.

تحذير : هذه المدونة تخضع لقانون حماية حقوق الملكية الفكرية ونحذر من نشر أو نقل أي نص أو مقال للكاتبة.. دون نسبه للمؤلفة.. في أي وسيلة

30.4.08

كل الحكاية بصيفي كنت إنت سحاب


تشتاق لي مره واشتاق لك مرات
تروي ظماك لحظة وأعطش هواك ساعات
تعد لي أنفاسي بقربك وأعدها لك بالغيبات
تسكن هوى روحي وروحي أنا تفداك
يجبر وصلك خاطري وقلبي وسط يمناك
والشوق شاع بخافقي و ناظري تريَاك

لا تبتعد عني كثير خلك قريب يمي .... يصير؟؟
خلنا هنا ... إنت وأنا ... نخلق يميع أحلامنا
نضوي نجوم تشعل سما .. ونرسم بيدْنا بدرنا
نخلق نهار شمسه تدور حولي وحولك بفلْكنا

آه يا نهر بحبي سكر
آه يا دروب تهوى الغروب
ليش الهروب وأنت على شفاهي تذوب
وأنت وسط صدري تنام
تخاف الملام ...ويكثر حوالينا الكلام
تنوي الصيام ... من غير سحور
تشعل فحم وتنسى البخور

إنت غشيم ... لو تدعي الجهل
تقصد جبال من دون سهل
وتسأل بعد كيف النحل يعطي عسل
وكيف المزون تحمل مطر
وكيف الشجر يعطي ثمر
وكيف الصحاري تحتوي كل التراب
وكيف الحبايب يقربون بليا عتاب
وتنتهي قصة غرام بليا عذاب

آه يا جذوب
يا أحلى سراب
مْر وسقاني بالضما كف التراب
كل الحكاية بصيفي كنت إنت سحاب

















هناك 43 تعليقًا:

Super Woman يقول...

آه يا جذوب

عجبتني الكلمه


الزين
دايما كلامج زين

كلماتج رقيقه على اسمج
واسلوبج مافي احلى منه
والمعاني آه من المعاني

المعاني قويه
صعبه
رقيقه
بس واقعيه

كتاباتج جميله
وبلوقج اجمل

على فكره
لفتت انتباهي الصور اللي تحطينهم
كل صوره تتكلم
عجيبه الصور
والأجمل اختيارج وذوقج الراقي

امتعتينا واتحفتينا

Aldenya يقول...

اتفق مع شلالات

الصور تحكي مشاعرك المكتوبة


عزيزتي الزين
كلماتك كالمطر الذي يقطر جمالا وعذوبة على ضفاف قلوبنا

كان هذا المقطع من أجمل مقاطع هذه الرائعة بنظري

آه يا جذوب
يا أحلى سراب
مر وسقاني بالضما جف التراب
كل الحكاية بصيفي كنت إنت سحاب


:>

محـــــارة يقول...

هلا بالزين كله هلا بالغاليه .. زيووون تدرين كتاباتج شتسوي فيني عارفه إحساس لما قلبج منسحب مع الكلام الي تقرينه ولما اخلص البوست احس نفسي كان متعلق ورد

أنتي من يوم وطالع بسمج الساحرة يسحرني كلامج ووصفج واختيار أفضل العبارات لتعبير عن شيء يدور ابالج

ومنور هذي أنا دوختني الله يعينه أهوه :)

مشتاقتلكم حددددددي .. إذا لج خلق تحلطم زروي بيتج داخل البحر خو أنا وياج نحب البحر تعالي نتقهوه ونشرب استكانة شاي من قهوة حبيبتي وأخيتي استكانه وطبعا القعده بدونها ولا شيء حياج لا تأخرين :)

Shather يقول...

لوول زيوون

تنوي الصيام ... من غير سحور
تشعل فحم وتنسى البخور

يووعانه لا تييبين طاري السحور :p

:**

الخيلاء يقول...

يالزين شهالزين

كلامج روعه
احساسج شفاف

استمتع و انا اقرى كلامج
عيوني اتسابقني على الاسطر

:)

GUCCI-q8 يقول...

عزيزتي : زيون

عجز لساني عن التعبير

حلوه وايد وايد وايد وتعنيلي وايد

مشكوره عالبوست الكثر من رائع

غير معرف يقول...

العنوان بس قريتة أربع او خمس مرات




الله الله شكثر انتي مبدعة

5roofa يقول...

لا تبتعد عني كثير خلك قريب يمي .... يصير؟؟
خلنا هنا ... إنت وأنا ... نخلق يميع أحلامنا


امبي هذا المقطع ذبحني ولا لمه تقوله يصير؟؟

حسيت بشي ثانييي

بجييت بس مادري اذا منج ولا من الي فيني

مشكورة على احلى مشاعر و احلى بلوق

salamz sis...

qesat_5ayal يقول...

:*

وصلت؟

`~MnO YeNSa! ~` يقول...

الله الله
يا زيون

يا أحلى سراب
مْر وسقاني بالضما كف التراب

احلى سراب!!!

تعد لي أنفاسي بقربك وأعدها لك بالغيبات
تروي ظماك لحظة وأعطش هواك ساعات



صج صج من اروع الابيات

عاشت الرومانسية
زيون
لا لا لا لا لا لا
ما نبي غير
romantic
stuff
حسب الاتفاق

:**

الزين يقول...

شلالات

بيييه كل هذا أنا
مشكورة حبيبتي ما عليج زود

والصور قصتهم قصه
يعني اكتب البوست بنص ساعه ادور صورة تناسبه ساعات

:)

حياج الله يالشيخه ولا تباعدين
وسالفة الرقية على البحر ضحكتني وذكرتني بسوالف كنت ناسيتها

انتي ممتعه بافكارج اكثر مني

:)))

الزين يقول...

الدنيا

يه يه يه

من طول الغيبات
انتي صار لج مدة مختفية ما اشوفج
وينج فيه

كان أحلى مقطع والخاتمه
بس تدرين كل واحد يشوف احلى مقطع على اساس صداه في نفسه

انتي المقطع الأخير شكله كان له الصدى الأقوى

لا تغيبين وايد

:**

الزين يقول...

محارة

@@

اسم الله على نفسج
:**

اوكي كلمة الساحره باخذها من جانبها الزين

:)))

على فاكره وايد ناس تقول اني ساحرة

منور يا منور
منيره قصتها شي ثاني
يمكن يتكمل بحوار ثاني شدراج
:)

زيارتج واجب ويايتج بسرعه البرق

:**

الزين يقول...

شذر

ههههههه

انتي ناوية على روحج انا مالي شغل

مو تلوميني عقب لين صرتي بطه

الزين يقول...

الخيلاء

:)

ما اقدر على كل هالكلام الزين
تحرجوني معاكم

الله يسلمج ويعز غاليج يارب

:**

الزين يقول...

GUCCI-q8

انتي اللي مشكورة مرتين

مرة على طلبي اللي حققتيه
ومرة ثانية على وجودج هنيه اليوم

:**

الزين يقول...

حسافتج ياكويت

إنت اللي شغلتنا عليك

شنو هالمود القلابي
اخس من جونا

لا تسويها مرة ثانية لو سمحت

وحيا الله بو الزين

الزين يقول...

خروفا

هم بعد بجيتي
والله ادري من غير ما تقولين

انا بسأل بس انتي دموعج ما تخلص

رحمي حالج عيونج قرحت من البجي

:**

الزين يقول...

قصة خيال

:*******

وصلوا؟؟

الزين يقول...

منو ينسى

:))))

لا يوقف يعني؟

ماراح يوقف

أبد

دام الإلهام موجود
والكي بورد موجود

بششششششري

:**

باغي الشهادة يقول...

كلمات جميلة

مع أني أفضّل دائما الفصحى لكنها جد جميلة. ولأنه التعليق الأول لي لديك، فأسمك مربوط بذهني بابنة أختي ذو السنتين

:-)

Najmah يقول...

الزين

ماتكفيني كلمة روووعة

لي عودة اذا ربي كتب

charisma يقول...

وااى وااى يا الزيين من كثر ما الكلالام قوى عورنى


آه يا نهر بحبي سكر
آه يا دروب تهوى الغروب
ليش الهروب وأنت على شفاهي تذوب
وأنت وسط صدري تنام
تخاف الملام ...ويكثر حوالينا الكلام
تنوي الصيام ... من غير سحور
تشعل فحم وتنسى البخور

زيونه لا تعلييق ذبحتينى

:**

5roofa يقول...

لووول لا ماتخلص تصدقين من كثر ما اروح تحت المطر اسوي ري فل
p;

يننتج معاي سووري لوول

شسوي انتي كلامج يدش بالصميم

salamz sis...

قلب طفله يقول...

لا تبتعد عني كثير خلك قريب يمي .... يصير؟؟
خلنا هنا ... إنت وأنا ... نخلق يميع أحلامنا
نضوي نجوم تشعل سما .. ونرسم بيدْنا بدرنا
نخلق نهار شمسه تدور حولي وحولك بفلْكنا

****************************

الزيييييييييييين

الزين الزين الزين

خطيتي كلمات تحوم حولها روحي

و تغوص فيها عيوني و تدمع

ابدعتي عسانا ما ننحرم منج

و لا من روائعج ^_^

ربي يحفظج يا روعه

mantovani يقول...

اعشق كتاباتك



مانتوفاني

غير معرف يقول...

شهقت شوق وبغيت أموت
عشت الممات وتحملــته ..
أِره علي سكرك والتوت
باب الحكي ليـه قفـلته ..

....

Abdulla Al Ameri يقول...

مرحبا و سهلا

كلمات جميلة و حروف حساسة

ربي يحفظج

hamdool يقول...

Great words mashalla .. God bless you

الزين يقول...

باغي شهادة

حياك الله بمدونتي المتواضعه وان شاء الله تلقى اللي يرضي ذوقك

وعلى فكره لو دورت شويه راح تلقى نصوص كثيرة باللغة العربية الفصحى

زيارك اكيد اضافت لرصيد مدونتي قارئ جديد

اتمنى زياراتك ما تنقطع

وصب قهوة يا ولد للضيف
:)

Mok يقول...

:) خوش

بـابـل يقول...

تشتاق لي مره واشتاق لك مرات
تروي ظماك لحظة وأعطش هواك ساعات
تعد لي أنفاسي بقربك وأعدها لك بالغيبات

يجبر وصلك خاطري وقلبي وسط يمناك

آه يا نهر بحبي سكر
آه يا دروب تهوى الغروب
ليش الهروب وأنت على شفاهي تذوب
وأنت وسط صدري تنام
إنت غشيم ... لو تدعي الجهل
تقصد جبال من دون سهل
وتسأل بعد كيف النحل يعطي عسل


الزين


شهالأحساس العجيب

كلمات روعة تدخل مسامات الروح

وماتنسي بيوم وليلة


يسلم هالأحساس الطاااغي


وبس



بابل

الزين يقول...

نجمة

بانتظار عودتك وتروحين وتردين بالسلامة

:**

الزين يقول...

كاريزما

اسم الله عليج أبوي انتي

هونيها وتهون يالغالية

:**

الزين يقول...

شباب الكويت

خوووووش دعاية

بالتوفيج ان شاء الله

الزين يقول...

خروفه

يادي الصميم اللي ملعوزج

اقرى البوست اليديد
وان بجيتي هالمره صج عاد

يبي لج طق

الزين يقول...

قلب طفلة

الله يحفظج ويعز غاليج يالشيخه

مشكوره وايد على هالكلام الطيب

:**

الزين يقول...

مانتوفاني

احرجتني

لا خلا ولا عدم ياخوي

الزين يقول...

خالد

الله يا خالد

الله

غلبتني هالمره

الزين يقول...

الأستاذ بلاليط

يا هلا ومرحبا
حيا الله اهل الطيب والبخور


مشكور من أقصى قلبي كل التواصل الرائع

ولا خلا ولا عدم يالشيخ

الزين يقول...

Hamdool

is it realy u???!!

where have u been

r u back

u made my day with ur comment dear

الزين يقول...

mok

:)

وأحلا خوش بعد

حياك الله

الزين يقول...

بابل

وجودك هو اللي ما ينتسى

وحروفك واحساسك هو اللي طاغي يا بابل

مشكور على تواصلك

ولا تغيب