.

تحذير : هذه المدونة تخضع لقانون حماية حقوق الملكية الفكرية ونحذر من نشر أو نقل أي نص أو مقال للكاتبة.. دون نسبه للمؤلفة.. في أي وسيلة

1.7.10

جعله ويك اند مهبب مثل وجيهكم المهببه

افففف على هالغبار

ابي فاكيوم كلينر عملاقة تشفط هالغبار كله وتصفى الجو عن خاطري .... وهم عن خاطري تشفط الكويت بكبرها وتطلعها من الجنب الثاني ديرة ثانية .... خضرة عطرة ... بااااردة واهلها يردون الروح ....

لا احكام قضائية ولويه

ولا قوانين احتشام عويه

ولا كروت افلام خلاعية

ولا هبات تدوينية

ولا هيصة وطمباخية
ولا شطحات فيس بوكية ... لاعت جبدي وانا احرث وازرع واحصد .... ابي لعبة يديدة!!

خاطري احضر سمرة شباب .... دقدقة ووناسه .... وصفقة تشلع القلب ...... شفيها يمعة البنات غير القثا والحش والغيرة والحسد مالت عليهم اقول حتى مالت عليهم

وتبون الصج .. مالكم بالطويله لأن حتى الكتابه مو يايه على مزاجي اليوم

.....

اترككم مع الطرب الأصيل والوجه الصبوحي وريحة الطيب اللي تفوحي وفنانتنا كي دادا ذات النفس الطويل

لحظة لحظة ...... سؤال بس .... قبل لا امشي

احنا ليش عندنا هيفا واليسا ويارا وربعهم

واهم يا حيل الله عندهم كي دادا

!!

شوفوها وجاوبوني

جعلة ويك اند مهبب مثل هبايبنا اللي غابوا عسى ربي يردهم بالسلامه

مهبب = محبب
هبايبنا = حبايبنا
:)



كي دادا ولا تنسون تسكرون المزيقااا اللي تحت

هناك 36 تعليقًا:

جبريت يقول...

الحل عندي افا عليج

شيلي ناصر المحمد من منصبه تلقين كل شي يمشي على الاصول

الا الغبار خليه ترا نعمه من نعم الله علينا والله

mjkout يقول...

اقول هبيت هالبوست

reemas يقول...

لووووووول
بوست عجيب ضحكني
والله قمنا نستانس من الغبار عقب ذاك اللاهوب اللي حاشنا

بس البوست فصلة
شكرا يالزين
و هابي ويكن اند تو يو تو :))

بس رابط الاغنيه مافيه شي

تحياتي
:)))

le Koweit (حقوقي سابقاً) يقول...

لوووول قعدة البنات غثيثة مو؟
هم انا حاس جذي p:

ميمة السبيت يقول...

** اشفيه المزاج اليوم يازينة الحلوين عسى ماشر مو العادة

تعالي اعزمج على مستكوفي يعدل الراس و معاه ذاك الوفل بالنوتيلا و اعدل مزاجج

أحمد الحيدر يقول...

اجمعين :))

وبلا غبار انشالله .. :)

سلة ميوّة يقول...

بالبداية شكيت...

من العنوان قلت لايكون مهكرين بلوقها:)


بعدين لما قريت يتني الضحكة على قمته...
على ضحكة مره ثانيه


والاجابه

يختج شعب يموت على التعدديه...:)

شنسوي فيه :)



يامسى الانوار وعساه ويك انك حلو على قلبج

:**

panadool يقول...

لووووووووول

الوجه الصبوحي

(:

Nikon 8 يقول...

حدج عجيبة يا الزين
:)
ويك أند ونيس إنشاءالله

KQ-Designs يقول...

So scary ! 7sait enha scary movie !
ma gdrt akmlha !!

La tshofeen chthy shofay shay yft7 el nfs ;*

ذات ... يقول...

الظاهر من قوة موجة الحر قمتي تسردين امنيات ..لا تطلعين بلقوايل ترى ضربات الشمس احيانا تسوي افلام اكشن (:

أشاركك الهم بصراحه ..نحتاج موجة ثلج عشان يتغير الحال ...(:

بس سؤال هذي مين هههههههههههههههههه

احسها رجل بلقبر ورجل بالدنيا ...

هههههههههههههههههههاي ..لا تعليق ..

من اول ما بدى العزف كلهم نايمين ..
لوووووووووووول ...

الله يسعد ايامك ...(:

الزين يقول...

جبريت

اهي يت على ناصر المحمد
!!

الغبار حارمنا من طلعة البحر يا جبريت

شكلنا ماكو حداق الا عقب رمضان

الزين يقول...

ام جي

وهو بعد يهبك يالشيخ

:)

الزين يقول...

ريماس

عسى الضحكة دوم ما تفارقك

غبار ولواهيب كلهم عيال عم
خل يعدون هالشهرين ونخلص
استغفر الله الله يعينا على رمضان

شسوي من اللي فيني
عادي ترى افصل فصلات مالها شبه

ويك اند جيل مطرز بحبيبات الغبار الرقيقه لك ولمن تحب
:)


ورابط الأغنية عدلناه
بحفظ الرحمن

الزين يقول...

حقوقي سابقا

حدهاااا
بس عاد مو كل بنات

:)

الزين يقول...

ميمة

آآآخ يا ميمة
لو تدرين بس

يالله انا قبلت العزومه
بس مابي وفل ولا نوتيلا
ما اكل حلو

:*

الزين يقول...

احمد

يابو كوثر الناس تبي الغبار
انت تقول بلا غبار؟؟

هل كيف يابو كوثر

الزين يقول...

سلة

:)))
يهبووون يهكرون على بلوقي
ذكرتيني خل اغير الباس وورد من زمان ما غيرتها

ضحكي بعد قلبي ضحكي
بس ما نبي قمته

العيب مو فينا يا سله
العيب باللي دخلوا وانحسبوا علينا

هابي ويك اند
:*

الزين يقول...

بنادول

:)
حددده صبوحي

الزين يقول...

نيكون

ويك اند اجمل لج يالشيخه
:*

الزين يقول...

كويت ديزاين

ههههههههه
يايتني الأغنية بالأيميل
قلت حاشا وكلاااا
الا اشارككم الفن الأصيل

شلونج يالغلا
:*

الزين يقول...

ذات

ليش انا على بالج اطلع عشان اطلع بالقوايل

:$
خليني سااااكته

اي موجة ثلج
مع شمسنا يذوب ويتحول فيضانات وسيول
مو المتعوس دايما يلقى العظم بالكرشه على قولة اخوانا المصريين

هذي من بلشت الأغنية وانا اضحك بهبل مل ما قارنتها بهيفا
!!

تهقين تصلح تغني الواوا!!

I7na 3shagnaha يقول...

ana 6agat chabdee min al farm as well

masadagt osal level 70 chan yfte7oonha laima 90 :(

inzain mino hathy?

madalooha 6reej dector ellissa o rabe3ha

دلوولي يقول...

عجيب عالبوست و تحلطمج ضحكني مع ان الجو اييب القمته
هذي ام كلثوم عندهم هههههههههه
مسكينه مومياء مطلعينها من القبر لا وماكو ضروس

Haitham هيثم Al-Sheeshany الشيشاني يقول...

أما حتة بوست
:]

على المزاج
ههههه

:]

و الأغنية ما فيه عليها كلاااام، أبدا ً

ونستينا و روقتينا

*** "لا تعيديها بليز" :P

بو محمد يقول...

الله يعينكم اختي على الغبار و يكشف إن شاء الله برحمته كل هم و غم

أما المطربه، فشقول، ناقصها بس تقط حجابها جريمبه و تصف ويا المعيوف و المجلي تنهم وياهم و الا تقضب يحله

يوكم تراهم يوكم


الله يرزقكم ذاك الهوى النعشي إن شاء الله


دمت و الأهل و الأحبة برعاية الله

q8-lawyer يقول...

البوست حده عجيب

مت من الضحك واناأقرا

وهالوجه الصبوحي كي يده

قصدي دادا

وين لاقيته بأي متحف !!

الوتيــــــــــن يقول...

ههههههههههههههه

اموت عالفصلة يا نااااااااس


الصيف صيف ماكو مفر ... واجهي الواقع يا قمر :*

مسالورد

الزين يقول...

احنا عشقناها

:$
انا توني ستين مدري واحد وستين ومالي خلق اطل بالفيس بوك ولا اباريها
شكلي بشوف لي فلاح متفرغ يكمل المهمة


هذي الله يطول بعمري وعمرك وعمر كل من يعزون علينا كي دادا النسخة المنقحة من فرعون سيء الذكر

اذا عندج تليفون دكتور اليسا وزعيه علينا

تاخذين اجر فيها وفينا

:)

الزين يقول...

دلولي

عادي ترى انا اتحلطم وايد
بس مو جدامكم
كويتية مو!!


هذي مسكينه خليها تلقط ايامها
:)

الزين يقول...

الشيشاني

عادي عطيتك عينه من التذمر الكويتي على اصوله

:)

حياك الله

الزين يقول...

بو محمد

:)
لا بو محمد ما يبي لها جريمبه
يبي لها وزار تلفه على راسها

الله يسمع منك
هم ترى الغبار ارحم من الشمس الحنانية

سلم لي على اللي عندك
وقول لهم
لهم وحشه أد الدني يا بو محمد

بحفظ الله

الزين يقول...

لوير كويتية

تصدقين يتني بالأيميل
قلت اشاركم فرحة اكتشافها كمطربة مخضرمة

:)

الزين يقول...

الوتين

:)))
اخ يا صيفنا

قاااااتل

لو تشيلين الكويتي وتقطينها بحر يسوي
تشششششش من الحرورة

Antonio يقول...

الزين

أخ يا الزين

موضوعج زعلني وايد

اغبار واغنية مثل هذي حركة مشاعري وخلتني اخر ادموع بالدوام والناس قاعده تهديني وغترتي تبللت من الحزن

بو محمد يقول...

عساكم ما تفقدون غالي اختي

اللي عندي صاروا عندكم اختي

:-)

دمت و الأهل و الأحبة برعاية الله