افففف على هالغبار
ابي فاكيوم كلينر عملاقة تشفط هالغبار كله وتصفى الجو عن خاطري .... وهم عن خاطري تشفط الكويت بكبرها وتطلعها من الجنب الثاني ديرة ثانية .... خضرة عطرة ... بااااردة واهلها يردون الروح ....
لا احكام قضائية ولويه
ولا قوانين احتشام عويه
ولا كروت افلام خلاعية
ولا هبات تدوينية
ولا هيصة وطمباخية
ولا شطحات فيس بوكية ... لاعت جبدي وانا احرث وازرع واحصد .... ابي لعبة يديدة!!
خاطري احضر سمرة شباب .... دقدقة ووناسه .... وصفقة تشلع القلب ...... شفيها يمعة البنات غير القثا والحش والغيرة والحسد مالت عليهم اقول حتى مالت عليهم
وتبون الصج .. مالكم بالطويله لأن حتى الكتابه مو يايه على مزاجي اليوم
.....
اترككم مع الطرب الأصيل والوجه الصبوحي وريحة الطيب اللي تفوحي وفنانتنا كي دادا ذات النفس الطويل
لحظة لحظة ...... سؤال بس .... قبل لا امشي
احنا ليش عندنا هيفا واليسا ويارا وربعهم
واهم يا حيل الله عندهم كي دادا
!!
شوفوها وجاوبوني
جعلة ويك اند مهبب مثل هبايبنا اللي غابوا عسى ربي يردهم بالسلامه
مهبب = محبب
هبايبنا = حبايبنا
:)
كي دادا ولا تنسون تسكرون المزيقااا اللي تحت
هناك 36 تعليقًا:
الحل عندي افا عليج
شيلي ناصر المحمد من منصبه تلقين كل شي يمشي على الاصول
الا الغبار خليه ترا نعمه من نعم الله علينا والله
اقول هبيت هالبوست
لووووووول
بوست عجيب ضحكني
والله قمنا نستانس من الغبار عقب ذاك اللاهوب اللي حاشنا
بس البوست فصلة
شكرا يالزين
و هابي ويكن اند تو يو تو :))
بس رابط الاغنيه مافيه شي
تحياتي
:)))
لوووول قعدة البنات غثيثة مو؟
هم انا حاس جذي p:
** اشفيه المزاج اليوم يازينة الحلوين عسى ماشر مو العادة
تعالي اعزمج على مستكوفي يعدل الراس و معاه ذاك الوفل بالنوتيلا و اعدل مزاجج
اجمعين :))
وبلا غبار انشالله .. :)
بالبداية شكيت...
من العنوان قلت لايكون مهكرين بلوقها:)
بعدين لما قريت يتني الضحكة على قمته...
على ضحكة مره ثانيه
والاجابه
يختج شعب يموت على التعدديه...:)
شنسوي فيه :)
يامسى الانوار وعساه ويك انك حلو على قلبج
:**
لووووووووول
الوجه الصبوحي
(:
حدج عجيبة يا الزين
:)
ويك أند ونيس إنشاءالله
So scary ! 7sait enha scary movie !
ma gdrt akmlha !!
La tshofeen chthy shofay shay yft7 el nfs ;*
الظاهر من قوة موجة الحر قمتي تسردين امنيات ..لا تطلعين بلقوايل ترى ضربات الشمس احيانا تسوي افلام اكشن (:
أشاركك الهم بصراحه ..نحتاج موجة ثلج عشان يتغير الحال ...(:
بس سؤال هذي مين هههههههههههههههههه
احسها رجل بلقبر ورجل بالدنيا ...
هههههههههههههههههههاي ..لا تعليق ..
من اول ما بدى العزف كلهم نايمين ..
لوووووووووووول ...
الله يسعد ايامك ...(:
جبريت
اهي يت على ناصر المحمد
!!
الغبار حارمنا من طلعة البحر يا جبريت
شكلنا ماكو حداق الا عقب رمضان
ام جي
وهو بعد يهبك يالشيخ
:)
ريماس
عسى الضحكة دوم ما تفارقك
غبار ولواهيب كلهم عيال عم
خل يعدون هالشهرين ونخلص
استغفر الله الله يعينا على رمضان
شسوي من اللي فيني
عادي ترى افصل فصلات مالها شبه
ويك اند جيل مطرز بحبيبات الغبار الرقيقه لك ولمن تحب
:)
ورابط الأغنية عدلناه
بحفظ الرحمن
حقوقي سابقا
حدهاااا
بس عاد مو كل بنات
:)
ميمة
آآآخ يا ميمة
لو تدرين بس
يالله انا قبلت العزومه
بس مابي وفل ولا نوتيلا
ما اكل حلو
:*
احمد
يابو كوثر الناس تبي الغبار
انت تقول بلا غبار؟؟
هل كيف يابو كوثر
سلة
:)))
يهبووون يهكرون على بلوقي
ذكرتيني خل اغير الباس وورد من زمان ما غيرتها
ضحكي بعد قلبي ضحكي
بس ما نبي قمته
العيب مو فينا يا سله
العيب باللي دخلوا وانحسبوا علينا
هابي ويك اند
:*
بنادول
:)
حددده صبوحي
نيكون
ويك اند اجمل لج يالشيخه
:*
كويت ديزاين
ههههههههه
يايتني الأغنية بالأيميل
قلت حاشا وكلاااا
الا اشارككم الفن الأصيل
شلونج يالغلا
:*
ذات
ليش انا على بالج اطلع عشان اطلع بالقوايل
:$
خليني سااااكته
اي موجة ثلج
مع شمسنا يذوب ويتحول فيضانات وسيول
مو المتعوس دايما يلقى العظم بالكرشه على قولة اخوانا المصريين
هذي من بلشت الأغنية وانا اضحك بهبل مل ما قارنتها بهيفا
!!
تهقين تصلح تغني الواوا!!
ana 6agat chabdee min al farm as well
masadagt osal level 70 chan yfte7oonha laima 90 :(
inzain mino hathy?
madalooha 6reej dector ellissa o rabe3ha
عجيب عالبوست و تحلطمج ضحكني مع ان الجو اييب القمته
هذي ام كلثوم عندهم هههههههههه
مسكينه مومياء مطلعينها من القبر لا وماكو ضروس
أما حتة بوست
:]
على المزاج
ههههه
:]
و الأغنية ما فيه عليها كلاااام، أبدا ً
ونستينا و روقتينا
*** "لا تعيديها بليز" :P
الله يعينكم اختي على الغبار و يكشف إن شاء الله برحمته كل هم و غم
أما المطربه، فشقول، ناقصها بس تقط حجابها جريمبه و تصف ويا المعيوف و المجلي تنهم وياهم و الا تقضب يحله
يوكم تراهم يوكم
الله يرزقكم ذاك الهوى النعشي إن شاء الله
دمت و الأهل و الأحبة برعاية الله
البوست حده عجيب
مت من الضحك واناأقرا
وهالوجه الصبوحي كي يده
قصدي دادا
وين لاقيته بأي متحف !!
ههههههههههههههه
اموت عالفصلة يا نااااااااس
الصيف صيف ماكو مفر ... واجهي الواقع يا قمر :*
مسالورد
احنا عشقناها
:$
انا توني ستين مدري واحد وستين ومالي خلق اطل بالفيس بوك ولا اباريها
شكلي بشوف لي فلاح متفرغ يكمل المهمة
هذي الله يطول بعمري وعمرك وعمر كل من يعزون علينا كي دادا النسخة المنقحة من فرعون سيء الذكر
اذا عندج تليفون دكتور اليسا وزعيه علينا
تاخذين اجر فيها وفينا
:)
دلولي
عادي ترى انا اتحلطم وايد
بس مو جدامكم
كويتية مو!!
هذي مسكينه خليها تلقط ايامها
:)
الشيشاني
عادي عطيتك عينه من التذمر الكويتي على اصوله
:)
حياك الله
بو محمد
:)
لا بو محمد ما يبي لها جريمبه
يبي لها وزار تلفه على راسها
الله يسمع منك
هم ترى الغبار ارحم من الشمس الحنانية
سلم لي على اللي عندك
وقول لهم
لهم وحشه أد الدني يا بو محمد
بحفظ الله
لوير كويتية
تصدقين يتني بالأيميل
قلت اشاركم فرحة اكتشافها كمطربة مخضرمة
:)
الوتين
:)))
اخ يا صيفنا
قاااااتل
لو تشيلين الكويتي وتقطينها بحر يسوي
تشششششش من الحرورة
الزين
أخ يا الزين
موضوعج زعلني وايد
اغبار واغنية مثل هذي حركة مشاعري وخلتني اخر ادموع بالدوام والناس قاعده تهديني وغترتي تبللت من الحزن
عساكم ما تفقدون غالي اختي
اللي عندي صاروا عندكم اختي
:-)
دمت و الأهل و الأحبة برعاية الله
إرسال تعليق