.

تحذير : هذه المدونة تخضع لقانون حماية حقوق الملكية الفكرية ونحذر من نشر أو نقل أي نص أو مقال للكاتبة.. دون نسبه للمؤلفة.. في أي وسيلة

3.2.09

سوالف نص الإسبوع



إحساسي بالاختناق يقتل بصدري رغبتي بالكتابة ... حتى جنوح مخيلتي بات صعبا
الملم أطراف الحديث مع صديقه اخبرها بأني مكبله .. والأصفاد تتعبني ... وأسألها "ليش نداري على حساب مشاعرنا ... ليش نخلي الآخرين ونعطيهم الفرصة إنهم يمتصون الحياة منا .. "
تلمني بكل حنان " عشان إحنا طيبين ... وبسرعة ننسى ... وبسرعة ينكسر خاطرنا"
" بس آنا الحين مو منكسر خاطري... آنا الحين ودي اصرخ وأقول بس ... الوضع صار متعب "
تضحك بكل بساطه وتقول لي " صرخي .. ترى الصراخ ساعات يريح"

اوكي لو فكرت اصرخ الحين راح تواجهني عقبتين
الأولى إني بالدوام ولو صرخت يمكن يقولون الزين استخفت
والثانية إني ما اقدر اصرخ ... ما اعرف ... وصوتي ما يعيني !!

تهقون اكو مساحه بالبر فاضيه هالأيام ممكن اسفط موتري فيها واصرخ براحتي

لاااااااا .. ...... آنا ينيت رسمي







سؤال تعودته منها كل ما شفتها " زيون وين القصة .. زيون متى بتكتبين القصة ؟؟"
يا إلهي ... صرت احقد على هالسؤال وما أبي اسمعه ...
انا عشان اكتب قصة أطفال ... في بنوته صغيييرة في راسي ... تبلش تسولف ... وتخربط .. وتقلب الصور والأمور بشكل عجيب .. حتى القصص تحورها وتألفها لين تصير قصه ثانية ...
هالبنوتة الصغيرة ... هاليومين مادري وين غاطه ... الظاهر طايحه على مرتع ثاني تهلوس فيه الظاهر :)
ناطرتها تحضر عشان اكتب القصة (ينية مو بنية)



صديقتي الحبيبة ... عرفتي الحين ليش ما كتبت القصة لما الحين؟؟








يرن المنبه ... افتح عيني بجهد مضني ... إحساسي بحاجتي لدفء فراشي واحتواء مخدتي لأحلامي تزيد .... يأتيني ذلك الصوت الصغير من بعيد " يالله قومي"
ادخل في صراع معه " بعد خمس دقايق"
"قومي ... الخمس دقايق ما تفرق"
"من قال .. والله تفرق ....... اووووش سكتي الحين .. ابي أغفي .... ابي احلم حلم صغير حلو قبل لا اصحى"
"حبكت الحين الأحلام على آخر لحظة"
" كيفي والله عاد "
" قومي أقول لج "
" افففففف ... يالله كاني قايمه .. نحيسة"

اعتدل ... وتتسلل قدمي اليسرى تتبعها اليمنى لتلتقي مع الأرض ... أعود فاستلقي ثانية ... قدمي لازالت تقبل الأرض وتلتحم معها.... وأعود لأزحف ثانية بين أحضان الكويلت ... هممممم ... ويغريني فراشي بألف حلم وحلم .. وإغفاءة صباحية لذيذة تنتهي بصوت الموبايل يرن ....
افتح عيني مرة أخرى


جم الساعة؟؟؟؟


ارفع الموبايل ... المكتب!! ليش داقين لي الساعه ست .. غريبة @@


“Good Morning”
“….. Morning Clara”
“ R U coming today”
“yeah sure am coming … why? Whats up”
“coz its already 8 o’clock and I thought……”


ابقق عيوني من الخرعه ... متى صارت الساعة ثمان؟؟؟؟؟


“Oh My god .. I think I over slept.. I’ll be in within one hour”


يعني لو سامعه الكلام من الأول ... وبلا اغواءات سريرية على الصبح مو جان الحين آنا بالمكتب .. قلعتي

يعني آنا بفهم ... ليش النومه ما تحلى الا أيام الدوام ... وأيام الويك أند نفزع من الصبح شبعانين نوم!!!








الحين الحين الحين ...


بالضبط بهاللحظة ...


أبي أعيش هاللحظة اللي بالصورة


اللحظة اللي تسبق إحساسك بالماي حولك ... يعبي كل الفراغات ... وينعش إحساسك بالحياة ... ويخليك تقول

نعم انا سمجة ... او يمكن حوت ... ههههههه


طبعا يعتمد على الحجم
:)


مزاح اليوم سامري ... وحبيبي شمعة الجلاس


لها :)












هناك 23 تعليقًا:

أبو لطيف يقول...

وأسألها "ليش نداري على حساب مشاعرنا ... ليش نخلي الآخرين ونعطيهم الفرصة إنهم يمتصون الحياة منا .. "

.....

المجاملة على حساب مشاعرنا
هو اغبى تصرف نقوم به

وقد نمارسه بشكل يومي من حيث ندري او لا ندري

الامر بحاجة الى قرار وعزيمة

دمت بحفظ الله ورعايته

طال عمرج

Manal يقول...

يا حلو قصص الزين وسوالف الزين
بس الله يخليج
لا تعصبين
ولا تصرخين
ولا تتاذين

وبانتظار جديدك حبيبتي

:)

بس بدون نوم بالدوام
:)

بنت الشاميه يقول...

احلى شيئ هالغفوه الممتعه سواء بالصباح ااااااو بنومة العصر اذا حصلت....لوووووول
احساااااس جميل بالاستراخاء والراحه
بس لايصير وراها قمزه وحده الا وانت بالسياره......ههههههههههه

=====

انا عندي احساس ثاني مو من يقول ليش ما كتبتي......انا اتضايق اذا تعبت
بكتابه موضوع ويقولون لي بالاخير بااااايخ اللى كتبتيه......صج احتر وخصوصا اانا "بعد" مو زود بالكتابه ولا صحبه مع اللغة العربيه....لوووول
بس ماعليه مااسكت وارد بقوه من الحره......ومن الفشله....احباطاااات
من كل مكاااان ....بس هم ماااا عليه
اذا عزمتى على الصرااااخ
مرى علي لو سمحتى تروالى ونااااسه واحنا نصارخ

تحياتى

qesat_5ayal يقول...

الأول :

فعلا الصراخ أحيانا يريح
العقبة الثانية .. مو مهم نعرف او ما نعرف، المهم ن احنا استنفذنا طاقتنا بالزفير اللي نطلع معاه هالتعب المكبوت داخل


الثاني :

مفهوم يافندم
:)
المزاج يلعب دور كبير
وحضور هالمزاج صعب




الثالث :
لول عجيبة
يحسب لج من الأيام الحلوة





يومك سعيد يارب

عثماني يقول...

اولا ...

لا ما ينيتي ..

كلنا نحتاج نصرخ بين الوقت و الثاني

توني انا خلصت صراخي

....

لا تجبرين هالبنوتة .. خليها

متى ما حست انها بتكتب .. ماراح تقدرين تمنعينها

...........

حبيبي شمعة الجلاس ... آآآآآه

تدرين ان هالاغنية وراها قصة ؟؟

انكتبت في بنت عمرها 13 سنة .. في ذاك الوقت

ام 13 سنة ما زالت موجودة .. الله يطول بعمرها .. و ما درت ان هالاغنية عنها الا بعد وفاة كاتبها

اهي صديقة الوالدة ... وكل ما اشوفها اغني لها هالاغنية

تتوقعين .. شنو ردة فعلها ؟؟

تتغطى بعباتها ..

شوفي شحلاة الحيا

:)

جميلة انتي يا اخيتي

حافظج الرحمن

غير معرف يقول...

مساء الخير

ساعات مهما الواحد يقول ان بيحط نفسه قبل الناس وبيداري مشاعره قبلهم ما يقدر .. بس المشكله مب في الناس المشكله فينا نحن او في فئه معينه من الناس تعطي من قلبها بطيب خاطر وما تفكر بالعواقب الا يوم كل شي ينجلب ضدها ...
بس الواحد ينظر للجانب المشرق من الموضوع ان انتي طلعتي انسانه بمعنى انسانه ترى مب كل انسان يعتبر انسان ... بس انتي لج مشاعر واحاسيس وكيان فكري
صحيح الواحد يوم يعطي شي ما يبي شي في المقابل بس على الاقل انهم يحسسونا بالتقدير والاحترام

مختصر كلامي كله ان اهم شي تكونين راضيه عن نفسج .. ومرضيه ربج طبعا بالاول .. فقط لا غير وانتي اذا عطيتي فهذا من طيب اصلج

و الله يحلي ايامج

lawyer يقول...

احب كتاباااااااااااااااات العفويه وايد


بوووووووووووووووووووووووووست من زماااااااااااااااااااااااااان عنه











متى تكتبين قصه؟

DiLLi O MiLLi يقول...

أسم الله علييج من الأختناق حبيبتي
:*

صــــح .. عشان أحنا طيبيــن
داري يا الزين .. طلعي أنتي بالزينه
حتى لو على حساب نفسج

تـــــــــدرين .. ليـــــش ؟
عشــــان تحطين راسج على المخدة
وضميرج مرتاح
وشوفي النومه شلون تكون مررررريحه



بـــــــــــس
مو الكل يستاهل المداراة
في ناس تستغل هالصفة .. وتمادى
:)


أنا وبنت الشامية
بنكون الردادات (الكورس)ء
أنتي تصرخين سولوا
solo
وأنا وبنت الشامية نصرخ وراج
لووووول
:)
ويا قلبي لا تحزن



وبعديين الله يهداها
Carla
الساعه ٨ الصبح !! داقه عليج تليفون وعبالها منتي يايه !!؟؟
عيل أذا متأخرة تكون متى
5:30
الصبح !!؟؟
:)


الله على حبيبي شمعة الجلاس
لها مكانه خاصة عندي
تذكرني بأخوي الصغير
أمي كانت كله تغنيها له وهو بيبي
:)

ياااااابخت "لها" ....؟


:**

الزين يقول...

ابو لطيف

كثيرا ما نداري مشاعر الآخرين على حساب مشاعرينا يالشيخ

بس بالنهاية نوصل مرحلة الإرهاق
والإحساس بالعبئ

:)


مو بس نحتاج قرار وعزيمه عشان نتغير

نحتاج نبلش نداري نفسنا ونفكر فيها مثل ما نفكر بالطرف الآخر

:)

دمت بحفظ الله

وهم طال عمرك

الزين يقول...

منال

ياحلو طلتج علي يا بعدهم انتي

لا تحاتين لين وصلت حد اللي اعصب واصرخ

بنخش وماراح تشوفين الوجه الآخر للقمر

:)))


تصدقين والله من يصير الساعه وحده الظهر هالآيام

ودي ارجع البيت اقيل

مدري شقصتي ما اشبع نوم يختج

:**

سلمي على صلاح

وحبي لي اليهال

الزين يقول...

بنت الشامية

يااااهلا وغلا

يا حيا الله من زارنا

:**

ايه والله يا بنت الشامية احساس لا يقاوم

بس ما يسوى خرعتي

دوامنا سبع بالضبط وانا ثمان لما الحين بفراشي ويبي لي ساعة بعد عشان تكتمل طقوسي الصباحية واوصل الدوام

يعني ما دشيت المكتب الا بالتسع

ومنقص ويهي

فشله

.............



ويه بعد قلبي انتي

ويا كثر اللي يحبون الإحباطات بس ما عليج

كتبي اللي في بالج ولا لج شغل بأحد

واللي مو يايز له لا يقرا واذا قرا لا يعلق

خلصنا

وعلى سالفة الصراخ

يبي لنا حفلة صراخ جماعي

يختح وين ما التفت البنات واصلين حدهم وودهم يصرخون

تهقين فايروس بالجو؟؟


حياج الله ابوي انتي وساعة المباركة

الزين يقول...

قصة

شوفي مره من كثر ما انبطت جبدي من شغله

قلت بصرخ خلاص

واحط راسي تحت مخدتي واقعد اصرررررخ

جان اشرق

بغيت اموووووووت

شرقت بريجي

يعني حتى صراخ ما نعبر عليه

شهالحالة


اما عن المزاج فهو لاعب بحسبتي هاليومين

ويعين الله

اما الثالثه

فهو صرااااااع الله وكيلج

كل يوم الصبح اتناجر مع نفسي

قومي

ماني قايمه

حالتي صعبه



وايامج اسعد ياحياتي انتي

:**

@alhaidar يقول...

أول شي صرخي بأي شي مصكر :)

وثاني شي نامي يبا واخذي إجازة ولا يهمج الأوفيس :))p

وثالث شي هالطفلة مشكلة .. دبري حلاوة ككاو المهم تيي عشان لا ننحرم :)

وبالنسبة للطيبة .. بات مظلوم ولا تبات ظالم ..

بس لما توافق على هضم حقك تكون ظلمت نفسك ..

إلى الأمام دائما :)

Kuwait يقول...

@@
وليش تدراين الي ما يداري مشاعرج ؟؟
انا اقولـــك اخذي الدنيا سهالات وطنشي كما أطنش الدنيا " جيكي اللغه عساج للحين معاي عالخط" ;q
لا تجامليييين بس خلاص بطلنا نجامل تعبنا خلج على طبيعتج قطيها بالويـه ارتاحي وفكي نفسي من ضغوط المشاعر المتضاربه ;***
الزيــن اشدراج اني أمس مقزرتها ترقص سامري ونقازي بالعرس :q

فريج سعود يقول...

سلامتج من الاختناق

ومبروك اللوك الجديد جني داش محل اطقم اسره

:)

الزين يقول...

عثماني

يا صباح الخير على الناس الطيبة

تهقا ما ينيت!!

اشوه

ايه والله يا عثماني فيني صرخة شمشون الجبار

وتمرد نيرون يعني ودي اولع بالأكو والماكو

........


والبنوته هذي منحاشيه مني

والله يسامح اللي كان السبب

.........

اما عن حبيبي شمعة الجلاس فهي من الأغاني اللي اعشقها وانطرب على لحنها وكلماتها

وياحلو حب اول

كله حشمه

الحين علامهم شبابنا ما يعرفون يحبون يا عثماني

شغلهم كله مفضوح وبس


وبناتنا نسوا الحيا

يعين الله يالشيخ على زمن ماله لون ولا ريحه


:)

الأجمل زيارك لي اليوم يا لشيخ

بحفظ الله

الزين يقول...

لا رينا

:)

ياهلاااا وغلا

بعد قلبي انتي

وكلامج ذهب ... صحيح اهم شي رضانا عن نفسنا

الباجي مجرد هوامش ممكن تعكر صفوة الأيام قليلا

لكننا نعود بالنهاية لتوازنا ونفسنا اللي حبيناها وراضين عنها

:)

يحلي ايامج دوم يالشيخه

الزين يقول...

لوير

:)

هي مجرد سوالف يا لوير
وفضفضه عن شيء كان يكتم انفاسي



:)))

والقصه راح تكتب نفسها انا ماراح اكتبه

يا سيدة شفشاون

الزين يقول...

ديللي

يا صباح الخير

تعبنا من الطيبة يا ديللي وساعات ودج تطقين

نارج ما يطفيها شي
ابي اطق
كل ما قلت اكون احسن اييني شي يخلينا ودي اطق

ايه ايه فيني عنف
توني اقول حق عثماني بردي عليه ودي اسوي مثل نيرون واولع بالأولي والتالي

الناس تفسر الطيبه على انها ضعف يا ديللي

ما يدرون ان صبر الحليم ممكن ينفذ
وان اذا طق يطق عشان يذبح هالمره مو يعور

اففففففف


هههههههههههههههههههههههه

انا وانتي وبنت الشامية شكلنا بنسوي حفل اوبرالي

شورانا على قولتج ويا قلب لا تحزن


......


يا حياتي كلارا ما تنلام
دوامنا سبع بالضبط
وصارت ثمان وما بينت
واكو شغله انا لازم اسويها

واختج مكبره المخدة

:)


وحبيبي شمعة الجلاس تستاهلها "لها"

:*

الزين يقول...

احمد الحيدر

بقول لك سالفه بتضحك عليها

يطري علي يوم كنا صغار الوالد الله يرحمه شرى تانكي ماي وحطه بالحوش على ما يركبونه

الزين من وناستها على بالها خيمة

فرشت التانكي وخيمت فيه اسبوع

:)))))

وكل ما بغيت اصرح نطيت بوسطه وسكرت الباب

وصرخت لين ينبح صوتي

خبال يهال

بس تصدق كان يونس
اطلع من التانكي فررررررش

:)))))

آآآخ على هذاك الوقت

ليته يعود

الزين يقول...

فريج

الله يسلم عمرك يالشيخ

الله يبارك فيك

وياااااااااشينك ما تبطل حركاتك

طيحته من عيني

طبعا عقب ما فصلت من الضحك على التشبيه

على فكره احنا مسوين تنزيلات اذا تحب ادز لك طقم على الماشي

:)

charisma يقول...

يا صباااح الحب الى بالدنيا كله
اسم الله علييج الرحمن الرحييم من الاختنااق :*

زيونه ترى راحت عيونى بالغصب قدرت اقرى الكلام الى بالالوان :/

هههه ضحكتينى على ما تقدرين اصرخيين
اذا لقيتى فضاا اصلا بشوقج الوضع وبتصرخيييين من قمة راسج
ههههههههههههههه

وعلى الغفوه والخمس دقايق اااه يا حلوها انا حتى الدقييقه عندى بهالحزه تسوى ههههههه يحلوهاااا
بس مرات اتودر تودينا بداهيا
:)))

ويا عينى على شمعة الجلاس
:*

سبمبوت يقول...

الزين .. وايد أحب هلوساتج ..
Keep it up :)