.

تحذير : هذه المدونة تخضع لقانون حماية حقوق الملكية الفكرية ونحذر من نشر أو نقل أي نص أو مقال للكاتبة.. دون نسبه للمؤلفة.. في أي وسيلة

22.6.07

منهو منا انجبر




منهو منا.......انا ولا انت اللي انجبر

منهو منا ..... انا ولا انت اللي في قلبي حفر

حروف اسمه من سنين .... قول من دهر


منهو يقدر يجبرك اتوسد القهر

منهو يقدر يعمي عين الشمس

منهو يقدر يخلي الصخر ينبت زهر


منهو قادر يخلق بلحظة وصل قصة عمر

منهو ببعاده الدقيقه تسوى شهر

منهو يشعل بالسما نجوم السهر


انا ....... انت.... مو مهم من منا انجبر

من منا خط قصته على صدر القمر

من منا في دروب الحب قرر ينتحر


انتحاري ....... انتحارك

مو مهم


المهم .. واضح

أكيد

احنا ندري

في واحد منا قرر ينجبر

هناك 37 تعليقًا:

Rossoneri يقول...
أزال المؤلف هذا التعليق.
lawyer يقول...

ذكرتيني في اغنيه لا خطاوينا

مدري ليش

فعلا منو الي يجبر الثاني


الحب

الظروف

او مشكله محد له خلق يحلها

منو الي مو قادر يمشي اكثر


من الي تعب

من الي متوقع اكثر ؟؟

فراوله يقول...

مساالعذوبه
الراقيه
لزوزوتا
حبوبتي العزيزه
حقيقة اعترف فيها..بالحب مو مهم منو اللي ينجبر المهم بعد الانجبار شنو اللي راح يصير؟؟
هل بدوم الحب..او ينتهي مثل ما تنتهي فصول السنه
برأي الشخصي لأجل الحب..وعشان الحب..وحتي تدوم فصول الحب
لم ، ولن يهم من هو اللي ينجبر
الأهم نكون لبعض
ودمت بحب ودفء
:)))

charisma يقول...

يا انت يا انا
منهو الى فينا بيبتدى


تسلم ايدج
كلمات وايد حلوه

الفيلسوف يقول...

و ان كان غالب عليه الخليجى
بس فيه احساس
تحياتى

mtfa2el يقول...

واحد منا انجبر
فعلا

7osen يقول...

ياسلام على اللغة الجميله اللى تكتبين فيها

الواحد لما يقرالج يحس إنه مرتاح

وكلماتج توصل للقلب بسرعة كبيرة

صراحة الكلام كله على بعضه حلو

يصلح يتلحن

اهنيج على الاسلوب الرائع

:

استمري وخليني نستمتع

تحياتي لقلمج المتألق

غير معرف يقول...

انتحاري ....... انتحارك
مو مهم
وايد حلو هالتعبير

barrak يقول...

ماراح اعلق مع انه ودي
بس لما تردين على بعثرة كلمات
من زمان معلق وكاشتين فيني

الزين يقول...

فيصل

فيصل يا فيصل
اعتقد ان احنا مو محتاجين نقول ونزيد بهالموضوع

الزين يقول...

lawyer

الله عليج يا فطوم
تصدقين رحت نزلت الأغنية
وتذكرت شكثر اهي تثير الشجون

مشكوره على هالإطراء
وتساؤلاتج تعور

ووجودج يوخر العوار

بندوله مو فطومه
سوري لا تزعلين
عن جد انطرج دايما عشان تعلقين
فلا تقطعين

الزين يقول...

فراولة

مو مهم منهو فينا ينجبر
بلا مهم
صدقيني
لأن اللي ينجبر دايما ايي على راسه
ويحب الطرف الثاني اكثر
ويصير ما يملك إحساسه
وشايل قلبه بيدينه
أخييييه يا فراوله
الله يكفيج الشر
وما تنجبرين

Abdulla Al Ameri يقول...

كلمات و لا اروع

الزين يقول...

كاريزما

هم بعد لا خطاوينا
الظاهر انا صج ذكرتكم بهالأغنية
:)

الحلوة عيونج يالغالية

الزين يقول...

الفيلسوف

حياك الله مدونتي
وشي طبيعي انه يغلب عليها الخليجي لأن اللي كاتبتها خليجية

على العموم اتمنى اشوفك مره ثانيةومشكور على التعليق

الزين يقول...

متفائل

ياوليك اذا انت اللي انجبرت
رحت فيها يا متفائل

:)

رد الزياره
خل اعرف شنو صار معاك يالمجبور

الزين يقول...

7osen

ان شاء الله دوم مرتاح
ويسلم لي هالقلب اللي مشرع بيبانه حق كلماتي البسيطه
والحلاة من صاحب الحلاة

وسعيده جدا اني امتعتك باسلوبي وبساطة مشاعري كبنت تحلم انها تحب وتنحب

تحياتي الدائمة لوجودك المتواصل في مدونتي

الزين يقول...

الذيب

مو مهم من فينا لفه الهوا
مو مهم من سكنه الجوا
مو مهم باع الدهر
ينتظر قصة عمر
ينتظر طلة حبيب
نسى دربه ودايم يغيب
مو مهم
المهم قلبي في حبه اشتعل
فكرى في بعده انشغل
مو مهم ... مو مهم

هذي عشانك يالذيب

الزين يقول...

Barrak

ما عاش اللي يحقرك
انت الخير والبركه والماضي لا ما نتركه

علقت الله علقت
روح وشوف التعليق
ولا تزعل

lawyer يقول...

حبيبيتي الله لا يحرمناااااا

انشاء الله
افا عليييييييييييييييج

تسلمين

صج صج تسلمييييييييين


حياتي

سالفة قلب يقول...

المهم .. واضح
أكيد
احنا ندري
في واحد منا قرر ينجبر

اصعب شعور..لما نوصل مرحلة
لازم واحد فينا يضحي

شعر رائع

Aldenya يقول...

منهو يقدر يجبرك اتوسد القهر
منهو يقدر يعمي عين الشمس
منهو يقدر يخلي الصخر ينبت زهر
منهو قادر يخلق بلحظة وصل قصة عمر
منهو ببعاده الدقيقه تسوى شهر
منهو يشعل بالسما نجوم السهر

روعة روعة روعة

أبدعتي بكتابة هذه الاسطر

وبالأخير

الأكيد ان في أحد من الطرفين انجبر

دمتي شامخة يا زوزوتا

غير معرف يقول...

مشكووره وايد
وصلت

MANAF يقول...

ها قمنا انّافس

:)

سافا بيان

بالفرنسي

تغيبيان

الزين يقول...

الأستاذ بلاليط

الرائع بالموضوع كله وجودك وتواصلك الدائم معاي

لا تحرمنا من زياراتك بلييييييز

الزين يقول...

سالفة قلب

انا كلش ما أأيد التضحية
تدرين ليش ؟

لأن بالنهاية دايما بتحسين انج عطيتي اكثر
وان اللي عطيتيهم طلعوا مايستاهلون
اخذيها نصيحة منى ولا تخلين التضحية تكون منهج حياة
عطي على كثر ما تاخذين وبس

الزين يقول...

aldenya

الشموخ لأهل الشموخ يالدنيا
وانا شموخي على قدي
:)
اهم شي ان كلامي عجبج
لأني دايما احرص اني اكون عند حسن ظن الناس اللي تقرا لي وتحبني
الله لا يقطع الوصل

الزين يقول...

الذيب

عليك بمليون عافية

الزين يقول...

مناف

:))))

ما اوصل لمستوى اني انافسك يا مناف
بالعكس انت تهلمني يا طول العمر
مرسي كتييييير
ومرسي لالله انه عجبك اللي كتبته

Almas يقول...

مرحبا

الله الله شهالزين

كلام جميل

رائع

تعبير مرهف الحس

SHAHAD يقول...

نااايس
شعور حلو وانا اقراها
تسلمين : )

(روح) يقول...

انا ويني عنك؟

كلامك يحرك كل
شعرة احساس

قوي جدا..

مؤثر..

(منهو يقدر يعمي عين الشمس
منهو يقدر يخلي الصخر ينبت زهر)

قوي اختيارك للوصف الصعب
اخترتيه..

لتعجزيه مو اكثر !!

(منهو ببعاده الدقيقه تسوى شهر)
يا الله..
وصفتي وصف للغياب المحبب لي

للغياب اللي يشعلني قهر
الله عليك..

(
انا ....... انت.... مو مهم من منا انجبر
من منا خط قصته على صدر القمر
من منا في دروب الحب قرر ينتحر

انتحاري ....... انتحارك
مو مهم

المهم .. واضح
أكيد
احنا ندري
في واحد منا قرر ينجب)

النهاية؟؟

مامن نهاية..
لأن القصة
بتعيد نفسها
من جديد

الوصوف
بتزيد حدتها اكثر

التعجيز
يكون اقوى
واكبر


الله عليك..
استمري..
اشعلي حرفك

لاتخلين نوره يطفى

خليه واضح
بين الغيوم



سجليني متابعه..
دمتي رائعه


يحفظك ربي

barrak يقول...

تسلمين وايد

منهو قادر يخلق بلحظة وصل قصة عمر


جلست اراقب هذا الكلام
عباره صعب على اي شخص ان يبتدعها

اقدر اسمي كلامك اعجاز
لانه سهل ينفهم بس صعب ينكتب

ماشاء الله عليج

الزين يقول...

الماس

الزين بعيونج
للي يوصفونج

حياج الله في مدونتي يالماس
واتمنى اشوفج دوم

الزين يقول...

شهد

الله يمتعج بالمشاعر الحلوة على طول يالغالية

الزين يقول...

روح

تشرفيني وتسعديني بوجودج يالشيخه
:)

اهم شي انج لقيتينى
والله كلامج ونسني
وبما انج لقيتيني لا تردين تضيعيني
ترى الخافي احلا واجمل
وعشان عيونج يحلا اكثر يا روح

الزين يقول...

براك

:)
اعجاز
لالالالالا براك
كبيره على هالكلمة

يالتيني صج اقدر اسويها
يمكن انا اللي يميزني بساطه كلماتي
ما احاول اكثر الألوان بحروفي
ما احب اضيع المعني البسيط الناعم بمسطلحات شوي خل نقول صعبة
عشان ازيد من وزن القصيده
كل شي بسيط حلو بمعناه يا براك
وانا احب البساطه

والله لا يحرمنى من هالطلة يالشيخ
عسى بس ارضينا خاطرك