بزة
جميله ... بيضاء ... ملفوفة القوام ... مثيرة بمشيتها .. يقطر الغنج من عينيها العسليتين وصوتها المبحوح بطريقه تسلب الألباب
بزة
رقيقة... حنونة.. تحب الاحتواء بدفء الأحضان.. تعشق الاستلقاء بالشمس .. ويستهويها اللعب بالماء كما الأطفال
بزة
تمرح في الربيع كما الفراشات ... وتستمتع بصحبة صديقها شميس.... تنعم برفقته نهارا وتستلقي إلى جانبه ليلا لتخلد إلى الراحة
بزة
كانت تحلم أن تحلق بعيدا مع كل طير مهاجر... تبحر بعيدا مع كل مركب مسافر .. تحلم مع اشراقة كل نهار... وتعيش المحال مع كل غروب
بزة
تعشق كل ما هو مجهول ... تبحث عن الغموض .... تقبل على الحياة كأنها صندوق مملوء بالخبايا والهدايا
كبرت بزة ... واكتملت أنثى مع ضوء القمر... وأدركت أنها لن تكون كما تريد إلا بوجوده هو... ملتحفة أحضانه
طرقت كل الأبواب بحثا(ن) عنه ... فضولها يقتلها لمعرفة المزيد... للغوص هناك ... علها تجد مبتغاها
ولم تدرك بزة أنها كانت مجرد بطة صغيرة في عالم البشر ... تقتل أحلامها لتشبع الجوع
جميله ... بيضاء ... ملفوفة القوام ... مثيرة بمشيتها .. يقطر الغنج من عينيها العسليتين وصوتها المبحوح بطريقه تسلب الألباب
بزة
رقيقة... حنونة.. تحب الاحتواء بدفء الأحضان.. تعشق الاستلقاء بالشمس .. ويستهويها اللعب بالماء كما الأطفال
بزة
تمرح في الربيع كما الفراشات ... وتستمتع بصحبة صديقها شميس.... تنعم برفقته نهارا وتستلقي إلى جانبه ليلا لتخلد إلى الراحة
بزة
كانت تحلم أن تحلق بعيدا مع كل طير مهاجر... تبحر بعيدا مع كل مركب مسافر .. تحلم مع اشراقة كل نهار... وتعيش المحال مع كل غروب
بزة
تعشق كل ما هو مجهول ... تبحث عن الغموض .... تقبل على الحياة كأنها صندوق مملوء بالخبايا والهدايا
كبرت بزة ... واكتملت أنثى مع ضوء القمر... وأدركت أنها لن تكون كما تريد إلا بوجوده هو... ملتحفة أحضانه
طرقت كل الأبواب بحثا(ن) عنه ... فضولها يقتلها لمعرفة المزيد... للغوص هناك ... علها تجد مبتغاها
ولم تدرك بزة أنها كانت مجرد بطة صغيرة في عالم البشر ... تقتل أحلامها لتشبع الجوع
نعم بزة كان بطتي البيضاء ... سحرتني ببراءتها عندما اشتريتها فرخ صغير يغطيها زغب اصفر من سوق الوفرة
ادري ودكم تطقوني الحين ... بس صدقوني بزة كانت كل شي وصفته ... كانت كالأطفال تعلب وتمرح... تربت كطفلة صغيرة مدللة مع صديقها الصغير الأرنب شميس
تصوروا بطة وأرنب طفلين صغيرين ... نسوا هويتهم وتذكروا فقط أنهم أصحاب... يلعبون معا(ن).. يأكلون معا(ن)... ويخلدون إلى النوم ليلا معا(ن)... ألفة غريبة ما كان بينهم... صحبة ، احتواء... وربما حب ... من يعلم
الغريب بالموضوع إنّ بزة كانت تتصرف كأنها قطة تعشق الغنج والدلال... يعنى كانت بطه تحب التلزق بالكويتي الفصيح ... تحب الاحتواء... تناديها تلاقيها تييك طياره تتقلب كثر ما اهى سمينه ومتكتكة... تمد لها ايدك تلاقيها تقط منقارها بكفك ... بس تشوفني قاعدة بالحديقة يت سطرت يمي اهى وشميس
أثنينهم تحف ... ما يفارقون بعض أبد ... نسوا هويتهم وصاروا مالهم اسم ثاني غير بزة وشميس .. إذا ناديت بزة تبعها شميس ... وإذا ناديت شميس تبعته بزة
وتصوروا حزة العصاري غرامهم يسطرون عند الباب يطالعون الرايح والياي ... وقبل المغرب تلاقينهم تمشوا يميع ادخلوا البيت وقعدوا تحت الشجر... استقبالا(ن) لليل.
بزة وشميس حبوا بعض ولم يفترقوا أبدا
المشكلة إن روح الاستكشاف عند بزة كانت سبب لنهايتها على ما اعتقد...يعنى عادي تلاقيها اهى وشميس بالسكة يتمشون ... ومن بيت لين بيت يسيرون ... ولين اشبعوا من الدوارة يرجعون
وبما أنها متربية في بيت عز .. والنعمة تبين عليها ... وتخلي اليوعان يشتهيها .. اختفت بزة .. وين راحت الله اعلم ؟؟؟
وكان يوم الله لا يوريكم ... اسم الله عليكم عزا ... والزين الدموع أربع أربع ... وتعال سكّت ... واللي ذبحني أكثر ييت أبي اتغدى ولا الغدا مجبوس دياي ......... يالله وتخيلت بزة الحين تنأكل في مكان ما في بيت ما ... و لك أن تتصور شعوري وأنا الأم المكلومة .. أم بزة
المشكلة مو فيني الحين ... الأرنب شميس حاشه اكتئاب شديد ... تصدقون انه اضرب عن الأكل والشرب .. وتم قاعد مكانهم اللي ينامون فيه ... لغاية ما مات
غريبة صح؟؟؟؟
أنا عن نفسى ما لقيت تفسير غير إن شميس كان ضحية الافتقاد ... افتقاد بزة... ذبحه الشوق.. وما تحمل الوله... شميس كان يحب بزة لدرجة انه رفض الحياة من بعدها .. بزة انأكلت ... وشميس انتحر جوعاً حزنا لفراق محبو بته
....وتظل بزة وشميس ذكرى حلوة لطفولة اعشق العودة إليها كلما ثقل صدري بالهموم
!!!سؤال يطرح نفسه في نهاية قصة بزة وشميس ... تعتقدون نحصل هالوفا بين البشر
هناك 66 تعليقًا:
حكابه جميله بدايتها سعيده ولكن نهايتها حزينه
في ناس من كثر حبهم لبعض لي فقدوا اللى يحبونه تنتكس حالتهم
الله يسامحج انا دموووووووعي اربع اربع
قاعده اسسسسسسسسمع اغنيه كلمات و دشيييييت اقرا بلوووقج
بزة و شميسسسس
في النهايه
روحيييييين
سواء كانت بطه او ارنب
لكن روووووح و نبض
اصلا شميس يمكن مايدري انه ارنب من كثر ماجابل البطه بزة
و لما قلتيلي انها ماتت
ققققققققققمت ابجي
انتو لا تضحكووووون علي بليز
بسسسسسسسس الزين
مت مت مت بجي
قاعده اكتب لج الكومنت
و اناااا اصيح
مو عشاااااااااان القصه بس
لكن مثل ما قلتي
لما تموت رووووح تبقى الروح الثانيه تنتظر الموت حتى تلتقى الروح الي كرهت العيش بدونها
;(
انا فيني شي الظاهر
الي قاعده اصيييييح على القصه
...!
وكاني بك تقلبين البوماتي وتتنقلين بين صور ايامي وساكنيها
بزه وشميس
قصة عشتها
هو
قط شيرازي صغير كتلة من قطن... ابيض...
كبر على صدري هناك كان يحلو له ان يغفو..
حين كبر كان مكان قيلولته المفضله ان يضع رأسه على قدمي
وحين يضايقه انشغالي يقفز الى المقعد المجاور لي
يمد رأسه الى اللاب توب
يدعك رأسه الابيض بكفي
فأعلم انه يشتاق لي
وكبر
كبر وهو يعتقد انه واحد منا.
..شاب غيره من الشباب في البيت.
. وان هد’ي امه
وهد’ي اخته
و تلك الشغاله تجلب له الطعام وتهتم بحمامه..
!!
لم يدرك انه قط..
!!
ونحن لم نقل له
!!
وكانت نداءات الطبيعه اكبر من الحد’ر
فاعتاد الخروج الى الحدائق المجاورة
فنهشته عصابات القطط الضالة .
فكان
.يعود لي كل مره مثخنا بالجراح..
الى ان قررت ان آتي له برفيقة لحياته.
.وجلبنا له سياميه بعيون زرقاء هادئة خجولة مطيعة ودوود ولود.
.وانتشر اولادهما على كافة البيوت جيل تلو الآخر الى ان ضاقت العيون بهما..
لم يرحموا كبر سنه..
.ودون علمي تم التخلص منهما..
وحين علمت
جزعت..بكيت..صفقت ابواب ..وارسلت السائق لاعادتهما وعاد به هو فقط..
وجاء
وحيدا منكسرا ..عرف انه لا امان في هد’ا الكون..حين باعه اهل بيته وسرقوا امانه.. وتخلى عنه من كان يظنهم وطن..
عاد
مكتئبا ..تثقلة الوحده ..ولم يعد يقرب الطعام.
.اضطررنا لاستخدام المغد’ي لامدادة بالحياة..عاش شهرا واحدا .
.ثم رحل...
اعتد’ر لانسكابي على مساحتك..لكني افتقده والناس ماتفهم.
بعضهم.يضحكون على صغر عقلي .
.وبعضهم ينصحوني باقتناء آخر.
.بزه دمها خفيف و شميس يد’كرني بشخص ما..(هو سيقرأك هنا..وبيعرف نفسه) يشبهه ابيض و رقيق ويحبها
كثيرا..يدعي انه يلعب معها وفي حقيقة الامر هو معها لانه يخاف عليها.
.يبقيها تحت ناظريه ليحميها..كأنه يعلم في قاع قلبه ان عمرها قصير وان الد’ئاب من حولها كثير..
الزين..
انتي عسل وربي..دومي بهد’ا النقاء.
.احبك كثيرا
ياحلات بزه
انا حبيتها الله يكون بعونج
ليش نطقج ؟ نرى الحيوانات نستحق العطف
وانتي زدتيها رقه من رقتج
حسافه على بزه
انا شكه بعتوي فيرجكم صدقيني العتاويه ما يخلون شي
الحلو انج حببتينا ببزه
حبيت قصتهم بالرغم من نهايتها الحزينة
فحالهم كحال أي شيء في هذه الدنيا .. يبدأ ثم ينتهي مخلفاً وراءه ما يبقى في ذاكرة من شهد أحداث الحكاية
::
أما عن سؤالك .. فالوفاء موجود في أفئدة الكثير من البشر على مر العصور إلى هذ اللحظة و الأمثلة الواقعية موجودة .. و لو أنها قليلة
كل شي جايز
يعني شقول
طااافتج تعابير ويهي المتأثرة
:(
يا حبيبي ليت كل من رااااح
رااااح
خذ معاه الشوووووق
ريح و استراح
شميس لقى روحه معا بزة
و راحت روحه يا زين
انا وحدة اذا فقدت استمرض
:)
I read for you but I don’t comment, and even this may sound legafah and at the end it’s you personal preference and the way you want to portrait your self, f I’ll start with an apology, then your old profile photo was much more beautiful than this one
أظن تلقين، بس لازم يكون الريال أرنب، والبنت بطة، علشان يكمل الفيلم
شيماء
كلامج صح
وعندي من الأمثله الكثير
:(
لوير
ما راح اضحك عليك
القصه محزنه نوعا ما
يمكن تذكرتها لسبب في نفسى
ما قدرت اكتبه الحين
بس اكيد بكتب عنه
تدرين فطوم
تأثرت لتأثرج وزعلت من نفسى لأنى ضيقت خلقج
سامحينى
:*
لوير
ما راح اضحك عليك
القصه محزنه نوعا ما
يمكن تذكرتها لسبب في نفسى
ما قدرت اكتبه الحين
بس اكيد بكتب عنه
تدرين فطوم
تأثرت لتأثرج وزعلت من نفسى لأنى ضيقت خلقج
سامحينى
:*
عذبه
لو قلت لج ان فيج منى وايد لدرجة ان ذكرياتنا فيها الكثير من بعض
!!!تصدقيني
:*
عذبه
نسيت اقول لج
احبج اكثر
:**
كويت دول
تبين الصج
انا شاكه بالمصرى اللي اييب لنا البيبسى
خبرج يموتون على البط والحمام والفراخ
:))
براك
؟؟؟
بروك
صحيح كلامك
الأمثله مو قليله بل شحيحه جدا
احلا مهندسه
وانا اعانى الأمرين
الإفتقاد
الحنين
الوله والشوق اللي ما ينطفي
والفراغ اللي تركوه لدرجة المرض
الله المستعان
:*
glad 2 change my profile pic. if it was the reason u comment
nice 2 have u here sweety
and for ur sake i will change it again
thank u 4 passing by
hope 2 c u again
:*
Fahad
الرجل الأرنب والمرأة البطه
بالفعل خوووووش فيلم
بس تهقا منو يصلح يمثل الأدوار؟؟؟
:)))
بدور لي على مخرج زين
عشان تطلع رؤيتى للقصه واضحه بالفيلم
واهم شي السيناريست
هممممممم
يالله
اقتراحاتك مسيو فهد
تحصل
الوفاء موجود بس وين اللي يستاهل
بس الكسرة بالموضوع قوية
انزين كل ما ادش الصورة بالبروفايل غير ؟
متفائل
تصدق ايه وايد قوية الكسره
كلمتنى وحده من صاحباتى وزفتنى
قالت لي انتى شكثر تحبين النكد
:(
صج عاد نكدت عليكم؟؟
اذا صج
منكم السموحه
متفائل
نسيت اقول لك
انا اعشق التغيير
فلا تتفاجأ اذا شفت مدونتى تاخذ مليون شكل باليوم
عادي ترى
توقع اللا متوقع منى
:))
الله يعز شانج
راجعة عشان أعلق
حبيت شميس وبزة
:*
لا شدعوه
نكد مين و الناس نايمين
أصلا كتبت الكومنت على أضواء مباراة برشلونة و اللي انتهت النتيجة فيها بفوز ميمون للنادي الكاتالوني ثلاثة بعين الحسود صفر لبيتيس
و الحين مباراة انتر مع اليوفي بين الشوطين
و الوضع عال العال لا نكد ولا شي
و التغيير ترى زقرت حلو التغيير بين فترة و فترة
الحب ليس حكرا على البشر بل البشر هم اكثر وابشع من اساء للحب
زوزوتا ،، بوست مو طبيعي
زوزوتا صباح الخير الاول
قبل ما ارد على سؤالك اسمحيلي احكيلك حاجة حصلت معايا مشابهه لموضوعك
انا كان عندي ارنب صغير لسة مولود امه مكانت عايزة تأكلة مكنتش عارف لية السبب وكان خلاص هيموت بقيت اجيب زجاجة قطرة العيون واملاها لبن واكله لحد ما بقيت الشعر جسمة طلع كنت مسمية "كلكل" مش قادر اقلك قد اية حبيتة وهو كمان حبني كان بيفهم كلامى ويعمل زي ما بقلك لحد ما كان مصيرة طربيزة السفرة في وسط مجموعة الشربات واكلات متنوعة اخري طبعا كل دة اتعمل من ورايا قصتك جميله فكرتني بكلكل
الوفاء موجود يا عزيزنتى لكن مشكلتنا اننا لا نصادف الوفاء كثيرا ولو صادفناه لا نصدق انفسنا
اتدرين لو كل البشر تعاملت على الفترة زي ما بزة وشمس وكلكل عملوا كان الوفاء عم كل القلوب
تحياتي اليكي
تدرين يا الزين
من أول قريت بوستك و أنا أقول يا بختهم
يعني لو عندنا أرنب و حب بطة
شنو ممكن يصير؟
اشكثر بتتعقد الأمور؟
اتهقين بينال قربها و هي بتغفي يمه كل
ما غابت شمس؟
بيصحون مع بعض .. يلعبون،يضحكون، يستمتعون بحياتهم؟
على الأقل بزة و شميس عاشو لحظات
و قدرو ياخذون اللي بني آدميين ما خذوه
و انحرمو منه
و الغريب حتى الحيوانات ما سلمو
أنا متأكد ان بني آدم آخر وراها
اتصدقين لو شاففتها قطوة كانت ارحمتها؟
الله يرحمهم .. ضاق خلقي عليهم
واااايد يا الزين
:(
قصة حلوة وايد حلوة
فيه نفس هالوفا عند البشر بس البشر مايموتون لأن عندهم عقل يقول إن الحياة لازم تستمر مهما فقدنا الناس اللى نحبها
بس حبهم وايد حلووو
بزة وشميس
:
شي ثاني ماله شغل بالموضوع
أسم شميس ذكرني بولد جيرانا قبل
كان ابوه اسمه عبداللطيف فكانو يسمونه بو شميس
وأحنا كنا نسمي ولده شميس مع انه اسمه محمد
الله يذكره بالخير
مادري ليش تذكرتة اول ماقريت العنوان
هههههه
الوفا موجود عزيزتى لكن ليس بالكثير
قليلا وان نجد مثلل هذا الوفاء
تخيلى انا كمان عندى
قطة وكلب
يحبوا بعض موت ويفضلوا مع بعض
لو تشوفيهم تحسى يحبوا بعض
رغم اختلافهم فى النوع
ورغم انه المفروض بيكون فى عداوة بين الكلب
والقطة لكن هما غير
تحسى بالالفة والحب فيهم وفى دفاهم وقعدتهم ويا بعض
تحياتى لكى
اخيه
وانا عبالي يهال اثنين عشت التجربه
قلبي عورني
ماتو؟؟؟
:/
ليش الاثنين واااي ذاكرتني بسالفه بس امانه لا تضحكين لوول معنها تفشل شوي
مره يابو خروف بيتنا وااي يعني اول مره اشوف خروف نظيف بالكويت
و منصج كان غيير اغرمت في و كل يوم اطل علي و اصبح في و حطيتله شريط
و استانس انه ياوب حق اليهال يعني ماب ياكلونه
تخيلي على يوم ولا ارد البيت الا الدمان تارسه الدنيه
ليش شصاير شسالفه؟
الا ذبححوووو
:"(((
لانه ماكو خرفنا بالسوق ذبحو خرووفي
:(
ambi 7azata yemken kent 14
bjeet baji
lol afashel adry
thakartene belathe mathaa
thanks alot 3ala el great post..
o 3ala el s2al NO ma atwaga3 bs enshala nelgaa nafs hal wafa2
salamz love...
الزين كله
مس يووو
عورنى قلبى على هالمتبتبه الى اتقلب و اتغنج
شوقتنييييييييي
يا حلالاتها
وصفها عجييب زوزوتاا
هههههههههههه
وشميس حبيب وقلبه طيب
وعورنى قلبى عليهم
سؤالج بالنهايه جوابه
لا
لا
والف لا
ماكو واحد يموت على وحده
يستحيييييييييييييييييل
حتى مقوله ومن الحب ما قتل
خل يستريح الى قالها
وتسلم ايدج على هالبوست الشررح الى يقطر براءه طفوله
اتخيل طفولتج كانت عجيبه
:**
حتى شمسيس ذبحه الشوق واللهفة
والفقدان
قصتج
تعور القلب
والله يا زوزو
على فكرة
بالأول على بالي تتكلمين عن وحده
بعدين تفاجأت إنها بطة
:>
أسلوبج
بالكتابة وايد حلو يالزين
أسلوب متسلسل وواضح ويشد
:>
لن أقول لك لم أتأثر
أو لم تؤثر فيني تلك العاطفة التي شملت قلبيهما الصغير
بزة البطة المتألقة
وشميس صاحب الأذنان الطويلتان
" أحس بظرافتهما "
مثال حي وواقعي للأنس والإستئناس
للحب الذي لا يعرف الفروقات
أحزنني فراق شميس لصاحبته وصديقته
لم يحتمل حزنن فراقها
حالته كانت أكبر برهان
وسكونه كان أبلغ تعبير
يحزنني ما احزنك
ذلك لما لمس قلوبنا
وقلبك
وقلب ذلك القلب الصغير شميس
ذكرتيني بكتاكيتي
:(
هذه الدنيا
تذكرنا بأننا مهما تخلينا او تخلو عنا
ان افترقنا فلابد لنا من ان نكون من زرع حبا فإما ينمو بهم او ينمو بنا
قصة خيال
بالإنتظار
:*
متفائل
اشوة
عيل اكمل دراما
واذا كان على التغيير
بمللكم
:)
سليمان
انا صراحه بتشره شوي عليك
شفيك صاير كلش مقل هالأيام
مافي الهام لهدرجه
ولهت على كلامك يا سليمان
اليوم وجودك مو عاجبنى
وتعليقك فيه شي
احس فيك مثقل بالهموم
؟؟؟
مكسرات سيد سعد
كلكل
وبزة
وشميس
هم ضحية البشر
يا سيد
النحيس
:)
اسم الله علي خلقك
ترى هالحجي من زمان
وشدراك مو يمكن اهم الحين بمكان احسن من مكانا
من غير قيود ولا تحفظات ولا ناس تقول لهم انتى بطه واهو ارنب شلكم في بعض
:)))
ابيه قمة الدراما
عدينا على الأفلام الهنديه
:Pp
حسين
اقول لك شي حسين
انا اعرف واحد عقب ما توفت امه بشهر توفي من حرقة فراقها
كان يوميا يزورها ويقعد يدعى لها ويصيح مثل اليهال
شهر بالضبط
وتوفى
واعرف وحده عقب ما توفى زوجها ب40 يوم توفت
حتى كانت بعدها ما طلعت من العده
ما قدرت تتحمل فراقه
الوفا موجود
موجود يا حسين
*****
اما عن قصة الإسم فاحنا اطلقناه علي الأرنب كثر ما يحب يقعد بالشمس
ولو اهو آدمى جان صار اسمر
:))
هنا
اسمحي لي ارحب بيكي بمدونتى يا هنا
وانا كنت عندك هناك بمدونتك
وعجبتنى التخاريف بتاعتك
:)
اتمنى انهما ما تكونش آخر زياره
والكويتى الفصيح
حياج الله
سنعه
:)
سام الله على قلبج
كثيرين مثلج
اكو وحده اتصلت فينى تزفنى عل هالسالفه
لا تقاطعين بليز
خروفه
يا خروفه يا خروفه
شقصتج انتى مع الخرفان
بالذمة والله ابي اعرف
اسمج خروفه
وتحبين الخرفان
:)
وبالنسبه لجوابج
لا توقعى
الوفا موجود بس لازم تدورين عليه
وتكونين محظوظه جدا اذا حصلتى الشخص الوفي
:*
كاريزما
miss u 2 sweety
حتى مقوله ومن الحب ما قتل
خل يستريح الى قالها
حرام عليج
صكيتيها بويهى حدج
انا ابي واحد جذيه
اذا توكلت يلحقنى
ولا برايج اخليه يستانس عقبي
ابدا
ولا يمكن
ومستحيل
يمااااا
اخوف
:)))
الدنيا
:))
تصدقين انا تعمدت اوصلكم فكرة انها وحده في البدايه عشان اشدكم
ولو مبلشه بمعلومة انها بطه جان صارت قصة أطفال
وفقدتوا الإهتمام بمواصلة القراءة
مشكورة وايد على الإطراء الجميل
تسلمين حبيبتى
:*
قصة خيال
هذه الدنيا
تذكرنا بأننا مهما تخلينا او تخلو عنا
ان افترقنا فلابد لنا من ان نكون من زرع حبا فإما ينمو بهم او ينمو بنا
عقب كلامج
ما عندي كلام
دائما تختمين تعليقج بما يبهرنى من كلمات
:*
عاشت بزة
:D
مشاري
وعاش من قال
:)
امس بالليل قبل لا انام
لا تضحكين علي هاااااا
المهم كنت افكر في موضوع وايد حزيييين
و طرا على بالللللللي
بزة و شميس
تراااااا من صجي اصييييييييييييح عليهم
ووووووووووووالله انا دموووووووع كل ما قريت هالبوست
انتي اتحطميني يا زوزوتااا
اهي ماتت و اهو على طول بعدها ذبل و مات
ببجي
يا حبيبتى يا لوير
يالفطم
انتى اكو شي مضايقج وايد
وقاعده تسوين له اسقاط على القصه
!!!! لو انا غلطانه
يعنى تهقين هالدياي اللي قاعدين نجبسه مع هالعيش البسمتى السنع ماله قصص
الخرفان اللي تنذبح كل عيد مالهم مغامرات شبيهه بسالفة بزة وشميس
ما ابي اضيق خلقج
بس المصريين اربع وعشرين ساعه ياكلون فراخ وبط وحمام
:*
عمري انتى
لا تصيرين عاد وايد حساسه جذيه
انا ادري اللي ضيق خلقج الفكره نفسها
عدم احتمال الإفتقاد والفراق
بس هذا طريج الكل ماشيه
والدنيا مو دايمه لأحد الا وجهه سبحانه
بالله عليك مو خبال هالكلام اللي قاعده اكتبه
الواحد شيحزن عليه ولا شعليه
قوي قلبج ياقلبي
:*
بزة وشميس حب غير متكافئ الطرفين
والله بجيت لوووول
ضحكتني وبجتني بنفس الوقت
وقعدت افكر جان زين يكون هالشي موجود بالبشر
جان زين
ايييييه يالزين
هذي الدنيا
:"(
الوفا موجود؟
هالسؤال كل مرة أغير جوابي عليه
يمكن موجود بس مو بالدرجة اللي نتمناها
فريج سعود
زواج بزة من شميس باااااااااااطل
باااااااااااااطل
:)
هم بعد وجهة نظر ونحترمها يالشيخ
كويتية حساوية
تبجين ولا تضحكين
الكل هنيه بجى
بس تدرين عندى فكره يديده على ضوء قصة بزة وشميس
وراح اكتبها وانزلها عن قريب
لا تغيبين
:*
نجمة
:*
رفيقه خيالي
ولهت عليج
الوفا موجود مثل ما قلتى
بس مو بالصوره اللي نتوقعها او نتمناها
صدقيني أكو وفا
بس احنا ما نتحجى الا عن النكد
مو عشان شي الا بقصد اصلاح الخطأ
مو يقولون الخير يخص والشر يعم
فالخير نادر ما يتحجون فيه الناس
فتى الجبل
حياك الله اخوي
وهذا طبع البشر
دايما ينسون البياض وما يذكرون الا السواد
دايما يذكرون شنو اللي ناقصهم
وما يذكرون شنو اللي عندهم
ودايما دايما يشوفون الجزء الفاضي من الكاس
:)
شكرا لوجودك اليوم هنا
واتمنى ما تكون آخر مره
عظم الله أجر أم بزة .. خلص عزاكم ولا بعد !!
:P
مسكين شميس لوووووول ..
لسان حاله ..
أمر على الديار ديار بزة ..
أقبل ذا اللحاء وذا اللحاء ..
وما حب الدبار شغفن قلبي
ولكن حب من سكن الفناء !!
هههههههههه ..
الصراحة ما توقعت بزة و شميس حيوانات !!
توله عليج العافية ياكل الزين
وانا بعد ولهت عليج وشلون ما أوله على أحلى لحظات خيالية عشتها معاج :*
بقولج شي
أحب اختم ببلوقج
واقرا دايما خواطرج قبل ماانام :)
kuwait son
نووووووو لا تقول عنهم حيوانات
شششششششش
بالعدال لا يسمعونك
ترى يزعلون
وبينى وبينك
اهم على بالهم نفسهم اوادم
:)
وين هالغيبة كلها؟؟؟
نجمه
بعدي والله
:*
مادري متى اشبع من هالبوست؟
شي خياااااااااااااااااااالي
سليمان
:)
حتى انا والله ما اشبع منه
بين كل فتره والثانيه ارجع له
اتذكر ايامهم
واتذكر انى مره من الملل قعدت اسولف وياهم عند باب الحوش
نطالع السيايير اللي رايحه ويايه
جنون
تصدق
ساعات احس عالمهم اريح وابسط واسهل
:(
انت وينك؟
وين رحت؟
ليش سكرت المدونه؟؟؟؟؟
حلوة ..
تصلح قصة قبل النوم..
والأحلى.. نظرتج لهم.. إحساسج فيهم..
ضحكت على غداكم ذاك اليوم ..
وتذكرت البطة في فريجنا تتمشى الضحى بالفريج..
بس الأسامي تحفة ! بزة ! وشميس !
ما تلوق على بطة وأرنب ..
تصبحين على ورد..
إرسال تعليق