.

تحذير : هذه المدونة تخضع لقانون حماية حقوق الملكية الفكرية ونحذر من نشر أو نقل أي نص أو مقال للكاتبة.. دون نسبه للمؤلفة.. في أي وسيلة

3.11.09

كلام فاضي ... وهذرة نهار




جمع محبط
اعتصام لا يملك العصمة
تظاهرة ومقص
حريات مسروقة
صفحات كتب منزوعة
انتخاب ... استجواب
طعن ... عدو.. يعدو ... عدوة!
مجلس أمه ... جذوب ملتمه
مجلس بلدي ... اخيه يا بلدي
مدونات ... تحلطم ... هبة
ديوانية .... شللية ... الفيس بوك
داخلية ... جريمة ... استقالة
دفاع .... ماكو شغل ... سرقة مال عام
رئاسة ... استقيل ... استقيل
البدون ..... ليش ومن وين
مزدوجي الجنسيه .... خنبقه وعماة عين
البحر .. مجاري
ماكو صيد ... حسين الفضالة... ايران
ايران ... يورانيوم
اقتصاد ... اختناق
البورصة ... عفيسه
صفقة زين ... مردويسه
فلونزا ... ثقافة خنازير
هالاوين ... قرقيعان
اختلاط ... يا بنيات ويا صبيان
اسيل ... شرعية ... حجاب
مولات .. مولات .. مولات ... ازمة اقتصادية!!
وزارة الصحة ... نشلة وكحة
وزارة التربيه ... مدارس ... تهديد وترهيب
مُدرسة مصرية .... خدوهم بالصوت لا يغلبوكو
مُدرسه كويتية ... انا كووول
مُدرسة سوريه .... ما بعرف قول
مُدرسة هندية ....آكسنت مو معقول
اعلام مرئي .... حليماا
اعلام مسموع ... دغيشم
اعلام مقروء ... يا وطن لك من يحبك
شوارع ... تكسي الجوال ... زحمة
رياضه ...الله بالخير
ثقافه ... الله بالنور
أدب ..... قلة أدب
الحياة .... تعب
الحب .... صج!!!
الصديق .... أمان
الوضوح ...ضاع من زمان
الموت ... حق ووعد
حالة الطقس اليوم .... تهويشه مطر
الربيع ... وعد باللون الخضر
السفر ... نهيبه
الزوج ... اول بأول فضي جيبه
الزوجة .... خلج مع امه حبيبه
البنت ... التار ولا العار
الولد .... سبايكي
شركات نفطية ... وع عليكم
ارامكو ... صكت عليكم
دبي ... سوق حره
المنطقه الحرة .... فيلا مودا ... قهاوي لزبو .... وقززز
الكويت ... وينها!!


وانا وانت ... وكلام فاضي


كل هذا اسمه
هذرة نهار مع فنجان قهوة











هناك 65 تعليقًا:

jasem يقول...

فيني فنجان قهوه
بروح ستار بكس هالحزه
وبقعد بره أنطر المطر
وأستغفر لين تمطر
إعناد ليش قلتي تهويشة مطر
إن شاء الله تمطر
يالله صباح غيم ومطر
:)

الزين يقول...

جاسم

فنجان القهوة صار له ربع ساعة ناطرني على مكتبي

برد وما شربته

والجو فيه تهويشه مطر

بس بتمطر لو لأ

العلم عند الله

:)

صباح النوير

SHOOSH يقول...

مابي قهوه .. أبي بيبسي .. عندكم ؟؟؟

:*

صباحج خير

الزين يقول...

شوووش

بيبسي على الريج

!!

ما يصلح يا بنية

تبين عصير جزر بالبرتقال

:)

الحــــر يقول...

كلام فاضي بس القلب متروس

عدل يالزين

:(

esTeKaNa يقول...

هذا الموجز
وفي النشرة تفاصيل أكثر...
.
.
.
تهويشه مطر
وفنجان قهوة
ينتظر فرح الارتشاف من الزين
صبحت مشتاقة
اقصى طموحي في هذه اللحظة ارتشاف هالقهوة معاج
تصدقين
وتامنين بلله
فعلا ..هذا اقصى طموحي الحين
:**
صباح الخير

chandal/danchal!! يقول...

يا زين هالقهوة اللي تطلع هالدرر


اي والله تهويشة مطر... من يوم السبت و بوراشد يدز مسجات بأخذ الحذر والحيطة من الامطار وسيول مشابهة لسنة 97... اخاف قاري نشرة ارصاد الفلبين!

اللي قلت خلاص بغيب اليهال وما راح اوديهم المدرسة

افج الشتر والا الشمس شقاقية!


اللهم اغثنا ولا تجعلنا من القانطين
.
.
.

بخصوص تفضي المخابي... لا توصين حريص مع ترك رسالة رقيقة او نكتة على الريج مكان القرنقش

وصباحك ندى

:)

aL-NooR . يقول...

يا حلو هذرتج ..
مممممممممم شربت قهوتي ..
تنطعت ..
كوكيز
شي مالح لازم
(مو من ربع الكاكاو :( وايد)
حياااج
و انطر المطرة ..
ابي مطره تغسل القلب قبل الديرة
مابيدنا الا نستغفر
بس النص ..عجيب :* و ذكي مثل صاحبته

صباح الزين و نور(ن) ما تراه العين :*

************************

نون النساء يقول...

وبالجو غيم
وجدال طويل ضاعت فيه الحقوق
وذبلت فيه ملامح الكويت وملامحنا



ونبي مطر يغسل الشوراع ونبي مطر يغسل قلوبنا بعد ..وياصباح الصيام

الزين يقول...

الحر

حده متروس يالحر

يعين الله

الزين يقول...

استكانه

ما نحتاج التفاصيل
الهم هذا اهو

"ان الله لا يغير بقوم حتى يغيروا ما بانفسهم"

الإسبوع الياي انا اجازة

تقدرين تشربينها معاي

:)

الزين يقول...

جندل

يختج نتشفق على المطر ولا كو فايده

امس ياني ايميل عن المطر والبردي اللي يايهم بحايل

قلت خلف الله

علامنا عيل احنا منقطعة من عندنا البركه

الله يرحمنا برحمته ويسقينا من غيثه قولي آمين


وصباحج تمر صقعي مع قهوة عربية

:*

الزين يقول...

النور

:)

طلعتي مثلي ما تحبين الكاكاو

ومن اكل شي حلو الحقه بشي مالح
ما اداني الحلاة كلش

شوفي تعالي نتفق
اذا مطرت نوقف بالحوش
ابي احس ان المطر غاسلني غسال

:)

صباح الكلمة الطيبه
:**

الزين يقول...

نون

اييييه يانون

قلبي معورني على ديرتي
وين ما التفت شق عود ما يتخيط


نبي مطر يغرقنا باحساسنا بالفرح والبركة والرحمه

قلوبنا نشفت

صايمة؟؟

الله يتقبل منج يارب

:**

غير معرف يقول...

ووووويه...
كل هذا بقلبج وساكتة !

صباحج حب :*

Framboise يقول...

الجو يجنن بس من داخل السياره و حاطتلج بس صوت اللحن والدقه التركيه سكتي يالزين عسى مادش باللي جدامي.. من كلماتج ليه الحاني ليه الجو اللي يشوق.. والله ولا احسن سبا:P

صباحج سكر وورد و حب و ياسمين

jasem يقول...

الزين
-----
لو كل إسبوع إتهذرين مره
أبطل أقرا مانشيتات ومحليات جرايد
هذرتج وايد موجز مفيد
جد جد ليش ماإتجهزين حق إنتخابات ؟
وإلا أقولج
لا لاتنزلين
قلم أفيد من كرسي مجلس
إستريحي وسط الإبداع زين
ولاتكدرين خاطرج على اللي اتشوفينه
الصبر زين

عثماني يقول...

مساج الله بالخير الزين

سؤال

"قهاوي لزبو" ... شتطلع هذي ؟؟

الزين يقول...

ليدي رين

لا خلاص فضفضت

:)

صباحج امل

:*

الزين يقول...

Framboise

:)

الله يهنيج

وصباحج غيم ومطر

:*

الزين يقول...

جاسم

لا ما اعتقد بتصير وايد

هالهذرة تصير مره كل شهرين ثلاث

ما احب ادخل في هالمواضيع وايد


وكل من صبر ...

قدر

الزين يقول...

عثماني

مساك الله بالنور والكرامه

لزبو = بويات

:$

Salah يقول...

الانسان الكويتي متحلطم بطبعه

:)

الزين يقول...

صلاح

حرام عليك يا بو محمد

انا اتحلطم بالسنه حسنه
شعلومكم

وشحال كارف واهلها

منال طولت الغيبه وولهنا عليها وايد
بلغها السلام امانه

:)

Purplecious يقول...

ابي فضة و شاهيــــــــــــــن


زيون شسويتي فيني تدرين لي اليوم و انا بالاجتماع كل شوي خانقتني العبره

افشــــــل

رحمي حالي الله يرحملي والدينج

Najmah يقول...

وانا مع بيربل

بس راسي يعورني
ابي فضة وشاهين وبسسسسسس

Nikon 8 يقول...

هذرة تقلب المواجع
لكن هذا هو الواقع !!!
على فكرة الصورة اللي حاطتها للبوست
تذكرني بشكلي مع قهوتي الصباحية أمام حديقة بيتي يوم الجمعة
ناقصها بس صوت الراديو وبرنامج منى طلب وسامرياتها :)

Safeed يقول...

هذي كلها مع بعض ... الكويت!

الاوركيده يقول...

ياحلوج وياحلو كلامج

احس شرب القهوة معاج والقعدة عسل

ومتعة عجييييييييييييييييييبة

الله يسعدج يارب

:)

غير معرف يقول...

تدرين...

اقولج انا هاليومين متوتره:)


تدرين ...
قريت ...بعين حزينه
وبجيت!!!!

مع إنها هذرة نهار

عيوني دمعت!!!!!!




اللوك اليديد....


يديــــــــــــــــد


روعه





يازينج يالزين


حبي

N.Rhythm يقول...

انقلبت المفاهيم
صار الزين شين
والشين زين !

الكويـــت
الكويـــــت
الكويـــــــت

شلتج بيوفي وطن ..

ليش صاروا بس أقوال
وانباعت الذمم
والأمانه بالتفق


الزين حالتنا يا عيال ال90 وورا نكسر الخاطر
ماعرفنا الكويت ال80 وكويت سنين اللي قبل

مالحقنا على عصر ذهبي للكره نسمع عن العنبري والطرابلسي وجنهم طالعين من حزاوي أمي العوده

وماعرفنا العصر الذهبي للسياحه غير من صور العائله ..

وماعرفنا العصر الذهبي للسياسه ..

ماكو أنشطه للشباب فراغ بفراغ

صار من صادها عشا عياله !!
اهم بس بخاطري يفهمون انه هاذي ديرتهم ...
يشترون شهادات ويرزونها ويالله إحنا درسنا وتعبنا ...
واللي يدري ويتعب يضيع تعبه

بيستمر الحال جذيه !

آنا ودي أسوي شي يغير المجتمع
أخليهم يوعون
بس خليهم يفهمون إنه هاذي الكويت ..

يعرفون شنو الكويت ..
ولا ما يعرفون !

خافوا الله بهالبلد

الوتين يقول...

سبحان الله طول الوقت افكر بالمطره اللي مرت ولا جادت !!!

تكسي الجوال ... حتن هاذي ذكرتيها ما شالله عليج .. المزاج رايق ياعسى دوم يالزين

غير معرف يقول...

تجسديد للواقع ..حتى وان كان لدوله خليجيه فلهم مشترك بيننا ونتقاسم الغم سويا ...

كان الله بلعون ...

الزين ...

بجد استمتعت بها الهذره وانا اقرى اشيل السكر من قهوتي ..واشرب مر .

تحياتي....(:

Q80 Blogger يقول...

حتى انتي تحلطم !!

ليش تقلبين المواجع .. خلينا مع بوستات الحب احسن :)

الزين يقول...

بربليوشة

:)

حياتي انتي وربي لو كنت كاتبه الجزء الثامن جان نزلته عشانج

بس لما الحين ما كتبته
وما عندي وقت

مشكلتي اني انتهز الويك اند واكتبه السبت عشان انزله الأحد

عورتي قلبي

:$

الزين يقول...

نجمة

@@

ما توقعتج متابعتها

مو قلتي ما تبين تقرينها
خايفة منها
وانا كله اضيق خلقج بالقصص

!!

الزين يقول...

نيكون

لوووول

طلعنا نتشابه
نفس الشكل والقعدة
بس انا اقعدها جبال شباك غرفتي
واطالع الشارع
وسرب الحمام اللي طاير من بعيد
والناس اللي تتمشى

مع سوفت ميوزك

:)

الزين يقول...

سفيد

:)

بالضبط

الزين يقول...

دمعة المقهور

ويسعد ايامج يارب

هااا باجر الدخول
واللي عقبه الولادة

!!

امبيه حدي مشتطه

الزين يقول...

سلة ميوة

اسم الله عليج من التوتر

هونيها بعدي انتي وتهون


وعلى فكره انا امر بنفس الحاله
بس يمكن اعمق شويه
حالتي مخلوطه باكتئاب

:)

هانت


واللوك اليديد يعبر عن حالتي اليديدة
شرايج فيني بس
:)

تزين ايامج بعد قلبي
:*

الزين يقول...

اكس نيم

تعليقج عور قلبي

من صجي

يعين الله يالشيخه
ساعات نتأمل ان الحال يتصلح
بس كل الدلائل تقول الحال من سيئ الى اسوء

شالحل

!!

الزين يقول...

الوتين


عاد تصدقين
ماهو رايق ابدا المزاج امس

تقدرين تقولين اليوم احسن

:*

الزين يقول...

ذات

اسم الله عليج من المر
عسى ربي يحلي ايامج كلها

:*

الزين يقول...

Q80 Blogger

مرة بالسنه

عن خاطري

:)

نكتب حب
ونحتاج كسرة المود
نرجع للواقعية شويه
عشان يكون الخليل له نكهة مختلفة

حلو ... مر
الأضداد تحسسنا بقيمة الطرف الآخر

صح

صار لك زمان ما مريتنا
وحظك لما مريت لقيت الزين تتحلطم

منك السموحه

:)

lawyer يقول...

زيوناااااااااا


اختصرتي الحال

في النفس
و البلد

جنج واحد واهو يتمخمخ على القهوه

سحب مخه

و فججه
و شاااااااااف هاللويه كلها الراس




لاعت جبده من راسه

و قال حق بلده الله يسامحج عورتي راسي




ورد كمل فنجانه








صبااااااااااااااااحج اليوم مشمس





بما انتي انتهيت من فتره العزل
نبي قهوه هالويك اند

ميمة السبيت يقول...

** صباح الوناسة على هالجو الممتع

يالله تديمه علينا على طول ..

و للأسف قهوتنا موحلوة بالدوام و اكو واحد مينون عندنا يايب قهوة بنكهة جوز الهند و نكهة الدارسين قهوة تركية على دارسين ليش والدة انا ؟

Najmah يقول...

تهقين اقدر؟
!!!

may يقول...

مساء الورد ..
الزين ليش ضايق خلقه ..
الحجي كل كلمة من اللي قلتيهم كافيه ان تقلب المزاج ... ولا يكفيها بوست بعداله..
بس شنقول ،، خليها على الله..

والله يحفظ الكويت وأهلها..

DiLLi O MiLLi يقول...

كل هذا طلع مع فنجان قهوة !! عيل لو شاربة طاسة لبن ؟!! جان هوااايل بالقوااايل !!
:)

ومااااشاء الله كل هالمعلومات العامة عندج ؟؟!!
أختصار لأحداث اللي بالديرة خلال الأشهر الأخيرة
لااا يكون أنتي أم راشد ،، مدام بو راشد ؟؟!!
:)


وفي آخر البوست ،، لما كتبتي : وانا وانت ... وكلام فاضي
ما أدري ليش ركبّت وراها : رأصني يا قدع !! ههههههههه


:)

بنت الشاميه يقول...

يايه اركض ..منقطع قلي

عسى اكو قهوه لي.....والا خلصت..؟؟؟

ما علي اطالبكم يالقهوه
بس بدون هذره ....بروح راسي مفتر


الزوج ... اول بأول فضي جيبه
احلى شيئ...هههههه
بس ترا حرااااام

Nora يقول...

So real so true ... And so I miss u
;**

Mashallah mashallaaah ebdaaaa3 b kel
Alwaaaaan el7rf ...

W ham meshtageeen :)

fatto يقول...

لوول صح السانج :) على احلا هذره

اجار الدين كشمش يقول...

كثير من الاختزالات للوضع العام للشعب
الكويتي
مبتوووره ...ولا يفهم منها الا التطنز ...فقط

اما بوستج كالتيار الكهربائي

قد انار كل الفريج بلمبه وحده فقط

بس ماعندي شئ امدحج فيه اكثر

الا انج لو زدتي جرعات بوستاتج في المستقبل التشخيصيه السياسيه النافعه
لازحتي كثيرا من البلوغات التي تهاجم الوضع من زاويه مصلحيه >>> قبليه او طائفيه او حزبيه
.........
بس خلاص بروح اشوف الييم فج من الثلج

فمالله

بـنـت بـطنـهـا يقول...

هذرة تخفي بين طياتها الكثير والكثير

تفائلي .. من صبر قدر

ومن حاول وصل .. تفائلي كثر ما تقدرين

يعين الله

الزين يقول...

فطيم

يبي لنا قهوة

ابي اسولف معاج



واللي قريتيه هذا قليلا من كثير

يالله متى؟؟

الزين يقول...

ميمه

اقول مري الرفاعي على طريجج واخذي قهوتج منها

وبلا منة دوامكم الباصجه

:)

الزين يقول...

نجمه

لا ما اهقا

:*

الزين يقول...

مي

:)

ديرتنا يا مي وتعور قلبنا

ما عليه تحملوني هالمره

الزين يقول...

ديللي

يمه منج

ام راشد عاد
وانتي كله على بالج الزين ماسكه ورده حمره وسرحانه بحبيب القلب

:)

اشوه ان الجدع بيرقصج انتي مو انا

:)))

يغربل ابليسج يا ديللي
خليتينا نفصل جدام الناس


:*

الزين يقول...

بنت الشامية

اسم الله على قلبج يا بعد قلبي
والقهوة وصاحبتها تحت امرج
:*
وماكو هذرة مقدرين وضعج الحالي

:)

الزين يقول...

نورا

بعد قلبي وانا بعد مشتاقه وابعث لج السلام مع الحبايب يالغالية

:**

الزين يقول...

فاتو

صح بدنج

:)

اصلح يعني

!!

الزين يقول...

اجار

:)

عجبني التشبيه

ومشكور على الكلام الطيب

وعلى فكره انا مليش بالسياسه ابدا

وعليكم بالعافية الحداق


فمان الكريم

:)

الزين يقول...

بنت بطنها

اول شي خليني اقول لج ولكم باك

وفقدتج من غير شر

ثاني شي ترى انا في قمة التفاؤل

واللي انكتب هو واقع مو اكثر

:)

لا تباعدين

خاتون يقول...

احلى كلمات متقاطعه مخبأة و مفهومة قريتها ...
KeeP !t uP
كلج حكم
Well Done
~The First~