تعرفين تولهين
اعرف
ليش عيل ما تقولينها!!
ليش عيل ما تقولينها!!
مادري .. مو كافي تحسها؟
ساعات احتاج اسمعها
اوكي .. المره اليايه اذا حسيتها اقولها
يعني الحين انتي مو ولهانه
تفكر ...
بلا بس مو للحد اللي يخليني اصرح فيها
وشنو اهو الحد اللي يخليج تقولينا
ترجع تفكر ...
الحد اللي يخليني اييك طايره ... ومن غير مقدمات .. اقول لك ولهااانه
وشلون اوديج هناك
تسرح شويه ..
انت ما توديني ... انا اروح
ومتى تروحين
تتوتر ..
اوووه يا فلان ... متى بتبطل اسئلة
لما الاقي الأجوبة
ليش انا مو واضحه .. لهالدرجة انا محيرتك!!
ومتعبتني
الله ... الحين آنا صرت بالنسبه لك تعب
مو بس لي ...حتى لج
شدراك اني تعبانه
لأنج بطلتي تولهين ..
وشنو ارتباط التعب بالوله
الأول يبطل مفعول الثاني
اوكي ... عيل انا تعبانه
يبتسم بمرارة
وآنا ولهان
انت زحمة مشاعر
وانتي صايرة مثل الوسم ... لج وقت معين ... ومسرع ما تشحين
قاعد ترهقني وانت المفروض تكون راحتي
قاعد احاول اوصل لج... فجي لي الباب
ما سكرته ...
وما فتحتيه اصلا
......
محتاجه لصديق ... بعيد عن ارهاق الحب وملحقاته
يعني!!
يعني انسى مشاعرك شويه
يتنهد .... يغمض عينيه .. ويستسلم
ان شاء الله
....
فلانه
يااا نعم
احنا وينا الحين؟
تفكر قليلا ... وترسم خطا مستقيما ... ثم تهمس
خارج حدود الوله
هناك 39 تعليقًا:
روعه واقعيه
تصدقين حتى بالزواج
تحتاج فترات الربع وتبتعد عن الحب
تحتاج الصديقه والرفجه من غير الحب
تسلمين
:)
الحدود والارتباط فيها وبالخطوط
يمكن اتعب
حلو الواحد يفج ويرخي
بس مو على طول ؛)
توقعت يتهاوشون من البداية، المشكلة أن ثنينهم حارين حتى بمشاعرهم، وهذا اللي حارق فلمهم !
نص جميل لكن غير واقعي
لا الوله و لا الحب و لا الكره و لا اي مشاعر انسانيه نقدر نبني حدود حولها نطلع منها و نرجع وقت ما نبي ..المشاعر يا تلغينهااو ترسخينها ..ما في منطقه رماديه او هامش نتحرك فيه بمشاعرنا
حسافتج
:)
حيا الله بو الزين
ارتفل
تعدد وجود العلاقه بين اي اثنين
واستكشاف جميع الزوايا المتاحه هي دليل على نجاح تلك العلاقه
:)
انت صح
بوك مارك
شويه حار وشويه بارد
شرايج انتي
:)
بلوق عمتي
في حالة الأثنين اللي بالنص
الوضع مختلف
اهي مو سهله
ومشاعرها ما تحكمها
واهو فاهمها ومستوعبها صح
عشان جذي يعرف متى يرخي ومتى يشد
اتصور جذي
:)
حوار حلو وجميل
يعطيج العافية :)
سامي
:)
صدقني يا سامي
هو قمة بالواقعية
بس كل واحد فينا يقيسه على اساس طبيعته اهو
تدري عاد
طلبها جدا منطقي
اهي ملكت الحبيب
وتحتاج توصل لبعد آخر بعلاقتهم
تحتاج الصديق المحايد بعيدا عن زخم وجرف الشوق والوله وكل قفاطين الحب المرهقه احيانا
تقدر تقول تحتاج تلبس شي صيفي
خفيف ومريح وبارد
الى ان يحين الشتاء مره اخرى وتشتاق للدفء
المرأة الذكيه
هي فقط من تبحث عن ابعاد اخرى في علاقتها معه
وما تكتفي في بعد واحد
:)
أبتعد عنك .. لأعود مشتاقة إليك..
لأشعل فيك جذوة الحب.. لأبتكر لك عوالم جديدة..
أبتعد عنك أنت فقط ..لأرسم صورا جديدة.. بألوان بهيجة.. وألتقط من عينيك نظرات أحبها .. وتحبني..
ابتعادي لا يعني خلل في العلاقة
بقدر ما هو لحظات ضرورية أشحن فيها لحظاتي التي يستنزفها البعض..
أنا متعبة.. نعم! أعترف بذلك..
أرجوك لا ترهقني بأسئلتك..
فقط دعني .. لأعود..
غير معرف !
امواج
يعافي قلبج يارب
الأجمل هي متابعتج يا امواج
مشكوره وايد
غير معرف
"فقط ... دعني لأعود"
تنهيده من اقصى القلب
يبتها\تيها صح
أنت زحمه مشاعر
وأنتي مثل الوسم
.
.
.
لن يفهم مابين السطور الا المزحوم بالمشاعر..وتلك الوسميه
نص عجيب
تنهدت تعب
وابتسمت وله
وبالنهايه:
يا حبي للزين
:**
حبيته هالبوست
بكل تفاصيله
بأي علاقة
حلو نكتشف اطارات يديدة
بكل بساطة فيها تجديد حق الشعور
ولهنا :*
*******************
** ايه هذا الحوار قبل مايوقع المليح على اسيمة الجواز و عقبها دوريه بس يقولج شي ولا يبطل حلجة مادري الملا يعطيهم صمغ يتمضمضون فيه وقتها ؟؟
تحياتي و اشواقي لزينة البنات
الله زيوني وايد احب الحب .... الحب حلو :)
أعرف أوله ، وأعرف أحب.. لكن بأسلوب غير ..
تبيني أكون نسخة من اللي يحبونك ؟
لو كنت مثلهم ما تميزت عنهم..
لو تدقق بنظراتي ، وبتصرفاتي ، وبالحيز اللي تشغله من أوقاتي ..
بتلاقي كل تفاصيل حياتي.. تحبك..
وعلى فكرة..
كلما طرحت سؤال يديد كلما بعدت عنك أكثر..
وكلما راقبتني وحللت تصرفاتي بمجهر مشاعرك كلما تسترت بأغطية غموضي أكثر وأكثر..
-------------
زيونة
كلماتج يات بالصميم..
واسمحي لي على الاسترسال بالكتابة..
مساء الورد..
اللللللللللللله
صراااحه ......كل الناس
قااعده تنحاش من الحب
جسسدتي الواقع الاجتماعي بشوية كلمات
كل القرائات الصيفيه الي تفرغت انا لها كانت
تهرب من الحب .. وتبحث عن الصديق
او الصديقه
اللي موجود بالبيت كااافي !!!1
الظاهر ..وهذا تحليلي الشخصي
القلوب مالها خلق غثا الالتزام
تبي الحريه ..وسسيب وانا اسسيب
صداقة ال
فاااست فوود ..اذا زين ترددت عليه
واذا يغث ..دورت غيره
فمالله
حوار ذكي وممتع
....
البوست جميل جداً
وااايد عجبني
جمال ورعة الكلام !
ليش صعبة؟ ليش نحتاج قاموس كلمات وقصايد وأشعار وأغاني وشموع وقمر ووو.. ليش ما نكون ببساطة: مشتاقة وأحبك!
:)
الله .......
ماقدر أقول اكثر
كلماتج تحجيني
وتقول اللي فيني....
و....يازين الزين
عجيبه :)
حيل يازتلي :))
استكانه
ساعات قطرة هي كل ما نحتاجه لنرتوي
وساعات القطرة هي كل ما نحتاجه لنغرق
التعب + التزام مشاعر ناحية شخص ما
= ارهاق
نحتاج فسحه هدوء المشاعر تلك
ونحتاج صديق حزتها
والحب يقدر ينطر
صح
!!
ويا حبي لج
:*
النور
تعدد الإبعاد
يزيد عمق البيئة اللي تعتاش منها مشاعرنا
بعد واحد لا يكفي ابدا
:)
توله عليج العافية
:*
ميمه
:)))
سوبر جلووو يا ميمه
سوبر جلو
بعد الإشباع تتوه الكلمات
ويقتصر الحوار على " شنو غدانا اليوم"
Girls and Kuwait City
:)
الحب حلو
وما حلو
وساعات يصير مليق
مو!!
مي
اصفق لج
:)
انتي قلتي اللي في قلبي
وآآخ يا قلبي
تصدقين من صجي تعبانه
اجار
انت عندك الصداقه مثل الفاست فود
!!
خل افهم لو سمحت
..
حسين
:)
الحوار هذا ذكرني بالزين في فترة ما
تعرفها اكيد
حياك الله يا حسين
تزمانيا
:)
متابعتج اسعدتني
شكرا لج يالشيخه
سيما
كلش مو صعبة
بس بعد كثرتها تقلل من وقعها على النفس
:)
هذا رايي
الليوان
صدقيني
لو ماكانت تصف حالة امر فيها
ما انكتبت
:)
ساعات احس ان اسهل الأشياء واجملها ما تزيد حياتنا الا تعقيد
استغفر الله
انجنير أ
ولكم باااك ست الكل
ولهت عليج وايد
:*
قريته أمس بوقت صج ولهااانه..
وما لقيت نفسي الا أدز مسج حق صديقتي أسألها "كيف نكون خارج حدود الوله؟" وأنا أبجي :"
آآه يا الزين
ده تحليلي الشخصي لهذا الجيل...مش انا !!1
الجيل يهرب من الالتزام خوفا ..من الم الانفصال وغثاااه
لانه لا احد ينكر على الجيل ووقته
انه سسسسسسريع ..وان الفاست فود ..قد الغى او كاد ان يحرق
الالا كارد ...اذا جاز التشبيه!!1
الا تشعرين ..ان الخميس ..يأتي بلحظه...والاسبوع كأنه ساعات مرت
وليسسست اااابام بلياليها الممله !!1
فمالله 2
حوار متناغم لمسني
مهما كانت العلاقة جياشة المشاعر ...
في فترة نحتاج لهدنة ..
لصداقة ..
أخوة ..
تحور مختلف لذات العلاقة ..
مجال الحوار فيها مفتوح ..
وبنفس الوقت تكون في ثقة بالطرف الثاني ...
وفي تفهمه لكل هذه الإحتياجات ..
غلى الرغم من ذلك ما في ما يمنع إنها تقول ولهت عليك :)
الزين أكيد بوست ولا أجمل
احييج عليه
إرسال تعليق