.

تحذير : هذه المدونة تخضع لقانون حماية حقوق الملكية الفكرية ونحذر من نشر أو نقل أي نص أو مقال للكاتبة.. دون نسبه للمؤلفة.. في أي وسيلة

10.2.09

صوتك يناديني





تذكر ... صوتك يناديني
تذكر ... تذكر
تذكر الحلم الصغير
وجدار من طين وحصير
وقمرا ورا الليل الضرير
عند الغدير
ولاهبت النسمة تكسر
جيتي من النسيان
ومن كل الزمان ... اللي مضى ... واللي تغير
صوتك يناديني تذكر




يطري عليك همس الشموس بحضن الدفا
ولا هبت النسمات بريح الوفا
يطري عليك حلمي الصغير وثوبي الحرير
وليل (ن) يسامر عتمته بدري الصغير
ويعكس علومه ولهفته على شط الغدير
جيتك آنا غيمة وله ... كلي مطر ..
اروي صحاري شوقنا بعد الهجر
واهمس مع النسمات ..
يطري عليك





ناديت خانتني السنين اللي مضت راحت
ناديت ما كنَ السنين اللي مضت راحت
كنا افترقنا البارحة
والبارحة صارت عمر
ليلة أبد عيَت تمر
يا جمرة الشوق الخفي
نسيت أنا وجرحك وفي
يتذكر الحلم الصغير





وراحت سنين تتبع سنين
تطوي عمر ما تنتظر غمرة هوى
شوق(ن) عليل يبغي الطبيب ... ووين الدوى
تكوي الصبابه مهجته ... تشعل خفوقه بشكوته
تنشد قمر بليلة عمر ... لو بس تمر بلحظة سبات
آه يالجمر ياللي تبات بوسط الحشى منَك شفوق
مني الدقايق تنهبك ... وجرح المنام بمهجي ينام وسط الخفوق
يتذكر الحلم الصغير




ريانة العود ... نادي الليالي تعود
بشوق الهوى بوعود
بوجهي اللي ضيعته زمان
في عيونك السود
يالضحكة العذبة ... عنك الصبر كذبة
وفيك العمر موعود
اشتقت للحلم الصغير
واشتقت لجدار وحصير
وقمرا ورا الليل الضرير
عند الغدير
وان هبت النسمات تكسر





ولبيت .... لشوق الهوى الموعود
لبيت لحلم اللي ضيعته زمان يمكن تحن يمكن تعود
في عينك آنا هقوتي بألقى الهنا وبألقى السعود
ما كنت ظنيت إنَ آنا ضيعت عمري ومنوتي بنسج السراب بطيف الوعود
واشتقت للحلم الصغير من غير جدار
يشرق بعيني ومهجتي مثل النهار
يغفى على صدر القمر بليل السهر
يحضن هواه ولهفته ويسقي المطر
بعذب الغدير
وان هبت النسمات بحر الجوى منك تعبَر
وتذكر ...





بو نورا وصوتك يناديني

ولا تنسون توقفون الموسيقى آخر الصفحة














هناك 26 تعليقًا:

Najmah يقول...

اخييييييييييه
لعبتي بمشاعري لعب
:))
شي شي عجيييييييب
واحساس مو طبيعي

:***

عثماني يقول...

عذوبــــــــــــــــــــة

قانونى كويتي يقول...

احاسيس جميلة

نتمنى الاستمرار بالاحساس فيها

والاحلى منها ان تكون الحياة

مستمرة ومو بس الواحد يعيش على الذكريات


تحياتى

JooJ o MaJooJ يقول...

أمبييييييه تدرين إنا صارلي يومين امعلقة على هل الإغنية و أغنيها صج صوتك يناديني :(
جووج

ZooZ "3grbgr" يقول...

زوزوتا

تحسين ما اسمع عربي

عبالي انتي كاتبتها

لووووووووول

charisma يقول...

احلى الذكريات مع هالاغنيه

اااااااخ يا الزييين اااااااااخ

فينى بجياااااااا

لمينييي

الزين يقول...

نجمة

اسم الله على مشاعرج

ايه والله بدر عبدالمحسن ما سوى فينا خير

:)

الزين يقول...

عثماني

:)

الأغنية عذبه ونثير الشجن

الله يعينا شكله الجو لاعب لعبته ياخوي

الزين يقول...

قانون

ترى امس وذكرياته اهو عتبة اليوم واحداثه

لا تستقل بالذكريات

:)

الزين يقول...

جووج

سكتي انا اخس منج

هالأغنية لاعبه بحسبتي

:*

الزين يقول...

زووز

يا زووز يا حياتي

صج ما تسمعين عربي

لأنج ما ميزتي ان اللي بالأسود الأغنية

واللي بالعنابي ردي عليها

:)

الزين يقول...

كاريزما

اسم الله عليج ابوي انتي

طرت علي اغنية بس هيلقية شويه

اقولها لج تالي

:)))


اخاف يقولون الزين اختربت وقامت تهلق

:$

ZooZ "3grbgr" يقول...

ويييييي

فشله

لوووول


:/

@alhaidar يقول...

يطري عليك همس الشموس بحضن الدفا ..


جميل جدا ..

إلى الأمام دائما ..

أتيت متاخرة يقول...

كلمات عذبة
من انسان راقي
بدر بن عبد المحسن


سميتي الزين
اختيار موفق ويه في وقته

DiLLi O MiLLi يقول...

ياااااا سلاااااام يااااا الــــــــزين

والله أنج أفحمتي بدر بن عبدالمحسن
فـــــيه خـــــير .. يـــرد علــــيج
:)

جيتك آنا غيمة وله ... كلي مطر
اروي صحاري شوقنا بعد الهجر
واهمس مع النسمات
يطري عليك


الله على الغيوم والمطر
ليه تربّعوا على السطر
ومحاطين بكلمات الوله والشوق
يشكون هموم الهجر

أبــــداع يالزيــــــــــن كلـــــــه

:**

كبرياء وردة يقول...

خلص الالبوم الياي لبو نورا كله عليج :)

لا عدمنا ابداعج

lawyer يقول...

ابدعت رقه كلماتك اكثر من موسيقى بونورا

قوه المعنى اكبر بكثيييير من كلمه ابداع



كيف لك بابداع مثل تلك السطور؟؟

جيتك آنا غيمة وله ... كلي مطر ..
اروي صحاري شوقنا بعد الهجر
واهمس مع النسمات


تراقصتي بابداع فوق المعنى و فوق النثر و الخيال
مزجتي الحروف و روضتيها بكل اتقان

ولبيت .... لشوق الهوى الموعود
لبيت لحلم اللي ضيعته زمان يمكن تحن يمكن تعود
في عينك آنا هقوتي بألقى الهنا





اليوم انتي شي فوق الوصف

صباحي عندك كيف راسي عدل :***

الزين يقول...

زووز

ايه ايه فشله

:@

تغطين غطات تالي

تالي تيين لين عندي وتخوريني

عليج غرامه

الزين يقول...

احمد الحيدر

وحياااك الله يالشيخ

:)

الزين يقول...

اتيت متأخرة

حبيبتي

وعليج بالعافية


:*

الزين يقول...

ديللي

:)

ياحياتي انتي ليتني اقدر افحمه صج

كلامي على قدي


مشكوره يالشيخه وما تحرمش من زياراتج ابوي انتي

:*

الزين يقول...

كبرياء وردة

:))))

ايه نعم واول ما ينزل اللألبوم بقول لج

:*

ياحبي لج

الزين يقول...

لوير

:)

يه يه يه

كلامج اهو اللي طيب خاطري رغم الصباح المغبر

بعد قلبي ما تحرمش من هالطلات

:*

ReLaaaX يقول...

زيووووون انتي مووووصج :)))


مع ان الجو غبااار
ومع إن صدري متنك
ومع إني أحس إني بمووت


إلا أنني استمتعت بكل كلمة مكتوبة :)


شكراً زيناااا

kuwaitawy يقول...

الزين


كنت ولازلت


من الذين لا يقرأون مدونتج الراقيه والجميله في حالة الانشغال

لأن مجرد ان ابدأ ان اقرأ المدونه ادخل في عالم ثاني وابتعد عن العالم اللي حولي ( وهذي حقيقه بدون مبالغه )



الزين

كلمة شكرا لا تكفي

وكلمة البوست جميل قليل في حقج


وكلمة روووعه لا تفي بجمال كلماتج


اهنيج على الخيال الجميل والمشاعر الدافئة


فعلا اهنيج واحسدج بعد