.

تحذير : هذه المدونة تخضع لقانون حماية حقوق الملكية الفكرية ونحذر من نشر أو نقل أي نص أو مقال للكاتبة.. دون نسبه للمؤلفة.. في أي وسيلة

15.1.08

أحبه .. أبيه


جلست بجانبي
تحكي لي القصص
تشاركني ألمها ضحكاتها مخاوفها حتى أنفاسها وتنهداتها
تخفي الطفلة برداء امرأة عاشقه
تطري اسمه بين سالفه والثانيه
اهو قال ... اهو سوي ... فلان يحس ... فلان يعرف ...
لا حديث لها سوي فلان
اتراها تحبه؟؟؟
لا بل تعشقه .. تعشق حتى عيوبه وزلاته
لم يخلق بالعالم كله لها رجل سواه
رغم التعب ... رغم الشقاء .. رغم الجوع لحضنة والإشتياق
رغم العطش لصوته والحنين لصدره
تبحث عنه في كل الوجوه .. برائحة القهوة ... بطعم المطر.. بصوت فيروز .. بنحيب طير قد فارق الوطن وصاح يشدو على الشجر
تسرح وتمرح عيناها على ملامحي ... تتأملني .. تبحث عن هويتي .. ثم تهمس لي الشوق له
تعبه هي من الفراق ... من بعد المسافات ... مشتعلا جسدها بكل تلك الذكريات ... مشتاقة للقاء .... للهمسات ..... للمسات
تحيا كرها له مساءا وتموت عشقا له صباحا
أحبه ... ابيه يالزين ... ما أبي غيره ... حتى لو ما يبينى
هل يعلم ... هل يدرك ... انها امرأة من اساطير شهرزاد ... تعشق وتذوب وتنصهر شوقا
تبتسم ... تضحك ... ولا تصل ضحكتها لأقصى زوايا القلب
راح اعرف من الجريده انه راح يالزين
وكانت دموعها اغزر من زخات المطر في ذلك اليوم
ابي اكون يمه
ابي اعطيه من غير حساب
ابي لو راح اقول عطيته
وقفت يمه
راح واهو راضي علي .. وما قصرت بحقه
ليش مستكثر علي هالشي
فلانه .... هو يحبج ويبي يوفر عليج الألم
ألم عمرج ماراح تنسينه ولا تتخطينه
ومن قال لج اني مو عايشته الحين
انا صرت زوجته وترملت واهو بعده ما اخذني ولا راح
يعتصرنى الألم .... يقتلنى العجز وانا اراها تبحر في حزن يسحقها ولا املك من الأمر الا انا أبكي معها ولربما أبكيها
تركتني وهي على موعد مع الأنتظار عله يحن ويلتقيان ثانيه ، ولم ادرك كم تركت من الفراغ خلفها
احساس بالخواء ربما
هي كذلك ... تملكك دون تكلف وبلا رياء
احبك يا من كنت صديقتي وصحبة جميله لذلك المساء

ولن ادع قصة محدثتي دون تساؤل اقيظ جموح ما في داخلي ... تمرد على واقع مرير.. لما ذا نحب اذاً؟؟؟؟
ما الجدوي اذا كنا نبحث عن الأعذار مسبقاً حتى لا نجتمع مع من احببناه
الظروف .... المسافات ... وربما المرض .. ولا ندرك أن الظروف نحن من خلقناها وبيدنا تطويعها ... المسافات نحن من افتعلناها وبيدنا اختصارها .. المرض والشفاء من الله حين يأمر بذلك سبحانه
نحن لا نملك من العمر الا اللحظة .. فالأمس قد رحل وبات تاريخاً لا نملك من تغييره أنملة .. وغداً في علم الغيب لا نعلم من منا يحيا ومن ينهي رحلته بذنب مغفور وعمل صالح مقبول
اليوم هو كل ما نملك .. اللحظه ... لم العناء ... لماذا نجهد في اختلاق الأعذار وتلوين الأسباب وتبرير المسافات
لماذا نجعل احتواءنا لمن نحب صعبا .. واللقاء مستحيلا .. والحضن بارداً
ربما لن نكون هنا غداً ولكننا الآن معاً .. اعطني يديك .. خذني لأحضانك .. طوع الظروف واختصر المسافات
ولنكن معاً

رسالة له..... برودك ذبحني .. كسرني
رسالة لها ... عندما يغلق باب يفتح ألف شباك

هناك 37 تعليقًا:

lawyer يقول...

عورت قلبي المسكينه
يااااااه اكو احد في الدنيا يحب جذي

يموت على احد جذي

و ما يقدرونه!؟؟

مستحييييييل

اكيد يحبها بما فيه الكفايه
بس يحبها اكثر من روحه

لانه رووحه تبيها
و يمنعهااااا عشانها اهي


قعدت ادورله عذر

عشان ما اكسر خاطر هالمسكينه

عووووووووورت قلبي

روووووووووووعه البوست

يمكن قصه معبره

يمكن حدث

بس اكيد عذاب له و لها


الله يسامحه
ليش خلاها تحبه

والله يسامحها انانيه
حبت و تبي تاخذ مقابل للحب



قوليلها اذا تحبه
قوليله

ابيع العمر على شانك و لا احسب عليه حساب

و قوليله

اكيد ما تستاهلها اذا بتذبحها

و بزيد المك الف الم
عشاااااان تعبهاا


قطعت قلبي
يووووووم بجت

ممممممممم
قالتها لج؟

احبه
ابيييييه

الله يعينهااااا

الله يصبرهاا

esTeKaNa يقول...

نادرة هي!!
عشقها تمكن منها حتى بات نبض قلبها وأنفاس لروحها النقية
نادرة في زمن شح به الوفا
وبات فيه الحب أخذ وعطا
وحدها هي...تعطي دون مقابل
دون انتظار لأي شئ آخر
تحبه حتى الجنون
تشتاقه بكل لحظة
وتتمناه مع كل نبضة
!!
فراقها له مؤلم
مشوب بقلق الفقد
حذر من فجأة تخطفه الحياة منها

هي بحبها لك كريمة...
حنونه عليه كحنان أم على وليدها
ترضيه..كسعينا الدؤب لرضاء اب علينا
شغوفه فيه..كشغف وعشق الأنثى للرجل الأوحد الأهم بحياتها
!!
أكيدة أنا من عشقه لها
من حبه لكل تفاصيلها
من حرصه على عدم آيلامها
يعشقها لآخر مدى بالكون
بل أبعد..لمدى آخر لا تسعه كل كلماتنا وبلاغتنا
متألم!!
لأنه يطمح لاحتضان أحلامها وإسعادها ولكنه يعلم في أعماقه أنه ربما لن يكون قادر على ذلك!!
ربما..يشتت احساسها بمحاولات بعده
بإغضابها
بالبعد عن مدار حياتها
بتهشيم صورته في داخلها
ولكنه في النهاية لا يحبها
بل يعشقها
!!
لحظة عشق واحدة تستحق مغامرة حياة بأكملها
بحبها الوفي له
بتعلقه المجنون بها
بظروفهم الصعبه
يجعلوني أأومن بأن الحب موجود
برقيه
بقوته
بجماله
بصدقه الذي كنا نحلم به
!!
هي رفيقة ممتعه
والتفت في قلب الزين الحنون
توليفة جميله خلقت لنا كلمات ولا أروع
الله يحفظهم ويتمم عليهم ويفرحهم يارب
!!
والله يحفظج يا الزين
من يقول الزين ما يكمل حلاه؟
كل شي في الزين اكتمل
:)

غير معرف يقول...

مؤلم الأحتياج

اجار الدين كشمش يقول...

اختي الزين

الجيل ضايع يشحن من مراهقته بنت او ولد انتبهوا وتحذروا من الوقوع
في علاقه معرفه كلوز... ما نبي نقول ان الاهل يفتحون موضوع اسمه الحب ...ولكن يغلفونه بوصفهم معرفه زايده عن اللزوم !! الجيل يخرج من عمر المراهقه الي الحياة الجامعيه ..المفتوحه نسبيا
وتبدا اسطوانة البيت تتغير ..حطوا بالكم ..ترى الفلوس
هي الحياة والماديه العميه هي
ما يشغل الاسره ..لازم عنده\او عندها فلوس ..حتى وان كان فيه او فيها ..و
حتى وحتى وحتى ....كله يتسنع بعد الزواج !!!ة
لذلك الوقوع في الحب ..تجدينه يالزين مهزوز او مهزوزه
الفلوسسسسسسسسسسسسسسسسسسسسسس
حرقت كل النفوسسسسسسسسسسسسسسسسس

اما الحب اللذي ذكرتيه
انا بوجهه نظري انقرض
حتى الديناصورات ..ممكن ان نلقى
عظامهم ..ولكن ما ذكرتيه
احلللللللللللللللام
فمالله

`~MnO YeNSa! ~` يقول...

عــــــــــــــــوار قلب .. ادش عندج و اروح حق لوير لا لا متسلطيـــــــــن علي :P لا لا انا ما اقدر

المســــــافات ...
الهمســـــــات ...
احبه ابيـــــه ...

تبتسم ... تضحك ... ولا تصل ضحكتها لأقصى زوايا القلب


اصحـــــك مع هالنــــاس وبداخلي محــــروق !!


واللقاء مستحيلا .. والحضن بارد

كلمــــــــــاتك شتتني و طبعا كالعادة تبكيــــــني

charisma يقول...

ودى اقول ساج الله بالخير مودى مود وحده راهيه اليوم
بس البوست يذبح مو مال ساج الله بالخير

مال لمه ومساء الحب :**

الحب وما ادراك ما الحب

ذكرتينى بغنيه نوال

كل شى حبيبى بينتهى بس حبنا خالد صفحه تشع من البياض والله بها شاهد

ااه يا حبيبى للاسف ما بيدنا حيله هذا نصيب اقلوبنا ويا علها خيره


مرات يجسى احد الطرفين من شده عشقه وحبه للطرف الثانى واكييد تكون اسباب قويه للبعد

وهذا بنظرى اقوى انواع التضحيه

فيها موت وتعب للطرف الى بيبدى :/

من جذى دايما اقول لقلبى لا يتعلق حيل بحد :( حرام قلوبنا تعبتتتتتتتتتتتت
ادااد لنا يالزين اداد

ذوبتى قلبى مع القصه
الله يعينها بعد عمرى وتعدى الايام عليها خفيفه يا رب

تسلم هالانامل الى سطرت هالقصه
:*

بحفظ الله

جنون إحساس يقول...

تسلم ايدج أول شي :)
وعسى الله يبعد الجميع عن الألم والحزن ..

--
القلب لا عشق عمره ما يكره اللي عشقة لوشنو صار ..
روح الحبيب تتغلغل داخل روح اللي يحبه حتى تذوب فيه ويظن انه روحه ..

..

لا تحبون يا جماعة ..

Fahad Al Askr يقول...

وأسقي قلوب الناس عشق وظميان
وأهدي حيارى الدرب وأحتار ويني

ما أدري ليش ذكرتها وأنا أقرا كلامج

خوش حجي الله لا يحرمنا

صبا وينها؟

صبا يقول...

هاااااي
عورتي قلبي

بوست رائع

حلو الواحد يتكلم عن الحب وفي الحب

وتكون النهايه سعيده للطرفين

بس صديقتج مسكينه تحبه من طرف واحد ومن قلب الله يعينها انا لو مكانها انساااااااااااااااااااااااه للابد

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فهد العسكر؛؛::
يسال ويني
؟؟؟
كاني انت وينك وشخبارك يا مغرب عن اديارك:))

darkness يقول...

:(

هل من حقه يقرر ايهم اللي افضل لها؟؟

ليش يبيها تعيش على الم انها ما عطته شعورها

ليش خل الشعور يسكنها طول العمر؟؟

هل اهو يعاقبها لظروفه اهو؟؟

يعني منو عطاه الحق بسجنها بمشاعرها لي القبر؟

:(

غير معرف يقول...

صباح الخير

الحين انا قاريه بوستج جم مره بس ليش احب اى هنى ما ادريي
:))

نسيت لا اقولج زوزو الصوره واايد حلوه
غريييبه

:* صباحج سكر

كريزما

SolaimaN يقول...

باك،،

لماذا نجتهد في اختلاق الأعذار وتلوين الأسباب وتبرير المسافات



اخرستي الالسن يا زوزوتا

فريج سعود يقول...

حتى انا ما انحبيت جذيه
اكيد الولد مزيييون على الاخر

Brilliant يقول...

هذا موحب
هذا.. سوبر حب
:)
فعلا كلمات مؤثرة و معاني قوية

qesat_5ayal يقول...

الله يعينها
:\

Najmah يقول...

الحب.. أكبر قوة

واللي ظروفه تقهره ومايقهرها

ضعيييف

يعني مايحب ..!

لو صج يحب مايكسر بخاطر ينبض باسمه


آخ الله يعين قلبهاا

مادري شقاعدة اقول


بس هالايام شكلي بصير عدوة الرجل :d

Sn3a يقول...

لذته
بحرمانه

لو الظروف مثاليه
لكان شي روتيني حاله حال الاكل والشرب


روعه الكلمات

Selezya يقول...

الله يعينها ويصبرها

life still good and nice

be happy

ZoZOta يقول...

لوير

اسم الله علي قلبيج
اكو يا لوير اكو وودي اذبحها على خضوعها لحبه بهالطريقه

@@

شنو هالتفسير اللي مو عاجبني
لوووووير

انا احب وحده اوخرها عني

شوفي بيبي أي كان السبب مو من حقه ياخذ قرار الإنفصال بروحه ويلغي وجودها بهالسهوله

ترى انا صج محتره فلا تدافعين عنه

صاحبتي معوره قلبي حيل

ودمتم بحب على قولة سلوقا

ZoZOta يقول...

استكانه

نعم هي نادرة

عشقها بات هي يا استكانه ولم تعد شي يذكر من غيره

لغت نفسها عشانه واستسلمت لحالة الإنعدام في وجوده

نست ان اهي وجود وكيان
وصارت اهي حبيبته وبس

انا اكره العاطفه اللي تضعفنا
ومو وياها باللي تسويه

نحن نعطي ونعطي بالحب دون انتظار المقابل

او على الأقل نتمنى ان يبادلنا الطرف الأخر نفس العطاء ونفس المشاعر

نلغي الفروقات لنجتمع بدقة قلب واحده

اهو ماكان قلبه اللي ينبض
اهو استهلكها وامتص كل اللي ممكن ياخذه منها وتركها لما شاف ان مشاعرها صارت نوعا ما عبئ عليه

شي يحر

وينك من الأول
ليش تخليها توصل لين هالمرحله من الإنغماس في حياتك مشاكلك ظروفك احتياجاتك

ليش ترفعها لين سابع سما وبعدين لين سابع ارض
ليش تعيشها بالأحلام وبعدين تطلب منها تكون واقعيه

انا اشوفه ان انسان اناني لأخر رمق

والله كله زف وتشخيط

:)

ZoZOta يقول...

غير معرف

وصلت الرسالة

ZoZOta يقول...

اجار الدين كشمش

انا اشوف ان الفلوس مو كل شي
ومو قاعده نعممها على الكل

والحب اللي ذكرته موجود

والدليل صاحبتي

حياك الله يالشيخ

تعاااااال

انا ليش احس انك دايم مستعجل او وراك شي بتسويه

@@

ZoZOta يقول...

منو ينسى

يا قلبي انتي
والله ما ودنا نضيق خلقج لا انا ولا لوير
بس هذي الحياة يوم حلو وعشرة يعدون بمرارتهم

وتستمر الحياة

وهم بالنهاية نشوفها حلوة

:**

حقج علينا

ZoZOta يقول...

كاريزما

صبحج الله بالخير يا خير المدونات كلها

ايه لمينى لمينى
انا ولهانه عليج

انا مو معاج

تضحية يعنى اعطي حبيبي اللي ناقصه مو اعزله واطلع من حياته لأسباب ممكن نتعايش معاها يميمع

خرااااااابيط

شوفي بيبي

احنا ممكن نلاقي الف عذر وعذر عشان نحب

وبالتالي نقرب من الشخص اللي حبيناه

وعقبها نفس الأعذار نقلبها عشان نفل ونمشي عنه

ايه لا يتعلق قبلج
سوي مثلي

شلنا بعوار القلب والراس

:**

بحفظ الكريم

ZoZOta يقول...

جنون احساس

يسلم قلبج يارب
وحياج الله يالشيخه

ويبعدنا وياج

انا وياج عمره ما يكره
هذا اذا اصلا اللي كان بينهم عشق الأقل من طرفه اهو

محنا حابين لا تحاتين

:)))

ZoZOta يقول...

واجعل صبابتي للعشق عنوانُ
وأجهل اني كنت للحب صرحا وبنيانُ

مادري ليش طلعت مني وانا ارد عليك

الله يسلك يالشيخ

صبا والله رايحه السوق شويه

تحب تترك لها مسج

:)))

ZoZOta يقول...

صبا

هايييين

اسم الله علي قلبج
الأروع هو تواصلج معاي يا صبا

ماكو نهايات سعيده للأسف الا بالأفلام يا صبا

ايه فهد العسكر يسأل عنج

فاقدج من غير شر

ZoZOta يقول...

داركنس

انتي الوحيده اللي قلتيها صح

عبرتي عن اللي في بالي

مووووو من حقه

مو من حقه

مو من حقه

:(((((

وهم مو من حقه

ZoZOta يقول...

كاريزما

تحبين تيين هنيه لنج تحبينى

:**

انتي الوحيدة اللي علقت على الصورة

:**

صباحج شهد يارب

ZoZOta يقول...

سليمان

يه يه يه

من وين مبين

ولهت علييييييييييك يالشيخ

وينك ياخوي

شهالغيبه

اهم شي انت بخير؟؟

اخرستهم

:)))

ايه افا عليك

اخيتك تعرفني زين

ZoZOta يقول...

فريج سعود

صج عاد ما انحبيت جذيه

:))

لا شاف الزين ولا شاف اهله

ZoZOta يقول...

Brilliant

يه يه يه

دكتور بريليانت زايرنا اليوم

يا حيا الله من زارنا

ساعة المباركه

ايه والله سوبر حب

عسى الله يعوضها عن صبرها يارب

عاد مو تقطع

اتمنى اشوفك نوبه ثانية

ZoZOta يقول...

قصة خيال

الله يعين الكل والجميع يارب

:**

ZoZOta يقول...

نجمة

نجمتي يا نجمتي

:******

بالضبط اللي تقهره ظروفه ضعيف ولا يستحق العناء

واذا بتسوين جمعية عدوة الرجل انا معاج

بصير عضوة

:)))

ZoZOta يقول...

سنعه

انا مو معاج

الحرمان ليه طول يصير عذاب احنا بغنى عنه

ZoZOta يقول...

سيليزيا

مشكوره حبيبتي

Life is still good but not always
Between ups and down
Every thing is shaking even love


thanx soz

اجار الدين كشمش يقول...

تحسين اني مستعجل
؟؟؟؟
يمكن حلمانه ..و لا سبحتي ...بمسباحج

""""""""" يمكن وانت تقراين
عقلج البطن وده ان الكومنت ما يخلص

ها ها ها مغرور

فمالله