.

تحذير : هذه المدونة تخضع لقانون حماية حقوق الملكية الفكرية ونحذر من نشر أو نقل أي نص أو مقال للكاتبة.. دون نسبه للمؤلفة.. في أي وسيلة

4.9.07

والتقينا... الزين بعد الكلاكيت




الزمان : مساء يوم الخميس

المكان : ماكي / الأفنيوز

والتقينا

نوره : زيون شفيج..... فيج شي

الزين : نوو .... مافيني

نوره : تعرفينهم اللي دخلوا؟؟

الزين تهز راسها بصمت

قماشه : واو شفتيهم

ريم : اكو واحد منهم ياخذ العقل ..... مزيون

الزين ترفع راسها تناظرها

نوره : زين .... شفيج

الزين : مافيني ... يمكن يوعانه شوي


أخ يا قلبي

وصدفه تلاقينا

ولمست روحي ايدينه

ادور اثر فراقي بعينه

صار الوجود لونهم

هزنى يوم ناظرني بلحظة

حتى خاتمي ثقل باصبعي

حتى انفاسي تغيرت ... اسرعت

صار حضوره دنيتي


ريم : ابيه زيون .... الحلو المزيون .... أخييييه .... مو شايل عينه عنج

نوره : بس .... الثقل زين ... شفيج اليوم صايره أي شي


الزين ترفع راسها تلتقي عيونه تحس بغصه يوقف كل شي حواليها ما تسمع ما تشوف وما
تحس إلا بوجوده


انتى وينج

انتى وينك

ليش الجفا يازين

كنت بارد معاي ..... كنت اهدا من هواي

كنتى تطلبين وايد ....... كنتى تعطين من غير حساب

ما قدرت اقايش معاج ...... انا مو جذيه

انا ما اعرف ادلع .... ما اعرف اقول

شسوي انخلقت وتربيت جذيه

يعني انا استعيلت

مادري

شلون ما تدري

لين الحين ما عندك جواب


قماشه : الزين ....... زيوووووووووووون ... وين رحتي

الزين : هممممم .... نعم .... سوري سرحت

ريم : اللي ماخذ عقلج

نوره : قموش ذوقي هذا عجيب .... خلوها ..... توها تقول يوعانه ... زيون !! ما تاكلين

الزين : مو جنه حر شوية


البنات يتطالعون


لا تطالعني جذيه انت عارف تأثير عيونك علي

لا تسرحين فيني بهالشكل لا تضعفيني اكثر

يا ليت الدنيا انا وانت وبس

حلوة ..... مثل ما خبرتج .. حلوة ......ايامنا كانت حلوة

ما عرفت قدري ولا قدرها


نوره : زيون .... البوست الأخير كان حلو ....حسيت انج تتكلمين عنى .. تقصديني بهالكلام
قماشه : وانتى كل ما اكتبت شي قلتي عنج ... ما صارت .... ووين رحنا احنا .... احنا لنا
دور بعد .. اصلا هالمره كانت تقصدني انا مو انتي

ريم : ياحلوكم .... وانا وين رحت

الزين : بس عاد فضحتونا .... انا كنت اقصدكم كلكم وانا بعد وياكم.... بس سكتوا

ريم : أي شي .... انتى ليش معصبه

الزين : يوزي عني .... وماني معصبة

نوره : اقول زيون

الزين : همممم

نوره : كملي سالفة الزين ..... تذكرينها؟


ترفع عيونها تطالعه واهو لاهي مع ربعه

ريم : ايه كمليها .... خليهم يلتقون .... رجعينهم لبعض .... خليه يحبها ويترجاها ترجع له

قماشه : ايه .. ايه ... عيشي الحلم ... ماكو فايده فيج ... مخج ترللي

ريم : اووووووووه انتى عاد ... شنو يعني ما يصير نحلم ؟ اصلا احلا شي انج تحلمين

نوره : نبي انتقام ..... خليها تنتقم منه

قماشه : يا سلاااااااااام .. غرام وانتقام .... صار فيلم عربي

الزين : مادري ... احس ان السالفه مصخت ... وانا اصلا مليت من هالقصه

ريم : كسري المود .... صار لج فتره كله شعر ... نبي اكشن .... نبي قصص

نوره : يالله زيون .... بلييييييييييز ... بوست واحد بليز


يطالعها واهي سرحانه يتساءل .... شتفكرين فيه .... ياليت اعرف ... ياليت اقدر اقراج الحين

ترفع عيونها ..... يبتسم لها ..... تصد


الزين : ليش لأ ....نكتب بوست واحد وبس


قماشه : تهقون سالفة الحب هذي صجية .... يعني اقصد اكو حب مثل ما تكتبه الزين
بقصايدها

ريم : ههههههه ... لازم يكون ... أي شي ...... انا وحده ماراح اتزوج الا لما احب

نوره : ماكو .... شبابنا ما يعرفون يحبون ..... كلهم يبون يلعبون .... بعدين يما خطبي لي

قماشه : انا وحده مابي احب .... ما بي ينكسر قلبي

الزين : وشدراج بينكسر قلبج

قماشه : انتوا .... كل وحده قصتها قصه..... وانا ماني مينونه اسوي مثلكم

الزين : تبين نصيحتى .... انحبي بس لا تحبين

نوره : انتى تتكلمين جد .... انتى اكثر وحده تسوق للحب ببلوقها

الزين : لأنه موجود .... بس للأسف ولا وحده منا صادفته

ريم : يعني انتى تبين تقولين لنا انج ما حبيتي ابد

الزين : هههههه ... يمكن .... ويمكن

نوره : اهاااا شوفي عاد ... اليمكن واليمكن هذي فيها إنه .... ومنتى منحاشه بتقولين يعني
بتقولين

قماشه : بنحطج وبنربطج ولازم بتقوليييييييييييين

ريم : يما ..... ريا وسكينه اسم الله على قلبي

الزين : ميانين رسمي

نوره : ايييييييييه..... جبرني الوقت انا ارد لك ....تشمت فرصه وجت لك

ريم : وانت عاد من الله تبيها

الزين : وتدري انا ... احبك ... احبك والله احبك

نوره : اخيييييييييييه


تشمت فينى وتشفى .. وحسابك معاي صفى ... واذا ودك تعذبني ... الزمن كفى ووفى .... جبرني الوقت انا ارد لك

احسب الناس مثلي بطيبي ... وعلى نفسي ابديهم ... أأمنهم وهذا هو عيبي ... ومليون مره
انصدم فيهم

تهقا أن رجعتي سهله ... تعتقد اني برجع .... انت موهوم ... موهوم


قماشه : زيون هييييييي ... وين رحتي

الزين : مارحت ... وياكم

قماشه : شوفي عاد ... تبين الصج .. انا ترى النهاية ما عجبتني .... حسيت ان ما فيها آكشن

الزين : أي نهاية؟؟؟؟

قماشه : وتقولين انج معانا ..... نهاية قصة الزين .... والله ابصم بالعشر وعلى يبهتى بعد
انج اليوم فيج شي ... شنو مادري

ريم تتفحص وي الزين

ريم : ايه محلوة .... شمسويه حق بشرتج ....ابيييييييه لا تقولين اوباجي بعد

نوره : وانتي كله بره الموضوع

الزين : شلون يعني يا ام اكشن انتى ..... يتكافخون.... تموتين على العنف

قماشه : انتوا ليش جذيه ظالميني ... بالله ويهي انا مال عنف ... كل اللي اقصده على الأقل
خل نكون واقعيين .... يتهاوشون ... يتحاسبون .. مادري

تهقا كان لازم نشد مع بعض ... نحاسب بعض ... يمكن حزتها نحن حق بعض

تهقين انج لو ما تركتيني بهالسرعه كنت راح احبج اكثر


عيناك .... آه من عيناك

دخان سيجارتك احتواني كما لم تحتويني يداك

همس عطرك يداعب مخيلتي

يثقل مقلتي بكل الأحلام والأمنيات

يهزمنى ...يقتلني ..... يطرحنى بكل المتاهات


الزين : بس الزين مومن طبايعها تناجر وتداحر..... اهى مو شخصيتها انها تستجدي
مشاعره ناحيتها .... وماكو حب ايي بالقوة .... وانا اعتقد ان اهو ما حبها ..... اهو تعود
على وجودها بحياته لفترة ...... وساعات هالتعود كان يثقل عليه

يصير مو فاضي لها ... مو صوبها ... وماكو شي يجبره يتواصل معاها... بس لو كان
يحبها ... كان الوضع وايد راح يختلف


نوره : بيييييه .... انتى وايد عايشه الجو ومحتره

الزين : عشان اكتب عن الزين لازم اكون الزين نفسها ... اعيش قصتها

ريم : والله ما يندري عنج .... ما تنعرف مايتج .... ساعات تكونين غامضه ... ساعات
احس ان كل اللي قاعد يصيير صج ... مو خيال


الزين : هههههههه ..... تهقين

قماشه : بس والله اذا حبيتى وما علمتيني بحاربج ..... وتكونين اكبر هبله اذاعشتي قصتج
اللي كتبتيها وعارفه شنو نهايتها .... بلا حب بلا خرابيط


نوره : الحياة حلوة .... لعبى واستانسى في حدود المعقول بس لا تتعلقين ... شحقه عاد احط
لي واحد يلوع جبدي ... ويلعوزني ... واسوي له يا دهينه لا تنكتين .. وبالنهاية ...... بح


ريم : ووين المتعه انج ما تعيشين هالمشاعر .... مشاعر الوله .. الشوق .... الوناسه لما
تلتقينه

قماشه : انتى خلج عايشه بالأحلام لما ايي لج اللي يعطيج طراق سنع

الزين : تبون تحلون لو نمشي

ريم : ايه ... ايه نتمشى شوي ... نهضم ... ونمتع ناظرينا ..... هههههههه

نوره : انتى يالفاصله

الزين : انا ابي قهوة

قماشه : وانا ابي حلو

نوره : افف انتى يالنمله ياللى تموتين على الحلاة

ريم : انا ما عندي مانع ... على شرط

الكل : شرطي

ريم : نشرب قهوة بعديلية ..... هاهاهاهاهاها

نوره : أحلا ااااا

قماشه : شالسالفه

الزين : ماكو خليج انتى مثل ما انتي ... هذول فاصلين


الزين تناظره بعيونها للحظة

الزين : انا ابي ارجع البيت

البنات : ليييييييييييييييييييييش؟؟؟

الزين : تعبت ... ابي ارجع


نوره : اوكي ... قموش عيل نكمل القعده في بيتكم

الزين : لأ ... تعالوا عندي ... ما ابي اقعد بروحي

ريم : يا شينكم


انا ماشية ... ويمكن ما اشوفك مره ثانية
ويمكن صدفتنا اليوم كانت عشان تعلمني
شنو اللي انا خليته وراي ومشيت وشنو اللي خسرته
.... تدري .... اكتشفت اني ما خسرت الا الوقت اللي قضيته معاك
.... اما انت .... منت اللي في بالي .... يمكن اكون في لحظة حنيت ... اشتقت ...
وعذبتني الأفكار..... بس الحين تأكدت ان كل اللي كان ... كل المشاعر ...كله .. كله ...
كان تعود... كان مجرد فراغ ... وانت عبيته ... والفراغ لازال موجود ....
والف غيرك يعبيه

فرصه سعيده








هناك 62 تعليقًا:

طاهر خشاب / Taher Khachab يقول...
أزال المؤلف هذا التعليق.
طاهر خشاب / Taher Khachab يقول...

تشمت فينى وتشفى .. وحسابك معاي صفى ... واذا ودك تعذبني ... الزمن كفى ووفى .... جبرني الوقت انا ارد لك
احسب الناس مثلي بطيبي ... وعلى نفسي ابديهم ... أأمنهم وهذا هو عيبي ... ومليون مره انصدم فيهم

تهقا أن رجعتي سهله ... تعتقد اني برجع .... انت موهوم ... موهوم

.
.

تهقا كان لازم نشد مع بعض ... نحاسب بعض ... يمكن حزتها نحن حق بعض
تهقين انج لو ما تركتيني بهالسرعه كنت راح احبج اكثر

عيناك .... آه من عيناك
دخان سيجارتك احتواني كما لم تحتويني يداك
همس عطرك يداعب مخيلتي
يثقل مقلتي بكل الأحلام والأمنيات
يهزمنى ...يقتلني ..... يطرحنى بكل المتاهات

.
.

الزين : عشان اكتب عن الزين لازم اكون الزين نفسها ... اعيش قصتها

.
.

انا ماشية ... ويمكن ما اشوفك مره ثانية ... ويمكن صدفتنا اليوم كانت عشان تعلمني ... شنو اللي انا خليته وراي ومشيت وشنو اللي خسرته .... تدري .... اكتشفت اني ما خسرت الا الوقت اللي قضيته معاك .... اما انت .... منت اللي في بالي .... يمكن اكون في لحظة حنيت ... اشتقت ... وعذبتني الأفكار..... بس الحين تأكدت ان كل اللي كان ... كل المشاعر ...كله .. كله ... كان تعود... كان مجرد فراغ ... وانت عبيته ... والفراغ لازال موجود .... والف غيرك يعبيه

فرصه سعيده


القراءة لم تكن سـهلة, كوني لم أعد معتادا لقراءة العامية

ورغم هذا, الفرصة كانت سـعيدة جدا!!!

النص والحوارات ممتازين
أسـلوبك يغرقنا بسـلاسـته

دمت

Shather يقول...

حطيتي قلبي بفرامه لحم :((((

وانتي صاجه يوم قلتي ..

انه تعود على وجودج حوالينه لكن ما حب ..

و في فراق شاسع بين الحقيقتين

اتألملج و اتألم لنفسي

esTeKaNa يقول...

ماكي الافنيوز
وظلمه المكان
عيسى ماكي
وترياكي
وعصي الاكل
هدوء واكل لذيذ
وصدفه في مكان جميل
:)
الزين قويه
وقرارها ذكي
يوما ما ستكون الزين هي نور في اخر بوست عندي
تستقر مع شخص طيب
يبحث لها عن ما تحبه ويسعى لارضاءها
كيف لا وهي ام عياله
:)
يا الزين..الدنيا ما توقف عند تجربه واحده لم يكتب الله لها نهايه سعيده
اكتفي بالجانب المشرق
الجميل
والرقيق منها
وارحلي لبدايه جديده
وسعاده انتي من تصنعينها


وسلمي لي على القروب اللي يونس
مرة ثانيه بطلع وياكم
:)

Unknown يقول...

مو راضية تسمعين الكلام
ويمكن راح تذكرين كلامي بان الشكل جذاب
والواحد ما يرضى ان يكون مجرد عادة امام احد فادوس عليه وامشى
يالزين

العقل بالراس وهو التاج
والقلب بالصدر مخشوش وما يستاهل اى احد

7osen يقول...

الزين

ودي اسأل

شلون تقدرين تميزين اذا كان حب ولا تعود بس


يعني كلامج السابق وكلامج الحين لما شفتيه يخلينا نحس إنج تحبين حيل وقاعدة تقصبين نفسج على الإبتعاد علشان مالقيتي نفس الدرجة من الحب

لكنج بالأخير تقوليين إنج أكشفتي إنه كان تعود مو حب

أذا كان تعود وخلاج بكل هالمشاعر وكل هالألم إللى حسيتيه عيل شلون لو كان حب

أحياناً نوهم نفسنا بشي ونصدقه على شان نرتاح لكن بالحقيقة يكون غير

أنا أعتقد إنج حبيتيه

الزين يقول...

Straniero

صعبه عليك العامية

بس تتعلم شوي من مسطلحاتنا الكويتيه

:)

سعيده بعودتك

وافتقدت وجودك بالفتره اللي طافت

الزين يقول...

شذر

اسم الله على قلبج

لا تقولين جذيه

صدقيني ما كان الألم موجود

كانت افكار بس

ورا بعض

ادراك لواقع

تأكيد لحقيقه

وانتهى

واصبحت القصه ذكرى

نذكر اجمل لحظاتها

ونبتسم

وننسى المراره

عشان نواصل

وكله نصيب

الزين يقول...

استكانه

يا الزين..الدنيا ما توقف عند تجربه واحده لم يكتب الله لها نهايه سعيده

حبيبتي استكانه

ولا راح توقف

وصدقيني الزين مو حزينه

ولا متحسفه

بالعكس

مرتاحه مع نفسها

وراضيه بقرارها

وكل شي قسمة ونصيب

وكل تجربه نمر فيها تضيف لنا شي

والتجربه هذي خلت الزين تكسب نفسها

:**

الزين يقول...

مشاري

والله سمعت الكلام

والله سمعته

وتركت كل شي وراي

وعديته

ولا تزفني

ترى الحين اصيح

انت ما تقدر تلغى تجربه وفتره عشتها بحياتك

وما تقدر تلغى شعورك في لحظه تختلط الأمور عندك فيها

بس بالنهاية بعد ما يهدا كل شي

تدرك انه اصلا ماكان شي

وتاخذ التجربه بحلوها ومرها

وتبتسم

وتقول انا جربت

والتجربه تسوى

لنها اضافت لي شي

وزادتني ثقه وقوة

وخلتنى اعرف نفسي اكثر

بس

هذا كل الموضوع

الزين يقول...

حسين

كلامك ذكرني بحوار عبله ويا ابوها لما حبت عنتره

حبيتي العبد ... حبيتيييييه

حبيته يابوي ... أجل حبيته

:)

شلون اقدر اميز اذا كان حب لو تعود؟؟

لأن الفراغ اللي تركه لوهله ماعاد موجود وبسرعه انشغل بأمور ثانيه

ولو كان حب مافي حدا راح يعبى مكانه

مثل ما تقول الغنايه اللي غنتها ماجده

ما حدا بيعبي مطرحك بقلبي

يمكن مشاعر الزين لما التقته بعد غيبه كانت خوف من انها تضعف

بس اكتشفت ان اصلا الضعف مو موجود

والرغبة بأنها ترجع لها هم مو موجوده

يمكن كل الحكاية كانت فراغ عاطفي واهو عباه

او يمكن كان حب مادري

بس الحين

انتهى
اصبح ذكرى

وذكرى حلوة

نتذكرها ونبتسم

ونكمل طريجنا

Unknown يقول...

الزين كله.. قرأت إلى ماقبل الأخير.. وأستمعت جداً بالمحادثة الشيقة .. وأعدك حينما انتهي من تسجيل موادي عبر الأنترنت للجامعة أن اكمل الحوار الرائع الممتع..1

قارئتك دائماً
سارة صاحبة القبيلة

فراوله يقول...

مساالورد والجوري
غاليتي
زوزوتا
صدقتي هناك شي قوي وعميق يكمن بداخل القلب وهو مانسميه الحب واذا كان وجود شخص داخل هذا القلب
لايمكن ان يملي اي شخص او شيء مكانه
ففعلا هذه فرصة سعيده
دمت بدفء وعذوبه
ابدا
:)

5roofa يقول...

تدرين قلبي حااس معااج
والله حست حستني ابي يمشي البوست و اعرف شيصير
امبي لعبتي بقلبي و اعصابي و انا اقره

يعطيييييج العافيه صج بوست كله رومنسيه و عوار قلب

يعطيج العافيه يسلموووو

salamz sweetee...

SHAHAD يقول...

اللقا بعد فرقا
شعور صعب
المشاعر كلها تتلخبط
ما بين حب وشوق
وما بين عتاب وألم
بس تظل الإرادة وقوة القرار أكبر من كل شي
تدرين يالزين
مرات نكتفي بالذكرى عشان نتجنب الألم
نتجنب نجرح القلب مرة ثانية
حتى لو قصينا على نفسنا وقلنا المسألة تعود
يظل الحب بالقلب والذكرى الحلوة :)

الزين يقول...

غاليتي ودرة مدونتى اليوم ساره

غيابك طول

ووجودك اليوم ولوهلة لا يروي العطش

ومرورك الخاطف هذا لا يكفيني

احب اشوفج دوم يا ساره

افتقدتج

الزين يقول...

فراوله

دائما الرقه تغلف ما تكتبينه

احببت وجودك دوما

الزين يقول...

خروفه

اسم الله على اعصابج وقلبج

:)))

اهم شي ان اللي كتبته عجبج

الزين يقول...

شهد

كلامج صح

تظل فيه معزة نوعا ما

وتظل الذكرى حلوه

بس مو اكثر

طاهر خشاب / Taher Khachab يقول...

مراحب من جديد

اليوم قرأت من جديد
وربما يمكنني التعليق.
لكن إسـمحيلي أشـكرك على هالرد غمرني قلبي بالسـعادة رغم حزنك.

أعذريني عالغيبة في الشـهرين اللي مضوا غيرنا البيت والمكتب وكان علي أن أتابع الأعمال بنفس الوقت.

أما عن التعليق اليوم فأنا أريد أن أحييك على خاتمة الحديث. وأرجو لك كل خير وإنشـاء الله تلاقيه عالدرب مين يسـاوي ألف...

دمت بألف خير

سويلفاتي يقول...

اندمجت حدي وياكم وحسيت روحي قاعدة وياكم على الطاولة
الله على الحب وحلاوة الحب

الزين يقول...

straniero

وجودك مره ثانيه بنفس البوست واضافتك تعليق مره ثانيه

عن جد فرحني

اكيد اللي كتبته مس شي ما في نفسك

واكيد وجودك اليوم بعد شكل فرق عندي

اتمنى اشوفك على طول

الزين يقول...

سويلفاتي

حيا الله من زارنا اليوم

:))

امتع شي صحبة بنات مثل اللي وياي

ينسونج الهم

اكل زين وصحبه طيبه

يالله فوقه

انتى واستكانه حياكم معانا المره اليايه

بس احذرج بعدين ترى بيصير ادمان

الزين يقول...

حمودي

حياك الله

غير معرف يقول...

محرجة هذه الصدف و مربكة
بقدر الألم ، بقدر الشوق ، بقدر الفقد
بقدر الإحتياج و الوحشة
و إستجداء الفراغ الذي لم يعبأ بعد

هذه اللحظة فضاحة
لأكثر الأشياء التي نحاول نسيانها
أو الفرار منها

قالوا لي ذات مرة

من يوجعك قلبك لأجله اليوم
غدا لن تتذكر حتى إسمه

حسنا
:)

قد لا تبدو الأمور بهذه الصورة تماما و لكن
الوقت و الحياة يا الزين كفيلان بتطويع
حتى الحديد

و بالمقابل نحت القلوب يالزين يحورها أو
على الأقل يجعلها تأخذ من الصخر بعض صفات و أشياء

سردك رائع يا الزين .. أشعر و أن كل
حرف هنا يزف نفسه على موسيقى و عزف
خاص
حتى تلك التي لا تندرج تحت خانة الشعر


منذ فترة يا الزين كنت غارقا هنا مستمتعا
و متنقلا بإحساس من حرف إلى حرف

لفت نظري مقطع جميل .. عن جد لازم تكونين
فخورة فيه لجماله و ابداعك فيه
:)

بس ماني قايله
:p

يمكن بعدين

نحيس ههههه

كوني بخير

سلاااااام

الزين يقول...

غير معروف

من تكون؟؟

شديت انتباهي

قلت اللي انا ما قلته بالبوست

بس عطيت القارئ تلميحات عنه

ايه القلب يصير صخر عقب

وصعب يميل

واصعب انه يحس بنفس المشاعر مره ثانيه

والحب يفقد جزء من بريقه

ويصير طاريه مصحوب بشيء من المراره

وبعدين تعال قولي

شنو المقطع اللي عجبك

لا تصير نحيس

يعني انا الحين اطالبك جواب على سؤالي

وهذا يخليك ترجع مره ثانيه للزين

وتشوف جديدها

سعيده بوجودك

ولا تطول الغيبه


مع اني ما عرفتك
:)

Barrak يقول...

والتقينا
ولمست روحي ايدينه
هذي بروحها مافيه

الزين يقول...

barrak

وانا زعيمة المافيه

:)

ReLaaaX يقول...

عورتي قلبي يالزين !؟

تصدقين يمكن ليش مو طاله عليج من مده مادري شنو اخر الاحداث اللي صارت ..!؟
عسى ماشـــر ؟



بس تدرين ... قرارج حكيم حسب اللي فهمته من الاحداث

التفكير بالعقل والمنطق بمرورته وتعارضه مع القلب إلا ان راح تتخذين عقب انسب قرار

:))

ياااااارب سألتك باسمك الاعظم الذي إذا دعيت به أجبت وإذا سئلت به أعطيك أن تعوض زيونه باللي يستاهلها..اللهم آمين

الزين يقول...

ReLaaaX
يا حبي لج

يالشيخه

بعد قلبي والله على هالدعوة الزينه

ربي يبلغج اللي في خاطرج ويعطيج على قد نيتج

sologa-bologa يقول...

خانت حيلي على الزين
اللي بحبها محتارة

بس عجبتني قماشة
واقعية جدا

:)

ودمتم بحب وود

غير معرف يقول...

الخايمة كانت هي الحقيقه و نهايه المهزله ........ محد يستتاهل يكون ملئ فراغ
سديقتج

الجريحة يقول...

عزيزتي زوزوتا
شنو هالأبداع :)
والله ابداع وآنا أقرأ فعلا كنت مستمتعة بالقصة وطريقة السرد ومداخلة البنات والحديث الي بين الحبيبين
قمة في الرومانسية
أشكرك وأتمني لك أن تنشري قصصك
لأنها فعلا جميلة

charisma يقول...

مساء الخير يا ويه الخير كله يالزين المزين
;)

واخييرا كملتها هههههه
الحوار جنى بينكم لى درجه حسيت ودى اشارك بالحديث واشتط
:)))

اعجبتنى الزين فى هالكلام لانى وااايد اقوله

الزين : تبين نصيحتى .... انحبي بس لا تحبين

عاد تونى قايلته حق وحده من البلوقيرز ما اذكر منو!!

الى مثل الزين وااايد

وشعور ان ضاع وقتى وعمرى مع الانسان الغلط متعبه
تتحسفين على مشاعرج الى طلعت من قلبج
وعلى وقتج الى قضيته مع انسان غلط
:/

نوره قالت كلام اينن ووايد عجبنى
عيشى حياتج واستمتعى فيها بلا حب وبلا خرابيط

نصيبج بييج لى عندج الى يطق بابج خلى خطبتج سريه وعيشى معاه احلا قصه حب
من الالف لييييين الياء
اذا حبيتى ودش خاطرج ملجى وتزوجى واذا لا فليها لا من شاف ولا من درا

غاليه وعزيزه وشاريج واهو الى ياييج وطاق بابج

وباجى العلاقات الانسانيه من صداقه وغيرها هذا شى ثانى

شرايج فينى وانا اتفلسف
بس احس هذا العقل
وهذا احفظ حق قلوبنا هالرهيفه

تسلم هالاناامل
:**

وسلامى للابطاال الى بالحوار
:))
اينينون

Purplecious يقول...

أبدعتي أبدعتي

عجبني موقف الزين القوي رغم الانكساراللي سببه وقع النفاجأه

بس سرعان ما تحول الى قوة و بأس انعكس بعيونها


ما فيها شي اذا حبينا الشخص الغلط

ما أظن ان لازم نتندم على ماشاعر و عطاء قدمنا من كل قلبنا

بالعكس

لازم نحب و نلاقي متنفس حق قلوبنا اللي فيها كميه من الحب اذا ما فرغناها راح تطفح و قد تسسب مالا يحمد عقباه

مشاعر الحب جياشه و عمرها ما راح تنضب
راح تتجدد أكيييييد

طول ما الانسان عايش راح يحب
لأن مافي انسان يقدر يعيش بدون حب

و الضربه التي لا تقلتني تقويني


روعه يا زوزو
مشاءالله عليج خليتيني أقول حجي مادري منين طلع
هههههههههههههه

:*

SolaimaN يقول...

ماحب اقرى البوست الطويل بسرعه امل والا

اخطر سطر وسطر ،،بس انتي غير

:s

ماعندي مشكله اقراه مرتين وثلاث، تصدقين احس

وانا اقرا اني قاعد اطالعكم،ماشالله عليج

انا ما الوم ريم يوم قالت:احس ان كل اللي قاعد يصيير صج ... مو خيال

عموما بكلا الحالتين اقول الله يهنيج يا الزين

الزين يقول...

سلوقا بلوقا

يا حيا الله من زارنا

اهم شي قماشه مستانسه وايد من تعليقك

:)

الزين يقول...

غير معروف

اهم شي اني طيبت خاطر سديقتي :))))

الزين يقول...

الجريحه

حضورج اول مره الاحظه

واتمنى ما تكون الأخيره

يسعدني ان الحوار عجبج

مرحلة النشر هذى لسه بكير عليها

فكرت ما اقص عليج

بس احتاج وقت عشان اصقل اسلوبي

مشكوره على الإقتراح

الزين يقول...

كاريزما

:)))


تدرين عاد

عجبني الكومنت مالج

وايد عجبني

والجماه كلهم يسلمون عليج

ويوقولن ان ناوين ياخذون استكانه وياهم المره الياه

حياج

ترى اللي وياي شله انس

ويهبلون لين افصلوا

حطي لج بطن حق الضحك

نوره على قماشه على ريم

هذولي ابطال الحوار وابطال حياتي

الصحبه الصح واللي قلبها عليج

وانا اعتقد انتى وحده منهم

مشكوره يا كاريزما على النصيحه

:*****

الزين يقول...

Purplecious

حيا الله الشيخه

تصدقين انا جدا سعيده ان كل اللي حوالي واقفين وياي

والله مفرجنى اكثر ان الكل معجب بالحوار على كثر ما اهو واقعي وممكن يصير بين اي شلة بنات

بس الله اكثر شي راسم الأبتسامه على شفايفي

وجودكم انتوا
الناس اللي احبهم واقدرهم واحب اقرا لهم على طول

لما ايي الإطراء منهم ادري انه مافيه مبالغه

وادري ان عمركم ماراح تجاملوني
وهذا عشمى فيكم

نصايحكم دايما تنورني

ووجودكم ينورني اكثر

:*

الزين يقول...

سليمان

:)

مرتين وثلاث

الله لا يخليني منك

وانا غير

ويجبر بخاطرك مثل ما انت دايما جابر بخاطري

:)

لا تطول غيبتك علي

ترى والله افقدك

Яeema يقول...

how can i read the first story?

بدايات المقالات كانوا بأي تاريخ إذا تكرمتي؟


ما أبي أقرا النهايه

الزين يقول...

اهلين ريما

تلقينهم تحت بعضا مما كتبت

الزين كلاكيت اول مره

الزين كلاكيت ثاني مره

الزين كلاكيت ثالث مره

تعب قلبي الزين كلاكيت رابع مره

وانا قلبي يحاسبني

بعدين الزين بعد الكلاكيت

ان شاء الله يعجبونج

غير معرف يقول...

مبروك الأثاث الجديد

و الألوان المشرقة

:)

عساها ترسم حياتك يا رب

:

في مرة يا الزين غيرت مكان المدونة
و غيرت الألوان و كل شيء

ما عرفت أكتب

ولا ارتحت

و ظليت مشتاق لبيتي القديم

حيل مشتاق


عقب فترة رجعت .. و تركت ذيك
و لا زالت حتى هذه اللحظة مهجورة
بمحتواها القليل .. و ذكرى من احاسيس
أمتدت لها يد الغبار فعلا
:)


مبروك مرة ثانية

بس عن جد

يا قو قلبك
:p

shakshaka يقول...

mashalla 3alaich yalzain chinny ga3da weyakum hatha 6ab3an kalam kel ele mawjood mayebt shay yedeed hehehe bes shu3ooor ena fe a7ad ga3id ejbalich wo mo bel bal wo elsara7aaaan ele eyee beni9 hatha a3arfa bethab6 madre wain aroo7 asra7 ebroo7i eb 3alemey .. bes gaylatlich ana gabel hal marra fe ashya etkoon thekra 7elwa wo fe ashya thekra matabeen tathkerenha bes bel akheeer kel shay 9aar thekra wo u have to let go wil7imdila u knew atlast ena kan ti3iwid wo mahoo 7ob

fe naas et3arfeeenhum ebser3a wo kelshay yet6awar eb ser3a wo te3taqdain ena 7ob wo fe nas matkalmenhum ela bel esboo3 marra wo etheneeen ena ohma ele met3awda 3laihom laken ye6la3 ena ohma 7ob 7ayatich

charisma يقول...

ههههههههه
الله يسلمهم ويحفظكم ولا يحرمكم من بعض
بدوون لا تقولييينلى زوزو مبييين يحلوهم
حسيت انى وحده منكم
نفس الشطه ونفس الحوار الى يدور بينى وبين شلتى
هههههههههههههه

يشرفنى انى اكون بينكم
حبايبى انتو
:)))

لا تشكرينى انتى مثل اختى
:**

غير معرف يقول...

yah yah zozooooooooooooooooooooooooooooooooooooooooooooooooooooo shal7achy :) missed u heaps enshalaa uv enjoyed ur trip :)

غير معرف يقول...

اليوم كانت غير ولا يتراوالي ؟

:/

كانت شايني و الحين بنفسجي
!!

الكبر شين

بس مبروك على كل حال أو لون
:)

الزين يقول...

النحيس

:)

حياك الله

قلنا نغير المنزل يمكن الحظ يتغير

قلبي قوي؟

ايه لازم يكون قوي

ماكو مكان حق الضعاف بهالعالم

الضعيف ينكسر بسرعه

وانا ما ابي انكسر

بس تعال ليش النحيس

شكلك خوش واحد وما فيك نحاسه

:))))


سعيده جدا لمرورك

لا تقطع عاد

الزين يقول...

shakshaka

fe naas et3arfeeenhum ebser3a wo kelshay yet6awar eb ser3a wo te3taqdain ena 7ob wo fe nas matkalmenhum ela bel esboo3 marra wo etheneeen ena ohma ele met3awda 3laihom laken ye6la3 ena ohma 7ob 7ayatich

صح

صح

انتى صح

كان موجود طول الوقت

وتوني انتبه له

:)

الزين يقول...

ام النمل

قلبي انتى

وينج وينج


فقدتج يا نملتي

الرحلة كانت ممتازه

وقريتي آخر الأحداث

بس تدرين

عندي لج سوالف ما صارت ولا حصلت

يالله متى اشوفج

:*************

الزين يقول...

النحيس

:))))))

اسم الله علي عيونك


ترى ما فيها شي

فعلا كانت شايني

وغيرتها بنفسجي

الله يبارك فيك

عقبالك

:P

1001 Nights يقول...

bass bass bass inkisar 5aa6ri I don't wanna keep reading

Яeema يقول...

خلصت من كل القصص

النهايه إعجبتني

حبيت في روح الزين إنها قويه
حبت نفسها

عجبتيني




أعلق بعدين فريتي راسي من الإندماج


عندي كلام وايد بس الدوام خلص ولازم أروح


بس ماراح أروح من بلوقج


دمتي بسعاده وقوه دوما

salfa3ajeeba يقول...

zozota inti madri shagol

sara7ah ibdaaaaaa3 shwayah 3leech,

mashalah 3indich godrah 3jeeba 3la tarjamat masha3rich wi a7aseesich ila kalimat wi hathi a3tibirha fi3lan mawhibah nadrah,

if u thought one day to publish a book i will be honored if i got one copy of it sis,

keep going:)

الزين يقول...

1001 night

finish it

u will like the end

belive me

الزين يقول...

Reema

still waiting for ur comment

:)

الزين يقول...

salfa3jeeba

the honer is mine 2 have readers like u

u will have asinged one

:)

`~MnO YeNSa! ~` يقول...

انا خوفي من كلمة والتقينا .. بمجرد
التفكير انا نلتقي ... و ربي تخنقني العبرة .. هذا لقى بعد الفراق و يا طوله من فراق و الله ان اخافه و اخاف لامن تلتقي العيون و تذرف عيوني الدموع .. و وهو يسرع يهديني .. و بعدها ما تفترق ...


اولا مشكورة وااايد يالزين حيل اثر فيني المشهد وايد و صرت اخافه !!! و اتمنى اني استفيد و اقدر التقي و وافترق ثم التقي ثم انسى ... ..

الزين يقول...

`~MnO YeNSa! ~`

حبيبتى انتى

اتمنى انج قريتى باجى الكلاكيتات

وعجبوج

مرور اول مره

واتمنى انه ما يكون الأخير

`~MnO YeNSa! ~` يقول...

ee grait`hom all mashallah 3alich kalamch wayed wayd sahel ldarajat e93ooba o edesh ebsalasa elgalb , tra ana 6ool el yoom o eb your blog bs mani gadra a6la3 :).. o zoorni o atsharaf fech o ebt3leqch ya zaiyoona ;)