.

تحذير : هذه المدونة تخضع لقانون حماية حقوق الملكية الفكرية ونحذر من نشر أو نقل أي نص أو مقال للكاتبة.. دون نسبه للمؤلفة.. في أي وسيلة

27.5.09

حادث .... ولخبطة افكار


صار لي يومين ترف عيني ... شي مو طبيعي رفتها .... وانا اتعوذ من ابليس واقول لها رحميني يا بنية عمرج ما رفيتي وفلحت عقبها


ابد ... الأخت مصرة .... تررررف ... واخرها اليوم الضحى .. عطتني هذيج الرفة العجيبه اللي احس جفني علق على وضع واحد ... حطيت صبعي عليها وقلت لها بس عاد خلصنا
@@


تصير الساعة ثلاث ... اطلع من الدوام اركب سيارتي متجه لمركز سلطان .. اتقضى شغلي واتشرى غريضاتي ... واطلع وانا لسان حالي يقول يوعاااانة ... اركب سياري اقطها آآآآر ... يصفر السنسر عندي اوقف ... التفت وراي ... طربااااااااااااخ ... آآآآآآي ... سياااارتي .... انزل من السيارة ... ينزل الأخ .... عيوني كلها علامات استفهام ... ريجي ناشف ... وقلبي معورني على موتري


"ليش ... شفيك ما تشوفني يمك ... شلون ترجع علي"
"ليكي مدام انا رجعت عليك!!!"
"ايه .... انا شفتك عديتني ووقفت ... شله تقطه آآر وترجع علي وتكفخني ....."
وصوته يعلى "آناااا كفختش ..... "
"اوووووش .... عيب لا تعلي صوتك .... عيب انت ريال ما تعلي صوتك على مره"
@@


اتركه .... اركب سيارتي ... اغمض عيني ... كلي يرجف .... سياااارتي حبيبتي ... آسفه ... آآآآسفة ... آسفه


"ليكي مدام .. لا تزعلي ... حصل خير"
"واااااي ... خرعتني ... "
"شو مدام هدي"
"انا هادية ... انت اللي خرعتني"
"طيب طيب ... بدك ماااي"
"تعورت وايد السيارة ...؟؟ "
يضحك على ردة فعلي ...." انتي حصل لك اشي؟؟ "
"لا لا انا زينه زينة .... بس مخترعة ... وقلبي معورني على سيارتي"
"سلامة ألبك"
@@
"احم .... الله يسلمك"


...............



ارتباطي بكل ما يخصني شيء يرعبني احيانا .... تعلقي بسيارتي ... عشقي لغرفتي ... حبي للون ورق جدرانها بلون النايت بلو والرمادي والتركواز .... صندوقي الخشبي الأنتيك .... تلك الصوفا التي استلقي عليها صباحا اراقب الشارع .... ارفف الكتب ... كتبي وتعدد الوانها .... صوري ... صورها ... وصورهم .....


تفاصيلي الصغيرة .. تحفي التي جمعتها من كل مكان زرته ....


ذكريات تحكيها الزوايا .... تحتفظ بها الجدران ... ليفضحها انعكاس الضوء على شبابيكي ....


نجمع ما يحكينا كحكاية على مر السنين ... ما يشكل عالم تلتحفة صفاتنا ... يتلون باهواءنا يتنفس هواؤنا ... ويعكس صورنا .... يرانا من غير رتوش ... كما نحن ... دون زخرفة ... حفاة احيانا .... مزاجيين غالبا ... غاضبين مرة ... وسعداء أخرى .... نختبئ من ألم يجتاحنا لظرف ما .... او نبحث عن مكان يستر مشاعرنا المعراة من التكلف غالبا ... دموعنا مباحة هنا .. لا نخجل منها ... ضحكاتنا المجنونة تكون منطقية جدا ... احاديث صغيرة .... وهمس للنفس ... محادثة من طرف واحد ... وتساؤلات لا ننتظر الإجابة عليها لأننا نعرف الجواب جيدا .. ولكننا نطرح السؤال حتى نسمعه


غرفتك ... سيارتك ... دولاب ملابسك ... درجك الصغير الذي تخبئ به كل تلك الأسرار المباحة لعينك فقط .... الوانك ... كتبك .... لوحاتك ..... ملابسك ... موسيقاك .... كلماتك ... كل ما تضعه هناك يشكل جزءا منك .... يحكي للعالم قصتك


يضع لك بصمة بين البصمات ... بالشكل ... باللون ... والشعور
حتى ما تستخدمه من عطر ... او طيب


ما تجمعه بحب .... يحتويك بنفس الحب ... وما ترتديه من لون وشكل بسيط ... يضفي على مظهرك ذات البساطة ... وما تتطيب به بدفء .... يشيع السماحة والقبول حولك ويضفي حولك نفس الدفء
فهل تمعنت باختياراتك!!


ام اخترتها عشوائيا ... لسبب او لآخر





........................











هناك 87 تعليقًا:

chandal/danchal!! يقول...

سلامة البك يا زين... بشرينا عنج الحين؟

خطاج السو... بالحديدة ولا فيج

عورني قلبي وأنا أقرا... بعيد الشر صوت الدعمة يغرف القلب



اقول... جنج خقيتي على اللكنة

:p

chandal/danchal!! يقول...

عيني بترف يا حبة عيني... ياللي سرقت النوم من عيني... خير ان شاءالله دا بعدك والله والله دا بعدك.... كــــــان على عيني

~ هند ~ يقول...

سلامة ألبك مـــدام .. أقصد زيون
ما تشوفين شر انتي وموترج حبيبتي
:**

>> بعد ما قريت باجي البوست

غير معرف يقول...

خطاك السو يا الزين خطالك
خطاك وتعدى كل من يغليك

ربي يحفظك في كل خطاك
جعل البلا فيني ولا هو فيك

طال عمرج

Najmah يقول...

ابيييييييه
شسالفة اليوم
قاعدة احس بنفس شعورج الحين
العصر رحت المكتبة ولما رديت دعمت
وكسرت خاطري سيارتي
:(
خطااااج السو بعد قلبي
والحمدلله علر سلامتج
طمنيني عنج
:***

Manal يقول...

خطاج السو حبيبتي

الحمد لله ان ما صار فيج شي

اقتباس:
ما تجمعه بحب .... يحتويك بنفس الحب ... وما ترتديه من لون وشكل بسيط ... يضفي على مظهرك ذات البساطة ... وما تتطيب به بدفء .... يشيع السماحة والقبول حولك ويضفي حولك نفس الدفء
فهل تمعنت باختياراتك!!


عجبني هذا المقطع كثيرا
ما شاء الله عليج

كلامك يلامس القلب والاحساس

فعلا

كل شيئ نختاره يكون متعلق بنا ونحب المحافظة عليه

دمتي سالم وبالف خير ان شاء الله
:)

بو محمد يقول...

أول شي

خطاج السو اختي و الحمد لله على السلامة

ثاني شي، الإرتباط شي طبيعي خاصة إذا اقترن أو ربط الممتلك بحادثة أو قصة أو مناسبة أو شعور أو شخص أو وقت

ما ادري، بس أنا دائما أربط و لذالك كل شيء امتلكه أو امتلكته يعني أو عنى لي شيء

خصوصية الإختيار أمر ضروري و لكن أحيانا تتعدى قيمة الأمور تلك الخصوصية

الإشكال يقع في تحول الإرتباط إلى استحواذ بحيث تتحول العلاقة من انسان يمتلك ذكرى أو موقف أو شي إلى انسان مملوك لذكرى أو موقف أو شيء

أجندة الإختيار يضعها المختار، و لكن حسن الإختيار أحيانا لا يحدده الشخص المختار، عملية تقييم الإختيار و اتخاذ القرار أمر أكثر من ضروري يجب أن يتمتع به الإنسان

دمت و الأهل و الأحبة برعاية الله

الخيلاء يقول...

اعاني ماتعانين
من ارتباط وثيق بكل ما يخصني

احيانا يكون متعب هالارتباط الانج مضطره اتغيرين و هذا الي اواجهه حاليا لازم اغير غرفتي و بنفس الوقت معورني قلبي عليها احبها خاصه زوليتها الي يشهدت فرشت كتبي و قطرات الواني بالثانويه مازالت تحتل مكانها تحت الطوفه مكان ما كنت اتسند و لون

:)

الخيلاء يقول...

وي صج سلامات ماتشوفين شر بالحديد ولا فيج .. دودهني الارتباط و يه على الجرح سيده :)

`~MnO YeNSa! ~` يقول...

خطاج السو :**
حيبيتي .. خرعج هااااا ؟!!

~~~

ارتباطنا بأشياء تخصنا
كأرتباطنا "بأسامائنا" ..
حروف ان تنادت ~ يفز قلبج
و ان لم تكوني انت ..D:
جماد ..سيارة ..دار .. طيب..خاتم ..اوحتى موبيل
قد نحاكيهم .. نحاورهم .. و نتأسف لألم لم يصيبهم و ان صابهم ..

احب جمادات الارتباط
فهي تشكل مجموعتي "الانا"


ترى مالهم حس و ولهانين
عليهم :** انتو بخير ؟

خديجة البهاويد يقول...

اولا الحمدلله على السلامة وماتشوفين شر
الحمدالله ان بالسيارة مو فيج وماصار فيج شي هذا المهم






ثانيا


:)


حتى بتعابيرك البسيطة يذهلني اختيارك لكلماتك
مبدعة بالتعبير عن الحدث والخبر
مبدعة بالاحساس


دمت بسعادة وسلامة وابدااااع ^_^

Yin مدام يقول...

ألف ألف ألف سلامة عليج
خطاااج السوء

بالحديد ولا فيج !!!



تدرين شكثر كنت مثلج أتعلق بأغراضي خاصة ما يحمل ذكريات عزيزة على قلبي
ولكن بعد حادث أليم "لا زلت أحب نفس السيارة هههه"
وحريق في البيت مما أدى إلى فقدان العديد من الممتلكات الشخصية التي يكمن ثمنها بذكرياتها
علمت أن ما نتمسك به ونحتفظ بذكرياته موجود في قلوبنا وفكرنا وأن حاجة الإنسان للإحساس الملموس والمادي للأمور هو السبب في الإحتفاظ والإعتزاز بالممتلكات التي ما هي إلا صورة مادية لأحاسيس معنوية :))
وجودها جميل والإعتزاز بها من حقنا ولكن فقدانها لا يغير من مشاعرنا ولا يفقدنا ذكرياتنا
:))


"بس الصور ما تتعوض " لوول

المهم إنتي سالمة
الله يحفظج يا الزين من شر كل إنس وجان ومن شرور الدنيا والآخرة بحق الواحد الأحد

:*

I7na 3shagnaha يقول...

خطاج السووو :)**

رفة الجفن شكارها

احنا اللي نتوهم و نصدق

وننطر أي شيء يصير


الله يحفظج :)

esTeKaNa يقول...

عيني ترف
وبشرتني بغالي
حبيبي الغالي..عسى الله يجيبه:)
.
.
مو اللي عينه ترف يعني في بشاره بتوصله؟
!!
علامها عيونج ترف وبعدها حادث؟
اسم الله عليج الرحمن الرحيم
خطاج السو يا الغالية
واي انا حاسه فيج
اليوم صديقتي تقولي ليش ما تقولين حق الوالد يسوي لح حاره بروحج بالشارع من كثر ما انتي خايفه على السياره
ههههههههههه
:))
هل تمعنت باختياراتك؟
نعم اتمعن
فهي تحمل ملامحي
وكثير من مشاعري
وتخبأ في تفاصيلها تفاصيل حياتي كلها
اتمعن واحبها حب آخر
يجعلني اتعلق بكل تلك الجمادات حولي
اتفقدها
واتحسس على مشاعرها
هل ترانا يا صديقتي افتقدنا الوفاء والصدق في قلوب البشر فحولناها لقلوب تلك الجمادات؟
بوست جميييييييل
وانتي قبل كتاباته تعرفين كم احببته
:**

Safeed يقول...

الحب أناني بطبعه و نرجسي .. و هو أصل أصيل بكل فرد..

هذه الانانية تجعله يبني علاقات عاطفية مع كل شيء سواء كان حيا أو جمادا .. حتى يستطيع أن ينسبه لنفسه .. و يدخل في حيز دائرته و مُلكه ..

كل ما يحتاجه هو إشارة صغيرة فقط .. ليعلن حيازته له و دخوله في خزنته .. سيارته ، قلمه ، كتابه ، و حتى ولاعته و سيجارته ، كل شيء بلا استثناء ..

ثم نعطيه نحن القيمة التي نراه يستحقها .. و نعجنه بالذكريات و غيرها حتى نبرر استئثارنا و ارتباطنا به ..

المهم ، خطاكم السو و الحمد لله على السلامة :)

DiLLi O MiLLi يقول...

لاه لاه لاه
ســــــــــــــلاااااااماااات ماااا تشـــوفييين شــــــــررررر
يااااا قلبي
:**

خطاااااااج الســــــــــــــــــوووووو
أدري أشكثر سيارتج عزيزة عليج
ههههههههههه
جنه راحت الخرعه وعوار القلب
عقب سالفة : سلامة ألبك
لووووووول
:)


أنااااا عندي عشق لغرفتي وأشيائي لحد الهوس
ممكن أقعد في غرفتي أيام ما أطلع منها ولا أمل من القعدة فيها
ذوقي جدا صعب .. وأذا لقيت الشي اللي يقول : أشتريني
ساعتها على طوول أطخه بدون حتى لا أشوف سعرة .. لأنه دخل مزاجي
وعلى طووول تخيلت مكانة بذيج الزاوية من غرفتي
أو على ذاك الرف اللي يم سريري
أو على الطاولة اللي جدام الصوفى
أعتز في الأشياء اللي بغرفتي .. وصعب أغيرها
صار بيني وبينها تواصل روحي .. شهدت تقلبات مزاجي اليومي
الصوفى أحسها تلمني وأنا ضايق خلقي
وقت ما أكون يايه منهد حيلي وباقه من الحر وحذفت روحي عليها .. أحسها باااارده وناعمه تسحب الحرارة والتعب اللي فيني كله
أعـــزها وااايد .. صديقتي الصدوقة اللي دايما تنطرني بالغرفة
وّتحمل مزاجي المتقلب .. وتسمعني .. وتريحني
:)
هذا غير تسريحتي وسريري ومكتبي
اللي يبيلهم بوست مووو تعليق


:)

ReLaaaX يقول...

خطاج السوووو


ويالله بالسياره ولا فيج ..


ماعليه كل شي يتصلح ان شالله :))

--

رفت العين طبيعية جداً بس انتي تعوذي من ابليس ، وغمضي عيونج واهي مرتاحه لا تشدينها ، حاولي تغسلينها بماي زمزم واقري الفاتحه وان شالله ماكو الا العافيه


رفة العين = نفسيتج

شلون نفسيتج هالايام ؟ شاللي شاغلج اكثر شي ؟ شنو اللي تحسين ان ماخذ اغلب تفكيرج ؟ شنو الافكار الوايده اللي عافسه مخج ومودج .. كل هالاشياء تسبب هالرفه سئلي مجرب

خصوصا إذا تحاتين شي هالايام تلاقينها تستمر معاج هالرفه بس عادي حقريها وتروح ;p


داشه اسلم عليج واتحمدلج بالسلامه ;*

بوتشخيص يقول...

خطاج السو بالحديد ولا فيج :) ..

رفة العين بكثرة اجهاد بالعضلة حاولي تاخذين راحة :) ..

وسلامات يا اخيتي

7osen يقول...

ماتشوفين شر
وسلامتج ، خطاج السو

بالحديد ولا فيج
أهم شي سلامتج
والباقي كله يتصلح


وشفية هالبناني
مايشوف ؟

mellow يقول...

شلونج عقب ما قال لج سلامة ألبك؟
يتراوالي طخيتي ...لووووووول

قاعدة أقرا البوست و أسوي مسح عقلي على غرفتي و بيتنا مني مناك شنو الشي إلي لو ينشال ينشلع قلبي معاه؟

الحمدلله ... ولا شي..مخلية أحزاني حق شي أكبر

الله لا يجيب الحزن و يكثر الافراح
جعل أيامج كلها أفراح :))

نون النساء يقول...

ليست الأشياء
بل ما تبثه لنا من صور
وماتوحيه لنا .. يا زيوون
أشيائنا ماهي إلا علامات ومفاتيح لأشياء نضمرها في الذاكرة نريدها دوماً موجوده لتحيا...















وسلامة ألبك حبيبة ألبي

:P

لو واحد من ربعنا جان اوصلت للمخفر ودوريات ولوويه دنيا ..
إلا اذا كان صاحب زوووء ومو سافاج

:P

secret يقول...

احم ..
سلامة ألبك .. و خطاج السو

ديري بالج يا يبا

هالايام اللي يسوق سيارته لازم يتلفت يمين و يسار و فوق و تحت بعد

:)

lawyer يقول...

خطااااج السووووووووو


فدوه لج الحديد


المهم انتي ما تسوى خرعتج


اييييي انفخ في سرج



فعلا اتصدقين انا وايد احب اغراضي و اتعلق فيهم ارتبط فيهم
و احافظ عليهم

وما ارضى احد يقرب صوبهم او يتدخل فيهم



احس مرات الحادث اذا صار يطشر افكار بمخ الواحد ويخلييييي قلبه يعوره ويرد واهو ضايق خلقه على كل شي
فقده







ياكرهه هذا من وين طلعلج

Yang يقول...

شر ماتشوفين

وماتشوفين شر

الله يستر على الخانم مدامتي, صارلها يمكن اثر من اسبوعين عينها ترف, وانا لحقتها صارلي اسبوع الحين.


ناطرين الفرج :)


الله يستر.

Kuw_Son يقول...

خطاج السو يا الزين .. و سلامة ألب موترج ..

أنا فيني هالطبع .. و أحبه .. كل شي ملكته يظل عزيز .. أهم شي عندي سيارتي و غرفتي .. أهتم بالتفاصيل :)

ما تشوفين شر

الحــــٌر يقول...

خطاج السو يالزين

ميمة السبيت يقول...

مساء الخير يالغالية

سلامات انشالله وخطاج السو اهم شي انج حمدالله ماتعورتي ...

اما الارتباط بالاشياء فهذا احلى شي تحسين انهم قطعه منج انا اكره شي عندي لما احد يجيس اغراضي ..

شدعوه جان قلتي بتروحين مركز سلطان جان تيمعنا هناك عالغدا

Blue-Hope يقول...

خطاج السو يا الزين بالحديد ولا فيج

وكالعادة كلمات ولا اروع احساس ولا اصدق
دمتي لنا سالمة باذن الله

بنت الشاميه يقول...

حمدالله على سلامتج وعداج الشر
بالمال مو بالعيال
ههههههه
خطاج السو

ليش ترتبط بالاشياء والاشخاص جذي
هل لاننا شعوب عاطفيه
والا لان نتعود عليهم بسرعه ويصيرون جزء منا ومن حياتنا....والفراق عنهم صعب ......وساعات يكون قاتل
كيف نتخلص من هذه الحاله..؟؟؟؟؟
هل هى حالة صحيه او مرضيه..؟؟؟

الحياة صارت صعبه ومتعبه
بالاخير حمدالله على سلامتج
وما تشوفين شر

Q8 uniQue يقول...

الحمد لله على سلامة "الزِّين", خطاج السُو ...

#

وجميلة لمحتج حول أهميَّة انتقاء الخيارات في التفاصيل البسيطة, هي انعكاس عن أنفسنا, تشبه "الظِّل" (بشكل أو آخر) ينتمي لنا ويعبِّر عنّا يعبِّر عن شيء حقيقي فينا.

#

إنتي "صديقة الكلمات" تمشي معاج دايماً بسلاسة ونعومة, يمكن السر في هالشي هو الاعتناء بانتقاء تفاصيلها الخاصَّة البسيطة.

#

دمتي بخير ومحبَّة.

صلاح الأنصاري يقول...

خطاج السو
والحمدلله على سلامتج
وماتشوفين شر
وخطا سيارتج السو

ايه هالشعور هذا اعرفه عدل وصار ملاصق فيني شعور الخوف على السيارة وبالذات من ثلاث سنوات بالضبط
والسبة هالسيارة اللي من شريتها ماترقعت
يا بنت غشيمه داعمتني عند الاشاره يا صبيان بمسمار ومشخطين السيارة دار مدارها يا خراب يصيب السياره ما يعرفون يصلحونه...يا هوز الهايدروليك يفتلت بأول ايام العيد بالخط السريع ...يا سكيروتي فندق ساس ناسي يسكر غبق المكينه وتاركه هدد وانا طاير فوق ال 200 ...وهلمّ جرا...

فعندنا وعندج خير من هالعقدة...

اما سالفة الصندوق أظن كل واحد عنده أو عندها صندوق أو اغراض مايحب احد ييلمسهم مجرد لمس...

بس تعالي يومن قالج سلامة ألبك شكو تقولين له شكرا ؟؟
خلج كويتية وقولي له عمى بقلبك
:)
اتغشمر
...
الله يحفظج وأسرتج الكريمة وزوار مدونتج الكرام من كل شر اختي الغالية

جنون إحساس يقول...

سلاااااامات وماتشوفين شر وخطاج السوو انتي وسيارتج ,,
علاقتنا بأغراضنا علاقة حب خيالية
فيني هوس من هالنوع ^_^

الزين يقول...

جن جن

يسلم عمرج يالغالية

وانتي صاجه قلبي اغرف من الخرعة
تصدقين نهار ثاني طالعة عندي موعد مهم

تعرفين اللي خايفه اسرع
وعند اللفه اتأنى زياده

وحرص زايد من الخرعة

@@

يختج كلامهم حلو

احم .... نسكت احسن

لوووووووووول

الزين يقول...

جن جن مره اخرى

وياااازين اللي تغنى لي

:**

يئبرني هالصوت

:))))

الزين يقول...

هند

لوووووول

يازت لكم اشوف اللهجه


الشر ما اييج ابو يانتي



:*

الزين يقول...

غير معرف


مشكور وما تقصر

الله يحفظ لك حبايبك ويعز غاليك

الزين يقول...

نجمة


@@

احنا الأثنين بنفس اليوم

!!

خطاج اللاش ابوي انتي

انا بخير وعافية ومشكوره على السؤال

:***

الزين يقول...

منال


خطاج اللاش بعدي انتي

:**


تصدقين منال
اتصور احنا البنات عندنا هالتعلق اكثر من الأولاد

يمكن لأن احنا نهتم بتفاصيل ممتلكاتنا اكثر

:)


مشكوره على المرور والسؤال

:**

SKY يقول...

سلامتج والله وخطاج السوو
وبالحديد ولا فيج

ادرييي وايد تعور القلب وانا مثلج اموووت على اغراضي اذا صار فيهم اي شي اقعد احاتي و اوسوس واقلللللللق ايام امي كلا تقولي ماعندج سالفة بس شسوي؟

انا معاج في ان كل شيء تملكينه يرمز لذكرى
لحدث صار
لكلمة سمعتيها
شيء غريب يخليج تربطين لحظات معينة بغرض تملكينه

عطر يذكرج بلحظة ضحكتي فيها
شي لبستيه بيوم معين وصارلج حدث مهم ماتقدرين تنسينه

وغيرها من الاحداث ومترابطاتها وايد !!

الله يحفظج من كل شر انشاء الله

الزين يقول...

بو محمد

خطاك اللاش يالشيخ


"الإشكال يقع في تحول الإرتباط إلى استحواذ بحيث تتحول العلاقة من انسان يمتلك ذكرى أو موقف أو شي إلى انسان مملوك لذكرى أو موقف أو شيء"

استوقفتني هالجزئية بتعليقك

انا اتصور ان الإنسان يكون مملوك للذكرى اذا فقد عزيز على قلبه
شخص يحبه وكان يعني له الحياة
فيتم يعيش ويكمل من خلال تلك الذكريات
ويصير مثل ما سميته مملوك من الذكرى

اما الماديات عمرها ما تقدر تملكنا
خصوصا اذا كنا عندنا قناعة ان احنا اللي نسويها مو اهي اللي تسوينا

مادري كلامي منطقي لو لأ

لما الحين الفكر طاش
:)


دمت انت والأهل بكل الخير يالشيخ

SKY يقول...

احم اقلق = اغلِق هيهي p;

اجار الدين كشمش يقول...

الحادث بسيط وحلو ..لازم الانسان يحصله اكشن في ايامه المتعدده ...ترا اذا صارت الحياة رتيبه ممله !!!!1
مثلا مثلا مثلا جان زين انا اللي راجع عليج

جان بقووولج ...لا اتحرشين فيني ترا انا متزوج ...وتردين علي.. مااااالت عليك يالشيفه يالجيكر والميكر
انت وسيارتك مع جامها الاسود..يالي تنطر المطر يغسلها لك هههههههه

على الاقل تصير حجوه تسولفين فيها

الدنيا الرتيبه مووووت
خطاااااج السسسسسو

فمالله

طموحة مملوحة يقول...

ماتشوفين شر يالغالية


بس ضحكني الحوار قاعدة اقول لو كويتي جان زفج ولعن فيج وحط السبة عليج لووووول وبعدين يقول سيارتج صار فيها شي ؟؟ لووول قبل مايسأل عنج لوووول



سلامة سيارتج صج :)

الزين يقول...

الخيلاء

يا حياتي انتي هذي مو معاناة
ولكن اعتزاز بممتلكاتج الخاصة

رغم بساطتها
ويمكن انعدام قيمتها المادية

بس بالنسبه لنا مهمة جدا


:)

الله يسلمج من الشر بعدي انتي

بس تدرين شنو المشكله
ان هالحديد عور قلبي

ياربي سياااارتي احبهااا

:$

الزين يقول...

منو ينسى

حبيبتي انتي

انا زينه

وتبين الصج ايه والله اخترعت من قلب


والدنيا تلاهي يا عزيزتي

منج السموحه

:**

الزين يقول...

خديجة

يسلمج من الشر بعدي انتي

الحمدالله الله عداني الشر

:)

مشكوره يا خديجه كلج ذوق بعد قلبي

:**

الزين يقول...

مدام ين

يسلم عمرج يا بعد قلبي

وخطاح اللاش


يمكن الصور ما تتعوض لأنها تحمل ملامح من فارقونا

وتحمل تفاصيل لحظات لن تعود

عشان جذيه قيمتها اكبر



بعدي انتي
الله يحفظ لج حبايبج ويعز غاليج

:**

الزين يقول...

احنا عشقناها

خطاج اللاش حياتي انتي

والله تصدقين حاولت ما اربطها ولا افكر فيها

بس سبحان الله ما ترف مني والطريج



:$

الحمدالله على كل حال

ويحفظج ويعز غاليج يالشيخه

الزين يقول...

استكانه

على حسب العين يا حياتي

:)

ايييييه يا استكانه مالا اداعي اقول وافصل

انا مسولفة لج من قبل عن سيارتي وغلاتها



والوفا موجود يا استكانه
بس يحتاج اللي يدور عليه

مشاعرنا لازم نعرف لمن نهديها من البشر
عشان يحافظ عليها

اما بالنسبة للجماد فانت تحبينه لأنه يجمل حياتك وعلاقتك به فردية

هو لا ينتظر منك المقابل
هو مطيع
هو لا يتغير ويبقى على العهد

يمكن من هالمنطلق جاءت سهولة التعامل معه
وتفضيله على البشر

:)


تصدقين بقول لج سر
صايره ما اعرف افكر

مدري شقصتي

حتى ردودي على الناس احس مو منطقية

:#

الزين يقول...

سفيد

:)

خطاك اللاش يالشيخ

:)

وكما تعودت منك يا سفيد فلسفت الشعور كله

:))))

انا وياك الحب ساعات يكون نرجسي ويميل للتملك

بس مو دايما يا سفيك ولا تلاقي هالشغلة بكل انواع الحب

الحب المتوازن اللي يحكمه العقل
يعرف اهمية الملكية ووقتها واهمية الحرية ووقتها

شكرا لك

للإستفاده الدائمة يا سفيد

عجبني تعليقك
موضوعك وموضوع مطعم باكه

:)

شكرا لك مره اخرى

الزين يقول...

ديللي

:(

شفتي يا ديللي

شفتي شلون

الشر ما اييج وخطاج اللاش بعد قلبي


تصدقين يا ديللي
انا نفس الشي اعشق تفاصيل غرفتي
ولو بكتب عن كل شي فيها بيقول البنت مو صاحية

ما عليه انتي اول وحده ممكن تدافع عنها وتقول لهم لااااااا

سديكتي طبيعية لأن انا مثلها

:)))

مشكوره يا ام الدلال انتي

:**

الزين يقول...

ريلاكس


خطاج اللاش بعد قلبي

وبيني وبينج اللي شاغل بالي شغلات وايده

واذا قلت لج اني احقر الرفة وتستمر معاي ايام

لغاية ما يحصل شي تالي توقف
وجني جذابه


وهالسالفه مو مره ولا مرتين

امرااار

بس في ناس ما يصدقونها




:**

حبيبتي يسلمج من الشر يالغالية

غيابج خلاني احاتي
ان شاء الله تكونين بخير يارب

الزين يقول...

بو تشخيص

خطاك اللاش

ومشكور على الإستشارة الطبية

:)

الله يحفظك يارب

الزين يقول...

حسين

خطاك اللاش ياخوي

عدت الحمدالله



مسكين مدري شقصته مدوده
مدري ضاربه الشمس بمخه

:$


والأمانه لله ما قصر معاي وكان مسنع

مشكور يا حسين

الزين يقول...

ميللو

لوووووووووول

احم...

والله يا ميللو خليني ساكته
بس طريقتهم يختج غير مع الحريم

تصدقين اول شي على باله من هالنماين اللي يشوفها بالمنطقه العاشره

بس لما شوي علا صوته وقلت له اوووش عيب

عقبها غير الفريكونسي على طول

:)))

وعقبها شكثر تعذر وكان مفتشل مني


اللهم آمين يا حياتي

:**

الزين يقول...

نون

اخييييه على كلامج صدقتي صدقتي يالغالية



ايه والله صاجه
وجان النفس مو شينه الا اشين من الشينه
وشوفة حال للسما
ويطلعج انتي الغلطانه بكل شي وما عندج ذوق ولا اخلاق ولا تعرفين تسوقين

:@

بس الريال طلع مزوء
:))

الزين يقول...

سيكرت

احم ....

:)

مرسي كتير

وخطاك اللاش ما تقصر يالشيخ



وانت صاج يا سيكرت مير نشغل السنسرات بجميع الإتجاهات

افففف

صارت السياقة وايد متعبه
تصدق وانا ملاحظه خصوصا بالصيف

شي مو طبيعي

الظاهر مع الحرارة


:)

حياك الله ولا تقاطع

الزين يقول...

لوير

فطييييم

خطاج اللاش حياتي ويسلم عمرج يالغالية

حبيبتي انتي



ابيه صاجه الخرعة مو طبيعية

ليلتها من اغط افز من الخرعه


ترى الصوت يخررررع



وهاللبناني طلع لي من حيث لا اعلم

بس ما قصر معاي ولد الحلال
:)

الزين يقول...

يانغ


:)

الشر ما اييك يالشيخ ما تقصر



الله يفرجها عليكم وعلى جميع امة محمد

ان شاء الله خير ياخوي لا تحاتي

:)

رورو الشخبوطه يقول...

السلام..

خطاج السوو والحمدالله بالحديد ولا فيج..

ووهذا البوست اكبر دليل ع ان احنا البنات اوفيا لابسط الشغلات ::)

ومرسوو..

عثماني يقول...

اذكر اني مريت هني و عليقت

بس مادري وين راح تعليقي

:(

عسى الله يحفظج اخيتي الزين

و خطاج السو ان شالله

ولو انج طابه فيني في تعليقج عندي

بس تمونين .. انا مسامحج

:)

( هذا اللي غصب انا خوش ادمي .. و غصب احملج جميل :) )

:)

حافظج الرحمن اخيتي

بنت سيف يقول...

الزين عزيزتي

ما تشوفين شر .. والحمدلله على السلامة ..

أما سالفة الدعمة .. صج الواحد قلبه يعوره ..

مرة دعمني واحد لبناني في صدام السيارة الخلفي واحنا واقفين فب الإشارة ..
نفس السؤال سألته "شفيك ما تشوف"
شتتخيلين رده ..

تصوري .. يقول لي "ما تآخزيني غفيت"
كان ودني اصرخ عليه .. بس تعوذت من إبليس ..

المهم .. الحمدلله على سلامتج وهذا هو المهم ..

وغدا الشر ,,

بنت سيف

بو محمد يقول...

مسمار بلوح كلامج مو بس منطقي و لا أختلف معاج في أي جزئية فيه اختي

ما ذكرته في تعليقي هو تجازو أو تحول الحالة من "الإرتباط" إلى "الإستحواذ"
فمادام التحول غي قائم فالمسألة طبيعية جدا

فالعملية هي شرط و مشروط

و الإرتباط لا إشكال فيه إطلاقا و طبيعي جدا جدا

تحن نرتبط بأماكن نطلق عليها أوطان

و بأشخاص نسميهم أحبة

و بذكريات و أفكار نسميها خصوصيات

و بأشياء نسميها ممتلكات

الإشكال الذي أوردته هو استرسال بالكلام و الذي عنيته هو ال

obsession

حالة نفسية

و كما تفضلت "اما الماديات عمرها ما تقدر تملكنا
خصوصا اذا كنا عندنا قناعة ان احنا اللي نسويها مو اهي اللي تسوينا" لو أدرك كل إنسان المعنى التي أوردتيه اختي لما عانى من يعاني من تلك الحالة

أتمنى أن أكون قد وضحت ما عنيت
:-)

أدام الله عليك نعمه اختي و حفظك و الأهل و الأحبة من كل مكروه و محذور

دمت و الأهل و الأحبة برعاية الله

فريج سعود يقول...

سلامتج وسلامة موترج

بالحديد ولا فيج

بالله اذا السنسر مايفيد وياج مثلي المسيو شنو ذنبه ؟

الزين يقول...

kuw son

خطاك اللاش يالشيخ

:)

يسلم عمرك يارب

وتفاصيلنا واشياءنا الخاصه اهي احنا يا خالد


:)

الشر ما يجيك يالشيخ
مشكور على السؤال

الزين يقول...

الحر


خطاك اللاش يالشيخ

ما تقصر

غير معرف يقول...

الزين

سلامات
خطاج السوو

:"
شنو سالفه الحوادث
انا راحت سيارتي :Ss


حمدالله على سلامتج :*

Trkz

الزين يقول...

ميمة السبيت

خطاج اللاش يا لشيخه

اشوه يعني مو بروحي



والمره الياية اقول لج ان شاء الله

:)

الزين يقول...

بلو هوب

خطاج اللاش بعد قلبي

مشكوره هذا من طيبج

:)

الزين يقول...

بنت الشامية

خطاج اللاش ومشكوره بعد قلبي

:**

يسلم عمرج ويحفظ لج حبايبج


انا اشوف تعلقنا بممتلكاتنا الشخصية رغم بساطتها احيانا ظاهرة صحية جدا

ودليل على الوفا

:)

وانتي صاجه الحياة صارت صعبة ومتعبه


بنت الشامية رتبي لنا سفرة على الصيف

تذكرين سفرتنا الأخيره كانت عججججبه

الزين يقول...

Q8 uniQue

الله يسلمك يا مالك وخطاك اللاش يالشيخ

بالنسبة لي تفاصيل ما احتفط به مهم

سواء لوحة تحفة معزوفه صورة وحتى البرواز

احب ان المس ما حولي بحب لأنه يحمل جزءا كبيرا مني

احب ان انظر له بحب لأنه يحمل صورتي


يمكن عشان جذيه ساعات احس اني انتقائية جدا


أنا صديقة الكلمات ...

:)

الله يجبر بخاطرك يارب
شهادة اعتز فيها يا مالك خصوصا اذا يت من ملك الكلمات

مشكور من اقصى قلبي على التواصل وعلى الكلمات الرقيقة

الزين يقول...

صلاح الأنصاري

الله يسلمك يا بو عبدالله
وخطاك اللاش ما تقصر

اسكت يا صلاح
:))

ما سوت علي هالسيارة
والله عورت قلبي من اقصاه
وصدقني مو عشان قيمتها المادية كلش
ولكنها تعني لي الكثير
وشعوري وانا اسوقها شي ثاني

بس انت عاد بدعت مع سيارتك
ذبحتني ضحك
قلت والله انا اهون على صلاح
الله يحفظك يارب

لوووول

تصدق لما قال لي سلامة ألبك اول شي سكت قعدت افكر شنو ممكن ارد عليه

:))))))

تالي جان اتحنح واقول له الله يسلمك

اصلا يومها انا كنت حدي ملخبطه
كل اللي اسولف له يقول لي مو طبعج

:)


الله يخليك يا صلاح ويعز غاليك
ما فصرت ياخوي

الزين يقول...

جنون


الله يسلمج بعد قلبي

ايه والله يا جنون
ساعات اقول لها شغلات تتعوض انا ليش متعلقة فيها هالشكل

بس خل يضيع لي شي

يااااويلي


:))))

الزين يقول...

سكاي

يسلم عمرج يارب ما تقصرين

خلي كل اللي قلتيه بصوب والعطر بصوب



شوفي انا عندي عطر استخدمته بعمان
ليه يومج من احطه احس اني هناك
بثواني اشم ريحة البحر واحس بجو الأوتيل اللي كنت فيه


وعندي عطر ثاني استخدمته في روما

اخييييييييه
من اشمه احس اني بغرفتي هناك


سبحان الله ارتباطنا بامور صغيره مثل العطر ممكن يغير مزاجنا لو استرجعنا هذيج اللحظه


مشكوره يالشيخه وما تقصرين

مع ان عليج مخالفة غياب

:)

SKY يقول...

هيهيهيهي ادري والله مادري شلي ياني اختفيت وغطييت عن الدنيا كلها مو بس عنكم!!!


ايييي سكتي انا عندي عطر حييييييل حييييل احبه لاني اول مرة استخدمته يوم كنت مع ناس حييييل غالييين ولي يومج كل ما اشم ريحته اتذكرهم !!

صج شيء غريب شلون نربط الاشياء والذكريات مع بعض
وصج قلبه المزاج تكوووون غيير تعيشين ذيييج اللحظات كاملة بتفاصيلها !!

الزين يقول...

اجار الدين كشمش

@@

اكشن بعز الظهر بهالحر ما يسمونه آكشن يا اجار يسمونه ضيم


ما يسوى علي الخرعة والحر يميع


:)))))))

محشوم يالشيخ
اهم شي انت لا تحط الغلط علي وتبلش فلسفة شبابنا اللي على بالهم انهم مولودين وبيدهم سكان ومحد يعرف يسوق الا اهم

:)))))


يغربل ابليسك يا اجار
ربي يسعدك ويحفظك ويكبر حظك قول آمين


وخطاك اللاش
وفمان الكريم

الزين يقول...

طموحة مملوحة

الشر ما اييج
ما تقصرين يالشيخة

:)

حرام لا تظلمينهم كلهم
ترى فيهم مسنعين

مشكوره على المرور والتعليق

الزين يقول...

رورو الشخبوطه

يا حيا الله رورو
صاجة يا الشيخة

احنا البنات نحمل من الوفا الكم الكثير
تقدرين تقولين فايض لدرجة ان نوزعه على اللي حوالينا

:)


ما تقصرين يا حياتي

الزين يقول...

عثماني

مريت يمكن

علقت نهييي


:)

وخطاك اللاش يالطيب
وانا ما طبيت فيك
انت اللي طاب بالجنس اللطيف ومبين ان الحياة من غيرهم اسهل واحلا

:$

ومشكور انك سامحتني هذا من طيبك

:)

الزين يقول...

بنت سيف

يا حياتي انتي اللي شلونج وشعلومج


انا بخير وعافية وان شاء الله ما علي شر

اسأل عنج بعدي انتي

:*

الزين يقول...

بو محمد

واضح يالشيخ

:)

"تحن نرتبط بأماكن نطلق عليها أوطان

و بأشخاص نسميهم أحبة

و بذكريات و أفكار نسميها خصوصيات

و بأشياء نسميها ممتلكات"


هالجزئية بروحها تصلح تكون بوست يا بو محمد

:)

ماشاء الله عليك

الله يحفظك
دمت انت ومن تحب بخر وعافية

الزين يقول...

فريج

الله يسلمك من الشر ياخوي


تدري شنو اللي حرني يا فريج

اني وقفت قبل لا احوشه

بنفس اللحظه اهو رجع على وطفخني

يالله الحمدالله مقدر

مشكور على الزياره

الزين يقول...

غير معرف

تركواز

:)

انتي وين اختفيتي

خطاج السو بعد قلبي


:**

شلون امورج طمنيني عليج

الزين يقول...

سكاي

:))))


خلاص سامحتج

:**

بس لا تعيدينها

SKY يقول...

Enshallah ;D

charisma يقول...

ليييش محد قالى وانا كل ما افتح بوستج اقول لالا ابى اقراه على رواااء ما ابى على السريع وااجل
..

يا حياتى انتى اسم الله علييج خطااج السو حبيبتى .... لو مهما الحادث يكون بسيط بس الخرعه بروحها تخبص وتصب العظام ://

ويا حلو التفاصييل انا مثلج احب اغراضى وارتبط فيهم ولكل قطعه قصه وتفاصيل ما تغيب عن البال مجرد النظر للقطعه
لى درجه قمت اعانى من الدثره من كثره القطع الى معورنى قلبى اقطها
:)))
الدار ابتمشى الله يسلمج
p:

:****

chــاي أخضر يقول...

ياثقل طينتهم هاللبنانيين !


------------
هذه هي عين الحب .. تنقله معها أينما رحلت وحلت ..

ومن لم يُوجد الحب لم يدرك الحياة



خطاج وخطا سيارتج السو ..