.

تحذير : هذه المدونة تخضع لقانون حماية حقوق الملكية الفكرية ونحذر من نشر أو نقل أي نص أو مقال للكاتبة.. دون نسبه للمؤلفة.. في أي وسيلة

19.7.08

استراحة بحرية...... :)

الزين : تروح الحداق
هو : همممم ... جيكتي على الجو
الزين : يس
هو : خلاص بس على الأربع نكون بشرق
الزين : صار










من هنا انطلقنا


الهوى كان حار شوية

حد الدووووسه


وقفنا عند القفص نحدق
شوفوا الكويت شحلوها من البحر



غروب الشمس كان رائع والجو مو طبيعي


ما قدرت اكمل التصوير ظلمت الدنيا والموبايل ما فيه فلاش
بس نزلوا تحت وشوفوا الصيد
1
2
3




شوفوا الشاب اللطيف (القبقب)
هذا انا صايدته
هههههه
وعقب القبقب قلت خلاص مالي نصيب
تمددت اطالع القمرة
تييني مسج من شخص عزيز
وانوي قطة الخيط الياية باسمه
شوفوا شنو صدت






:))))))
لخمـــــــــــة
اما انا صرخت صرخه وخذفت الخيط
بس ما قصر النوخذة اللي معاي


الحين انا عندي سؤال

شنو تفسير اللخمة
تهقون فال زين؟؟؟؟





همسة : فالك طيب ;)




هناك 59 تعليقًا:

DiLLi O MiLLi يقول...

الله ياااا الزين ... أشهالحداق الزين
:)
نويبي وشعري .. ولا قرقفان
نويبي أكيد حداق الركسه
وجنه الجو خواهر
عليييج بألف عااااافيه

بس اللخمه عمرهااااا ما صااارت هههههههه
:)

secret يقول...

تفسير اللخمة يعتمد على الحدّاق :)

بصراحة البوست حلو بس ولهت على حواراااتج يالزين

و ما قلتي منو صاد بطل الماي

:)

Ducati يقول...

يا الحلات الطلعه الي على السريع جذي

مو احنا نقعد ساعتين نخطط واخر شي نقعد بالبيت لوول

ذكرتينا بأيام الحداق ايييه الكبر شين

بالعافيه عليج :)

الزين يقول...

ديللي وميللي

هلا وغلا
بعد قلبي انتي رجعتي لو بعدج مسافرة

شفتي الصيد عجيب
والجو يار ديللي كان رااااااائع
خيال

ما كأنج بالكويت شهر سبعه

اما المكان فكان شوية جبال القفص وتالي الحيشان

:)
واللخمة كانت مفاجأة الرحلة

الله ياهي شيطانه

والله انا قلت سبيطي
شلون تلهم وتسحب الخيط على هدوء
وتالي تمت تسحب
قلت لاااااا هذا سبيطي
واسحبها بالراخه

وطلت اهي مع ويها اللي يخرع
صرت صرخة

اخترعت
بس يت سليمه

كان لها النوخذه بالمرصاد

:))


بس كانت خوش طلعه

الزين يقول...

سيكرت

يعني افسر براحتي

:)

ان شاء الله تامر امر
راح انزل لك حوار

ولا يهمك

الزين يقول...

سيكرت

:))))

نسيت اقول لك

البطل هذا لقينا بعضاعض القبقب

بس اللي فيه مو ماي

الشيطان

:)

شكله محلي

ولا اكو قبقب ينصاد بخيط غير مولي

`~MnO YeNSa! ~` يقول...

way shwagtniiii

3leech bel 3fyaaa :**

مُحَسّدْ يقول...

لقطة الغروب رائعة

غير معرف يقول...

القبقب واللخمة فلم هههههههههههه

بس اتصدقين؟ اجمل شكل للخمة سبحان الله ارتيستك
عليكم بالعافية وبانتظار الكلاكيتات =)

محـــــارة يقول...

بالعافيه يالغاليه .. شدعوه لا عزيمه لا شيء بقعدتنا خلينا نمزمز جم سميجه أنا وياج وثالثتنا الغاليه ربي يردها لنا بالسلامه :)

عسى دوم طالعه وحادقه ومستمتعه يالغاليه

why me يقول...

لووول وناسه

:)

DiLLi O MiLLi يقول...

لا أنا للحين مسافرة .. سفرتي مدتها شهر

:)

ShLaLaT يقول...

شووووووووووقتيني



اللخمه يعني ناااااااويلج على نيه


:)




شدراني !!
بس قبقبج ليش اسود يا حافظ ؟؟
اكيد طاقته شمسنا الحنانيه :) ما قصرت فيه

Blog 3amty يقول...

الحيشان ولا الدفان !

خوش شعوم ونويبية !

اليوم انا عازم نفسي على أمرقة ؟

متى يطيح غداكم ؟

Shather يقول...

zayyooooon

المره اليايه اخذيني معاج خليني اشوف فالي :P
زين ما تطلعلي حيه بحريه وو الا قنفذ على قولة بعض الناس

darkness يقول...

صبحج الله بالخير

وااااي

شلون لج مقاقه

:(

لا و المايه فيها سحيه شكلها

ما دختي؟؟

انما سالفة القبقب و اللخمه

شي

طلعتي محترفه

ههههههههههه

:))

اي و لو سمحتي صلحو عدل مو تعطوني واحد خربان و الا ناقص و الا ما يشتغل

p;

JooJ o MaJooJ يقول...

واااي خفطينه والله منتي هينة خووش صيد...أنا ماعرف أحدق :(
و اللخمة يعني إبيطلعلج بيت بالينه :p
جووج

charisma يقول...

صبااح الورد ياايه ولهاانه جاان تلفحنى ريحت الزفره من الصبح زيوون
ههههههههههه ما احب الزفره
://

انا تطلع لى ميده اقط الخيط لو تطلع لى لخمه شصير فينى
;P

بس منظر البحر عجييب وخصوصا الغروب واو

وعلييج بالف عافيه
:**

lawyer يقول...

اخييييييييييييييييييييييه على الصور

عجيييييييييييبه

الغروووووووووب
رومانسي

والموت يعشق فجأه مثلي..والموت مثلي لايحب الإنتظار يقول...

يه يه يه ..طلعتي مو هينة ماشاءالله عليج

الزين يقول...

منو ينسى

يعافيج بعد قلبي

:)

الزين يقول...

محسد

تصور عاد وانت هناك بهالهدوء
وما تسمع غير صوت الموي وحدته على الطراد

والهوى كان مو طبيعي براد ما كأنك بالكويت
وتشوف هالمنظر

احساس بالرضا والسلام شي مو طبيعي

الزين يقول...

غير معرف

ههههههههه

الفيلم شكلي لما سحبت الخيط وطلعت لي

اول مره احس اني خوافه
فيلم رعب ما تصدقين

:))

يعافيج ابوي
والكلاكيتات بالطريج

الزين يقول...

محارة

واااااااااي محارة

ترى آنا ضايعه من سافرت
من صجي
فاقدتها وايد

وشكلي بصيح الحين

الله يسلمج حبيبة قلبي يا محارتي

:**

الزين يقول...

واي مي

:)

قمة الوناسه
الهدوء النفسي والإسترخاء مو طبيعي

الزين يقول...

ديللي وميللي

ياااا بعدهم
ومتابعتني من برة

الله لا يخليني من طلاتج يالغالية

ويحفظج ويسمح دربج ويرجعج سالمة غانمة

:**

الزين يقول...

شلالات

:)

تهقين ناوي لي على نية
الله يستر

مو اسود شزينه
بعدين هذا ذكر مو نثية
النثية اهي اللي لونها فاتح
وطعمها انطع
:)

مثلي ومثلج يعني

:)))

الزين يقول...

بلوق عمتي

الحيشان

حياك الله وساعة المباركه
وغدانا يطيح بالأربع

:)

ننطرك مو تبطي

Kuw_Son يقول...

لوووووووووووول ... لخمة

الربع في الديوانية لا بغوا يضغطون واحد قالوا عنه لخمة ههههههه


بدعتي :)

الزين يقول...

شذر

:)))

انتي شيطاااااااانة
وتتحرشين

الزين يقول...

داركنس

مساج الله بالنور والسرور

بالعكس اللي متعود على البحر ما عنده مشكله

وبيني وبنج شوي افتر راسي تالي الليل
انسدحت وجابلت القمر والآي بود تسليني

والجو ولا احلى من هيك


ولا تخافين بنعطيج واحد بقراطيسه
شتبين بعد

:**

الزين يقول...

كاريزما

مسائج فل وياسمين

ياربي شسوي انا زفرة
تصدقين تيين ايام اوله على ريحة الحداق والييم

:$

تهقين انا صاحية

شششششش

لا تفشيلنا
الميد ما يصيدونه بالخيط

يعافيج ابوي انتي

:**

الزين يقول...

كاريزما

مسائج فل وياسمين

ياربي شسوي انا زفرة
تصدقين تيين ايام اوله على ريحة الحداق والييم

:$

تهقين انا صاحية

شششششش

لا تفشيلنا
الميد ما يصيدونه بالخيط

يعافيج ابوي انتي

:**

الزين يقول...

لوير

بالفعل كان حلو وايد الغروب

:)

الزين يقول...

والموت يعشق

شفتي شلون
كلللللش ماني هينة

:)

الزين يقول...

كويت سن

وحياتك لخمة
شعرض ويها
خرعتني لا باركت فيها

:)

فريج سعود يقول...

يه يه يه
شالطلعة الحلوة والصيد الاحلى خصوصا اللخمة
لا تظلمونها اللخمة في الحلم تعني شخص طيب حتى سألوا اي مفسر احلام مصري
عبالي انتي حاطة البطل متعمدة علشان نعرف حجم السمك قلت شنو هالذكاء النابع من فيلم بونز كوليكتر
طلع البطل بطل الحبيب القبقب
دام طالعين ويك اند اكيد بتصيدون قبقب سكران ولخمة لايثة روحوا ايام الاسبوع وانتوا تصيدون سبيطي توه طالع من الدوام

U-Turn يقول...

اللـــــــــه ليش ما عزمتيني أبيي :]

وااااااااي حده ودي أروح الحداق

بس مشاء الله خوش صيد :p
وخاصه القبقب

أما اللخمه هاذي سالفه ثانيه:p
والله شكلها يخرع وينها ووين الفال الزيين :]


آخر مره تروحيين وما تعزميني :p

يعطييكم العافيه انتي والنوخذه
وسعتوا صدورنا :]

charisma يقول...

لووووووووووووووووووووووووول
وااى مت مت مت ضحك
اتحسيييييييييين الحداق بدمى

اى صح صح الميد ينصادبالطاروف

( ترى استعنت بصديق قششونى ههههههه اتصلت على ديللى ماتت ضحك )

كيفكم لازم اتعلمونى

سورى مو نو انقلش مو نو انقلش مى ذس عاد زيون

P:

:**

the.thinker يقول...

يه يه يه .. شنو هالزين يالزين :)

مو هينه والله ؛) تسلم ايدج .. بس قولي الصج أكيد صايدنه ولا شارينه من السوق قبل لا ادشون ^_^


يعطيج العافية

5roofa يقول...

وااااي ونااااااااااااسه

شلون ابي اروح احدق؟؟؟

عمري مو رايحه شلون يروحون؟ يصير ااجر طراد و اروح بروحي؟؟؟؟

شوقتينييييييييييييييييي


بالعافيه عليكم


salamz 7elwa....

kuwaitya_7saweya يقول...

لا خوش صيد
بس الغروب حده حلو :)

الزين يقول...

فريج سعود

شمعنى مفسر مصري؟؟؟

شوف البطل داء ودوى
وانت عاد فجج وفسرها

ايه ايه انا اقلد انجلينا
ما اصلح؟؟؟

حلاته نصيد سبيطي مداوم
او هامور طالع من شفت العصر

مو جذيه السالفة
السالفة ان العالم كلهم باجازات
يعني محد مداوم الا آنا

:$

والعالم شخري

الزين يقول...

يو تيرن

:))

انا شكلي بسوي طلعة جماعية حق كل البلوقرز

الكل تشوق ويبي يطلع
والكل تشره ليش ما عزمتهم

تهقين اللخمة مو فال زين

فريج سعود يقول يعين شخص طيب
وبلوق عمتي يقول يعني شخص صبور

وانا اقول حظ مولي
اقصد بالصيد

:q


يعافيج ويطول لي عمرج

:*

الزين يقول...

كاريزما

:)
اللي قششتج صاجه
طاروف او كراف
وساعات سالية
يا معدودة اشوة انج ما قلتي زبيدية
جان الفضيحه اكبر
وانتي الله يهديج سيده ميده
ضربي على شي اكبر

:)

قنوعة اسم الله عليج

نعلمج ليش ما نعلج
نعطيح درس بالحداقيشن

:))))

الزين يقول...

المفكر

لا صايدينه صايدينه
يبين من الخلط
وبعيدن شوفه فرش

وبالحداق انا خوش وحده
بس لا تطلع لي لخمة ولا يريور

الزين يقول...

خروفة

:)

اعتقد في ناس تطلعج الحداق بمبلغ معين
بس شلون تطلعين بروحج
ما يصير

لازم وياج احد من اهلج

الزين يقول...

كويتية حساوية

يه يه يه

غبت عني والشوق جابك

وين كنتي منخشه

:)

Q8-MaNaL يقول...

صورة الغروب روعة

تسلم إيدج :)

الزين يقول...

منال الكويت

يسلم عمرج يارب

:*

Salah يقول...

عليكم بالعافية

خوش صور

:)

AK-47 يقول...

انا اقول اللخمة فال طيب لأنهامعروفة بالجلد الجميل والمضيء وناس يسمونها ام اللؤلؤ بس مو بالكويت وفوق هذا عندها قوة تحمل .

charisma يقول...

هههههههههه
زيون انتى ما فهمتينى
انا ضربت على الحجم وهذا الى يا فى بالى
لخمه شكبرها فقلت لو ميده هم تخرعنى

:))) ما فكرت الا بالحجم زين ما قلت زوريه
ههههههههه
ترى بديت اتسيخف ههههههه
امون زيون صح؟؟
:*

الزين يقول...

صلاح

الله يعافيك يارب

:)

الزين يقول...

منال الكويت

يا حيا الشيخة

تصدقين عاد الصورة انقلت بس ربع جمال المنظر

لأني كان عجيب لدرجة اني صفنت لين غابت الشمس كلش

:*

الزين يقول...

AK-47

:)

طمنتني

وحياك الله بمدونة الزين وساعة المباركه

مشكور على المعلومة الطيبة

الزين يقول...

كاريزما

تمون انت تمون يا نظر لعيون

اذا انتي ما تمونين عيل منو يمون

:**

طيوبة القلب يقول...

ياحلوالكويت ويازين اهلها..
وربي مشتاقة لها...
وبلييييزكثري من هالاستراحات؟؟؟

قلم حبر يقول...

لووووووووووووووووووووول
شي عجيب طبعا فال زين اشلون واللخمة بالقاع ماشالله حده فال زين :)انشالله طبعا