.

تحذير : هذه المدونة تخضع لقانون حماية حقوق الملكية الفكرية ونحذر من نشر أو نقل أي نص أو مقال للكاتبة.. دون نسبه للمؤلفة.. في أي وسيلة

26.6.07

أنا الزين .. أنا ماني أي شي


مافيني شي

حبيبي لا تجسى علي

ان كواني حبك في خافقي كي

وان صحي شوقي انا والتاع قلبي شوي

وان تناسي فكري انك مشغول بكذا شي



حبيبي لا تجسى علي

ان طفا نورى وأصبح نهاري بليا ضى

وان غدى يومي يحتضر من فراقك وانت حي

يسأل الرحمة من شموس بليا في



حبيبي لا تجسى علي

يوم صارت دنيتي انت وانت بدنيتي كل شي

واهي كلمة ابيك تذكرها

انا ... فيني اكون الزين

وفيني اكون بحياتك كل شي

لكنى أبد ما ارضاها

اني اكون بحياتك

أي .. شي

هناك 30 تعليقًا:

barrak يقول...

حبيبي لا تجسى علي


ان كواني حبك في خافقي كي


الله
طلب راقي
وفكرة الطلب حلوه
اطلبك لاتقسى علي من حبك

يعني شنو هالحب
اكيد ماراح يكون اي شي

عندك القدره على التعبير عن احاسيسك بصوره بسيطه
لاتخلو من ذكاء الشاعر

(روح) يقول...

كل هذا ومافيك شي؟

هذا شتسمينه:
"وان صحي شوقي انا والتاع قلبي شوي"

وهذا هذا :
"وان غدى يومي يحتضر من فراقك وانت حي"

رائعه عزيزتي..
(يسأل الرحمة من شموس بليا في)
هنا شعور مؤلم مو طبيعي




اختي انا اللي بطلبك..
لاتوقفين..

بدت عيوني تتبعك






دمتي بعافية :)

Faisal يقول...
أزال المؤلف هذا التعليق.
ehsanbros يقول...

خواطر رائعة عن الحب واشياء مختلفة...

Straniero يقول...

ٍعندما قرأت آخر كلماتك:
"لكنى أبد ما ارضاها
اني اكون بحياتك
أي .. شي"
ملئت صدري بنفس عميق جدا مدى السـعادة اللتي إهتاجت قلبي. بعد كل الكلام الحزين أعلنت الرفض أو بالأحرى أعلنت مجرّد عدم تنازلك عن حقوقك. جميل جدا

عثماني يقول...

اللــــــــــــــــــه

سلمت يداك

7osen يقول...

جميلة أنتي يا زوزو بكلماتك الرقيقة

:::

حبيبي لا تجسى عليّ
ان طفا نورى وأصبح نهاري بليا ضى

كيف يقسى وانتي لأجلة بلا ضيّ

:
حبيبي لا تجسى علي
يوم صارت دنيتي انت وانت بدنيتي كل شي

كيف يقسى وهو كل شي بدنياك
:
لا اظنة سيقسى بعد أن يقراء كل هذه الرقة والروعة

:
حقيقة كلماتج لها وقع خاص في الدخل

تحياتي لقلبك المليء بالمشاعر والكلمات

Mishari يقول...

الحر ما يرضى يكون اى شى
:) تسلم ايدج :)

charisma يقول...

ما ترضاها تكون بحياته اى شى

:/

الله كريم

استمتعت بالقراءة زوزوتا وقلبى عورنى
:(

تسلم ايدج

magnoonah يقول...

زوزووتي

لا انا ولا انت ولا اي انسان يرضى انه يعطي كل شي ولا يكون له شي


اي شي
احساس قاتل وكلمه تجرح
اي شي
عرفت شلون تطعن وتذبح
اي شي
وتبي حب
اي شي
وتبي قلب
تبي احساس صافي وعذب
اثبت لي انه لي شي
نور وشمس وظل وفي
هذا اذا ماكنت كل شي
ومتحمل الي لي وعلي


الله يازوزو عرفتي الي بالقلب فديت احساسج الراقي والله

تحياتي

lawyer يقول...

حبيبي لا تجسى علي


ان طفا نورى وأصبح نهاري بليا ضى


وان غدى يومي يحتضر من فراقك وانت حي




بصراحه

وما خضع راسي ولو طرفي سهير ,,,, احسب حسابي ولي قلب صبور

ما وطيت الشين والعلم الصغير,,,, اجبر كسوري على مسك وعطور



عادتي لاقفيت ما ارد المسير يا الزين



اكتفيت وصابني منك الكثير ,,,,
ولا هواي احيا على قلب الامور

سامحك ربي على الجرح الكبير,,,,,
وسامح الله من على مثلك يشور



تسلمين يا الزين

تسلمين

SHAHAD يقول...

حبيبي لا تجسى علي

.
.

دام الحب موجود .. فطلبك مجاب أكيد

الله يديم هالمشاعر الرقيقة

غير معرف يقول...

اكو ناس تحب ليه هالدرجه الحين

غير معرف يقول...

كلامك درر وصج اللى يحب ما يرضى يكون بحياة اللى يحبه اى شى

صح لسانك يالغاليه

فراوله يقول...

هلا غاليتي
إحساسك مره كثيييير راقي
وينم عن شخصية أنسانه اكثر رقي
بس سؤالي
في أحد يستاهل ينقاله هالكلام
بزمنا اللي نعيشه
؟؟؟؟
مااعتقد..إحساس قوي
بس نادر وجوده
دمت بود وحب
:)

ZoZOta يقول...

عزيزي براك

والله ما ادري
ساعات احس اني قاعدة ابالغ بمشاعري
وساعات احس انه بالفعل يستاهل
المهم اني حسيتها بلحظتها
وطرت فيها وحلقت فيني

وهذا ذكاء محب اكثر من شاعر يا براك

دمت لي بحب

ZoZOta يقول...

روح الغالية

صدقيني ماراح اوقف طالما القلب اللي بين ضلوعي ينبض
وطالما الهامي موجود

ماشاء الله عليج
تدرين تعليقك وايد وايد وايد يونسني
لأنج تدققين في كل بيت وكل معني

دمتى لي بألف عافية

ZoZOta يقول...

فيصل

صحيح يا بخته

ZoZOta يقول...

ehsanbros

الزيارة الأولي لك
واتمنى ما تكون الأخيرة

ZoZOta يقول...

Straniero

الأجمل وجودك اللي اتمنى انه يتواصل
ولا تخاف على تراني قوية وساعات ممكن اكون متمرده عشان آخذ حقي

دمت بعافية

ZoZOta يقول...

عثماني

بالمختصر المفيد
الله عليك
وينك فقدنا روائعك يا عثماني

ZoZOta يقول...

حوسن

يجسى بقصد ومن غير قصد
يجسى لين حدته الظروف
ويجسى لين حس انه مهدد انه يضعف تجاه هالمشاعر

يحبها ويخاف منها بنفس الوقت
يعيش هالإحساس بحذافيرة بس ما يعلن رغبته فيه

اهي قوة اهو جسوة مادري
بس اكيد اهو حاجز مو راضي ينكسر

تصدق يا حوسن
مثل ما احنا الحريم ساعت نكون لغز بالنسبة لكم
حتى انتوا الجنس الخشن ساعات تكونون اكبر لغز بالنسبة لنا

اهم شي بالموضوع ان كلماتي ما تطق الباب
تدرعم لقلوبكم على طول
:)

يديمك لي يا حوسن

ZoZOta يقول...

مشاري/ كاريزما


انتوا لمستوا اقوى نقطة في البوست كله

اعلاني التمرد
ماني اي شي
ولا راح أكون
لو عرف قلبي ودقاته السكون
لو هداني قلبه وكل كنوز الكون
لو شغل لي درب من حرير على عشقة يسير
يوصل للقمر
يغطي لون البحر
يغير لون الشجر
يعبي الدنيا طيب وعطر
بس اكون له اي شي
عمري ما اكون

دمتم بحب

ZoZOta يقول...

magnoonah

فديت قلبج وروحج واحساسج يالشيخه
انا اعتقد هذا جرح اي بنت وكل بنت حبت او ناوية تحب
مشكلتنا ان ما فيه ناس تحب عدل وتحس عدل
:)

الله يحفظج يا توأمتي

ZoZOta يقول...

lawyer

فطومه
ماعاش الحزن
ليش احس فيج حزنانه
ليش الغيم مغطي سماج

شفيج يالغالية
ضيقتي خلقي والله

ZoZOta يقول...

شهد

تهقين كل شي وكل طلب عشان الحب مجاب
واذا كان حبيبج يفكر بعقله قبل قلبه
؟؟

ما اعتقد يا شهد
ما اعتقد

ZoZOta يقول...

مجهول رقم 1

اكيد اكو حب الحين جذيه
واكو ناس تحب جذيه
بس منو المحظوظ اللي من نصيبه يعيش هالتجربة
في ناس تعيش وتموت وما حستها
وفي ناس تحسها مره وحده وترفض تعيشها مره ثانية
لأنها كانت تجربة قاسية
وفي ناس كل يوم ومل ساعه وكل لحظة تعيشها

ZoZOta يقول...

مجهول 2

مشكور او مشكورة
وحياكم الله بمدونة زوزوتا
ولا تقطعون

ZoZOta يقول...

فراولة

مو مهم ينقال له
المهم انج تحسينه
وتقولينه
له اهو حق نفسك
على الورق
بس عيشي هالإحساس
عيشى هالتجربة

نحن قوارير رقيقه يا فرواله
قلوبنا تعيش على الحب وللحب
وتجف وتسقط كورقة شجرة صفراء عندما يجف الحب
الحب هو تأكيد لأنوثتنا
فنحن خلقنا للحب
حب الحبيب
حب الزوج
حب الإبن
نحن من ينبع منا ولنا ولأجلنا الحب

غريب يقول...

شي عجيب وايد عجبني الكلام موفقه