.

تحذير : هذه المدونة تخضع لقانون حماية حقوق الملكية الفكرية ونحذر من نشر أو نقل أي نص أو مقال للكاتبة.. دون نسبه للمؤلفة.. في أي وسيلة

17.11.08

من أنت ؟


من أنتِ؟


أنا الأحمر باللون الأحمر
أنا السماء بزرقتها على وجهك المليح تقطر
أنا عبق الطيب بذلك الثوب المبخر
أنا العود أنا العنبر
أنا قطرة مطر تحتبس ثم بهطولها تستبشر
أنا شراع يركب الموج ويبحر
أنا النهمة واليامال
أنا النخلة والطلع حين يثمر
أنا غصن بالبان أخضر
أنا مرج للنوير يزهر باللون أصفر
أنا قطف الياسمين
أنا عشق وشوق وحنين
أنا ترنيمة المساء لطفل متعب
أنا جنون اللحظة ... انا دهشة الصدفة
أنا الهواء العذب يتخلل ستائرك على كل شرفه
أنا الآه بصدر عاشق ملتاع
أنا لحن من الصبا والنهاوند
أنا كل حياة جديدة كطفل بالمهد
أنا العطش والإرتواء
أنا السمو بلا رياء
أنا الأمل وخط الرجاء
أنا شرقية غلالتها الحياء
وحرة كصقر محلقا بالسماء
أنا عباءة الستر ... انا لون الفجر
أنا الشاهد بمسبحة العابد
أنا سجادة الزاهد
أنا النداء ... أنا المستميتة بالدعاء
أنا اهزوجة المساء
أنا الحكايا وانعكاس المرايا
أنا قصة بلا نهاية ... تتبعها الف رواية وروايه
أنا .... وأنا ... وأنا



من أنتِ؟



أنا من ملكت
ولا أكون ...... من دونك أنت



...

هناك 57 تعليقًا:

Najmah يقول...

انا زهرة يانعة

غيمة حالمة

نجمة هاربة

انا امرأة من السمااااء
^_^

!!

زيون تدرين

تذكرت انا كل النساء
:)

Salah يقول...

جميل

:)

حسافتج يا كويت يقول...

أنا من يعشق كلمات هذة المدونة

ShLaLaT يقول...

انا اشهد انج انتي كل اللي ذكرتيه

:*

يالله بخلي منطقي يولي وبييج
تلميذتج

Q8 uniQue يقول...

وكأنكِ تنظرين للحياة من "ثقب" ذاك الأساس الجميل, تجدين كل التفاصيل الجميلة في المحيط تفرعات وأجزاء لاتتم إلا به, هذي نكهة حلوة جداً لايتقن تذوقها الكثير "أو" محروم من تذوقها الكثير, أنا أشكرج :)

سديرة يقول...

جميلة..رقيقة..يالزين كله انتِ..كل النساء

جميلة قطراتك .. فعلا قصيدة حية مليئة بالصوت والحركة ولا ابالغ اذا قلت والرائحة ايضا !!

سعدت جدا بمعانقة قطراتك .. الزين كله انت حقا وبلا نفاق شاااعرة وليست ناظمة لأن هناك فرق بين الأثنين

غاليتي بعد اذنج بنسخهالأن عندي تعليق بخاطري وودي اقوله لج تالي ..
وربي انتي مبدعة :)اشرايج فيني ؟؟ قلاده صح ؟؟
:***

تراب الكويت يقول...

ساقول لكِ ..

نحن فقط نميل ولا نسقط

سعيده جدا بهذا

لكِ دعائي دوما
كوني بحب دوما هنا :))

Fskra يقول...

:*

AK-47 يقول...

نعيش اليوم كله غثا بين وضع الديرة ومسخرة المجلس و توهان الحكومة لين نوصل لمدونتج ناخذ بريك عجيب :)

الزين يقول...

نجمة

ابييييييه حتى انا تذكرت انا كل النساء

:(

كان زمان وجبر

الزين يقول...

صلاح

:)

الأجمل وجودك اخوي صلاح

الزين يقول...

حسافتج

:)

من طيبك الله يسلمك يالشيخ

الزين يقول...

شلالات


شيللووووو

:**

يالله تعالي نبلش من الدرس الأول

:))

الزين يقول...

مالك

يا هلا وغلا

اكيد اشرقت شمسي يوم انك زرتني

انا اللي اشكرك لتواجدك عندي

لا خلا ولا عدم

الزين يقول...

سديرة

:)

ما اقدر على كل هالحجي الطيب

خصوصا ان ياي منج انتي بالذات

قلبي قام يرفرف من الوناسه


وعسل وانتي قلادة

:***


وناطره تالي انا...

الزين يقول...

تراب

:)

بعد الحوار المطول البارحه

ورغم ما دار بيننا من فضفضة مؤلمة

الا اني اليوم بحال افضل

شكرا لك يا تراب

من اقصى القلب

الزين يقول...

فسكوووووورة


:*****

وسمعي الكلام

الزين يقول...

47

سعيده ان مدونتي كانت بمثابة الواحة لروحك


:)

لا تباعد

صلاح الأنصاري يقول...
أزال المؤلف هذا التعليق.
صلاح الأنصاري يقول...

ذكرتّيني بخاطرة قديمة كتبتها سنة 1997
أقول ..إحم إحم

""""""
من أنتي ؟!

رمز شامخ في كل العيون ؟
أو قمرٌ بازغ في سماء النجوم ؟

أجيبيني … !!

أسرتي الأفئدة والعقول
بطيبة ٍ.. و صدرٍ حنون
حديقة غناء وزغاريد طيور
أم هديل حمامه ؟
و ديوان شعر و لحن و قيثارة
أم شدو كروان مجنون ؟

إِنسيّتٌ أنتي مثلنا ؟
أم ملك تنزّل بعلم موزون؟
من أين لكِ كل هذه الحكمة ؟
والطَّوارِقُ والفنون ؟

من أنتي ؟
أجيبيني ؟!!
أفجرٌ واشراقة
و شمس تغتسل على أفق خليج ؟
أم بلسم شافي
و عطر زكي وأريج ؟
أم ينبوع مسك فوّاح ذا عيون ؟


لا تجيبيني…
أنتِ نور أشرق فبدد الظلام !!
و أصبح كل مدوّنٍ بروائع "الزّين" مفتون

""""""""

وتم تعديلها لزوم بوست "من أنت "لأخيّتنا الكريمة "الزين" وسامحونا عالقصور وعالأخطاء النحوية :|

charisma يقول...

أنا الأمل وخط الرجاء
أنا شرقية غلالتها الحياء
وحرة كصقر محلقا بالسماء


الله علييج يالزين
:**

7osen يقول...

كل هذا إنتي ؟
ههههه

انا اقول

واكثر

:)

مبدعة جداً

بـابـل يقول...

ياسلام ياسلام

وأنتى شاعرة الظل :)


كتبي بعد ...

البحر عامر باللولو


وبس

بابل

صبا يقول...

زيوووووووون الغاليه شخبارج انشالله تمام يارب ..واخيرا كحلت عيني بمدونتج :)))

اول شي مشكوره علي الاضافه

وسامحيني علي التقصير لانه مو مني منج ,صح؟؟ما ضفتيني بسرعه وكنت مريضه
تنزل وتصعد الحراره لاعت جبدي
:(


وفوق المرض بعيد عنج مسويه حادث

داعمني واحد غشييييييم ويقولون البنات ما يعرفون يسوقون:(

اشويه تعورت مو وايد بس راسي وظهري لج عليهم متعبيني وايد والحين احسن


اتصدقين من الحادث احس فقدت الذاكره شويه وكله انسي ,,اي والله الاسبوع الي طاف حده تعيس !!!

شي ورا شي ....الحمدالله علي كل حال
وانا اليوم احسن انشالله ,انتي اول وحده بشرتها بالحادث محد يدري مو تعلمين ;)


لاتحاتين قريت كل الي طافني

روعه يالزين واكثر.... والقصه عيشتني جو ثاني حلو بارد حبيت كل سطر
وحسيت بكل التفاصيل بهمسهم ونظراتهم ودفي المكان الله عليج يالزين شفت نفسي بالنص قصتج لامست روحي واحتظنته


كملي لا توقفين !
,,,,,,,,,,,,,

مــن انــت؟؟؟


ان قطرة ندي في عالم الزين ..


تحياتي ومشكوره يا عسوله علي الاضافه


ما ننحرمش
:*********

kazmawy يقول...

كلام حلو وعجيب..شرقية تغللها الحياء :)

Manal يقول...

finally

am here

flicking through your nice words that maks others feel every letter of your posts

as usual very nice post zein

:)

ابو لطيف يقول...

من انت ؟

انا من تلاشى عندما عرف من انت

......

أنا الشاهد بمسبحة العابد
أنا سجادة الزاهد

......

ما اعرفه عن علم البلاغة انه يشمل

البيان
والبديع
وعلم المعاني

وتبين لي انه اضيف لهم

ابداعات الزين


حفظك الله ورعاك

طال عمرج

kuwaitawy يقول...

شصار عالمشرووع :)

الزين يقول...

صلاح الأنصاري

:)

تلجمت وماني عارفة ارد عليك

تسلم الأيد اللي خطت واللسان اللي قال

وربي لا يخليني منك يابو عبدالله

الزين يقول...

كاريزما

:**

شلون امورج الحين؟

الزين يقول...

حسين

:)

وماخفي أعظم

لوووووووووووووووول

يخرب بيت الغرور


ياحيا الله حسين

الزين يقول...

بابل

شاعرة الظل

:)

عجبتني التسمية

مشكور وماتقصر يابابل

ومرورك اليوم يعني لي الكثير

لا تباعد

الزين يقول...

صبا

يا هلا وغلا

:*

صحيح انا اللي المقصرة ولج حق تشرهين علي

اسم الله عليج من الحوادث
خطاج السو بعد قلبي

طلعي صدقه

الله حفظج

@@

فقدتي الذاكره
اسم الله علييييييج

حياج الله وساعة المباركه

:**

الزين يقول...

كظماوي

:)

حياك الله يالشيخ

الزين يقول...

منال


ايه والله اخيراااا

اصلا انا كنت ناطرتج واستغربت ليش ما دشيتي

:)

وطلعت المشكله بالإيميل

يالله ما عليه اهم شي انج وصلتي

:**

الزين يقول...

ابو لطيف

:)

ترى انا مو عارفة ارد

يا حافظ مدري شفيني من احد يمدحني اتخسبق

خف علي شوية

طال عمرك

:)

الزين يقول...

كويتاوي

المشروع قااااائم

انتظر مني ايميل فيه الأجندة

:)

`~MnO YeNSa! ~` يقول...

بقولج سر











وحبيت هالنص .مود ثاني
:*

charisma يقول...

قاعده اتمشى بين الفرجان ومريت بيتج عاد قلت بشرب القهوه عندج زيون

:**

a7La eNG يقول...

و لا اظنها اجابت سؤاله ..
الا ب العبارة الاخيرة ..

لانها سيدة الوصف و لا تحتاج للتدليل ..
و لانها انثى حواسه .. فتغزل ذاتها به ..

.
.
و اظنها فهمت تماما شعور عبدالرحمن بن مساعد حين قال :
كي تكوني في عيوني و من حنيني
و بس فيني و مو بدوني .. مـــذهـــلة ..
;*

terkwaz يقول...

اليوم من اشرقت شمسه احس برقي وبسمو مخالف ...

وشعوري بالرقي
طغى علي اكثر واكثر عقب ماقريت البوست .....

DiLLi O MiLLi يقول...

أنا من .. ذابت مشاعرها بين أحاسيسك
أنا من .. تاهت روحها بين دهاليز حروفك
أنا من .. لامست كلماتك شغاف قلبها

أنا من (((صعقها))) جنون قلمك !!!


أأأأبداااع يالــــــــــــزين !!!

:)

Mamloo7a Q8ia يقول...

أنا قصة بلا نهاية ... تتبعها الف رواية وروايه

يا سلااااااام
شهالزين يالزين
ابدعتي ما شاء الله عليج

قلب طفله يقول...

صباح الورود زيون :)

مدونتج مركز ابداع و كلماتج

نسجت بحروف تميزتي بنتقائها

لتطعم بروح الزين .

دمتي بحب و سعاده

kazmawy يقول...

يلا الزين نزلت المعاشات كتبى بوست جديد
:)
لووووووووووووووول

le linguiste يقول...

البعد بهذه المعاني يعجبني

والأناأكثر

ابداع لغوي رائع.

أنا جنون اللحظة ... انا دهشة الصدفة

أنا شرقية غلالتها الحياء

أنا عباءة الستر ... انا لون الفجر

أنا الهواء العذب يتخلل ستائرك على كل شرفه


وانا المتابع هنا


شكرا الزين

esTeKaNa يقول...

آه انا ويني من زمان!
ردت روحي
:*
تعرفين اخر مقطع في مذهلة:

يا أجمل من الأخيلة ..
هذا جواب الأسئلة ..
كي تكوني من حنيني ..
وبس فيني .. ومو بدوني مُذهلة...



تذكرتها مع كلماتج الحلوة
:)

الزين يقول...

منو ينسى


وسرج في بير



:**

الزين يقول...

كاريزما

حياج الله بعد قلبي

لج صدر البيت ولنا العتبة

:**

الزين يقول...

احلا انجنير

:)

فرحانه بمرورج

آآخ لو تدرين شكثر

:**

الزين يقول...

تركواز


:**

مادري منو فينا الراقي

بس اكيد تعليقج كان شي ثاني

الزين يقول...

ديللي

كل هذا انا

ياااااابختي

:**

منورتني بعد قلبي

الزين يقول...

مملوحه

ياااهلا بالملح كله

:*

ياحيا الله من زااااارنا

بعد قلبي

الزين ما يكمل الا بوجودح

الزين يقول...

قلب طفلة

مساج الله بالطيب والعنبر


ربي لا يحرمنا من مرورج يارب ويسعد قلبج دنيا وآخره

:**

الزين يقول...

كظماوي

هههههههههههههههههه

ياعلك العافية

معاشنا احنا بعده ما نزل


تسلفني!!

الزين يقول...

le linguiste

وتسعدني متابعتك دائما

:)

الزين يقول...

استكانة

انتي بالقلب يا استكانه

انتي الحاضر الغايب

انتي اللي المشاكل خذتج منا

وكنت بانتظارج

:**


عسى الله لا يحرمني منج قولي آمين


وعلى فكره انتي واحلى انجنير لكم نفس الملاحظه على النص

:)