.

تحذير : هذه المدونة تخضع لقانون حماية حقوق الملكية الفكرية ونحذر من نشر أو نقل أي نص أو مقال للكاتبة.. دون نسبه للمؤلفة.. في أي وسيلة

17.3.08

سوالف قلب .... سوالف نهار


عندما يفيض الشوق
وتشعر به كطيف يتبعك في كل لحظة
يقصي كل أفكارك ليأخذ مكانها في كينونتك
نفس الفكرة .. نفس الإحساس
نفس الدوامة .. لتدرك بالنهاية أن لا مهرب منه الا إليه
الشوق هو حاجة ملِحة تحتاج للإشباع
متى ما اشبع تحول لشيء آخر


طول ما إحنا عايشين حياتنا بهذا العالم نتشارك طاقاتنا و أرواحنا مع الناس اللي حوالينا بطرق مختلفة . تأثيرنا يلمس حياتهم يتخللهم ويلمس حياة الآخرين من حولهم . لما نتعب عشان نعيش حياتنا بعمق وبصدق ممكن نعتبر هذا انجاز بحد ذاته على الصعيد الداخلي . كل واحد منا بإمكانه النظر بصدق لنفسه... يكتشف حقيقة ذاته شنو اللي يعطي حياته معني.... و شلون يكسر كل القيود اللي تمنعه من انه يحقق أحلامه ويتحرر من الضغوط اللي تمنعه من إحساسه بقيمته وقيمة أفكاره ومشاعره. تناغم أفكارنا مع نمط الحياة اللي نعيشها ورؤيتنا الواضحة هو كل ما نحتاجه عشان نكون مثل ما نحب أن نكون.


تدندن لحن ... تنسى الكلمات....ألف فكرة وفكرة ومليون شغله بيدك ....ومشاريع مؤجلة .... و إحساس بالتعب
تبي ترتاح ... تبي تتحرر من كل القيود
ودك تطلع من الدوام
ودك تمشي بالشارع من غير ما يقولون هذا شفيه ماشي ليش مو راكب سيارته
ودك تقعد على البحر من غير ما يقتحمون خلوتك
ودك تقعد بقهوة تقرا كتابك من غير ما تتهم بـ show of ما عرفت أقولها بالعربي
ودك .. وودك .... وودك
في ديرة معظم اللي ودك فيه له اسم ثاني وما يصير
ديرة تنتقد فيها لأبسط الأمور
ويظل اللي ودك .. ودك وبس


إملأ الكأس منى
وتجرعه رويا
نملأ الأقداح شهدا نتذوقه سويا
ترتشف ما فاض من أشواقي مليا
تقصي الليل بلحظك تخلق فجرا بهيا
وأغدق أسماعي بصوتك واسقني كأسا(ن) هنيا
تلتقي أنفاسي صدرك تحكي قربا عفويا
املأ الأقداح هيا
وتجرعه رويا
........
هو نص لم يكتمل


اشتقت لج
كلمة كان ودي اسمعها منك اليوم
وانت اكثر.. أكثر .. أكثر
كان راح يكون ردي عليك

شفت شكثر خسرت

هناك 34 تعليقًا:

Aldenya يقول...

الشوق
يمنح الانسان شعور بالتواصل
شعور بنبض الحياة

وهذي الدنيا
حياة ماتدرين تطول أو تقصر
لكن الأكيد
الإحساس بأنج تشاركين روحج مع غيرج
مع اللى لهم مساحة كبيرة بقلوبنا


عزيزتي الزين
أبدعتي بشرح هالسوالف

7osen يقول...

الله عليج يالزين

كلامج خلاني أفكر باشياء وايد وأحس بأشياء وايد

هالبوست روعة
بكل صراحة

تكلمتي عن شي بالفعل ناس ايد تعاني منه

الواحد هالأيام مايقدر يتصرف على راحته بمثل مايحس
دائماً في عيون ترصد التحركات

:
مادري شقولج صراحة يالزين
حبيت كلامج واايد
وحسيته طالع من قلبج

علشان جذي وصل بسرعة

الختام
جداً مؤلم

5roofa يقول...

اموت على الشووق

باركيلي هالمره ما بجيت لوول

اتوقع حدث تاريخي اني ازورج و ما ابجيي

امبي تدرين شنو احب شعور الشوق احس ممرات اهو الي مخلي قلبيي يعيش

شوق حق كل شي
كل شي يمر علي بعد فتره اشتاقله حتى لو شي مو مال تشتاقيله بس الشعور حلوو

و تصدقين صج صج مرات ودي اسوي اشياء مااقدر اسويها لانه امبي الكل بيشوني بيقول يا هذي مينونه يا مينونه لوول

ماكو حل وسط

مشكورة على البوست الخفيف على القلب

salamz sweet sis...

khaled يقول...

الشوق
كلمة لها واقع رائع ...
وكانت في البوست أروع ...

من خارج الوطن قريت هـ البوست واشتقت للوطن :)

vancouver يقول...

زوزوتاااااااا
اشلووووووووونج
:**



حروفج وكلماتج من القلب لي القلب


احنى اش ذابحنا بالكويت
غير تدخلات الناس بسبب ومن غير سبب


ايييي ودنا نسوي واايد اشياء
بس نحسب الف حساب لنظره اللي حوالينا
ومع هذا شعاري دايما
سو اللي بتسويه
بس ما يكون غلط
وطنش اللي مو عاجبه
!


يا ترى زوزوتا
اشكثر احنا فينا من الناس اللي نشتكي منهم ومضايقينا ؟؟
وهل مع الوقت تتطبعنا بطبايع مجتمعنا ؟؟



هذي لج
:************

`~MnO YeNSa! ~` يقول...

الله
بوسف
عفوي
لاقصى الحدود ...
وعلى القصــــــيدة
please
كمليها .. ترى ناطرتها .. اعجبتني :)

تدرين شنو اللي عور قلبي حيل
حيـــــــــــل
last part
من البوست
مو حلو شعور الخسارة
مو اي خسارة
خسارة جزء من الحياة


استوقفتني
كلماتك :**

بالنسبة لي .. اقول عن كل شي
يا علها خيره
& still missing them SO BAD
الله كريــــــــــــــــــــم

طائر بلا وطن يقول...

نفس مختلف و وجه آخر من الزين

راق لي جدا احساس هذا البوست
و الفكرة على حد سواء

هنا الفكرة حساسة .. و نقطة التّماس
هذه اعتبرها قمة الإنسانية على صعيد
كل واحد منا

مزيج افكار و مشاعر
خليط .. شيء منه متجانس
و شيء منه متناقض

و هذا هو الإنسان على كل حال

رغم هذا يظهر و بشكل جلي شعور آخر
بالسلام المبني على الإدراك و الإقتناع


صدقيني يا الزين

احساسك هذا و هذه الفترة قد تكون نقطة
تحول كبيرة و إلى الأفق في سماء انسانية
الزين

استثمري احساسك هذا لإدراك ذاتك أكثر
و المساحات العذراء من روحك و عقلك
الجوانب التي لم تبلغيها بعد من الحياة

أو حتى ازدادي عمقا و ألفة مع نفسك
و مع الحياة و البشر من خلالها

حتى لو كنتي بروحك و من بعيد لبعيد
:)


رغم كل التعب إلا أن لحظات كهذه تتسم
بالصفاء و القرب و تترك لك فرصة جيدة جدا للتأمل




صباحك خير يا رب

charisma يقول...

صباااح العسل يا عسل

صح السانج يازيووون
منو فينا عايش بحريه وبدون قيود خانقته مرات احس نفسى مو انا مو اناااااااا جنى محنطه

لما نتعب عشان نعيش حياتنا بعمق وبصدق ممكن نعتبر هذا انجاز بحد ذاته على الصعيد الداخلي

قلتيييها واصبتى
نتعب عشان نعيش حياتنا بالشكل الى يريحنا
نتعب حيييل حيييل
نكسر قيود ونتخطا حواجز ونطلع بالخش والدس عشاااااان نعيش بالشكل الى يريحنا مو سهل مع الاسف
:/

والشوق امرنى اطيعك وانسى خلانى
:**

Barrak يقول...

شفت شكثر خسرت

هذي الجمله ينحط عليها الف خط

فتى الجبل يقول...

قلتي سوالف النهار
سوالف ليل العاشقين ليش ما قلتيها
والا لأنها اجسى

MKSARAT SAYED SAAD يقول...

صديقتى زوزوتا
ممكن تقبلي منى اكمل معاكي الابيات التي لم تكتمل بكلماتى البسيطة هذه
----------------

الكأس قلبي منذ زمن ملأته منك بمقلتيا
وكيف لا وأنت عندي البدر و الثريا

لا يكفي شفتاي ما بين الأرض والسماء العليا
كي أظل أرتشف الشوق حباً لعمر ورديا

أشم عطرك في هواء الفجر وكأننا سويا
حتى يحتار عقلي فيك أنت ملاكاً أم أنسيا

فأنت عندي خزائن الأرض أنت الذهب والحليا
لهذا أرتشفتك من قلبي بعشق وحنان روياً رويا

دمتى بكل ود
سيد سعد

فريج سعود يقول...

اشتقت لج
مو جنك كنتي مسكرة بلوقج بويوهنا قبل جم يوم ؟

الزين يقول...

aldenya

عزيزتي الدنيا
وجودج دايما يسعدني
مشكورة وايد

كوني بخير

الزين يقول...

حسين

الله عليك انت

:)
مو هذا الغرض من البوست
انك تفكر
مو تقرا وتمشي

يعني مو سلق بيض يا حسين

:))))

عيون ترصد
وتفكير يأول كل شي تقوله
ويعطيه معنى انت اصلا ما تقصده
وينحكم عليك بسوء النوايا

ومع هذا
نبتسم ونكمل

من القلب لي القلب ياخوي صدقني

الختام هو اكثر شي حسيته
:)

الزين يقول...

خروفة

مبروك وعقبال البوستات اليايه

:)

شوقى انا لك يشجيني
ولوما الحيا كل الناس دروا فيني
صدرك حبيبي مرقدي وقدرك وسط عيني

شوقي انا يا صاح يلعب بي
شوقي انا يا صاح يجويني

عشان عيونج بس هالأبيات

القيود والأحكام
كلنا نعاني منها خصوصا احنا البنات
وساعات من اقرب الناس لنا

عادي
و حلوة الحياة يا خروفه

الزين يقول...

خالد

يا حيا الله مطول الغيبات
ادري انك مسافر
وادربي بعد وين مسافر

:)

تشتاق لك العافية يالشيخ
ولا تكثر السي فوود

متى راجع ان شاء الله؟؟

الزين يقول...

فانكوفر

حبيييييييبتي

انا بخير وعافية انتي شلونج بعد قلبي

من القلب للقلب عشان قلبج صافي
وبابه مشرع
ما احتجت اطق باب ولا اولع شمعه
:)

وانتي صاجه
لو كل واحد يعيش بحاله
ويشوف حاله وبس احنا بخير

وهذا اللي حاصل
طنش تعش
والله يبعدنا عن الغلط

انا ادري ساعات ينحكم علي لعفويتي
بس ما عاد يهم
واللي ما يصفي النية هذي مشكلته
مو مشكلتي

أنا اعتقد فينا الكثير من الناس اللي حولنا
بس الفرق انا احنا منتبهين
ونحاول نغير من نفسنا

ممكن نتطبع وممكن لأ
يعتمد على قناعاتج انتي

وهذي لك انتي وبس
((HUGG))

مشكوره من اقصى قلبي

الزين يقول...

منو ينسى

تصدقين عاد
كنت حزتها بالدوام
اكتب شوي واشتغل شوي
نزلته قبل لا اروح البيت
وصلت البيت بغيت اشيله

:)
ذابحني المد والجزر هالأيام
ما اقتنع بشي بسهالة

القصيدة قصتها قصة
تدرين شكثر صار لي كاتبه هالأبيات
وكل ما ايي بكملها ما يطلع معاي شي
ما عدت عايشه احساسها
هنيه المشكله
وما اقدر اكتب كلمات مو حاستها
بس ماتدرين
يمكن بعدين يتغير شي
:)

شوفي
لما نشعر بشي وما نعبر عنه ولا نقوله
هذي خساره
لما نحب وما نستمتع بهالشعور
هذي خسارة
لما نشتاق ونوفر شوقنا لبعدين
هذي خسارة
ولما ننسى اللي جدامنا شكثر يحبنا وما نداريه ونظلمه ونحكم عليه
لما نحطة بصف الناس ونبلش نقارنة بالداني والقاصي
هي ...
قمة الخسارة

والخيرة فيما اختاره الله
باجر يخف الشوق صدقيني
ساعدي نفسج
انا ساعات اقول ماكو احد يستاهل نشتاق له هالكثر

الا اللي راحوا
عافوا هالدنيا وفلو
بس

اما للي عايش وبخير
انسيه

خطي عليه وكملي طريجج

وصبر جميل والله المستعان

الزين يقول...

طائر بلا وطن

نفس مختلف ويمكن نضج اكثر
مدري
بس احس اني وايد تغيرت بالفترة اللي فاتت

هنا الفكرة قد ملكتني لوهلة وشغلتني عن أشياء وايد
ومزيج الأفكار مثل ماتقول هو كان تركيبة الزين في هذاك اليوم
مو خبرك أنا كل يوم لي تركيبة

مدري اهو سلام لو استسلام لواقع يفرض نفسه يا طائر
مدري هو قوة لو ضعف
كل الأمور تشابهت

مشكور على تشجيعك المستمر لي
هذا العشم بين الأصحاب
ولا انت شرايك

صباحك اجمل يالشيخ

الزين يقول...

كاريزما

صباحك اجمل واحلا
صباحك ارق وانعم
صباحك دافي وحميم
صباحك انتي وانا

:**

شوفي كرووووز
ساعات كثر ما احس بقيود مفروضه على من كل صوب
اعتزل الناس
اوخر
اختلي بنفسي واكتفي فيها
واااااااايد اريح

بالفعل انجاز انج تكونين مثل ماانتي بره وداخل
في مجتمع يحمل الكثير من الرياء والتكلف والبهرجة الكذابه

وآه يالأسمر يازين
:***

الزين يقول...

براك

قول مليون خط
اعتقد ان طافه الكثير

:)

صباحك خير

الزين يقول...

فتى الجبل

نكتب لك سوالف ليل افا عليك
بس خل امخمخها شوي
وياكثرها من سوالف

:)

أجسى ويمكن أحلا
ما تدري

وحياك الله

الزين يقول...

سيد سعد

اكيد ممكن
هو انا اقدر اقول لأ
.........

الله ياسيد
رائع
ابدعت

شكرا على المشاركة يا صديقي
دمت بكل الحب والود والإبداع

الزين يقول...

فريج سعود

اشتقت لك اكثر
:)

سكرته يومين ورجعت
وينك انت مضيع

وشكلك من زمان ما زرتنا
عشان جذيه

وعلى فكرة انا متابعه بس من بعيد
شلون عيونك الحين
أحسن ان شاء الله
@@

لااااا وايد احسن

:)

حيا الله بو بدر

khaled يقول...

تدرين :)
خرعتيني يالمباحث يالزين
ذبحين السي فود :)

اقل من اسبوع وراجع
بس علميني :) من وين تملكين هـ المعلومة :)

اخاف كاتبه وانا مادري

Wireless يقول...

Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Wireless, I hope you enjoy. The address is http://wireless-brasil.blogspot.com. A hug.

غير معرف يقول...

الزين

اليوم انتي غير بهالبوست
شي ثاني

شي انا كنت اشوفه وبس
وجه آخر

البوست هالمره فله

:)

UR CUZ
(F)

Najmah يقول...

ليش عقب ماخلصت البوست
حسيت ودي اركض داري
واسكر على روحي الباب وابجي؟
مادري
.
.
.
النص اللي ما اكتمل
رائع
كنت اتمنى لو اكتمل
لكن ربما تكون روعته في عدم اكتماله
.
.
.
احيانا
أتمنى لو اسمع هالكلمة من شخص قبل
ما اقول له اياها
ولما ازهب بداخلي اشواق وعبارات بتتكلم
لكن اشوفه مايحمل اي تفاعل يخليني اعبر
اسكت واكتم وداخلي شوي التوى مجروح
ليش بعض الناس
يبخل علينا بكلمة
واهوا يدري انها كفيلة تسوي اشياء وايد؟

فريج سعود يقول...

اشتاقت لج العافية
الحمد لله تمام
اي والله انشغلت شوي سامحيني
وحدة تسميني بو سعود والثانية بوبدر لاعبين فيني لعب
:)

الزين يقول...

khaled


هههههههه
يمكن انا مباحث شدراك
عندي مصادري الخاصة

ومركبة كاميرات على كل البلوقرز عشان اعرف وين راحوا ووي يو

:)

وانت بالذات عليك رقابة مشددة

بانتظار عودتك بالسلامة

ودير بالك على حالك
واكل الشوارع دير بالك منه

اخاف عليك تسمم


وعلى فكرة انت ما قلت هالمعلومه ولا كتبتها

الزين يقول...

غير معرف

Uhhh

cant belive it

well baby its good 2 hear from u @ last

glad that u liked it
and happy 2 c u here CUZ

:*

الزين يقول...

نجمة

يعنؤ ليش كل ما احد يقرا لي يبي يبجي
خروفةوالحين انتي

ترى تعقدت منكم

ليش البجي
ليش ما نشوف اللي معور قلبنا بصورة ثانية
صورة احكم وانضج
بدون بجي وبدون دموع وانفعالية


سوري بس ما ابي اسمع طاري البجي
الحياة حلوة يا نجمة
واللحظة اللي تروح ما ترجع
قضيها بالضحك مو البجي

:**


النص اللي ما اكتمل كان له اسباب انتهت قبل انا يكتمل

والأحساس انتهى
خليه مثل ما هو

مثل قصته
ناقص


ان عندي قناعة
اللي بخيل بمشاعره
بخيل بأشياء وايده
وخري عنه
ما يستاهل

:**

وهم الحياة حلوة

الزين يقول...

فريج

انت ليش زعلان
قول لي بس شنو تبيني اسميك
وانا اسميك

شنو المشكله
بوسعود
بو بدر

:)
انت الحي تشوفني زين
اقصد عقب العملية

Q8 uniQue يقول...

إنتي إنتي, أشبعت "كلماتج" عندي فكرة إنج شفافة "صادقة" ( مع ذاتج ) لحد يجعل منج "مرهفة" "إحساس صافي", تجيدين "هز" جمود أغصان إحساس من تتعاملين معاه (ولو إنّه إدّعى المكابرة) لأنه مافي أقوى من الصدق "سلاح" أو "زلزال" تغيير, شكراً.