.

تحذير : هذه المدونة تخضع لقانون حماية حقوق الملكية الفكرية ونحذر من نشر أو نقل أي نص أو مقال للكاتبة.. دون نسبه للمؤلفة.. في أي وسيلة

13.7.08

زوجي العزيز ..... أنت رومانسي جدا




مزاج حدّاق


المكان : المركز العلمي .... الإكويريام


تتأبط ذراعه ... فرحة بمرافقته لها مع الأطفال .. احساسها بأنهم اسرة سعيده وزوجها رجل لا بأس به يطغى على إحساسها بزحمة المكان .... الأطفال يثبون من حوض للأخر فرحين مستمتعين بالأجواء

هي : حبيبي صورني هنيه يم هالحوض
ينظر اليها بتردد .... ثم يخضع لطلبها .. يأخذ الكاميرا
تتهيأ ... وتبتسم له بغنج
فلاش .........ينظر للصوره

هو : الله خوش صوره تصدقين
تهرول له فرحه
تأخذ الكاميرا الديجيتال ... تنظر للصور
@@
لم تكن سوي صورة الهامور اللي كان يسبح وراها بالحوض

هي : ويني آنا
هو : ما صورتج صراحه الهامور كان شكله عجيب فصورته اهو
تبتسم ... تبلع خيبة أملها وتكمل المسير




**********


رياااااال والنعم


هو : أم فلان
هي : هلا
هو : آنا عازمج على العشا
مو مصدقة وبتموت من الفرحه
هي : صج ... وين؟
هو : بعدين تعرفين ... يالله تجهزي


تحتار شتلبس ... مختبه ... تتزين وتتعطر
يخرجان ... يصلان للمطعم وتكتشف أن الطاوله لأربعة أشخاص


هي : ليش أربعة و إحنا اثنين
هو : ايه .. آنا عزمت فلان صاحبي وزوجته
هي : ليش ما قلت لي
هو : كاني قلت لج
تنظر له وهي مستاءة
هي : وشالمناسبه
هو : ماكو ... تراهنا على عشا واهو ربح
هي : @@ وشنو كان الرهان
هو : ههههه ... منو فينا يقدر يمشي كلمته على زوجته أكثر



**********



يا ظالمني :-(



تجلس إلى جانبه ... ملتهي بالتلفزيون ... يتنقل من قناة للأخرى
هي : فلان
دون إن يلتفت لها
هو : خير
هي : شرايك نسافر نغير جو آنا وانت من غير اليهال
هو : ليش ...
يقولها بدون انتباه
هي : ما تحس إن علاقتنا صارت رتيبة مملة شوي .. ونحتاج ننعشها
هو : شهالخرابيط .. انتي من وين تييبين هالحجي ...ما خرب تفكيرج إلا هالتلفزيون وهالكتب اللي تقرينها
تتفاجأ من ردة فعله ينكسر خاطرها وتسكت
القناة المصرية .... سمية الخشاب في احد المشاهد
هي : هاااا شوفي ... بالله عليج انتي ليش ما تصيرين و تسوين مثلها
@@



**********



تبغى الصدق أجذب عليك ... هذا عذرعشان أجيك

يصلون للسينما
يشترون التذاكر .... فيلم رعب
هو : انتي بالله عليج ما لقيتي الا هالفيلم
هي : حبيبي تدري فيني احب افلام الرعب ...
هو : امرنا لله
يشترون النفيش ويدخلون الصاله ويبتدئ الفيلم
صوت خرخشه النفيش واهو ياكل .... بيبسي ... نفيش ... بيبسي
تتوتر اجواء الفيلم
وفجأة ....
واااااااااااااااااااااااه
تقط روحها عليه من الخرعه
ترفع راسها
خخخخخخش .... خخخخخخخخخخش
هي : @@ ناااااااااااايم ......كل هالآكش والصريخ نايم
هو : هاااه شفيج حبيبتي شفيج ... خلص الفيلم
هي : لا ما خلص.... كمل نومتك


**********



نار حبك ولا جنة هلي


الصاحبة : وينك
هو : بالطريج حبي
الصاحبة : بتبات عندي الليله
هو : ايه قايل لهم ببات بالشاليه .... اشتقت لج بعد قلبي .... مو قادر اصبر لين اشوفج
هي : حتى آنا ... ما تصدق .... عقب البارحه ... ما غبت عن بالي كلش ...ناطرتك .. لا تطول
يغلق الخط ... يتأكد من الهدية اللي يمه يبتسم ممنيا نفسه بليله حمره مع الصاحبه
هي : الو بو فلان
هو : خير
هي : منت حادر من الشاليه
هو : ليش شعندكم
هي : ماكو بس اليوم عيد ميلادي وقلت نحتفل سوى
هو : هااااا .... ايه ايه ... الله يهداج خربتي المفاجأة ... كاني بالطريج
هي : بعد قلبي ... ادري فيك ما تنسى
يصل البيت تتلقاه بالأحضان والإحساس بالامتنان لأن ما نسى عيد ميلادها
هو : كل عام وانتي بخير بعد قلبي
تأخذ الكيس ويختلي هو مع الموبايل يكلم الصاحبة ويعتذر منها على الليله
تفتح أم فلان الهدية
عطر ... بودي لوشن .. باودر ... وكرت
تفتح الكرت
مشكوره على البارحه ....
@@ البارحة كان بايت بالشاليه
والعطر عندها منه اهو شاريه لها
يخرج من الغرفه
تخفي الكرت
هي : تتعشى حبيبي



هي نماذج بسيطة وليست بالضرورة قاعدة ...

:)

هناك 48 تعليقًا:

Manal يقول...

:)

قلتلج

الفي كتب وروايات

خيالج واسع والله

:)

بس يقول...

جداااااااااااااااااااااااا رومانسي حتى النخاع !!

الزين يقول...

منال الكويت

ياهلا ومرحبا

حبيبة قلبي ولهت عليج

سالفة الكتب والرويات في طور التنفيذ
والله يسهل

:**

الزين يقول...

بس

ههههههههه

شفتي شلون

آنا خيرتي بيسموني عدوة الرجل

الخيلاء يقول...

يحرون شنو هذا

الله لايبلينا و يعين هالبنات الي هذيل ريايلهم ..

بعد عمري كسرت خاطري اخر وحده
حبيبتي حسيتها مجروحه وتكابر

lawyer يقول...

خرااااااااااااااااااااااااااااااااا فيييييييييييييييييييييه اخر وااااااااااحد بط جبدي

نمااااااااااذج واقعيه

بسسسسسسسسسسسسسسسسس قهرني الاخير

وووووووووووووووووو الي مااااااااال سميووووووو خشاااااااااااب


توها تقووووووووووووووووولك خنساااااااااااافر نغير جو

يااااااااااااااااااااامحبطططططططططططط


ببببببطوووووووووووووووووووو جبدي هالنماذج اف
عسرووووووووووووني

شتان ماااااابين حلمج السابق و كابوووووس هالبوست

غير معرف يقول...

معقولة الرياييل جذيه يدقرون؟

احس ما استحمل لو احد يكلمني جذيه! ؟ ؟ ! شلون يرضون؟
الله يستر انا من زمان اقول ليه تزوجت باتطلق هههههه عسرة ما ابلع هالمواقف هههههه

الزين يقول...

الخيلاء

حدهم يحرون

ايه يعينهم الله

تحافظ على بيتها اكثر مما تكابر

:)

واللي مثلها وايد

الزين يقول...

لوير

:))))))

بس بس بس
هدي اعصابج

شكلي عفست المزاج بالمره


:)

اعوضج اياها في بوست احلى

الزين يقول...

غير معرف

:))))))

ذبحتيني ضحك
اسم الله عليج من الطلاق
الا اذا انتي حسامتها من البداية ومشينه النية

عسل وربي

:*

فريج سعود يقول...

اخر واحد اوفى خاين شفته بحياتي
الحين يخلى البيات عند الصاحبة علشان عيد ميلاد زوجتة
والله هنيالها فيه
عملة نادرة

Eng_Q8 يقول...

لووووووووووووووووول

ما ينلامون الرياييل مساكين

بس اول واحد عجيييييييييييب

الحمدلله مو متزوج والا جان حطيتيني معاهم عاد انا الرومانسيه مفارقتني

صقر قريش يقول...

هههههههه تدوينة مضحكة ومبكية في وقت واحد

الي صور الهامور ضحكني وايد حبه للحداق غلب حبه لزوجته المسكينة

اما الثاني زين على قد كلمته بس هم دقر زوجته مسكينه.

هالريال مايترس عينه إلا كلام انتصار الشراح في لولاكي(لا أصنك على عينك)مالقه إلا سمية الخشاب!! هذي بروحها لايعة جبدها لأن فؤاد الهاشم ميت عليها
ياجماعة ماكو على ام سعد بدرب الزلق:).

هذي سوت خوش حركة بس عشان تقط روحها عليه لكن هو (خارج نطاق التغطية) ههههههه انا خبري بالأفلام الرومانسية مو بالرعب :).

هذا قدر يطلع منها لكنه لوكان بيدي جان اعلوم جان قريتوا خبر مواطن يلاحق مواطن آخر بالعقال واجتازوا الكويت كلها ذهابا وايابا وانا طايح فيه تلسب:).

تدوينتج اختي اشوفها كله على الرياييل المساكين الحين منو ترضى فيني:(
تدرين باخذ موضوعج حجه على الوالد الي مصمم يزوجني غصب طيب وقاعد يستعمل كل وسائل الممكنة عشان اتزوج وآنا للحين أقول:لااااااء.

موضوع ممتع

Najmah يقول...

لاااااااااااا مو صج

انا قريت العنوان وحطيت ببالي شي ثااااني

ابييييه لااا لااا شنو هذاا

ولا آخر وااحد
لاااااا والله جنة اهلها ولا نار الخياانة
!!

هذا شنو ماعنده احساس
ماعنده ضمير

ماتخيل ماااتخيل في ناس جذي
وشلوون تتحمل شلوون

ابييه حدي احتريت
بس صج اكررره اكررره شي اسمه جذب وخيانة

Super Woman يقول...

اححححح يعور البوست


!!

لؤلؤة يقول...

بوست ممكن يكون واقعي حتى النخاع
-على قولتهم- :)
انا ويا منال....ابدعتي يا الزين :)

Shather يقول...

حررررنيي اخر وحده :@

و لول على (فريج سعود) .. شكله يازتله القصه

esTeKaNa يقول...

يا بعد قلبي قلبها
تضحك وتتغنج
واخر شي تتصور الهامورة؟
احسها بقلبها تقول:
ياريتني هامورة
:)
الاخير...
عسى ربي يصلحة
مثال جدا سئ
بس بما اني انسانه متفائله
اقول ما زال فيه امل
باجر ربج يهديه وينسى هالسوالف
وتصير مريته الدنيا بعينه
بس يبيلها صبر
وقوة
ودعاء
:)

why me يقول...

الزين



ظاق خلقي :((

5roofa يقول...

وااي انا لو منههاااااااا اسويها ليله سووده مع فلف احمر بعيييييييينه


امبييي لووول بس من الضحك على السينمااا المرة الي فاتت رحنا ولا ثنين يمناا يحليلهم يشووقوون

شوي بده الفلم الا نسمع شخير

ما نلف الا اهو مرته نايمين ياعمري

لوووووووووول غشينا من الضحك

بس لا اذا هذا الواقع مااااااااااااااابي

خليني باحلاميي على الاقل ما اندقر فيهاا

لوول

salamz sweetee....

محـــــارة يقول...

عجبني نقزات البوست لأن إسقاطات واقعيه ولو أنها كريهيه بس فيه منها

أخر بوست مادري ليش أنا خفت !!!

مرسي كثير كالعاده كتاباتج لها طعم مختلف

Fskra يقول...

a7dath sometimes t9er wayed these days !

59o9aan etha en3dmt el romancya

قلب طفله يقول...

رياييل مفارقتهم

الرومانسيه الا ما ندر

بس اخر واحد بط جبببدي و حرني

مسكينه مريته اللي تقص على نفسها

و الله نار العالم كله و لا جنته :@

تسلم ايدياتج زيون :)

mtfa2el يقول...

عاد عندي أمثلة واقعية اقوى
بس همن مو القاعدة ..مو الحين مهند و ربعه خربوا مخوخ الحريم

الزين يقول...

فريج سعود

:-O

انت عندك بوادر ظواهر دخيلة وما تصلح زوج من الحين اقول لك

هذا يبي له ذباح مو عملة نادرة
ومستفيد من الطرفين

اقول فريج خلني ساكته
بعدين تقول انا ضد الرجل
وتسوي لي سوالف غير نمومة

ونرد عليك
وتزعل
ونراضيك

قصة صارت

:))))

الزين يقول...

مهندسنا

;-)

يازت لك السالفه هااا

الحين منو اللي ما ينلام الرياييل لو الحريم

حرام عليك
اول واحد يزينه حتى انا عاجبني
ههههههههه
زفر اسم الله عليه

الرومانسية مفارقتك مفارقتك
لو في شوية مخشوش هنيه هناك

ماعليك لين صارت الصجية تطلع

:)

حيا الله مهندسنا

الزين يقول...

صقر قريش

واقع واااااقع
ما يبت شي من عندي

اللي صور الهامور على باله رايح الحداق

والثاني خوووووش ريال على الأقل اهي كسبت العشا

والثالث متناقض ويبي لي قرصه قويه

وبعد عيني عينها ام فيلم الرعب تبي العذر عشان تلصق فيه
بس وين
لا حياة لمن تنادي

والرابع ماله امان وصاحب بالين جذاب
هذا ما يحبهم اهم الأثنين
وحده واجهة اجتماعية وشريكه القرض والمصاريف وتربي له عياله

والثانية مزاجه ولياليه الحمره

لا والله حشا مو كله عن الرياييل
ترى انا منصفه حيل
ولما انتقد الرياييل عقبها لازم انزل بوست انتقد الحريم فيه
لا تستعجل على رزقك

كله بالطريج


يمه منك بتقطها علي
انا مالي شغل
روح تزوج الله يسهل امورك
ولا تنسى تعزمني على العرس

:)

يا حيا الله اخيي صقر
وساعة المباركه

Blog 3amty يقول...

زينو !

تدرين أن خيالج مو شغال إلاّ بنفحات رجالية، يعني لو أحنا يا الرياييل مو موجودين بحياتج جان ما صغتي هالرومنسيات :P

فــ

ومن باب العدالة والأمانة الأدبية، لازم تكتبين عن الحريم بعد موضوع بعنوان :

"زوجتي العزيزة ... ريحتج فجل !"

:P

الزين يقول...

نجمة

:$

بلا صج للأسف

اسم الله عليج من الحره مبين حدج محتره

طولي بالج

ترى مثل ما اكو الشين اكو بعد الزين

ما نعمم ولا نخليها قاعدة

:*

الزين يقول...

شلالات

:$

عيل البوست اللي عن الحريم شنو بتقولين عنه

صبري علي شوي

وكل من له من العوار نصيب

:))

الزين يقول...

لؤلؤة

ممكن يكون واقعي؟؟

اهو واقعي

:)

حياج الله بعد قلبي

الزين يقول...

شذر

:))

شفتيه انا حرني اهو اكثر من القصه

الزين يقول...

استكانه

ياحبي لج يا استكانه
تبسطين الأمور
وعاااادي عندج وحلوة الحياة

لو آآآنا
جان علوم

جان حرقت الأولي والتالي
:)))

خليني ساكته اخاف تخترعين مني

:**

الزين يقول...

why me

بعد قلبي اسم الله عليج من ضيقة الخلق

يعله بعدوينج

:*

الزين يقول...

خروفه

ايه ايه فلفل
والله طلعتي منتي هينه

:)

شورانا غير الأحلام

:*

الزين يقول...

محاره

آنا ادري ليش خفتي
:)

وللحديث بقية
تالي نتفاهم

:*

الزين يقول...

فسكرة

:)

الرومانسية ما تنعدم
تنام
وفينا نصحيها يا فسكره

:*

الزين يقول...

قلب طفلة

ساعات ظروف الحياة تخلينا نخضع للصكات
ومع هذا نوقف رافعين راسنا

شموخنا اهو الشي الوحيد اللي يخلينا نكمل
ولأسباب مختلفه
العيال والعمر اللي راح
وتفكر المسكينه لو خربت بيتها عشان نزوه وين تروح عقب

ما نقدر نحكم

حياالله قلب طفله

:*

الزين يقول...

متفائل

ياااا اهلا وسهلا
ومن طول الغيبات

حيا الله اخيي متفائل
لك وحشه ياخوي وين هالغيبة
محاربنا

:)

ايه والله وانت صاج
حسبي الله على مهند وربعه

بس تعال قول لي انت وين غاط
تزوجت؟؟؟

الزين يقول...

بلوق عمتي

:)))))

والله العظيم انت ظالمني
وباقي بس اغني لك اياها مع ام كلثوم

انت فيك حره علي من امس
بس ما عليه تمون

وبكتب عن الحريم بكتب والله بكتب

لا تستعجل على رزقك
بس عاد مو ريحتج فجل
هالأمور خليتها حق عثماني

واشوف محد تكلم لما طب بالحريم طبه قشره

على العموم

لا تباعد

ولا تحتر وايد
اخاف عليك
حره وحروره الجو

كلللللللللش مو شي

mellow يقول...

موضوعج لامس الجرح ، وكلش ما بالغتي فيه.
تذكرت مثال واقعي من عندي خن أقولج إياه :)

أمي بيوم ملجتها كااااااااااشخة ببدلة السهرة و التسريحة و إييلج أبوي ياخذها ،ودّاها بيت عمتي ، كانوا متيمعين هناك يدتي و عماتي (ما كان أكو أحد غريب)

توْهم قاعدين جان يقول أبوي حق أمي دقيقة وراجعلج، ويقوم عنها و يخليها!!!

أمي اخترعت عبالها فيه شي ،نطرت شوية، فجأة!!! ولا راد لها لابس بيجامة مخططة @@ (إيه إيه بيجامه ) و يجابل لج التلفزيون و يتربع على الأرض و يكوّد المطارح يمه و يتسند عليهم ، أثرا ألحين موعد مسلسل دالاس !!!!! بس و يهدها و يندمج مع المسلسل.
أمي تقول آنا انصدمت و قضيت الليلة ما غير فكرة توديني و فكرة تييبني ، إنزين ميخالف قلنا إن الخطبة طولت 6 أشهر و ألحين طاحت الميانة، و ندري إنك متابع المسلسل و ماتبي تفوت ولا حلقة بس عاد مو جذي..آنا عروووووووووووووووووووووووس.

ألحين بعد 35 سنة من حنّة أمي المستمرة و تعليمها (باللّين و الهداوة مو بالزعل و الصراخ) تحول أبوي بقدرة قادر إلى مهند (مو بالشكل no way قصدي بالرومانسية)ما شاء الله ، الله يخليهم لبعض ولا يغير عليهم.

المراد ... لا صار الريال سنع و أخلاقه زينه فلله الحمد و المنة ،أما إنه إييلج رومانسي جذي زاهب مزهّب غسلي إيدج، لأن الله يخليج من وين يتعلم الرومانسية؟
من الدوانية ؟
ولا من الحداق ؟
ولا من البر؟

آنا مو متزوجة بس عموماً إذا تبين الناس يعاملونج بطريقة معينة لازم تعلمينهم شلون يعاملونج مو تنطرينهم يقرون أفكارج ، فأحنا الحريم لا نقعد نتحلطم بدون لا نعلم الرياييل شلون يعاملونا....إنتي علميه و راح تسهل عليه المهمة...ولا تخافين إذا هو طيب و يحبج راح يتعلم :)

أدري تكلمت وايد و صرت فوزية الدريع :q بس موضوعج رائع وطرحج أروع و خلاني أندمج.

تقبلي مروري

Najmah يقول...

لوووول
انا كله اشتط اهني
وانتي اتهديني
ترى انتي معطتني امل
^_^

غير معرف يقول...

حراااااااام ليش الرياييل جذي ماكو احساس

بس جنج توهقتي ابيوميات بلوقر ؟؟

الزين يقول...

ميلو

امج عاقله ماشاء الله عليها
عجبتني

مره مسنعه
وهنيه الشطاره تسحبين الريال صوبج وتطبعينه بطبعح وتعلمينه شلون يشبع احتياجاتج

ومثل ما يقول المثل ولد على ما تربينه وريلح على ما تعلمينه

واكيد البنت بتطلع لأمها

:)

الزين يقول...

نجمة

:)

ولا يهمج انا كلي لج

:**

الزين يقول...

غير معرف

عديمين الأحساس وايدين سواء حريم ولا رياييل

:)

والزين عمرها ما تتوهق
البوست جاهز بس انا ما ابي الناس تمل

واللي كتبت سته مو عيزانه عن السابع
وعلى فكره حتي النهاية مكتوبه وخالصه

وكلمة صغيييرة بيني وبينح او بينك

الكلاكيت هذا قاعد ينكتب على جنب مع اشياء اخرى

:)

يعني قاعده اتسلى فيه

عقبالك لما تعرف او تعرفين تتسلين

:))

ترى كلش مو سهله

ولا انتي شرايج بعد قلبي

غير معرف يقول...

كل شي ينبلع الا الخيانة

LonDonY يقول...

حيـادي حيل بوستـــــج
p:

زيونه.. يعني دورتي اردى 4 امثلة على مستوى الكويت.. وحطيتيييهم ؟


ومن التحيز ما قتــل
الحررة مو من الامثلة كثر ماهي من
الحيادية .. شالمشكلة يعني لي حطيتي حالتين من الازواج وحالتين من الزوجات،
ولا الزوجات حوووور عييين ما يطلع منهم الا الزين يا زين ؟

:)