مافيني شي
حبيبي لا تجسى علي
ان كواني حبك في خافقي كي
وان صحي شوقي انا والتاع قلبي شوي
وان تناسي فكري انك مشغول بكذا شي
حبيبي لا تجسى علي
ان طفا نورى وأصبح نهاري بليا ضى
وان غدى يومي يحتضر من فراقك وانت حي
يسأل الرحمة من شموس بليا في
حبيبي لا تجسى علي
يوم صارت دنيتي انت وانت بدنيتي كل شي
واهي كلمة ابيك تذكرها
انا ... فيني اكون الزين
وفيني اكون بحياتك كل شي
لكنى أبد ما ارضاها
اني اكون بحياتك
أي .. شي
هناك 30 تعليقًا:
حبيبي لا تجسى علي
ان كواني حبك في خافقي كي
الله
طلب راقي
وفكرة الطلب حلوه
اطلبك لاتقسى علي من حبك
يعني شنو هالحب
اكيد ماراح يكون اي شي
عندك القدره على التعبير عن احاسيسك بصوره بسيطه
لاتخلو من ذكاء الشاعر
كل هذا ومافيك شي؟
هذا شتسمينه:
"وان صحي شوقي انا والتاع قلبي شوي"
وهذا هذا :
"وان غدى يومي يحتضر من فراقك وانت حي"
رائعه عزيزتي..
(يسأل الرحمة من شموس بليا في)
هنا شعور مؤلم مو طبيعي
اختي انا اللي بطلبك..
لاتوقفين..
بدت عيوني تتبعك
دمتي بعافية :)
خواطر رائعة عن الحب واشياء مختلفة...
ٍعندما قرأت آخر كلماتك:
"لكنى أبد ما ارضاها
اني اكون بحياتك
أي .. شي"
ملئت صدري بنفس عميق جدا مدى السـعادة اللتي إهتاجت قلبي. بعد كل الكلام الحزين أعلنت الرفض أو بالأحرى أعلنت مجرّد عدم تنازلك عن حقوقك. جميل جدا
اللــــــــــــــــــه
سلمت يداك
جميلة أنتي يا زوزو بكلماتك الرقيقة
:::
حبيبي لا تجسى عليّ
ان طفا نورى وأصبح نهاري بليا ضى
كيف يقسى وانتي لأجلة بلا ضيّ
:
حبيبي لا تجسى علي
يوم صارت دنيتي انت وانت بدنيتي كل شي
كيف يقسى وهو كل شي بدنياك
:
لا اظنة سيقسى بعد أن يقراء كل هذه الرقة والروعة
:
حقيقة كلماتج لها وقع خاص في الدخل
تحياتي لقلبك المليء بالمشاعر والكلمات
الحر ما يرضى يكون اى شى
:) تسلم ايدج :)
ما ترضاها تكون بحياته اى شى
:/
الله كريم
استمتعت بالقراءة زوزوتا وقلبى عورنى
:(
تسلم ايدج
زوزووتي
لا انا ولا انت ولا اي انسان يرضى انه يعطي كل شي ولا يكون له شي
اي شي
احساس قاتل وكلمه تجرح
اي شي
عرفت شلون تطعن وتذبح
اي شي
وتبي حب
اي شي
وتبي قلب
تبي احساس صافي وعذب
اثبت لي انه لي شي
نور وشمس وظل وفي
هذا اذا ماكنت كل شي
ومتحمل الي لي وعلي
الله يازوزو عرفتي الي بالقلب فديت احساسج الراقي والله
تحياتي
حبيبي لا تجسى علي
ان طفا نورى وأصبح نهاري بليا ضى
وان غدى يومي يحتضر من فراقك وانت حي
بصراحه
وما خضع راسي ولو طرفي سهير ,,,, احسب حسابي ولي قلب صبور
ما وطيت الشين والعلم الصغير,,,, اجبر كسوري على مسك وعطور
عادتي لاقفيت ما ارد المسير يا الزين
اكتفيت وصابني منك الكثير ,,,,
ولا هواي احيا على قلب الامور
سامحك ربي على الجرح الكبير,,,,,
وسامح الله من على مثلك يشور
تسلمين يا الزين
تسلمين
حبيبي لا تجسى علي
.
.
دام الحب موجود .. فطلبك مجاب أكيد
الله يديم هالمشاعر الرقيقة
اكو ناس تحب ليه هالدرجه الحين
كلامك درر وصج اللى يحب ما يرضى يكون بحياة اللى يحبه اى شى
صح لسانك يالغاليه
هلا غاليتي
إحساسك مره كثيييير راقي
وينم عن شخصية أنسانه اكثر رقي
بس سؤالي
في أحد يستاهل ينقاله هالكلام
بزمنا اللي نعيشه
؟؟؟؟
مااعتقد..إحساس قوي
بس نادر وجوده
دمت بود وحب
:)
عزيزي براك
والله ما ادري
ساعات احس اني قاعدة ابالغ بمشاعري
وساعات احس انه بالفعل يستاهل
المهم اني حسيتها بلحظتها
وطرت فيها وحلقت فيني
وهذا ذكاء محب اكثر من شاعر يا براك
دمت لي بحب
روح الغالية
صدقيني ماراح اوقف طالما القلب اللي بين ضلوعي ينبض
وطالما الهامي موجود
ماشاء الله عليج
تدرين تعليقك وايد وايد وايد يونسني
لأنج تدققين في كل بيت وكل معني
دمتى لي بألف عافية
فيصل
صحيح يا بخته
ehsanbros
الزيارة الأولي لك
واتمنى ما تكون الأخيرة
Straniero
الأجمل وجودك اللي اتمنى انه يتواصل
ولا تخاف على تراني قوية وساعات ممكن اكون متمرده عشان آخذ حقي
دمت بعافية
عثماني
بالمختصر المفيد
الله عليك
وينك فقدنا روائعك يا عثماني
حوسن
يجسى بقصد ومن غير قصد
يجسى لين حدته الظروف
ويجسى لين حس انه مهدد انه يضعف تجاه هالمشاعر
يحبها ويخاف منها بنفس الوقت
يعيش هالإحساس بحذافيرة بس ما يعلن رغبته فيه
اهي قوة اهو جسوة مادري
بس اكيد اهو حاجز مو راضي ينكسر
تصدق يا حوسن
مثل ما احنا الحريم ساعت نكون لغز بالنسبة لكم
حتى انتوا الجنس الخشن ساعات تكونون اكبر لغز بالنسبة لنا
اهم شي بالموضوع ان كلماتي ما تطق الباب
تدرعم لقلوبكم على طول
:)
يديمك لي يا حوسن
مشاري/ كاريزما
انتوا لمستوا اقوى نقطة في البوست كله
اعلاني التمرد
ماني اي شي
ولا راح أكون
لو عرف قلبي ودقاته السكون
لو هداني قلبه وكل كنوز الكون
لو شغل لي درب من حرير على عشقة يسير
يوصل للقمر
يغطي لون البحر
يغير لون الشجر
يعبي الدنيا طيب وعطر
بس اكون له اي شي
عمري ما اكون
دمتم بحب
magnoonah
فديت قلبج وروحج واحساسج يالشيخه
انا اعتقد هذا جرح اي بنت وكل بنت حبت او ناوية تحب
مشكلتنا ان ما فيه ناس تحب عدل وتحس عدل
:)
الله يحفظج يا توأمتي
lawyer
فطومه
ماعاش الحزن
ليش احس فيج حزنانه
ليش الغيم مغطي سماج
شفيج يالغالية
ضيقتي خلقي والله
شهد
تهقين كل شي وكل طلب عشان الحب مجاب
واذا كان حبيبج يفكر بعقله قبل قلبه
؟؟
ما اعتقد يا شهد
ما اعتقد
مجهول رقم 1
اكيد اكو حب الحين جذيه
واكو ناس تحب جذيه
بس منو المحظوظ اللي من نصيبه يعيش هالتجربة
في ناس تعيش وتموت وما حستها
وفي ناس تحسها مره وحده وترفض تعيشها مره ثانية
لأنها كانت تجربة قاسية
وفي ناس كل يوم ومل ساعه وكل لحظة تعيشها
مجهول 2
مشكور او مشكورة
وحياكم الله بمدونة زوزوتا
ولا تقطعون
فراولة
مو مهم ينقال له
المهم انج تحسينه
وتقولينه
له اهو حق نفسك
على الورق
بس عيشي هالإحساس
عيشى هالتجربة
نحن قوارير رقيقه يا فرواله
قلوبنا تعيش على الحب وللحب
وتجف وتسقط كورقة شجرة صفراء عندما يجف الحب
الحب هو تأكيد لأنوثتنا
فنحن خلقنا للحب
حب الحبيب
حب الزوج
حب الإبن
نحن من ينبع منا ولنا ولأجلنا الحب
شي عجيب وايد عجبني الكلام موفقه
إرسال تعليق