.

تحذير : هذه المدونة تخضع لقانون حماية حقوق الملكية الفكرية ونحذر من نشر أو نقل أي نص أو مقال للكاتبة.. دون نسبه للمؤلفة.. في أي وسيلة

7.11.07

ما فينا من زعل ....صح؟؟



بزة : صباح الخير يا بعدي
شميس : صباح النور
بزة : نمت زين
شميس : الحمد الله .. نمت كافي
بزة : اهاا يعنى ما نمت زين
شميس : تأخرت شويه ما جاني النوم
بزة : ليش حبيبي
شميس : أفكر فيج..وأراقب نجمتنا .. تدرين .. سميتها باسمج
بزة : يا بختي .. نجمة و باسمي
شميس : كانت تلمع وايد .. شكيت انج انتي دازتها لي.. تسهر على راحتي
بزة : يمكن .. شدراك.. كل شي جايز
شميس : قريتي الزين شنو كاتبه عنا
بزة : قريت
شميس : يعنى ما علقتي
بزة : شتبينى أقول .. اللي علقوا كفوا ووفوا
شميس : معقولة كل شي قريتيه عجبج
بزة : همممم ... أكيد لأ
شميس : لوير بجت ... وايد تأثرت بالقصة.. "لما تموت روح تبقى الروح الثانية تنتظر الموت حتى تلتقي الروح اللي كرهت العيش بدونها ... تهقين صج كلامها؟؟
بزة : إنت اللي تسأل .. كنت اعتقد الجواب عندك يا شميس
شميس : كنت أبي اسمعها منج إنتى
بزة : هممم .. وعذبة.. شرايك بكلامها؟؟
شميس : إنتى شيطانه.. تعرفين شلون تغيرين الموضوع
بزة : أانااا... شيطانه؟؟؟ حرام عليك أنا فقيييرة
شميس : كلمة فقيرة هذي فيها كل الشطانه ..ههههههه
بزة : أنا شفت عذبة استرسلت على غير العادة ... وتكلمت عن حياتها بكل راحة ورضا.. تدري.. أنا أشوف فيها من الزين وايد
شميس : ممكن ..جايز .. يصير
بزة : وقطوتها ماتت
شميس : الغريب إن البشر يستكثرون علينا إحساسنا بالغربة بعد ما يفارقونا أحبابنا ..كأن المشاعر حكر عليهم اهم بس
بزة : مو كلهم يا بعدي .. مو كلهم .. إنت لاحظت إن عذبة مادحة فيني
شميس : ما تنلام .. إنتى اكو احد ما يحبج
بزة : هذا عشان إنت تحبني تقول هالحجي
شميس : هذا لأنج إنتى حلوة وايد .. وااااااايد
بزة : صج أنا رقيقه مثل ما تقول كويت دول ؟؟
شميس : إنتى من صجج؟؟
بزة : اوكي خلاص .. اللي بعده
شميس : بروك تقول الوفا موجود والأمثلة قليله
بزة : أنا وياها بهالكلام
شميس : بس انا ما فهمت براك شيقصد بكلمة جايز؟؟؟
بزة : هممممممم .. تبي الصج ..حتى أنا ومالي خلق أفكر
شميس : نيي حق أحلا انجنير
بزة : حبيبة الزين
شميس : الزين حبايبها وايد
بزة : تقول إذا افقدت تستمرض
some dayشميس : الله يعينها..منو هذي

بزة : مادري والله بس مو عاجبتها الصورة

شميس : ليش اهم المفروض يعلقون على الموضوع لوعلي الصورة
بزة : اللي اهو ......اللي بعده..... فهد العسكر .. يا حبي له.. دمه عسل
شميس : بزة .. كملي أحسن
بزة : أوكيش ....تغار يا بعدي
شميس : تدرين انى أموت غيره
بزة : من فهد
شميس : من الهوا اللي حولج
بزة : شفته شقايل
شميس : يبي يسوينا فيلم
بزة : تهقا بنصير مشهورين .. بزة وشميس
شمي : هههههه .. مينونه
بزة : أنا أبي جنيفر انستون تمثل دوري بالفيلم
شميس : إيه صح .. كلش عاد ما فيها منج
بزة : أكيد ... أنا أحلا
شميس : متفائل يقول إن الوفا موجود بس ماكو احد يستاهل
بزة : هذا شكله مقروص
شميس : لا تحكمين على الناس
بزة : شوف شميس .. شي طبيعي إن ردودهم يصير فيها إسقاط من تجاربهم اللي مروا فيها.. وكل واحد ينظر للموضوع من زاويته اهو وعلى حسب تجربته
شميس : بس مو الكل
بزة : إيه صح .. أنا معاك مو الكل
شميس : سليمان
بزة : شفيه
شميس : الزين تقول انه خاطره ثجيل .. فيه شي مضايقه
بزة : عاد الحين صج الزين اهى اللي قاعده تسوي إسقاط لتجربتها
شميس : حرام عليج
بزة : شعندك تدافع عنها
شميس : ههههههه...ما أدافع .. وانتى من صجج تغارين من الزين
بزة : أنا عارفة نفسي عدل .. وما أغار من احد
شميس : اوكي .. خلينا نكمل
بزة : إيه .. نكمل .. شو عليه
شميش : ويلوموني فيج .. يا بنتي إنتى انترناشيونال
بزة : هههههه ...... خل نشوف مكسرات سيد سعد والأرنب كلكل

شميس :.... فقير.. سووه ملوخية بالأنارب
بزة : اسم الله عليك .. طالع من يتكلم
شميس : وانتى شنو.. قاعدتلي على الوحدة
بزة : اووووه .. عاد انت لا تصير حساس لهدرجه
شميس : شرايج بكلام النحيس
بزة : أقول لو بعد بتزعل
شميس : لا قولي
بزة : بحبه يا بابا
شميس : بزوووه
بزة : اطفرك ... والله اطفرك
شميس : يسأل شكثر بتتعقد الأمور وشنو بيصير إذا أرنب حب بطه ؟؟
بزة : وايد .. اعتقد بتتعقد وايد
شميس : تهقين ما يدري ؟؟
بزة : أكيد يدري بس اهو يبي يسمعها من الزين .. على ما أظن
شميس : تعالي نشوف حسين شقايل
بزة : يقول إن البشر ما يموتون من الفراق
شميس : غلطان
بزة : اوكي هذا رايك انت وإحنا نحترم جميع الآراء
شميس : ايه نعم .. عدل
بزة : هنا تقول قليل مثل هالوفا يحصل
شميس : وعندها قصة مشابهه لقصتنا
!!!!!بزة : يعنى إحنا مو متفردين بسالفتنا مثل قيس وليلى ؟؟؟؟
شميس : أقول ...... استريحي
بزة : اوكي عاد لا تزف
شميس : إنتى مصرة تنسين إحنا شنو واهم شنو
بزة : صدقني ما نسيت .. يمكن أتناسى .. بس ما نسيت
شميس : قولي لي بزة .. تهقين اللي يحب يقدر ينسى
بزة : شلون ينسى... إذا كان كل شي فيه يذكره باللي يحبه
شميس : حياتي إنتى
بزة : نغير الموضوع أحسن
شميس : ايه نغير أحسن
بزة : سنعه عورها قلبها
شميس : ويامالها من عوار القلب
بزة : خروفه
شميس : الزين ما حطت لها خصل شعر هالمره بالبوست
بزة : هههههههه .. حرام عليك
شميس : بس والله حبوبه هالبنت .. وأحس فيها وايد فقيرة
بزة : ايه صح.. ذكرتني بقصه قصها لي واحد عن الواوي والخروفة .. أقولها لك تالي ..هههههه
شميس : صار

بزة : كاريييزما
شميس : بييه ..هالكثر مشتطة
بزة : أحبها وايد .. كثر ما الزين تحبها
شميس : شقالت كاريزما
بزة : حبتنى وايد .. يااااا بختى
شميس : بس ما عندها إيمان كافي بالحب
بزة : يمكن بعدها ما لقت شميس
شميس : شميس ما انخلق الا حق بزة وبس
بزة : آآخ يا قلبي
شميس : نكمل
"بزة : ايه نكمل .. نكمل ..الدنيا "بالأول على بالي تتكلمين عن وحده بعدين طلعت بطه؟؟؟؟؟؟؟
!@#$%^ليش أنا مو وحده!!!! ترى صج عصبت
شميس : بزة.. وبعدين وياج .. إنتى بطه وبتظلين بطه
بزة : ما احبك
شميس : ادري .. تموتين فيني
بزة : شوية مو وايد
شميس : اهى موته .. شلون شويه لو وايد
بزة : موتى أنا .. كيفي
شميس : ماكو فايدة .......... اللي بعده ..... قصة خيال
"بزة : "إن افترقنا فلا بد لنا من أن نكون من زرع حبا فإما ينمو بهم أو ينمو بنا
شميس : بالله.. وصفها عجيب
بزة : مرهفة الإحساس بحكمة عجيبة
شميس : يا بختها فيج وانتى تمدحين فيها هالشكل
بزة : هههههه .. قول يا بخت الزين فيها....اللي بعده
شميس : مشاااااري ..رجل السياسة
بزة : مو دايما
شميس : غالبا
بزة : تبي الصج ... الكل الحين صاير يكتب بالسياسة .. شي يملل
شميس : كل واحد يكتب اللي يريحه يا بزة

بزة : مادري .. بس اعتقد لو إحنا بنعرف أخبار البلد .. والأزمات السياسية نقرا الجرايد أحسن
شميس : كلامج صح .. وللأسف وايد مدونات أدبية التهمتها السياسة
بزة : حتى فهد العسكر صار يكتب سياسة مؤخرا
شميس : إنتى شقصتج وياه؟؟؟؟؟؟؟
بزة : والله ما عندي قصة .. شفيك انت .. بس افتقدت روحه المرحة والساخرة هذا كل الموضوع
شميس : هم شايلين هم هالبلد وما ينلامون
بزة : مادري بس انا رأيي ان المدونات واحة الواحد ينسى فيها همومه مو يتذكر ويتم يطحن بنفسه وبالنس اللي حواليه
شميس : زين يا بزة
بزة : افففف .. يا شينك لين صرت جذيه .... بنرجع نغار

شميس : بزة .. اللي يحب مثلج ما يملك الا انه يغار
بزة : انت على بالك انت بس تغار
@@ : شميس
بزة : يعنى أنا ما أغار من قطوة الفريج اللي كانت تتغنج لك ذاك اليوم وطارت عيونها عليك
شميس : يا بنتي هذي قطوة
بزة : وانا بطه؟؟؟ يعنى شفرقت
شميس : الفرق انه ممكن تاكلنى وتاكلج .. فهمتي
بزة : ايه صح.. فهمتى
شميس : لوير ردت تبجي ..الله يعينها
بزة : ابييييييييييه .. شفت فريج سعود شقايل عنا
شميس : ايه قايل إن زواج عتريس من فؤاده بااااااطل
بزة : هههههههه .. انت والزين وربي نفس الشي
شميس : يعنى إنتى فسري لي عدم التكافؤ اللي يقصده
بزة : مالي خلق
شميس : عيل خل نشوف الحساوية شتقول
!!!!!بزة : تقول إنها بجت وتضحك بنفس الوقت
شميس : يمكن دموع الفرح
بزة : جايز
شميس : نجمة

بزة : أي نجمه؟؟ اللي تشوفها من شباكك كل ليله
شميس : ههههه .. عمري إنتى
بزة : ادري بنفسي عياره
شميس : اوووف حدج
بزة : تقول إنها كل مره تغير إجابتها على السؤال
شميس : نخليها لين ترسي على رأي
بزة : وأخيرا .. فتى الجبل
شميس : يديد هذا
بزة : عنده وجهة نظر
شميس : وانا وياه فيها
بزة : اوووف تعبت
شميس : الله يعين الزين .. كل هذول ردت عليهم
بزة : لأنها تحبهم وتهتم لهم
شميس : ولأنها تكتب لهم
بزة : تهقا الزين لقت شميس مالها
شميس : هههههههه.... تيين نسألها
بزة : هيا بنا

هناك 62 تعليقًا:

النحيس يقول...

أثاري الحش عادة مستشرية مو بس
عند البني آدمين

:p

لي رجعة لما أكون بوعيي

عَـــــــــــــذبه يقول...

:)



.
.
.



طيب
يابزززه

ReLaaaX يقول...

ياحلوووووووهم

والله صج اطلعو دياية وارنب

وختيييييييي حلاااااااااااتهم

يتشاورون بعد :)))

بس اهما ماتو ؟

يعني انتي سمعتي حوارهم قبل لايموتون وكتبتيه ؟

sologa-bologa يقول...

سبحان الله

كان قلبي حاس إن في مقلب وما خلاني أعلق على البوست السابق
:)
علشان لا أخضع للتحليل النفسي

بس ربط حلو وحوار راقي
بس ماقلتي لنا هم
بالجنة ولا بالنار
؟؟

تذكرت اغنية محمد لويس
آه لو فار الفرارة يحب قطوة
:p

ويا ليت يكون فيه جزء ثالث
بس شرط
اسمي ما يكون معاهم بالتحليل النفسي

وعلى قولة عادل إمام
أنا اسمي مكتوب؟
لأ
طيب

ودمتم بحب وود

طاهر خشاب / Taher Khachab يقول...

إنتى مصرة تنسين إحنا شنو واهم شنو

تبي الصج ... الكل الحين صاير يكتب بالسياسة .. شي يملل

مادري شـلون حاسـس إنّي وصلت مأخّر

مايهم

مأخّر أفضل من بلاش

حلووووووووو ومرررررررح

تحياتي

lawyer يقول...

ابييييييييييييه

الزيييييييييييييييين

والله العظيم داشه بلوقج يايه بقولج امس باليلل قبل لا انام قمت افكر في بزة و شميس

!

جاااااااااااااان احلم فيهمممممم

اول مادشيت الدوام فتحت البيسي
والا اقراااااااااااا

انصصصصصصصصصصصعقت !!!

الزيييييييييين

ترا هذا الحواااااااااار

مووووووووووووو بين شميس و بزة

هههههههههههههههههههههه


انتي ادرى بين منو و منو

هههههههههههههههههههههه


واااااااااااااي

زووووووووووووغه

شميسسسسسسسسسسسس حبييييييييته

ههههههههههههههههههه

مو تغارين هههههههههههههه



على الهامش


انا بعد الي عندي ما يواطن فهد العكسر

عقب ما قال سالفه الابجورة

و يووووووووووم قال الفايو و السوني تحت امرج

هذاااااااااااااااااك
زين ما ارتكب فيني جريمه

ياربي الناااااااااس سنعين عندهم نظظظظظظظظر

اشحقااااااااا تغار ههههههههههه

ما يحب مناف و لا براك هههههههههههههههه

سسسسسسسسسسكتااااااااي

شكككككككككككككلي بروح سوق الحمام اشتري ارنب و بطه و بجابلهم

ههههههههههههههه

وااااااااااااااااااااي

احببببببببببببببببببببببج

:******************

shakshaka يقول...

loooooooooooooooooooool elzaaaain waaay e7taraait laish ma3alaqt hehehe yamdeee a3aleq?:P hehehehe amoot 3la ethbat elwujood afashel hehehee walla walla emtab3etech bas ma a3aleq hehehe ketabaaatich tyanennnnnnnnnn wili a7la shmais wo bazza n6aalib eb mosalsal lehum ya7iloohum:P

ZoZOta يقول...

النحيس

:$

شفت شلون

وانا بالإنتظار

:)

ZoZOta يقول...

عذبة

:))

:

::

::

بعديى انتى يا عذبه

:**

ZoZOta يقول...

ريلاااكس

ياااااه غلطة عليهم ترى

كانوا بطه وارنب

لا تسمعج بزة بس

:)))

ايه ماتوا

يعنى انتقلوا الى الدار الآخرة

بس لا زالوا يتواصلون معاي عبر الأثير

شرايج انتى يعنى؟؟

ZoZOta يقول...

سلوقا بلوقا

:))))


لا مقلب ولا هم يحزنون والله صدقنى

القصه حقيقية

بس الحوار كان من وحى التعليقات

يااااه طافك

لو معلق جان الحين صرت مشهور

:))

هم بالجنة لو بالنار؟؟؟

اعتقد بالجنة

بسألهم لك

وشدراك يمكن اجاوب على سؤالك بحوار يديد

;-)

ZoZOta يقول...

طاهر خشاب

:)

مش مأخر ابداً

بدك تقرا البوست اللي قبل

مشان تعرف شو اللي صاير هون

:)))

اصلح اكون لبنانيه ؟

ZoZOta يقول...

لوير

:))))))))))

ذبحتينى ضحك

الحين انتى القصة مأثرة فيج لدرجة تحلمين فيهم فطوم

:*

يا حبى لج و لقلبج النظيف

وه وه وه

اسم الله عليج من الصعقان يا بنتى

تهقين عنى من بينه هالحوار

:)

حرام عليج لا تظلمينى

اوكي بقول له بس انتى تعالي فججى عمرج من بزة

احلا شي روحى اشتري ارنب وبطه

بس ترى حطى في بالج مو كل ارنب شميس

ولا كل بطه بزة يا بعدي

;-)

luv u more dear

luv u more

:*********************

ZoZOta يقول...

شكشكا


ويوم انج متابعه علقى وثبتى وجودج يا بنية

ترى رايكم يهمنى

يوجهنى وخلينا اكمل


:*

على العموم ملحوقه صح؟؟

نقدر نضيفج بالبوست الياي

ونخليج شخصية رئيسية بالمسلسل

تعالي بس خل نتفق على التفاصيل

:))

charisma يقول...

loooooooooooooooooool
انت ليش عسل ليييش
:)))))))))))

عجييييييييييييييييب الحوار
عجييييييييييييييييب
هههههههههههههههههههه
موتنى ضحك

وشميس وبزه جاوبوا عنى

شميس ما انخلق الا حق بزه وبسسسسسسسسسسسسسسسسسس

وانا خلنى على جنب
شميسى بخيالى
موموجود الا بخيالى واحلامى

وهذا متعته
;)

Najmah يقول...

حتى لو الاجساد راحت
كل يوم نشوف ارواحهم
نكلمهم
كل يوم نحس فيها

الحوار عجيييب يالزين :*

qesat_5ayal يقول...

لأني معزومة
بأجل التعليق


:)

78o8eYa يقول...

ما شاء الله عليج
^_^

كل مره أمر فيها اهني
ألقى حروف ولا أروع

بس هالمره كانت
قمة في الابداع

على فكره
الحوار بين بزه وشميس
يذكرني
بـ
مشمش وبسكوت
;P

الحب الأسطوري


مازال موجود
بس
مخشوش

;)

تعقيب: التعليقات التي تلي الموضوع تكون شاملة لكل ما حواه الموضوع بما فيه الصور المرفقة كونها عنصر مكمل لما تمت كتابته
فـ لا تتضايقين من التعليقات على الصورة ماقبل السابقة

وبالمناسبة، جميع الصور المختارة
لقطات تعبيرية متميزة
:)

مع محبتي
:*

Selezya يقول...

لول حوار عجيب ياحليلهم

يونسون :)

a7La eNG يقول...

dsO CUTE :****
من قدي جاني حبيبة الزين
;*
.
.
.
.
e7m e7m ..
انا اخاف من فهد العسكر
@@

محد سمعني صح
:P

ReLaaaX يقول...

loooooooooool


بطة ولايهمج بطة يابطة

هذا دليل ان تركيزي صفر لا لا ماينس صفر بعد ;p


--



بسم الله الرحمن الرحيم

الزين ؟
بديت اخاف منج؟
اتحضرين ارواح من ورانا ها؟

:)

فريج سعود يقول...

جان زين القى لي بزة واصير شميسها

Barlamany يقول...

الزين

يبقى أحلى شي فيج أفكاااارج ... حييل أحبها تستوقفني و تخليني اتساءل جد في انسان يحمل هالكم من التنوع ؟

الزين، يمكن كلنا نحمل كثير من التناقضات حزن فرح سعادة وألم و لكن نادر ما نلاقي فينا اندماج لكل هذه المشاعر .. دائما تلاقين في شخص يميل الى جانب واحد من حياته و يمحور كل مشاعره على اساسها.. و نفقد التوازن ... بخلاف الزين

أنا أتكلم بشكل عام يالزين عن كل ما يكتب هنا وليس تحديدا في هذا البوست..


و حتى ما أشط بعيييد .. و بخصوص البوست بقولج ..

مــــــــا كو أحـــــــــــلى من
الغــــــــيـــــــــــــــــره


دمتي من القلب للقلب

تحياتي

ray يقول...

كل هذا يصير و انا مو موجودة ؟

الزين ... انا اللي اختفى لا بطة و لا أرنب

بعد فترة البربريات اللي مابي أذكرها يا وقت أخذت فيه تيس

اييه تيس , بس هالتيس كان ياهل, ربيته و وكتله كل يوم لي لمى كبر

فجأة رجعت من المدرسة ولا مو موجود

و بنفس اليوم ... غدانا كان ... اي "اهوا" ... شفتي القهر ؟

SolaimaN يقول...

زوزوتا

ما خليتي من الزين شي الا خذيتيه

الفكره العجيبه

القصه الحلوه

الحوار الشيق

الصياغه الخياليه

المفردات اللي تلامس الخاطر

الترتيب

والتعبير الجااااااااااااااااايد

،

،

ترى ما فيني شي والله ، بس شوية كسل

:)

بس الفكره ،، ممممممم،، شي شي يا الزين

mtfa2el يقول...

لوووول
طلعت مقروص أنا ؟؟
لا لا سهالات الوضع ان شا الله مو مقروص ولا راح انقرص ...جني حتى انا مو مصدق الجملة اللي كتبتها

5roofa يقول...

لووووووووووووووول

يا سلام يا الزين
الفكره تينن و امبي حبيتهم و اول الصبح جذي احد يصبح عليج
مال انام كل وقت عشان اقعد هالقعده

وااي تخيلتهم يسولفووون ياختييييي
حسيتهم كيوووت
لوووول

و موتيني من الضحك على الخصل لوووووول

yeslmo yal `3alya 3ala el sweet post

manen7remsh

salamz sis....

محـــــارة يقول...

انتي مبدعه هذا الي اقدر اقوله

الغرام ماله مكان ولا ألوان لا بين البشر ولا بالسماء ووسط البحر وأهل الوفرة وعيالهم بزه وشميس يثبتون أن الغرام يعيشه كل من ينبض قلبه ،، لكن ما يخلص ويموت فيه إلا ناسه مو الي متوهمين فيه

واصلي بخيالج وبأسقاطات من تجاربج بشميس بمنو يكون الحلو ان مشاعر وخيال نسرح فيه ونطلع من واقعنا حتى لو بزه او الزين يبقى نبض الاحساس طالع منج وهذا الإبداع الي نبيه

واصلي

ZoZOta يقول...

كاريزما

ههههههه

العسل انتى يا عسل

اهم شي ان الحوار عجبج

افا عليج ليش اخليج على جنب

اذا تبين ترى ممكن اسوي لج طلبيه واييب لج شميس مثله

:*

ZoZOta يقول...

نجمة

:)

كل يوم

كل يوم

ZoZOta يقول...

قصة خيال

لما الحين بالعزيمه؟؟؟

ZoZOta يقول...

حقوقية

مشمش وبسكوت؟؟؟

ابي اعرف قصتهم

يالله علمينى

بس تعالي قولي لي وين مخشوش الحب الأسطوري

ووفري على تعب البحث

:)

وصدقينى ابد ما تضايقت من التعليق على الصور

الكل له حرية التعبير عن رأيه بمدونتى

من غير زعل..... صح؟؟

كل الحب من الزين لحقوقية

وفوقهم

:**

ZoZOta يقول...

سيليزيا

مشكوره

ان شاء الله علي طول مستانسه

ZoZOta يقول...

احلا انجنير

:*

اكيد حبيبة الزين

تخافين من فهد؟؟؟؟

ليش ؟؟؟؟؟؟؟؟

لا تخافين ترى محد سمعنا

:))))

ZoZOta يقول...

ريلاكس

ايه بطه

اسم الله علي تركيزج

اللي ماخذ عقلج يا قلبي

;-)

اسم الله على قلبج وعقلج

ايه احضر ارواح واشياء أخري

ديري بالج

@@

ZoZOta يقول...

فريج سعود

انضم الي الركب

:)))

الكل يبي يكون مكان شميس ويحصل بزته

بس وين

;-)

ZoZOta يقول...

برلمانى

اشوة انك ما تشوفنى الحين

ويهى صار حمر من الخجل

عن جد

وايد على هالحجي

الغيرة حلوة ومرة

يسلم لي قلبك يالشيخ

:)

ZoZOta يقول...

Ray

ايييييييييه

غبتى عنى والشوق جابك

:*

مندي؟؟؟

!!!!سويتوه مندي

حرااااااااام

ZoZOta يقول...

سليماااااان

الزين للزين يا سليمان

عاد تدري كان يهمنى انك انت تشوف البوست

لأن فيه مسج لك انت بالذات

لا تقول لي كسل

مانى مصدقه

وعلى فكره ما دري شنو قصة المدونين هالأيام

كلهم حايشتهم حالة كسل

او يكتبون بالسياسه

شي يملل

يعنى ماكو بوست ممكن تغسل قلبك فيه

الا قليل جدا

برلمانى يمكن

استكانه

احلا انجنير

وشوف مجنونه اليوم كاتبه بوست يشرح القلب

عجيب

وطبعا ما نقدر نغفل لوير

الفكرة شي

وتستاهل عيونك يالشيخ

ZoZOta يقول...

متفائل

ايه والله شكلك جذيه

:)))

الله يكفيك شر القرصه

اذا انت مو مصدق

شلون تبينى انا بالله اصدق

ZoZOta يقول...

خروووووفه

شفتى

على فكره شميس كل يوم يصبح على بزة جذيه

ويمكن بطريقه احلا بعد

صح يا شميس؟؟


:)))))

ايه والله سالفة الخصل سالفه

اهم شي انج ضحكتى يالشيخه

ZoZOta يقول...

محارة

ياااااي

يا بختى اذا محارة تقول عنى مبدعة

ويبقى هذا اللي تسمينه ابداع

لعيونكم الحلوة وبس

:**

ربي لا يخلينى من وجودكم حولي

فتى الجبل يقول...

زين بزة وشميس اذا تزوجوا شييبون؟
خروف

Kuw_Son يقول...

ما لقيت اسمي في الحوار اللي دار بين بزة و شميس ..

زعلت خلاص

ZoZOta يقول...

كويت سن

نو
نو
نو

بليز لا تزعل

المشكلة انك دزيت التعليق وانا كنت خالصه من البوست وبنزله خلاص

سووووووووري
سوري

والله

يالله عاد ما فينا من زعل

:)

charisma يقول...

وااى زوزو
ما ابى اشوفه خلى بخيالى احله مليون مره


لا يكدرنى ولا يقثنى
ولا يعور قلبى
ولا يخلينى احاتى

احلى من الخيال مافى صدقينىى
:))

:**

Kuw_Son يقول...

مممممم ..

خلاص رضيت

qesat_5ayal يقول...

سحبت العزيمة مع نهاية الاسبوع
:P

استمتعت بالحوار كله

أحلى شي مادحيني
:)

وشميس يغار

magnoonah يقول...

بحبه يا بابا

خوش حجي والله ومن وراي بعد

نظام التطفير عند بزه يشابه النظام عند وحده اعرفها
؛)
ـــــــــــــــــــــ

زيون تبين الصج انا مابي شميس مثل حبيب بزه

انا ابي قلب مثل قلب بزه
ابي قلب يحب
ابي قلب يغار
باختصار ابي قلب ينبض ويحس بالحياة


شنو اقول انتي شبه فاهمتني


زيون خوش حركه والله
ترى وايد اعجبتني اسميها فكره مرحه اكثر من انها مقلب

اما بزه وشميس وكل الناس
قوليلهم
مايموت الحب لو مات الجسد

النحيس يقول...

ها أنا عدت استجمع بعض وعي
أحاول أن أتدارك الوقت ، ما تسرب منه
و ما أُستنزف مني

لأكتشف أني قد تأخرت

و أختلطت مشاعري ما بين حوار رومانسي شقي
و ما بين طلب السماح من بيروت بكل هذا
الحزن و الأسى و الحنين للذكريات المفتقدة
و الحب و الوجع الكامن فيها على حد سواء

:


و فكرت

إذا ما كان هناك من فسحة لطلب
العفو و الغفران لي

و وجدتها تضيق و تضيق
و أتلاشى أنا فيها بلا وعي


كعقرب ساعة تخاذل عن المسير
و لم تأبه به الأرض و الشمس و القمر

و ظل يهذي

ZoZOta يقول...

فتى الجبل

:)

قطوة

ZoZOta يقول...

كاريزما

تصدقين عاد كلامج صح

والله الخيال وايد اجمل من الواقع

بلا عوار قلب

افففف

شكلي بصير مثلج

ZoZOta يقول...

كويت سن

:)

تسلم لي يا ولد الحقان

ZoZOta يقول...

قصة خيال

وبزة بعد تغار

:))

والغيرة سبايب

لفراق الحبايب

شكله هذا بيكون موضوع البوست الياي

اين اختفت بزة؟؟ ولماذا؟؟

ZoZOta يقول...

مجنونه

:))))))

فضايح

فضايح

يغربل ابليسج

قلب بزة يا مجنونه ما يصلح لأحد

يتعب اللي حواليه

خلج على شميس احسن

بس الفكرة كوووول هااا

:*

ما بغيتى تعلقين يا ام ديما

ZoZOta يقول...

النحيس

تأخرت ...وايد



مشكور على وجودك هنيه اليوم ولو انه متأخر شوي

Fahad Al Askr يقول...

أولا أعتذر لأني أعلق متأخرا، فأنا مقتنع بأن تأتي متأخرا خير من ألا تأتي

وبعدين شفت الحوار، وتخيلت جنيفر، ما تصلح حق الدور، فرشحت كاميرون دياز له، وعندي موعد معاها قريب، هذا طبعا بعد ما قالت عن دمي عسل، وشب شميس، لأن قبلها كان الدور رايح حق النجمة الصاعدة عالية شعيب

لا تخافين السيناريو يطبخ على نار هادية، والله ولي التوفيق من قبل ومن بعد

أما بخصوص الأخت الأولى اللي علقت فأرد على اللي عندها والسيد شميس مرة وحدة بعد، بأن المسألة ثقة بالنفس مو أكثر، ما أعتقد إن شاعر بائس وعمي ومنتف ممكن يسوي كل هذا، وإذا كان إهو قدر يسوى اللي سواه، فذلك مدعاة للتساؤل عما يمكنكم أن تقوما به

وبس


وبالنسبة للأبجورة، فأنا الحين عرفت منو اللي علق علي وداس ابطني يا لوير، بس تشكري لي منه لأنه جنتل وتعذر، حبيته وايد وقبله إنتي زود

أما الاخت الثانية، فتدري إني لا يمكن أعصب على بنوتة طيوبة وحبوبة، لكن إذا عاملة عمله سودة فالموضوع مختلف، وإلا شرايج يا أحلى مكينة

أعتقد إن الرد يناسب كوني نجم شباك البوست، والمساء والسهرة

ZoZOta يقول...

فهد العسكر

:)

توني احس ان البوست اكتمل

كاميرون دياز ما احبها وعالية شعيب ما تصلح عطننى خيارات اخري يابنى

ومعتمده عليك بالسيناريو

ابي شغل عدل لو سمحت

اما عن دمك العسل فهو عسل بدون نقاش حتى لو عمى ومنتف وفقير وعلى قد حاله

اهم شي عاجب بزة

وبزة حرة باختيارتها عاد من يقدر يقول لها لأ

:)

اما قصة الأبجور يا فهد مامرت على ولا اعرفها وما عاش من يدوس ببطنك

ترى وراك بطوووط اقصد رجال ويييييه اقصد بزة ولا يهمك

واكيد الرد وافي ويناسب رجل الشباك الأول رشدي اباظه

اقصد فهد العسكر

شغل عدل

:))))

ZoZOta يقول...

وعلى فكرة فهد نسيت اشكرك جزيل الشكر انك انضميت لنا بهذا اللقاء وبناءا على طلب الجماهير الغفيرة وعلى الهواء مباشرة في برنامج خلص الليل

ولا خلا ولا عدم يا فهد ومشكور انك جبرت بخاطري وعلقت

:)

Fahad Al Askr يقول...

ما طلبتي شي، أنا اللي آسف على التأخير، والله يعينا على شميس ويعنا علينا

وسالفة الأبجورة عند راعيتها

lawyer يقول...

صبااااااااااااحكم ورد

فهد و الزين

الزين وخري شوي منااااااك

بقوووووولك شي فهد بصراحه بصرااااااحه

انت من اعز البلوجر الي اعتز في وجودهم ويانا

و الكل يشششششهد لك بسنعك و تقديرك للناس كلها

و الحمدلله انت اكثر واحد ادقر
ههههههه
لألأ لألأ بخليها جد

المهم سااااالفه الابجووووورة
ترا عبالك انا مو مستاااانسه حدي مستانسه ان اكو شي يثبت في ذاكرة اي احد يقرالي

و انت عزيز و غااااااااالي
ويشهد الله فوووقي

و ماعاااااش من يكدرك في شي
بسسسسسسسس من طييييييب اصلك و اخلاقك

الواحد ينحرج

سالفه الابجورة يا الزين

بوست الابجورة

هذي اهيا شوفيها

و سالفه الدوسه في البطن
والله اول مرة اسمع فيهااااااا
يا فهد و يشهد الله اني فجييييييييييت بلوقي و بلوقك بوست بوست

ابي اقراشي

بسسسسس ما لقيت ياريت توضحلي

بس صدقني يعني ما اعتقد انها من طرفنا والله

فهد
انت واااااااااااااااايد عزيز و غالي عند الكل

يكفي اسلوبك و كتاباتك
و كومنتاااااااتك الي صصصصصج ذكيه


و كلمه ما يواطن مو سالفه كرهه او شي لا سمح الله
و لكن غيرة و هذا شي عادي

بسسسسسسسسسسسس انا و اهوووووو وايد اكبر من هالسوالف

يعني عادي انا وحده استفزازيه

هههههههههه يزيد غيرة ازييييد شطانه
لين تعود خلاص



الزيييييييييييييييين بعد قلبي

هذرت سامحيني

MKSARAT SAYED SAAD يقول...

عزيزتى زوووووووووو
الا تحياتي على الحوار الل ي ادارتى بية البوست بتاعك كان لذيذ هو كان صعب عليا شوية بس على مين قدرت اركز معاه علشان استمتع بية مكنتش متوقع انك لسة فكرة كلكل حبيبي
تحياتي ومودتى