.

تحذير : هذه المدونة تخضع لقانون حماية حقوق الملكية الفكرية ونحذر من نشر أو نقل أي نص أو مقال للكاتبة.. دون نسبه للمؤلفة.. في أي وسيلة

22.9.07

الزين والحداق




مساكم الله بالخير

او صبحكم الله بالخير

من بداية رمضان تلخبط عندنا الوقت

الصبح والمسا صار واحد

كلنا ارواح مسخره للعباده

طالبة القرب من اللي خلقها

ادري طولت عليكم الغيبه

بس اليوم البوست غير

وحدى مشتطه ابي اسولف لكم

امس طلعت الحداق ...... هياااااااااااااااااااااااااا

والله كانت الطلعه وناسه حد الدوسه

الجو كان عجيب ما كأن قاعدين بالكويت

بدون مبالغة ... كان ودى اتمدد واحط راسي وانام

بس وين ..... ههههههه .... من كثر ما كان الصيد حلالي على الأقل بالنسبه لي

ما قدرت حتى اشرب استكانة شاي ....مع انى ما اشرب شاي

بس يقولون ان الحداقه لازم يشربون شاي مع سيجاره ... :Pp

المهم انا ما حصلي لا هذا ولا ذاك

الحصيله النهائية ثلاث نويبية بس شنو ..... احلا شي حق فطورنا اليوم

وعقبها قررت اعتزل الفن عقب ما اعترفوا العصابه اللي معاي مع بوسه على الراس انى شيخة الحداقه

شرايكم فيني

شوفوا الصور بنفسكم وحكموا

هناك 62 تعليقًا:

غروب الشمس يقول...

ماشالله عليك يا الزين كامله ومكمله

بس شدعوه جان عزتمبنا على الفطور خو حنا جيرااان

غير معرف يقول...

ماشالله يالله عليكم بالعافية ان شاللة
ولا المفروض تسوين الفطور بالبلوق عشان لايقولن بخيلة :)

الله يعطيكم العافية يارب

Fahad Al Askr يقول...

سألت صبينا اليوم قالي ماما زين ما يدز سمج اليوم، فتأكدي إذا السايق قطهم علينا وإلا وداهم حق ناس غير

فريج سعود يقول...

النويبي الوسطي انا شايفه بمكان قبل هالمرة قولي الصج شاريتهم من سوق شرق؟؟

`~MnO YeNSa! ~` يقول...

zo0qa 7ARAKAAT ;),, bel3afya 7bebetii o na6reen el 3zema welaa dezeli mn elnwebii shwaya law etdezeen lena picture mnhom 3alla aqal elmohem yo9alna shy :P
bel3afyaa mqadamaan

جنة الحواس يقول...

الله ..

شوقتيني
عليك بالعافية ..الوناسة و الصيد

احنا حدّاقنا مسافر من غير شر .. مالنا روحة الا بالعيد

عثماني يقول...

ما اصدق زوزوتا ..صج!!؟

والله عفية عليج ..منتي هينة

جنون إحساس يقول...

يه يه يه شنو هذااا
حداااق بعد

لا الصراحة تشجعت
وشكل السمجة تشوق حق مرقه

تسلم الأيادي

magnoonah يقول...

بما اني ما اكل الزفر ولا صوبه
:)

احب اقولج وهقتي نفسج ويلى عزميهم


وترى لا تستغربين احنا من زمان غيرنا المقوله وصارت

ما يجيبها الا نسوانها


عسى ربي لا يغير عليج
:)

الزين يقول...

غروب

حياج الله

ومشكوره على هالكلام الحلو

:)

وبما ان احنا جيران

واشياء اخري

الحساب خليه تالي

:**

الزين يقول...

خالد

نخليها سحور شرايك

يعافيك وبيت مكه يوديك يارب

الزين يقول...

فهد العسكر

:))))))

سألت السايق يقول ان صبيكم قال له ان بابا فهد نايم

وانك ماتاكل سمج

عاد هذي بينك وبين صبيكم

انا مالي شغل

الزين يقول...

فريج سعود

اخخخخخ

طحت علي

بما ان مرسانا بشرق

فحنا ناخذ لنا لفه بالطراد وبعدين ننزل سوق السمج

نشترى لنا جم سمجه ونقول صدناهم

:))))


شرايك فيني

الزين يقول...

منو يسأل

:))))))

الله يعافيج حبيبتى

الزين يقول...

بروك

ايه والله احلا مزاج واحلا قعده

الله يعيد فيه عليكم

ومثل ما وادعتى تلاقين

وعقب العيد خوش حجي

تقدرين تطلعين بالنهار

احلا شي عشان السبوح

:)

الزين يقول...

عثمانى

شفت

كلش ماني هينه

:))

الزين يقول...

جنون احساس

سويتها مرقه اليوم

:))))

الله يستر

الزين يقول...

مجنونه

:)

يا بعدهم والله

لا ليش اتوهق

اعزهم افا عليج

وانتى على راس القائمه دام انج ما تحبين السمج

:*

ReLaaaX يقول...

ونااااسه علميناااااااااا


بس عورت قلبي السمجه .. توني ادري ان يطلع منهم دم :(((

lawyer يقول...

وناااااااااااااااسه

عليييييييج بالعافيه

شي شي

حبيبتناااااااااااا طلعت مو شوييييييييييه

عفيه علييييييج والله


بشري الجو كان حلو؟

محـــــارة يقول...

وااااو ما شاء الله تبارك الله برافو عليج .. خلف الله علي أنا طير ماعرف أمسكه هالمره سمج !! وأحدق

ودي أجربها بس أخاف حدي .. بس إن شاء الله أطلع مره مع أخواني طلعه بالطراد وأحاول

إلا بلأول أخواني يعرفون ولا حدهم طراريد وسياكل !! والله مايندرا عنهم

تسلمين وحداقه نمبر ون الله وياج روحي وربي يحفظج .. عاد طبيخهم انتي عشان تكمل بس لا تنسين تصورينهم فيديو من البداية لما تتهضهم :)

Nora يقول...

ما شالله
انتي بطلة
!!

اقرى و رقبتي ممطوووطة يعني كشخت فيج الا شوية
;pP

الزين يقول...

ريلاكس

يعنى بالله عليج شيطلع من السمجه فيمتو

اكيد دم

حبيبتي يا ام قلب كبر قلب الطير

:*

الزين يقول...

لوير

حبيبتى انتى

الجو كان مو طبيعي

برااااد يدوخ

كان ودي اتسند على كتف واحد من الشباب الحلوين اللي معاي وآخذ لي غفوة

:))))

بس للأسف كلنا كانت ريحتنا ما تنبغلا من الييم

والله يا فطوم لازم تجربين الحداق

شعور لا يوصف

هدوء خيالي

احساس بالسلام

ولما تضحكين تطلع الضحكه من قلب

الزين يقول...

محاره

وينج منخشه برمضان

عاد اليوم طبختهم بيدي

هذيج المرقه

الله بس بغيتكم معاي

:*

الزين يقول...

احلا مهندسه

يا بعدهم والله

كاشخه فيني

لا المره اليايه لازم اصيد حوت

عشان تكشخين اكثر

:**

ray يقول...

ya salaam

خياانة

ليش ما قلتييلي جان ييت وياكم ويا عدتي :P

عليكم بالعافية :)

الزين يقول...

ray

افا عليج

المره اليايه انتى على راس الطاقه

:*

magnoonah يقول...

عازمتني ها؟


ولا على سمج ليش ابوي موصيج علي يعني
:(

ما ابي هم تعزمينهم على شي يحبونه وانا ماخذتني للافلام الهنديه لا يبا مابي

صمونة فلافل وبطاط مع بيبسي من بقالة ق3
اهون علي من عزيمتج
:))

وجان تبين اعزمكم بيني وبينج ارخص
:))

Shather يقول...

ما شاء الله شقرديه .. ^-^

بس ما احب السمج و اخاف منه :(

Unknown يقول...

يه يه يه
شهالزين يا زين :)
الصراحة بيضتها

صحتين والاكل الفرش ماكو احلي منه
:D

`~MnO YeNSa! ~` يقول...
أزال المؤلف هذا التعليق.
`~MnO YeNSa! ~` يقول...

la laa qawyaa 9ar esmii mno YESA`AL !!??! LA akeeeeed 9ayma bs ma3atho0ra

غير معرف يقول...

:)
ههههههههه
أثرج منهم
..بس
احلى شي بالموضوع المانيكير
خووووش اظافر
..
عيني عليهم باردة لايتكسرون و تقولين عيني
..

في مكان تنصحيني فيه؟؟؟
مااقصد السمك طبعا
..



اختس
كوكا

1001 Nights يقول...

MASHALLA! Very impressive. She's a poet and she's a fisherman! :P

حسام بن ضرار يقول...

خوش صيد ما شاء الله


لكن الشطاره مو بالحداق

الشطاره بالطبخه شلون راح تطلع
:P

:)

david santos يقول...

Hello, ZozOta!
Very nice and very good posting!
Have a good day

sologa-bologa يقول...

أكره مرحلة

تصفط السمج والقشور واللوية
:)

نويبي على الفطور
!!!!

على السحور أحسن

وعوافي
:)

ray يقول...

الزين

ما اوصيج على الطباخ ;)

أهم شي بمرقة السمك ان الطماط و البصل يكونون راهيين

;)

الزين يقول...

مجنونه

بطاط وبيديان

يا سلااااااااااام
احلا

:*

الزين يقول...

شذر

انج ما تحبين السمج ممكن افهمها

بس تخافين منه

هذي شلون افهمها بالله؟؟؟

:*

الزين يقول...

مشاري

افا عليك

قدها وقدود اختك الزين

ايه والله ما في احلا من السمج الفرش

:)

الزين يقول...

منو ينسى

:)))))))))))))))

لووووووووووووووووووووووول

سوووووووري

والله ما قصدتها هيك

شلون يت معاي جذيه ما ادري

:)))))))))))))))))))))))))))

مت من الضحك

ولا تزعلين

هذى الغلطه عشان احطج على بالي زين

:***

لا تزعلين عاد

الزين يقول...

كوكا

ايه خوش شغل

وابشرج شغلهم نظيف ويطول وما يتغير

النيل بار اللي بالفنار جان تعرفينه

بس قرقشي مخباتج

:*

الزين يقول...

1001 night

am lots of things

;)

الزين يقول...

حسام بن ضرار

لا تحاتي لأن الطبخه طلعت شغل عدل

وكلوا اصابعهم وراها

:)

ولا تنسى انى الزين ماني اي شي

;)

الزين يقول...

David

its always my pleasure 2 see u in my blog

thanx dear

الزين يقول...

سلوقا بلوقا

الله يعافيك

بس اخذها منى

افطر شي خفيف

وانطر لبين بعد التراويح

وبعدين اهجم على السمج

ايابااااه

شي طيب مع المعبوج طبعا

:))))

الزين يقول...

ray

يا بعدهم والله

ما توصين حريص

ترى اخيتج الزين ما عليها قاصر بالطباخ

:))

ray يقول...

شغل عدل :D

بتاع كله ماشاءالله

charisma يقول...

لووووووووووووول
ههههههههههههههه
يحلوج والله
عليج بالعافيه هالطلعه
انا لو تعطينى مليون ديناار ما طلعت حدااق
ولالا بعد امسج سمجه جذى
نووو وىىىىىى
ما احب الزفره
:))))

بس شى شى خوش صييد شكله
:*

غير معرف يقول...

يوووه

منتي هينة يا الزين
:)

بس الله يعينك عاد على تنظيف الأظافر من تالي
:p

بالعافية

`~MnO YeNSa! ~` يقول...

حبيبتي عادي اتمونين و الله هم انا مت من الضحك .. ما بينا زغل اشدعوه.. ها شصار على السمج طبختيه طلع حلو ؟؟

`~MnO YeNSa! ~` يقول...

*زعل :P

الزين يقول...

ray

بعضا مما عندكم يا بعدهم انتى والله

الزين يقول...

كاريزما

واااااااااااو

u dont know what ru missing

لازم تجربين عشان تحكمين

شعور مو طبيعي

واحلا شي انج تطلعين مع ناس تحب الوناسه

يعنى تطفر وغشمره

طول ماانتى قاعده تضحكين

الزين يقول...

النحيس

فقدتك من غير شر

ومن طول الغيبات

انا يبت 3 نويبيه

انت شون يبت؟؟

لا تحاتى اضافرى

مقدور عليهم

يووووووووووو؟؟؟؟

منهو انت

ياللي في مدونتى سكنت؟

:)))

ما غيرت رايك

علمنى على مدونتك

بلييييييييز

ولا تصير نحيس ويا الزين

تراها خوش بنية وطيوبه

:)

الزين يقول...

منهو ينسى

:)

اووف سكتى

طلع شغل عدل

:**

U_SF يقول...

اووه الزين طلعت حداقه مشالله لوول

خوش صيد والله مبين عليكم نشّفتوا البحر
عليكم بألف عافيه

بس عاد اللنويبي حلاته مرقه وتمصمص مع هاللومي الله الله .. صج صايم لووول

لا مبين خووش صيد يعطيكم العافيه
وخوش صور بعد ^^

DiLLi O MiLLi يقول...

أدري البوست قديم .. بس وأنا أتمشى في بلوقج
لفت نظري سالفة الزين والحداق
لفت نظري لأني حداقة وأموت على الحداق

عجييب صيدج يالزين !! ودامه نويبي فأكييد كنتوا بالركسه
وأنا مثلج .. أذا النابر ما يوقف ولا الصيد حلالي
لالالا أشرب ولالالا أكل
تعالي بس شوفي شطتي وأنا ألشط .. محد يقعد يمي
يخافوون لا أيهم كووع مني
:)
أحنا محدقنا حوالين أم المرادم

متعه الصيد .. ساعات ما يحصلي طلعة البحر
تلقيني أحدق على اليال .. جدام شاليهاتنا
لالالا وأقعد بالساعات ما أحس بالوقت



البوست هذا ما يتطوف فقلت لازم أعلق

:)

الزين يقول...

يه يه يه

عيل طلعنا حداقه مثل بعض

على قولة اخوي بو سلمان السمج يعرف ربعه

:)

شوفي انتى وبروك وانا يبي لنا طلعه

افييييييييييه

جنى اشم ريحة الزفرة الحين

يختج قطاوة مو بنات

:*

حبيتج اكثر يا دللي

DiLLi O MiLLi يقول...

هههههههه

يالله .. أنا علي الخيوط والييم

حبتـــــج العــــــافيه

:**