he needs a lot of guidance but he's not stiff. Every once in a while he becomes gentle and shows a soft side but you only get a peek, not the whole thing. It's not the sign of someone who's stiff and doesn't have emotions, it's the behavior of someone who's not a playboy and not used to talking to women so yitidodah and he doesn't know how to react. I actually like him. I think he's genuine.

ZoZOta يقول...

1001 Nights

شوفي يالشيخه

اهو عارف اهي شتبي بالضبط
واهي من اي نوع
وقاعد يلاعبها
يعطشها لين توصل مرحلة ان نقطة ماي تغريها
ويعطيها هالنقطه
تفرح فيها وتروح له تركض تبي ترتوي
تلاقي سراب من بعده

يبيها في حالة اشياق دائمه
وعطش دائم

اهو مستمتع بهالوضع
وعاجبة حالتها
ولما حس انه بيفقدها
قط لها طعم ثاني

بس اهى كانت خلاص
طاب خاطرها
وملت العطش
ملت حالة اللا ارتواء
مو عرفه اهي وين واقفه

صار ت حياتها كلها سؤال واحد متى ارتوي
وصار الأرتواء مر

ولين صار مر عرفي انها قربت تنكسر

وهذا اللي لا يمن تسمح فيه
تدرين ليش
لأنها الزين
مو اي شي

تنسحب احسن مو جذيه؟؟

:)

1001 Nights يقول...

WOW! Ok if you say it like that it's totally different and I start to hate him. To be honest it's not clear what's truly inside him - if he knows she wants more and pretends he doesn't know or if he actually really doesn't know and needs her to explain. But given your explanation I think he's a selfish jerk who should have known the value of a woman who's in love with him.

(Bass baini o bainich hathi Alzain wayed sha3iriyia min yegdar yigaayish ma3aha? :) )

ZoZOta يقول...

1001 nights

:)))))

walla ya 7beebti

nobody could
and i think nobody can

:(

bad 4 me haaa

did u read the new one

its her heart talking 2 her stalking her bushing her 2 go back 2 him

hate this feeling
hate it

Shather يقول...

ممم

اهنييج صراحه على شجاعتج ..

اشلون قلتي قرارج بويهه

مشكله الريال يبي كل شي على راحته لي بغيتيه ما تلقينه و لي صار وحيد و يبي يونس روحه .. يركض يدورج


كأني صايره وايد اتحلطم :\