مخضبة يداي بحناء فرحك
بلون اللقاء
بدفء القرب ... بالشوق الملبد بين كلماتك
بأساور الغزل .... بأحاديث المساء
بالهمس المحمل على صدر الحروف
بحنين متواري .. يمسكه الخجل برسن من غنج
مخضبة روحي بتلك اللحظة
بسؤال قد حاك لنا الخطوة
رسم دربا ... شق قبسا ... أشعل لهفة
وغرس للشوق ألف غرسه
مخضبة النوايا بحلم يدغدغ تفاصيل الحكاية
يرسم لوحه تتهادي على أطرافها فرحة
تلثم الزوايا ... تعكس دفء الملامح بالمرايا
مخضبة ايامي بحلم البقاء
بين احضان المساء خلف ساعات السحر
كالثريات ... بين النجوم عندما الوجد انتثر
مخضبة انا ... بلون العشق
اجرف بلحنك
يغرقني حبرك
وتخطني الكلمات فوق سطرك
يخلق يومي لحظك
يسكبني في كأسك
يثملني
يسكرني ..
يشتتني ويجمع مني همسك
مخضبة أنا
بك أنت
هناك 31 تعليقًا:
يا حناء جسدي انطقي بما قالت الزين :)
ياما تغزلت أمي بالحنة و لم أفكر يوما أنها كانت تنطق شعرا
اي جذي عيل امس خليتني ابجي :)
أحبج زين
اليوم آنا احب الناس كلها ;*
شوقتيني للحنا في هذه الليالي الصيفية :)
مسا الأفراح والأمل :))
عجبني ما قرأت
هدوء جميل يلفه نغم الفرح
لي حتماً زيارة أخرى
يوم سعيد
Amazing :)
الحناء استبدلوها بالتاتو يا الزين
ديما
ارتبطت الحنة بملامح فرح العيد يا ديما
احساس طفلة تنتظر الغد
لهفة فرحة تأمل ان تكتمل
وامج معاها حق تتغزل بالحنه
:)
صباحك طيب مليئ بالأفراح عزيزتي
ريلاكس
ما عاش اللي يبجيج
وانا احبج اكثر
والناس كلها تحبج يا بعدهم
:**
نيكون
شفتي شلون
:)
الحنه لها احساس اخر
وصباحك كل الفرح يالطيبه
طائر بلا اجنحه
:)
على علمي انك تركت عالم التدوين
فمتى عدت
سعيدة بزيارتك
وبانتظار التالية
ويومك اسعد
illusionist
:)
مشكوووره
فريج سعود
الحنة فيها عبق الماضي
فيها ريحة امي وجدتك
فيها الأصاله يالشيخ
فيها فرحة العيد
وشوق العروس واحساسها
خل التاتو لأهله
:)
يا زين الحنة وريحتها.
سؤال بريء !!!!
اعتقد الحين صار عيب اذا الوحدة تحط حنة, والا حرام ؟؟؟؟
ومخضبة أنا بيوم جديد
فيه نفس جديد وتطلعات جديدة
يوم ابتدي فيه بكلمات الزين
التي طلما انتشلتني من مود غريب.
لكل كاتب كلمات من اللغة التي يكتب بها .. يحبها الى ابعد الحدود
كلمة " مخضبة " او " مخضب " واحدة من كلماتي المفضلة !
والله العظيم ترى مو مبالغة
طالما أحببت هذه الكلمة لا ادري لماذا ..
اليوم اجدها عندك !!
خضبينا يا الزين بكل ما هو جميل ..
يا سلام علي الحنة لا احلي ولا اجمل منها زينه
والاحلي كلامج الطيب :)
احب الحنه واموت على ريحتهااااا
من بعيد الى بعيد
بس حنتج ابيهاااااااا
صبح الحنه يالزين
no Im back for a while now :)
جميلة هي الارواح المخضبة
:)
مدري اشفيني على الحنه يا الزين قبل محد كثري يحبها و يموت عليها
الحين جنه يايني شي عليها من اشم ريحتها بمكاااان جبدي كلها تلوووع
و اذا قعدت يمي وحده و هفني منها ريحه حنه اقوم بسرعه ما استحمل
****
اما بالنسبه لحنتك يا الزين
فقد اشتقت فعلا لياااااالي عيد نجتمع حول الحنه ونحني ايدينا
وننتظر صباح يوم مشرق نغسل الحنه و نتجهز ليوم جمييييييل هو يوه عيدي و عيد المسلمين
ولكن اين هي الفرحه الان
** تذكرين اول في غنية يغنونها بلعروس .. ياعالم حنه يا عالم حنه
ايام السبعينات والله ذكرتينا فيها
يوم يبتي طاري الحنه ..
** رجاءً اللي بيروح العمره اييبلي
حنه مكة حق شيباتنا
روعة يالزين.. أبدعتي
أول مره أقرى و ما يطري على بالي أحد
اتوقع راح تكون الكلمات أحلى لو كان في أحد على البال
nothing wrong with your words, its just me!
:**
يانغ
:)
اول مره اشوف ريال يحب ريحة الحنة
وسؤالك جداااا برئ
والجواب هو
كلش مو عيب بس كلش مو ستايل
:))))
اما سالفة الحرام هذي ما افتي فيها
حياك الله يالشيخ
سبمبوت
يا حياتي انتي
:)
اكثر شي اسعدني بهالنص ان لقى صدى طيب عندج
تدرين شكثر يهمي رايج
:**
واعتبري هالنص اهداء من الزين لسبمبوت طالما هي مغرمة بكلمة مخضبة
:)))
سويت ريفنج
:)
والأحلى وجودج الطيب حبيبتي انتي
:**
بنت الشامية
حنتي كلها لج بعدي انتي
:*
حنه عمانية
شرايج فيني بس
:)
طائر بلا اجنحه
:)
welcome back
its good 2 have back again
عثماني
والأرواح المتآلفه
:)
سعيده بزيارك يالشيخ
لوير
ايييييه يا فطيم
عز الله ذيج الأيام
اللي العيد كان يعني لنا الحنه
والنفنوف اليديد
وريحة البخور
وقرص العقيلي
والحليب المهيل
وقول للزماااان ارجع يا زمان
ضاق صدري
:(
ميمة السبيت
ولج مني حنه عمانية بس اروح عمان
شي ثااااني يا الميمه
:***
بربليوشه
ومن قال مو عالبال احد
:))))
حياتي انتي
:**
يا حلو الحنة
ويا حلو الكلمات
:)
إرسال تعليق