وتتوالى الأيام ... ودجاجتنا محتضنة بيضتها اليتيمة .. تخبؤها عن اعين الأخريات .. وتخفيها عن تشاندرا النسرة ... حتى يأتي اليوم وتفقس البيضة
فتصرخ من الفرحة ... تحوم حولها ... تنفض التراب عنها بمخالبها .. تبعد بقايا ريش قد خبأتها به وتتجمع حولها باقي الدجاجات بفرحة
فرخ صغير ...
ويعم الفرح المحكر .. وتصيح الدجاجات بغبطة ... بعضهم محاباة للدجاجة الأم والآخرى حبا لها... وتأكل البعض الغيرة لأنها لم يتسنى لها ان تحضى بنفس الفرصة
تقترب منها وتنفض جناحاها بزهو ... لتعلم الكل انها اخيرا اصبحت ام
وفجأة يفتح الباب بقوة ... وتدخل تشاندرا بخطواتها الثقيلة ... فتتطاير الدجاجات رعبا في الكل الجهات مع صياح البعض الآخر .. ووتراجع هي مخبئة صغيرتها تحت جناحها ... تقترب تشاندرا متفحصة الدجاجات .. يقترب منها الديك .. تبعده بقسوة بطرف قدمها فيحلق لوهلة ثم يثب هاربا الى خارج القفص
تصرخ مولولة وهي تنادي راجو .... وتخرج تاركة باب القفص خلفها نصف مفتوح
يعم الهدوء القفص وتنظر الدجاجات لبعض ... تقترب هي من الباب ... تنظر للخارج ... هو عالم آخر لم يتسنى لها ان تراه ... شمس مشرقة ... وعشب اخضر .... وسماء صافية تتخللها الغيوم ... وتقترب الأخريات معها ... وتتهامس الدجاجات ... هل نخرج .. هل نهرب ...
تصيح اكثرهم عنفوانا
"خل نطلع .. شتنطرون"
تجاوبها الدجاجة الأم
"وين نروح ... انتي تدرين شنو في بره ... تقدرين تأمنين على روحج في عالم ما تعرفينه"
"مهما كان هم ارحم من تشاندرا والفيران اللي كل يوم تاخذ منا وحده وليمة"
ترد عليها الأخرى
"هذا قدرنا شنسوى"
"انتوا ضعاااف ... وطول ما انتوا ضعاف بيتم حالكم مثل ما اهو ... تشاندرا شوي ... والفيران شوي .. وعتوي بيت بو فلاح شوي"
"وه وه وه اسم الله علينا ... فالج البر ... شله عاد التخرع"
"انا بصراحة ما ابي اطلع ... واعرف احمي نفسي"
تلتفت لها الدجاجه العنوافنية لتجاوبها بحنق
"قصدج الديج اللي ميته عليه ... ليكون على بالج اهو صافي لج .... اشوه ان مثل شهريار كل ليله له وحده منا... وكلنا جواري بالحرملك يا عيوني ... كاهو طلع وخلانا "
تلتفت الدجاجة الأم لصغيرتها لتفكر
"انحاش معاها ... بس اهي صغيره ... وانا بروحي ما اقدر احميها ... انا ما اقدر احمي نفسي اصلا ..وحالي حال الكل هني ... مغلوبين على حالنا"
"سمعوني زين ... انا بطلع واللي بخاطرها تشوف العالم وتعيش مثل باجي الخلق تتبعني ... واللي مافيها حيل واللي يسلمكم خل تنثبر لين اييها الدور وتنئكل"
تتجه للباب ... وتتشجع بعضهم ... ثم يفتح الباب على مصراعيه ليقذف راجو الديك الأعور داخل القفص وهو يسب ويلعن
تهرع باقي الدجاجات للإختباء وتدخل تشاندرا لتتناقش مع راجو اي الدجاجات يصطاد
يتلفت راجو وتوجهه تشاندرا لتلك السمينة الغضه ... يقترب منها ... تحاول ان تهرب تصرخ
"مابي ..مابي امووووووووووت .... وااااااك"
ويمسك بها ... تلتفت على باقي الدجاجات تودعهم بعين دامعة وصرخة هلعة .. يعطيها لتشاندرا ثم يبحث عن طريدة اخرى ... وتلتقي عيناه مع عين الدجاجة الأم ... يملأها الرعب وهو يقترب ... تفر الدجاجة الصغيرة من تحت جناح امها ... ترفرف الدجاجة الأم كأنها تدعو ربها للخلاص ... تبحث من منفذ ... ويقترب اكثر ... تصرخ الدجاجات ... يهرب صوتها ... تصرخ الدجاجة العنفوانية
"انحااااشي ....كاااااااااااااااااااك"
تتجمد رعبا ...
تتراجع ........ يقترب .... تتراجع .. ويقترب اكثر
تلتصق بالجدار ... تصرخ الدجاجات
يهرول الديك بدون هدف
ويمسك بها
"كاااااااااااااااااااااااااك"
وتلتفت الصغيرة على امها وهي لا تفقه ما يحدث ... هرج ومرج ... وشعور لا تفهمه ... شعور اكبر من عالما الصغير ... ولكنه مؤلم
يتجه راجو لتشاندرا .. تبتسم له ابتسامة رضا وغنج وهي تمدح قوته وسرعته
ترفرف الدجاجات بين يديه ....
تنظر الدجاجة الأم لصغيرتها بحسرة وألم مودعة لها متألمة لفراقها ... فلم تتم فرحتها ... ولم يكتمل عالمها الوردي الذي رسمته
يخرجان ويغلقان الباب خلفهما
يتهاوي الديك على الأرض جريحا من ضرب راجو
تتهافت الدجاجات عليه لمواساته .... تقف الدجاجة العنفوانية يغلفها الغضب ... رافضة للواقع المر .. تصرخ بباقي الدجاجات
"انتواااا ضعااااااااااف ..... شلون تخلونهم ياخذهم .... شلوووون..... كووووووو عليكم"
يرفع الديك راسه
"فكينا من اللغوة الزايدة ... ترى فيني اللي كافيني"
"اسكت .... تبيني اسكت ... لو كان عندنا ديج كفو يحامي عنا ويحمينا جان سكت ... انت اللي اسكت واللي يعافيك ... وجودك مثل عدمه .. مالت عليك اقول حتى مالت عليك"
"كووووووو ..... انتي شفيج ينيتي اكو وحده تقول حق ديجها هالحجي"
"والكوبه ... خليه ينفعج ... وليلتي متنازلة لج عنها ... شبعي منه"
تلتفت لتجد الفرخ الصغير ينظر لكل ما يحدث بتعجب ... تقترب منه ... يرف قلبها .... يحن لها ... تحضنها ...
ترفع رأسها تنظر لها بخوف
تمسح عليها ثم تخبرها ببساطة
"انتي اسمج صوصاا ... امج راحت يا عوينتي قبل لا تسميج ... ومن اليوم انتي بنتي... وعمري ما راح اخليج ضعيفة .. شفتي هذولي كلهم ... انتي بتكونين اقوى منهم ... واحسن منهم بكل شي .. وعمرج ما راح تكونين مجبوس دياي مثل امج"
توصوص الصغيرة .... تلتصق بها ....
وتغمض عينيها
يتبع
هناك 42 تعليقًا:
إبداع والله إبداع !!
أشوف الدنيا من خلال عيون دجاجة :))
إندمجت من الأول للتالي :))
قصة رائعة والسرد أروع بكل أمانة :)
عورتي قلبي على الأم :((
بس العنفوانية كفو والله !! ملأتيني بالأمل إنها هي بتربي صوصا ...
قواج الله
كملي بس مو تطولين !!!!! :))
:)
واقع مصغر لمجتمعنا
نفس التفاصيل
مع اختلاف الابطال
!
اتينن العنفوانية
حبيتها
:**
وننطر صوصااا
امبيه عورني قلبي على الام
:/
و البنت
بس هل الشجاعه بدون دراسه للعواقب صح؟
إيييييييييييه
مجتمعنا ينطبق على كل شي, بس منو يمثل دور الديج ؟؟؟
:)))))))
قصة رائعة
تحياتي
مساء الورد والعنفوان كله :)
واي زيون والله عورني قلبي من القصه حسيتها تكلم عن واايد بشر هذا حالهم
وانا ماحب العنف ضد الحيوانات فتلاقيني ساعات اوسوس والحين كل ماشفت مجبوس دياي بقعد افكر بصوصا وامها LoL
وي وي وي
حسبي الله على جاندرا و راجو حساب يكفيهم ..
وعليه فرقوا الام عن بنيتها بعد قلبي
الله يعوضها بالعنفوانيه و اتصير اميه لها ..
أبـــــي اقراااهااا
كااك كااك
ياقلبي رديتيها الديايه انا حبيتها من اول ما كتبتي عنها بذاك البوست القديم ...
بقرا البوستين :))
واااي الله يسعدج يا الزين
فرحتي قلبي يوم شفت مذكرات ديايه
بس بسئلج يبتي طاري تشااندرا :P
بروح اقراها
برب :)
لووووووووووووووووووووول
اثاري نص الي يضحكون كاااااك يعني يطالعون الدنيا من خلال عيون الديايه ;q
مسكينه هالام والله :\
وعلية
واحنا طايحيلة كل يوم مجبوس دياي ولا ندري شالقصة
واي الحين كل ما ييت باكلة بحوشني تأنيب ضميري
:)
صباحج الخير..
زيونه انا ما اكل الا الدياي والسمج..
بيصير بس السمج..
وابشرج ان كتبتي قصه مثل نيمو عن الزبيدي ولا الهامور راح تتسببين علي..
عوره قلبي ام الكتكوته اليديده..
بس عجبتني العنفوانيه المتمرده..
كلميهاا.. خل نشوف مستقبل الكتكوته..
مثل امها .. ولا في امل..
بره الموضوع..
فدييييييييييييتج:**
الله ....الله .....الله يازيوووووووووون
عظمه على عظمه
غشيت من الصحك و عورنى قلبي على صوصو بنفس الوقت
والدجاجه القويه لازم كلناااا نحترمها ونحترم مواقفهااااا ترفض استسلامها لواقعها مع انها قليلة الحيله
الله ينصرهاااا على ديكهم العور
وشااااندرا الشريره وراجو الاشر منهاااااا
أبدعت ....أبدعت....مشكووووووووووره
صباح الكوكو
:)
لوووووووووووول
زيزي مت من الضحك على كووووووووو عليك!!!
هذي وايد متمردة.... خنشوف شنو تاليتها!
بس أنا ما عورني قلبي على الام... هذي سنة الحياة!...
حكمة من رب العالمين بتسخير الانعام لبني آدم
بالانتظار:)
واااااااااااااي كرهت الدياااااااي
عورني قلبي
اليوم البوووووووووست غريب عجيب
يمزززززج الالم و الضحك مع بعض
اشلووووون عورنا قلبنا وبعدهااااا نموووت ضحك
كله بصووووب
و هالحجوه بصووووووووب
..... كووووووو عليكم
واي انا سمعت صوت دياي!
يا الله يا الزين كل هذا يصير؟
وبالنهايه ..تيينا ذيج الديايه متشرقده على القنجة بكل اغراء وجمال تغرينا بأكلها فناكلها دون ان تفكر بماضيها ومستقبلها
انا خلاص
راح اصير فيجتيرين
:Pp~
صباح الابداع
وصباح الشوق كله
:*
بعد قلبي قلب امها :"
واااي
ديج الرمله عمه بعينه
بس طواله لسان على الفاضي مال انتف ريشه ...
فديت ديايتج العنفوانيه ...
الكل بيحاربها
لكنها قويه
تدرين زيون انا بس اكل سمج
اللحم ما احبه والدياي نادر ما اكله
خلاص بصير فيجيتيريان =D
بانتظار التكلمه :**
قرأت الحلقتين اليوم ..
أسجل إعجابي الشديد ..
الصراع بين الكائنات هو صراع بقاء مهما اتخذ من أشكال أو مظاهر ، بين الدجاج هو صراع البيض ، و بين البشر هو صراع الدماء ..
تختلف الصور و يظل الجوهر واحد ..
متابع
:(""""""""""""
نـــاااااقصيييين ...
ياااااا عويييييينتي ... راحت من جيس أهلها !!!
رااااحـــت شهيـــدة المجبـــووووس !!
بحشـــــوووو ولاااا من غيــــــر حشـــــــوووو ؟؟؟
عـــاااااد أحلاااا أكله عندي مجبوووس الدياااي
وأأأأألحييين كرهتــــه ... تروالي كل ما ييت أكل مجبوس الدياي ... يتهيألي ويه الأميمه والصوصاااا !!!
يااااا حاااافظ جان سويتيها مرقة دياي ... ما أحب مرق الدياي
أو برياني دياي ... همن مااااا أحبــــه !!!
خيــــــــــــــــــال وســــرد أكثر من روعـــــه
طــــــــــالعه علي .. هههههههههههههههه
:**
مدام Yin
:))
بعد قلبي انتي ما تقصرين وهذا من ذوقج يالشيخه
والعنفوانية بيكون لها الدور الأكبر بحياة صوصا
كملي معاي راح تعجبج الأحداث
وان شاء الله ما اطول على التساهيل
قولي يالله
:*
نجمة
والكل حب العنفوانية
وانتي وشطارتج بالإسقاطات
:)
ما عندي شي بالساهل
:)))
داركنس
ايه مسكينه الأم ما مداها تتهنى بصوصا
اي عواقب تقصدين!!
مسيو يانج
يا حيا الله من زارنا
تهقا يعني منو الديييج
:)
الله يسلمك ياخوي ومشكور على المرور الكريم
اينجل
انتي ويييييييييينج
عليج مخالفة ولازم تدفعين غرامة
:)))
ترى هذا واقع الدياي بس احنا ما فكرنا فيه من هالناحية
وانا شكلي بعقدكم
الخيلاء
والله ان شاء الله بيعوضها
:)
تركواز
:)
كويت
تهقين
:)))))))
تدرين عاد انا عمري ما حبيتها هالضحكه
احنا عشقناها
ويااااملج من تأنيب الضمير
نطري سالفة الشاورما
:)
كوربس برايد
وبره الموضوع انا بعد
فديت قلبج الدافي
:**
بنت الشامية
يا فرحة قلبي بطلة حبيبتنا بنت الشامية
يا هلا ومرحبا وساعة المباركة يالشيخه
مشكوره انتي على هالتواجد الحلو والتعليق الجميل
:**
جنجن
وكووو عليهم
:)))
بعدج ما شفتي شي هالمتمردة بتعمل عمايل
قولي الله يستر
:*
لوير
فطوووومه
ادري بتحبينه خابرتج تحبين قصص الحيوانات يا ام بزه
جني اشوفج بين عيوني تكركرين
بعدي والله
استكانة
كلنا عقب هالقصه شكلنا بنترك اكل الدياي
وصباح الأشواق كلها
:**
تركواز
@@
شسالفتكم كلكم بتقلبون فيجي
!!
ما يصلح يا ماما بعدين ما تكبرين
سفيد
وتسعدني متابعتك مع العلم ان سيكرت رشح لي مدونتك
وانا متابعة بصمت
يعني الى الآن انا لي الشرف اني اكون متلقية للمعلومه من طرفكم الكريم
دمت بكل الخير
ديللي
بحشو يا ديللي بحشوووو
شفتي شلون النصيب
المرة اليايه بسويها لج شاورما وانتي عاد كيفج
:))))
ايه ايه طالعه عليج اكيد
:**
أصفق!؟
اشويه
و الله العظيم، كل ما مريت على فكرة لقيت لها رابط بواقع حياتنا
ليش تشاندرا و راجو دوم يعاملون الدياي بقساوة
ليش تشاندرا تبي دوم تلهف بيض الدياي و تعلفه يا مال البط
ليش الدياي دايما يخاف يطلع بره القفص مع إن الدنيا بره القفص مخوضره و حلوه، يمكن تخاف من الحصاني؟؟
ليش راجو دوم باطشة ايده يا مال الكسر
ليش و ليش وليش
روعة و متعة و الله
دمت و الأهل و الأحبة برعاية الله
بو محمد
اخجلتم تواضعنا وهذا بعضا مما عندكم
:)
دمت بكل الصحة والعافية
كوووووووكووووكوووو
ماشاء الله عليج..ربي يبارك في عقلج اللي يطلع كل هالخيال
واااااك عليج يالعنفوانية..أخت رجال :d
yalla, mtab3eenech
3jbtni koooo 3likom :P
6awlty 3lina 3la ma ktby el jz2 hatha
bgraha 7g omi bacher ;p
good night :* luv u
زيووون :*
مالنا غنات عن الزين وزينها كل ماغبنا نطلطل عليها :)
ومخالفتكم عسل عالقلب :)
ناطرين يديدج
دمتي بابداع وتالق
glomhilda
هلا وغلا بعد قلبي
وتسعدني متابعتج جدا
:)
فسكرة
:))
ايه اذكر ان الوالدة استانست عليها
بشريني عنها
ان شاء الله علومها زينه
اينجل
اخر مرة
مرة ثانية ما نطيح المخالفة عنج
:)))
إرسال تعليق