.

تحذير : هذه المدونة تخضع لقانون حماية حقوق الملكية الفكرية ونحذر من نشر أو نقل أي نص أو مقال للكاتبة.. دون نسبه للمؤلفة.. في أي وسيلة

19.6.07

تناديني


تناديني ... تناديني

أحلى أيامي وسنيني

يا حنيني يا ضنيني

اترك الدنيا وأجيك

بس لا تخون فيني

واتبع دروبك بخطوة

والتقيك وتلتقيني

وينتهي مشواري بلحظة

ما لمست يدك ايديني

ويرتوي شوقي وحبي

يوم حضنك يحتويني

وتنذكر قصة هوانا

وأنسى كل حزني وأنيني

يوم ناديت لي وصحت لي

اتركي الكل والزميني

بأغزي بحور عشانج

برفع من قدرج وشانج

بفتح البيبان لجلج

بس انتي ... لا تتركيني

تناديني ...

هناك 30 تعليقًا:

عثماني يقول...

صبحج الله بكل خير زوزوتا

الله.....فعلا الله

الله على هالكلمات

مبدعة فعلا

SHAHAD يقول...

يا حلو هالكلمات قبل النوم
صج صج بردت على قلبي بعد يوم متعب
حيل حبيتها .. رووعة

مدونة كسبان يقول...

كلام زى الفل

vancouver يقول...

خوش كلام

الله ينولج اللي ببالج
قولي امييييييييييييين

نون النساء يقول...

والتقيك وتلتقيني
وينتهي مشواري بلحظة
ما لمست ايدك ايديني
ويرتوي شوقي وحبي
يوم حضنك يحتويني
وتنذكر قصة هوانا
وأنسى كل حزني وأنيني




ويوصل لأبعد مدى صوتي
ويرد الصدى
يناديني




صباح الورد يالزيــــــــــــن

Abdulla Al Ameri يقول...

صباح الورد

كلمات تلمس الاحاسيس الرومانسية

الزين يقول...

صباح الخير عثماني

انت دايما سباق بالتعليق
عشان جذيه انا دياما بانتظارك
وعيونك تستاهل الإبداع

الزين يقول...

شهد

حبتج العافية يالغالية
وان شاء يبرد قلبك وتنولين اللي خاطرج فيه

الزين يقول...

مدونة كسبان

صباح الفل على الناس الكسبانين
اول زيارة لك واتمنى ماتكون الأخيرة

الزين يقول...

فانكوفر

الله يطيب خاطر الكل والجميع
وجودج يسعدني
ولا تقاطعينا

الزين يقول...

نون الغالية

صباح الورد والنوير
صباح الحرية ياطير
صباح الطيب صباح الحب
صباح لج انتى لأنج غير

الزين يقول...

الأستاذ بلاليط

يا هلا ومرحبا فيك
الله يخليك
ويعز غاليك

احساسي هذا كله لكم
وبفضل تشجيعكم
لا تقاطع زوزوتا

7osen يقول...

ويرتوي شوقي وحبي
يوم حضنك يحتويني

ياسلام عليج

انا دائماً اقولج كلامج فيه بساطه سلسة
يدخل للقلب بسهوله غريبه

قصيدة واايد حلوه

فيها مشاعر حب ولهفة عشاق
وخوف من الفراق
ودفا كبير
وحب وعناق

:

جميلة هي كلماتك جميلة جدا

استمري بهذا الابداع
ودعينا نعيش هذه المشاعر الراقيه

barrak يقول...

اللـــــــــــــــــــه

عين ضيقة يقول...

اماراتية ؟ مش كده؟

شكرا لمرورك عندى

وربنا ما يحرمك منها

تحياتى

فراوله يقول...

هلا وغلا بزوزوتا
ودي اعبر بس دموعي سبقتني
عند كلمات الحب
يعجز القلب عن التعبير
بس تدرين ان الاحساس
نابع من انسانه حساسه مثلج
دمت بابداع
:)))))))))

غير معرف يقول...

والتقيك وتلتقيني
هذا هو نفس الحلم
وايد هادي إحساسج
يالزيــــــــــــن
مثل نون

charisma يقول...

الله
تسلم ايدج زوزوتا

اترك الدنيا وأجيك
بس لا تخون فيني


نحتاج الامان
انحاتى هالقلب لا ينجرح
:/

magnoonah يقول...

مثل ما كان احساسج الحلو لحظه


فانا بهالحظه اترك نفسي لانه حرام اخلي التفكير يسرقها مني

تسلم ايدينج يالتوأم

سالفة قلب يقول...

الله الله الله

توحشني .. !!
و انا اللي حالفه يوم الخطا .. لاااصد
و أروح أبعد .. و أقلك عِـدْ ..
و يهزمني الوله .. و آرد
أجي قسوه .. بها قلب الوصل نافر
و أعوّد بك .. أقول : الذنب له غافر !!
على هالحاااااال
ليالي طواااال
ترد تخطي ..
و أرد أبعد ..
و أغيب أكثر و اقلك عِـدْ ..
و توحشني ..!!

عطر الليل

-_- يقول...

جميلة

الزين يقول...

حوسن

عزيزي حوسن
اخجلتني بهالكلام الحلو
وهذا بعضا مما عندكم

كل اللي في الموضوع ان كلماتي تخرج من القلب لتسطر على الورق صة اعيشها
او احد حولي يعيشها واستوحيتها من تجربته

وساعات ممكن كلمة تنقال تثير فيني كل هالأحساسيس والمشاعر
وتجعل تدفق قلمي بسيط وسلس مثلما وصفته

زيارتك دائما تسعدني

الزين يقول...

براك

الله عليك
كله بالمختصر المفيد ماشاء الله عليك

الزين يقول...

عين ضيقه

حياج الله بمدونتى واتمنى انها ماتكون الزيارة الأخيرة

وللعلم انا كويتية
وربنا ما يحرمنامن طلتك يارب

الزين يقول...

فراولة

حبيبتي
يازين كلامج
واللي ازين منه مدوامتج على المرور وتشجيعي دائما بأطيب الكلمات

دمتى بحب

الزين يقول...

الذيب

مشكوووووووووور
اهم شي شبهتني بوحده اعتبرها وحده من الناس اللي تحفزني وتلهمني نرات كثيرة
ما في اجمل من هالوصف

وجودك يالطيب ومدحك لي يخليني اسعى اني احوز دايما على رضاكم باللي اكتبه

الزين يقول...

Charisma

وانتي الصجه ياوخيتي
شنو الجب من غير امان
تعذيب
لحظات الأمان والتأكيد على هالحب اهو اللي يعطيج الإحساس بالسلام
ويخلي الحب ينبت ورد والوان

حلوة طلتج الدايمه علي

الزين يقول...

magnoonah

يازينة الناس
ياتوأمي
وينج فقدتك من غير شي
ابي اشوف جديدج
وناطرته على نار

الزين يقول...

سالفة قلب

الله والف الله
اذا هذا كلامج فانتي الإبداع نفسه
ما اقدر اقول شي غيران
كلامج حرك كل وتر بقلبي
وعزف اكثر من لحن

يسلم لي هالقلم يا سلفة قلب

الزين يقول...

sharm

فرصة سعيده
واتمنى انك تعيد الزياره