صباحي محملا بالغيوم كخاطري ... احتقان الكلمات بخاطري يوازي احتقان السماء بالمطر ... أتأمل كل تلك الأشجار انتظارها لإقبال المطر .... وتتساقط أفكاري هناك مع أول زخة ...
اشتياقي للسفر بالفترة الأخيرة يضحكني ... فأنا لا أطيق الإبتعاد عن محيطي أكثر من ثلاثة أيام بالكثير ... إذن يجب أن ابحث عن وجهة قريبة .. يمكن البحرين .... يومين اكسر فيهم الروتين ... أتواصل مع الأهل هناك ... التقى من فارقتهم منذ زمن ويحن قلبي للقياهم ... ثم أعود
يرن موبايلي ... اسمها يبرق في قلبي بين حناياي قبل الموبايل .. استكااااانه ... نبتدئ محادثتنا بضحك متواصل على حلمها العجيب وسالفة رمضان وخميس وحلمي المبدع بالخرابيط ... وأقص لها ما بين قهقهاتها المكتومة خوفا من أن يسمعها الآخرون ... وضحكاتي المتكررة من وصفي لحلمي :
أول شي فيلم كاوبوي وآنا أجحت على الخيل و معاي كلينت ايستوود
غرامي الأول
لووووول
وتالي مدري شلون تغير الزمان والمكان وصرت بنيويورك ركضه على ريولي بين الأزقة
ههههههههه
حلوة الأزقة
المهم ...... مسدسي بيدي وصعدت سطح بناية وأبي انزل ماكو نزله
ييت بطب
لقيت طرادنا تحت ناطرني بنطلع الحداق
هاااااااااااو .............. شهالحلم الخليطي
وانا حلمانه اقول لروحي شهالحلم الخربوطه يالله قومي اصحي بلا ملاقة
هههههههه
استغفر الله صحيت قريت المعوذات ورجعت نمت
يعني بالله عليكم كلينت ايستوود على ايام شبابه وعزة لو خميس مال استكانة
ملاحظة صغيرة بعد قراءة حلم استكانة ... اهي حلمها باللغة العربية الفصحي وآنا حلمي بالإنجليزي ... احم
اكنشفت من مدة ليست بالقصيرة إن حتى وأنا نايمة وحلمانة مخي واعي وادري إني حلمانة ... واقدر أغير الحلم وأتحكم بمساره ... @@
الا اذا حلمت بالمرحومة ... أتحول لمشاهدة فقط .. كأني امام شاشة التلفزيون ... اتابع مسلسل ما ... ودائما هناك رسالة تصلني منها تبكيني او تفرحني ... والغريبة اني دايما اشوفها بالحلم اذا كنت متضايقة او في مشكلة ... وكأنها توجهني او تلهمني الحل ... فهل هو نفس ماكان بيننا من تواصل اثناء حياتها ... هل يتواصل معنا الأموات عن طريق الحلم ... هل ما يقولونه لنا بالحلم من اشارات يعني شيئا معينا
الله اعلم
تابعت بالفترة الأخيرة مدونة ساخر كويتي .. أعجبتني القصة اللي ناقلها على مدى سبعة أجزاء وباقي لها جزء واحد وتختم ... الغريبة بالقصة انك تقدر تطبقها على الوضع العام بالحياة او على واقع المدونات .. وهذا أكثر شي شدني لها .. يعني عزكم الله كل حيوان مذكور في مدينة الروائع مثل ما سماها تقدر تحس انه صوره لمدون معين ... روحوا اقروها وركزوا ... وراح تشوفون اسقاط لعالم المدونات من خلال القصة وراح تلاحظون تشابه شخصيات بعض الحيوانات بالمدونين ... انا لا اقصد التقليل من قدرهم .. اقروا القصة وراح تفهمون قصدي
بس هاااا اهم شي أبي اعرف شفتوا منو .... واسقطتوه على منو؟؟؟
بيوتنا هي مساحاتنا اللي ننعم فيها بالطمأنينة وراحة البال والإحساس بالسلام ... بيدنا نخليها مكان مزعج نهرب منه أو واحة نستكين إليها بعد اسبوع ملئ بالعمل والالتزامات الغير منتهية .. بيدك تعبي بيتك أو حتى غرفتك بالطاقة الإيجابية .. وتغير جو محيطك بأمور بسيطة تجعل المكان عامل جاذب وليس طارد ... إضافة القليل من الورود ... الإضاءة المريحة للعين .. الروائح الطيبة مثل البخور أو الزيوت العطرية ..اختيار الألوان الصحيحة لطبيعة المكان .. وعدم حشر المكان بالأثاث .. كلما كان ذوق المكان بسيط .. والمساحات واضحة كلما سمحنا للطاقة أن تتحرك بطريقه أسهل .. فتح الشبابيك بالصباح الباكر وتغيير الهواء يجدد طاقة المكان ... الابتعاد عن التلفزيون والأخبار ... ونصيحتي لكم جربوا تعيشون من غير تلفزيون لمدة اسبوع وشوفوا تأثيره على حياتكم ..
سماع القليل من الموسيقى .. مو الأغاني الموسيقى ... وإذا كنت ممتنع عن سماع الموسيقي تقدر تضيف صوت لخرير الماء أو نافورة صغيرة أو حتى تسمع تسجيلات لصوت الطبيعة من أمواج البحر وتغريد الطيور أو صوت الغابة .. اختيارك لألوان المكان مهم ... ابتعد عن الألوان الحادة والصارخة ... اختر الألوان العاكسة لألوان الطبيعة من ازرق واخضر وبنفسجي فاتح ... وآخر شي ... هو كتابك ... فخير صديق هو الكتاب ... اختر ما يمتعك من القراءات ... كتاب تستكين له ... يضيف لمداركك وأفكاركم ما هو جديد .. أو حتى يعطيك الإحساس بالمتعة لمجرد قراءته
أتمنى للجميع عطلة نهاية اسبوع رائعة كروعة الجو
هناك 34 تعليقًا:
الزين
مريت على عجل
قريت البوست الممتع حده
حبيت وصفج للبيت وااايد حقيقي
والحلم هههههه
كلينت استوود عاد
ما احبه ويهه معفس
ههههه
يعطيج العافية على هالبوست الحلو
:)
شهل الحلم الحلمنتيشي هذا
لا وبيدج مسدس :)
ذكرني بأحلامي
اجعل ما حولك جميلا تصبح حياتك اجمل
وعطني ولعه
لوووووووووول
ماقدرت اكمل البوست من الضحك
استكانة حلمها بالعربية الفصحى وانتي بالانجليزي
خخخخخخخخخخخخ
على الاقل حلمها يترقّع
انتي كلش مستحيل
نيويورك وفوق بناية وتبين تطبيّين ولقيتي طرادكم ناطركم تحت
لووووووووووووووووووووووووووول
ههههههههه
الحلم احيانا يحكي القصص المخبئة في العقل الباطن
هذا الجزء الذي نبنيه داخلنا دون ان نشعر به او نتلمسه
مشاعر ... احاسيس... خبرات ... تجارب ... مواقف... امنيات ...ذكريات
خليط نصنعه
لنلتهمه في وقت ما
ولا نعرف كيف صنعناه ولا كيف التهمناه
.....
مدينة الروائع
تنطبيق على الحياة باكملها
دول ... مجتمعات ... بيئة ... منزل اشخاص
قد تكون مجتمعة وقد تتمثل ببعض اشخاصها
.....
البيت
احظى ببيت فيه طاقة ايجابية دون ان ادرك ذلك الا الان
شكرا للتنبيه والتنويه
اسعدني تواجدي هنا
وشكرا لدعوتك الكريمة
لا حرمنا الله من الزين دائما
دمتي بحفظ الرحمن
زيوون
ونستيني الله
يونسج بالعافية
شهالخفة الطينة :**
:) following up on what i've missed
zooz,you remind me of myself
صباح الورد يا الزينه
سالفتج عن الاحلام و انج تحسين فيها كله تحوشني بس متى لما احس ان الحلم خربوطي و فيه اكثر من قصه مالها علاقه في بعضها احس بروحي اقول حلم و بقوم حتى لما اقوم اقول حق امي ترا ادري اني كنت احلم و اقول جنه فلم و انا نايمه لوووووووول
و الحلم بالاموات فعلا تحسين كأنه رساله توصلنا منهم نطمن عليهم و يطمنون علينا مجررررربته و حاسه فيه عسى الله
يرحم موتانا و موتى المسلمين .
و قصة ساخر كويتي ان شاء الله بقرها :)
دمتي بحب و سعاده
حسبي الله على الي حمنا منج
حرام هالبوستات المبدعه تنخش
الحلم وما ادراك ما الحلم
وايد زين مخفف ومزيل للغوط النفسيه
بس الخيال وايد افضل من الحلم وهم يتشابهون
شوفي اوصيج لاااااااتطوفين اي سفره قصيره ابد ابد
ترا متعه
ماااابعدهاااا متعه
سسسسسسسسسلميلي على استكانوا من زمان مازرتها
فمالله
الأخت الكريمة زين:
عندي اقتراح!
بسبب تغيير مدونك العامرة من عام الى خاصة، أصبح قوقل ريدر غير قادر على ابلاغنا عن تحديث المدونة!
يرجى ارسال ايميل الى كل الاصدقاء عند كل تحديث للمدونة لنتمكن من قراءة المواضيع أول بأول.
وشكرا
:)
ابيه شسالفة الاحلام
حلمج خطييييييييييييير
ذكرتيني بافلام الرعب اللي احلم فيها
!
بالفترة الاخيرة صايره انا اختار احلامي
:P
آخر شي افكر فيه قبل لا انام احلم فيه
وتصدقين من زمان وايد اتصير فيني
اني بالحلم استوعب ان هذا حلم
واقول حق نفسي عادي كله حلم مو صج
صج شلون جذي
!!
زيون
ولهانة على داري
:(
يه يه
ويك اند حااااااااااافل
واللي طالع من 12 الظهر و مو راد الا 10 بليل شيقدر يسوي ؟؟؟
ماكو احلى من شور حار
والفراااااااااااااااش
كلينت ايستوود ؟؟؟؟
ويهه بروحه يبيله كواي
شنو عشاكم ذاك اليوم
حللووووومكم شي عجييييب
:))
لوووووول
اهم شي حلم استكانه بالفصحى
وحلمج بالانجليزي
ذووووووق يا ام الذووووق
كلينت ايستووود ولا عنه
حلم غريب
انا بعد احلم وعندي القدرة بالحلم إني ادري انة حلم واقدر افسرة وانا نايم
بس يا غث الساعة لا رنت وقعدتني من حلم ابي اكملة
ساعتها اسب والعن بالدوام
حسين
حياك الله ووصفي للبيت من واقع تجربة ودراسه لعلم الطاقة وشوية فونج شوي
وكلينت ايستوود على شبابه عجيييب
عليه عيون جنها عيون نمر
انت قاعد تحكم عليه الحين
عمره بالثمانين الله يهديك
يعافيك ويطول عمرك يارب
:)
سيدي الرئيس
:))))
ايه حلمي عجيب
عيل لو اقول لك عن حلمي اللي مع اسمهان توفيق و جورج كولوني
خلطه عجيييييبه وقاعدين نمثل حلقه بدوية
:)
شي شي
ونييب لك ولعة افا عليك
كويتاوي
هههههههههههه
ايه والله ياخوي بالإنجليزي
هذا تأثير القراية بالإنجليزي قبل النوم
وماكو فايده وين ما اروح هوى قلبي الحداق حتى بالحلم
حياك الله يالشيخ
بو لطيف
واحيانا تكون الأحلام اماكن جديدة نزورها .. واشخاص لم نلتقيهم من قبل يشاركونا الحلم ...
ليس كل ما نحلم به هو نتاج خبرات سابقه ترسبت بالعقل الباطن
.....
مدينة الروائع انا عن نفسي طبقتها على المدونات
واكتشفت تشابه كثير بين شخصيات بعض المدونين وشخصيات القصة
....
بيتك صجي وملئ بالطاقة الأيجابية
عليك بالعافية
وحافظ عليه
فانت في نعمة لا يدركها الا اللي فاقدها
اسعدني تواجدك اكثر
ولا خلا ولا عدم
دمت بحفظ الكريم
طال عمرك
:)
منو ينسى
ان شاء الله دوم مستانسة بعد قلبي
:**
ريوووو
يا بعدهم ما تفقدين غالي
وتوج تكتشفين ان فينا من بعض!!
:)
انا عارفة من مبطي
:**
قلب طفلة
مساء الفل والياسمين
تدرين شلون
بسوي بحث عن الأحلام
وبحط المعلومات اللي وصلت لها في بوست
يمكن نلقى تفسير يقنعنا
حياج الله بعد قلبي وسعيده بتواجدج معاي
:**
اجار الدين كشمش
:)
البوستات هذي قاعدين يقرونها اللي يهموني وبس
وبعيد عن عيون المتطفلين
:)
واهم شي انك انت من بينهم يالشيخ
ولا توصيني على السفر
:)
وادري فيك تتكلم من واقع تجربة ماشاء الله عليك
والسلام وصل لإستكانة
في امان الكريم
:)
صلاح
راح احاول انفذ اقتراحك اذا اتيح لي الوقت
مشكور على الإهتمام
وسلم لي على ام العيال وعلى فكره انا بعثت لها دعوة بس مو متأكدة من الإيميل اذا كان صحيح
اخذته من مدونتها
تحياتي لها واذا ممكن تعطيني ايميلها حتى اجدد الدعوة لها
بكون شاكرة لك
ههههههههههه
ضحكتينى على ركضه على ريولى بين الازقه
عاد انا غرامى الازقه زيوون ههههههههه
ذكرتينى بازقة فنسس اخيييييييه ازقه من ازقه وانتى تتمشين فيها تحسينها ازقة حبييبه
واايد عطيتينى افكار لبيتى
فعلا احتاج تجديد
:**
تصبحين على خير يالغاليه
اول زخه كلمات منعشه ..
ولا مره سير عليج Gregory Peck
زيون حلمج مترجم :Pp
الاحلام انا اعاني اني نايمه بس قايمه
الحلم يدخل بالواقع ويكون تفكيري شغال اذا فكرت بشي اتحلم فيه ...
بس كلش ماحب اذا قمت والاقي دموعي اربع اربع صج احمد ربي انه حلم ..
حاله غريبه..
تدرين حـــدي مستاانسه :)
مشكورررررررة :)
صج احلى دعوة وصلتنى بالانترنت :)
تسلمين يالغالية
نجمه
ويييييييييه ما شفتي عيل شي من احلامي الخطيره
ساعات تقلب افلام رعب
يعين الله يا بعدهم
:**
انتي خلج معاي بس
واحلامج بتصير نفس احلامي
:)
شيللوووووو
:))
يامال العافية
:**
متفائل
:$
عاجبني ياربي
شسوي
مملوحه
يااااااااهلا وغلا
بعد قلبي انتي
عاد تدرين غير اللبن ما تعشيت
يمكن تأثير الكتاب اللي كنت اقراه
شفتي شلون شرايج فيه بذمتج مو خطير
اخ عليه بس مع هذيج العيون اللي جنها تيل
:)
لا تبااااااعدين
ترى افقدج
:**
حسافتج
افففففف
ايه والله يا قثها لن رنت والحلم اووو لالا
عمره ما يتكمل الحلم
:)
كاريزما
:)
اهم شي انج استمتعي بحلمي
والتغيير مطلوب بين فترة والثانية
:**
تركواز
لوووووووووووول
لا مو مترجم
ما احتاج ترجمه ابوي انتي
:)))
انا بعد مستانسه بوجودج بعد قلبي
:**
كظماوي
حياك الله يالشيخ
وساعة المباركه
إرسال تعليق