وطن
في عيدك يا وطني تمطر السماء في حين تكسر الأقلام
عيدك
في عيدك يا وطني نعتصم ... نحتج في حين تنثر الأوراق
في عيدك يا وطني نصحو احرار .... ونشكو جور اهل المنزل والدار
في عيدك نصرخ ... نطالب ..نريد التغيير ... ونبقى نحن كما كنا لا نتغير
في عيدك تكثر الأصوات ... ولا حياة لمن تنادي
في عيدك نتغنى بالوطنية .... ونطعنها كل يوم بخنجر الفوضى والغوغائية
في عيدك نرفع شعار الديمقراطية .... وننتقد الرأي الآخر بالفاظ واطية
في عيدك تستقبل التهاني .... نحيي ... نبتسم ... ونغمس الكلمه بالعلقم والسم
في عيدك غربة ... احزاب ... تيارات ... مذاهب ... اصول .... تعصب .... تطرف ... واستعلاء
في عيدك يا وطني .... كويت .... تفتقد الكويت
واعيادك مباركه يا وطني
عيدي
في عيدي ورقة خضراء ... وثوب صلاة .. ومسبحه
في عيدي لون احمر .. ودم مهدر ..... وسماء باكية
في عيدي حزن لا يتغير .. وافتقاد باحتراق روحي يتبخر .... ومعطف احضنه كلما اشتقت اليها
في عيدي سدرة شاخت .... وغصون اعوجت .... وقلب يتباهي بالصلادة رغم الهشاشه
في عيدي قهوة مرة ... وعين منكسرة .... وحنين يستقي من آهاتي الحياة
في عيدي فستان ازرق .... وشال مرهق ... وسوارة باهتة الملامح ...
في عيدي كان هناك طفلتين ... تتسابقان تحت اشعة الشمس ... تنثران الضحكات على وجه السماء
في عيدي من دونها خواء ... يقتل بملامحي كل النضارة والبهاء ...
في عيدي صبر ...... ومناجاة ورجاء
في عيدي ..... لم يبقى الا الدعاء
فليرحمهم الله ... يومنا ماطر ويومهم تحت التراب
عيدك
في عيدك أنا وأنت والف حكاية
تغزل لنا السماء بغيومها كل الغواية
يتراقص فوق المسافات بيننا الشوق ... ويكتبنا في كل فصل روايه
يتراقص فوق المسافات بيننا الشوق ... ويكتبنا في كل فصل روايه
كتاب يباع على ارفف لا تعرف مني ومنك سوى همس القوافي ... وسجع تعشقه بكلماتي .... ومعان متوارية خلف فقراتي
ورمزية لا يفهمها الا انت
في عيدك .. ارتشف البخور من طرف ثوبك .... استقي الطيب من رائحة كفك ... واتذوق الحياة من تواتر همسك
في عيدك ... انا لك شهرزاد المتوجه على عرش كل الحكايات
اتهادي حولك بكل الأمنيات .... ينطوي طرف ثوبي ... يستلقي بغنج ... يتثني بدلال ... ينسكب بين يديك ... ويحترق مع كل القبلات
في عيدك .... انا امرأة تفاصيلها يرسمها الوجد المتهاوي من عينيك ....
في عيدك ... انا روح مشتاقه ... تصبو اليك
في عيدك ... انت تسكنني ...
وانا اسكن اليك
كل الأعياد انت ...
هناك 51 تعليقًا:
العيد عليج يتبارك وعساج من العايدين الفايزين :)
عيدج مبارك يا شهرزاد
ليش البوست في حزن عيدي
و بعدين النكد المشكلة
أنه نكدج حلو و صادق
عسا أيامج كلها سعادة
و رضى ...و تقبل الله
^_^
الزين كله
عيدج مبارك وعساج من عايدينه
لا يعرف الشوق الا من يكابده
..الله يرحمهم رحمة واسعة
وويوسع منازلهم
أحبش
.*************
(بايقتها منج)
:)
عيدك مبارك و عساكم من عوادة
:)
عيدج مبارك وكل عام وانتي
بوست حلو ... والزين دائما غير
عيد سعيد إن شاءالله
عيدك مبارك ومن العايدين
ألحين بقول
كل عام و أنتم و الأهل و الأحبة بألف خير و أعاده الله عليكم بالخير و اليمن و البركات
و تالي أيي إن شاء الله و أطب رواسي في هالبحر من المعاني و الفكر اختي، ، و هذا ما يبي له فطام، هذا يبي له فوق ال 30 سلندر هوا علشان ألقط لي من قوعه جم محاره
عيدج مبارك وزين
وكل عام وأنتي بخير
:***
كل مرة بكلمج واحن عليج كتبي
:)
العيد اجمل معاج
وكل عيد وانتي معاي
:****
عيدج مبارك وعساج من عواده ومن الفايزين الغانمين
الله يحفظ هالوطن بوجود امثالج
ولو خليت خربت
والله يرحم موتانا وموتى المسلمين ويغمدهم جنان النعيم
وعسى الله يرضى عنج ويرضيج ويعطيج
ويكتبلج السعاده في الدارين
بوست روعه يالزين
أرجو أن تجملي ضحكة العيد بضحكاتج
:)
ايه يالزين
هذي انتي ما تغيرتي
غيابي الطويل عنج خلاني اعتقد اني بلقاج غير
رجعت لقيت الزين مثل ما خليتها
كتله من المشاعر
ان كان حزن , وطن , حب , فرح
الزين دايما اكثر وحده تعرف توصف اللي تحس فيه
طافني وايد
تسامحيني
:)
الزين كله
كل عام وانتي بألف خير
تقبل الله طاعتج يارب
عيدج مبارك يالزين :)
عيدج مبارك :*
عساج من العايدين الفايزين
ولهت عليج :**
بوست مو عادي ..
بعده تنهيدة كبر الدنيا
عسى ربي يغسل قلوبنا ..
بهالمطرة ..خيــــــر
:*
*********************
كل عام و إنتي بخير ..
و عساه مبارك عليج هالعيد :)
الله يرحم موتانا و موتى المسلمين ..
و يجمعنا و ياهم بجناته
عساج بخير
والله العيد إنتِ
عيدج مبارك
ولندع إبتسامة بحجم السماء الماطره
ترسم على وجوهنا نظرة أمل
عسى ربي يحقق لج كل احلامج
وعسى كل دنياج افراح واعياد
وعسى عينج ماتشوف الا كل الي يسعدها
حبي واكثر:**
تغانت يالزين
الله يرحمهم برحمته, هم السابقون ونحن اللاحقون
عسى روحها الجنة ونعيمها وان شاءالله تكون بأحسن مما كانت فيه وعند اللي احسن منك ومن الكل
عيدك وايامك كلها مباركة
** عيدج مبارك يالغالية
.
.
.
.
.
.
.
.
.
.
تمطر السماء ويمطر القلب !
عساج من عايدينه :)
مشتائين ياالزين :*
الـزيــن
"وطـن"
للبيت رب يحميه
"عيدي"
هي المبتدأ والخبر والصفة والحال
هي القِبلَة والمسعي،الحل والترحال
مثواها الينّة ولا "خواء" هناك أبدا
"عيدك"
هو عيدج :)
عيدج مبارك يا الزين وعادج الله على أمثاله بخير ورضا وود ومحبة والعز جدّام والخير بإقبال
ليش بجيت من عيد الوطن
اشتقت اشوف البسمه بعيونج يا ديرتي
:/
عيدك مبارك زوز
كل عام وانتي بخير .. :)
اروووووووووووع بلوووق دشيته بحياتي
كل عام وانتي بخير وصحه وسلامه
كل عام ونتي بخير ..
محاوله لي لكتابة النثر :)
(في عيدك ياوطني.. تشتعل احلامي..
لتصبح كابوسا دامي .. لتنحر احلامي الحلوووه..وتعيش بالزمن الماضي..
في عيدك ياوطني .. صووت امراءه اضحى وترا.اضحى يعزف للإلحاني..
يهتف بالصووت العالي يبحث عن شيء فاني..
بعيدك ياوطني كنا ..كنا ركما ومازلنا..
ولو زال الكون مازلنا نبحث عن نحرك بالحال..
فعيدك مجدٌ منحوووور .. ياخذ اشكال البلووور.. يلتبلووور كل العالم.. بموتك المخزي المقهورر..
فعيدك ياوطني .. كنت الأضحية يالمعطاااء .. كنت الأب الحاني يوما وحان موتك فالحال...
................)
بلوق عمتي
علينا وعليك يتبارك
وياك اجمعين يارب
:)
خاتون
ايامج سعيده بعد قلبي
:**
وعسى ايامج كلها فرح قولي آمين
المقوع الشرقي
ايامج سعيده بعدي انتي
احبشششش اكثر
:)))))
كلي حلالج
:******
مطقوق
ايامك سعيده يالشيخ
:)
حسين
ايامك سعيده يالشيخ
ووجودك هو اللي غير ياحسين
الله لا يقطع الوصل يارب
:)
عين بغزي
ايامك سعيده اجمعين يارب
دمعة المقهور
وانتي بخير وصحة سلامه بعد قلبي
وينعاد عليج بالعفو والعافية
:**
بو محمد
وانت بخير وصحة وسلامه يالشيخ
يحفظ لك حبايبك ويجمعكم على الفرح دايما
ويعود فيكم على الديرة سالمين غانمين قول آمين
:)
انت تقدر تطب رواسي متى ما بغيت
تمون يالشيخ
بحفظ الرحمن انت واختي ام محمد
الحر
ايامك سعيدة وينعاد عليك بالعفو والعافية
:)
نجمة
:***
بعدي انتي يا نجمة النجمات
ربي لا يحرمني منج
جاسم
:)
مشكور يالشيخ
ويحفظ لك حبايبك وينورك دربك ويعطيك على قد نيتك
والله يرحمنا حينا قبل ميتنا
صرنا نحتاج الرحمة اكثر منهم يا جاسم
والأروع وجودك اخي الكريم
شكرا لك
نواف
:)
الحمدالله على السلامه للمرة المليون اقولها
ومن طول الغيبات
اذا قدرت انت تتغير احنا نقدر نتغير
:)
وانت احسن من يسمعها
ما طافك الكثير
تقدر تلحق على الباجي
:)
وصل السلام
الوتين
ايامج سعيده حبيبة قلب الزين انتي
:**
النور
ينعاد عليج بالعفو والعافية
وولهت عليج العافية حبيبتي
:*
ريم
وانتي بخير وصحة وسلامه
:**
آمين يارب
آمين
سلة ميوة
:**
ياكل الحلا انتي
كلامج مثل البلسم يا سله
ربي يحفظج ويكبر حظج قولي آمين
جندل
صاجه يا جن جن
تغانت عن هالدنيا وبلاويها
الله يعينا احنا اللي جدامنا الدرب طويل
قصير
كله بيده سبحانه
مشكوره بعد قلبي
:**
عسى السعد فالج والفرح قبالج قولي آمين
ميمة
ايامج سعيده بعد قلبي
:**
اكس نيم
وانا مشتاقة اكثر
:**
عيدج مبارك
ظامي
:)
وانت بخير وصحة وسلامه وينعاد عليك بالفرح ورضا من الرحمن
مشكور يالشيخ
زوز
حتى انا بجيت يازوز وانا اكتب
فرحنا مشروخ دايما
في شي ناقص
:$
ريوووو
حياتي انتي
ايامج سعيده بعد قلبي
وحشتيني
:**
انجنيرا
وانتي بخير وصحة وسلامه
:*
نهايتي حزينة
:)
وانت بخير وعافية ورضا من الرحمن
مشكوره ومن ذوقج
ولا تباعدين\ تباعد
سعيد ولكن
مؤلم ما كتبته
الله يحفظ ديرتنا
محاولة جميله
:)
ع فكرررررررررررررررررررررررره انستي انا من اشد المعجبين بكتاباتج؟؟
دمتي بووود ومحبه
إرسال تعليق