.

تحذير : هذه المدونة تخضع لقانون حماية حقوق الملكية الفكرية ونحذر من نشر أو نقل أي نص أو مقال للكاتبة.. دون نسبه للمؤلفة.. في أي وسيلة

28.10.10

شفيهم؟؟


ابي اكتب عن شي خفيف

كتبي عني

انت خفيف!!

لا مو بالمعني اللي فهمتيه

عيل بأي معني ؟

انتي فاهمتني

تهقا!!

اهقا شنو؟

اني فاهمتك؟

مادري ...انتي قولي لي

شقول؟؟

يتملل "تدرين شلون .... طاف"

علامك !! ... مو متحمل مني كلمة

آنا !! ... انتي اللي مادري شفيج علي

استغفر الله ....

شفتي .. شفتي ... شقلت انا الحين عشان تستغفرين

هااااو ... ليش يعني فهمت استغفاري شي ضدك

انتي ما تستغفرين بهالطريقه الا لما يأنبج ضميرج على فكره تدرين انها غلط

تحاول ان تسيطر على ردة فعلها " الله يا سوء الظن .....وليش ما يكون عشان ما انشب ببلاعيمك وانشف ريجك .. ليش يعني ما فهمتها اني أبي داريك ومابي اتهاوش معاك"

من صجج انتي .. عيل احنا شقاعدين نسوي الحين!!!

ياربي ... انت شقصتك معاي اليوم ... وبعدين قول حق نفسك ليش انا دايما الملامه

ايه ايه ... قلبي الطاوله علي ... قولي انا اللي دايما غلطان ... انا اللي ما افهم ... وانا اللي ما اعرف اتكلم

يالله ... يا ربي يا حبيبي هذا شلون اتفاهم معاه

ودج تدعين علي!!

ودي اهزك واقول لك اكبر شويه

يعني انا بنظرج ياهل!! (يقولها باستهجان)

كلنا بداخلنا طفل تطلع شخصيته ساعات بس انت الياهل اللي داخلك دايما يطلع بالأوقات الغلط

لا تلفين وتدورين ... انتي مشكلتج انج ما تجاوبيني بطريقه ترضيني

ترضيك!!  ترى مو شرط كل شي بالحياة يرضيك

ومن قال ان الحياة اصلا مراضيتني

بنقلبها دراما

وانا من اقول لج شي قلتي دراما!!!!

رحماااك ياربي

تبيني اسكت!!

ابيك تغير مسار الحوار

وين تبين نروح ... انتي سديتي كل الدروب

ليش تخلط المواضيع ببعض !!  وبعدين انا فاتحة لك درب الحين بس انت اللي مسكره

ما خلطت ... هذا الحاصل ... واللي فرضتيه علي
ادري ...

عيل ليش سويتيه اتجاه جبري

(بنرفزة) ما عندي جواب

كالعاده ... مادري ... وما عندي جواب

تتنهد

سكتي؟!

اصرارك متعب

وصدج متعب اكثر

فلان ... من طريقتك هذي صارت حواراتنا ما فيها الا المقثه

ومن هروبج من اسئلتي صرت احس ان في شي انتي خاشته عني

صمت

في شي خاشته عني ؟؟

... ايه

قوليه

..

قوليه

...

فلانه ... وين رحتي

كاني

قوليه

اقول شنو!!



.......

آآآآخ

ممكن اطلب طلب

ينظر لها بالكثير من العتب

طلبي

ممكن نسولف عادي ... من غير شد ... من غير نجره وعتب وحساب

هذا اللي تبينه؟

تهزر رأسها بالإيجاب

...

يشعل سيجارته

تستند مسترخية الى جانبه ... تتنفس بعمق

..

شنو اكتب عنه

...
 

كتبي عنا

 
..

 
شنو عندنا ممكن ينكتب

اللي دار بينا توه

شمعنى!!

خل يحكمون

يحكمون على شنو؟

يا كثر اسئلتج ( بنرفزة وتملل)

ادري .... ( بكسره خاطر)

كل شي عندج ليش وشنو!!!!

وكل اجوبتي مادري وما عندي جواب ... لا تنسى

وهذا الصج

بنرجع لنفس المكان اللي ابتدينا منه!!

....

تهقين ليش!

ليش شنو؟

دايما نرجع لنفس المكان

...

اخاف اجاوبك تشب فيني

اقول لك ... خل اكتب عنا ... ونشوف رايهم



...

:)

نهاية اسبوع جميله لهم ... ولكم








 

هناك 58 تعليقًا:

ميمة السبيت يقول...

** كلنا جذي نبدي لين توصلين مرحله حتى مالج خلق تقولين شلونك تصير جنها مسبه

اقول خلينا عالخطابة وايد اونس

mjkout يقول...

لوووووووووووووووووووول

انه ملح الحياة

Amwaj يقول...

لوووول
يهبلون والله
وحتى نجرتهم حلوة
وشخصيته مو بعيدة عن شخصيتي :p

صبحج الله بالخير :)

BookMark يقول...

شالعسارة من فلان!
خل يسهلها وتتسهل ;)

صباح التساهيل ;*

Kuw_Son يقول...

نشفتي ريجي .. و بعدين معاكم !؟
:p

Kuw_Son يقول...

نشفتي ريجي .. و بعدين معاكم !؟
:p

الجودي يقول...

تدرين الزين اثنينهم عسرين ما فيهم إلي يهدي اللعب اهي تدري لما تستغفر بهذه اللهجة و في هالمكان راح يفهمها بهذه الطريقة و مدامها عارفه إن ياهل لا تعامله بأكثر من كونه ياهل ...


قريت البوست بابتسامه اتشاغبها ضحكه وايد واقعي ...

نهاية اسبوع سعيده لج إنتي بس :*

ونهاية اسبوع سعيده لروادج ولهم :)

Sami يقول...

بطت جبدي...الله يعينا عليها

عثماني يقول...

نهاية اسبوع ممتعة اتمناها لك ... الزين

:)

ARTFUL يقول...

كاااااااك

انا صارت معاي جم مره

فاا ابي اسمع حكم الناس

p;

هابي ويك اند (:

اجار الدين كشمش يقول...

اي نهاية اسسبوع جميييله ؟؟؟

هالنوعيه ملوووت حقااار

الواحد مو ناقص مقثه بكل كلمه او همسسه
ينششب ببلعومج !!!1

طقي سويجج ورحي 360

فمالله

ARTFUL يقول...

كاااااك

مرات تصير معاي

فابي اقعد واتطمش معاج واسمع الآراء

:)

هابي ويك اند

حسافتج يا كويت يقول...

اهم مثال للحياة اليومية


هابي ويييك إند

الوتيــــــــــن يقول...

:| زيون

اثنيناتهم ينرفزون ... صايرين نفس لغز " طبق طبقكم فوق طبق طبقنا لو كان طبق طبقكم فوق طبق طبقنا شيكون طبق .......... ألخ)

الله يعينهم .. يبيلهم بريك

شلونج حبيبة ألبي؟

Seema* يقول...

على قول ارسطو: علينا أن نتفلسف إذا اقتضى الأمر التفلسف, فإذا لم يقتض الأمر التفلسف, يجب أن نتفلسف لنثبت أن التفلسف لا ضرورة له.

اهني نتهازش لنثبت إذا كنا نتهاوش أو لا! ;P

سبمبوت يقول...

ريجي نشف وآنا اقرا ..

Haitham هيثم Al-Sheeshany الشيشاني يقول...

نهاية أسبوع هانئة
ضحكتينا و الله :)

..pen seldom يقول...

مسـاء الخير ..

تصدقــين عاد , أرفعوا ضغطي :/

وأنا أقرأ ..


" لكـن هذا واقع لابد تعيشة مجموعة من المجتمع , كل واحد يترجم الكلمة اللي يقولها الثاني بالطريقة اللي يبيها , وينقلب الحديث شجار "


مبدعة كعادتكِ

=)


أرق التحـايا لكِ ..

t7l6m.com يقول...

نهاية أسبوع سعيده
أخاف أقول شي ثاني تقول ليش؟ وشنو؟وشحقه؟

Engineer A يقول...

:)

تعبت نفسياً من حديثهم!! لووول

have a nice weekend

Um il sa3af wil leef يقول...

أقول ..كل ما زادت النجره بينهم ..اتبين محبتهم لبعض .. يمكن يبيها تهتم فيه أكثر وتعلن لكل قراءها انها تحبه
الله يخليهم لبعض ..
ولهت عليج .. وآسفه لانقطاعي وعدم الرد وذلك لأسباب خاصه
تحياتي يالزين ..ياللي دايم يطلع منج الزين
:*

Um il sa3af wil leef يقول...

أقول ..كل ما زادت النجره بينهم ..اتبين محبتهم لبعض .. يمكن يبيها تهتم فيه أكثر وتعلن لكل قراءها انها تحبه
الله يخليهم لبعض ..
ولهت عليج .. وآسفه لانقطاعي وعدم الرد وذلك لأسباب خاصه
تحياتي يالزين ..ياللي دايم يطلع منج الزين
:*

سلة ميوّة يقول...

هههههههههههه

تنرفزت مادري ليش
موقف مقارب مار علي من شوي....

وكنت بمشع شعر راسي..
بس قلت استشوره ابرك
ههههه

نهاية اسبوع جميله
لهم..لنا...

ولكم:)

لووووف يووو:**

المقوع الشرقي يقول...

زنزووون

ليش ما تتعامل معاه بلغة الأشارة
:)

نهاية اسبوع حلوة حلاتج ومن تعزين

.*

أحمد محمدي يقول...

بصراحة حوار رائع
ويبين ان احد اطراف الحوار من برج السرطان
ذلك والله اعلم

المجهول يقول...

حوار شيق وخفيف ..

نهاية أسبوع ظريف لكم ولنا

7osen يقول...

هذا حوار أثنين عصبيين ياخذون الكلمة عنوة إلى منطقة الأختلاف

:)

برأيي إنهم مو قادرين يتفاهمون بسبب مواقف سابقة ... يعني ممكن كل طرف مقتنع إن الثاني ماراح يفهمه بطريقة مسبقة علشان جذي حاكمين على الحوار إنه راح يوصلهم للخلاف ومن ثمة الاختلاف

....
صراحة بوست جميل جدا
عجبني وااايد

حوار واقعي .. يحدث دائما ويبط الجبد بنفس الوقت لأن كل طرقه تودي إلى النجرة ههه

تحية

chــاي أخضر يقول...

أثنينهم خاشين شي وأثنينهم خايفين وأثنينهم محتاجين بعض وأثنينهم يتنحشون
.
.
.
بس باجر لمن واحدهم يكون بروحه بيحن حق هالعسارة والتحقيق


مع كل الحب بينهم
.
.
ولكِ
:*

قطرة وفا يقول...

ممكن يحتاجون جلسة مصارحة ؟

أو كل واحد فيهم يكتب شي للثاني ولو بورقة فيها أشياء غير مرغوبة بالطرف الثاني :)

وجميل ما كتبتي جداااً :)

الزين يقول...

ميمه

:$

ترى بيدنا الحل
بس اهم الشي الطرفين يكونون رغبانين فيه

الزين يقول...

محمد

والله انت اللي عاجبني بالموضوع
عسى الله يخلي لك زيزي ولا يحرمك منها قول امين

الزين يقول...

امواج

:)
يهبلون وما يهبلون
يعتمد على القارئ اهو شنو يشوف

ويا حيا الله من طول الغيبات
وينج يا بنية جني من زمان عنج
ولا يتراوالي؟

الزين يقول...

بوك مارك

والله اهو لعبته العساره
تالي يقول لج انا شسويييييييييت

ليش كله انا الغلطان وانا اللي ما افهم

افففف

صباح العساره
:$

الزين يقول...

ولد الكويت

تبي ماي!!

لأني شكلي بكمل الحوار
:)

الزين يقول...

الجودي

شوفي اهي شكلها ما تحب الأسئلة الزايده
واهو حواره كله اسئله
واسئله مبطنه ساعات

تحاول تهدي الوضع
اصراره يشعله اكثر

ودام عجبج الحوار
كملي معاي الخميس الياي

الزين يقول...

سامي

الا اهو اللي اييب الحارج

:)

الزين يقول...

عثماني

:)

ولك انت بعد

الزين يقول...

ارتفل

اهم شي انك تضحك يابو شيخه
الظاهر ماكل من نفس الماعون انت

:)

الزين يقول...

اجار

والله يا اجار ان تحجيت طلعت ظالم
وان سكت طلعت هم ظالم

وانت اللي صاج
محنا قاصرين مقثه

مابي 360
ابي اسافر
:)))

الزين يقول...

حسافتج

وانت اللي صاج
بس ترى اذا طول الموضوع اييب المقثه والمرض

لا تسويها وايد مع ام الزين
:)

الزين يقول...

الوتين

لوووووووووووول
لا والله صايرين مثل خميس كمش خشم ..

تصدقين نسيت من خشمه كمش

يا حسرتي

!!

الزين يقول...

سيما

واهو اشطر من يتفلسف

اهي ترى ما قالت شي
وتحاول تتجنب النقاش الحاد معاه

:)

الزين يقول...

سبمبوت

:)))

اسم الله عليج

الزين يقول...

هيثم

الله يسلمك يالشيخ
وعسى دوم هالضحكه

الزين يقول...

بن سيلدوم

هذا واقع تعيشه الكثيرات اللي يعانون مثلها

لوووول

ترى انا متعصبه شويه للحريم

وحياج الله بعد قلبي
:*

الزين يقول...

تحلطم

ايه ايه
بلشنا نقول ان اهي السبب

:)
خلنا ننتظر الخميس ونشوف الحوار اليديد

الزين يقول...

انجنير أ

لوووووووووول
مو هذا المطلوب
نقلت لج احساسهم

:*

الزين يقول...

ام السعف

:*********************************************************************

كثر الوله اللي فيني
كثر ما فقدتج
كثر ما ودي المج الحين


انا اعتقد ان اهو ما يبلش يحس الا اذا كان الموضوع فيه اشباع له اهو

اما اسئلتها اهي فكانت نوع من محاولة فتح باب للحوار معاه على شويه دلع

هو يدري انها تحبه
بس اهو معدوم الأمان ومحتاج تأكيد
وهالموضوع اعتقد متعبها
واهي خاشه هالتعب
عشان جذي ما تجاوب على اسئلته
وهذا قاعد يستفزه اكثر

...

بتل اذونج الحين
واقول لج لا تقطعين مره ثانية بليز

الزين يقول...

سله

يحق لج تتنرفزين
اهم ينرفزون

:**

مس يو موووور

الزين يقول...

المقوع

وربي محد فاهمني كثرج

لووووول

صنف ما ايي الا بالإشاره

:*

الزين يقول...

احمد

شمعنى برج السرطان!!

الزين يقول...

المجهول

هممم
انت انقطعت فتره صح
لأني اذكر مدون بهالإسم

على العموم حياك الله ومشكووور على المشاركه

الزين يقول...

حسين

الا قول حوار بين واحد مليق ووحده قاصه فيه

:)

ترى انا الحين منقثه فشي طبيعي بتحامل عليه مو عليها

فاسمح لي ماراح اكثر بالحجي

ايييه شلونك انت بعد
:)))

الزين يقول...

شاي اخضر

لااااااااااااااااااااااااااا

لاااااااااااااااا

الله يعافي هالبوست اللي طلعج من صومعتج

ايميلي موجود بالبروفايل
دزي لي ايميل يا بنية خل اعرف اخبارج

بلييييييييز
:***

الزين يقول...

قطرة وفا

زياره اولى اعتز فيها


واعتقد هم يحتاجون اكثر من جلسة مصارحه

تسعدني متابعتج
وكملي الحوار معاي على الخميس ان شاء الله

:)

الليوان يقول...

واااااي قاريتها من يوم الخميس بس كنت بالوفرة والجو خيالي وحسيت ان السالفة فيها مغثة جان اصك اللابتوب وتوني الحين فجيتة :) شرايج فيني ، اوخر عن التوتر احسن لي مو صح !!

بس يازينة البنات انتي.. مو جنها مصختها!!! والله كسر خاطري مادري ليش احسها ماتدري شتبي ...

ناطرين الخميس ياحلوة
:)

قطرة وفا يقول...

تسلمين :)

بانتظار الخميس :)

LaDY RaiN يقول...

يا حلوج يا الزين، ويا حلو سوالفج :*

أنا عن نفسي حبيتهم :)