.

تحذير : هذه المدونة تخضع لقانون حماية حقوق الملكية الفكرية ونحذر من نشر أو نقل أي نص أو مقال للكاتبة.. دون نسبه للمؤلفة.. في أي وسيلة

9.12.09

درابيل هوم دليفيري




تحديث بنهاية البوست
.
.
.



كيف نبتدئ يومنا .. وماذا يخبئ لنا ذلك اليوم بين طياته ... اطباقا شهية من الأحاديث المشبعه بالضحكات ... علامات تعجب تختبئ وراء بعض المواقف التي تبقى مبهمة ولا نجد لها أي تبرير مقنع ... عمل لا ينتهي ... لهاث وراء ماتود تحقيقه من رغبات ... اهداف معلقه ... اناس لا يعنون لك الكثير ... طرق على الباب ... اجوبة غريبه قد تثير عواصف من عجاج الأفكار ... نقاط انت تضعها لتنهي السطر ... ونقاط هم يضعونها لتقف معهم عند ذلك الحد ..وجوه لا تعني لك سوى تجربه وانتهت ... ووجوده تعشق وجودها .. صوتها ... واندماجها بعالمك

اناس يقبلون عليك كالموج .. تنكسر امواجهم على شواطئك لتختلط مع رمالك وتصبح انت وهم كيان واحد ... فتعشق وجودهم على اجندتك اليومية .... واناس تفضل ان تقصيهم بعيدا كابتعاد تلك الموجه بعيدا آخذة معها كل ما قد يلوث صفوك من عدم وضوحهم
اناس تفتح لهم كل ابوابك ويقفلون هم ابوابهم .... واناس يبحثون عن مفاتيح تلك الأبواب حتى يصلون اليك


نحب ... نكره ... نندمج ... نتقبل ونقبل ... نشارك .... نبتسم ... نحتضن ... ونضحك بكل صفاء لصدف واحداث قد تعطيك الإحساس بأن الدنيا بخير ... وهناك بالفعل من يستحق ان يكون جزءا من يومنا ... وربما غدنا
ترى كل هذا مقدمه
:)


ما حدث لي اليوم لم يكن بالحسبان ابدا .. مكالمة صغيره صنعت يومي ... ابتسمت ...ثم ضحكت لجمال وبساطه ووضوح من كانت على الطرف الآخر من السماعه

خل اقول لكم شنو صار معاي

مسئولي المباشر يطلب مني مساعدته في امر اشتراكه الخاص للمنزل مع شركة كيمز للإنترنت ... قبل ان يسافر ..

اقوم باتصالاتي اللازمه لحل تلك المشكله ... فلطالما اعتقد ذلك المسئول اني املك العصاة السحرية لحل كل ما لا يحل

المهم ... كلمتهم وعطيتهم فحوى الشكوى .. ووعدوني بحل المشكله بالكثير على باجر
ونسيت السالفه ...
اليوم الثاني يرن خط الدوام .. ليعلموني بانهم حاولوا الإتصال بذلك المسئول ومارد عليهم ... وحاولوا الإتصال على خط البيت وهم محد رد عليهم ... وكان ردي ان شي طبيعي محد يرد على خط البيت لأن الكل بالدوامات وكلموهم بعد الظهر .. وان بو أحمد ما يرد على موبايله لأن خارج البلد
انزين يا الزين تقدرين تساعدينا تعطينا رقم زوجته ؟؟
هممممم ... ماني متأكده انه عندي بس لحظه خل اجرب اشوفه على موبايلي
ابحث .... لأجد اسم ام أحمد ... لما الحين كل شي مضبوط ... صح!
اكتب عندك الرقم
مشكوره بس شلون اذا ماردت علينا ....
اوكي انا الحين بكلمها واخبرها انكم بتدقون عليها
تمت المكالمه وخلصنا
الزين ترفع موبايلها وتدق على ام أحمد
الموبايل يرن ثلاث رنات تقريبا وترد على ام أحمد
الو ام أحمد ... صبحج الله بالخير
صباح النور
شلونج وشلون العيال ..
بخير الله يسلمج!!!
عفوا ام أحمد ... مثل ما فهمت من بو أحمد عندكم مشكله بالإنترنت كونكشن وانا كلمت كيمز واهم عيزوا من الصبح يدقون لكم ومحد يرد على خط البيت ... يبون يعروفون متى يدزون لكم الفني عشان يشوف السستم ليش مو شغال
ام أحمد تصمت لبرهه
حبيبتي انتي أي ام أحمد تبين؟؟
@@
هاااا ....... تصوروا في هاللحظه بالذات انتبهت ان الصوت مو صوت ام أحمد
اختي انا ابي ام احمد الفلاني
لا حبيبتي انا مو أم احمد الفلاني
عيل انتي منو؟ وطبعا سؤالي هذا نابع من نقطة ان رقمها واسمها محفوظين بموبايلي
انا ام احمد اللي تبيع درابيل
@@ @@ @@
درابيل!!!!
درابيل درابيل!!!
جود حزتها انا يوعانه ومن امس على غداي ...
جان ترد علي ايه درابيل درابيل
احم .. انزين وبجم الكيلو؟؟
:)
والله حبيبتي على حسب النوع
ليش اهو في انواع
ايه حبيبتي ... عندي شي بالدارسين وشي بالزعتر وشي بالجبن وشي .....بالمهيااااوة
حلووووو
هلا هلا ...مهياوة بعد!
الله ابي ... لحد يلومني قاصني اليوع وكل شي يحلى بعيون اليوعان
أقول ام أحمد .. شلون ؟ توصلون البيت
قالت ايه عطيني طلبج وعنوانج وباجر يوصلهم لج السايق البيت وعطيه الحساب
خوووش ... قمت اتلمض
المهم قلت لها بدق لها تالي عشان تاخذ طلبي وتشكرت منها وتأسفت على الإزعاج
المره كانت حبيبه ولسانها عسل
سكرت الموبايل بحثا عن رقم ام احمد المنشوده جان اتذكر اني عطيت رقم ام احمد درابيل حق كيمز واكيد بيدقون لها
ويييييييه ... شنو العمل ...
وادق لها مره ثانية
الو ام احمد
هلا ابوووي
شلونج
قالت ما تغير شي عن لوني من سكرتيه مساع
طبعا انا اللي يعرفني كريكره وممكن افصل بالضحك فلكم ان تتصورون شلون مسكت نفسي غصب وقصيت بضحكتي
ياربي المره دمها عسل
اقول ام احمد انا ترى سويت شي غلط
@@
يالله سترك شمسويه
:))))))))
قلت لها لاااا يعني مو وايد غلط بس غلط ... ترى انا عطيت رقمج حق كيمز واكيد بيدقون لج عشان الأنترنت كونكشن
جان تقول لي حياهم الله ... بس عاد يشترون درابيل ؟؟؟
:))))))))))
واااي مو صج ... عجبه
المهم جان اقول لها
انزين ام احمد انا عندي سؤال محيرني اذا ما عليج كلافه
قالت سئلي
قلت انا من وين لي رقمج .. يعني انا ما آكل حلو ... ولا احب الدرابيل ... ولا عمري طلبتهم منج
جان تصفن شويه
جان تقول والله مادري ياعيوني ... جود انا مرقمتج بذيج الزمانات
احلاااااا ... السالفه فيها ترقيم
:)))
ردت جان تسألي ... الا بقول لج انتي وين تشتغلين
قلت لها بالقطاع النفطي
جان تقول لي اليوم عندكم عطله ؟؟
لا مداومين
عيل علامج ما عندج شغل
@@
طرباااااااااااااااااخ

من الفشله مدري شلون طلعت مني ... ايه بعد ام احمد شخباااارج
المره شرقت بريجها من الضحك ... وانا دمووووع ... بس اكركر .... فصلت معاها
انسانه مريحه وواضحه ومقبله على الحياة والتعامل معاها سهل وما عندها عقد وتكلف .... ما مر علي احد مثلها سهل الحديث وما عنده معاني متواريه خلف الكلمات ... كل شي بالويهه ومن غير تعب
المهم بعد ما تطرقت الأحاديث للأمور الشخصية جان تقول لي
اقول يالزين شرايج تيين انتي تاخذين الدرابيل وتشربين عندي استكانه شاي
قلت لها ان شاء الله بس ما اوعدج سامحيني بس والله الدوام والشغل ماخذ وقتي وماكو نهار
على العموم ساعة المباركه يا ام احمد وترى دخلتي قلبي وحبيتج
وه حبتج العافية .. الا يازينج انتي ويازين سوالفج ... كل ما ضاق خلقج ابوي دقي ... حتى لو ما تبين درابيل ... واذا ما عليج كلافه ... سوي لي دعاية عندكم ... مو انتوا اهل النفط ماشاء الله معاشاتكم راهية ... خلينا نترزق على حسابكم
:)
ان شاء الله وماطلبتي شي  ...يالله سلام
بحفظ الرحمن ابوي انتي

ام احمد ... ادري انج ما تقرين لي ... بس حبيت اقول كلمه بحقج ... حبيتج ببساطتج ... بشراحه نفسج ... بتقبلج للطرف الآخر دون ان تعرفينه ... بحسن تعاملج ... باحتضانج لتلك اللحظه اللي كنت مضيعه فيها ووجدت انسانه جدا جميله ... بسيطه ... وصافية ...


ام احمد شكرا لك ... فلقد صنعت يومي


وعلى فكرة غيرت اسمها عندي بالموبايل من ام احمد
الى ام احمد درابيل
:)


للراغبين برقم تليفون ام احمد
99199149

هناك 54 تعليقًا:

دلوولي يقول...

صباحج حلو بالرهش و الدرابيل و السمسميه بعد
فديتج
يا حلاة سوالفج و مخارج حروفج يالزين
زين على زين
ما عليج كلافه ابي رقم ام احمد درابيل يبيله نطلب حق قعدة الدوه و الخيمه

دمتي بالخير و عسى الفرح دايم على بابج

ميمة السبيت يقول...

** ماكو على لسان الثور مع الحليب الصبح ، حق هالأيام و هالجو مو طبيعي

- ونسويلها دعاية تستاهل الحجية

سبمبوت يقول...

وااااااااااي ابيه القصة عجيبة .. وابتسامات تطايرت من فوق الكرة على بطني وتاكتني تك ما اقدر اتنفس وخصوصا لما تتمقط صباحا ومساءا


والله ياالزين امس بالجمعية ادور درابيل ام القوطي الأخضر ما لقيت بجمعيتنا يديدة وما يعرفون اييبوت الشغلات الزينة

اهو عطيني رقمها خنأطلبلي شوية درابيل اغمسهم في صباحات العمل الباكرة

المقوع الشرقي يقول...

الزين كله
يا زين اسويلفاتج
يا الغاليه
..
درابيل مهياوة
لوووول
هل جيف
..
جنج تدرين احب الدرابيل شغل البيت
واحبها دارسينيه
مشكورة ع الرقم
لا خلا ولا عدم

Nikon 8 يقول...

درابيل ... صج الله يحبني :)
يا حلوها أم أحمد .... الله بسأل إشصار على مشكلة بيت المدير قمت أحاتيه والريال معتمد عليج .

Engineer A يقول...

هههه

صج سالفه :)

وتستاهل من أحمد درابيل نسويلها دعاية :)

Najmah يقول...

:))))

بما اني سمعت السالفة
بعلق على الكلام اللي فوق
انتي اجمل نقطة ترتكز وسط يومي
وانتي احلى عالم استمتع فيه
وارتاح وانا احضن سماه
يكفي لا سمعت كلامج
تهون كل همومي واحس الدنيا بخير

احبج

Reem AlHajri يقول...

عاد على طاري الدرابيل ، ذاك اليوم إختي إتنسى عليهم ..

خل أقولها عن درابيل أم أحمد عيل p; !
و أسويلها دعاية بالأوساط العائلية بعد ، دامها فرحت قلبج بكلامها الطيب على هالصبح ؛)

إي هم أنا قمت أحاتي سالفة المدير !
عسى إنحلت عاد ؟

الاوركيده يقول...

ضحكت من كل قلبي يالزين

شلونج يالغالية

مشكورة على الرقم راح اطلب حق يدتي وايد تحب الدرابيل

:)

الأستاذ حمام يقول...
أزال المؤلف هذا التعليق.
لؤلؤة يقول...

الله وناسة..
يا ليت لي ام أحمد درابيل..
ومهياوة بعد :)
تسلمين يا الزين ع الحكم :)

بو محمد يقول...

السلام عليكم و رحمة الله اختي

تدرين اشكثر ضحكنا على السالفة

ههههه

لو أنا اللي داق جان يوم تخسبقت قلتلها
يا أم أحمد قومي طلي يا أم أحمد قومي طلي

الدرابيل صارت "شي بالدارسين وشي بالزعتر وشي بالجبن وشي .....بالمهيااااوة"

مناجر، على قولة الوالده

اللي بالمهياوه اتقمس بشنو؟ دقوس صبار؟

لازم أقروش لي 3 كيلوات هيل عقبها و اتمضمض بقلن ماي لقاح

بس يحليها أم احمد، حبيبه ما شاء الله عليها

حلاته داق هندي من كمز و وسائلها، التوزيع عندكم دبل دستربيوشن و الا تربل دستربيوشن؟

جان قالت له، لأ، درابيل ، الكنديشن ما فيه شي، و اشنبي فيه ألحين؟، دش الشتا.

هههه

السموحة على الطوالة اختي

دمت و الأهل و الأحبة برعاية الله

الأستاذ حمام يقول...

قصة مشوقة..

7osen يقول...

هههههههههه
هههههه
وناااسة خوووش مكالمة

كلامج في البداية جداً جميل وحقيقي وااايد
الناس احد تبي قربه واحد يبي قربك

غير معرف يقول...

صباح الخير يابنتي يالزين

صباح الدرابيل وقرص العقيلي

يابنتي انا يا الزين طحت بالصدفه على مدونتج ومن يومها قبل ما اقرا الجرايد بعد صلاه الفير ادور الشي اليديد لج بس اليوم صج خوش سالفه ضحكت بالدوام و واحد قال لي خير شفيك قلت لهم الزين كاتبه الزين قالوا لي يبها تشتغل عندنا باحثة اقتصاديه قلت لهم لا يوبا بتخلونها تعيز بسرعه

الله يابنتي الدرابيل وقرص العقيلي حق الشياب اللي مثلي ترا وايد حلو

لاماشايب وايد عمري 52 بس اخ لو ممكن نخردهم اصير 3 اولاد بو 17 سنه وفوقهم ياهل عمره سنه لوووووووووووووووووووول

تكفه يالزين لاتوقفين في يوم ترا انتي ضحكه وابتسامه الصباح بالنسبة لنا

الزين يقول...

دلولي

صباح الدوة وشاي الفحم
صباح القبيط
:))

واذا عرفتي شنو القبيط لج مني هممممم بوست خاص لج

يالله بعد شتبين

ورقم ام احمد حطيناه لج
وعسى شغلها ايوز لكم

مسكينه الله يا فرحتها لما قلت لها بكتب عنج

وقالت لي بتطرش لي عينات عشان احط صورتهم على المدونة

:)))
يازينها زيناه

حبيبتي انتي دامت الدنيا عليج بكل الفرح

الزين يقول...

ميمة السبيت

شوفي انا كلش مو من ربع لسان الثور او الزنجبيل

وبرايي الخاص الحليب حلاته بالهيل وبس

واذا تبين تجربين شي يديد
حليب وسمسم محمر
شي مو صج
مووووصج

:))

ما تقصرين يا ميمه
:*

الزين يقول...

سبمبوت

:))
يعلج دوم مستانسه وتضحكين

افا عليج اذا خاطرج بالقوطي الخضر ان شاء الله يوصل لج

بينا الو

:*

ورقم ام احمد موجود بالبوست

:)

الزين يقول...

المقوع

بعد قلبي انتي
من ذوقج يالموقع

ايه والله
وترى لا تستهينين بالمهياوة
ترى مفيده
خصوصا لمحبي الزفرة واللي يشبهون القطاوة

لووووووول

الزين يقول...

نيكون

لووووووووول

الجماعة كلهم طلعوا من محبي الدرابيل

اقولج عجبه هالمره
حبيتها ودخلت قلبي

والمدير دقيت له وقلت له كلم كيمز قاعدين يدقون لك واتفق وياهم

:)

يالله عاد انا الحين ابي بونص
لووووووول

الزين يقول...

انجنيرا

:)))

اقول لج فصلت معاها

وبعدين مبين عليها مو صغيره
وسوالفها ناااطعه

الله يحفظها

الزين يقول...

نجمة

:)))

يا حياتي انتي
:**

ربي يحفظج ويسعد قلبج ويكبر حظج يا نجمة
ولا يخليني منج قولي آمين

الزين يقول...

دمعة المقهور

عسى دوم هالضحكة ما تنطفي

انا بخير طاب لونج
انتي شلونج

وعليكم بالعافية
:)

الزين يقول...

لؤلؤة

@@

هل كيف
!!

وربي البارحه كنتي على بالي
واقول لؤلؤة وينها
غايبه عني من زمان

وراج يا بنية ما تبينين
؟؟

الزين يقول...

بو محمد

وعليكم السلام والرحمة يالشيخ

:)))
تدري شكثر استناست لأني قدرت اصنع هالضحكة

وبعدين ما عليك
اخيتك الزين لها فصلات عجيبه
ولو بسولف لكم عن فصلاتي ما اخلص

:))
ايه والله شوفي الفرح والناس

ههههههه

الحين انت اللي فصلت وضحكتي
ايه والله دقوس صبار
يبي له على هالجور البارد مع شويه مموش يا بو محمد

يالله صباح الخير
:)

مدري عاد كلموها كيمز لو لأ
ما يابت لي بالطاري امس لما كلمتها

الله يحفظها ويسعدها يارب
المره بنت حلال


وبيتك ومطرحك يابومحمد
والسلام امانه ياخوي

الزين يقول...

الإستاذ حمام

:)

حياك الله يالشيخ
اسعدني تواجدك

الزين يقول...

حسين

:))

ما تصدق يا حسين شكثر ضحكت وانا اكلمها
وضحكت وانا اسولف حق نجمه عن السالفه اصلا فصلنا على خفة دمها

وضحكت وانا اكتب البوست

اصلا في تفاصيل ما تنقال
ووفرتها عليكم

بس الأمانه لله المره ذهبة وتنحب

:)
وجودك هو الأجمل
اتمنى تكون بخير يا حسين

الزين يقول...

غير معرف

صبحك الله بالنور والكرامه

ماشاء الله تبارك الرحمن
تقرا لي بعد صلاة الفجر
والله انا حظيظه
وما اعتقد اصلح اكون خبيرة اقتصادية
:)

اوقف كتابه!!
ما اعتقد
طول ما انا باستطاعتي ارسم ابتسامه على وجه الآخرين
ماراح اوقف

حياك الله وساعة المباركه يالشيخ

Cesc يقول...

هههه
صباحك خير ,
اهم شي ماعندج شغل فصلت عليها ههه ..
دمتي بخير يارب ,

دلوولي يقول...

عدل عدل يا بختي منو قدي الزين بتعطيني إهداء
القبيط نوع حلو يسمونه بإيران gz
لونه ابيض و فيه طحين مع فستق ويبيعونه بالرفاعي بعد
اشرايج فيني (;
يا حلوها ام احمد و يا حلو سوالفها اتهلي و اترحب و ذاك الحجي السنع امس اتصلت عليها و طلبت حق يوم السبت تقول ماعندها جاهز بس حسافه ما عندها توصيل حسافه لكن اشوه اطلعو جيرانا بالمنطقه اللي يمنا بينا جسر اهي بالسره و انا بجنوب البصره اقصد جنوب السره D;

تسلمين يالزين و هاف أنايس ويك اند

Sweet Revenge يقول...

يا سلام شهيتينا يالزين بس ام احمد ابداع وصاجة ماكو احلا من البساطة .
ذكرتين يمرة عودة ماتعرف تقرا ولاتكتب
وتعودة تدق علي ولدها كل يوم
المهم ولدها غير رقمها واهي صارت تدق رقم ولدها القديم كل يوم ويرد عليها الريال كل يوم ويقولها لا يما مو انا ولدج
وظلت علي هالحالة شهر
لما حفظت رقم ولدها اليديد ,دق عليها الريال الي كل يوم ماذيته يقولها"يما وينج فقدتج خلاص حفظت رقم ولدج"
الله يخليهم اهما الخير والبركة
:) ومشكورة علي رقم ام احمد

aL-NooR . يقول...

يا حلوج يا حلو سوالفج :*
يا حلو اللي ما يتعطلون ..قالتلج درابيل ابد ما تردينها .. طلبتي
اي جذي السنع ..:* و مداخيل العافية .. هني على قلبكم

انا اخوي من عشاق الدرابيل
شكلي بطلبه ..

والله خوش ماركتينق

يا ام احمد قومي طلي

صبحج الله بالنور و النوير :*

**************************

Framboise يقول...

لوووووووول واي يالزين على ما وصلت اخر البوست الا انا بس اتلمظ قلت يالله بطلب حق الخيمه انا ما دقيت الرقم والا يطلعلي ام احمد يا حلوها تهبل و طلبت صينيه مشكل من غير مهياوه...

ادزلج؟ :*

Tekana يقول...

عاد انا ماحب الدرابيل وايد بس بطلب منها عشانج :)


تحياتي :)

DiLLi O MiLLi يقول...

ههههههههههههه
خف طينه أم الدرابيل ،،،،، وأم السعد والزين
؛)


أشعليييه وصلت درابيلج ليه ....

الـــدار


:)

lawyer يقول...

تراااااا هذي فزعتي من الساعه 5 الفير و يوووووووووووعانه


شوقتيني على الدرابيييييييل

و تقطقط الحليبه ااااااااااااه


جيعاااااااااااااااانه مره يا اختك بموووووووووت قرصني الجووع و قمت ادور الاكل ...



باي ذا واي
اعتقد ان احلى شي بالدنيا الانسان الطبيعي لانه اهو مرتاح و مريح الناس حواليناا .. لذا وتعبت على لذا وايد

انا متأكده ان اهي مامانت و خذت و سولفت ويااج الا بسبب روحج الحلوه وخفه دمج انتي


عيييييييييييييييييل اكو وحده تدق على وحده ماتعرفها تقوووووولها
اانا سويت شي غلط
لووووووووووووول



واي يختي مريحه عمرج عدل انتي منسجمه مع النفس و فانعكس على الطرف الاخر



المهم عسى انا عرفت كلمه الصدمه عدل؟؟؟

DiLLi O MiLLi يقول...
أزال المؤلف هذا التعليق.
DiLLi O MiLLi يقول...
أزال المؤلف هذا التعليق.
الوتيــــــــــن يقول...

صباحج عسل

تدرين عاد توني بقولج ابي رقمها .. اموت على اللي بالدارسين بس الباجي اول مره اسمع فيهم
يحلوج يالزين
فعلا نرد وجود مثل هالناس .. روحهم طيبه على كثرة الهموم والمسؤليات..
ومعلومه يديه عنج .. تحبين الضحك مع اني حسيتج ماتضحكين وايد ( يمكن من القصص الحزينه؟ ) ..

شكرا على هالبوست اللي كشف لنا طرف من يوم الزين
حبي :>

غير معرف يقول...

مسّاج الله بالزين يالزين



عاد تدرين...انا من قريت درابيل زاغ قلبي...

حتى وانا برّه ادرس ومغتربه شي واحد كان لازم يتعبى بجنطتي...
الدرابييل:)

اذكر مرّه رفيجتي البحرينيه الله يمسيها بالخير وين ماكانت

كانت بايته عندي..وقعدت والا انا مجهزه لها الريوق

واول ما شافت قالت...

صج كويتيه...درابيلج ورااااج....

:)



بوست رائع...ليس بغريب على بوستاتج الرائعه دوماً...



حبي:**

اجار الدين كشمش يقول...

تركي عنج ششغل البيوت ؟؟

الدراابيل بجميع انواعها عند الشمالي

والرهش ...عبود الحلواجي ..الان اسمه الوطن

والحلوى الكويتيه وااااايد احسسسن
من حلوة البحرين ..عندهم كلهم

ولا تشترين حلوة مسكت من الكويت كلها شكر وباااايخه ...الا من مسقط

اما شغل البيوت على قوولة اهلنا

بيت جمال وبيت عبدالرسسول بس ...طبعا هذا بالخمسينات مو الحين

لاااااتسوين دعايه حق ام احمد

اخذي كلااام اخووج اجار


فمالله

بنت الشاميه يقول...

زيو شسويتي فين
من قريت هالبوست وانا طايحتله رهش ودرابيل.....الله يهداج
ما اقدر اقاوم الدرابيل والرهش
ياله عاد تعالى عندي ونسوى ريوق جماعي

رهش وخبز مسمس حار ودرابيل ...وحلوى اشوه ما احبهااااا بس علشانكم بحطها لكم......وانا ادري فيج ما تحبين الحلو
بس عاد الرهش مو بس حلو ..شيئ ثاني
الله ياهو يرد الروح
هههههههههههههههههههههههه

طرشي لمديرج درابيل وخبز رقاق بالزعتر
ابرك له من الانترنت.....وشوفى شلون بيدعي لج....وانا اخيتج
تسلمين يالغاليه

الزين يقول...

Cesc

:)

حياك الله وساعة المباركه

المره دمها عسل ما تنلام تفصل على كلامها

الزين يقول...

دلولي

لوووووووول

طلعتي شطوووره ما شاء الله عليج

بس قولي الصج من سألتي؟؟

الزين يقول...

سويت

شهوة فيها العافية يا قلبي

:)))

وخوش قصه

:*

الزين يقول...

النور

شلون اعطلها

اقول لج يوعانه من امس على غداي
عاد تدرين انا ما اكل حلو

بس هفتني نفسي على الدرابيل حزتها
اليوع ما يقصر

:)))

الزين يقول...

Framboise


:)
عليكم بالعافية بعد قلبي

صاحبتي تقول خلصت البوست من الضحك ويها قام يعورها

:)))

ناس تيوع وناس تضحك
وكله بحسابه

:)))))

انا بقول حق ام احمد ابي انسبه

شرايج

الزين يقول...

تكانه

الله يعز شانج يالشيخه

:*

الزين يقول...

ديللي

ام الدرابيل + ام السعد والزين

= فضااايح

سكتي يا ديللي القصه لها ملحقات

بس ما قلتها

:)

الزين يقول...

لوير الجيعانه

محد فاهمني كثرج

:*****

من هني لين القصيم

احبببببش

الزين يقول...

الوتين


نوووو
بلاج ما عرفتيني
وصحيح يمكن البوستات معطكم ايحاء اني اضيق الخلق

:)

احم
بس ترى انا ضحوكه واحب الوناسه والقشمره

الزين يقول...

سله

يااازينهم اللي يحبون الدرابيل
مدري ليش احس يلوق عليج

:***

الزين يقول...

اجار

ماشاء الله عليك

موسوعة الله يحفظك

ان شاء الله خلاص
دعايات ماااميش

:)

شلونك انت بس

الزين يقول...

بنت الشامية

منازل العافية يا بعد قلبي انتي
:**

والله يا بنت الشامية انا ما اداني الحلو بالمره
ولا اكله

بس عشانج ناكل رهش
:)

يالله عزميني
وانا اييج طاااايره يا حياتي انتي
:**

ومديري تييب له زوجته من البحرين

:$
نحيسه ايه