.

تحذير : هذه المدونة تخضع لقانون حماية حقوق الملكية الفكرية ونحذر من نشر أو نقل أي نص أو مقال للكاتبة.. دون نسبه للمؤلفة.. في أي وسيلة

5.8.10

طاقية الإخفا


لو انفتحت لك طاقة القدر وخيرت بأنك تملك قوة خارقة
شنو نوع القوة اللي راح تختارها

انا عن نفسي ابي طاقية الإخفا
:$

ابي اعرف انتوا شنو تبون
وليش تبون هالقوة بالذات

وعقبها بقول لكم ليش وشنو تفسيري المتواضع لإختياركم
!!

شاكرين لكم حسن تعاونكم ومتمنين لكم نهاية اسبوع مليئة ....
باللي تختارونه
:)

هناك 26 تعليقًا:

BookMark يقول...

طاقية الإخفا متعبة يالزين :)

أنا بختار أكون سريعة واسابق الخيل ;)

Seema* يقول...

I wanna hear what goes in people's mind! :p

Amwaj يقول...

صباح الخير :)

أبي قوة تخليني متى ما أبي أنسى شي جرحني أنساه!

ARTFUL يقول...

انا ابي أي شي أقوله أو أطلبه من الناس يسوونه

p;

وجذي أي شي أبيه أسويه او أخلي الناس يسوونه

:)

Sami يقول...

اوردي احنا لابسين طاقية الاخفا

why me يقول...

مساء الخير


تصدقين ما فكرت ولا مره في هالطاقه



ممم


مادري .. ما يحضرني شي لي الحين

حبيت أمر وأسلم

:)

:**

الحياة حلم يقول...

ابي ذاكرة قوية جدا
لانة آفة العلم النسيان

reemas يقول...

ابي قوة خارقه
فيه وايد ناس بشوارعنا و بالاماكن العامه يبيلهم طق و تربيه

Nikon 8 يقول...

أبي القدرة على الطيران
لي ضاق بالي أطق بعمري وأطير
أطير مرة فوق الغابات وأستريح على شجرة عالية أراقب الطبيعة حولي
ومرة فوق البحر
ومرة تحت المطر
ولي طق أبالي اروح مكان
ما أحاتي طيارة ولا سيارة
بس إنتي عاد شوفي لي طريقة أشيل فيها جناط السفر والوزن الزايد ؟
:)

7osen يقول...

انا ابي أملك بساط الريح على شان افتك من الزحمة واسافر على راحتي متى مابي ... :)

Deema يقول...

ضحكتني سيما على -أوردي لابسين طاقية الاخفا- :(

أنا أبي ينبت لي جناحين -بس مو مثل جنحان الملائكة و لا الفراشات- أبي جناحين عاديين مثل الطيور و يفضل مو ملون وايد -يعني مثل الإناث من الطيور-، و ودي أشوفه و هو ينبت -يعني مو تركيب-

و أطير

Basees يقول...

سوبرمان
كلشي فيه خارق

Reem يقول...

أبي أنظف العالم بعصاية سحرية !
بدال لا نخم و نمسح و نفرك و .. و .. وو ..

و أبي أطير ..

ميمة السبيت يقول...

** ابي أغير الاشياء : أرد بالزمن ورا و الشخص اللي ماحبه اخفيه ترى وناسه

اجار الدين كشمش يقول...

الرجال والنساء يبووون قوه تجعل من العمر لاااااااايعرفط الويه
والجسم الداخلي مششدوود ..جنا سراميكه
هذاااااا مطلب عليه اجماع ...شباب على طووول
على قوولة ام كلثوم

والباجي اللي أييي من الله حياه لله

فمالله

Mala.Da3e يقول...

ابي يكون عندي القدرة اني اوقف الوقت ;S

و ودي اطير بعد :$

le Koweit يقول...

انا ودي اصير سوبرمان
اطير... عشان احس اني حر اروح وين ما ابي
واطلع ليزر من عيوني... للدفاع عن النفس << اهم شي

:)

الليوان يقول...

والله سؤال محير....


ابي اتحكم بالوقت ..اخلية يمشي بطيئ
اسرعه...كيفي

لان وقتي كلة مافية بركة
الله المستعان

بنت الشاميه يقول...

المثل يقول
من بغى عافية على عافيته
زاده الله سقم

وانا اخاف اقول ابي قوه فوق قوتي
الله يبليني بشئ اكبر

بس هم بقول اللى ابيه
تدرين ابي عصاة النبي موسى
عليه السلام
قال الله تعالى إخبارا عن موسى عليه السلام ( قال هي عصاي أتوكأ عليها وأهش بها على غنمي ، ولي فيها مآرب أخرى )

والله كريم

Antonio يقول...

الزين يا زين :)

اتمنى أن اكون

" آلة الزمن "

:)

Kuw_Son يقول...

I wasn't sure that people who blog are cartoons lovers until I saw the incredibles picture on the front page :p

I wish I had "mind scanning" power .. I know my self .. I'm a kind of person who can read the faces and people impressions ,, but just to make sure that I get that impression right, I need to scan there minds ;)

Forgive me for the English comment but I was using my iPad :)

Have a nice week end  

Engineer A يقول...

انا طماعة :)

أبي تصير عندي كل القوى الخارقة p;

Haitham هيثم Al-Sheeshany الشيشاني يقول...

سؤال بحيّر

بتوقع لو إلي الخيار كان إنو قدرة على (المساعدة) في شفاء الناس من المرض

Super Sara يقول...

طاقية الاخفا طبعاً
لأنها تمنحني الكثييير ;)
و تشبع فضـولي بغير تعب و لا قلق

:

معبرة يقول...

السلام عليكم شلونج يالزين
موضوعج يونس :)
آنا عن نفسي ودي تكون عندي اليد الخارقة اللي تغير الأشياء بحركة بسيطة مثل عصاة الساحرة، تثبت الوقت و تخلصلي الشغل و تغيرلي الأشياء البايخة اللي أشوفها و تخلي الزعلان مستانس :-)

mjkout يقول...

مابي قوة خارقة عندي ثنتين اصلا


بس ابي قوة تودي الجنة