بما ان انعرف عني وعن مدونتي بسرد القصص الطويله واللي دايما تذيل بكلمة يتبع قلت هالمره اختصرها واخليها قصه ام فقرة او فقرتين بالكثير عشان الناس اللي قاعدة تتشره واللي بطلت تتابع لأن كلمة اليتبع تييب لهم الحكه ( الحجه بالكويتي الفصيح)
تعالوا نبلش
كان يا ماكان في حديث الزمان وفي هالديرة وهالمكان ... ووسط هالبحر اللي في بطنه ينبت اللولو والمرجان .. كان في زبيديه توصف بالجمال الآخاذ والقد الوخاذ (مادري عاد اذا في شي اسمه وخاذ بس حطيتها لزوم السجع) والمبسم الجميل والرمش الكحيل
هذي الزبيدية بعد ما تركت مرتع طفولتها ومكان نشأتها بالقرب من شط العرب ... وارتحلت لأعالي البحار تبحث عن اجوبة لأسئلتها وحلول لأسرارها ... ورغبة عارمة تعتريها لسبر اغوار اعماقها ... والتعلم من اخبارها ... التقت بذاك الهامور الأفدع ... ذو الروح الأودع ... والنظرة الفاتنه .. والعضلات المفتوله .. والحواجب اللي تشبه السيوف المسلوله
وكان اللقاء بينهما ملئ بالطاقة الإيجابية ... وموجات الجاذبية ... والقرب اللي لعبت بحسبته الكيميائية ... فلم يقاوم احدهما الآخر ... وسقطت الزبيدية في غرام هامور شوماخر
ولأن الهامور كان راغبا .. وبالحب غارقا ... ومن سحر الزبيدية ماله مفر ... قرر يا يتزوجها يا ينتحر ..
وبما ان الهامور كان ولد بطنها والأخت يايه من صوب ظهرها ( على وزن اصيل ومو اصيل )
واجه الهامور معارضه عنيفه من اسراب السمك الجون ... الى ان اصابه الجنون ... وقرر ان يضرب بعادات مجتمعه المجنون عرض الحائط ويتزوج بالساحرة الناعمة الجميله زبيدية الزبيدي
ووقع المحتوم ... وتزوجوا زواجهم الذي وصم بالمشئوم ....... ورزقهم الله ببنت وولد توم!!!!
فنتج عن ذلك الزواج صنف جديد من السمك
السؤال هو ..
بنت الزبيدية والهامور شنو اسمها؟؟ زبيهية!!
انزين الزبيهية اذا خلطت بين ملامح الأم وتفاصيل الأبو تهقون شلون شكلها بيكون
وولد الهامور والزبيدية شنو اسمه؟؟ زبيمور!!
والولد السويلتي والمسمسم اذا اخذ من تفاصيل ابوه وطعمهم بملامح امه تهقون شلون شكله بيصير
هل راح يتعدل النسل !!
مادري عنكم بس انا استقبح شكل الهامور
حلجة عود جنه بوك حمالي ولسانه يخرع جنه لسان آدمي
والزبيدية يا عوينتي الحلج مسمسم والقد مياس .. ولحمتها ترررفه
شرايكم انتوا؟
:)
قبل لا امشي وبعد هالقصه الممتعه لفت انتباهي امس شي ما قدرت ما اتكلم عنه
وانا رادة من الدوام شغلت الراديو مع اني ما اداني الراديو ولا استغنى عن الآي بود ..
كان على الهواء مباشره كالعادة برنامج الديوانية
الأخ المذيع اللي ما ميزت اي واحد منهم هل كان الياقوت او الأنصاري يسأل شنو يعني يزفن؟
ردت عليها الأخت اللي ما ادري شنو جنسيتها بكل فرح وجنها صايدة السالفه يعني <<<<<<<<<<<<<< يفرها!!
يفرها ؟؟؟؟
يفرها!!!!!
ما اعتقد اقدر اعلق على كلمة يفرها لأن المعنى وصل
عيب والله عيب ... قناة اذاعية يسمعها القاصي والداني ... ويفرهاااا!!
قوووووووع .... احنا رايحين هناك ...
اشكرررره
سلامتكم وتعيشون مع نهاية اسبوع مغبره وسعيده
هناك 45 تعليقًا:
زيونتي الحلوه
ياحلو قصصج
الزبيديه و الهامور بنتهم اسمها هديّه
اما مارينا ويع عليهم عييييب
ممكن يكون إسم الريال قبل، يعني هاديّة مع تشديد الياء، و الولد هازبي، هم ممكن يكون إسم البنت هزبة، على وزن هدبة و هذا في حال إنهم عتج..
يظل السؤال المعلق في هذه القصة بالنسبة لي هو:
هل للسمك لسان؟ إذا الجواب بنعم، هل عندهم حاسة التذوق؟
ختاماً، أشكر لك تعاونكِ معنا و تقديمك لنا قصة قصيرة على قدنا
؛-(
** لاتساحلينه احنا قلنا كملي القصص اللي معلقتنا معاهم مانبي زفره
- شخباري رادو منو صوبه الحين
اليتبع حلوة ، وتدل على التجدد والاستمرارية ، وتعيشنا معاها وخيالنا يروح واياها..
أما الزبيدية والهامور.. انتاجهم صار منبوذ ، إن راحو عند الهوامير شكلهم غير ، وان راحو عند الزبيدي صاروا غير ..
حتى تربيتهم غير ، الزبيدية تربي على الذرابة ، والهامور يربي على التجارة ;) والعيال لا خذو من الأم ولا خذوا من الأبو..
والمشكلة انهم لما كبروا ، ،
محد يبيهم ! الزبيدية تدور زبيدي مثلها ، والهامور يدور هامور مثله ، أو ع الأقل يدور زبيدية أصلية غير مهجنة !
لوووووول ، جني دخلت بالعميق حيل ..
ذكرتيني بمرجانة ، ومزيان..
بروح أدور أجزاء اليتبع اللي طافتني..
والله عاد زبيدية لو هامور
كلهم عيال .....
الا صج احنا نقول كلنا عيال ادم .. السمج شقولون ؟ كلهم عيال منو ؟
لازم نسأل داروين بالموضوع
اسلوب مبدع يالزين
و بالنسبة للراديو انا مستقر الحين علي قناة ٩٢.٥ للموسيقى الهاديه
عشان لا اجرح اذوني.. لانه باقي القنوات تبث اشياء فعلا تجرح الاذن و الذوق حرفيا
شكرا يالزين
كاااااااااااااااااااااااك
الختاااام نناااار
منهي المذيعه تكفين ، خبله شويه عليها
D;
تخيلي زبيديه براطمها كبار وهامور حلج مسمسم الميدار ما يخشش فيه
D;
تسلمين
:)
هامور + زبيديه = احسنلها تقطع النسل و تتبنالها ميدة تسلى فيها وحدتها
في غمرة اشتهار مدرسة الرأي، برز سؤال: لو تزوج رجلة منمعزة وأنجب. هل يجوز التضحية بالولد في عيد الأضحى؟
:)
عاد اذا لقيتوا جواب لهالسؤال، راح أجاوب سؤالكم.
يمكن عيالهم يصيرون أحلى منهم, أو يمكن على حظهم تصير طفرة محمودة.. ترى حبيت الزبيدية! ;P
عيال الزبيدية و الهامور ماراح نختلف بتسميتهم بس اتهقين يقدرون يتعايشون في الجون و بأخلاقه ولا بتكون أخلاقهم سياحيه ...
المارينا ...
السؤال مو غلط لكن الشاطرة إلي رزت ويها و ردة إهي إلي ما عندها سالفة ولا سنع ..
الزين
نهاية اسبوع جميلة لج ولزوار مدونتج بغض النظر عن الجو الحلو :)
قصتج بردت علي الجو الحار
حسيت جني بوسط مسبح
اما المذيعة ف للاسف ان قناة كويتية المفروض
بس كل اللي فيها لبنانيين
والمذيعة ماكو اثقل من دمها و رقالتها
اشوة انج ما سمعتيها الصبح
الحين صاير عندنا غزو لبناني بالديرة
خلف الله على عيالنا اللي قاموا ما يعرفون يتحجون كويتي
الزين ..
كل ما تكتبين .. جميل .. ويروق لي ..
لديك ملكة "قصصية" متميزة ورائعة ..
سواء جاء توقف البوست أو يتبع ..
نحن نتتبع ما تكتبين ..
بشأن المذيع .. هي ليست عيب فقط .. ولكن قلة احترام للسامعين ..
اشتقت لك ..
وتوقعت تعزيتك ..
بنت سيف
أهل الهامور يسمون عياله, عيال الزبيدية .. و يصيرون طول عمرهم حاسين بنقص بسبة العمام
و الزبيدية ترد عليه: ما يستحون على ويوههم أهلك, محد محسن نسلكم يالهوامير الا أنا يالجياكر.. كافي الحلج اللي من هني لي هني و شعوركم الشعثاء! يحصللك عاد!
و عيالهم, الا يبون ياخذون هوامير بس الهوامير مو راضين فيهم
و ما يبون أهل الزبيدية لأنهم عيال الهامور
--
بالنهاية معادلة فاشلة و حلاة الثوب رقعته منه و فيه.
مجتمع السمك مجتمع معقد, و عشان ما نزيد التعقيد أكثر, الخلال ياخذ خلال و الرطب ياخذ رطب و المنصف ياحذ منصف.
فلم يقاوم احدهما الآخر ....
آآآآخ ذبحتني هالجملة.....(؛
يكون رشدي اباظة وسعاد حسني
بعدين!!!!! نقزة حق منو افتتاحية القصة(=
وزواج زبيدية من هامور باطل.....
@@
جنج مزوجة صينية افريقي
ماتركب...
والمارينا ماعندي تعليق
لأني اساسا ما سمعهم
حبيبتي انتي...
حلاة الثوب رقعته منه وفيه
هذا على سالفة الزبيديه مع الهامور
أما الإذاعة
البرنامج حده سخيف وغير مفيد
قصصج اتهبل و يا حلو اليتبع مالتج صج انها اتعلقنا بس تمونين يالزين
على فكره متكلمين عن قصة السندباد و مرجانة في جريدة الجريدة
مو قلتج الزين يفرض نفسه
اييه هالدوور ...قصه صغيرونه نقدر نقول عنها قصه لابجه
المهم .......تبين راينا
انا ماني متصور نسسل هالهامور مع مرته الزبيديه اللي مايندرا عنها
زبيديه كويتيه او ايرانيه ولا هنديه
ولا زبيديه تايلنديه عايشه باروبا
منحاشه من \العده\ من معازيبها
لكن كل واحد ...ماله الهامور إلا
يخلي زبيدياته الام والبنت
يفرونها !!!1
وهو وولده الزبهور يلمووون
النقطه
هذا راااي انا
وفمالله
عجبتني القصة وايد
و المغزى .. عجبني أكثر
و سؤالج البريء يشرح كل شي :)
بالنسبة للمرينا
فـ هي محطة لا تستحق كل هذا الصخب الذي تحيط نفسها به بسبب الإعلانات و الانتشار اعلامياً
القائمين عليها فاسدين .. بمعنى الكلمة:)
مع احترامي للمحترمين
و عندي أسامي و احداث
فـ انا اكيد معاج :)
تحياتي :*
:
الزين .. تدرين؟ يعني شنو يفرها؟
طليت على اول شي وياتني الضحكه مع ان فيني النومه .. بس تدرين؟ أحلج
بس كملي قصصنا لاتقصين علي :))))
ماراح نقول شي على يتبع خلاص وعد :**
قصة بمعاني جميلة
وصارت بالواقع كثيرا
على الأقل الزبيدية أو الهامور
كلهم عندهم مواطن قوة يرتكزون عليها
وغلاتهم جاية من هالشي
ولا تخافين لا عليهم ولا على نسلهم
ولا على جمالهم
هذيل نصل صيد غالي لصيد أغلى
أكيد العيال بيطلعون أشطر
وإن ما طلعوا
الله يسلم والديهم يعرفون إشلون يدبرونهم !
القرادة واعليه
لي تزوج مقرود من مقرودة
الله يكون بعونهم
هذيل اللي يبي لهم تفكير
ودولة بكبرها تفكر إشلون
تطلع قوانين تحميهم وتطلع لهم حقوق
تكفل لهم حياة كريمة
؟؟؟؟؟
على فكرة ضحكتني سالفة
رمش كحيل للزبيدية وحاجب كالسيف للهامور
:)))
تسلمين يا الغالية بيتبع ومن غير يتبع
:)
ما انا عارف من الأجمل.. القصص أم أسئلتها.
مع كل لإدراج أحس بالسعادة لعثوري على مدونتك.
أشكرك جدا ً.
انتي مع زواج الهوامير من الزبيديه ؟:) قصه ونيسه :))
Girls and Kuwait City
:)
عجبني الإسم
حد العيب عليهم
ديما
والله الهامور له لسان
ويخرع
روحي سوق السمج وانتي تشوفينه
اما عن حاسه التذوق فما عندي فكرة
بس ممكن اسأل لج
:)
الشكر لله يا ديما
ما سوينا شي
ميمة
:\
انا لازم انزف منج
تصدقين ولا انا صوب الراديو
اهو على ما طلعت من الزحمة وانصدمت
قلة حيا ما خطرت على البال
مي
قولي حق ميمه هالحجي
كل مره تشوف يتبع تفضحني من التحلطم
ما دخلتي بالعميق يا مي
انتي بس سويتي اسقاط
مثل اللي علقوا عقبج
:)
وهذا اللي كنت ابيه
بس بشكل غير مباشر
شرايج فيني
:)
ريماس
هممم
مادري بالنسبه للسمج كلهم عيال منو!!
وبالنسبه للراديو يا ريماس انا ما اسمعه بالمره
ومكتفية بالآي بود مالتي اللي بين فترة والثانية اجدد اللي فيها
هذاك اليوم للصدفه سمعت هالسخافه
وللعلم انا عادة اطلع من الدوام على الثلاث ونص
يعني اصلا ما الحق على توقيتهم
وياليتني ما لحقت
قلة حيا على اصولها
حياك الله يالشيخ وساعة المباركه
ارتفل
والله يا ارتفل ما اعرفها
ولا ابي اعرفها
بس عاااهه كانت
جان زين الزبيدية حلجها عود
جان الحداق ماله والي
يسلم عمرك يارب
:)
ام جي
لوووووووووووول
خوووش حل
سفيد
:)
كلنا اثنينا ماراح نجاوب يا سفيد
لأن بالحالتين ما راح تصير
سيما
الزبيدية تنحب بيني وبينج
:)
مسألة الجمال هذي نسبيه
ومالها شغل بالجنس اعتقد
يعني ممكن تكون الزبيدية جيكره
وعيونها مبققه
تهقين عيالها بيكونون حلوين؟
الجودي
تصدقين عاد
ياما زبيديات اسنع من بنات الهوامير
وعيالهم تربيهم شزينها
مو شرط
المارينا وما ادراك ما المرينا
عيب عليهم صج عيب
هني عاد السنع ماله سالفه
هني الأدب والتربية اهي اللي تحكم
وبداية اسبوع جميله لك يا الشيخه
Kurinkato
اهي يت على المارينا
انتي شفتي الراي!!
برنامج رايكم شباب
من وين ملقطينهم مذيعاتهم
الوحدة منهم تقابل الناس وتبي اهي اللي تسأل واهي اللي تجاوب واهي اللي تتميلح
وياملقي لين تكلموا كويتي
وعيالنا الخمال منهم
كلمه عربي وعشرة انجليزي
حياج الله يالشيخه
عزيزة نفس
انتظري مني ايميل
:*
Ray
محد جاوب وفصص القصه مثلج
وردج حيل عجبني
:*
صباحج خير يا ريو وعن جد
وحشتيني
الليوان
لووووول
يبتيها على الجرح
على فكره الخميس اللي فات مر على وفاة رشدي 33 سنه
ياربي هالريال لو يمر على وفاته الف
هم له سحره
:)
وافتتاحية القصه ما فيها نقزة
فيها واقع معاش بالنسبه لي
:)
صينية وافريقي!!
تصدقين ركبت
وشايفتهم بعيوني
حبيبتي انتي يالغلا
بنادول
وانا معاك قلبا وقالبا
والله يا بنادول مالي من العاده اسمعهم اهم وغيرهم
ترى انا من النوع اللي لا راديو ولا تلفزيون
مريحه راسي
بس صدفت معاي هذاك اليوم
دلوولي
:)
الحلوة عيونج يا ديلووو
ومشكوره على الخبريه
رحت وشفتها
:*
اجار
:)
وانت خبصت السالفه
وخلطت الحابل بالنابل
صباح الخير
سوبر سارا
سعيده لإعجابك بالقصه
وبالفعل هي لم تكن قصه والسلام
والمارينا الله يعينهم على سخافتهم
شي مو طبيعي
حياج الله يا سارا وساعة المباركه
:*
الوتين
:)
انتي لو شايفه ويهي لما سمعت السؤال والجواب اللي هبدني على ويهي وصار ويهي كله عيون من الصدمه
:)
وبكمل بكمل
لا تخافين
وين بنحاش
نيكون
مقرود ومقرودة
يعني جم مثلا وخثاق!!
لوووول
مو صج
ويسلم عمرج يا نيكون يا حبيبة الزين
:*
هيثم
انا الأسعد هنا
والأوفر حظا يا هيثم
وجودك له الوقع الأكبر
شكرا لك ولا تباعد
بما انه الزواج مشؤوم
وفيه اعيال توم
اعتقد اهل الهامور ما يرضون احد يسمي عليهم ...
لازم تكون الاسامي على خوالهم وخالاتهم
ميدزوتي = مشتقه من ميد وزبيدي
---
الزين ترى يننتينا مدونتج مخطوره صارت
بس هم ما نقدر
وبانتظار الزين دائما
دمتي بالف خير :)
سامي
شوف يا سامي
لو يت على مقاييسي للموضوع فالطرح حتما سيختلف والقصه راح تاخذ مجرى ثاني
بس ابي اذكرك بكلمة صغيرونه قالها سيد الخلق والبشر وخاتم الأنبياء
"من رضيتم دينه واخلاقه"
هذا لو كان المقياس على اساس الدين
وتركنا اعرافنا الإجتماعية المتوارثه
بالنسبه لي
رايي انا مو مهم وايد ولا له تأثير لأن رأي بنت في مجتمع ذكوري تحكمه عادات وتقاليد ومقاييس معينة البنت او الولد ما يملكون الا انهم ينصاعون لها ويجارونها
طالما المجتمع هو المجتمع والناس اهم الناس
وماكو شي تغير من وقت يدي ويدتك
بيتم الهامور ما ياخذ الا اللي على شاكلته
والزبيدية نفس الوضع
مع العلم ان الهامور اذا خرق العرف اخذ اللي يبيها من غير ما احد يعيبه
واذا يت على بنت الهوامير فالوضع جدا جدا جدا مختلف
:)
اشفى غليلك الجواب
!!
إرسال تعليق