.

تحذير : هذه المدونة تخضع لقانون حماية حقوق الملكية الفكرية ونحذر من نشر أو نقل أي نص أو مقال للكاتبة.. دون نسبه للمؤلفة.. في أي وسيلة

26.4.08

عالم جديد


استلقى على الشاطئ متعبه
تتسلقني رماله الناعمة
تلوحني شمسه بلون الغروب
أغمض عيني أرى كل شي بلون أحمر
يلامس الموج أطرافي يداعب حرارة جسدي
وأبحر بعيدا
تتقطع أنفاسي كأني أمر بمرحلة انتقالية
مخاض جديد
وهسهسة الأمواج تداعب سمعي
كأنها تبوح لي بالأسرار
أطفو فوق الماء
إحساسي بذلك التناقص
قسوة حرارة الشمس ورقة ولطف برودة الماء
ابتعد عن عالمي ووتتقاذفني الأمواج
ورائحة البحر تملؤني
وطير نورس وحيد يرافقني برحلتي
افتح عيني بكسل .. وتحجب رموشي ما تطفل من أشعة الشمس لعيني
أحتاج للإبحار من جديد
أغوص لأعماقه .. ويسبر هو أعماقي
يتخللني بكل شوق
يعطيني من لونه الكثير
يتطاير كل شي من حولي
تحلق حبات الرمل معي وحولي باحتفالية مجنونة
انثره ليعانق شعري .. صدري .. واطرافي
حاجتي للهواء تقصيني للسطح
هل كنت حورية لوهلة
يلوح لي عالمي من بعيد
يتخللني شعور بالنعاس وربما بالإنتشاء
أيهما يصيبك بالخدر أكثر
أغوص مرة أخرى
أبحث عن محارتي المفقودة
عن لؤلؤة قد تكون لي
أغمض عيني وانسى أنني أنثى لا تملك مقومات الحياة بين الحوريات
أتحرر من قيودي
أستلقي في وسط الحلم
تغلفني خيالاته وتحيطني الحوريات بطقوس اسطورية
ليوقظني نداء الحياة
الشمس قد ابتعدت
أسير متثاقلة الخطوات نحو الشاطئ
أستلقى مرة اخرى
أحضن الرمال
أبحث عن الدفء
مشبعة أنا بطعم البحر
متبرجة بالآلاف من بلورات مائه
تتلألأ على كتفي .. وجنتي وأطرافي
هو البحر من يملكني
هو أنت من يكسر القيود
ويقذف بي من رحم الأسر
إلى حرية الوجود

هو أنت ..... عالمي الجديد









هناك 49 تعليقًا:

Najmah يقول...

أبحر في لجة كلماتك
أعجز عن مقاومة موجاتها
أغرق فيها
ولا ارغب في النهوض

رائعة ياالزين

غير معرف يقول...

الزين عمرة ما يكتب إلا الزين

7osen يقول...

هنيئاً لك بهذا العالم الحالم

كيف أستطعتي أن تصوريه بهذه الدقة وبهذه الروعة
كأنه حلم جميل كم وددت لو أن كلماتك لم تنتهي وأستمرت بنقلنا لذاك العالم الساحر المليء بالمشاعر والجمال


**
و البحر من يملكني
هو أنت من يكسر القيود
ويقذف بي من رحم الأسر
إلى حرية الوجود


ما أجملها من حرية
:)

مبدعة يالزين بكل ماتحمله الكلمة من معنى

أجمل التحيات

5roofa يقول...

احب البحر

و امبي وصفج كان رووووووووووووعه

تدرين زوز كنت و اتوقع للحيني دايما اتخيل نفسي اني حورية لوول

ايام الطفولة و المراهقه كنت كله اتخيل اني حورية بحر و عندي صديق حووت و اسبح بحريه و محد يقولي ليش و وين و شلون و مايصير

للحين احلم اني اكون حورية

p;

salamz sis...

غير معرف يقول...

الله الله



وهسهسة الأمواج تداعب سمعي
كأنها تبوح لي بالأسرار
أطفو فوق الماء
إحساسي بذلك التناقص
قسوة حرارة الشمس ورقة ولطف برودة الماء..

و الله من كثر ماني مندمجة .. سشميت ريحه البحر .. و طيور الجنة و موج ازرق على مد النظر !!!!

كلماتج هذي
خيــــــــــــال يرتسم في افق هادىء
هو متنفس لنا كما هو بالواقع لك ..
دقائق الامور المنتاهية و همسات الندى المناثر .. النقي المنهمل من حروفك يالزين انه يرويني ..

اعشق الرمل ..
اعشق تفاصيل الغيوم ..
اعشق دفء الشمس ..
اعشق صوت الموج ..

كما عشقي لحروفك :**

غير معرف يقول...

ًWe have to go fishing soooon

;)

فتى الجبل يقول...

آآآآآآآآآآآآآآآآآآآآآه على البحر
على كثر ماهو حلو
على كثر ماهو جاسي

لؤلؤة يقول...

حلو بوستج يا الزين
البحر له سالفة في كل زمن...
لكن قليل من الناس اللي يسولفها...
خروفة سبقتيني...انا بعد أشوف نفسي دايم حورية..للحين :))

قلب طفله يقول...

الله على هالعالم اللي

خطته ايدج يا الزين

رائعه كالعاده ^_^

دمتي بحب

الزين يقول...

نجمتي يا نجمتي

تبين الصج

انتي اللي مبدعه بالفترة الأخيرة

تعالي نحلم سوى مثل قبل

شرايج ... ترى صج ولهت على وجودج وياي بأحلامي

:**

الزين يقول...

حسافتج يا كويت

الله يسلمك ويعز غاليك يالشيخ

ومرورك دايما يسعدني

الله لا يخلينا

هاااا وصلت زيون لو بعد

الزين يقول...

حسين

بقول لك سر صغيرون

وبعطيك الخلطة السرية

جلسة maditation
+ شوية استرخاء وجو هادي
+ الموسيقى المناسبه
+ شوية خيال شاطح
= بوست مثل هذا

:))))

كلش بسيطه

جرب وعطني خبر عقب

دمتم بحب (مالت سلوقا)

الزين يقول...

خروفاااا

اهم شي ما بجيتي

الباجي يهون

حورية حوريه شعليه

بس سالفة الحوت قوية
الله يهداج خروفه وايد عايشه حياة الكارتونز والصور المتحركه

يا بنية كبري شوي ذبحتيني

:))

الزين يقول...

منو ينسى

بعدي والله على هالكلام الزين

:**

احرجتيني
(منو يسأل) تذكرين

:))))))

مت عشان احفظ اسمج

اقول لج شي
هذيج الأيام المدونات كانت شي ثاني
الحين صارت ممله
ماكو شي ينطرح غير السياسه

لوعوا جبدنا
انا لما الحين مرابطه
مصرة على الرومانسية

:)

شرايج فيني بس

الزين يقول...

We should

i need 2 take a dip

but the weather is killing us

so ..... garoooh

:q

الزين يقول...

فتي الجبل

وتلومني فيه
انا شكلي كنت سمجه وبعدين قلبت آدمية

وخرني عن البحر جم يوم اختنق

:)

والبحر جاسي للي ما يعرف له صدقني

حيا الله اخوي فتي الجبل

الزين يقول...

لؤلؤة

كلنا حوريات شكلنا
نسبح بالعسل

والخيال ماكل وشارب علينا ياو خيتي

:)))

الحلوة عيونج يالدانه

ومشكوره على المتابعه

:**

الزين يقول...

قلب طفلة

:)

مشكورة حبيبة قلبي
اهم شي انج استمتعتي وانت تبحرين معاي

:**

دمتي بكل الحب

charisma يقول...

انا ردييت لعيونج انا ردييت
ولج حنييت مثل ما يحن حمام البيت

صبااح الورد

:**

خذانى لعام البحار البوست غصت معاه
شميت ريحة البحر زيووون


ورائحة البحر تملؤني
وطير نورس وحيد يرافقني برحلتي
افتح عيني بكسل .. وتحجب رموشي ما تطفل من أشعة الشمس لعيني
أحتاج للإبحار من جديد

ابداع كالعاده
:**

SolaimaN يقول...

يهيأ لي سماع بحه حنينه بالصوت

اعجبتني فكرة التلذذ بين تناقضات لسعة الشمس و بروده الماء

نعم ،، لكل منهم ما يميزة

،،

والمميز اكثر،،هو تعلقج الشديد بالبحر

في معظم كتاباتج ،فعلا انه ملهم اكثر من السحر

ام انت ..... ؟

`~MnO YeNSa! ~` يقول...

منو يسأل كله يسأل عنج
:P
hehehe

والله انا مالي شغل بالسياسة
اقرى يمكن اعلق بس مو وايد
و يستهويني هالمود :)

الرومانسية

و انت من احب
المدونات
تفرحنى احرفك و تستهويني

:**

وانا مصرة

عثماني يقول...

راااااائعة الكلمات

حقا رائعة

قواج الله

غير معرف يقول...

هلا بالزين


بعد واللة ناطرييين



حدي متصروع

Najmah يقول...

تدرييين
انتي بس تقولين نجمتي يانجمتي
احس روحي صج نجمة تدور بالسما
وانتي تغنين لهاا :))
.
.
والله انا بعد ولهت على احلامنا
ولهت على عالم يلمنا ومايفارقنا
نطير فيه
ونلعب فيه
ونضحك فيه
ولا نتعب فيه
نقول اللي نبيه
ونسوي اللي نبيه
نشوف الدنيا ملونة
والسما صافية
والشمس نلعب بخيوطها
والقمر نسهر بحضنه
عالم كبير
وبعييد
بعيد حيل يالزين :**
من قلب اشتقت

الزين يقول...

كارييييييييزما

وانا ردت لي روحي
انتي وينج مالج بيان

عيل شفتيني وانا اسبح يمج
وانا معاج نبلبط بالماي مثل السمج

احلى شي
بس المره اليايه ربطي شعرج ترى أذانا

:)))

الزين يقول...

سليمان

وه وه وه

حيا الله زميل العمل
ومبروك مكافأة المشاركة بالنجاح

الله يهنينا

:)

دائما المتناقضات تحسسنا بقيمة الآخر


اهو من ناحية متعلقه فأنا خالصه
باقي بس تطلع لي زعنفتين واهدكم وامشي

تهقا مسوين لي سحر بحري؟؟؟

اللهم احفظنا


أنا......

شدراك

:)))

سعيده بوجودك يا سليمان

الزين يقول...

ماااااانهو ينسى

حوبيكا وايد لين باجر

ايه ايه

عيشي مودج وسوي مثلي

كله عكس التيار
احنا والسالمون

:))

تيين نسوي رابطه مصرون صامدون رومانسيون

بلوق غير الرومانسيه ما ينكتب فيه

شرايج؟؟

حبيبة قلبي
لا تباعدين

:**

الزين يقول...

عثماني

حيا الله أخيي

تسلم يالشيخ
بس علامك صخه
ماكو بوست يديد ولا شي

ولا انت بعد ناطر الإنتخابات

الزين يقول...

حسافتج ياكويت

سهالات ان شاء الله
لا تحاتي

وبعدين انا اللي اعرفه ان المره تولد والريال الملائكه تهف عليه بره

شعليك

بيهفون عليك

تبي شوري
سورة مريم
وحده بوحده

الله يطمنك يارب ويجعلها من الذرية الصالحة يارب

الزين يقول...

نجمة

:)
وانتي صج نجمه في سماي أنا ولا تستكثرينها على روحج

:**

شفتي هاللي قلتيه كله
غمضي عيونج وعيشيه

نجمة والزين
في مكان واسع
كله خضار
واحنا صغار
بشعر طويل وعجايف
بعيون تلمع
بسما زرقا
وطير يغني على غصن شجرة
والهوى ينسنس علينا
وانتي تقولين وانا ارد
انتي تدندنين وانا اسمع
وانتي تبتسمين وانا اضحك
وانتي تقصين وانا اتخيل

ونبعد بعيد
بعييييد

شفتي هالمنظر
حسيتيه

تقدرين تكتبين شنو دار بينا؟

خليني اشوف

:**

غير معرف يقول...

كل الشكر للزين

qesat_5ayal يقول...

صباحج سكر
صباحج ريحة بحر ونسيم بارد

صباحج انسي فيه غبار اليوم
:P



سبحت معاج إلا شوي

شوقتيني عالشاليه

Shaima'a Alkandari يقول...

اللي يقول انتي ماتملكين احساس وقلم جميل ماعنده سالفه

صج صج عجبني هذا العالم الجديد

5roofa يقول...

لووووووووووووووووووووووول

شسوييييي البناتي مو مخليني اكبر لوول

خوو يصييير نشوفه
p;

بس يبيله عدة غوص و نروح استرالياا
looool

salamz sis...

Najmah يقول...

نجمة: زيووون
الزين: هلا
نجمة: تدريين
الزين: مادري .. يالله قولي
نجمة: انا أحب لون القمر .. انتي تحبينه؟
الزين: أحبه .. تهقين ليش نحبه؟
نجمة: يمكن لأن نشوف فيه أرواحنا .. ويذكرنا بأحبابنا
الزين: نشوف فيه صورهم .. ونسمع همسات قلوبهم
نجمة: انزين تهقين اهما يسمعونا مثل مانسمعهم؟
الزين: أكيد .. حتى دقات قلوبنا توصل لهم
نجمة: يعني لونه سحري .. يورينا الدنيا كلهاا
انزين منو اللي يوصلها لهم؟؟
الزين: الهواا هذا اللي حوالينا ... اللي يلعب بشعورنا .. ويطير نفانيفنا
اهوا يوصلها لهم
نجمة: يعني الهوا يسمعنااا ؟
الزين: اي يسمعنا .. ويشوفنا .. ويبتسم لنا .. ويركض معانا لما نتسابق ويسبقنا
نجمة: يعني حتى الهواا سحري ..!
الزين: نجوم .. تحبين البحر؟
نجمة: أحبه وايد .. كثر ما امي تحبني
الزين: تدرين حتى البحر سحري على قولتج؟
نجمة: ليش اهوا يسمع بعد ؟
الزين: ايي .. يسمع كل الناس .. ويمسح الدموع .. ويواسي .. ويحضن بعد
نجمة: الله .. صج سحري .. شلون يتحمل
الزين: شفتي شلون.. مع كل هذا .. قوي .. وازرق صاافي
مايعكره شي .. ولا يهزه شي
شفتي ان كل شي حوالينا قوي وسحري .. لازم نصير نفسهم
نجمة: يعني نصير سحريين؟
الزين: اي سحريين
نجمة: انزين يالله قومي ترى الحشيش قاعد يدلدغني
الزين: يالله .. وانتي بعد ضايقتيني مع شعرج .. يعني بعرف انا انتي
ليش ماتعرفين تسوين العجفة نفس الناس
:P

Najmah يقول...

ترى اطالبج دعوة تعينني على امتحان باجر
مجابلة الكتاب وارسم عليه نجوم وبحر
واتخيل ولا قادرة اقرا ;)

sologa-bologa يقول...

بحر وحورية وطائر النورس
كلها ترمز للحرية

ولكن

"هو أنت من يكسر القيود
ويقذف بي من رحم الأسر
إلى حرية الوجود"..


وقفت عند رحم الأسر
وخصوصا كلمة رحم
على اعتبار ان مفهوم الرحم مرتبط برحم الأم وبعدها الولادة
فهل هذا المقصود من رحم الأسر؟

ماكو فايدة ما أيوز من سوالفي
:)

ودمتم بحب وود

الزين يقول...

حسافتج ياكويت

حياك الله اخوي وساعة المباركة

الزين يقول...

قصة خيال

مسائج ورد وعنبر

والغبار طاح على المسا

ويبيله شاليه
:))

الزين يقول...

شيماء الكندري

@@

منو يقوووول

وليش يقول؟؟؟؟

:)))))

اتغشمر معاج
خوش عالم صح
حياج الله ترى المكان يكفي
واذا ماكقى بندني لج ونسوي لج مكان هنيه يمي

:**

الزين يقول...

خروفه

ههههههههه

ايه تقدرين تقدرين

وكل شي يصير بس احنا يكون عندنا العزم والإراده

نمد ايدنا وناخذه

يازينج يا خروفه

الزين يقول...

نجمة

:)))))))

شطوره خوش قصة وخوش حوار
ابيه بس يبتيها عدل آخر شي على سالفة العجفة

مشكوره على هالحلم الجميل
والصحبة الخيالية

كان وراها مغزى وغرض
ووصلني الغرض

:**

الزين يقول...

نجمه تاني

لا يامعودة درسي ترى مالي شغل لين ييتي قوع

وهم بدعي لج

الزين يقول...

سلوقا بلوقا

اول شي انت وين منخش
لا حس ولا خبر

يعني ييت على الطاري
منو وصل لك الخبر اني حشيت فيك بالله
:)

لو اهو the law of attraction

طريت على بالي ويابتك عندي الطاقه الكونية

:))

وبعدين تعال تغيب تغيب

وترجع لي بسؤال!!

رحم ... ليش رحم؟؟
سجن الجنين شنو؟؟
رحم امه
وولادته شنو ؟
تحرر من هالمحيط الصغير من الظلمة المحيطه فيه ومن الأعتماد عليها بالهوى والأكل والشرب

تدري اكثر مخلوق حر منو
بتصوري انا الطفل
المولود الصغير
ياكل متى ما بغى وينام متى ما يبي
ويصيح متى ما تضايق ويتعسر على كيفه
ويصارخ على كيفه
ومع هذا هو محبووووب جدا والكل يداريه ويعطيه مساحته من الراحه وحرية التعبير عن النفس
بكلمة
بضحكة
او يمكن بدمعه


المقصود هنيه بالرحم اهو كل الأشياء اللي تربط اي آدمي بموروثاته من أفكار ومعتقدات ممكن تشكل له قيد او نوع من الأسر
يقذف بي من رحم الأسر
القوة بكلمة يقذف تعطيني احساس الجنين عندما يأخذ اول نفس
الشهقة الأولى بحياته شكثر مؤلمة لدرجة انه يصرخ ويصيح عقب
نقلة كبيرة بالنسبه له
مثل ما اهي نقلة كبيره بالنسبه لي بالنص من حالةالأسر إلى حرية مطلقة بفكر بإحساس او حتي بتصرف بسيط وهو معانقة رمال البحر بعد حديث طوال مع امواجه

مدري شكلي شطحت بعيد
وخربطت وايد

بس رجعتك اليوم تستاهل شطحة من شطحاتي

دمت بكل الود ياصديقي

ولا تغيب وايد

Shather يقول...

زيوون انتي عارفه رايي فيج ...

وتوني قايلتلج رايي فيه :P

صوتي انبحّ و انا اعييد بس تستاهليين :*

Barrak يقول...

انتي شنو انتي



تحلق حبات الرمل معي وحولي باحتفالية مجنونة

ومن يستطيع ان يصف لحظات حبات الرمل واحتفاليتها المجنونه سواك


الله يحفظك يالزين

الزين يقول...

شذر

:**

الزين يقول...

براك

:)

مشكور ياخوي ويحفظك وياي

ما نتحرمش من طلاتك علينا يارب

البمبره يقول...

انا من برج الحوت يعني بحرية الهوى وفيلكاوية المولد
كل ذكرياتنا في فيلكا لخصتيها في شعرك يعني اثرتي كل المواجع الحلوة والمرة
حبيبتي انتي والله يا المبدعة