الزين : مساعد
هو : مساعد منو؟
الزين : بس يا بحر
هو : ههههههه
الزين : ابي الدانه
هو : هههههه ...يالفاصله
الزين : تهقا اكو مثل مساعد الحين
هو : مادري
الزين : لا تقول مادري ..... هذي مالتي
هو : شتبيني اقول
الزين : أي شي .... لا تبوق كلماتي
الزين : فلان
هو : ابوي
الزين : بس جذيه بغيت اناديك ..... احب اناديك ... احس روحي تناديك قبل شفايفي
هو : بيييييييه ...... كل هذا معزة
الزين : ايه كيفي ... معزتي وكيفي ..... مشاعري وكيفي
هو : انتي صج تحسين بهالشي
الزين : شرايك انت
هو : ما تخافين اييج يوم وماتلاقيني .... بح
الزين : هممم ...... اروح اشتغل احسن
هو : ليش زعلتي
الزين : ماني زعلانه
هو : عيل ليش عصبتي
الزين : ماني معصبه
هو : ليش ما تبين تحجين .... وين بتروحين
الزين : بروح فيلجا اقط روحي بالبحر عشان اغرق وياكلني السمج
وييي مساعد يدور علي .... بس هالمره ما يلقى الدانه
هو : لا تقولين جذيه .... اقط روحي وراج
هو : زيون
هو : زيون
الزين : عيونها
هو : انتي ليش تعزيني هالكثر .... شنو فيني مخليج متعلقه فيني لهدرجه
الزين : اشياء وايد
هو : مثل
الزين : مثل مداراتك لي ... تتحمل ينوني ..... مزاجي اللي ماله سما ولا قاع
... ساعه فوق وساعه تحت
هو : بس انتي ما تعرفيني عدل
الزين : احب اللي عرفته لما الحين
.. يمكن احتاج اعرفك زياده بس انت مو معطيني فرصه ولا انت واضح كفايه معاي
هو : شلون ... بالعكس انا واضح وياج
الزين : لأ مو دايما ... ساعات احسك عندك حجي يدور في بالك وماتبي تقوله
هو : متى هذا
الزين : مادري الحين ... ما اذكر .. بس لما تحصل بقول لك
الزين : بسافر
هو : وين
الزين : عمان .. مع صاحبتي
هو : ليش عمان؟
الزين : بروح اسوي لك سحر
هو : سكنهم بمساكنهم ... بعدين انتى مو محتاجه تسوين لي سحر ... انتي سحرج منج وفيج
الزين : بخلينهم يسحروني انا ... يسووني ميداليه تشيلها وياك على طول
هو : هههههههه .... ومن قال لج انتي مو وياي على طول
الزين : صج .... انا وياك على طول
هو : ايه صج
الزين : بتوله علي ... بتشتاق لي
هو : اكيد
الزين : شكثر
هو : مادري
الزين : تهقا اكو واحد مثل مساعد الحين
هو : لأ
الزين : ليش لأ
هو : عشان مساعد فكر بقلبه وماكو الحين احد يفكر بقلبه
الزين : انا اذا لقيت مساعد ما ابي الدانه ..... ابيه اهو وبس
هو : انتى مينونه
الزين : مو شي
هو : احلا ينون
هو : زيون ..... الزين ... احلا زين ..... زيونتى
الزين : روحها..... قول ... تبي تروح تكمل شغلك ... بخليك ... ماراح أأذيك
.... بس ما اضمن لك إني ما اتحرش فيك بعد شوي
هو : انا كلي لج .... انتي تامرين
الزين : ياربي .... وما يبينى انجبر فيه
هو : يالله سلام
الزين : بحفظ الله
هناك 40 تعليقًا:
اذا في حب جذي الدنيا ... ما نحتاج نموت و نروووح الجنه...
في حب جذي بالدنيا يا زوزو ؟ في حب مثل اللي نشوفة بالافلام ولا نسمعه بالاغاني؟؟؟
akhee bs akhe 3la klam el 3eshaq ya ba5t el zain wo ya ba5taa ehwa feha wo 7war wala arwa3 ;)
3abla:D
Halaa ZoZo hhehhheheh wanasaa :P sorry me uni mako 3araboo ;*
لويلو
وينج
تعالي عندي سوالف ترس الجيله
متى بشوفج
لى الحين اقول مساعد جذاب :))
مانى قادر
وزين على هالمواصفات برجها السرطان
لان اعرفهم:P
الشى المهم ان من قال ما فى رياييل يفكرون بقلبهم؟
في ناس وايد فكرت بقلبها وخسرت علشان جذى حرمت تفكر مرة ثانية بقلبها :)
مشاري
:)
شيقول المثل الكويتي
الحق الجذاب ليه عند الباب
يمكن جذاب
ويمكن خايف يلتزم
ويمكن عاجبته حياته ومايبي يغير
مادري يا مشاري
المشكله مو فيه اهو
المشكله في قلب الزين
يعين الله
مساعد باع حياته
علشان خاطر نورة
وقرر يغوص ويدور على الدانة
لكن بالنهاية
مساعد صكت على إيده المحارة
وما قدر ياخذ الدانة
ومات بالبحر
ونورة زوجوها أهلها لواحد ثاني
وبالفيلم كان علي المفيدي
:)
وآخر شي صرخت أم مساعد
اللي هي حياة الفهد
بس .. بس يا بحر
هالأيام محد يفكر بقلبه
واللي يفكر بقلبه يتعب
خصوصا معشر الرجال
وكما قال المبدع المرحوم محمد الفايز
والموت في غرق أجل من البقاء
في عالم فيه مكان لابن آوى والقرود
الا انا
مادمت حيا فالبحار مأواي
او باع قصير
في الأرض حين اموت
ودمتم بحب وود
زوزو
ممكن سؤال
هذي الحوارات حقيقة ولا من وحي الخيال
؟؟
شي واحد اكيد
أن اللى يفكر بقلبه يتعب واااايد
لووووووول
لا تعلييق
مساالورد والرياحين
لغاليتي زوزوتا
مافي احد مثل مساعد بهالزمن اللي نعيشه
ابدا
او يمكن فيه بس مومبين لنا بالمره
لان الرياييل عقلهم يسبق قلوبهم بالتفكير بكل الامور
عشان جذيه تشوفينهم يميلون للعقلانية اكثر من الروحانية
دمت بود وحب
ابدا
:)
حلو الحوار كتير
خيالك حلو
والمدونه فيها حجات كتير حلوه
تحياتي ياجميل
skittles
اكو حب جذيه الحين
مادري
لازلت ادور عليه
اكيد موجود
بس يمكن مو بنفس الصوره
ولا جان ما شعروا الشعراء
ولا قصوا القصاسين
ولا ألف المؤلفين
زيارتج تسعدني يالبدره
عبله
يا بخت الزين يمكن
يا بخته اهو اكيد
الحوار هذا ممكن تلقينه بين اي اثنين بينهم مشاعر يحاولون يقاومونها وما يصرحون فيا
رد وصد
:))
اقول عبله
وين عنتر عيل
سلوجا بولجا
زياره اولى تسعدني
مو هنيه المشكله
اللي ينحرق من الشوربه يخاف من الزبادي على قولة المصريين
ما يدري ان الزبادي حلو
:)))
ماكو احد مرتاح
حوسن
سؤالك متعب
بس هم بجاوبه
هذي الحوارت حقيقة مع بعض الرتوش
بس تقدر تقول 98 منها حقيقية
والزين موجوده بكل بنت قررت انها تسلم قلبها وتكون الزين حق
اي انسان عطاها اللي تدور عليه
عطاء .. حب.. اشتياق
حنان
واللي مثله اهو وايد
مشكلة شبابنا انهم حكموا على كل البنات من تجربه وحده قاسية
يخافيون من مشاعرهم
ما يبون الإلتزام
ماني قادره افهم
شنو مشكلتهم
اذا تقدر تفهمنى
حياك الله
حوسن
دايما تتفاعل مع اللي اكتبه بشفافية
اشكرك
ترستن
يازين الضحكه
ان شاء الله دوم
بس كنت اتمنى اشوف تعليقك يالشيخ
فراوله
غاليتي
مساعد مات
بس ضلت الحكاية
يهتدي فيها الحبيبة والعشاق
يمكن مساعد ماعاد له وجود
بس اكيد في شي منه لازال موجود
احنا ما علينا الا ندور
ولكل مجتهد نصيب
^_^
طول ما آنا أقرا
كنت
أبتسم
روعه
لو كان هالحجي صج
ربي يهنيج ويسعدج
ولو كان خيال
ربي يرزقج من يستاهل الزين كله
:)
محض الروح
يا حيا الله بصاحبة القلم والخيال العذب
مع قليل من المرارة تجعل الإحساس بالحلاوة اجمل
طولتي الغيبة علينا
بس اتمنى انج ما تقاطعين زوزوتا
حقوقية
اقرى الحوار الأول
كل الحكاية اشتقت لك راح يعجبج
يسعدني اني رسمت الإبتسامه على محياج من الصبح
ربي يسعدنا كلنا وينولنا اللي في بالنا
ولا تنسين تكملين معاي
ترى للحوار بقية
طالما الزين موجوده واهو موجود بحياتها
ربي يديم المحيه
;)
..
الحوار الأول قريته أول ما نزل
بس ما قدرت أعلق
أعتذر على التقصير
:$
ما في احلى واروع من الحب في هالدنيا بس للي يقدره ويفهمه
دمت بحب
هههههه
عجيبين
استمتع لما اقراهم لان مارين على بحياتى
لوووووووووووول
احلى حوار العفوى الى بدون تكليف ولا تفكير
غرامى الحوار المينون والاستعباط
غرامى الريال مال اول
الى اطلع الرومانسيه منه تطلع
بدون ما يحس تخلينه اقدع رومانسى
هههههههههه
مرحبا ملايين و لا يسدن
حوار جدا شدني كثير
تسلمين الله يحفظج
في حب جذي
منو يقول مافي حب مثالي حب حقيقي
بس اكيد هالحب نادر بزمنا
البحث عنه صعب
لو في حب مثل هالحب جان الدنيا بخير
يالزين
عندما يكون هناك رجل كمساعد
لبعض الوقت
( مو كله )
لن نحتاج أبداً لدانة
:P
الحوار
يبدو كأمنية انثوية يومية
عابرة
وايد حلو
*^_^*
حوار مثالي جداً .. مو شرط يكون هذا هو الحب الحقيقي .. يمكن صورة بسيطة من صوره ..
تحياتي
زوزوتا بجيتني وضحكتيني وذكرتيني بوستاتج :)
صار لي مده مقصره ومامريت على مدونتج فقريت كل ماكتبتي .. بجيت على عيد ميلاد رفيجتج وطرت وحلقت بالبوستات الغرام
أما بوست الزين تصدقين نشطتي ذاركتي بحوارات كانت معاه وتصدقين الغريب أنها نفس الكلام ويقولي نفس الردود
معقوله البنات متشابهين وحتى الشباب بردودهم .. بس الأكيد هالكلام للي بينهم حب مو لعب
وبلأخر المفروض كلنا نفكر بعقلنا والقلب مالنا غنى عنه
واصلي كتاباتج وبجيني وطيرني وغرقينا مستعدين بس خلينا نهيم بكل ماتكتبين عزيزتي
مجرد انثى
صح لسانج ومشكوره على المرور واتمنى ماتكون آخر مرة
كاريزما
اطيب شي اني خليتج تعيشين الحوار
بس صدقيني الريال الثقيل ساعات يخليج ودج تطقينه بمطرقه عشان يوتعى ويحس فيج
ضحكتج بالدنيا يا كاريزما
الأستاذ بلاليط
حياك الله يا الشيخ
وتابع معاي الحوارات القادمه
لأنها تحمل الكثير من السحر والتساؤلات
شيماء
السؤال يا شيماء يشغل بال كل بنت
ويمكن كل ولد
جوابه بيد الناس اللي حبوا ونالوا
مرورج دايما يسعدني
من طول الغيبات يا نون
فقدتج يالشيخه من غير شر
دائما وابدا هي امنيات انثوية عابره
نعيشها لنهتدى بضياءها علها تدلنا على الطريق
وتعطينا القدرة على مواصلة البحث
ولا تغطين مره ثانية
دايما تحطين ايدج عالجرح يا زوزوتا
اخ
:( مع ان الحوار روعه بس يعور قلبي
ليت الناس يحسون بقيمه الحب و التصحيه بهالايام
الحارث بن همام
حياك الله بمدونتي
كلامك صح
هو صور من صور الحب
ليش من الضروري ان يكون الحب الحقيقي
او الإختيار الصح
هي حالة تعيشها الزين
ويتفاعل معا هو
ليش من الضروري ان يكون ما بينهما حب
يمكن انجذاب
ويمكن شي آخر لا نعرف كيف نسميه
بالنهاية
كل قصص الحب تبتدى من غير مسميات
وتنتهى باسم واحد
اتمنى ما تكون آخر زياره لك
حبيبتي محارة
دموعج غالية يالشيخه
اهى راحت وارتاتحت صدقيني
الله يعينا احنا
حوارات الزين مو شرط تكون للزين وبس
هي حوارات تدور بين كل اثنين بينهم شي مو عارفين يعطونه اسم
او يمكن خايفين يسمونه
بس اكيد في نوع آخر من الشعور
من الإحساس ببعض
خلج وياي
للحوار بقية
شذر
اسم الله عليج من عوار القلب
ولولا المر ما عرفنا طعم الحلو يا شذورة
ترى للحوار بقية
خلج وياي
دمعت عيني لما قريت الحوار..
ويوم وصلت لكلمة أبوي .. فز قلبي..
مادري تكلمين أبوج أو لا..
بس الحوار ذكرني بالوالد الله يرحمه..
الزين..
الله يخلي لج من تحبين..
ويسلم لج كل قلب(ن) يحبج..
حبيتي مي
عسى ربي يجمعج مع احبابج دوم
ويرحم ابوي وابوج
ويجمعنا معاهم تحت ضله
ادعي له بهالشهر الفضيل
انا ادري تأخرت بالرد
وادري ماراح تزعلين
:*
يالله ناطرة التعليق اللي بعده
:)
ما تأخرتي بالرد..
وعمري ما أزعل منج إنتي بالذات..
حبيت أقول لج تقبل الله طاعتج
من العايدين الفايزين يالحبيبة
نتابع بعد العيد إن شاء الله
الجولة الممتعة في أرشيف الزين
إرسال تعليق