جلست القرفصاء على الأرض ... ورفعت عيني للسماء ... رغم حرارة الشمس إلا إن برودة الهواء تطفئ ما تسلل من تطفلها على بشرتي .... تنفست بعمق وكأن عطشي للأكسجين كان دهرا .... وتسللت خيوط الشمس بين رموشي لأغمض عيني تداركا لاقتحام نور الصباح لأفكاري
تحررت من التنس شوز... وتسللت حبات الرمال بين أصابعي .... ناعمة الملمس ... باردة ... مشبعة بملح البحر.... وكان صوت الموج حديثا لا يمل ... كم بت من الدهر بعيدة عن إحساسي بالمد والجزر ..... واراها أمامي ... تتهادي ... مستمتعة معي بنفس المشهد ..... تنظر إلي بوجل ... هل أشكل أي نوع من الخطر عليها ... انظر لها بتساؤل ... ماذا تريدين ... وبماذا تفكرين.... وكيف هو شعورك الآن وأنت لهواء الصبح تتنفسين
تقترب مني ثم تنظر إلي بتحدي .... أبادلها نفس النظرة مع ابتسامة استغراب (شنو!!!) ... تقترب أكثر ... تجلس بجانبي مقابل البحر لتتابع تكسر أمواجه ..... تسترخي أكثر ... ثم تلتف إلي ... كأنها تتأكد إني مسترخية معها .... ابتسم لها .... ترمش لي بكل كسل .... ينتقل كسلها لي .... فأغمض عيني ... وأرى نفسي وكأني احلق بالسماء ... تتلقفني الغيوم ... لتصبح لي غطاءا ووسادة ... وقصة تحكى قبل النوم .... اسمع صوتها تهمهم معبرة عن استمتاعها بالجو ... افتح عيني ... إنه بالفعل رائع
يتكئ وجهها على كفيها ... وتبحر بعيدا مع الأفكار ..... ويحلق طير من بعيد ... ينخفض قليلا ثم يعود ليحلق بعيدا ... نتابعه معا ..... تلتفت لي لتنظر لي بتمعن ... هل رأيتِ ذلك ... هل تستطيعين التحليق مثله ... ليتني استطيع ذلك ... فالحياة على الأرض أصبحت لا تطاق ... وانعدام الوزن أحيانا يصبح مستساغا أكثر من خطواتنا على تلك الرمال
تستلقي على الرمال الباردة وتغمض عيناها لتحلم بالطيران .... احدث نفسي .. أنت على الأقل تملكين حرية الاستلقاء في مكان عام ... اتنهد
هي تملك القليل ولكني احسدها لذلك القليل ... أحيانا القليل يكون مريحا ... والكثير متعبا مرهقا ... وبساطة الأمور أكثر سلاسة وتقبلا للنفس ....
انظر للآي بود ... هل حقا احتاج أن اسمع شيئا آخر غير صوت الأمواج ... مللت الحديث الملاك ألف مره ... والأغاني المطحونة باللوعة والشوق ... حتى الألحان الخالية من الكلمات .. باتت عارية في أذني ولم تمدني بما احتاجه من دفء
تنقلب على جنب وتواجهني .... تقترب من يدي ... تستنشق آدميتي ... تتأكد أنني بشر ولست قطة مثلها ... تموء بغنج ... وتستخدم نوعا من الابتزاز العاطفي علي عندما تمسح انفها بكفي وكأنها تقبلني .... وتتمسح بساقي الممتدة على رمال الشاطئ ..... وتنظر لي بكل استغراب .... كيف لم استنكر تطفلها على كياني البشري ... تموء مرة أخرى ... ابتسم مربتة على رأسها ..... تغمض عينيها وتستنشق ما تبقى من عطري الصباحي ....
ابتسم ... ثم أجيب ... نعم كنت في الأصل قطة ... وربما سمكه ...
ومن يعلم ..... ربما كنت شيئا آخر أنتِ وحدك تعلمينه وتخفينه خلف تلك العيون الخضراء
كل ما اعرفه الآن ... إني اشعر بالألفة معك أكثر من البشر
تنتهي مناورتها الإغوائية لتتجه نحو احد مطاعم الوجبات السريعة المتناثرة على الشاطئ
والمم ما تبعثر من أفكاري ... ارتدي حذائي .. وانفض يدي من التراب
ثم ارحل
.....................
هناك 58 تعليقًا:
صباح الخير
:)
اعشق حرارة الاحساس عندك
وبروده النسمات في كلماتك
!!
الاحساس بالمد والجزر
نظرة فسلفيه وفكرة لا يتقن تأملها الكثير
يروح ويجئ
ومابين روحته وجيته يرسل لنا افكار
وعبر
يروح...ولابد بيرد
!!
تتأمل السماء
تحلم بالطيران
بالتحليق بعيدا
وذاك جمل حلم
تدرين شنو قمة احلامي هاليومين؟
عبرتي عنه بهالكلمه:
وانعدام الوزن أحيانا يصبح مستساغا أكثر من خطواتنا على تلك الرمال
نعم اريد انعدام للوزن
مو اللي سولفنا عنه البارحة
شي ثاني
:))
ملاحظة أخرى:
طول ما انا اقرا اقرا كلمة تمؤ
اقول وي بسم الله
اخيتج عندها فوبيا قطط
مو قادرة حتى اطالع الصورة
ههههههههههههههههه
بالاصل الاصل انتي الاصل
انتي منبع كل المشاعر و الصور
انتي الفرح انتي الفجر
انتي احلى من كل البشر
انتي اصل السحر
و نور بضيه الكل انبهر
انتي الزين نور النظر
بالاصل انتي احلى من كل البشر
فيج يكتمل الحوار
نظرتج تحكي رويات الصور
فكرج يختلط بالشعور
و همسج ينشر ازهار و سرور
بالاصل انتي الاصل انتي اعذب من المعاني و من الصور
:)
وتسللت خيوط الشمس بين رموشي لأغمض عيني تداركا لاقتحام نور الصباح لأفكاري
غزل الكلمات
لا اوقف الله مغزلك
م
ب
د
ع
ه
........
... نعم كنت في الأصل قطة ... وربما سمكه
........
حددي موقفج
القطة تأكل السمكه
طبعا هذا اول
...........
شوقتيني .. ودي اروح البحر
بس اخاف يطلع لي عتوي ويقول لي ... شتبي ياي هني
:)
...........
دمتي بحفظ الرحمن
طال عمرج
استخدامك للكلمات الدارجة يوميا أضاف معنى حسيا للموضوع نتلمسه و نحسه بحكم قرب مثل تلك الكلمات من استخدامنا اليومي مثل جوتي التنس، الآيبود .. الخ
رسمت صورة جميلة على الشاطىء لم تنفك من مخيلتي إلا بعد أن شعرت ببرودة الرمال بين أصابعي :)
شهالحجي القوي الحلو اللي يخليني افكر لبعيد
ما شاء اللة عليج (تف ) لا إلاه إلا الله عليج عيني عليج بارة
سلفيني خيالج المبدع
الزين اسلوبج غريب
تصدقين دخت وانا اقرا القصة :)
حاشتنى قشعريرة بعد
مـي يوو
ذكرت بنيتي :(
الحين متغربه بالدنيا
الله يسامحهم يخافون من القطاوه ورحت وديتها الاسطبل وتالي ضاعت اسال الكل يقولون مو موجوده :""
ماكانت تاذي احد
الحين الجو متغير
اخاف تحس بالبرد
تهقين تفقدني
كنت ادخلها غرفتي ومحد يدري
تعرفت على صحبه
ولا
تخطو بالشوارع وحدها..
يمكن دخلت بعراك مع قطط !!
لها حضور الطاغي ومدلله ومزيونه اكيد بيغارون منها وبتهاوشون معاها وعليها ...
يمكن صابتها جروح
بجانب عامود اناره تتكي تناديني
يمكن صعلوك من بني البشر مؤذي قالها تت تت واهي تطالعه تقول انا كنت اعيش ببيت
يروح يحذف عليها حصى ولا يلعوزها
يمكن زعلانه مني بس مو بايدي
حتى مانطرتي لين اشوفها وتروح بالدنيا
قعدت بس يوم ومن باجر مالقوها
بس طاعت نصيحتي كنت اقولها روحي اكتشفي الدنيا وخليج مغامره
بس ما ودعتني
يمكن تدري ماحب الوداع
وماتبي تقعد بمكان رافضينها ومايبونها
بس انا ابيها
ليش ماقالت لي !!
اييييييه
.
.
.....
الوصف جدا جميل
لي درجة اني نسيت كل المواقف العدائية مع هالمخلوقات اللي اسمها قطط .. لبرهة من الزمن
بيني و بينهم عداوة لا يمكن احد يتصورها لول
احسهم مسلطين علي
يعني لو انا صاير لي هالموقف جان كتبت واحد يهاوش ذبان ويهه و انا اهاوش قطاوة ريولي
ما عليج من هالتحلطم ترى بوستج ابداع
:)
صمتي بدأ يبعثرني فهو يكره الليل ,,ومرور شريط الذكريات الثقيل ,,فهذيان لم يفترسها إلا عقلها فأبت أن تميل ,,,فليكن بينك وبين الشوق يا هذيان غربة فربما تكون هذة الغربة أنتقام لمن جرح الروح بالرحيل ,,,!!
وتمر لحظات طويله وهذيان تنصت لصدى صمت الروح ,,,وبين ضلعيها تتصارع الأشواق والجروح ,,,
ويقطع صمت الليل صوت أتى من بعيد ,,, رجع عبدالحليم حافظ يغني ويعيد ...
وسرت وحدي شريدآ محطم الخطوات ,تهزني أنفاسي تخيفني لفتاتي ,,كهارب ليس يدري من أين أو أين يمضى , شك
سراب ضباب بعضي يمزق بعضي ,,,, سألت عقلي وأصغى فقال لا لن تراها , فقال قلبي آراها ولن أحب سواها ,ما أنت يا قلبي قلي أأنت لعنة حبي أأنت نقمة ربي إلي متي إلي متى أنت قلبي !!!!
يومهاكنت اعتقد انني قطة
:)))
صبحج الله بالخير يا الزين
هههههههههههههه
طلعتي قطوة
اكيد القطوة عرفت انج كنتي بالعوالم السابقة قطوة علشان جذي حست بالامان
:)
-----
صاج بو لطيف
انتي تغزلين الكلمات
صراحة معنى عجييب
:)
يعطيج العافية
اااااخ ذكرتيني بأشوكا
صديقي العتوي
:( مادري وين انحاش
عقب ما ربيه وكبرته راح وخلاني
خلاني يبه خلاني خلاني وراح يركض وره
زيون تكفين ابي شوي من اللي عندج
حتى لو سلف شهرين وارده
جربت اسوي مثلج ولا قطو وطوط يمي
لما يبت باقي الييم ونثرته على اليال
البوست راائع خذيتينا معاج ولفيتينا البحر والسما ورديتينا مكان ما كنا الله يحفظج
الزين
لاول مرة احس باستنشاقي للكلمات
حرفا
حرفا
حتى رحيل الراء في ثم ارحل
تخيلت الموج
الطير
لاول مرة .. اشعر بالامان
في يوم نحر الامان من عالمي
و غزل التوتر عوضا عنه
ما اعشقه
نزار قباني
د. سعاد الصباح
نادين البدير
و قلة تأسرني كلماتهم خلف الاساليب الساحرة
رغم ان الفكرة قد لا تعجبني
و قد تعجبني
تشدني
رغما عني
تسحرني برضاي و استمتاعي
الزين
شعرت بالامان هنا
هدير الموج .. انتقاله عبر ذرات الهواء
لمسامعي
سعيدة حقا اني مررت من هنا
تقبلي مروري على عذب نغمة الناي في قلمك !
أأأأأييييه يالزين "القرفصاء" .. كان زمان وقبر .. ألحيين لازم كله أمدد رويلاتي لا يطقني عرج .
:)
أناااا كنت شاكه فيج أنج قطوة من حبج للحداق والسمج .
:)
************
تدرين شميت ريحة البحر
وسمعت صوت الموج وهو يسفسف على اليال
وحسيت بالهوا يطير شعري
وكشيت من البروده
حتى أيدي بغيت أنفضها من الرمل !!
الله عليج يالـــزين
لقد ترجمت ما عشتية في مخيلتك لواقع عشناه معك !!
فــــلّه أنت يالـــزين
:)
she6ana ;p
luved it ;p
wdeteni b3eeeed
i really need it walah
thanks :*
حوار ممتع :))
ما تتخيليين شكثر احبهم
هي تملك القليل ولكني احسدها لذلك القليل ... أحيانا القليل يكون مريحا ... والكثير متعبا مرهقا ... وبساطة الأمور أكثر سلاسة وتقبلا للنفس ....
يا ما حسدتها انا بعد
:** مسائج دفا وحب وعذوبه يالغاليه
استكانه
مساج الله بالخير
شوفي يااستكانة
انا عندي قناعة ان عشان نرجع نتوازن ونكون مثل ما نحب
لازم نعيش حالة انعدام التوازن لوهلة
عشان نعرف الفرق
ونحب الفرق
تدرين متى نسويها وايد
لما ننسى ان احنا كبار ونرجع لطفولتنا
ونعيش الضحكة صح
والخيال لأقصاه
ونتقمص شخصية الطير والقطوة والأرنب
والهوى والماي والضوي
كل شي نحس فيه تلقائي وطبيعي
ما يحتاج جهد ولا تفكير ولا ميزان
:)
انتي اكيد فاهمتني
اما القطط فلهم قصة معاي
اسولفها لج بعدين
:**
داركنس
:)
يا بعد حيي انتي
اخجلتيني من كل هالوصوف
:**
الله لا يخليني منج و لامن كلامح الحلو
ابو لطيف
نعم انا اغزل الكلام
يخيوط صنعت من تواجدكم حولي
تشجيعكم
ومروركم وتواصلكم الدائم
:)
شوف انا ممكن اكون كل شي احبه
قطه .. سمكة .. طير .. فراشه
ان مغزل
:)
والخيال ما يقول لأ
وتري خوفتني من العتوي
هذا يني مو عتوي
اسم الله علينا
لا حرمنا الله من تواجدك يالشيخ
وهم.... طال عمرك
:)
كويت سن
من طول الغيبات يالشيخ
وحياك الله
ديما لك مكان يبين اذا غبت
وعليك بالعافية الصورة اللي وصلت لك
حسافتج
لوووووووول
بدعت (بتف)
ذكرتني بالوالدة اللي يطول لي بعمرها
اسلفك ليش لأ
كظماوي
ما غريب الا الشيطان الله يبعدنا عنه
:)
دخت وقشعريرة
لااااااا
انت حالتك صعبه
سيكرت
يا حيا الله عسلي
الحين انت من صجك ما تحب القطط مثل ما تقول
:))
ترى اهم يحسون بروح العداء من غير ما تسوي شي
يعني مجرد انك تكرههم يستشعرون هالشغله من بعيد
:)))))
تعال قول لي وين كنت وشهالغيبة؟؟؟
سيكرت
يا حيا الله عسلي
الحين انت من صجك ما تحب القطط مثل ما تقول
:))
ترى اهم يحسون بروح العداء من غير ما تسوي شي
يعني مجرد انك تكرههم يستشعرون هالشغله من بعيد
:)))))
تعال قول لي وين كنت وشهالغيبة؟؟؟
تركواز
سقط سهوا ونسيت اعلق عليج
:)
تعليقج عجييييييب
تركواز
يصلح بوست
من صجي
كتبي عن قطوتج
كتبي عن شعورها
وخوفج عليها
ومن العالم اللي حواليها
كتبي
بلييييييز
والله حبيت طريقتج بالوصف
:**
هذيان
:$
ليش ضاق خلقي
مساج الله بالنور والكرامه
:**
حسين
:)
شفت شلون
ايه طلعت قطوة
بس قطوة حبوبه ما اشمخ
:)
حياك الله
شلالات
شسالفتكم انتي وتركواز
كل وحده فاقدة لها قطوة
:(
اشوكا
مسكين كان اسمه حلو
اعطيج كل اللي عندي افا عليج
بس علميني شنو تبين بالضبط
:**
47
يمه منك رايح الحداق
وليش ما علمتني
عسى بس الصيد كان يسوى
:)
مشكور على المرور يالشيخ
وربي يحفظ قول آمين
مروى
اسعدني جدا مرورك
اسعدني رقة كلامتك وصدى الصدق فيها
اسعدني انك وضعتيني مع القلة ممن تقرئين لهم
الشرف لي صدقيني
دمت بحظ الله ورعايته
ولا تغيبين دام دليتي الطريج الحين
:*
ديللي
هههههههه
اسم الله عليج سكتي لا يصدقون ويقولون انج عيوز
شباب يا بعدهم انتي
شباااااب
والله حتى انا شاكه اني قطوة
هههه
والفلة انتي بكلامج العسل
:*
الله يحفظج يارب
فسكره
:)
اهم شي عقب ما رحتي
رديتي لو بعد؟؟
:**
كاريزما
:)
يعني ثنتينا طلعنا نحب القطاوة
يالله ضيفي هالشغله على اللسته
مسائج اجمل من مسائي يارب
:*
صـدتج وأنتي تردين على التعليقات
ههههههههه
قلت : أمســـي
مســــاج الله بالخـــــير
:*
ديللي
:)
بعدي والله
مساج الله بالنور والكرامه يالشيخة
شلونج
:**
بخــــير حبيبتي
عســـاج مثــلي .... بخـــــــــــــــير ؟
:**
بخير عافية
عساج دوم بهالحال واحسن
شلونج مع هالجو القلابي اللي ما ينعرف له
:)
الله يعـــــــافيج ويخليـــــج
:***
أأأأأأميييييين يااااارب العاااالمييين
اقول ديللي
تبيني اشيل سوالفنا
وايد عطيتينا تصريحات خاصه
:)
اذا تحبين ممكن اشيلهم
احقا كنت بالاصل قطة ..
و الزمان مرفوع الايادي
ام كان جوك بلا الغيوم.. غلطة
و حوارك لنا ينادي ..
ترى اخاف منهم
:*
ولهت عليج
عجبه عجبه والقصيدتين
على طريقة فهد بورسلي
دخنو يا اهل البلد
من زغاير بو ولد
دخنو يا اهل الكويت
من زغاير كورنييت
فمالله
من أجمل ما قرأت
تصوسر رائع ولحن في القلم لا يمكنني وصفه
رائعة
قاعده بالحديقة واقرا البوست المريح هذا ما عرفت اندمج عدل والسبة قطوة قاعده تحن على ميااااااااو ميااااااو اكشت فيها تخز وتقول مياااااااااااااااااااااو بل عليج بل قاعده اقول الله خلق وفرق تعلمي من قطوتها شهالدفاشة يننتني وطلعتني من المود بس بوست ممتع :")
على فكرة انتي فتحتي المدونة صارت ببلك ولا ضفتيني لاني ما كنت اقدر ادش حاولت كذا مره مع انج قلتيلي ضايفتني :\
I love it..
ابداع..
إرسال تعليق