.

تحذير : هذه المدونة تخضع لقانون حماية حقوق الملكية الفكرية ونحذر من نشر أو نقل أي نص أو مقال للكاتبة.. دون نسبه للمؤلفة.. في أي وسيلة

23.1.10

حكاية بيروت... في صور


وتنسكب الذكريات
 

عتب ... أم شغف اللقاء


نهر جاري ... أم عشق متواري


واقتطف من غيومك شهد اللقاء


وراء الأبواب الموصدة حكاية أخرى


بالإنتظار


حلم يجمعني معك


هنا كان الإنتظار مختلفا


والناس ... مختلفين


والطرقات الضيقه تهتف باسمك


والمراكب تغازل المينا ...تهمس للموج عن شوق قد سكنها


ونكهة السمك تناديك .. بالمقهى العتيق 
:)


اصبوحة ... ترويقه ... وصباح الخيرعبر الأثير


فريا


وللحداق معنى آخر في بيروت


ومن قلبي سلام .. للروشه




على الهامش
لم تكن العودة سهلة ... ولم يكن اجترار الذكريات كله مرا

شكرا لك لأنك كنت هناك معي

الصور كانت برعاية  م . س
:)




هناك 53 تعليقًا:

غير معرف يقول...

كان الأجدر أن تضعي لكل صورة بوست...
فكل صورة حكاية..
وكل صورة عمر..
وكل صورة من هذه الصور لانمر عبرها إلا ومعنا ألف لمحة ضوء
ومليون خاطره من الذاكرة...

بوست رائع


شكراص لهذه الروعة
حبي

@alhaidar يقول...

متنوعة .. شاملة .. جميلة تلك التغطية المصورة :)

تحياتي ..

Antonio يقول...

لقطات جميلة
وتعليقات اجمل

ما اجمل الصور عندنا تجعل الزمن يتوقف والذكريات تمشي بمخيلتنا

مبدعة دائما
وابنتظار الزين دوما

Mok يقول...

مساج الله بالخير

مشكلة لبنان هي بعض زوارها يخربون الحلى فيها

يعني حتى الاماكن اللي كنت اروح لها حتى اتحاشى (الزوار) القاهم وانا صراحة لا احب اسافر سفره بنفس الجو اللي عايش طوال سنة

واذا بروح لبنان اروح في الايام ليس فيها عطل

الوتيــــــــــن يقول...

" حلم يجمعني معك " الصورة خلقتلي ذكريات مي موجوده اصلا .. حسيت نفسي في زمن نزار قباني وفيروز

الحمد الله على العوده سالمه يالزين

وماشفت بيروت قبل هاللحظه :)

مساء البنفسج :)

Nikon 8 يقول...

ضعيفة أنا أمام الصور الرائعة
والتعليقات المعبرة
أتفق مع سلة ميوة
كل صورة تحمل حكاية وبوست
شكرا لعدسة من صور
وشكرا لك يا الزين
حتى الآن لم أزر لبنان
لا أعلم لماذا ؟
:)
مسا مفعم بالحب وراحة البال أتمناه لك :))

Sami يقول...

وصلت الحلقه 13 ... بقلبي حجي وايد بقوله .. لكن بقسطه على مراحل :)
الزبده .. مدونتج رقم ١ بكل جداره ..ورقم ٢ يبعد عنج بعد الوفره عن العبدلي .. طبعا بالنسبه لي
الله يحفظج و يوفقج

Engineer A يقول...

صور رائعة ..

مشوقة ..

شوقتيني لبيروت ولياليها :)

الاوركيده يقول...

الزين

انا كنت ناوية اقولج ابي احلى الاماكن في بيروت بس بصراحة الصور شوقوني
انا رايحة بيروت يوم الخميس انشاء الله ابي مكان الترويقة هذا وين حدة شوقني

حبي لج
:*

aL-NooR . يقول...

قريت فضة ..و سيرت على بيروت معاج
حلو كرم نصوصج..و الاحلى حروفج اللي منقيتهم نقوة .. :)

الصور ..حميمة ..حيـــل
بيروت تذكرني بأشياء غير ..شقاوة ..وناسة .. مرح .. طفولة ..مغامرات ..لكن هنا وجدها

راقية ..بك انت ..و هم :)
شكرا .زيوووون :**

***************************

Reem AlHajri يقول...

لبيروت ، من قلبي سلام لبيروت ..

تصدقين يالزين ،أظن لبيروت جمال مسلوب ..
و سحر حاضر / غائب ، خلف ألف قصة !

إلتقاطات جميلة ، تسلم إيدج ..
بإذن الله رايحتلها آخر الشهر ، أعيش الوضع و أرد أسرد الحكايا إن شاء الله ؛)

مادري ليش دايماً أحس إني ولهانه ..
مع إني تقريباً يومياً أمر و أسير عالمكان ، لج وحشه :)

chandal/danchal!! يقول...

الله يالزين

خوش صور والاحلى الذكريات اللي فيها


شي طيب لما الواحد يعيش الذكريات ويحس بعدها ان صار احسن... تجرح وتداوي بنفس الوقت
.
.
.

عالهامش على قولتج... صج انج عصلة ام خميس والأكل آخر همج... يا حافظ ولا صورة فيها مأكولات بحرية والا برية والا حتى فكاهية!... منئوشة عن خاطري!

حسافتج يا كويت يقول...

يا صباح الفل على ست الكل


اتصدين
أنا ما احب لبنان ولا اللبنانيين
طبعا مو كلهم بس بشكل عام

ورحت مرة وحدة بحياتي لبنان

ما عجبتني بيروووت كلش
بس جنه عجبتني جم صورة من الصور وحست إن الوضع من الممكن مراجعتة

Safeed يقول...

بيروت .. بقدر ما أكرهها(!) بقدر ما آلفها (!) .. المدينة الوحيدة التي تجمع المتناقضات عندي

Mamloo7a Q8ia يقول...

مساء الخير ...
تسلم ايد م.س
على هالصور الروعه
وتسلم ايدياتج على هالتعليق

الله يالزين على بيروت
شوقتيني وايد
يبيلها روحه وان شاء الله قريبه
صج صج ولهت عليها

تنقهت فيها عقب عمليتي
وصج كانت نقاهه مع صحبه ما صارت

زهرة الرمان يقول...

شكرا لهالصور والتعليق المعبر ...

لمست بهالصور شغاف الذاكرة

لبنان .. قطعه من القلب


بانتظار آذار لأهرب لها مرة أخرى :)

~ هند ~ يقول...

شوقتيني ..
أبي أروح :(

لقطات جميله والتعليقات أجمل :*

NOIR يقول...

الزيــن:
يمكن اكون اعرف بالضبط الكحاية هذي بلغة ثانية..

كل صورة تصور حكاية ولا اسطوره

اعتقد من ثقلها ما حملها السطر

ولا ممكن اتكون لغة الكلمات ما اترجم الذكريات الي عشناها

الزين.. بعد جم يوم انا مغادرة الى ذكرياتي.. الى مكان وأدت فيه حياتي
و ابي ارجع النبض فيها من جديد

نرجع غير
نرجع بكل خير

اوحيتيلي بفكره..(المواجه)

راح استخدمها..

عاشت الزين .. و عاشت ايامج
بيروتيه من الطراز الاول..
الله يوفقك

DiLLi O MiLLi يقول...

الله الله علي بيروت
بيروت لها حكاوي كثيرة ...
بيروت ترعرعت في بيت فاقد للتواصل الأسري ...
عانت الكثير ...
لكنها صمدت ....

فيروز تقول :

بيروت هل ذرفت عيونك دمعة .. إلا ترشفها فؤادي المغرم

انا من ثراك فهل اضن بأدمعي .. في حالتيك ومن سمائك الهم

بيروت يا وطن الحضارة والنهي .. الحب يبنى والجفاء يهدم



أي والله الحب يبني والجفاء يهدم
عسى الله يحفظها ...
ذكريات طفولتي بلبنان مااااا تنّسي
وحبي لها فوق الوصف ...






سلميلي على ... هاااالووووو (م.س) هههههههههههههه

:)

الزين يقول...

سلة ميوة

:)
خوش فكرة
تهقين اقزرها هالأسبوع كل يوم صوره وبوست ونأجل فضه وشاهين

!!

حبيبة قلبي يا سله

الزين يقول...

احمد الحيدر

يا حيا الله بو كوثر
ما تقصر ياخوي

الله يعافي اللي صورت وعطتني الصور على الجاهز

:)

الزين يقول...

انتونيو

تدري عاد كل صورة تحمل حكاية
ويمكن بعض الحكايات لم تشملني
:)

بس الأكيد الصور حكتها لي

منورنا يا الشيخ

الزين يقول...

موك

شوف يا موك
بيروت ما تنبغى بالصيف
مليانه خليجيين
وكويتيين بالأخص
وتاخذ طابع ثاني يلوع الجبد
بس بالشتا تكون شي ثاني

بس تدري شنو اللي صاير يطفر فيها
الطراروة
افففف
ينرفزوني
لزقة لزززقه

الزين يقول...

الوتين

اقول لج سر
ترى بيروت مافيها شي زايد
جنها حولي من شوارعها المحفرة وعماراتها الداثرة

بس لما تطلعين بره بيروت
الطبيعه اهي اللي حلوة
وبصراحه
اكلهم طيب وايد

وصباح الياسمين

الزين يقول...

نيكون

الصور كانت لحبيبة قلبي اخيتي
هوايتها التصوير
وانا اخترت بعض الصور طبعا

والتعليقات كانت احساسي بكل لقطه

واذا تبين تزورين لبنان زوريها بالشتا
وخري عنها بالصيف تصير تلوع الجبد

وصباح الخير يانيكون
:*

الزين يقول...

سامي

:)

سعيده جدا بمتابتعك لفضه وشاهين
وسعيده اكثر لأن القصه امتعتك

ومشكوووور من اقصى قلبي على الكلام الطيب اللي طيرني وونسني واخجلني بنفس الوقت

متابعة المتذوقين لبساطه الكلمة اللي اكتبها هو الشي الجميل في هذا العالم واللي يخليني اكمل واكتب

وصدقني يا سامي
الموضوع بالنسبه لي مو سهل
وساعات يكون متعب ومرهق
وعمري ما عرفت اقيم شي انا كاتبته
عشان جذي دائما انتظر ردة فعل القراء
او تعليقاتهم
واتمنى انهم يكونون بقدر من الصراحه عشان اعرف اخطائي ومواطن الضعف بكتاباتي

بالنسبه لفضه وشاهين فالحكاية مختلفه هنا
والجهد مضاعف
اول شي لأن الأحداث كانت في زمن ما عشته
فعشان اتصور الأجواء كنت مضطره ارجع حق كتابات معينه
مسلسلات تلفزيونية معينه

الشي الثاني المفردات المستخدمه والغارقه بالعتق وتراث يمكن نسينا معظمه
اضطر بعد ما اكتب البوست
اقراه كذا مره عشان اشوف وين ممكن اغير
وشنو المفردة الخارجه عن العرف في ذلك الوقت

الشغلة الثالثه
انا لما اكتب شي لازم اعيشه
فلك ان تتصور المود شلون لاعب فيني شوردلي
:)

الشغلة الثالثه
القصه وايد قريبه الى نفسي
ووايد انا حابه تفاصيلها
فيها من المشاعر والمتناقضات الكثير
عذوبه شاهين وحبه لفضه
وقسوة حصه وفضاضتها
بساطه شنينة وسذاجتها
حكمة موزه اللي نفتقدها الآن

شغلات وايد تخليني بعد كل بوست احتاج ارتاح من الزخم الكبير من الأحداث
المشاعر
والآكشن
:)

وانا شكلي كتبت لك بوست هني

:)

مشكور مره اخري
وحافظك الرحمن

الزين يقول...

انجنيرا

بيروت ايه
بس لياليها ما اعرفها
:)
وبما اني انسانة صباحية جدا
فمن تغيب الشمس اعتكف في صومعتي
مع الطيور يعني
:)
ولا ادري ليل بيروت شلون صاير

:)

على قولة صديقه عزيزة جدا
هاااو .. واصله بيروت و من المغرب تنامين
طلعي
سهري
شوفي بيروت بالليل شحلوها
:$

تصدقين عاد
ولا سويتها
:)

الزين يقول...

دمعة

مكان الترويقه هذا بفندق الموفمبيك
بقهوة الهيمنجويي

واذا بغيتي تعرفين اكثر تركي لي ايميلج
وما يصير خاطرج الا طيب

تعالي .. الصغار وين بتخلينهم؟؟؟

الزين يقول...

النور

بيروت تذكرني فيها
بجمال ضحكتها
بوناستها لما عرفتني على الروشه
وقهوة الهيمنجويي
ومطعم الحلبي
والعجمي
والحمرا
والسوليدير

بيروت تذكرني بأيام حملت الكثير من الألم معاها
وحملت الكثير من الفرح ايضا

وتبين الصج
ما ادري احبها لو اكرهها

مادري

الزين يقول...

ريم

وانا اعتقد ان لبيروت معي حكاية لم تنتهي بعد ياريم

وتسلم ايد اللي خذت اللقطات وطبعا مو انا
هي تملك من سماحة الروح ما يجعلها ترى كل هذا الجمال

الله يحفظها

ويا عمري انتي
يوله عليج قلبي وكل من يحبج
:**

الزين يقول...

حسافتج

ما تحب لبنان ممكن افهمها
بس اللبنانيين!!

ليش؟؟
ناس حبوبين ولسانهم حلو ومرتبين
انا معاك بعضهم شويه يشتغل عليك نظام طراره
بس من تعطيه العين الحمره استحى ووخر
بس نسبه قليله جدا

اذا بغيت تروح مره ثانية علمني
انا بعطيك اسم شخص ورقم تليفونه وراح يتوصى فيك
:)

شلون الزينه

الزين يقول...

سفيد

بالفعل هي تجمع الكثير من المتناقضات
لدرجة التوهان عن حقيقتها

مالها وجه واضح
ولا سمه واضحه
ولا نكهه وحده

:)

حياك الله يا سفيد

الزين يقول...

مملوحه

صباح الورد
:)
والله يا مملوحه تبين الصج
مجبر اخاك لا بطل
رايحه بشغل
وعلى الهامش تسيحت شويه عشان عيون اخيتي حبيبتي
لأن الصبح اكون مشغوله عنها
وتكون بريحاتها ناطرتني
بس لو على السياحه
ما رحت
اصلا انا صار لي سنين قلبي واقف عنها

وعليج بالعافية بعد قلبي
:*

الزين يقول...

جندل

يا حياتي سقط سهوا
منج السموحه
:*

:)))

وعلى طاري المأكولات اللي استبعدت صورها
انا كلش مو صوب الأكل
تصدقين وهناك مدري شصار فين
فقدت شهيتي والأكل ينحط جدامي ما اكل حتى ربعه
:$
وانا يعني رايحه وقايله ابي اسمن
طلللل

:)
ماااا اصلح
كلش مو اكيله

الزين يقول...

زهرة الرمان

عزيزتي زهرة الرمان
سعيده بزيارتج الرقيقه

واتمنى لج رحلة موفقه مع آذار

:)

الزين يقول...

هند

:)
ماكو اسهل من بيروت
شوفي لج ربيع سهلين
وحجزي
وروحي
بس هاااا
مو بالصيف
حر وقته ورطوبه وزحمه
:)
كلش ما شينتها بعينج
!!

الزين يقول...

NOIR

"الموجهه"
نعم
كانت بالنسبه لي مواجهه
لكل ما آلمني من بيروت
لكل ما سلب مني
لكل ما تاه مني

واعتقد اني نجحت بتخطي عتبه كنت خايفه منها وايد

:)
جربي المواجهه
واحكي لي عن تجربتج

:*

الزين يقول...

ديللي

:))))

يه يه يه
اليوم الشاعرية والرومانسية مرتفع معدلها عندج

:*
يا زينج زينها وانتي تغنين لي مع فيرزو

:)))

ويوزاي
والسلام وصل يا قلبي

الاوركيده يقول...

ياحياتي انتي


عيالي عند خالتي

وماخذه الكبار معاي

:*

بنت الشاميه يقول...

حتى الصور لها طعم ثاني بمدونتج

نهر جاري او عشق متواري

المهم انك زرتي الذكريااات المؤلمه
وهذه هى اصعب مرحله
وهى اول خطوه صحيحه نحو الشفاااا
منها باذن الله

كلنا لج يالغاليه

صباح كله حب وسعااااده

Nasser99 يقول...

الله ذكرتينا بأيام حلوه مشكوره :)

تحياتي للجميع

NOIR يقول...

اكيــد انشاءالله

التوقيت و الزمان و المكان بحد ذاتهم اكبر مواجه لي!

انا من الحين قاعده اتنقى الاغاني الي بعيش فيها ذكريات يديده هناك
و ذامرت على ذكرى قديـمة بقولها
كـــــش!

ههه
انشالله صدى الخوف العنونو الي فيني ما يطلع دمعة ابد

صج احس بكتب كل شي و انا هنااك

FREASH BAKED PAGET

الزين يقول...

دمعه

هممم

مع اني ما اذكر اني شفت اماكن تصلح لليهال

بس ان شاء الله تستانسون يارب

:*

حالِمه .., يقول...

لـ/بيروت مني سلام ..،
ولـ/قلبك النقي كل الفرح//

الزين يقول...

بنت الشامية

يا بعد قلبي انتي
:*
ووجودج بمدونتي يفرق معاي وايد
ربي يحفظج ويطرح البركه بايامك
ويرضى عليج ويبلغج بعييلج
ويصلهم ويوفقهم
ويذوقج منفعتهم قولي آآمين

:**

الزين يقول...

ناصر

يعل تحلى ايامك على طول

وحياك الله يالشيخ

الزين يقول...

NOIR

وانا بالإنتظار لأسمع الأخبار
واقرأ الحكايه

:)

ونبقى على الوعد

..

الزين يقول...

حالمه

:**

مشكوره بعد قلبي

Manal يقول...

عليج بالف عافية

حبيبتي

لبنان
مكان العشاق
:)

وانتي حتأوليلي

:)

انا عشقتها

والصور جميلة
جدا

:)

مركبنا يقول...

رائعه

الزين يقول...

منال

يعافيج ويعافي قلبج يارب

واللي صورت الصور تقول لج مشكوووره يا بعد قلبي

:**

الزين يقول...

مركبنا

:)

مشكووره بعد قلبي

لا تباعدين

نواعم يقول...

الصور حلوة
وتعليقك عليها أحلى وأحلى
لفتت نظري صورة المقهى ، الزاوية اللي مصورة منها فنتق.. واللي وراها تبين أشعة الشمس عجبتني بعد..

الحمد لله على السلامة

:)