الزين .... كلاكيت ثالث مره
الزين : الأوتيل عجيب ... خيالي
الزين : الأوتيل عجيب ... خيالي
هو : مستانسه
الزين : وايد ما تصدق شكثر ... بس ناقصنى انك تكون معاي
هو : شلون
الزين : بسيطه ... ادز لك سعفه بس تمسك عدل
.. نص ساعه وانت عندي نشرب شاي مع بعض بالبلكونه
هو : خوش فكره
الزين : صج ... يعني انت بتيي عشاني لو عشان الشاي
هو : الأثنين يالزين ... الأثنين
الليل تقضى وخلص
شبقى فيني من شوقي تدور عليه
بعلومك انا ابخص
عندك مليون شي تنشغل فيه
بنيتي انتظر العمر كله
وبنيتك تعطيني شوية ثواني
هو : شسويتي اليوم ..... وين رحتي
الزين : كل شي اوو ولا شي .... تدري ودي اسبح بالبحر... ابي الشمس تلوني
ابي الملح يذوبنى ... ابي التراب يغازلني .... وابي هذيج النخلة تضللني
.. ابي اكون جزء من الصوره اللي جدامي .. احسها .. المسها .. اذوق طعمها
هو : سبحى ..... بحر عمان كله لج
هو : سبحى ..... بحر عمان كله لج
الزين : تيي وياي نسبح يميع
هو : انا مو مال بحر ... انا حدي حمام السباحه
الزين : ايه صح خلنى اسبح بروحي مثل الميده
هو : هههههههه مينونه
الزين : اكيد مينونه خصوصا انك ماتحب الميد
.. بس تدري انا ما عندى مانع اصير لك صبوره
هو : انتى حورية
الزين : همممم ... حورية كويتية في بحر عمان .... يا سلااااام
... وايي حداق عماني يصيدني ويعطيني الدانه عشان ارضى فيه
ألا يا نول
ألا يا نول
علمنى ليه رماني دهري وسط الجول
ونجل فيني بدروب الهوا حلو الزول
الا يانول
هو : انتى من وين تييبين هالحجي
الزين : منك ... منى ... من الجو ... من الحاله اللي اعيشها
هو : أي حالة تقصدين؟؟
الزين : لا تشغل بالك ... انا حالاتي كثيره ... وكل يوم لي حاله
هو : وممكن اعرف شنو الحالة اللي انتي عايشتها الحين
الزين : ما اعتقد تبي تعرف
هو : يعتمد
الزين : علي؟؟؟
هو : على الحالة
الزين : اوكي ... انا ابيك الحين يمي .. بهاللحظة .... ابي اشوف عمان بعيونك
... ابي احسها بكلامك .. بلونك ..... حتى بسكوتك
هو : الزين ..... وينج
هو : الزين ..... وينج
الزين : موجوده .... ما تحتاج تدور علي .... اشتقت لي؟
هو : اكيد
الزين : شكثر
هو : مادري
الزين : يعني شلون .... هذي شلون افهمها بالله
هو : مادري يعني وايد
الزين : ليش احس فيك بعيد
هو : انتى بعمان
الزين : انت بعيد بفكرك ... بروحك .. بقلبك ... الدروب اهي اللي تتباعد مو القلوب
وانت بعيد.... بعيد وايد
الزين : تعال نحلم
هو : شنحلم فيه
الزين : ايدي بيدك .... تسايرني واسايرك ... تراب البحر يلاعب ريولنا
... تلون عيونك سماي ... وعطرك يلف هواي ... وانسى الدنيا وانت معاي
خطاوينا على تراب البحر تلف فينا دنيا كلها اسرار
خطاوينا على تراب البحر تلف فينا دنيا كلها اسرار
خطاوينا تسير الهوا فينا وتحجي قصة الماضي قصة البحار
ترك اهله ترك ناسه
ترك الثغر الذي باسه ... ترك عالم ما داسه
ركب بانوش معلي شراعه دوم ومخلى
وراه عالم يسرى كما الأحلام ... يقول يا مال
خطاوينا تجر فينا حنين سنين
قصص اسرار
لها في قلبي بيت ودار
وسط صندوق مبيت
حزاوي امك وامي
وديرة جدك وجدي
ودانه تأسر البحار
وتدري شصار.... لقى الدانه..... نسى اهلة
نسى من باع الدنيا من أجله
وصار بعيد
بعيد عن العين .... وبعيد عن القلب
هناك 31 تعليقًا:
مرحبا
رائع يا زوزوتا
كلام جميل وتسلسل بالأفكار عجيب
عيشتينا في جو القصة
جد رائع
تسلم إيدج
روعة يا الزين روعة
جد I mean it
هو : انتى من وين تييبين هالحجي
الزين : منك ... منى ... من الجو ... من الحاله اللي اعيشها
هالمقطع , ينّني ، ذكرني بشي
شي حلو أكيد ، والله ينّني !
___
وعطرك يلف هواي ... وانسى الدنيا وانت معاي
و العطر ، العطر بروحه قصة صح ؟ العطر لما يشكل قصة و قصيدة و شي يكمل كل شي حلو
أو شي حلو يكمل كل شي
عزيزتي الماس
حياج الله بمدونتى المتواضعه
وجدا سعيده لأني امتعتج
وان شاء الله ما تكون آخر زياره
ايفا
الرائع وجودج عزيزتي
:))
ادري انج عشتى الجو والقصه
اقرى البلوجات السابقه وبداية القصه في كل الحكاية اشتقت لك
والزين كلاكيت ثاني مره
اكيد بيعجبج اللي راح تقرينه
الله يحفظج حبيبتي
واتمنى ما تكون آخر زياره
عندما نفترش الرمل
يلفنا عشق السماء
يصبح الهيام ضرورة ملحة
مثلهما تماما
ليت شواطئ عمان ورمالها
تحتضنهما معاً
جميل الخيال الذي رسمته في عقلي
دومي بحب
تحياتي
ليش جذي ؟؟؟!! ذبحتيني معاج يا زوزوتا أي زوزوتا صج أنج الزين كله
تعبت من كثر ما أقرأ وتطلع الأااه من عمق قلبي تنشط فيني الذكرى الي نستها أيامي
الزين أو زوزوتا بسألج يمكن تكونين أدرى ليش لهم نفس الرد حتى نفس الذهول .. ونفس الحجي واحنا هايمين نردده ونحلم فيه
الله يقطع بليس الحب الي ماله ريول
واصلي والله يسامحج :( .. يا حلوج ويا حلو قلمج وعذوبته
تصدقين كرهته ؟
ليش ما ادرى
صباح الخير
نعم كما اسلف الجميع لقد عيشتينا القصة من بدايتها الى نهايتها
الله يعطيج العافية
new me
لولا جموح الخيال ما استطعنا الإستمرار
انا عن نفسي ما اقدر اعيش من غير خيال
تسلمين يالشيخه
محاره
اسم الله عليج من الآه وتنقطع ايدي قبل لا اذبحج يالشيخه
اخييييييييه يا محاره
والله ما عندي رد على سؤالج
مادري والله مادري
بس الموضوع قاعد يخليني الف حوالين نفسي
وايد يسألوني نفس السؤال
اذا عندكم احد يعطيني الجواب
دليني عليه بلييييز
مشاري
:)
والزين بدت تتعب
والخاطر شكله بيطيب
الله يسهل
الأستاذ بلاليط
اتمنى ان تكون القصه قد اعجبتك
بس صدقني نهايتها قريبه
خلك معاي
قلمك عذب يا زوزوتا
مليئ بحبر الرقه و الهيام
فليسلم لنا قلمك
كلام إنسيابي ويدش القلب
إستمتعت وآنا أتطفل عالحوار
بين شخصين و إندمجت وايد وياهم
تسلم الأيادي اللي كتبت
بس اللس زعلني شي واحد
لما دخلت شفت ال
profile views: 888
يعني آنا ييت خربت هالرقم الحلو
بس راح أعوضج بالكومنتات أوكي
:)
تهقين عذوبه ورقه الزين
عشق الزين
فكرها
وخيالها
هو شي متحفز ومستعد للحب فيها؟
او هو انعكاس لحبه لها؟
بمعنى...لو لم يكن هو هو
هل كانت الزين بهذه الروعه؟
عثماني
يا حيا الله الشيخ
لك وحشه
وينك ماشفنا لك شي يديد من زمان
مشتاقين حق سوالفك
مرورك اليوم جدا اسعدني
حمدول
اول زياره لك واتمنى ما تكون آخر زياره
سعيده ان الحوار اخذك للحظة عاشتها الزين معاه
اتمنى انك تكون قريت الحوارات السابقه
راح يعجبونك
استكانه الغالية
سؤالج خلاني اوقف للحظة مع نفسي وافكر
اعتقد ان شوية من الأثنين
الزين لين حبت تكون انثى من عالم اسطوري
تعطي ولا تبخل تعيش الحب لأقصى حد
تكون كل النساء
تعيش كل القصص
تهيم بمشاعر لم تكن قد عرفتها من قبل
تتذوق العشق كفنجان قهوة في الصباح الباكر
يسقيها الحياة
تشرب لترتوي
وتخضر
ويملأ اريجها كل الكون
اكيد وجوده في حياتها له دور
هو بالذات
أحسن /:D
مشاري
:)
انت وايد شايل عليه
تهقا احسن انها تفل ، تترك
تعبت وانا افكر
هالتصفصف بالحجي يونس
:)
ماشالله عليج،جني قاعد معاهم
بس لوعتي جبدي بالاخير الله يسامحج
:(
كل هالشوق وهذي اخرتها؟
:))))))
لوعت جبدك عاد يا سليمان الله يهداك
ما عليه نعوضك بالبلوج الياي
مرنا مره ثانية
وان شاء الله تلقى اللي يسرك
:)
بركد جبدك هالمره
ايه هذا الحجي
مشكوره زميلتي العزيزه
:)
مساالزين
لكل الزين
غاليتي زوزوتا..كم نعشق وكم نحب..وكم ننتظر لحظة لقا في من نحب
بذمتج هو يستاهل كل هالمشاعر من الزين؟؟
اتمني النهاية تكون أسعد مما نتصور
دمت بحب
ابدا
:)
حبيت عمان من حديثك، والبوست أكثر
ما احب اللى يتغلى على غالية
لما يكون فى وحدة تشيل الريال بالكلام شيل لازم اهو يبادلها بنفس القوة
Ra7 agrahom bs eb shar6 wa7ed >>
etha ketabtay esmy 3adel
ana hamdool
mo
حمدول
;p
عزيزتي فراولة
يا ليت النهاية كانت بيدي
كانت راح تكون غير شكل
فهد العسكر
لمن ادين بشرف الزيارة يا فهد
حياك الله
عمان بلد جميل وشعب اجمل وانا ما ذكرت الا احساسي فيها
اتمنى انك ما تقطع زياراتك
مشاري يا مشاري
القلب وما يعشق
الله كريم
مشكور على اهتمامك
hamdool
hamdool
hamdool
يالله عاد اقرا الباجي الحين
:))
إرسال تعليق