.

تحذير : هذه المدونة تخضع لقانون حماية حقوق الملكية الفكرية ونحذر من نشر أو نقل أي نص أو مقال للكاتبة.. دون نسبه للمؤلفة.. في أي وسيلة

4.2.09

الهاربات من الواقع




حياتنا عبارة عن شعب معقده من الممرات إذا عرفنا مداخلها ومخارجها بطريقه واضحة ممكن أن نقفز من ممر لآخر دون معاناة

للبعض ممكن أن يكون ما اختاره من طريق واسع وواضح المعالم ومعبد بطريقه سهلة تساعده على الوصول وتحقيق أهدافه وأمنياته

في حين نجد البعض الآخر يجد صعوبة في تحديد خطوته القادمة واتجاهه المقبل لتحقيق أمانيه والحصول على ما يرغب

عندما نواجه تلك الحالة ... لندرك أن واقعنا قد تحول لشيء لا نستطيع التعامل معه .. واقع محبط ومرفوض ولكنه مفروض علينا ... عندها فقط نبحث عن طريقة للهروب منه ... والبحث عن منفذ أو متنفس ينسينا استحالته .. لنعطي أنفسنا فرصة للتعامل معه ... فإما أن نتعود على قسوته ونتعامل معها بمنطقية ...أو... أن نهرب منه بحيلة عقلية أو تصرف لا تفسير له

فما هي وسيلتك للهروب من واقعك المرفوض والمفروض عليك ؟؟





أول حكاية ..........






جلست أمامي ... بملامح طيبه... وابتسامة مكسورة ... وعين تنبض بالحياة رغم لون التعب ... تحدثني عن يومها كيف قضته وعن وضعها بعد التقاعد وكيف تغيرت حياتها...

واكتشفت أنها تقضي نصف النهار ومعظم الليل تغسل الملابس!!



- طول النهار تغسلين ملابس ؟ وكل يوم؟ .......ليش؟؟

تصمت لبرهة ..



- مادري بس غسل الملابس يلهيني ويريحني ...
- يريحج!!! شلون؟؟
- التهي فيه ... وساعات يساعدني على ترتيب أفكاري ... يراويني الأمور بشكل مختلف ... تصدقين .. اكتشفت إن كل شي ممكن نغسله ... حتى أفكارنا
- ما فهمت ... شلون تغسلين أفكارج؟
- بسيطه ... حيلة عقلية صغيرة ... شوفي يا ستي ... كل ما تقطين شي بالغسالة تصوري إن الفكرة اللي مو عاجبتج بقعة صغيرة على هالقطعة... وخلي الغسالة تطحن فيها ... وتالي بعد ما تخلص الغسلة .. طلعي القطعه اللي غسلتها ... راح تلاقينها أنصع بياضاً ... والفكرة اللي كانت موجودة هناك راحت .. اختفت ... وما عاد احساسج فيها يضايقج مثل الأول
- @@ .... انتي تسوين جذيه
- ساعات ... وساعات الموضوع ما يتعدى كونه غسيل ملابس وتضييع وقت
- طيب ما يخلصون .. أقصد الملابس .....يعني طول اليوم تغسلين ملابسج وملابس عيالج واهل بيتج ... ما يخلصون
- لأ ... ولا تنسين الشراشف والفوط ... والشغلات اللي يبي لها عناية خاصة
- انزين وشغالتج عيل شتسوي





تصفن شوية ..... كأنها تتساءل ماذا تفعل الشغالة



- تكويهم ... وتسوي شغل البيت
- وبعد ما يخلص الغسيل شنو تسوين؟
- وايد شغلات ...
- مثل؟؟؟
- أحيك ..... تصدقين ... سويت لفة حق بنتي وبلوزة بس ما عرفت اسوي لها جموم (تقهقه)... وشنط للمصاحف ... ومفارش للطاولات ... ودايما في شي يديد احيكه ... بس عندي مشكله ... الكويت مافيها تنوع بالسوق ... ما احصل الخيط اللي أبيه دايما
- وما تملين من الحياكه والغسيل... يعني ما تحسين انج محتاجه تغيير أكثر يعني هالشغلتين اللي تعبين فيهم وقتج دايما تكونين بالبيت ... ما تبين تطلعين .. ما تحتاجين تغيرين الأماكن
- ... بلا أحيانا ... بس هم لما ارجع من بره اشغل الغسالة ... واقعد احيك لين يرن جرسها
- @@



يا ترى ماهو كم المرارة والإحباط ما تعيشه صديقتي ... كيف أصبح الهروب للغسالة هو المنفذ الوحيد لها... الانغماس برائحة التايد ورغوته والسوفتنر ورائحته .. بات ارحم من مواجهة ما ترفضه من واقع ... كيف وصلت هنا؟ ولماذا؟
حتى تسليتها أصبحت صامته بلا حديث أو كلمات تذكر ... تواصلها مع الغسالة ارحم ومع خيط تحيطه اريح
حاجتها للحديث أصبحت معدومة لذلك استسهلت وأحبت التعامل من لا يملك لغة اللسان





وكم واحده هناك تشبهها بالهروب مهما اختلفت الوسيلة!!!!



سوف نعرف .... بالحكاية القادمة




.......................



يتبع


هناك 38 تعليقًا:

lawyer يقول...

لا تضحكييييييييين علي

بس هذي الانساااااانه وايد كلااااااس


وايد حالمه

هذي وينها ووين التقااااعد هذي بقلبهااااااااااا انسانه ماكملت العشرين

ترفض الحديث و تؤثر الصمت تدور زااويه و تحيييييييييك

تعبت الكلام؟
اووووو تعبت الحل ؟؟

مدري

بسسسسسس هذي الانساانه يبييلها راحه و ميديتاشن


كلنا نحتاااااج نغسسسسسل افكاارناااا



بسلفهاااااا راسي تقطه بالغساااااله فيه افكاااااار وايد ولا اعرفهاااا


يمكن اتعرفلهم

najmah يقول...

ايه يالزين

دائما كنا نسمع ان الهروب ليس حلا
لكنه على الاقل حل مؤقت
يبسط احساسنا المثقل
وتتنفس فيه شيء من مشاعرنا
يوميا نحن نمارس نوعا من الهروب
في شرود لحظة .. او حلم قصير
!!

صديقتي
:**
بانتظار الـ...
يتبع
:))

JooJ o MaJooJ يقول...

وايد اكو هاربين من الواقع..واولهم انا..بس ماأغسال و لا أحيك اروح اركض او أمشي او هل أيااام واااييد قاعدة أسويها :( انا بامكتب خانقتني العبرة مابي أشوف أحد

جووج

JooJ o MaJooJ يقول...

نسيت أسلم عليج من زمان ماعلقت عندج :*

قانونى كويتي يقول...

شى جميل الغسيل بجميع انواعه

سواء غسيل الملابس ولا غسيل المخ

ولا الخياطة شى حلو

اذا كانت النهاية شى حلو

تحياتى

ReLaaaX يقول...

ونااااااااااااسه طلع الغسيل شي ممتع .. بيني وبينج بعض الملابس آنا أغسلهم مااحب احد يغسلهم لي


فمن باجر ازهبهم واغسلهم وافكر بتفكير رفيجتج جود تخف افكاري ويا الصابون ;p

الخيلاء يقول...

الهروب احيانا يكون وسيله للراحه
خاصه اذا كان بطريقه ذكيه مثل صديقتج

بنتظار التكمله :)

Sn3a يقول...

شنو اقسى من عدم القدره على المواجهه
فلسفتها حلوة
كل فكره نغسلها
بس هل ياترى غسلت الوحده؟ او التشاؤم
هل غسلت الانعزال

مشكله ان حاولنا نعالج مشاكلنا بالتجاهل
او ان نغسل المشاكل السهله ونخفي الصعبه

Kuwait يقول...

لوووووووووووووووووووووووول
على سـالفة الغساله ذكرتيني بماضي أسود :q
صج الله يعينها احسه ملل مقزره ليلها ونهارها ما بين الحياكه والغساله :\

اجار الدين كشمش يقول...

والله لو كل وحده تتاعد

واجابل الغساله ...وتحبك

جان صكت القهاوي

يا حلوها وهي فاعده مع الحبيب النديم ...في هالجو الرومانسي ...وهي تفكر بالغساله هههههههه
وريحة الشعر كله صابووون

جان اصكها كف ..واكرفسها بالغساله

فمالله

فريج سعود يقول...

انتي قلبج ابيض ما ينفع معاه الخلفية السوده

اترجاج ترجعين المفارش السابقة ولهت عليها

------------

غسالة صديقتج تعبأ من الامام وهذا يخليها مع كل قطة للملابس المبقعة بالافكار السلبية تنحني

وهالانحناءة راح تذكرها بكل فكرة تغسلها

انصحيها بغسالة تعبأ من فوق حتى تكون قطة الملابس والافكار اسرع والاهم اسهل

وبدون تعنّي

باجرب هالطريقة واذا نفعت وياي باشتغل بمصبغة

الزين يقول...

لوير

:))))))


يغربل ابليسك يا لوير

بوصل لها المسج ان عندنا راس يبيله غسال

:)

الزين يقول...

نجمة

الهروب ...

مهارة لا يتقنها الا من ذاق مرارة لا يقواها

:)

اليتبع بالطريج

:**

الزين يقول...

جوووج

حياتي انتي وين غطيتي

اسم الله عليج من البجي

بيعينا بالسوق

:**

الزين يقول...

جوج مره ثانية

ايه والله حتى انا فاقدتج يالشيخة

:**

الزين يقول...

قانون كويتي

يا حيا الله اخوي قانون


بيني وبينك اذا كان الغسيل بيساعد

انا مستعده احط لي غسالة هيفي ديوتي

:$


دمت بخير

الزين يقول...

ريلاكس

والله يالشيخه افكارنا يبي لها تيزاب يالله نقدر عليها

:)

شلونج انتي بس

:*

JooJ o MaJooJ يقول...

اشتريج بالغالي يالزين:*
اخر مرة ما أغط عنج أتووووب

الزين يقول...

جووووج

يا حياتي انتي

:**

اللي نعزهم نفقدهم من غير شر

وانتي اكيد منهم

الزين يقول...

الخيلاء

مع اختلاف الطرق بالهروب راح تتفاجئين بشكل احنا مبتكرين

:)

خلج معي

والبقية تأتي

الزين يقول...

سنعة

هي لم تخفيها

هي فقد تجاهلت وقعها عليها

وبسطتها وما عطتها اهمية

وكملت المشوار

المشكله لازالت موجوده

بس اعزلتها عشان لا تأثر على حياتها

:)

الزين يقول...

كويت

:)

تصدقين

اهي مو متملله كلش

الزين يقول...

اجار

لوووووووول

يمه صاير عنيف الله يهديك

كف عاد مره وحده

ريحة الصابون اهون من ريحة الطباخ

صل على النبي

اخاف اكمل اعقدك بحياتك

فمان الكريم

الزين يقول...

فريج

:)

عقدتني بحياااااتي

امس مغيره اللوك اربع مرات

اخر شي قلت اسود زي عيشتي

:q


حطيت لك لوك يديد اشرح

_______________________


هههههههههههه

والله من خبرتك مبين انك من زمان شغال بالمصبغة

:)

بحفظ الله

دروازة يقول...

اعتقد ان صديقتج تقاعدت من المجتمع
يمكن لأنها ما لقت من يسمعها .. أو تعبت من مشاكل التواصل مع البشر... ففضلت التواصل مع الجماد لأنه يسمع ولا يرغي .... ومطيع طاعة عمياء وبدون نقاش في أي موضوع!!

بس ي شي ايجابي فيها ... في كثير من الناس من اللي يوصلون لهذي المرحلة يوجهون الطاقة اللي فيهم الى اشياء سلبية... هي الحمدلله ما كانت منهم وهذا اهم شي اعتقد

كبرياء وردة يقول...

حلوة طريقتها

احنا بالهروب نبحث عن سبيل للراحة،

بعيداً عن فوضى المشاعر

وان كانت تسبية ومؤقتة

احيانا هالشي يكون بصالحنا

حتى نقدر عقب نعيد ترتيب وصياغة
حياتنا وأفكارنا

مبيوق يقول...

ههههههههههههه


اعجبتني غسيل الافكار

بس أنا ما اغسل الهدوم شلون اتخيل اني بغسل افكاري



وبعدين عمرة ما كان الهروب حل

بس أنا مشكلتي اني من كثر ما اواجه المشاكل ساعات لو اصد يكون افضل

بس ابي اعرف منج يا الزين

هل الصد والهروب نفس الشي؟؟

قانونى كويتي يقول...

مساء الخير

يعطيج العافية

اشلونج وشخبارج

بانتظار الموضوع القادم

تحياتى

:))

charisma يقول...

والله يا الزين اريح لها
دام لاقيه راحتها بهالشى فاغبطها
الدنيا صايره متعبه والتعامل مع الناس قاعد يصير صعب ويين ووين ما تلقيين الى يتعامل بنيه صافيه

:*

sologa-bologa يقول...

ليش عنصرية جذيه!!
بس هاربات من الواقع
ماكو هاربون؟؟

الزين يقول...

دروازة

انت اكثر وحده فهمتها

اهي اعتزلت الناس لما شافت ان النفوس تغيرت

وفضلت التعامل مع خيوطها وغسالتها

:)

وحيا الله اخوي دروازة

اسعدتني زيارتك

الزين يقول...

كبرياء

لكل منا وسيله للهروب

بغض النظر عن اسباب الهروب

اهي طريقتها تريحها بس مو بالضرورة تنفع الآخرين

القصص اليايه راح تشوفين فيها طرق مختلفة

:)

وحياج الله

الزين يقول...

كبرياء

لكل منا وسيله للهروب

بغض النظر عن اسباب الهروب

اهي طريقتها تريحها بس مو بالضرورة تنفع الآخرين

القصص اليايه راح تشوفين فيها طرق مختلفة

:)

وحياج الله

الزين يقول...

مبيوق

الصد شي والهروب شي ثاني

الصد انك تكمل حياتك مثل ما اهي وتتجاهل وجود المشكله لفتره حتى تهدا مشاعرك وتلقى لها حل
الصد هو تأجيل الحل

الهروب انك ما تواجه وتدعى اصلا ان المشكله مو موجوده
تهرب منها بوسيله معينة


انت اصلا ما يصلج لك لا هذا ولا ذاك

:)

الزين يقول...

قانون كويتي

حياك الله يالشيخ والموضوع القادم على حسب المزاج

:)

الزين يقول...

كاريزما

:)

كل من له شقا اللي له

والناس بالفعل صايرين غير نمونه

ما ينطاقون

:**

صباحج خير يارب

الزين يقول...

سلوقا

:))))

الهاربون خل يكتبون عن روحهم

شلونك يالشيخ

لك وحشه

Manal يقول...

الزين
اختي الحبيبة
:)

تتنوع اوجه الهروب من الواقع

واجملها
ما يجعل الانسان متماسكا
ومستفيد في النهاية

التقوقع على النفس ليس منفذ
ولكن يمكن ان يشكل فرصة للتفكير

والهروب من الواقع
لا يحل المشكلة

دمتي سالمة حبيبتي
وموضوع حلو
:)