.

تحذير : هذه المدونة تخضع لقانون حماية حقوق الملكية الفكرية ونحذر من نشر أو نقل أي نص أو مقال للكاتبة.. دون نسبه للمؤلفة.. في أي وسيلة

14.7.08

زوجتي ... حبيبتي .. ذبحتيني رومانسية


الله يا قو قلبج

تجلس إلى جانبه وهو مستلقي على جنبه ... كان يومه طويلا ومرهقا ... يتبادلان أطراف الحديث عن الأبناء ثم يتسلل النوم الى عينه ويغط في سبات عميق
تلتفت لتحادثه ... تجده مستغرقا بالنوم ... تمسك كتابها ... وتستغرق بالقراءة
الساعة الثانية فجرا ... يقتحم النوم خلوتها مع كتابها .. تضعه جانبا ... وتطفئ النور
خخخخخخخخش
خخخخخخخخش
خخخخخخخخش
تلتفت عليه ... تنظر إليه بحنق وتتمعن بملامحه
خخخخخخخخخخخخخخخ
@@
هي : استغفر الله شهالقصة
خخ خخخخخ خخخخخخ خخ خخخ خخخخخخ
تعتدل متأففه
خوووووووووووووووووووووخ
تهزه بعنف
هي : قوم .. قوم عدل نومتك
هو : خخ خ خ .... شفيج فلانه حرام عليج نايم جذيه تقوميني
هي : الحين آنا طول ما آنا أقرا إنت خامد ...... ويوم حطيت راسي على المخده اشتغلت علي شخير ...... آنا لو متزوجه طراد مو أحسن لي
هو : الله يسامحج والله تعبان
هي : مره ثانية إذا تعبان روح نام بغرفة الضيوف .. آنا شذنبي اتمرمر معاك
ينظر لها مكسور الخاطر
يقلب على الجنب الثاني يستغفر الله وينام

**********


منتي كفو

تقف أمام المرآة .. تتزين ... تبتسم برضا عن شكلها .. تأخذ حقيبتها... تهم بالخروج ... يدخل هو
هو : يه يه يه .. شهالزين
هي : مشكور ... آنا طالعه .. تبي شي
هو : وين يبا عطيني وي ... تعالي خل أشوف شلابسه
يحاول ان يحضنها
هي : وييييييييه .. ياحبك حق التلزق ... لا تعفس ثيابي بس واللي يعافيك
هو : الحين آنا لمتي بتعفس ثيابج
هي : بس .. لقيت شي تناجرني عليه قبل لا أطلع
ينظر لها .. بعتب
هو : روحي يبا ... لا نعفس ثيابج ولا نبي لمتج
هي : وه وفرت
تخرج



**********



يا خسارة العمر فيج

عيد ميلادها.... تكتئب ... احساسها بالكبر يطغى على احساسها بالنعم اللي حواليها... بيت وزوج صالح وعيال مثل الورد .... تختلي بغرفتها
يدخل هو وأبناءه ... مبتسمين ... محملين بالهدايا والورود
الأبناء : كل عام وإنتي بخير يمه
هو : كل عام وانتي بخير حبيبتي ... بعد عمري
يقبلها على رأسها
ترفع رأسها باحباط
الأبناء : يالله يمه ... فتحي هدية ابوي
تسحب الهدية من يده
تفتح ورق التغليف
تنظر للهدية بعدم رضا
هي : عطر!!
هو : ادري مو من قدرج حبيبتي ... بس إن شاء الله ربي يقدرني جدام وتتعدل الظروف وأييب لج اللي بخاطرج
هي : مشكور ......... واهي لاوية بوزها
تضع العطر على جنب تأخذ جهاز التلفزيون وتغير القناة


********



حرمت أحبك

ويك اند... تجلس في فراشها ... مرتدية بيجامتها القطنية المفضلة واللي رايح لونها وذات العمر الترليوني
تسمع صوت سيارته ... ثم باب المدخل يفتح

هي : اففف ... هذا شيللي رده مبجر من الديوانية
يدخل مبتسما
هو : حبيبتي مو نايمه ... ناطرتني؟؟
تنظر له من غير جواب
هو : تدرين راجع مبجر عشانج .. صح
يقترب منها
هي : اوووووه ... واللي يعافيك وخر عني ريحتج زجاير
هو : بعد قلبي ... آسف ....ثواني اتشور وأرجع لج

يغيب ..............

تسكر اللاب توب .... وتطفيء النور
يقترب منها وعطره يعلن عن وجوده
هو : نمتي؟؟
تصد عنه
هي : نمت ... تعبانه
يـتأفف
هو : ويلومونا لين خربطنا .......نامي .. ابرك



**********



سلم قلبه ... صج بقراطيسها

هي عروس جديدة ... صغيره وجميله وقليلة الخبرة ... تجلس أمامه بخجل ...
هو فرح بعروسه .... يحاول أن يسقيها الدلال ويطعمها الغنج باعتدال

هو : حبيبتي شنو طلبتي اباتايزر
هي : ربيان ........ وهي مستحيه
ينظر لها بافتتان وبنظرة ذات معني
هو : ايه السي فود زين
تحمر وجنتاها بخجل ....... يصل طلبها
@@ ياخرابي الربيان مو مقشر.... شلون بقشره
تجلس من دون حراك والإحراج يقتلها
ينظر اليها
هو : ليش ما تاكلين
هي : هااا ... الحين ...
تلتقط الشوكه والسكين ... تتباصر بالربيانه شلون تقشرها وتهم بمعالجة الموضوع
تندمج ....... تنفعل ...... تتصارع

وشوووووووووووووووووووووووو
وتحلق الربيانه عااااااااااليا لتسقط بحضن الحبيب
تخنفها العبره

هي : آنا ما احب الربيان

هناك 51 تعليقًا:

Blog 3amty يقول...

وين الفجل !

فريج سعود يقول...

مرتدية بيجامتها القطنية المفضلة واللي رايح لونها وذات العمر الترليوني


اييييييه هذا شعار الكويتيات يكشخون حق المجمعات وحق التلح الي بالبيت يلبسون له بيجاما مو كلهم بس
99%
ما بردتي قلبي وايد رهيّفة وياهم لا تجاملينهم

سيري ونحن من ورائك

secret يقول...

ابـــــــداع :)

و عناوين القصص تعجبني أكثر
تدرين بعد ذويق

بس بصراحة دقيقة .. اللي كتبتي قليلة الخبرة و ما كتبتي عديمة الخبرة .. ولا شحقه ربيان و تحمر وجنتاها بخجل

:)

قلب طفله يقول...

@@

شنووو هالحرررررريم

خل يخفوون شوي من هالرومنسيه

المعجونه بعساره و نكد :(

الزين اذا في حريم جذي عيل ما

نلوم الريال اللي يخربط :@

العروس تينن لوووووول

تسلم ايدج :)

5roofa يقول...

لووووووووووول ياعمري كسرت خاطري اخر وحده

و الي يابلها الهدية مال يبلهاااا خيشه بصل

لالا واااي الزواج تره قام يرحنيي زوزو لووول

امبي تره صج في حريم ما يستاهلون

تخيلي في وحده بالمدرسة كله تي تحلطم تقول مو قادره اتحمله وايد رومنسي

و المدرسات يكمون عليها و يتحسرون على عمرهم

بالله هذي حاله و يقولون ليش ما نتزوج لووول

p;

جنه هالايام وايد اتحلطم عندج

احم

مشكورة خيتوو

salamz swetee...

Super Woman يقول...

يحرون !!

قل سنع

!!


بوست عاقد نونته

why me يقول...

لوووووووووووووووووول

اخر وحده راعية الربيان هذي فلم



خوش بوست :)




عاد اتوقعين صج في حريم جذي يعاملون رياييلهم ؟؟





اللي اعرفه ان احنا مساكين اندور الحب و مو محصلين بعد

لول

Fskra يقول...

hehehe a7laa shay eL 3ros eL ydeda :P

hbla b3d ya7lilha :P

الزين يقول...

بلوق عمتي

ليش احنا اتفقنا على فجل؟؟؟

الزين يقول...

فريج سعود

يا عيني عنهم هالتلح اللي مطنشينهم
انزين آنا عندي سؤال

ولا تدري هونت

حرام عليك كل هذا ورهيفه
آنا يبت عاليهم واطيهم
ولا يعني لازم اشمر عن ذرعاني واطيح فيهم بوكسات

:)

ايه نعم الى الأمام
اهم شي انك معاي
يعني السالفه فيها طلعة حداق

:))

الزين يقول...

سيكرت

:)

ما تقصر يا طويل العمر
ايه نعم انت حيل ذويق

مبين من الآنسات اللي تستضيفهم عندك في كل بوست

ليش اكو وحده الحين عديمة الخبرة
@@

خلك مليح يابويا

الزين يقول...

قلب طفلة

شفتيهم

مو حرام ينحسبون علينا
وترى صج في رياييل لين خربطوا لا تلومينهم

العروس تحفه يا عيني عينها

:)

الزين يقول...

خروفه

اقول خروفه
تعرفين المثل اللي يقول يدي الحلأ للي بلا ودان

قوليه حق صاحبتج

:)

الزين يقول...

شلالات

وانتي بعد عاقدة نونتج

:))))

بعدي والله هالنونه الحلوة

ما ننكر ان في حريم مو مسنعين
والرك على البيت اللي يايه منه
والريل اللي يعرف يمشيها صح

ايييييييييه
دنيا

الزين يقول...

why me

يازين هالضحكه
ربي يدومها عليج يا عسل

اكو ايه اكو

انتي قعدي مع متزوجات يومين وتختربين

كلهم كانوا يدورون الحب
يختج من يشبعون يصيرون نسور

اصلا انا عندي سوالف سامعتها واعرف اصحابها

لو اكتبها يمكن انطق

طااااااف

الزين يقول...

فسكرة

@@

ليش هبله
يعني اهي ما تعمدت تطير الربيانه مسكينه

موقف محرج وانحطت فيه
لاحظي بس اني قاعده ادافع عنها

:)

Shather يقول...

اشفييها دعله صايره :P

:( وعليه كسر خاطري هالمسكين عيز و اهو يحاول فيها

الوتين يقول...

وايد حلو احس حالات واقعية
بس انا الي مضيق خلقي ان اذا الريال زين مع المرأة صارت اهي لعينة و ما تستاهل و اذا اهي زينة الريال فيه مليون عيب و ما يقدر!!!!!!!!!!!!
ياربي و بعدييين شهالحالة ؟؟؟؟؟؟؟؟؟؟؟ شنو الحل مادري ؟؟؟ متى بتضبط المعادلة مادري؟؟؟
سوري على التحلطم

lawyer يقول...

ويييييييييييييييييييييييع

كل وحده اررررررررررردى من الثانيه

مااااااااااال طراقااااات هالحريم

عوووووور قلبي الي يشاااااااااخر

قليله الادب اجرررحت مشاعره


يااااااااااربي زيون من يبتاااااااااااي هالنمااااااااااااايل

بتبردين حره القراااااء
لااااا لا يرفعون الظغط

غير معرف يقول...

يمعوده قاعد ادور والقصص _ تبعولك _ مخليتني اتردد زود

le linguiste يقول...

أمثلة واقعية وتعكس شخصية الزوجين .
النقل وتركيب الجمل ابداع, يالزين

غير معرف يقول...

زين تسوين بالهريم..فشلة..بس صراحة بدعتي فيهم..لكن هذا واقع..

مايكسر خاطري الا الرياييل:)

المشكلة الرأة الكويتية بالذات تمر بعدة مراحل تطورية..
المرحلة الاولى قبل الزواج وخلال فترة الخطبة .. سنع وفل ميك أب ونظاااافة..وكشخة..ولبس ماركات..وفلوسها كلها تروح على الجناط والجواتي وكلة طايحتلة بالصالحية علشان تترس عينة بعد..

المرحلة الثانية بعد الملجة..تلقينها ميك أب مال الصبح ما غيرتة..جوتي يفشل..ألوان مو متناسقة..وعادي عادي على بو انها تعبانة وتوها راجعة من الدوام تطلع وياه بالشكل هذا..

ولي قلتيلها من صجج وين الكشخة؟
ترد وتقول..خل يحمد ربة..مو يبيني خل يشوفني بوضعي العادي:)

وطبعا المرحلة الثالثة بعد العرس (الدخلة عند اخوانا المصريين ): بجامة خاكي..والشعر كشة..ولا نقطة ميك أب بويها..ولو تربي شنب أقسم إنها بوعوف:)

وطبعا بعد الياهل الاول غير وبعد كوكش اليهال غير بعد..

وبعد 20 سنة زواج يتغير إسمها من أم جاسم إلى بو فرج ويخب عليها

ودمتم سالمين

Eng_Q8 يقول...

الله لا يرزقنا بوحده منهم

ويقولون ليش تتزوجون من بره الديره

why me يقول...

بعد عمري انتي :))


وييييييي لا لا يحوشك ماني قاعده ويا المتزوجات مابي اخترب


ابي اعيش الرومانسيه :))

Najmah يقول...

انزين لا يصيرون رومانسيات بس خل يصيرون سنعات عالاقل
!!
انا ماحب ريـال يندقر
!
طبعا حتى البنت ماارضى تندقر :)
بس قلة ادب البنت ماتحترم ريلها ولا تقدره
يكشخون حق رفيجاتهم ولسانهم عسل معاهم
ورياييلهم مكشرين بويههم وماتطلع منهم كلمة سنعة
وبعدين بيني وبينج
البنات كل وحدة تقارن ريلها برياييل صديقاتها
ماتصدق تلقى صفة مو موجودة فيه تطلع فيه الف عيب وعيب
انزين شدعوه مافي احد كامل
واذا فقدتي شي يعوضج عنه الف شي
ترى الله يعينهم
بس آخر وحدة
لوووووووووووووووول صج كسرت خاطري
تكبر وتنسى
:Pp

الخيلاء يقول...

يبطون الجبد شنو هذا .. ذابحتهم الرومانسيه و السنع ..

اما اخر وحده لوول شالله حادها جان طلبت شي بنزرط لول

sologa-bologa يقول...

ههههههههه
:)


أشوة مو بس الرياييل مو رومانسيين
أحب العدالة في الطرح

الله يغربل ابليسها اللي قالت مكينة طراد.. يمكن فيه لحمية

الزين يقول...

شذر

@@

منهي بالضبط اللي دعلة
؟؟

الزين يقول...

الوتين

تضبط حبيبتي تضبط

الدنيا مو كلها سوده ولا كلها بيضا

فيها بعد الوان ثانية

واخذي راحتج بالتحلطم
صيف وحر
شورانا

:)

الزين يقول...

لوير

مبين ضغطج حيل مرتفع

الله يعينج

:)

الزين يقول...

غير معرف

:)))

لا يا معود لا تقطها علي
احنا بي نبين جزء صغير من الواقع
بس في اشياء واااايد اجمل

طول بالك
ولا تبطل تدور
واذا حصلت علمني
عشان اروح افحصها لك مع الوالده

:)

حيا الله فلان

الزين يقول...

le linguiste

يسعدني وجودك وحياك الله بمدونتي
اول زياره واتمنى ما تكون الأخيره

:)

الزين يقول...

والموت يعشق

انتي
وايد
متحاملة
على
بنات
جنسج

وااااايد
مو شوية
:)

ليش يا قلبي
صدقيني هالنماذج اللي ذكرتيها مو كل الواقع
اكو حريم حظيظ اللي ياخذهم ومسعد اللي يتمتع بقربهم

لا تحصرين نظرتج بوحده ولا ثنتين
ترى اهم مو قاعدة

:)

حياج الله ابوي

الزين يقول...

مهندسنا

:$

وانت شكلك تبي الشاره
يعني تعتقد بنت الغريب بتظفك وتسعدك احسن من بنت ديرك

خيرتها تاخذ اللي وراك ودونك وتنحاش بعيالج
وتخليك تندب حظك لين يطلع لك شعر بعيونج

تلفت حواليك
منو ماخذ غير كويتيه ومرتاح
او حتى طولت معاه

الا ما ندر

وحلاة الثوب رقعته منه وفيه يا ولد عمي

والقصص اللي قلناهم ما نعممهم ولا هم قاعدة

ولا جان حتى احنا يا بنات الكويت قلنا عوووع
شيللي يحدنا
قاعدين مرتاحين في بيوت اهالينا معززين مكرمين ومعاشاتنا لنا وبلا عوار راس

بس هل هذا صح
ما اعتقد

الله يرزقك في بنت الحلال اللي تفر راسك وتعلمك ان مالك الا الجلحه الملحة صاحبة المموش

:)))))

سلاام

الزين يقول...

واااي مي

ايه زين تسوين

عيشيها حتى الثماله

:))

لؤلؤة يقول...

يالله السلامة
يعني الحين نساوينا رياييل وحريم
فيه وفيه....عفية الزين نصيرة المرأة:)

صقر قريش يقول...

زين سويتي ولو انج هم جاملتي شوية بس بس هم بردتي جبدي شوية:)

ماسوت على المسيجين يبي ينام تقومه من عز نومه خل تحط له قطن وتفتك:).


لو آنا منه اعفس ثيابها واخرب مكياجها نحاسة ياي كله شوق وحنان وهي معطيته بولباس المفروض العكس:).

اي والله ياخسارة العمر فيها مابين بعينها ياخي لو آنا مكانه اخذ العطر
واحذفه عليها:)

اي والله يلومونهم لي خربطوا هم الي يشجعونهم على هالشي :)

هذي احسنهم ولي طاح الربيان على الدشداشة عسل دامه من الخجل:) لكن
قلة خبرتها خلتها تطلب شي ماتحبه ولاهي تبي ترقع طيحة الربيان عليه:).

خلاص بس بحطها براسج اختي بطلع هالقصص عشان مايزوجني ابوي تراه ذبحني من الحنه
يزاج الله خير ساعدتيني .

موضوع ممتع كالعادة اختي الزين شكرا على هالموضوع.

غير معرف يقول...

وااااي خنقتني العبره وانا اقرا
بس اخر وحده غيرت المود... وزينها وايها متوهقه :)

بس صج مثل ما علقت الوتين

يا كثر ما نشوف بنات يهبلون وازواجهم استغفر الله
وإلا رياييل اشزينهم وحريمهم الله يزيد النعمه
نااااادر نااااادر ما تلقين اثنينهم زينين

elq87obi يقول...

ههههههههه يتروالي اغلب البنات الكويت او الحريم مالهم خلق رياييلهم و ما يعطونهم ويه و الضحكة مع رفيجاتهم و العالم وي توصل لي وين و اذا ما عطاهم ريلهم ويه قالوا شوفوا مهند ونور ما يصيرون اهمه مثل نور عشان ريلهم يصير مهند لووول

غير معرف يقول...

اتمنى زيارتج لمدونتي تقرين البوست الديد ويعجبج:)

Shather يقول...

zayyon الشخصيه :X

الزين يقول...

نجمة

إنتي قلتيها
مافي أحد كامل
والوحده منا لما تقدم على خطوة كبيرة مثل الزواج لازم تفهم انه مو فيلم رومانسي ومو كل شي على هواها

وانها بتاخذ باكيج كامل فيه العيوب والمميزات

لازم تحبه وتحترمه كله على بعضه
تحاول تصلح فيه
تطوعه وتعلمه على طبعها ونفس الشي اهي مطلوب منها

منتي قد هذا كله لا تتزوجين
تعبانه من اعباء الحياة لا تييبين عيال تعتلين فيهم وما تعرفين تربينهم

بس احنا بالكويت عندنا كل شي على البركه بدون تخطيط

تييب عيال لأنها متزوجه مو لأن اهي لها رغبة بالعيال
وتالي تقطهم على الخدم
واستلمي من قلة السنع والتربيه

الحجي بهالموضوع يطول
والطرفين ملامين على اي فشل يصادفهم بحياتهم

:)

ولا انتي شرايج

الزين يقول...

الخيلاء

هدي اعصابج
ترى كلها قصص

:)

بعد قلبي انتي

الزين يقول...

سلوقا بلوقا

:)

ترى انا مستانسه وايد
تعليقك فرحني

شتشرب قهوة شاي عصير
:))

شفت شلون
اكو حريم ما يطوفون ولا يحشمون
واكو طراريد وايد
ههه
اقصد رياييل وايد مأذيتهم اللحمية يا عيني

:)))

الزين يقول...

صقر قريش

والله حرام عليك
ما جاملت كلش
بالعكس طلعت الحريم نسور ولا يخافون الله برياييلهم

انتوا شايلين على صنف الحريم حيل
بعرف بس شلون تبي تتزوج اونت ودك تكفخ فيهم

لايا معود خلك جذيه وارحم بنات الناس

اقول بو عبدالله
انا يبي لي اقعد مع الوالد وافر راسه عليك
:)))

دير بالك
ترى انا شدية الإقناع
يعني رحت فييييييييها

شكرا لوجودك وتواصلك يالشيخ

الزين يقول...

والموت يعشق

غالي والطلب رخيص

:)

الزين يقول...

شذر

كلهم يبطون الجبد شذور

الزين يقول...

غير معرف

سوري سقط سهوا وخطرت تعليقك

:)
منك السموحه

صاجه ياوخيتي
والخافي اعظم

وحياج الله

الزين يقول...

elq87obi

اول شي حياك الله بمدونتي

ثاني شي انا ما اشوف التي في فما ادري شنو تسوي نور حق مهند

بس آنا لو عندي مهند اكيد بعامله غير

إذا بمشي على نفس التفكير اللي يفكرون فيه الناس هالأيام

المشكله الموضوع صاير الحين كله معلق على الشكل

وهالقاعده سارية على الطرفين
لا نجذب على روحنا ونقول لأ

هذا اللي حاصل

فلا تلوم الرياييل
ولا تحط على الحريم

والطيور على اشباهها تقع
ولا اقول لك

الطيبون للطيبات
والخبيثون للخبيثات

واحسبها انت عاد

:))

وساعة المباركة

غير معرف يقول...

اي والله في نسوان يبطون الجبد بس مو كلهم

حرام تظلمون

انا متزوجة وعسل احم ..

بس ساعات احس ان الرجال ما يملي عينهم شي ..


تحياتي : بحرينية دلوعة و أمورة

غير معرف يقول...

الرجال لو شنو نسوي لهم بعد بنطلع مقصرين ...