.

تحذير : هذه المدونة تخضع لقانون حماية حقوق الملكية الفكرية ونحذر من نشر أو نقل أي نص أو مقال للكاتبة.. دون نسبه للمؤلفة.. في أي وسيلة

26.11.08

خذ أماني ....




لا تتركني
لا تروح ... لا تترك عيونٍ(ن) بسر حبك تبوح
لا تبخل على الدقايق بساعات تمليها عقاربها جروح
هي تعشقك وبسيرتك طيب(ن) تفوح


لا تمشي عني
خلك معاي .....عطني رجاي ... خلني أنام بحضن العيون
خلني أحس بدفوتك مهما يكون
خلني أعيش ليلي أنا وأسكر معك بحس السكون
خلني أذوب بخطوتك ... خلني أصاحب صحوتك
وأغفي معاك بغفوتك ... ممكن أكون بسهرتك ظل الجفون


لا تغمض عيونك كثير
اتركني معاك ... جناحي هواك ... أفرده حد السما ... وللمدي بصدرك أطير
وخذني كلي... خل قلبي ينطفي بربوع قلبك خله يخفق بين يدًك
هو يبيك ... هو يحبك


لا تعاند
مثلك إنت عن حبيبه ما يباعد
مثلك إنت من غير مثلي ما يكون
والحياة من غير ظلك جنب ظلي ما تهون
تبقى صعبة ... والوطن يمسي بصدري غربة
وتطوي الأيام المحبة .. ماهي دربه
ماهو قلبه من يحبك ماهي روحه من تخون


لا تباعد ... لا تغيب
لا تقول كله نصيب
والهوى لسفوح صدرك ما يصيب
والخفوق اللي اشتعل بك ما يرد وما يجيب
هو يحبك بالغزير والغزير مثل الجليب


لا تجاسى ولا تجافي
لا تهمّل الدمعة على خدي تسيح
لا تذبح القلب الجريح
ما تاهت أحلامي ... ما ضاعت أيامي تلهي بها الريح


لا تقفي ولا تصد
عمري من عمرك من صوتك من همسك يمد
وخذ كلامي عني جد
وكل بدل له عندي رد
ماني ند .... ماني ند
تبغي ترحل؟؟
في أمان الله .....
خذ أماني ..... قبل تنسى إنك لدربي ابترد


......






هناك 26 تعليقًا:

الزين يقول...

اجار الدين كشمش يقول...


الصبرررررررررررررررررررر
هو وراء كل نجاااحات الحب

الصبرر يعني اثقل علييييه

يطب ساكت تحت اريووووولك
26.11.08




le linguiste يقول...


كالطير ،نرحل ونجول ، هنا ، من الحزن الى الفرح ومن الحب الى الشوق ,في سماء صافية,واتمنى ان تدوم.

... والكلمات هي المسرح , هنا .

دائما بفرح كوني

:)
26.11.08




7osen يقول...

لا تعاند
مثلك إنت عن حبيبه ما يباعد
مثلك إنت من غير مثلي ما يكون
والحياة من غير ظلك جنب ظلي ما تهون
تبقى صعبة ... والوطن يمسي بصدري غربة
وتطوي الأيام المحبة .. ماهي دربه
ماهو قلبه من يحبك ماهي روحه من تخون


الله عليج

كنت محتاج لهالبوست
منج إنتي

من احساسج العذب
من كلامج إللي يشرح كل شي
من معاني كلماتج
من حروف توصف وتقول كل المشاعر

قريته مرة واثنين وثلاثة و و و

حلو الكلام

وانا في هاليل والسكون
وخيالات ماضي
واحلام ماتت واخرى تكاد
وامل كبير بدى يصغر

وشخص مجهول ساكن في خيالي

وهذيان مستمر

الزين

شكرا لج
شكراً وااايد

مابي اكمل لأن ماراح اخلص
26.11.08




صبا يقول...

عزيزتي الزين

كل مره تتحفينا بنكهه جديده

"خذ أمانك "

روعه في صياغه الكلمات ...ورسم الاحرف

في غايت الروعه

نص رائع

ومأثر جدا

دمتي متألقه

شكرا من الاعماق

:***
26.11.08

esTeKaNa يقول...

هاكـ كلي ..
ضمني لكـ .. أحتويني .. حنّلي !
أنا من لي شوف عينكـ ..
غير دربكـ دلني ؟


تتلخص الدنيا بحبك ..
إيه و ربك
ياللي ما غيرك ضروري
!!


ماغيرك ضروري
في غيابك..تفقد اللحظات أمانها
ويفقد الاحساس نبضه
!!
بوست عجيب
شفتها ماسكة ايدياته
وعيونها تدمع:
لا تتركني
لا تخليني وتروح
!!
تدرين لو خلاها شنو بيصير؟
تعرفين احساس الخذلان اشلون بيكون على قلبها مرير؟

Najmah يقول...

لا تعاند
مثلك إنت عن حبيبه ما يباعد
مثلك إنت من غير مثلي ما يكون
والحياة من غير ظلك جنب ظلي ما تهون

احساسج حنون حنووون
الصدى بكلماتج يرن بقلبي

:**

انا وايد حبيته
واااايد
لي درجة اني ماقدر اعبر
:))

اجار الدين كشمش يقول...

الزين بكل وقت وساااعه

اشفي بوسسسسسسسسسسستك

عسسسس موووووووووو لصوووص

يدد ؟؟؟
ولاااااااا بس لخبطه نتيه


فمالله

نور سلطان العيسى يقول...

لا تقفي ولا تصد
عمري من عمرك من صوتك من همسك يمد
وخذ كلامي عني جد
وكل بدل له عندي رد
ماني ند .... ماني ند
تبغي ترحل؟؟
في أمان الله .....
خذ أماني ..... قبل تنسى إنك لدربي ابترد

الزين كلام رائع

ماني ند ..

أبو لطيف يقول...

:)

صدفة ان توارد خواطر ؟

darkness يقول...

تقدر تعكر صفوة وجودك بالرحيل

و تنهي فرحك بخوف من الفرح

و تنوي المغيب

و ترحل عن عيني

و تزرع الترح

تقدر تكون من غيري

و تبني الدنيا من جديد

تقدر تنهي وجودي

تقدر تمحي نبض الوريد

تقدر تسكن بعين غير عيوني

و الا تقدر تنسم غير دموعي؟

GUCCI-q8 يقول...

لا تعاند
مثلك إنت عن حبيبه ما يباعد
مثلك إنت من غير مثلي ما يكون


وايد اشتقت لتواجدي عندج

ووايد البلوج اكثر من رائع مثل ما عرفتج الزين بس لزين

Mamloo7a Q8ia يقول...

لا تعاند
مثلك إنت عن حبيبه ما يباعد
مثلك إنت من غير مثلي ما يكون
والحياة من غير ظلك جنب ظلي ما تهون
تبقى صعبة ... والوطن يمسي بصدري غربة
وتطوي الأيام المحبة .. ماهي دربه
ماهو قلبه من يحبك ماهي روحه من تخون


عواااااااااااااار قلب
ما شاء الله عليج
روعه روعه روعه
محتاجين هالرومانسيه الرائعه

Fskra يقول...

3jeeb :D

7betaa :D

wanasa limaa a7s eni a7b

sh3or yewans ;p

الزين يقول...

اجار الدين

صبر صبر يا صبر لا تعجل الروحه

صبر صبر يا صبر انا بعدي مجروحه

:)


وحيا الله اجار

تهقا بيطب ساكت!!!

الزين يقول...

le linguiste

دمت بكل الفرح صديقي العزيز

وشكرا لهذا التواجد المستمر

:)

الزين يقول...

حسين


:)

قمة المتعة اما اقرى لك تعليق


شفافيتك بالتعبير يا حسين شي مو صج

:)))


اشوفها من بين حروفك


الله لا يخليني من طلاتك ياخوي

terkwaz يقول...

قد يطول اللقاء
قد لا يجمعهم لقاء

هي على الانتظار
طالما وجد فتيل شوق مشتعل

يستمر وفائها ...


الزين
هناك فكره اجلتها
وبليله الامس اجتاحتني
عدت للتفكير بها
الى ان رسيت
وكنت اريد مشورتك ورايك


واليوم وجدت البوست
كانه موجه لي
رساله خفيه
عشان انفذ الفكره ...


انتظر الوقت المناسب
لارسال التفاصيل لك بالايميل :)

الزين يقول...

الشيخه صبا

:)

لو اقول المحاربه برتبة سعفتين وعثق خلال

:))))


شكرا لج انتي من اقصى القلب لمتابعتج

:**

الزين يقول...

استكانه

:****


يازين الصوت وياحلو الأغنية

من قدي واستكانه تغني لي

:)

ماراح تنكسر

وبيرجع ... بيرجع .... اهي عارفه نفسها

وبيرجع لها اكيد

:**

الزين يقول...

نجمة

:**

احساسي حنون بعيونج انتي بس يالنجمة

:)

ما قدرتي تعبرين واستمرضتي عقب

:$

كله من تأثير النص

الزين يقول...

أجار

والله ماااادري الشالفه


قصة البلوق اليوم غريبه

متى تسافر؟؟

الزين يقول...

بنت سيف

حيا الله الغالية

وماني ند

:)

انتي فاهمتها صح

:**

الزين يقول...

بو لطيف


انت قول لي!!

الزين يقول...

داركنس

:(


ادري والله


ادري

:**

الزين يقول...

GUCCI-q8

وه وه وه


يااااااافرحتي

تو ما اشرقت شمسي

انا اشتقت اكثر وربي

:***


ولا تعيدينها

الزين يقول...

مملوحة

اسم الله على قلبج يا بعد قلبي

:**

سكتي بشبعكم رومانسية

هالأيام الجو عامل عمايله


:)))


يامال العافية

الزين يقول...

فسكره


:)))))

يمه منج




يالله متى اشوفج وتسولفين لي

:**

mtfa2el يقول...

هذي القصيدة أجمل مكتوب في هالمدونة ..طبعا اهي و قصة نورا اللي ما ادري وين راحت
بس فعلا استمتعت بالنص قريته عشر مرات لي الحين

غير معرف يقول...

خلني أنام بحضن العيون



ودي انام بحضن العيون


راقية يا الزين راقية