.

تحذير : هذه المدونة تخضع لقانون حماية حقوق الملكية الفكرية ونحذر من نشر أو نقل أي نص أو مقال للكاتبة.. دون نسبه للمؤلفة.. في أي وسيلة

1.10.10

طماط .. يا عسل يا إشطه




نظرا لأرتفاع اسعار الطمام قررنا نحن الشعب الكويتي ما يلي
·         الإمتناع عن شراء الطماط والإكتفاء بالتصوير معه في حالة اذا كان بخاطرنا التصوير مع المشاهير
·         صنع السلطة من غير طمام واضافة الجزر بدلا منه
·         اذا رحنا مطعم نطلب سلطه طمام ونجمعة من السلطه ونوديه بيوتنا نراوي اليهال عشان نونسهم (اكو شي اسمه سلطة طماط؟)
·         تزيين كوش العرائس بالطماط بدلا من التيوليب والزهور الهولندية ( يعني احنا كشخه ومن الهاي كلاس نقدر نشتري طماط)
·         اللي تيي له بنت يسميها طماطه ويترك عنه قماشه وسبيجه وموزا من الأسامي القديمه والأسامي المستحدثه كلها  واللي ايي له ولد يسميه طمطم يعني ولد نعمه
·         اتباع منهج هذي ديرة كل من طماطته إله وبلا مخامط لو سمحتوا من حدايق بعض
·         زراعة الطماط فوق الأسطح والمتاجره فيه بالخفاء ( طماطنا وكيفنا)
·         وللحبيبة والعشاق بدل لا تهاديها وردتين عطها كرتون طمام
·         استبدال كلمة يالغالية لأمهاتنا بكلمة يالطماطه  ويا حبيبتي بيا طماطتي بقاموس الحياة الزوجية

أما عن آخر المستجدات المحلية وتفاعل الشارع الكويتي مع ازمة طمطمها ولا انطم
يقولون ان الكويت بتتحول لبلد سياحي والسبه الطماط وراح تكون مزارع الوفره اللي تهتم بزراعة الطمام هي مصدر رئيسي للدخل القومي الكويتي لأن كل السياح بيروحون يصورون مع اغلى طماط بالعالم
ويقولون بعد ان عيدية عيد الأضحي بتكون من حكومتنا لكل فرد بالعائلة كرتون طماط احممممر
ويقولون بعد ان في دراسه يديدة تقول ان الكويت راح تسوي مصانع للحديد والصلب كله من الطماط
ويقولون ان سبب ارتفاع اسعار الذهب وتردي حالة البورصه هم من الطماط
وهم يقولون ان الكتب الممنوعة بمعرض الكتاب منعوهم لأن لقوا فيهم طماط مهرب
وهم يقولون  ... لا لا بس وايد جذي


وانا ملقت وايد
:)



هناك 61 تعليقًا:

kuwaiti_cool يقول...

الأخت العزيزه الزين

اضحكتني اضحك الله سنك بموضوع استبدال لقب الغاليه للأم للقب الطماطه بحكم ان الطماط صار اغلى :)


كله من رشيده الله يهداها
اهتمت بالعيش ونست السلطه

ودمتم

Seema* يقول...

LOL
من يومين واحنا بالمطعم وصلني الطلب أول ما سويت.. شلت الطماط وكملت الأكل.
;p

غير معرف يقول...

المصريين يقولون يا قوطه يامجنونه عن الطمام
إحنا لازم نسميها يالعزيزه والغاليه
صراحه مصخوها بالغلا وإحنا لازم نشوف لنا صرفه

قانونى كويتي يقول...

مساء الخير

خوش موضوع

بالفعل

انا اليوم بالجبرة

والاسعار مرتفعة وخيالية

على 3250 الطماط السورى

بس لازم انييب لانى ما اقدر استغنى عن السلطة :)

وكان الله بالعون

:))

حالِمه .., يقول...

;q

FourMe يقول...

Heheheheh thank u sO much for that post! I couldnt stop laughing.. And i read it to my mother, she to found it hilarious o tgoolich mashftay 6oma6 london shkethir ghaly. Elarba3 7abat ebdinar :p

BookMark يقول...

فقدت الدقوس :/

jasem يقول...

ودام فصفصتي الطماط جذيه
خليني أضيف معلومة عن شجرة الطماط
يقولج
أينما يوجد شجر الطماط يهرب البق
ولهذا فمن يخشى البق ومبتلش بغلاء الطماط
فليزرع طماط في بيته
وبهذا يفتك من عصفورين بحجر
من غلاء الطماط ومن قرص البق
:)

reemas يقول...

لوووووووووووول
بدعتي
بوست عجيب .. شكرا يا الزين
لكني نسيتي جم شغله

شعار عيد الفالنتين بدال قلب حب احمر يصير طماطه حمره

و يغيرون اغنية يالبرتقالة و يسوونها يالطماطة
و يسوون فيلم الارهاب و الطماط بدال الكباب

خليها على الله
قلعتنا ليش نطلب زيادات و كوادر ؟
كل زيادة يطلعونها من جبدنا

Engineer A يقول...

هههههه

والله انا انصدمت اليوم اقرا بالجرايد عنوان " حملة خلوها تخيس" !! يه شالسالفة؟!

طلعت السالفة أزمة طماط وطمطوم منحاش ومنخش عندنا بالكويت

جني انا اللي ملقت :)

يعطيج العافية

Antonio يقول...

الزين !!!

يعني ماكو كتشب ؟

قلب طفله يقول...

لووول
قام سوقه الطماط و قامنا
نتغزل فيه يا خوفي نتشفق شوفته
بالديره :P
الله يستر من الياي

Unique Girl يقول...

كااااااااااااااااك

والله مت مت مت ضحك وانتي الصاجه

حشى ذهب مو طمام لا بارج الله فيهم


ان شاء الله يعقلون بس

ومووفقه ..

الليوان يقول...

اسم الله عليج الرحمن الرحيم....
كل هذا عشان طماطة؟؟؟؟

يبا يسلم راسج عندنا مزرعتيين بالوفرة والعبدلي
عطيني العنوان وكل اسبوع يوصلج كراتيييييييين طماط
صوري معاهم ورديهم .... (؛
:***

عسل انتي والله...

بنت الشاميه يقول...

عجبه البووووست
غشيت من الضحك
ياطماطه طماطه طماطه....ترس الحلج
ط ما ط ه

والله زيون شنو سبب ارتفاع الاسعار
عاد انا اموت عليها
واهم شيئ الدقوس والسلطه
نبيها حملة طماط ياعسل يا اشطه

صج عششششيت من الضحك
مششششششكوره

صبا يقول...

هههههههاااي
.. وبطتنا بطت بطن بطتكط وكله من طماطنا و طماتكم
:)

زيووون ما يصير لا تتكلمين عن السله السياسيه اقصد سلة الطمام يتلووونج المخفر
انا الطماطم اتا الطماطم اقوي الدم
زيون اشلون الحين يعني ما آآآآكل
بيض وطماااام شكلي بنحرم من الاجااااااارر بعد..

باجر بتصل بعبده يزرع لي طمااط بالوفره ولا منتهم عاد طماطنا فريييش وبلااااش
وطعم طماطنا طماط ..وبشتغل بالسوق السوده وبحط لي بسطه لي رديت الديره عاد اشترو مني مثل الفارم فيل
:))
يا حبي للطماط

؛)

اي شي لونه احمر خط احمر حتى كبوووسي
الي بالصوره
:p

غير معرف يقول...

شنو سبب الغلا ؟ وشمعني الطماط ؟

هل لانه نهايه الموسم او جشع التجار ؟

@alhaidar يقول...

ئي والله صج :))

يقولون الكرتون وصل خمس دنانير ..

شنو طماطنا يسقونه ماي ذهب؟

le Koweit يقول...

لوووووووووووووووول
ياحبكم للشماتة
:)

سلة ميوّة يقول...

هههههههههههههههههههههه


يابو دم خفيييف والله ضحكتيني
تخيلت نفسي بعرس واصور يم طماط
ههه
عاد تدرين
ايام اول لما كنت بالابتدائي
وكان لساني نظيف وماتعود على الزفره والمسابب:)
كنت اذا انقهرت من احد اقوله يالطماطه...

لو ادري انها جذي
ماقلتها ههه اثري مادحتهم بالغلط
تالي تطورت
صارت يالطماطه الخايسة بالمتوسط

بالثانويه ياعيال الطماط
ههههههههههههه

وبالجامعه عرفت انه الطماط ما منه فايده ..

عاد انا الحين اندم بكل جوارحي على كل لحظة طمطوميه ضيعتها من حياتي وسبيت الناس بالطماط...


اتهقين ذكر
كلمة طماط عليها تسعيرة؟


منو الي ملّق الحين هههيهيهيهيهيهي


مساج الله بالخير ولهت عليج:*

غير معرف يقول...

البوست حده دمه خفيف

كل سطر في ضحكني

ياطماطه (بدال يالغاليه)

:))

sheeshany يقول...

من جد ضحكتيني تا دمّعت شوي :]]]

الحال من بعضه ===>

http://alghad.com/?section=14&forceShowComic&comic=4880

نمووول يقول...

هههههههههههههه
خلاص لا للطماط

شهرزاد الحكايات يقول...

موضوع طريف جدا في طريقة العرض .. ومؤسف في نفس الوقت .. هكذا أصبح حالنا في نهاية المطاف!! تقبلي مروري

Sami يقول...

انا ما راح اقاطع الطماط ...انتوا عندكم اختيارات وايد ..دياي لحم

ARTFUL يقول...

يعني تهقين اذا بتغزل بمرتي اوقول لها يا طماطه بدال يا عسل او يا قشطه

p;

aL-NooR . يقول...
أزال المؤلف هذا التعليق.
aL-NooR . يقول...

الله يغربل بليسج
مت من الضحك بالدوام
كلة بسبة طماطة
:)


قاعدة اتخيل الطماط كوشة !
والله فكرة :)
و انتي لج السبق فيها
بس خوفج .. تصير القاعة
ريحتها كاتشب
هههههههههههه


ولهانين ..ترى

قانونى كويتي يقول...

اقترح ان يبقى البوست

لحد الانتهاء من ارتفاع اسعار الطماط

علشان الكل يشارك ويعبر عن رفضه من ارتفاع الطماط

ومعن المزارع بالوفرة والعبدلى تنادى وتقول وينكم يا المزارعين

الزين يقول...

كويت كول

:)
عسى دود هالضحكة يارب

بس تعالي قولي لي
منو رشيدة!!

على طاري رشيده كان عندنا بأيام الثانوية مدرسة رياضه مصرية اسمها رشيده
طوييييييييله

عاد انا من كثر ما كنت شاقة الأرض وطالعة
يننتها
جان ترفعني من ييب بلوزتي وتعلقني بالهوى
وانا ريولي تدورف تحتي

:))

عاد انتي قلتي رشيده جان اخترع

الزين يقول...

سيما

ياااااااااااه

الحين الناس يلمونه علامج انتي
يا بنتي الطمام ثروة قومية
ما ينقط بالزباله

الزين يقول...

تحلطم

بالضبط
هو ده يالعزيزة يالغالية

واذا قالت لك زوجتك نبي طماط
قول لها لبن العصفور ارخص

:)

الزين يقول...

قانون

مساء النور والعنبر

اكل سلطه خضرة من غير طماط
على الأقل هاليومين عشان تضربون التجار واحتكارهم وطمعهم

التحرك مو بس من الحكومه لازم يصير
حتى من الناس

الزين يقول...

حالمه

:)

زيدي الحركات شويه يا حالمه
ابي سطر كامل المره اليايه

:*

الزين يقول...

فور مي

بعدي انتي
ماتدرين شكثر فرحت لما شفت تعليق منج
ويعلها ما تبلى هالضحكه

والله يالشيخه توني رادة من اجازتي عندكم

ولا تقارنين بين طماطنا الأجلح الأملح اللي ماله لون وحتى ريحته زفره
بذمتج شلون ترهم هذي طماطه لها ريحه زفره

وطماطهم اللي تشتهين تصورين معاه
يلمع ولونه يشوق وكله نفس التدويره

لا لا
حرام عليهم اللي قاعدين يسوونه فينا

الزين يقول...

بوك مارك

تصبري
ارادة الشعب اقوى من ارادة الطماط

الزين يقول...

جاسم

شكلي بزرع طماط بالروف جاردن اللي عندنا
بلا ياسمين بلا فل

:)

الزين يقول...

ريماس

:))))

غشيت من الضحك على تعليقك
قاعدة بالزوارة بالنص وبيدي الآي فون
قريت تعليقك كثر ما ضحكت الكل قام يطالعني

الله يسعدك يا دكتور
بدعت الصراحه

وانت الصاج
يعطونا خس بالشمال وياخذون منا عشر باليمين
حسبي الله وهو الكافي

الزين يقول...

انجنير أ

هههه

ملقي دام الملاقه ببلاش
باجر يقولون لج دفي رسوم عليها

:\

الزين يقول...

انتونيو

استخدم مايونيز

شفيه المايونيز
وحش!!

الزين يقول...

قلب طفلة

لا لا فال الله ولا فالج
انا شكلي بسوي تجارة طماط
بروح السعودية اشتريه وادخله الكويت ابيعه عليكم

:)

kuwaiti_cool يقول...

القاروره العزيزه. الزين



للتنويه فقط أني انتمي للكائنات الحيه التي يربوا لديها الشعر بغزاره بالوجه لذي يرجي من معاليكي استعمال مفردات مذكره معي

قضي التنويه

اطال الله بقائك
واصلح من شانك

الزين يقول...

Unique Girl

:)
كرتون الطماط بسعر تولة الذهب

شرايج انتي

الزين يقول...

Unique Girl

:)
كرتون الطماط بسعر تولة الذهب

شرايج انتي

الزين يقول...

كويتي كوول

آسفه آسفه آسفه

منك السموحه
وراح ننتبه لهيك اخطاء مستقبلا

:)

الزين يقول...

الليوان

اهاااا
طحت عليج
يعني انتوا من الناس اللي ساهموا برفع الأسعار
اعترفي!!!!

الزين يقول...

بنت الشاميه

يا عسى دوم الضحكه ما تفارقج قولي آمين

اول شي مثل ما فهمت ان معظم المزارع بالوفرة بطلوا يزرعون طماط وصاروا يزرعون جت للأغنام يقولون الأمن الغذائي للخرفان ابرك

ثاني شي احتكار تجار معينين لهذه السلعة مما ترك زمام الأمور بين ايدهم لرفع الأسعار ورقبتنا تنمصع مصاع مع اسعارهم الخيالية


اقول بنت الشامية
انا عندي مشروع
قولي ايه واعلمج شنهو؟

الزين يقول...

صبا

تهقين يتلوني
ويحتون الطماطتين على خديداتي
ياااا لهوي

حسافه علي

لا تاكلين بيض وطماط
اكلي بيض وبصل
شفيه البصل
رخيص وشزيييييينه

اقول صبا
انتوا زرعوا طماط وانا ابيعه لكم بمدونتي
شقلتي
مو خوش مشروع
:)

الزين يقول...

غير معرف

جشع تجار
على احتكار
على شح بالسلعة
على حكومه ساكته على الخراب

واللي ضايع بالنص الفقرا المساكين

الزين يقول...

احمد الحيدر

ايه والله يابو كوثر وصل خمسه ونص

وياليت على سنع
اشوه ان اجلح املح وماله شبيه

:@

الزين يقول...

الكويت

:))

كويتيين مو!!

الزين يقول...

سله

يا زين الملاقه على اصحابها

يختج احنا ملاقتنا عسل
بس غيرنا لا يملق
نطلعه من ستر الله

لووووول

عيل لما اشوفج بسولف لج عن مسباتي
شي خيالي
ابداع اصلا

:)))

الزين يقول...

كويتي لوير

:)
عليج بالعافية
ومشكوره على المرور

لا تباعدين لج مده فاقدتج

الزين يقول...

الشيشاني

يخرب بيتهم هالتجار
لاعبين بحال الفقير

كيفك يا هيثم؟

الزين يقول...

نمول

عفيه عليك
ربع تعاونوا ما ذلوا

الزين يقول...

شهرزاد الحكايا

:)
حياج الله
وهذي ساعة المباركه

الزين يقول...

سامي

خيانه عظمى ترى

يعني ما تقدر تصبر يومين
ترى الجرجير والفلفل البارد لهم نفس القيمه الغذائية للطماط

:)

الزين يقول...

آرتفل

:)
ما افتي
باجر زوجتك تعصب تقول لها راجعي الزين

لا يحوووشك

الزين يقول...

قانون كويتي

للأسف يالشيخ
انا نزلت بوست يديد
بس بحاول ارجع اكتب بنفس الموضوع مره ثانية

حياك الله

الزين يقول...

النور

:)

مخي ضرب على طاري الطماط
افتح الجرايد مكتوب يا أوطه يا مجنونه
افتح البلوقات اقرا خلوها تخيس
اقعد مع الأهل بس اسمع تحلطمهم

انزين شالحل
نهلق بالطماط هني
شرايج فيني يالنور
:)

غير معرف يقول...

ههههههه
أحلى شي انه بناخذ الطماط من المطاعم على جذي كل طلب بنقول
extra tomatoes please :)

الزين بدعتي
يعطيج العافيه