.

تحذير : هذه المدونة تخضع لقانون حماية حقوق الملكية الفكرية ونحذر من نشر أو نقل أي نص أو مقال للكاتبة.. دون نسبه للمؤلفة.. في أي وسيلة

8.4.09

صندوق الحكايا ..... الحكاية السابعة


تجلس على رمال الشاطئ الناعمة
تدغدغ الأمواج أطراف أقدامها ... ويلاعب الهواء ما تمرد من خصلات شعرها الأسود القصير .... تلاحظ اسمرار بشرتها ولون الشمس قد لوح ملامحها .... قدماها الصغيرتان تتمللان من كم التراب العالق هناك .... تدنن أغنية قد سمعتها مؤخرا على التلفزيون ... لا تذكر كلماتها ... ولكنها حفظت اللحن ....


وتعجن يداها الترب المخلوط بماء البحر المالح .... تبعد تلك الخصلة العنيدة ... وترفع عينها لتتحدي حرارة الشمس بنصف عين ... يحادثها شيطانها ان ترتمي بين تلك الأمواج الرقراقة ثم ....


"كاني يبتهم"


تلتفت لصديقتها الممتلئة القوام كأنها الدمية التي اشترتها لها أمها قبل فتره ولم تعجبها

"ما أبيها متينه ... مو حلوة"
"يا ماما ... هذي لعبه لازم تكون متينه "
"ماما ... بس هذي عندها كرشه مو حلوة .... أنا أبي باربي ... باربي حلوة وذعيفه ونفانيفها ملوت كبال .... انا مابي بيبيات"


تنتبه لها تحادثها


"شنو بنسوي؟؟"


تتجاهل سؤالها لتسألها بالمقابل


"ليث ما ربطتي ثعلج .... كشه وايد"
"مابي ... ما أحب اربطه.. أصلا احلي مفلول"


تنظر لها وهي تزم فمها بكل تحدي منحنية الرأس على جنب .. ثم تنظر للتراب بحنق


"اححح ... الأرض حاله"
"تيين نطب بالبحر"
"آمي توها مسبحتني أخاف تهاوشني"
"إنتي خوااافه "
"حتى انتي خوافه ... هذاك اليوم صيحتي لما عضتج النملة"
"ويهج ... أثلاً النملة كانت كبيرة وتعور..... يبتي القلاثات؟؟"
"إيه يبت اثنينه بس ... واحد حقي وواحد حقج"


ترفع لها رأسها لتخاطبها ... فتقهرها الشمس ... تغمض عينيها وتصر على أسنانها أو ما تبقى منها ... فلقد فقدت الصف الأمامي نظرا لسقوط الأسنان اللبنية ... فباتت تصر على الحروف حتى تكون مخارجها صحيحة ... فتنجح مره ... وتفشل بالأخرى
وكل الحروف صارت خلطبيطه


تفز من مكانها تأخذ الكأس .. وتتجه للبحر وهي توجه تعليماتها لصاحبتها


"إنتي حفري ... وآنا اييب الماي ... نبي حفرة كبيره عشان نسوي قلعة"
"آنا مابي قلعة ... آنا آبي كيكة"


تلتفت لها بكل حنق ... تتخصر لها


"مو كل يوم كيكة .... بعدين آنا الرئيسة .... بنسوي قلعة"


تتسع عيني صاحبتها ... وترتجف شفاهها قهرا


"بس ماني لاعبة... بروح داخل العب معاهم"


ترجع لها بكل خفه ومكر متداركة الموقف


"زعااااالة ... كله تزعلين .... أقص عليج ... بنسوي كيكه .. شرايج نسوي تي بارتي ونعزمهم؟"


تتراجع بكل حذر


" آنا ما ابي آكل الكيكه هالمره"


تنظر لها بحنق


"عيل منو ياكلها.... إنتي تبين تي بارتي وكيكة"
"لاااا ....آنا بطني عورني المرة اللي فاتت ... وآمي عطتني دوا مو حلو"


تبتسم لها منتصرة وقد بانت لثتها الوردية والخالية من الأسنان


"عيل نسوي قلعة"
"لا اااا ... نسوي كيكه ... بس مو احنا اللي ناكلها ........."


تبحث حولها ثم تتسع عيناها بفرح عندما تلمح زغلول من بعيد


"زغلوووول ... نعزم زغلول ونخلييييييه ياكلها"


وتتصاعد ضحكاتهما الشقية
تذهب إليه مسرعة


"ذغلول ... تعال نبي نلعب معاك"

زغلول ولد في حدود التعش من عمره ... اسمر ... بدت علامات الرجولة ترتسم على ملامحه رغم طفولته المتبقية والواضحه ببعض تصرفاته ... أجعد الشعر ولكنه دائما يصر على أن شعره ناااعما كالحرير


"دنا المشط بيجري بشعري جري"


@@
سماره القمحي الملوح بلون الشمس والكثير من ملح البحر يضيف عليه شيئا من النضج والقوة

"تلعبوا معايا ايه؟؟"
"نلعب ..... هممممم"


وتبتسم ابتسامه قمة بالمكر


"نلعب لعبة كيكة ذغلول"
"يعني هناكل جاتوه"
"جاتوه شنو .... كيكة مو جاتوه"

"طاااااااايب .... اوعى تكون وحشة ..."


تتردد قليلا ثم تجاوبه بكل نزق وقد اضافات على ملامحها الكثير من الجدية

وبزرت له عيونها شويه


"تلعب معانا ولا أروح اعلم بابا محمد يردك مصر"
"لا لا هلعب ... هلعب ...."


وتتجه معه للشاطئ حيث تنتظرها صديقتها وهي تمسك يده بكل اعتزاز بانتصارها عليه بالحيلة ... والتهديد

وتتسارع الحركة ما بين جلب الماء ... والعجن ... والأحاديث الصغيرة ... والضحكات المتلونة بلون الفرح والبراءة


وكلما قست عليهم الشمس ... اقتحموا برودة الأمواج بلهوهم ... حتى تبرد أقدامهم ليعودوا لفرن الحياة ... ويعجنوا المزيد من الكيك


"يالله ... عطني ثحنك بحط لك كيكه"


@@ يصاب بالذعر


"إنتي عاوزاني آكل التراب"
"ثفيييييييك ... هذا مو تراب .... هذا كيك ... "
"مش هاااقدر ابلعه "
"بلا تقدر الله يخليك زغلول ... ترى كيكتي حللللوة ... انا بييب لك ماي "


وتقفز متجهه للبحر بخطواتها الصغيرة لتغرف له القليل من الماء وتعود


"يالله ذوقها.... واشرب ماي وراها"


يتردد....


تقف القائدة متخصرة ... ناظرة للمكان الذي يجلس به بابا محمد ... ويلمح بنظراتها نوعا من التهديد
يلتهم التراب ... ويلحقه بالماي المالح


تبرز عيناه وهو يحاول البلع ... يجاهد خشونة التراب هناك ... ثم يبلع بكل قهر


"ياااااابوووووي .... دي طعمة قوي ... انا ماشي بقا ... عندي شغل"


ويقفر هاربا قبل أن يطلب منه أن يكمل الكيكة


تنظران إلى بعض بخيبة .... تستلقيان تحت الشمس قليلا .....تلتفت الأولى على الثانية


"نسوي قلعة"
"لأ .... أنا يوعانة ... بروح اييب لي بطاط"


تعتدل الأخرى ... تنظر إلى البحر بكل رغبة
ثم تهرول متجهة له لترتمي بأحضانه ... وهي تدندن بنفس الأغنية المجهولة الكلمات



قصة زغلول مستوحاة من احداث حقيقة لطفولة المدونة جندل ولعبة البروووي


:)

هناك 63 تعليقًا:

chandal/danchal!! يقول...

loooooooooooooooooooooool

الله يرحمه برحمته


مشكورة يا زين.... قصتك وايد احلى من طفولتي وبلاويها

:)))))


بس ما كنت ثرمة!!!!!!!

الزين يقول...

جندل

:)))))


اللهم آمين

ماكنتي ثرمة مش مشكل نعدل حروفج

بس هذا تصوري لج

عسى نجحت عاااد

!!

نون النساء يقول...

أجمل الحكايا هي التي لا نحكيها سوى لأنفسنا..


بس كثر خاطري ذغلول ... ما سوت عليه هالمسكين



ترا للحيني بالحكاية الثالثه ..
يبدو انه طافني وايد ...



انتي مبدعه يا شيخة الزينات
خيالج يبيله تفرص من خدوده ههههههههههه

I7na 3shagnaha يقول...

looooooooooooooooooooool

يوم قريت آخر سطر ارتحت


ما تصورين من قريت اسم زغلول


بققت عيني و شرقت بالماي

تصدقين .. قلت مو معقولة جندل عندها مدونة ثانية و مو قايلتلي

ولا بنت عمتي هدت التسوق بالنت و قامت تدون

و الا اخوي متخفي بشخصية الزين و يدون


واييييي


زر عقلي الا شعرة :)))



الله يرحمك يا زغلووول

الزين يقول...

نون

:**

يا حياتي طلتج علي اليوم بالدنيا

وحشتيني وحشتيني وحشتيني

باقي بس اغنيها لج

:)

الزين يقول...

احنا عشقناها

:)))))


اسم الله عليج من زرة العقل



وانتي شحقه مخليتهم يلعبون بحسبة الولد الله يرحمه

وينج عنهم

:$

DiLLi O MiLLi يقول...

ززززوووغه الثرمــه
:)
والمناجر بينهم .. ردني لطفولتي أنا وخواتي
بس وايد معطيتها ويه .. تقولها أخر مرة مسوين كيكه هالمرة خل نسوي قلعة !! وهالنحيسة ألاااا كيكه ولاااا ما ألعب !!!
أنا لوو منها جان دزيتها صوب البحر !!


بس ترى ضعنا ما ندري منو وشنو سالفة زغلول؟
لو حاطة نبذه عنه ...
جندل وأحنا عشقناها بس اللي فهموا
:)




أأأأأبي أرد يااااهل أونــــس
لوووول

:)

الزين يقول...

ديللي

:))))

شفتيهم

يشوقووووون



والله يسلمج زغلول هذا بورتر مصري يشتغل عن ريل عمة جندل بالجيش

قام ويابه شغله عندهم بالشاليه


ولعبت جندل بحسبته

:))))))

DiLLi O MiLLi يقول...

ههههههههههه
هههههههههههههههه
فقـــــــير
:)))

جنــــدل تقول "الله يرحمــــه"!!!
لااااا يكووون أهي لها يد أبـ موتــه ؟؟!!

الله يحللــــه

الزين يقول...

ديللي


:$

يا عوينتي ماتب بالغزو

مع ان جندل شاكه ان من التراب اللي بلعه

الله يرحمه ويحلله

I7na 3shagnaha يقول...

الزين:

انا مالي شغل
اا كنت امشي تحت الساس
كان يكسر خاطري وايد بس اخاف ادافع عنة يوكلوني انا الكيكة و يشربوني القهوة بعد.. ما قالت لج سالفة القهوة؟؟؟

ديللي و ميللي:

زغلول مات بالرصاص الصدامي
وايد كسر خاطري
بعز شبابة

chandal/danchal!! يقول...

الزين



والله يبتيها ييب يا زيزي

:))

بس كانت قهوة مو كيكة حرام عليج:)

صج متروسة طين!


صببخ بطنه من هالرمل!


اطالبك بقصة بروي من قصصك... اكيد كنتي اشطن مني!

:p

الزين يقول...

احنا عشقناها

:)

وعليه عليج
عيل جندل طلعت النسره
!!

ههههههههههه

يا حلاتها

لا ما قصت لي قصة القهوة
؟؟

ReLaaaX يقول...

loooooooooooooool


شريرااااااااااات !



ليش عااااد! تصدقين مافكرت آكل التراب او اذوقه !؟

:)


كنت اسوي قلعه الظاهر ;)

الزين يقول...

جنجن


انا برويي فضايح

انا واختي سوينا الهوايل بس اهي كانت اعجل مني

وعلى فكرة كنت ابري يا بالمصري او باللغة العربية الفصحى

@@

هههههههههههههههه


وايد متأثرة بالتي في

مع اني الحين ولا اجابله
بس ترى المصاروة سووا لنا غزو ثقافي واكتساح لغوي

:))))

ما يطري على بالي شي الحين
بس اذا طرى على بالي اكيد بكتبه

وياااويلج ان عيبتي

:)

الزين يقول...

ريلاكس

بالعكس

زووووووغه

انا ما احب الياهل الهادي ترى ولا احب المزعج

احب اللي عنده حركه وشطانته دمها خفيف


انتي الظاهر من ربع القلاع صاجه

:)))))

esTeKaNa يقول...

ثنووووو هذااا
looooooooooooool
ومن زود السنع مو بس ياكل كيك
لا يشرب ماي بحر وعليه
جان شربتوووه كااااريبوووو
loooooooooooooooool
زوقه هالبنيه
ومبدعه هالزين


زيون انتي كنتي تلعبين لغه عربيه فصحى؟
اشوة الحين عرفت اني كنت طبيعيه
انا العب فصحى
واصلح اغلط بنات خالاتي
ههههه
ما ارضى بالغلط ترا من أواني
:pp~



تدرين شنو حلم حياتي؟
اشوف دللي صغيره
واقولها زبوطة النقعه
LOOOOOOOOOOOOOOOOOOL
:))


الزين:
انا عندي مويضيع
:pp~

الزين يقول...

استكانه

:$
ايه كنت العب لغة عربية فصحي
بس تعالي شوفي البدليات الله لا يراويج

وكله بصوب واذالعبنا مسلسل بدوي بصووووب

هههههههههههههههههههههههههههههههههه

ابيه بدعنا بددددعنا




وانا عندي موااااضيع

بس جنه بخاطري احاربش

@@

chandal/danchal!! يقول...

الحمدلله يا ربي

بروينا محلي بس العمالة اجنبية!

شماله عربي و اوردو!!!


اختي الصغيرة كانت تجابل روحها بالمنظرة ومو اي منظرة... لازم على زاوية... عشان يصيرون ثلاثة

اهيا وغالية ومادري منو الثالثة!! وتعالي شوفي الخنابيج!!!!



طولت بالبروي!!! اذا مو غلطانة لي اولى ثانوي!

الزين يقول...

تصدقين

ترى قصص البروي تضحك

يعني خيال مو طبيعي

الحين مدري شعلامهم عيالنا ما يبرووون

ولعبهم صار سخيف
قضت التكنولوجيا على خيالهم


حسافه على التراث
والله لا تضحكين علي بس احس البروي تراث

:@

ANGEL HEART يقول...

loooooooool

واي فقير كسر خاطري عيل رمل!!!!

ولا بعد مفنتقه فيه اخ ياقلبي مالوم المسكينه تحن عالقلعه

SKY يقول...

لووووول

حلاتهم والله شطانة اليهال اتينن

القائدة المتسلطة ذكرتني بروحي لمن كنت صغيرة كنت حدي مستبدة P;

كبرياء وردة يقول...

اشوووة

لماكنت داخل اصندوق لعبت معاهم بس ما وكلوني تراب:p

ودي اقعد هلى التراب والعب مثل ايام قبل :(

كانت لعبتي المفضلة ولا زالت :)

DiLLi O MiLLi يقول...

esTeKaNa


هههههههههههه
ههههههههههههههه
هههههههههههههههههههه
حسبيالله على بليسج يا زبوطة النقعــــــــه
:))))

وأنا رااااايحه أقرى بعرف شنووو حلمج !!! ههههههههه

لاااا تشوفيني وأنا صغيرة .. كنت نزقــة النقعــــه !!!
يننــــت اللي مااااا يتينــــــن ههههههههه
:)


بعــــدين ...
شـنوو المويضيع .. ؟ ساسريني
:)










الـــــــــــــــــزين !!!
@@

الناس بخاطرها نفنوف .. سفره .. جنطة
أول مره أسمع "بخاطري أحاربج" ؟؟!!
لووووول
:)))




يا زينكم ... قنـــدتين أنتــوا الثنتيـــن

:**

الخيلاء يقول...

هههههههه

وعليه ماسوت عيه هالعزيمه
خنت حيلي عباله جاتو بحئ و حئيئي مادرا انه تراب و وراه ماي مالج يفت الجبد ..

حلوه براءه الطفوله :)

GUCCI-q8 يقول...

ما عبر

وايد حلوة

Kuwait يقول...

@@
لوووووووووووووووووووووووووول
اهم شي ان انتي واستكانـه لما تلعبون تتكلمون لغه عربيـه :\
انا اشفينـي كلا سوووووريـه @@
مع ان العرج جنووووووب

ميرامار يقول...

احببت الاخيرة اكثر
يمكن لأنها ذكرتني بأيام الطفولة
حوار الطفلتين وكانه حقيقة


اما في الحكاية الرابعة عندي تعليق صغير...

الريوق ليش ..
Not in BED?

الرياييل ما يحبون القيود ليش تذكره انه زوج جان سمته اليوم باسم ثاني P:



الزين..
جميلة المشاهد والحوارات في صندوق الحكايا السبعة

ميمة السبيت يقول...

يالزينه ذكريني لي غيبتني بحور و بشوق ناديني يمكن الدنيا تدور ..

برد ويا الصيف ولا الشتا لي رد ولا مع الأحلام وقت الربيع والورد

ما فهمت شي من قصتج و لوسمحتي لا تتحرشين بأصحاب لكروش ترى ما ارضى
:p

chandal/danchal!! يقول...

صباح الخير

:)

ما تبين قهوة مالحة؟

:p

اليوم الخميس وودي اذوقج قهوتي

رمل الخيران مخلوط بماي مالح واذا صفري ممكن يكون فيها نكهة قصيع مع شوية قواقع لا تخلو من ال
tiny snails

:)

الزين يقول...

اينجل

ههههههههههههههههههه

شفتي شلون مسيكين

بدعوا فيه

الزين يقول...

سكاي

عجبــــــــــــــــــة

ياخذون القلب

:))))

الزين يقول...

وردة

لووووووووووووول

انتي لما الحين بالصندوق
!!!!


سبحان الله حتى واحنا كبار اللعب بالتراب متعه

:)

تهقين هذا له شغل بطفولتنا

الزين يقول...

ديللي

يازينج انتي

:**

ايه احنا بينا اسرار وما نعلم

:))

الزين يقول...

الخيلاء


:)

ايه خنة حيلي

عور قلبي

الزين يقول...

GUCCI-q8


:))


الحلوة عيونج يا بعد عيني

الزين يقول...

كويت

ايه انا ناس مثقفين نبري باللغة العربية الفصحى يا بنتي

:)))


انتي شكلج متأثره بالمسلسلات السورية

الزين يقول...

ميرامار

:)


جوابا على سؤالج

لما تحصر حياة الزوج والزوجه داخل غرفة النوم لنتيجه لقلة مساحة الحرية
لسبب او لآخر

ان تكون عايشه مع حمولة مثلا
او ان يكون لديهم ابناء
او حتى وجود الخدم حولهم معظم الوقت


هني يكون التغيير مو بالريوق ان بد
التغيير يكون بامتلاك البيت لج وله لحالكم
بهدوءه
بمساحته
والإحساس السلام اللي يعمه بالصباح المبكر

:)

انا اتصور ان الزوجه وهي تحضر الإفطار يجلس هو ليتبادل معها احاديثهم الصغيرة

هذي قمة بالرومانسية


مدري هذا رايي
والناس اذواق وامزجه مختلفة طبعا


عزيزتي ميرا

الأجمل هو عودتك لمساحتي المتواضعه من التعبير

شكرا لك

الزين يقول...

ميمة السبيت

:)))

ياااازينهم اللي يغنون

:**

ليش ما فهمتي شي

القصه واضحه
!!

الزين يقول...

جندل

لووووووووووووووول

يعلج العافية

قهوتج عجبه بس انا صايمه

:q

chandal/danchal!! يقول...

تقبل الله طاعتج

:)

القهوة رافعتها حقج تشربينها عقب الفطور مع لقيمات

عاد شوفي اللقيمات مصنوعة من شنو

:p

والقهوة خابطة والسنيلز كبروا!

خضيها قبل لا تشربينها!

اجرام!

ShLaLaT يقول...

البحث عن الكنز
لعبتنا اليديده

http://shlalat.blogspot.com/2009/04/find-treasure-game.html

Mishari يقول...

تصدقين اتقبل ان الراء تصير لام بس ما اتقبل الخاء تصير حاء وهذا صاير عندي:)بس مو فينى

جميل جدا يالزين

اجار الدين كشمش يقول...

انا ماعلي من زغلول والكيكه ...انا اموووت على اليال اقعد بالساعات

لي تثبر المايه

يتغددون عني وينامووون وانا على اليال

ما يندرى عن الجو السنه
الله يستر من البارح العود

فمالله

ShLaLaT يقول...

زيوووووووووووووووون


عجيييييبه القصه
اي نبي سوالف براااءه


اقولج احلى القصص بالترتيب

الحكايه السابعه
الحكايه السادسه
الحكايه الرابعه

كل وحده احلى من الثانيه
ولااااااااااااااا يوقف


:*****

صلاح الأنصاري يقول...

هذي سوالفكم ؟؟
دقات بالعالم

الله يرحمه
حسب ما فهمت من التعليقات انه توفى

أنا مره سويت عصير تراب حق ولد جيرانّا
عزمته العصر في بيت يدّي القديم قلت له تعال دش وخليته يسولف مع الوالده الله يطول بعمرها
ورحت دخلت در الجيل "التشيل" وفتحت كبت يدّتي الله يرحمها ودورت بالغراش لقيت غرشه فيها بودر بيج مادري شنو
حطيت جم قفشه من هالتراب بقلاص وحسته صار كانه جاي حليب

وقلت له "نصـــّور" تفضل
صلاح ويقول تفضل بذاك الوقت غريبه

المهم شرب رفيجي بغى يموت إخنقه التراب
وانا بغيت أموت من الضحك
يمكن كان عمري وقتها ثمان او تسع سنين او اقل

مستمر بقراءة حكاياك العذبة يالزين
وبانتظار باقي الحكايا

تقبلي خالص التحية والاحترام

صبا يقول...

زيووون
سبقتيني بموضوع البروووي
انا كنت كاتبه موضوع عن البروي
خبرج يوم كنت صغيره كنت انا العرووس
والمعرس عبود ولد ييرااانه
هههههههههاااي
امبي زيون كله ما خذه دور البطوله بالبروي لازم انا العروس بعد 10
دقايق والا انا ام وعندي ولد وبنت
ههههااي
امبي لو تشوفين عبود الحين كبر وكله ينقز علي
هههههههه
امبي لأ ...استحي
وهو يذكرني يوم كنت العروس وهو المعرس
وييييييييع
تلوووع جبدي
وكل ما يشوفني الحين يقولي شلووونج خطيبتي
:((((

مليق
بس ذكريات الطفوله معاه حلوه
الله يهديني انا بعد 24
ساعه مطيحه في بيتهم
باااارع
هههههههااااي


خوش بوست ذكرتيني بالذي مضى

الطفوله البريئه

:***

بريتني سبيرز يقول...

فتحت هذه المدونة لتحذير المبتدئين و الصالحين الذين لا يتوقعون من الغير ايذائهم لأنهم لم يرتكبوا أي جرم لكي يستحقوا الايذاء , اريد تحذير الجميع و التنويه من مشاغبات الهاكرز و هم اناس معتوهين و لا يملكون حياة يعيشونها فيلجؤا الى ايذاء غيرهم لتعويض النقص و الضعف الذي يعانون منه , و بما انني منافس و خصم قوي و عنيد واؤمن أن الله يريدنا أن نكون مصلحين و ليس صالحين فقط , لهذا سوف أحشر أنفي فيما لا يعنيني و أقوم بتوعية المبتدئين عن الطرق التي يستطيع أن يقتحم فيها الأجهزة و هي سهلة جدا , لكن لنبدء أولا بالمخاطر المترتبة عليها :

اختراق كاميرا جهاز اللاب توب


1- اختراق الكاميرا المرفقة بجهاز اللاب توب , هناك برامج متنوعة يستطيع الهاكر المريض أن يخترق الكاميرا و يقوم بتشغيلها من دون أي دلاية و لا إشارة ضوئية للكاميرا و لا أي شيء إطلاقا .

http://antihack-protect.blogspot.com/

بو محمد يقول...

أقولج شي اختي
قد أكون قد خرجت عن قالب القصة و الفكرة و لكن ما ذهبت إليه من براءة الطفل و تلقائية اتخاذ القرار، أحيانا يكون الطفل مسيطرا على قراراته أكثر من الكبير، يمكن لأن ألكبير تمتزج جوانب حياته كلها و عليه فك التعقيد و التعامل مع كل جانب بحكمة و عقل على حدة، بينما الصغر أبعاد حياته معرفه

البنت كانت تجابس الشمس، و مو مهم حتى لو بنص عين بس المهم تجابس، الكبير لأن، يا عين كامله و تنعمي و الا ما اجابس كلش

أنا أرى في قصصك عمق و الله اختي يحتاج تحاليل و نقاشات طويلة عريضة، أعتقد ان أفكارها نابعة من الحياة الإنسانية بصورتها المعقدة و أجد نفسي أغوص بغبة، لا أقصد هنا العقد النفسية، بل القصد هنا التعقيد في ترجمة ما يدور بداخلنا كبشر إلى واقع

يمكن شطيت اشوي، السموحة اختي

بس جميل ما تكتبين و الله اختي

و هم بتابع

دمت و الأهل و الأحبة برعاية الله

Shaima'a Alkandari يقول...

هووووووب هووووب



زيوووونه شلونج :) ولهت عليج وعلى قصصج الحلوه


ماراح اعلق بقرا من البدايه




صبري علي راجعتلج



بس تدرين لازم احط بصمتى بهالبوست وبالمره اسلم عليج

الزين يقول...

اول شي خلوني اعتذر عن التأخير بالرد

والتأخير ببقية الحكايا

الزين يقول...

جندل

:)


لا خلا ولا عدم

قهوتج ما تنعاف

:$

الزين يقول...

شيللو

تم قبول النداء

:**

الزين يقول...

مشاري

:)


الأجمل هو متابعتك يالشيخ

الزين يقول...

اجار


:)

اهتمام مشترك

عطنى البحر وانساني




يعين الله

الزين يقول...

شيللو


:*

الحلوة عيونج بعد قلبي


ان شاء الله ماراح يوقف

الزين يقول...

صلاح الأنصاري

:))))


طلعت منت هين



شكرا لتواجدك صلاح

يعني لي الكثير

الزين يقول...

صبا

لووووووول

ذبحتيني ضحك على تعليقج

:**

عسل يا صبا

الزين يقول...

بريتني


شكرا لك

جهد تشكرين عليه

الزين يقول...

بو محمد


:)

انت دقيق الملاحظه يابو محمد ماشاء الله عليك

انا قصدت ابين ان البنت تجابس الشمس لإظهار جانب التحدي في شخصيتها


انت شكلك تحلل كل شي

:)

وهالجانب وايد يسعدني باللي يقرا لي



مشكووور من اقصى قلبي على التعليق الجميل

وعلى التواجد الأجمل

الله يحفظك ويخلي لك حبايبك

دمت بخير

الزين يقول...

شيماء الكندي

بعد قلبي

وانا اكثر ولهانه عليج

انتي وين اختفيتي

:**

DiLLi O MiLLi يقول...

صــــــــــــــــبا



هههههههههههههه
ههههههههههههههههه
ههههههههههههههههههههه
ههههههههههههههههههههههههههه
:))))

حســــبيااااالله على بلييييييســــج


أشلون حاطه عينج على ولدي ... وأنتي مخطــــوبه ؟؟؟
هـــــــااااا ؟؟؟

عيــــل طلع ... ويييييع ومليق
لوووووووول

:)

ميمة السبيت يقول...

صباح الورد عالورد ..

فقدتج منغير شر و حبيت اسلم عليج :)