هذا شعوري من أمس
أحس إني معلقة بخيط ضعيف يفصل بين الواقع والحلم
ملخبطة حدي
جفاني النوم ... وحتى لما غطيت ... أحلامي ما كانت مفهومة ... مثل لوحة الكولاج الكبيرة
فيها صور متزاحمة يم بعض ... وألوان غريبة ... وموسيقي تحن
لا تضحك صج حلمي كان فيه موسيقى باك راوند مع الأحداث
وفلاش باك لكلامنا سوى
افففف ... الوضع متعب وايد
أبي أحس بالأمان .... تقدر تعطيني هالإحساس؟
تقدر توعدني انك بتلقفني لو انقطع فيني هالخيط وطحت؟
بتحتويني وتداريني ............ بتخاف علي؟؟؟
تعرف الحين شنو شعوري ... أبي انخش تحت لحافي وأنام ما اصحى ولين صحيت ألاقي شعوري حيل متغير
تسلفني بشتك أنخش تحته .. بتصير لي خيمة تستر علي من الريح لين عصفت بدنيتي ... من المطر لين غرق تربتي .. من العطش لين أشعل غربتي ... بتعطيني الدفا يا فلان لين لفحني برد الشتا وزاد بوحشتي
ضوى عيونك بيكون لي شمس ونهار ... وطن يغنيني عن كل الديار ... بتسندني لين تعبت ... راح تعرف تريحني ..... بتعطيني ايدك لين تهت ... بتكون دليلي في هالحياة ... بتمشي معاي الدرب كله ... بتمسح دمعتي يا فلان لين حزنت .... ولين طول حزني ماراح تقول لي بس عيزت ....
بيكون لنا باجر يميع ... ينكتب باسمنا .... ينختم بعمرنا .... بيكون معاي صدرك وسيع ... بتتحملني لين غلطت ... لين انفعلت وعصبت ... لين ضعفت وانكسرت .... لين بلشنا بحلم صغير وتالي تراجعت ... بتعذرني ... لو بتقول يت منج مو مني ... بتتمسك فيني يا فلان .... بتقول لي شكثر تبيني .... شكثر شاريني ... شكثر إنت لو جار علينا الزمن عمرك ما تفكر ترخص فيني
تدري شنو ابي الحين
أبيك تحضني .... تهديني .... تهمس لي حبك .... وتقول لي شكثر إنت ميت فيني .... أبيك تسرح بعيوني .... وبكلمة تداوي كل هاجسٍ كاويني ..... تعرفها هالكلمة ... قولها لي .... حلفتك بالله تقولها .... أبي اسمعها .... وأبي كل ليلة بمعانيها تحازيني ....
أبي أغفي على صدرك .... أشم طيبك .... وأنفاسك تهديني ....
تعبت أحجي .... تعبت أوصف .... تعبت يا فلان دخيل الله حس فيني
أحس إني معلقة بخيط ضعيف يفصل بين الواقع والحلم
ملخبطة حدي
جفاني النوم ... وحتى لما غطيت ... أحلامي ما كانت مفهومة ... مثل لوحة الكولاج الكبيرة
فيها صور متزاحمة يم بعض ... وألوان غريبة ... وموسيقي تحن
لا تضحك صج حلمي كان فيه موسيقى باك راوند مع الأحداث
وفلاش باك لكلامنا سوى
افففف ... الوضع متعب وايد
أبي أحس بالأمان .... تقدر تعطيني هالإحساس؟
تقدر توعدني انك بتلقفني لو انقطع فيني هالخيط وطحت؟
بتحتويني وتداريني ............ بتخاف علي؟؟؟
تعرف الحين شنو شعوري ... أبي انخش تحت لحافي وأنام ما اصحى ولين صحيت ألاقي شعوري حيل متغير
تسلفني بشتك أنخش تحته .. بتصير لي خيمة تستر علي من الريح لين عصفت بدنيتي ... من المطر لين غرق تربتي .. من العطش لين أشعل غربتي ... بتعطيني الدفا يا فلان لين لفحني برد الشتا وزاد بوحشتي
ضوى عيونك بيكون لي شمس ونهار ... وطن يغنيني عن كل الديار ... بتسندني لين تعبت ... راح تعرف تريحني ..... بتعطيني ايدك لين تهت ... بتكون دليلي في هالحياة ... بتمشي معاي الدرب كله ... بتمسح دمعتي يا فلان لين حزنت .... ولين طول حزني ماراح تقول لي بس عيزت ....
بيكون لنا باجر يميع ... ينكتب باسمنا .... ينختم بعمرنا .... بيكون معاي صدرك وسيع ... بتتحملني لين غلطت ... لين انفعلت وعصبت ... لين ضعفت وانكسرت .... لين بلشنا بحلم صغير وتالي تراجعت ... بتعذرني ... لو بتقول يت منج مو مني ... بتتمسك فيني يا فلان .... بتقول لي شكثر تبيني .... شكثر شاريني ... شكثر إنت لو جار علينا الزمن عمرك ما تفكر ترخص فيني
تدري شنو ابي الحين
أبيك تحضني .... تهديني .... تهمس لي حبك .... وتقول لي شكثر إنت ميت فيني .... أبيك تسرح بعيوني .... وبكلمة تداوي كل هاجسٍ كاويني ..... تعرفها هالكلمة ... قولها لي .... حلفتك بالله تقولها .... أبي اسمعها .... وأبي كل ليلة بمعانيها تحازيني ....
أبي أغفي على صدرك .... أشم طيبك .... وأنفاسك تهديني ....
تعبت أحجي .... تعبت أوصف .... تعبت يا فلان دخيل الله حس فيني
هناك 59 تعليقًا:
أبي نبضك يلم قلبي
أبيه يفزز الشوق
أبي قربك يضيعني
ينسيني طعم اليوم
أبي دروبنا تتعانق
وخيط الشمس يحضننا
وتشرق فيننا الضحكة
تنسينا خيال الامس
تعاند غيمة الماضي
ونضوي حب ... ونمطر حب
وننبض حب :*
دخيل الله حس فيني
!!
آآآآآآخ جبتها عالجرح او كنك مادريت :( اتعس شعور بالدنيا انا إلي اتحبينا مايحسسج بالأمان مالومج ولا أقدر أقولج شنو الحل...لأني مادري شنو الحل؟؟؟؟
بوستج قلب المواجع
جوووج
ذكرتيني باغنية وعدتيني مالت الرويشد
الله .. تعبيرج وايد حلو
من شان الله حس فيها يا فلان
:)
يبيلج " وطن " ..
حبيبتى انتى يا زيون
:**
احلى شعور الاحساس بالامان بيد رجل
ومتى ما انفقد ينكسر القلب وتبعد القلوب عن بعضها ويحوشج شعور بالوحشه وعدم الاستقرار
ذكرتينى بالى مضى يا الزين
:((
الله ياحلو الشعور بالامان
اقتباس
أبي أحس بالأمان .... تقدر تعطيني هالإحساس؟
تقدر توعدني انك يتلقفني لو انقطع فيني هالخيط وطحت؟
بتحتويني وتداريني ............ بتخاف علي؟؟؟
انتهى الاقتباس
عجيب الشعور بالامان
بس وينه :(
اعجبتني سالفة اتسلفني بشتك تذكرت الاشتا
نجمة
:)
الله يانجمة
تدرين ان احنا نكمل بعض
:*
جووج
:(
خلص الكلام
سيكرت
هههههههههه
بدعت
بلوق عمتي
وانت الصاج
يبي لي قلب ما يتعب
كاريزما
بعدي انتي يا كاريمزما
صح
لا يعادل بكنوز العالم
وييييييه اللي يسمعج يقول شكبرهاو من زمان
لما الحين احنا فيها
:**
بس
اذا لقيتيه دليني عليه
مهندسنا
البشت هنيه مو بس رمز للشتا
اقرا النص مره ثانية
البشت هنيه يعني احساس العروس بزوجها
:)
دايما اقرا اللي بين الأسطر
راح تلاقي معاني اجمل
دائما يسعدني مرورك
أبي موقف أبي كلمة تهز أوطاني
وإذا في يوم انا ناديت يحس فيني قبل لا أشكي يواسيني قبل لا أبكي إذا ناديت
ومن قلب إذا حنيت ألاقي بداخله أحضان أحضان
دخيل الله أبي إنسان
--
كلامج وبوستج ذكروني بكلمات هالأغنية .. سمعيها حق أيمن الأعتر .. رائعة :)
حس فيها ياعديم الاحساس
زيون اخاف ما يعرف يقول او ما عمره قال او يبي له تدريب او صبر
او يمكن تصرفاته راح تقول بدون لا يقول
اشرايج فيني ؟
يا حزين القلب اضناك الونيــــن
هذى أفعال الموده والغــرام
دايم العاشق يذوب من الحنيــن
لى تلا لا البرق في جنح الظلام
ليت في الوصل من الظبى الحسين
عادة العشاق في رد السـلام
طال صده طال هجـره مــن سنيــن
ما درى المحبوب تعذيبى حـرام
هايف الخصرين عود اليـاسميــن
يسلم المشتاق في ليــن الكلام
روح روحى سلوة القلـب الــحزين
كامل بالزين حلو الابتسام
ساره
سمعتها وفعلا رائعة
مشكوره بعد قلبي
:*
فررريج
ويمكن ما يبي يقول يتغلى
ويمكن مو حاسها عشان يقولها
شرايك انت الحين فيني
:))
صلاح
الا يا شوق اشكي له الحال
ترى مالك مرسى ولا بندر
وشراعك مرفع و الهوى يأمر
وانا قلبي تباعك مثل شمس قيض ما تصبر
انا لاهوب ونجم سهيل بالسمى يسهر
الا يا شوق
:)
حياك الله وساعة المباركه
جدا سعيدة بتعليقك
اكثر ما تتصور
ميخالف مو اخوج ميت احساس :) المهم انا تذكرت الاشتا كل واحد يفهم على مشتهاته :q
ولا كأنك دريت
ولا كأني حكيت
ولا كأني تليت ..بغيت الحب بعيونك
طلب وضحته.. وبخوف يزاحمته
ولا كأنك دريت صير جنبي
ولا كأني قلت لك .. تعال وقوله لي من جديد
كل ما يصير عندي امتحان أدخل بلوقك أغير جو
يسلم قلبك
وتسلمين على عزيمة الحداق
:*
صباح الخير
زيونة
آنا أقولج المرأة عموما تبي اللي يطبطب عليها و يحسسها بالأمان و يقولها سهالات لا تحاتين لا تخافين آنا معاج اهيه جذي ترتاح لأنها بتحس بوجوده و بتحس إنه معاها هدوءه عموما ما يريحها لأنها مو فاهمة اهوه ليش هادي و ضجيجه يملأ غرورها
و اذا كانت مبعثرة و مو فاهمة ليش تحتاج اللي يلملمها
بس المشكلة اذا صار الريال مو فاهم شاللي تبيه المرأة أو فاهم و مو عارف
ما ادري شغلات وايد تطري على بالي بس أكيد الريال عموما يكون معذور
يمكن إنتي مو قادرة تحسسينه أو تفهمينه باللي تبينه ما ادري يمكن او يمكن على قولتج فاهم و يتغلى بس الاكيد انه مو فاهم و المرأة الذكية و الشاطرة تفهم و تحس بمشاعر الريال بدون ما يقول او يتكلم :)
أظنج ذكية و فهمتي :)
سلامي لج :)
عورتي قلبي حيييييل ومابي تدمع عيوني لأن بروح عيني مجروحه اليوم :(
زيون يالغاليه كلامج يعور القلب هذي أمنية كل بنت بسيطه عفيفه تحب الحب تحب تعيش بسلامه بس للأسف مو موجود لهالوطن ولا هالحلم !!!!!!!!!
الريايل تصدقين مابينهم فرق راح اكتب بوست بأقرب وقت لأخر ماوصلت له من شيء بحياتي وحياة أقرب الناس لي
اشوفج على خير يالغاليه حافظج الرحمن سلام
ضوى عيونك بيكون لي شمس ونهار ... وطن يغنيني عن كل الديار
روعة روعة
دخيل الله حس فيني ..
شكثر تعور هالجمله :(
المصيبه ان جان عقب كل هالحجي
ما حس و لا افتهم شالحل ؟!
اعتقد لراحت الوحده فيه اعدام
مو خساره :P
ابدااااع يا الزين كالعاده
نقل الاحساس وتصويره كماكتب وتكتبين،ارى انه صعب أو مختلف او نادر
للاحلام معاني اذا ، والوان وموسيقى
أي حلم هذا وأي تصوير
أنتي المبدعة ونحن الشهود
وبعد كل هذا شلون مايحس
لازم يحس لان هذا احساسها وشعورها
لازم يبادلها نفس هالاحساااااس
الحب من طرف واحد مشكله فإذا كان هذا الحب من ذاك النوع فتركه أفضل (ولد مطوع ماعنده أنصاف الحلول) :) كلماتك متميزة ورائعة وأسلوبك جميل اقول لك بورك قلمك ولافض فوكِ:).
مهندسنا
:)
لا تقول جذيه
محشوم
اشتا اشتا مثل ما تحب
قصة خيال
بعد قلبي يا قصة
ودخلتج علي تسوى الدنيا واهلها
:**
الكويت حبي
مساء الورد والنوير
يا عيني عليك ياللي فاهم البنات شيبون
:)
منت هين شكلك
ولاعب دور
وزع على اللي حولك جود الله ورحمته
:)))
حياك الله وسعيده بمرورك
محاااااااااااااااارة
اسم الله على قلبج يا بعد قلب الزين انتي
ما تشوفين شر يالغالية
وآنا بالإنتظار
:****
ياريت تسجلى اسمى عشان اقدر ادخل المدونة التانية بتاعتك
AK-47
:)
الروعة في تواصلك المستمر
قلب طفلة
:)
آه من اقصى القلب
خليني ساكته احسن
:*
le linguiste
:)
احلامي انا لها حتى نكهة وطعم مختلف
حتى اللون والشيد شي ثاني
لو بقص لك تضحك علي
وجودك دائما له وقع مختلف
شكرا لك
شيماء
:)))
اهو خل يكون عشان يحس
صقر قريش
يا هلا ومرحبا
تو ما نورت مدونتي
ترى فقدتك من صجي
وين هالغيبة
:)
تبي الصج وانا بعد اكره انصاف الحلول
مشكور يالشيخ على المرور والتعليق
لا تباعد
ابيك تضمني لصدرك
احس بحنانك
اشم ريحة كولنيا ديفدوف
واتنشقها
واعطس
واقول الحمدلله
وتقول يرحمج الله
وارد عليك يهدينا ويهديك الله ويصلح بالك ويخليلك عيالك
وترد علي يا خبله ما عندي عيال
وارد عليك يا خبل ادري بس اذا الله رزقنا بعيال يخليهم لنا
وترد علي .. انتي صاحيه ؟؟
وارد عليك بس اووش اسكت حدي دايخه مالي خلق سوالفك
وتلتني ذاك الكف اللي يفر ويهي
واعضك واشمخك
وتكسرلي اضافري
وابجي .. وتصارخ
واكمل بجوتي
وتلمني وتهديني
وانام على صدرك
واشم ريحتك
وارد اعطس ....
ولهانه عليج :*
Nostor Azzuro
يا اهلا وسهلا
انت فين ياراجل بتغييب وتظهر فجأة كده
اسمح لي يا صديقي
مدونة حكاية النور خاصة جدا
اعضاءها هم اثنين
انا وشخص آخر
والمواضيع المطروحه هناك لا اعتقد انها تشكل لك اي فرق
بالعكس
انت تقدر تشوف الزين وقصصه هنا
وسيبك من حكاية النور
مش حتنفعك خالص
:)
شلالات
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
صج كويتية
ابد ماكو رومانسية
ما منكم فايدة يا بنات الكويت
عيزت وانا اعلم فيكم
انتي بعد لج وحشة يا نور العيون
:**
أبي أغفي على صدرك .... أشم طيبك .... وأنفاسك تهديني ....
تعبت أحجي .... تعبت أوصف .... تعبت يا فلان دخيل الله حس فيني
عجيب الكلام .. وما عليه كلام
بنت سيف
ههههههههه
لآ مو فاهم بس من كثر الحنة اللي في الحريم فهمت لووووول
حدي مو هين بس ما العب على أحد انا طبعي جذي العادة فاهم بس استعبط خلي اللعب لأهله
و مسائج خير عزيزتي <<< تو الناس
سلامي لج :)
تدري شنو ابي الحين
أبيك تحضني .... تهديني .... تهمس لي حبك .... وتقول لي شكثر إنت ميت فيني .... أبيك تسرح بعيوني .... وبكلمة تداوي كل هاجسٍ كاويني ..... تعرفها هالكلمة ... قولها لي .... حلفتك بالله تقولها .... أبي اسمعها .... وأبي كل ليلة بمعانيها تحازيني ....
أبي أغفي على صدرك .... أشم طيبك .... وأنفاسك تهديني ....
تعبت أحجي .... تعبت أوصف .... تعبت يا فلان دخيل الله حس فيني
ترى الاحساس نعمة وياريت تحس فيني
واي زيون شنو يتعب الحجي واللي يتعب اكثر انج تتحجين لواحد ولاهو مهتم
بس الصج يبقى والتصنع جهاله
وتكفى حس فيها
عيل انا اهديه غنيه ياعديم الشوق
علشان يحس ابعض الناس
;p
الحق على قلبي
دخيل الله حس فيني
تبغى الصدق اكذب عليك
---
جميلةٍ انتي حتى ان نفسي من نفسها تتعجب .
دخيل الله حس فيني
ترا البوست عجيب!
أقرا البوست
ومن ثم اعود للتعليقات
اناظر كل كلمه
ويرجف قلبي مع عفويتك في نقل احساس قلب كل انثى
!!
احيان تنطق عينها بتعب الدنيا
وتتنهد روحها التواقه لامان يحضنها
ورغم ذلك تجد نفسها صامته
!!
هل عجزت الكلمات عن وصف احساسها؟
ان انهاتعبت من ترجي وشحد مشاعره واحساسه؟
هناك فرق بين الامان والاحساس الذي ينبض بعفويه في قلوبهم ويغمرنا
وبين تلك المشاعر التي نظل نتتظرها
نطلبها
نترجاها
حتى تطيب خواطرنا
!!
تنهيده حب
وابتسامة شوق
وانتظار لموعد يجمعنا في حديث رايق مابين الزين واستكانة
:**
ولهانه عليج
:)
بنت سيف
:)
يا حيا الله اهل الدوحة
منورتني يالغالية
:*
الكويت حبي
صباحك خير عزيزي
:)
GUCCI-q8
صباح النووووور
وحشتيني من قلب
شوفي خليه مو حاس احسن
ساعات كثر الإحساس هم يتعب
:)
حريم ما يعجبنا العجب
واي مي
شسالفتكم
الكل يبي يهدي اغنية او البوست مذكرة بأغنية
:)
حسين
:)
مو أجمل منك يالشيخ
سنعه
وأنتي احلى واعجب
:**
استكانة
تنهيده حب
وابتسامة شوق
وانتظار لموعد يجمعنا في حديث رايق مابين الزين واستكانة
:**
ولهانه عليج
:)
متى؟؟؟؟
متى؟؟؟؟؟؟؟
كل ما اشبك ما احصلج
رحمي حالي ودخيل الله حسي فيني
هههههههههههههههه
موت موت موت
وحشتيني
:***
ولين باجر يا توأم الروح
لين باااااجر
يا سلام عالبوست
المليئ بالمشاعر الجميله
عجبني فردج للكلمات واسلوب طرحج
اتمنى لج التوفيق من اعماق قلبي
كويتاوي
:)
اخجلتم تواضعنا
مشكور وايد
احساس اكبر من الكلمة
.............
علامج دوم لي تشكين
ابي مرة تحسيني
تعرفيني
تشوفيني في قلب الزين
شوفيني وطالعي زين
تحت جفني
وسط عيني
شتشوفين ؟ ....
اسم الزين
وسط عيني حفرت حروفج وجم كلمة
وبكل انفاسي لج ذكرى...وب كل نسمه
ابلون البرق
في غرب وشرق
ابنور الليل
وظلمة صبحي الدامي
بكل حروف تكتبها لج اقلامي
لج كلمة
في احلامي
و الخيال
في نسياني
في أي فكرة تجي على البال
لج كلمة
كل الدنيا ومافيها
انا اقسم اني مابيها
اذا انت يوم مو فيها
ولج كلمة
احاول اني انطقها
او حتى... لج اكتبها
تعاندني احاسيسي
تقولي لا تصير مجنون
اللي فيك ياسيدي
اكبر من كلام الكون
إرسال تعليق