.

تحذير : هذه المدونة تخضع لقانون حماية حقوق الملكية الفكرية ونحذر من نشر أو نقل أي نص أو مقال للكاتبة.. دون نسبه للمؤلفة.. في أي وسيلة

17.5.09

وعيدي يا بلادي :)

وترتدي أجمل الحلل
فتية جميلة سمراء
تتخايل بزهوة رغم الأخطاء
رغم الزلل
لا تملك غير عشقها ببحرها وترابها
بحرها وبردها وعجاجها
رغم اختلاف أصولنا
كويتيون حتى النخاع
وطنيون وكويتنا ابدآ لا تشترى ولا تباع
من نجد والزبير
عرب لفارس بدو وحضر
عجم ومن الخليج
وطننا وطن الضياء
رغم المذاهب موحدون رب السماء
كويتيون حتى النخاع
كرم الضيافة نهجنا
كويتيون لا نشترى ولا نباع
رغم الخطوب رغم المحن
رغم المهازل والفتن
تبقى الكويت لنا وطن
وطن النهار
ثقف الأحرار
وطن الشهيد .... وطن الإباء
وطن المحبة بلا رياء
وطن منيع بلا انكسار













جميلات انتن يا نساء بلادي
بعزمكن
بهمتكن
وبحبكن للكويت
اليوم انتن تدخلن التاريخ
فهنيئا لكل النساء الكويتيات




هي امانة اتمنى ان تنجحن في حملها
والأمل فيكم كبير ... كبير ... كبير
عدى المدى




اصنعي التغيير .. حطي بصمتج ... رفعي همتج فأنتِ كويتية تصنع التاريخ اليوم





وعيدي يا بلادي ...

هناك 46 تعليقًا:

حياتي هدف مو عبث يقول...

صباح الخير ..

فعلاً أشعر كأنة عيد
وأحلى عيد
:)
يستاهلون

mellow يقول...

رغم المهازل والفتن
تبقى الكويت لنا وطن

أحسنتي

Blog 3amty يقول...

منو فيهن مو متزوجة خل ألعب دور البطولة في رواية
(روميو تحت قبّة البرلمان)

الزين يقول...

حياتي هدف

:)

صباح التغيير حبيبتي

وهو بالفعل عيد و ان شاء الله يبيضونها

حياج الله يالشيخه وساعة المباركة

الزين يقول...

ميللو

:)

الحمدالله على السلامه وتو ما نورت الكويت

الزين يقول...

بلوق عمتي

:)

ما منك فايدة



خل احولك على لجنة العثمان

جود الله ورحمته

خديجة البهاويد يقول...

مبروووووووووك لنساء الكويت على اثبات جدارتهن بالمعركة الانتخابية


عشان يعرفون بعض الناس ان المرة مو هينة :q




تنويه :

تغير رابط مدونتي

http://khadija-bahaweed.blogspot.com/


وشكرا ^_^

DiLLi O MiLLi يقول...

الله الله الله
أأأأأي والله
تبقى الكويت لنا وطن
وطن النهار
ثقف الأحرار
وطن الشهيد .... وطن الإباء
وطن المحبة بلا رياء
وطن منيع بلا انكسار



عيد ما بعده عيد !!
سقوط بعض الوجوه .. ودخول وجوه جديدة
ومنهم ((( 4 ))) نساء !! دليل على وعي الناخب .. وأحساسه بالمسئولية أتجاة وطنة.
شكرا للناخب والناخبة صنتوا الأمانة .. وربي يطرح فيهم البركة.

:)


هيـــاااااااااااااااااااااااا !!!
عااااااشـــوووووواااااااااااا !!

:)

سووووري .. ما قدرت امسك أعصابي !!
عسى محد سمع صراخي ؟!
لوووووول

:))

Najmah يقول...

كويتيون حتى النخاع
رغم كل الاختلافات
لا نملك الا وطنا واحد نسعى من اجله
:)
ربي يطرح البركة فيهم ويوفقهم
للخير
صباح الخير
:)

lawyer يقول...

صباااااااااح السعاده و رقي الكلمااااااات


صبااااااح الورووود و النسااء الجميلات

صبااااااح العمل والانجاااااز






ربعي فاااااااااااالكم المجلس :**

chandal/danchal!! يقول...

الله يوفقهم بما فيه الخير والصالح للبلد

ومبروكين يا زيزي

:)
.
.
.

شصار عل بشت!!!

الزين يقول...

بتاح

واهم قدها ان شاء الله وقدود

:)

وبالنسبة للرابط

علم

الزين يقول...

ديللي


شفتي يا ديللي

كنا خايفين بس همتنا كانت اكبر من خوفنا

:)

لوووووووووووووول

وصوتج وصل لين آخر فريج المدونات

:**

واااازينه من صوت

الزين يقول...

نجمة

اللهم آمين يا نجمة
ويكون عند حسن الظن يارب

وصباح الحب ياكويت

الزين يقول...

لوير

صباح الخير بعد قلبي

فطييييييم شفيتهم بناتنا
الله يافرحتي فيهم ما تنوصف

:))

صديقتي ... وفالج الفلاح والبيرق

الزين يقول...

جندل

:)

اللهم آمين
وربي لا يخيب ثناهم ويسدد خطاهم

مبروك لنا كلنا بعدي انتي

لووووووووول

والبشت زاهب
لونه ازززززرق

شرايج فيني بس

;)

بنت الشاميه يقول...

مبروك ....مبروك لنا كلنا
هذا انتصار ونجاح لنا نجاح للمرأة الكويتيه...صج انها تستاهل صبرت وناااالت...واخذتها بذراعها
يعطيهم الله عن الف عافيه
بس الحين المهم ان لا نطلب منهن المستحيل
وفوق طاقاتهم وقدراتهم
هناك ارث كبير من الفساد فى انتظارهم
هن ما عليه منه ....خمسون نائب ما قدر عليه من الغزو الى الحين...):
ما اقول الا
الله يعينهن على حمل الامانه
تراها مسؤليه كبيره
مبروووووووووووووووك لهمن
مبروووووووووووووووك للكويت
مبروووووووك لناااااااااااااا
واليوم عيد تاريخي للنساء بالكويت

الزين يقول...

بنت الشامية

حياااتي

يبارك لك بعمرج وعملك وعييلج بعد قلبي

عز الله انهم بيضوا ويوهنا
ويستاهلون وهقفتنا معاهم

وانتي صاجة
"بس الحين المهم ان لا نطلب منهن المستحيل
وفوق طاقاتهم وقدراتهم
هناك ارث كبير من الفساد فى انتظارهم
هن ما عليه منه ....خمسون نائب ما قدر عليه من الغزو الى الحين...):"

ياليت الكل يشوف الموضوع مثل ما انتي شايفته ويحطه جدام عيونه

والإصلاح ماراح يكون بالمرأة بس
المفروض اهي والرجل صف واحد
لا يحطونهم تحت المجهر ويكبرون اخطاءهم
خصوصا ان التجربه البرلمانية عليهم يديده

نتمنى من الرجل ان يساندها ويمد لها يد العود

ويد وحده ما تصفق
بالنهاية رجل او امرأة
كلنا نصب بمصب واحد

الكويــــــــــــت

:)

بس يقول...

مساء الخير و النوير

مساء الاصرار و الارادة

مساء فوز و نصر بعد طعنة الغدر


و يسعدلي هالمساء على زينة البنات

:)

الزين يقول...

بس

مساء الأصالة وبنات هالديرة الطيبة

مساء البخور والطيب وماي الورد

ربي طيب خاطرنا يا بس

وان شاء الله هي بداية الغيث

احنا ما نتوقع المعجزات

بس نتمنى نحط ريلنا على اول عتبه للإصلاح

وان شاء الله ربج بقدرنا

:)

Kuwait يقول...

@@
الي مواصلـه وما فيها نووووووم من الوناااااااااسه شتسووووووووي ؟؟؟
صكيت ال33 ساعه وانا مابي اقعد بالبييييييييت أبي احوووس أبي اروووووووح اشوف ديرتييييييي جنه اول مره اشوفها D:
أحس ان الشعب الكويتي اذا أصر على شي يسويـه واذا أصر على التغيير سعـى بكـل أمانه واخلاص ..
تدرين وناستـي الكبيره شنو ؟
@@سقوووط حركـة البقوليات عدس

Yin مدام يقول...

صباح الحرية والديموقراطية والفخر النسائي والكويتي


أنا فرحانة بالتغيير
خطوة كبيرة بإتجاه تغيير الفكر
وإن شاءالله هي خطوة تتبعها خطوات أكبر


والله شعبنا لين بغى يسوي شي سواه


والله يقدرهم على حمل المسؤولية والعمل على الإرتقاء بالعمل البرلماني وترك بصمة أكبر وأعمق من تسجيل أسماء



وعلى فكرة

Happy 7adaging
:))))))))

Corpse Bride يقول...

مساء الخير..

الكويتيات..

أمثلة رائعة للعمل الجاد والمخلص بنية الإصلاح وتطوير..

انشالله يبيضونها..

وعسى ايامنا كلها اعياد..

فازت صوصااا صح؟؟

:**

Mohammad Al-Yousifi يقول...

تستاهلون و مبروك عالكويت

Super Woman يقول...

يستاهلون بنات ديرتي

والله يقدرهم ويصلحون اللي غيرهم ما قدروا يصلحونه

الحــــر يقول...

مبرووك يالزين
:)

fatto يقول...

مبروكين يابنات الكويت :) تستاهلون اكثر :)

بو محمد يقول...

دوم إن شاء الله بافراح و أعياد

ألف مبروك من صميم القلب

و كأنك تنبأتي بما شيجري على الدجاجات

:-)

دمت و الأهل و الأحبة برعاية الله

Fankooshy يقول...

كلمات جميلة وصادقة
في مناسبة اجمل :)

فعلا منذ ظهور نتائج الانتخابات ويبدو كل شي مختلف
نعم اليوم عيد وكل شيئ يزهو بالفرح ويتنفس الحرية ويرتدي الامل الجديد

الله يحفظ الكويت بلد الخير من كل شر ونفس مريضة ومن عين الحاسدين

صباحكم ورد :)

الزين يقول...

كويت

ان شاء الله تكونين نمتي البارحة

:)

وحركة البقوليات الطقة جايده عليهم

يعين الله

:**

الزين يقول...

مدام ين

كلنا فرحانين يالغالية
:)

اللي صار بالنسبة للديمقراطية الكويتية انجاز يحسب لها

وبالفعل الله يقدرهم على حمل هالأمانة


والحداق كان فللللللله

:))

الزين يقول...

كوربس برايد

مساء الوردات كلهم

وييييييه وصوصا نسيتهااا

كلش مالي مود اكمل

محتاجه دفعة نشاط

:)

وودي اسااااافر

الزين يقول...

مطقوق

مبروك علينا كلنا

اثبتنا للكل ان احنا شعب واعي
وبيدنا القرار والخيار

:)

الزين يقول...

شلالات

بالفعل يستاهلون وتستاهل الكويت

والله يقدرهم يارب

الزين يقول...

الحر

يبارك بعمرك يارب

:)

ان شاء الله تكون بداية طيبه وخطوة نحو التغيير

غير معرف يقول...

كفو


والف الف مبروك

اليوم فتحيت صفحة جديدة في كتاب تاريخ الكويت

اتمنى ان تمتلأ اسطرها بالانجازات


الله يحفظ الكويت واهلها :)

الزين يقول...

فاتووو

:)

الكويت تستاهل

`~MnO YeNSa! ~` يقول...

عيدي
يا بلادي


4
مو وحدة لا ثنتين
رقم يخرع .. ترى
و مسؤلية كبيييييييرة
عسى الله يسخرهم


ترى فاقدينهم :*

Yang يقول...

أنا لبست دشداشة العيد :)


تحياتي

الزين يقول...

بو محمد

صبحك الله بالخير
شفت شلون بركات صوصااا

طلعت مي هينة كلش

حياك الله يالشيخ

دمت بكل الخير

الزين يقول...

فنكوشي

احساس مختلف
وكأنك قد رويت القلوب بأمل جديد

فعلا احنا فرحانين

ومتأملين

:)

وصباحك كل الخير

الزين يقول...

دروازة

:)

حيا الله شيخ الزهيريات

ومبروك علينا كلنا
وعلى الكويت قبلنا

الزين يقول...

منو ينسى

اللهم آمين ويسدد خطاهم ولا يشمت العذال فيهم

ابيه ليش احس ان احنا داشين حرب

من زود الشماته اللي مترصدين

يعين الله

الزين يقول...

يانغ

الله يديم الأعياد علينا يالشيخ


دمت بخير

:)

صلاح الأنصاري يقول...

تستاهل الكويت
ويستاهلون نساء الكويت كل خير
ونتائجهــ ن تثلج الصدور
والله يديم الأفراح عليكـــ ن وعلى بلدنا الغالي

Manal يقول...

عيدي يا كويت ونعيد معاج

:)

صج احس ان كان يوم عيد

الله يديم الفرحة والاعياد على هالبلاد

:)