فاطمة وغالية
بنات كويتيات يدرسون تسويق بأحد الجامعات الأهلية
يحبون التجديد بكل شي ... لديهم عزم واقدام الشباب ... حبوا يسوون شي مختلف ...
فكروا ... وفكروا ... وهم فكروا
ولما لقوا الفكرة ...
بلشوا التنفيذ خلال شهر ..
وقت قياسي جدا ... ومجهود شخصي بحت
البحث عن المكان المناسب
تهيئة المكان حتى يتناسب مع متطلبات المشتركين بهذا الحدث
البحث عن الرعايه من المؤسسات والشركات التجارية وخصوصا انهم لما الحين طالبات ويحتاجون الدعم المادي
العمل على تصميم الإعلانات والبروشورات وتوزيعهم بالأماكن ذات الكثافه السكانية اللي ممكن تساعد على التسويق للمشروع
حملة اعلانية على مستوى الكويت
وعلى فكرة حتى الإعلان كان من تصميم صديقتهم دلال واللي على وجه تخرج هالكورس من قسم الجرافيك ديزاين
ضغط عمل ... وقت محدود ... امتحانات على الأبواب ...احباط لرفض الرعاية من بعض الجهات وهذا موضوع راح نتكلم عنه تالي في بوست مختلف راح يتكلمون فيه فاطمه وغالية عن فكرتهم ومدى نجاحها ...
فرح غامر لحجز اول طاولة ...
تشجيع من اطراف مختلفه على مستوى عائلي والمستوى العام لحداثه الفكرة وبساطتها ومنفعتها
وأول مشروع تجاري صغير لهم
GARAGE SALE
فكرة جديدة على مجتمعنا ... بس نحتاجها ...
نوع من تدوير الممتلكات الشخصية المستخدمه .... بيعها بسعر بسيط ... والتخلص منها بطريقه قد تنفع الآخرين
:)
تدرون شنو الجميل بالسالفه؟
ان عندنا بديرتنا شباب حاب يغير .. ويغير للأفضل .. حاب يشتغل ... ويشتغل بطريقه مبتكرة ... حاب يفكر ... ويفكر بابداع
ان عندنا بديرتنا شباب حاب يغير .. ويغير للأفضل .. حاب يشتغل ... ويشتغل بطريقه مبتكرة ... حاب يفكر ... ويفكر بابداع
عنده روح المبادرة ... وشجاعة المغامرة
تهقون ما يستاهلون نشجعهم!!
التفاصيل راح تحصلونها بالإعلان
اللي عنده استفسار او حاب يشارك ما عليه الا ان يتصل بالأرقام التالية
94994211
66669424
فاطمه وغاليه
WAY TO GO GIRLS
O GOOD LUCK
:)
هناك 22 تعليقًا:
** ايه والله خووش فكرة عشان نخف من هالقش اللي عندنا و ياليت يبيعون اثاث انا ببيع صالتي
مس يوووو يا شيخة البنات
الحركة بركة
والله يوفقهم بناتنا المبدعات
في دارستهم ومشاريعهم
:)
I've always wanted to do that but I knew the respond...shay kelish ma yshaji3!
good luck to them ;*
Best of luck ;)
two thumbs up for Fatma $ Ghalia
وحشاني خالص يا مو وحشة
:)
كتبي
:p
مسا الخيرات عالناس الحلوه
والله فاقدينج
الله يوفقهم بنات ديرتي والله فيهم البركة بعدين هذي الحركة منتشرة وايد بالغرب واشوفها بالافلام وايد يستفيدون منها بس تهقين ربعنا ماراح يتطنزون على اغراض فلان وعلان صبري عليهم وبتشوفين مايخلون التطنز والتعليقات
بس جني باخذي لي طاولة عندي غرفة بالسرداب فيها من خيرات الله يمكن اطلع منها مئات الدنانير ياوخيتي
سلامي لج
الله يوفقهم
ولهت عليج:*
عسى الله يوفقهن انشالله ..
وهذا ديدن عيال الكويت ..
بس لو توضحين لنا أكثر أشياء مستعملة مثل شنو عشان نعرف ندعهم ..
تحياتي .. وتقديري
الله يوفجهم
عندج واجب
http://sewalefyal.blogspot.com/2010/05/blog-post_29.html
ميمه
لووووووول
اثاث مره وحده
شوفي يا ميمه تقدرين تبيعن ما خف حمله
لأنج اذا بتشاركين تأجرين منهم طاوله تعرضين عليهم شغلج
بس عاد مو اثاث
يازينج زيناه
مو يو موووور
:*
نيكون
اللهم ايمان يا نيكون
يا حلوهم لو تشوفين شطتهم
يونسون
:)
سيما
تدرين عاد
الأحباط ما رجعهم ورى
بالعكس زاد من اصرارهم على تنفيذ الفكره
الله يوفقهم يارب
فسكره
:**
مشكوره بعد قلبي
جندل
:****
مشكوووره بعد قلبي
ووحشاني اكثر
:))))
ان شاء الله
تدرين جم بوست بلشت فيه ووقفت بالنص
مدري شياني يا جن جن
كلش مو صوب الكتابه
:$
الليوان
مساء النور على الناس الأحلى
:***
انتي اللي لج وحشه كبيره مررره
:)
شوفي يا قلبي
لو بنطالع فلان شنو بيقول وعلان شنو بتكون ردة فعله
عمرنا ما راح نسوي شي
ومداراتنا لأذواق الكل وكلام الكل يوقفنا مكانا
هذا اذا مارجعنا ورى
والمثل يقول
وشعليا انا من الناس وشعلى الناس مني
:)
صاااح
والله عزمي واخذي طاوله
مو يمكن اكون انا الطاوله اللي يمج
:))
سلامي لأحلى ليوان
سلة
ويوفق الكل
يستاهلون بناتنا
ولهت عليج اكثر
:*
احمد
مشكووور يالشيخ
ما تقصر
وبعد ما استفسرت من البنات قالوا لي شغلات مثل
كتب
دي في ديز
سيديات
اكسسوارات بيت
ملابس
اكسسوارات نسائية
تجهيزات مطبخ
اجهزة كهربائية صغيرة بالحجم
وتقدر تأجر منهم الطاولة بمبلغ بسيط
25 دينار
اذا احتجت تفاصيل زياده
عندك ارقام التليفونات
كلمهم
يالله احمد عزم
:)
سامي
:)
مشكور ياسامي
سامي
ان شاء الله
الله يوفقهم ان شاء الله
شي جميل ..
ولكم باك الزين
الله يوفقكم يا فاطمه و عالية و إنشالله تكون هذه مجرد بداية ..
و من أهم نصائحي في هذا الموضوع هي التعلم من الأخطاء قبل النظر للايجابيات .. لأن تصحيح الأخطاء تحملنا إلى النجاح دائما
دمتم بخير
إرسال تعليق