.

تحذير : هذه المدونة تخضع لقانون حماية حقوق الملكية الفكرية ونحذر من نشر أو نقل أي نص أو مقال للكاتبة.. دون نسبه للمؤلفة.. في أي وسيلة

21.3.08

سوالف قلب ... سالفه لأمي


يمه
لميني دفيني
وبحضنج اخذيني
يمه عطيني الأمان
ليه جار على زماني وغدر فيني
وقولي لي ان باذن الله وبفضل دعائج ربي بيحميني
ولين انكسرت او ضعفت دايم تصبريني
يمة من غيرج يحس فيني .... من غيرج ينسيني هموم كثير
من غيرج وانا صغيرةعلى جناحاته أرفرف وأطير
ومن غيرج حلم فيني وتمناني
ويوم انخلقت بحشاه فز قلبه وسماني
يمه قولي لي ان باجر بيحلى
واني لين كبرت الدنيا معي بتحلى
وعلميني شلون اغفر وأنسى
وشلون أحن وأحب وما أجسى
علميني اكون مثلج
علميني الشموخ
علمني أمشى عالثرى والثريا هيَ كفي
وان كنوز الدنيا كلها ذي ما توَفي
حقج من عمري وقدري وما تِكفي
يمه زفيني عروس
وبالجنة علميني كيف أفوز
يمه يا كل الحياة يا بسمة عمر
يا نهر صافي ياماي الزهر
اعذريني حلليني
يمه منج انتي ما اقوى العتب
ما اقوى الزعل ما اقوى الفراق
ولو بدر منى قصور اغفري لي وسامحيني
واعرفي اني من غيرج ما اقوى الحياة
تصبح بعيني صحرا
وأمسى من بعدج يتيم
يمه اشتاتقك حتى وأنا بحضنج
حتى لو كبرت .. حتى لو حضنج هجرت
حتى لو صار لي بيت واهل
وصار بعادي عنج سهل
ولا تظنين اني لي عنج غناة
انتي امي وانتي بعد

كل الحياة



هناك 22 تعليقًا:

Fahad Al Askr يقول...

خوش

صبا يقول...

الله خوش كلام منو عندنا اغلا واطيب واحن من الام

الله يخلي امويمتج ويطول بعمرها وتعيشين بدفا حضنها

وكل عام وامهات العالم بخير

Q80 Blogger يقول...

سوالف حلوه .. بمناسبه احلى

بس عاد ضيقتي خلقي .. صارلي فتره مو شايف الوالده
الحين ابجي تره

Najmah يقول...

ماراح اقول دمعت عيوني عشان لا تزفيني :(

بس راح اقول

كل قلوب الدنيا مهما حنّت عليي يايمه
ماتسوى ذرة من حنانج :*

esTeKaNa يقول...

امي قاعده يمي
ماسكة ايدي تشوف ضغظي
وانا فاجة اللاب توب واقرا
قريت لها سوالف قلبج
الله لو شايفتها الله
استااااانست وايد
تقولي اكيد انتي كاتبته صح؟
سكت
كنت بجذب
بس خفت اللي يجذب يروح النار
قلت لها لا يمه اللي كاتبته حبيبة قلبي
:)))
الله يحفظج
ويرزقج بر امج وجنتها
ويرضيها عنج دنيا وآخره قولي امين
:**

فريج سعود يقول...

بطرش الي كاتبته حق امي مسج واقول لها انا الي كاتب هالكلمات
تسمحين لي بهالبوقة ؟
لان ما يطلع مني هالحجي الحلو
دفش شسوي

5roofa يقول...

وااااااي بجيتيينيييي

امبيي روعه روعه تدرين قاعده اسمع الاغنيه الي حاطها مناف في بلوقه و اقرا كلامج شعوور مو طبيعي ودي اروح الم امي الحين بس اخاف اروح المها تخرع الساعه 1 و نص

:/
اخاف تحسبني قاعده اهلوس لول

يالله المها باجر

مشكورة يالغاليه و الله يخلي امهات الجميع و يرحم من فارقنا ياارب

salamz sis...

غير معرف يقول...

:*
قبلة على جبين أمي الغالية

فراوله يقول...

مساالورد والجوري
غاليتي الحبيبه
دائما ما تكون الكلمات امام ذلك الكيان الجميل والاكثر من رائع
هو قمة الروعه
قولي آمين
الله يخليها لج ويخلي كل امهاتنا اللهم
آمين
:*

charisma يقول...

الله لا يخلييج ويخليها دوم ذخر لكم

:**

كل عام واهم بخير ومنوريين بيوتنا
ويجعلنا بارين فيهم ومريحينهم
ويكونون راضين علينا امين

7osen يقول...

ماشاءالله عليج

كلام يحرك الحجر

الله يخليلج أمج يارب
ويخلي أمهات الجميع إن شاءالله

الزين يقول...

فهد

خوش بعد

الزين يقول...

صبا

مافي احد بغلاتها يا صبا
وكل عام وكل البنات بخير

:**

الزين يقول...

كويتي بلوقر

اسم الله على خلقك
الله يعيد فيك عليها وترجع لها سالم غانم ان شاء الله

لااااااااااااا
لا تبجي

ما عدنا كلينكس

:))))

حياك الله يالشيخ

الزين يقول...

نجمة

:**

كل عام وانتي والوالدة بألف خير يارب

الزين يقول...

استكانة

اسم الله عليج وما تشوفين شر بعدي انتي
:)
فرحتيني
ان شاء الله دوم الوالدة مستانسة بوجودكم حواليها يارب

هههههههههههه

عليج بالعافية
لا تحاتين
محللتج

بعدي والله انتي
حبيبة الزين

ربي يحفظ لج اميمتج ويطعمج رضاها يارب

:******

الزين يقول...

فريج سعود

ولو ان ردي متأخر بس عليك وعليها بستين عافية ياخوي افا عليك


اما بوستك الأخير فله
ماشاء الله عليك

:)

الزين يقول...

خروفة

تعالي انا الحين بلمج واقول لج كل عام وانتي والوالدة بخير يارب:**

وحياج الله حبيبتي

الزين يقول...

حسافتج ياكويت

تستاهل الغالية
بوسه ومعاها هدية

يالله عاد همتك

الزين يقول...

فراولة

اللهم امين يا لشيخه
اللهم آمين

:*****

الزين يقول...

كاريزما

ويخلي لج الوالدة يارب

يارب تقدرنا على طاعتهم وبرهم يارب

:*****

الزين يقول...

حسين

بعضا مما عندكم

ويخلي لك الوالدة يارب

مشكور ياحسين

:)