.

تحذير : هذه المدونة تخضع لقانون حماية حقوق الملكية الفكرية ونحذر من نشر أو نقل أي نص أو مقال للكاتبة.. دون نسبه للمؤلفة.. في أي وسيلة

29.1.08

سوالف قلب


ليش غيابك يعور
ليش كل ما ييت الهّي نفسي .. اشغلها ألاقي أفكاري تنتهي عند اسمك
ليش الجو ما يصير بارد وايد ولا دافي وايد الا في حضورك
ليش طعم الأشياء ماله أهمية إذا إنت منت موجود
ليش انا بكبري مالي معني الا إذا إنت عطيتني هالمعني
ليش أحس إني ضعيفة وايد جدامك
سهل ينكسر خاطري
وسهل إنت تطيبه لي
ليش أحس إن كل الحجي كله كله يصير حجي وبس إذا ماكان لك
ليش أحس إني أبي أسمعك أبي أحسك وأبي أكون وياك وبس
ليش كل ما جيت ابعد يرجعني شي ما اعرفه
شي يسحبني من دنيتي ويقول لي هنيه إنتي مكانج
كل المقاييس اختلفت عندي من عرفتك
إنت حاس فيني؟؟
إنت تدري شكثر أنا ملخبطه معاك ومن غيرك صح؟؟
حتى الأغاني اللي أحبها لين شاركتني فيها صارت أجمل
وأبحرت فيني أكثر
وغيبتني زود
ليش أحسك ساعات تتقن لعبة الهروب من مشاعرك
وساعات تنتظرني أنا اللي أنحاش
ليش مديم افشل اجمع أفكاري واكسرها حروف و إنت تكلمني
ليش الكل مهتم فيني وأنت بس اللي تهمني
شنو فيك غير؟؟
ليش اسألتي معاك صعبه وسهلة بنفس الوقت
وليش آنا خايفه من الإجابة أكثر منك
لا تجاوب
خلنا جذيه
كل الأسئلة معلقه بدون حل
مثل الألغاز
انت بكبرك لغز كبير بحياتي
ما أبي أحله
غموضه اهو اللي آسرني
ويمكن لين لقيت الحل
أفل ... وأمشي






هناك 35 تعليقًا:

Fahad Al Askr يقول...

كم يهنأ "هو" العاشق، بـ "هي" العاشقة عندها تهواه، وتهنأ "هي" الملتاعة بـ "هو" الهائم عندها يثمل بها حبا

وكم نهنأ نحن بهكذا نص

mtfa2el يقول...

نص ينبض بمبدأ
السهل الممتنع ...
و العجيب شلون معطية ظهرها للكل و مهتمه فيه ..فيه و بس
انا قتلج ابي وحدة ربعها بس

qesat_5ayal يقول...

نسأل ولا نريد الجواب

ربما تقف الإجابة عند حبنا

ربما كل الاجابات تتكون من حرفين

اولهم حاء واخرهم باء


ربما انا اجيد التمتع بالقراءة اكثر من الرد
:)



يسلملي قلبج

7osen يقول...

تدرين ليش

لأن في شي أسمه حب

ساكن فيج

**
عجبني هالتعبير حيييل
ليش الجو ما يصير بارد وايد ولا دافي وايد الا في حضورك

صراحة قمة بالوصف

مشاعرج هالأيام متحركة
أتمنى تستمر جذي

وتمتعينا بالبوح الجميل

تحياتي

غير معرف يقول...

خلنا جذيه
كل الأسئلة معلقه بدون حل
مثل الألغاز
انت بكبرك لغز كبير بحياتي
ما أبي أحله
غموضه اهو اللي آسرني


الذ شعور
:)

ابدعتى
:**

حافظك الله يالغاليه

كريزما

غير معرف يقول...

ليـــــــــــــــــش كبيرة و علامه استفهام ؟؟؟؟

كلماتج حيل صعبة على انها بسيطة حبيـــــــــــتها :*

كلماتج حيــــــــل صادقة وايد وايد

بـابـل يقول...

يسلم هالإحساس


والله كلام روعة

وبس



بابل

GUCCI-q8 يقول...

رائعه يا ست الكل :)

غير معرف يقول...

إختيارك للصور و تركيبها مع الموضوع جدا مميز
و اللون عجيب و لكن النبض في كلماتك جدا واضح فهي تعيد الشعور بالحياة و الأمل في يوم جديد لإنتظار كلمة تجبر الخاطر

ANGEL HEART يقول...

رووعه بالنسبة لي كلامج اهو اللي يعور كثر الغياب

غير معرف يقول...

بس يالزين.. اذا الواحد ما يبي يفل و يمشي.. شنو الحل؟

5roofa يقول...

زوزوتا شسويتي فيني

)':

امبييي بجيتي بجي توني يايه من حسين باجيه و اي عندج والله كسرتو قلبي
صج صج

كلمات روعه
انت حاس فيني؟؟
انت تدري شكثر انا ملخبطه معاك و من غيرك صح؟
اه يا زوزوتا اه

مادري شقول والله ببجي زياده قلبي يعورني

salamz sis...

فريج سعود يقول...

شنو فيك غير؟؟
اي والله تعال هني شنو فيك غير ؟
ليش لاعب بحسبة بنيتنا؟
ليش ماكل عقلها ؟
ليش ما تقدّر هالكلام الي لو ينقال حق صخر جان لان ؟
ما تقول لي ليش ؟؟؟؟

MKSARAT - SAYED SAAD يقول...

زوزوتا
ازيك عاملة اية
---
ليش انا بكبري مالي معني الا إذا إنت عطيتني هالمعني
ليش أحس إني ضعيفة وايد جدامك
سهل ينكسر خاطري
وسهل إنت تطيبه لي

احساس هذه العبارة راقى جدا لأنك عبرتى عنه بصراحة
تحياتي

فتى الجبل يقول...

صح لسانج
بس للأسف آنا ماحب الألغاز لأنها مجهول وآنا أحب يكون كل شي واضح جدامي
عشان جذي أحب أحل الألغاز غصب والا طيب

الزين يقول...

فهد العسكر

:)

وكم نهنأ نحن بهكذا تعليق

مشكور بو عسكر

الزين يقول...

متفائل

اييييييييييييه شفتها شلون كاشته بالكل ومجابلته

يا بخته

:)))

نسوي لك نسخه ولا يهمك

الزين يقول...

قصة خيال

وربما انا استمتع بوجودج اكثر من اللي ذكرتيه كله

:**

لا خلا ولا عدم

magnoonah يقول...

ايي
اي والله
تدرين هذا شيسمونه
اي صح شيسمونه وايد زين للروح بس متعب للقلب
عرفتي شيسمونه
اي عفيه عليج
هو هذا


اسمه الحب

الي نشوفه بالخيال بس ونادرا نشوفه بالواقع




يا زيني وانا فاهمتج ومو فاهمتج

الزين يقول...

حسين

:)

مشاعرج هالأيام متحركة

زلازل يا حسين زلاااازل

:))))

اهم شي اني اسعدتك بهذا البوح

الزين يقول...

كاريزما

الغموض وما ادراك ما الغموض

تصدقين ساعات لو عرفنا حقيقه الأشياء مثل ما اهي ما اعتقد انها بتسحرنا مثل ما يسحرنا غموضها

بالفعل شعور لذيذ

:**

الزين يقول...

منو ينسى

انا برأيي بساطة اللفظ والمفرة اسهل طريج لقلب القارئ

تصدقين

ما اعرف اتكلف بكتاباتي

وازخرف الحجي

:**

الزين يقول...

بابل

يسلم عمرك يارب

الأروع دائما هو وجودك ياخوي

:)

الزين يقول...

GUCCI-q8

:)

يا بعدهم والله

ست الكل مره الوحده

مشكور من أقصى قلبي

الزين يقول...

عتيج الصوف

حضور اول مره واتمنى ما يكون الأخير
مشكور وكلك ذوق

انا اعتبر الصورة جزء رئيسى من النص ولازم يعطيك الإحساس بالكلام قبل لا تقراه

وكلمة ولو جبر خاطر ولا سلام من بعيد
:)

كلامك صح

اتمنى اشوفك مره ثانيه
وحياك الله يالشيخ

الزين يقول...

ANGEL HEART

حياج الله حبوبه وساعة المباركه

الغياب يعنى افتقاد وافتقاد يعني حالة خواء يعني اكو شي ناقص

هالناقص هذا اهو اللي يعور اهو اللي يذبح

مكانه ، الأحساس فيه

انا شكلي بكتب بوست ثاني هنيه

:)

على العموم

خلينى اشوفج مره ثانيه

:*

الزين يقول...

سلمان

لا يفل
خل يكمل
ويتحمل
ممكن النتيجه تكون لصالحه
وممكن تيي على راسه

أخيه يا سلمان
خلص الكلام

انت وينك مختفي؟؟

الزين يقول...

خروفه

يا ربي عليج
انتي متى بقسين عودج
موزين يا بنتي
تمرضين تالي
قسي قلبج شوية

ترى مره ثانيه اذا كتبت بوست من هالنوع

بحط تنبيه
"ممنوع دخول خروفه"

:))

الزين يقول...

فريج سعود

:)))))

بدعت هالمره بدعت

ابيه احس انك محتر عشانى من قلب

لا خلا ولا عدم يا بوسعود

الزين يقول...

مكسرات سيد سعد

ياااا أهلا وسهلا

انت فين ياراجل

مشغول عني بأيه

هالمرة ما احتجت ترجمه؟؟

:)))

ما تغيبش كتير

الزين يقول...

فتى الجبل

يمكن ساعات في شغلات نفضل نتركها بدون حل
بدون اجابة

لأن اجابتها راح تعورنا اكثر
نضل مستمتعين بالحلم

الى ان يأتي ما يرجعنا الى الواقع
وممكن هالواقع ما يكون على هوانا

ليش نستعجل

:)
عيش الحلم

الزين يقول...

مجنونه

!!!!!!!!!!!!!!
؟؟؟؟؟؟؟؟؟؟؟؟؟؟

صج
جذب
حلمانه

مو مصدقه عيوني
من وين طلعتى
وشلون علقتي

ازين شي بالموضوع انح فاهمتني

وهم مو فاهمتني

:*******

قرت عيني يا بعد عيني

Shaima'a Alkandari يقول...

اخييييييييه على هذا الكلام اللى يعور القلب ياوخيتي

استمتعي في اللغز هذا ولا تفكرين بالحل

الزين يقول...

شيما

ياهلا ومرحبا
وين هالغيبه
زعلانه؟؟
شرهانة؟؟؟؟

نطيب خاطرج افا عليج

:**

اللغز ابتدى يعور ياشيما
وصار يبيله حل
انا ما احب الأمور المعلقه

لا تغيبين

esTeKaNa يقول...

ليه قلبي ما لقا لبرده دفا الا دفاك
ليه انا عيني تشوف..
وما تشوف الا بهاك؟

ليش في عز الغياب
وفي دنيا البعد
ياخذني شوق قلبي لدنيتك
واسرح بعالمي وعالمك
وافكر بليش...وليش وليش؟
ليش ندمن ذاك الوجود
ونظل نتلذذ بالغموض
!!
ليش لي اتفقنا على تفاصيل الغياب
واقتنعنا لا حل سوى الفراق
وقفى كل منا لعالم ثاني
نبتعد
ونغيب
ونصارع شوق في قلوبنا يزيد
وفي عز الغياب....نرجع من غير سبب؟
كل الجواب لخبطة
تفسر كل ليش
وتجاوب كل سالفة قلب

الزين...هذا البوست غير
تدرين ليش؟
لانه في زينه تطلق لمشاعرها العنان
لا تخضع لقواعد لغه
ولا تدقق في تعابير خياليه
هي هنا بكل احساسها وبصدق مشاعرها
تقول ليش
وتخلينا كلنا نعيش الليش ونجاوب ونفكر ونحس

بوست عجيب:*