تجلس على رمال الشاطئ الناعمة
تدغدغ الأمواج أطراف أقدامها ... ويلاعب الهواء ما تمرد من خصلات شعرها الأسود القصير .... تلاحظ اسمرار بشرتها ولون الشمس قد لوح ملامحها .... قدماها الصغيرتان تتمللان من كم التراب العالق هناك .... تدنن أغنية قد سمعتها مؤخرا على التلفزيون ... لا تذكر كلماتها ... ولكنها حفظت اللحن ....
تدغدغ الأمواج أطراف أقدامها ... ويلاعب الهواء ما تمرد من خصلات شعرها الأسود القصير .... تلاحظ اسمرار بشرتها ولون الشمس قد لوح ملامحها .... قدماها الصغيرتان تتمللان من كم التراب العالق هناك .... تدنن أغنية قد سمعتها مؤخرا على التلفزيون ... لا تذكر كلماتها ... ولكنها حفظت اللحن ....
وتعجن يداها الترب المخلوط بماء البحر المالح .... تبعد تلك الخصلة العنيدة ... وترفع عينها لتتحدي حرارة الشمس بنصف عين ... يحادثها شيطانها ان ترتمي بين تلك الأمواج الرقراقة ثم ....
"كاني يبتهم"
تلتفت لصديقتها الممتلئة القوام كأنها الدمية التي اشترتها لها أمها قبل فتره ولم تعجبها
"ما أبيها متينه ... مو حلوة"
"يا ماما ... هذي لعبه لازم تكون متينه "
"ماما ... بس هذي عندها كرشه مو حلوة .... أنا أبي باربي ... باربي حلوة وذعيفه ونفانيفها ملوت كبال .... انا مابي بيبيات"
تنتبه لها تحادثها
"شنو بنسوي؟؟"
تتجاهل سؤالها لتسألها بالمقابل
"ليث ما ربطتي ثعلج .... كشه وايد"
"مابي ... ما أحب اربطه.. أصلا احلي مفلول"
تنظر لها وهي تزم فمها بكل تحدي منحنية الرأس على جنب .. ثم تنظر للتراب بحنق
"اححح ... الأرض حاله"
"تيين نطب بالبحر"
"آمي توها مسبحتني أخاف تهاوشني"
"إنتي خوااافه "
"حتى انتي خوافه ... هذاك اليوم صيحتي لما عضتج النملة"
"ويهج ... أثلاً النملة كانت كبيرة وتعور..... يبتي القلاثات؟؟"
"إيه يبت اثنينه بس ... واحد حقي وواحد حقج"
ترفع لها رأسها لتخاطبها ... فتقهرها الشمس ... تغمض عينيها وتصر على أسنانها أو ما تبقى منها ... فلقد فقدت الصف الأمامي نظرا لسقوط الأسنان اللبنية ... فباتت تصر على الحروف حتى تكون مخارجها صحيحة ... فتنجح مره ... وتفشل بالأخرى
وكل الحروف صارت خلطبيطه
تفز من مكانها تأخذ الكأس .. وتتجه للبحر وهي توجه تعليماتها لصاحبتها
"إنتي حفري ... وآنا اييب الماي ... نبي حفرة كبيره عشان نسوي قلعة"
"آنا مابي قلعة ... آنا آبي كيكة"
تلتفت لها بكل حنق ... تتخصر لها
"مو كل يوم كيكة .... بعدين آنا الرئيسة .... بنسوي قلعة"
تتسع عيني صاحبتها ... وترتجف شفاهها قهرا
"بس ماني لاعبة... بروح داخل العب معاهم"
ترجع لها بكل خفه ومكر متداركة الموقف
"زعااااالة ... كله تزعلين .... أقص عليج ... بنسوي كيكه .. شرايج نسوي تي بارتي ونعزمهم؟"
تتراجع بكل حذر
" آنا ما ابي آكل الكيكه هالمره"
تنظر لها بحنق
"عيل منو ياكلها.... إنتي تبين تي بارتي وكيكة"
"لاااا ....آنا بطني عورني المرة اللي فاتت ... وآمي عطتني دوا مو حلو"
تبتسم لها منتصرة وقد بانت لثتها الوردية والخالية من الأسنان
"عيل نسوي قلعة"
"لا اااا ... نسوي كيكه ... بس مو احنا اللي ناكلها ........."
تبحث حولها ثم تتسع عيناها بفرح عندما تلمح زغلول من بعيد
"زغلوووول ... نعزم زغلول ونخلييييييه ياكلها"
وتتصاعد ضحكاتهما الشقية
تذهب إليه مسرعة
"ذغلول ... تعال نبي نلعب معاك"
زغلول ولد في حدود التعش من عمره ... اسمر ... بدت علامات الرجولة ترتسم على ملامحه رغم طفولته المتبقية والواضحه ببعض تصرفاته ... أجعد الشعر ولكنه دائما يصر على أن شعره ناااعما كالحرير
"دنا المشط بيجري بشعري جري"
@@
سماره القمحي الملوح بلون الشمس والكثير من ملح البحر يضيف عليه شيئا من النضج والقوة
"تلعبوا معايا ايه؟؟"
"نلعب ..... هممممم"
وتبتسم ابتسامه قمة بالمكر
"نلعب لعبة كيكة ذغلول"
"يعني هناكل جاتوه"
"جاتوه شنو .... كيكة مو جاتوه"
"طاااااااايب .... اوعى تكون وحشة ..."
تتردد قليلا ثم تجاوبه بكل نزق وقد اضافات على ملامحها الكثير من الجدية
وبزرت له عيونها شويه
"تلعب معانا ولا أروح اعلم بابا محمد يردك مصر"
"لا لا هلعب ... هلعب ...."
وتتجه معه للشاطئ حيث تنتظرها صديقتها وهي تمسك يده بكل اعتزاز بانتصارها عليه بالحيلة ... والتهديد
وتتسارع الحركة ما بين جلب الماء ... والعجن ... والأحاديث الصغيرة ... والضحكات المتلونة بلون الفرح والبراءة
وكلما قست عليهم الشمس ... اقتحموا برودة الأمواج بلهوهم ... حتى تبرد أقدامهم ليعودوا لفرن الحياة ... ويعجنوا المزيد من الكيك
"يالله ... عطني ثحنك بحط لك كيكه"
@@ يصاب بالذعر
"إنتي عاوزاني آكل التراب"
"ثفيييييييك ... هذا مو تراب .... هذا كيك ... "
"مش هاااقدر ابلعه "
"بلا تقدر الله يخليك زغلول ... ترى كيكتي حللللوة ... انا بييب لك ماي "
وتقفز متجهه للبحر بخطواتها الصغيرة لتغرف له القليل من الماء وتعود
"يالله ذوقها.... واشرب ماي وراها"
يتردد....
تقف القائدة متخصرة ... ناظرة للمكان الذي يجلس به بابا محمد ... ويلمح بنظراتها نوعا من التهديد
يلتهم التراب ... ويلحقه بالماي المالح
تبرز عيناه وهو يحاول البلع ... يجاهد خشونة التراب هناك ... ثم يبلع بكل قهر
"ياااااابوووووي .... دي طعمة قوي ... انا ماشي بقا ... عندي شغل"
ويقفر هاربا قبل أن يطلب منه أن يكمل الكيكة
تنظران إلى بعض بخيبة .... تستلقيان تحت الشمس قليلا .....تلتفت الأولى على الثانية
"نسوي قلعة"
"لأ .... أنا يوعانة ... بروح اييب لي بطاط"
تعتدل الأخرى ... تنظر إلى البحر بكل رغبة
ثم تهرول متجهة له لترتمي بأحضانه ... وهي تدندن بنفس الأغنية المجهولة الكلمات
قصة زغلول مستوحاة من احداث حقيقة لطفولة المدونة جندل ولعبة البروووي
:)
هناك 62 تعليقًا:
loooooooooooooooooooooool
الله يرحمه برحمته
مشكورة يا زين.... قصتك وايد احلى من طفولتي وبلاويها
:)))))
بس ما كنت ثرمة!!!!!!!
جندل
:)))))
اللهم آمين
ماكنتي ثرمة مش مشكل نعدل حروفج
بس هذا تصوري لج
عسى نجحت عاااد
!!
أجمل الحكايا هي التي لا نحكيها سوى لأنفسنا..
بس كثر خاطري ذغلول ... ما سوت عليه هالمسكين
ترا للحيني بالحكاية الثالثه ..
يبدو انه طافني وايد ...
انتي مبدعه يا شيخة الزينات
خيالج يبيله تفرص من خدوده ههههههههههه
looooooooooooooooooooool
يوم قريت آخر سطر ارتحت
ما تصورين من قريت اسم زغلول
بققت عيني و شرقت بالماي
تصدقين .. قلت مو معقولة جندل عندها مدونة ثانية و مو قايلتلي
ولا بنت عمتي هدت التسوق بالنت و قامت تدون
و الا اخوي متخفي بشخصية الزين و يدون
واييييي
زر عقلي الا شعرة :)))
الله يرحمك يا زغلووول
نون
:**
يا حياتي طلتج علي اليوم بالدنيا
وحشتيني وحشتيني وحشتيني
باقي بس اغنيها لج
:)
احنا عشقناها
:)))))
اسم الله عليج من زرة العقل
وانتي شحقه مخليتهم يلعبون بحسبة الولد الله يرحمه
وينج عنهم
:$
ززززوووغه الثرمــه
:)
والمناجر بينهم .. ردني لطفولتي أنا وخواتي
بس وايد معطيتها ويه .. تقولها أخر مرة مسوين كيكه هالمرة خل نسوي قلعة !! وهالنحيسة ألاااا كيكه ولاااا ما ألعب !!!
أنا لوو منها جان دزيتها صوب البحر !!
بس ترى ضعنا ما ندري منو وشنو سالفة زغلول؟
لو حاطة نبذه عنه ...
جندل وأحنا عشقناها بس اللي فهموا
:)
أأأأأبي أرد يااااهل أونــــس
لوووول
:)
ديللي
:))))
شفتيهم
يشوقووووون
والله يسلمج زغلول هذا بورتر مصري يشتغل عن ريل عمة جندل بالجيش
قام ويابه شغله عندهم بالشاليه
ولعبت جندل بحسبته
:))))))
ههههههههههه
هههههههههههههههه
فقـــــــير
:)))
جنــــدل تقول "الله يرحمــــه"!!!
لااااا يكووون أهي لها يد أبـ موتــه ؟؟!!
الله يحللــــه
ديللي
:$
يا عوينتي ماتب بالغزو
مع ان جندل شاكه ان من التراب اللي بلعه
الله يرحمه ويحلله
الزين:
انا مالي شغل
اا كنت امشي تحت الساس
كان يكسر خاطري وايد بس اخاف ادافع عنة يوكلوني انا الكيكة و يشربوني القهوة بعد.. ما قالت لج سالفة القهوة؟؟؟
ديللي و ميللي:
زغلول مات بالرصاص الصدامي
وايد كسر خاطري
بعز شبابة
الزين
والله يبتيها ييب يا زيزي
:))
بس كانت قهوة مو كيكة حرام عليج:)
صج متروسة طين!
صببخ بطنه من هالرمل!
اطالبك بقصة بروي من قصصك... اكيد كنتي اشطن مني!
:p
احنا عشقناها
:)
وعليه عليج
عيل جندل طلعت النسره
!!
ههههههههههه
يا حلاتها
لا ما قصت لي قصة القهوة
؟؟
loooooooooooooool
شريرااااااااااات !
ليش عااااد! تصدقين مافكرت آكل التراب او اذوقه !؟
:)
كنت اسوي قلعه الظاهر ;)
جنجن
انا برويي فضايح
انا واختي سوينا الهوايل بس اهي كانت اعجل مني
وعلى فكرة كنت ابري يا بالمصري او باللغة العربية الفصحى
@@
هههههههههههههههه
وايد متأثرة بالتي في
مع اني الحين ولا اجابله
بس ترى المصاروة سووا لنا غزو ثقافي واكتساح لغوي
:))))
ما يطري على بالي شي الحين
بس اذا طرى على بالي اكيد بكتبه
وياااويلج ان عيبتي
:)
ريلاكس
بالعكس
زووووووغه
انا ما احب الياهل الهادي ترى ولا احب المزعج
احب اللي عنده حركه وشطانته دمها خفيف
انتي الظاهر من ربع القلاع صاجه
:)))))
ثنووووو هذااا
looooooooooooool
ومن زود السنع مو بس ياكل كيك
لا يشرب ماي بحر وعليه
جان شربتوووه كااااريبوووو
loooooooooooooooool
زوقه هالبنيه
ومبدعه هالزين
زيون انتي كنتي تلعبين لغه عربيه فصحى؟
اشوة الحين عرفت اني كنت طبيعيه
انا العب فصحى
واصلح اغلط بنات خالاتي
ههههه
ما ارضى بالغلط ترا من أواني
:pp~
تدرين شنو حلم حياتي؟
اشوف دللي صغيره
واقولها زبوطة النقعه
LOOOOOOOOOOOOOOOOOOL
:))
الزين:
انا عندي مويضيع
:pp~
استكانه
:$
ايه كنت العب لغة عربية فصحي
بس تعالي شوفي البدليات الله لا يراويج
وكله بصوب واذالعبنا مسلسل بدوي بصووووب
هههههههههههههههههههههههههههههههههه
ابيه بدعنا بددددعنا
وانا عندي موااااضيع
بس جنه بخاطري احاربش
@@
الحمدلله يا ربي
بروينا محلي بس العمالة اجنبية!
شماله عربي و اوردو!!!
اختي الصغيرة كانت تجابل روحها بالمنظرة ومو اي منظرة... لازم على زاوية... عشان يصيرون ثلاثة
اهيا وغالية ومادري منو الثالثة!! وتعالي شوفي الخنابيج!!!!
طولت بالبروي!!! اذا مو غلطانة لي اولى ثانوي!
تصدقين
ترى قصص البروي تضحك
يعني خيال مو طبيعي
الحين مدري شعلامهم عيالنا ما يبرووون
ولعبهم صار سخيف
قضت التكنولوجيا على خيالهم
حسافه على التراث
والله لا تضحكين علي بس احس البروي تراث
:@
loooooooool
واي فقير كسر خاطري عيل رمل!!!!
ولا بعد مفنتقه فيه اخ ياقلبي مالوم المسكينه تحن عالقلعه
لووووول
حلاتهم والله شطانة اليهال اتينن
القائدة المتسلطة ذكرتني بروحي لمن كنت صغيرة كنت حدي مستبدة P;
اشوووة
لماكنت داخل اصندوق لعبت معاهم بس ما وكلوني تراب:p
ودي اقعد هلى التراب والعب مثل ايام قبل :(
كانت لعبتي المفضلة ولا زالت :)
esTeKaNa
هههههههههههه
ههههههههههههههه
هههههههههههههههههههه
حسبيالله على بليسج يا زبوطة النقعــــــــه
:))))
وأنا رااااايحه أقرى بعرف شنووو حلمج !!! ههههههههه
لاااا تشوفيني وأنا صغيرة .. كنت نزقــة النقعــــه !!!
يننــــت اللي مااااا يتينــــــن ههههههههه
:)
بعــــدين ...
شـنوو المويضيع .. ؟ ساسريني
:)
الـــــــــــــــــزين !!!
@@
الناس بخاطرها نفنوف .. سفره .. جنطة
أول مره أسمع "بخاطري أحاربج" ؟؟!!
لووووول
:)))
يا زينكم ... قنـــدتين أنتــوا الثنتيـــن
:**
هههههههه
وعليه ماسوت عيه هالعزيمه
خنت حيلي عباله جاتو بحئ و حئيئي مادرا انه تراب و وراه ماي مالج يفت الجبد ..
حلوه براءه الطفوله :)
ما عبر
وايد حلوة
@@
لوووووووووووووووووووووووووول
اهم شي ان انتي واستكانـه لما تلعبون تتكلمون لغه عربيـه :\
انا اشفينـي كلا سوووووريـه @@
مع ان العرج جنووووووب
احببت الاخيرة اكثر
يمكن لأنها ذكرتني بأيام الطفولة
حوار الطفلتين وكانه حقيقة
اما في الحكاية الرابعة عندي تعليق صغير...
الريوق ليش ..
Not in BED?
الرياييل ما يحبون القيود ليش تذكره انه زوج جان سمته اليوم باسم ثاني P:
الزين..
جميلة المشاهد والحوارات في صندوق الحكايا السبعة
يالزينه ذكريني لي غيبتني بحور و بشوق ناديني يمكن الدنيا تدور ..
برد ويا الصيف ولا الشتا لي رد ولا مع الأحلام وقت الربيع والورد
ما فهمت شي من قصتج و لوسمحتي لا تتحرشين بأصحاب لكروش ترى ما ارضى
:p
صباح الخير
:)
ما تبين قهوة مالحة؟
:p
اليوم الخميس وودي اذوقج قهوتي
رمل الخيران مخلوط بماي مالح واذا صفري ممكن يكون فيها نكهة قصيع مع شوية قواقع لا تخلو من ال
tiny snails
:)
اينجل
ههههههههههههههههههه
شفتي شلون مسيكين
بدعوا فيه
سكاي
عجبــــــــــــــــــة
ياخذون القلب
:))))
وردة
لووووووووووووول
انتي لما الحين بالصندوق
!!!!
سبحان الله حتى واحنا كبار اللعب بالتراب متعه
:)
تهقين هذا له شغل بطفولتنا
ديللي
يازينج انتي
:**
ايه احنا بينا اسرار وما نعلم
:))
الخيلاء
:)
ايه خنة حيلي
عور قلبي
GUCCI-q8
:))
الحلوة عيونج يا بعد عيني
كويت
ايه انا ناس مثقفين نبري باللغة العربية الفصحى يا بنتي
:)))
انتي شكلج متأثره بالمسلسلات السورية
ميرامار
:)
جوابا على سؤالج
لما تحصر حياة الزوج والزوجه داخل غرفة النوم لنتيجه لقلة مساحة الحرية
لسبب او لآخر
ان تكون عايشه مع حمولة مثلا
او ان يكون لديهم ابناء
او حتى وجود الخدم حولهم معظم الوقت
هني يكون التغيير مو بالريوق ان بد
التغيير يكون بامتلاك البيت لج وله لحالكم
بهدوءه
بمساحته
والإحساس السلام اللي يعمه بالصباح المبكر
:)
انا اتصور ان الزوجه وهي تحضر الإفطار يجلس هو ليتبادل معها احاديثهم الصغيرة
هذي قمة بالرومانسية
مدري هذا رايي
والناس اذواق وامزجه مختلفة طبعا
عزيزتي ميرا
الأجمل هو عودتك لمساحتي المتواضعه من التعبير
شكرا لك
ميمة السبيت
:)))
ياااازينهم اللي يغنون
:**
ليش ما فهمتي شي
القصه واضحه
!!
جندل
لووووووووووووووول
يعلج العافية
قهوتج عجبه بس انا صايمه
:q
تقبل الله طاعتج
:)
القهوة رافعتها حقج تشربينها عقب الفطور مع لقيمات
عاد شوفي اللقيمات مصنوعة من شنو
:p
والقهوة خابطة والسنيلز كبروا!
خضيها قبل لا تشربينها!
اجرام!
تصدقين اتقبل ان الراء تصير لام بس ما اتقبل الخاء تصير حاء وهذا صاير عندي:)بس مو فينى
جميل جدا يالزين
انا ماعلي من زغلول والكيكه ...انا اموووت على اليال اقعد بالساعات
لي تثبر المايه
يتغددون عني وينامووون وانا على اليال
ما يندرى عن الجو السنه
الله يستر من البارح العود
فمالله
زيوووووووووووووووون
عجيييييبه القصه
اي نبي سوالف براااءه
اقولج احلى القصص بالترتيب
الحكايه السابعه
الحكايه السادسه
الحكايه الرابعه
كل وحده احلى من الثانيه
ولااااااااااااااا يوقف
:*****
هذي سوالفكم ؟؟
دقات بالعالم
الله يرحمه
حسب ما فهمت من التعليقات انه توفى
أنا مره سويت عصير تراب حق ولد جيرانّا
عزمته العصر في بيت يدّي القديم قلت له تعال دش وخليته يسولف مع الوالده الله يطول بعمرها
ورحت دخلت در الجيل "التشيل" وفتحت كبت يدّتي الله يرحمها ودورت بالغراش لقيت غرشه فيها بودر بيج مادري شنو
حطيت جم قفشه من هالتراب بقلاص وحسته صار كانه جاي حليب
وقلت له "نصـــّور" تفضل
صلاح ويقول تفضل بذاك الوقت غريبه
المهم شرب رفيجي بغى يموت إخنقه التراب
وانا بغيت أموت من الضحك
يمكن كان عمري وقتها ثمان او تسع سنين او اقل
مستمر بقراءة حكاياك العذبة يالزين
وبانتظار باقي الحكايا
تقبلي خالص التحية والاحترام
زيووون
سبقتيني بموضوع البروووي
انا كنت كاتبه موضوع عن البروي
خبرج يوم كنت صغيره كنت انا العرووس
والمعرس عبود ولد ييرااانه
هههههههههاااي
امبي زيون كله ما خذه دور البطوله بالبروي لازم انا العروس بعد 10
دقايق والا انا ام وعندي ولد وبنت
ههههااي
امبي لو تشوفين عبود الحين كبر وكله ينقز علي
هههههههه
امبي لأ ...استحي
وهو يذكرني يوم كنت العروس وهو المعرس
وييييييييع
تلوووع جبدي
وكل ما يشوفني الحين يقولي شلووونج خطيبتي
:((((
مليق
بس ذكريات الطفوله معاه حلوه
الله يهديني انا بعد 24
ساعه مطيحه في بيتهم
باااارع
هههههههااااي
خوش بوست ذكرتيني بالذي مضى
الطفوله البريئه
:***
فتحت هذه المدونة لتحذير المبتدئين و الصالحين الذين لا يتوقعون من الغير ايذائهم لأنهم لم يرتكبوا أي جرم لكي يستحقوا الايذاء , اريد تحذير الجميع و التنويه من مشاغبات الهاكرز و هم اناس معتوهين و لا يملكون حياة يعيشونها فيلجؤا الى ايذاء غيرهم لتعويض النقص و الضعف الذي يعانون منه , و بما انني منافس و خصم قوي و عنيد واؤمن أن الله يريدنا أن نكون مصلحين و ليس صالحين فقط , لهذا سوف أحشر أنفي فيما لا يعنيني و أقوم بتوعية المبتدئين عن الطرق التي يستطيع أن يقتحم فيها الأجهزة و هي سهلة جدا , لكن لنبدء أولا بالمخاطر المترتبة عليها :
اختراق كاميرا جهاز اللاب توب
1- اختراق الكاميرا المرفقة بجهاز اللاب توب , هناك برامج متنوعة يستطيع الهاكر المريض أن يخترق الكاميرا و يقوم بتشغيلها من دون أي دلاية و لا إشارة ضوئية للكاميرا و لا أي شيء إطلاقا .
http://antihack-protect.blogspot.com/
أقولج شي اختي
قد أكون قد خرجت عن قالب القصة و الفكرة و لكن ما ذهبت إليه من براءة الطفل و تلقائية اتخاذ القرار، أحيانا يكون الطفل مسيطرا على قراراته أكثر من الكبير، يمكن لأن ألكبير تمتزج جوانب حياته كلها و عليه فك التعقيد و التعامل مع كل جانب بحكمة و عقل على حدة، بينما الصغر أبعاد حياته معرفه
البنت كانت تجابس الشمس، و مو مهم حتى لو بنص عين بس المهم تجابس، الكبير لأن، يا عين كامله و تنعمي و الا ما اجابس كلش
أنا أرى في قصصك عمق و الله اختي يحتاج تحاليل و نقاشات طويلة عريضة، أعتقد ان أفكارها نابعة من الحياة الإنسانية بصورتها المعقدة و أجد نفسي أغوص بغبة، لا أقصد هنا العقد النفسية، بل القصد هنا التعقيد في ترجمة ما يدور بداخلنا كبشر إلى واقع
يمكن شطيت اشوي، السموحة اختي
بس جميل ما تكتبين و الله اختي
و هم بتابع
دمت و الأهل و الأحبة برعاية الله
هووووووب هووووب
زيوووونه شلونج :) ولهت عليج وعلى قصصج الحلوه
ماراح اعلق بقرا من البدايه
صبري علي راجعتلج
بس تدرين لازم احط بصمتى بهالبوست وبالمره اسلم عليج
اول شي خلوني اعتذر عن التأخير بالرد
والتأخير ببقية الحكايا
جندل
:)
لا خلا ولا عدم
قهوتج ما تنعاف
:$
شيللو
تم قبول النداء
:**
مشاري
:)
الأجمل هو متابعتك يالشيخ
اجار
:)
اهتمام مشترك
عطنى البحر وانساني
يعين الله
شيللو
:*
الحلوة عيونج بعد قلبي
ان شاء الله ماراح يوقف
صلاح الأنصاري
:))))
طلعت منت هين
شكرا لتواجدك صلاح
يعني لي الكثير
صبا
لووووووول
ذبحتيني ضحك على تعليقج
:**
عسل يا صبا
بريتني
شكرا لك
جهد تشكرين عليه
بو محمد
:)
انت دقيق الملاحظه يابو محمد ماشاء الله عليك
انا قصدت ابين ان البنت تجابس الشمس لإظهار جانب التحدي في شخصيتها
انت شكلك تحلل كل شي
:)
وهالجانب وايد يسعدني باللي يقرا لي
مشكووور من اقصى قلبي على التعليق الجميل
وعلى التواجد الأجمل
الله يحفظك ويخلي لك حبايبك
دمت بخير
شيماء الكندي
بعد قلبي
وانا اكثر ولهانه عليج
انتي وين اختفيتي
:**
صــــــــــــــــبا
هههههههههههههه
ههههههههههههههههه
ههههههههههههههههههههه
ههههههههههههههههههههههههههه
:))))
حســــبيااااالله على بلييييييســــج
أشلون حاطه عينج على ولدي ... وأنتي مخطــــوبه ؟؟؟
هـــــــااااا ؟؟؟
عيــــل طلع ... ويييييع ومليق
لوووووووول
:)
صباح الورد عالورد ..
فقدتج منغير شر و حبيت اسلم عليج :)
إرسال تعليق