ترتدي ثوب الحكمة .... تدعي انك شاعر
وبالحقيقة انت لست اكثر من .... ثعلب ماكر
يضرب بالخفاء يتسلل بالظلمة ويأمن ضرب المساطر
هل هو غباء ... هل هو استخفاف .. ام هي سفالة غادر
وتدعي انك تكتب ... تجمع الكفوف حولك
وتنصب نفسك مفتي بكل رياء..... داعر
عهرك الأدبي ..يحمل كل القبح وانت تعلم انك بلا حياء و.......سافر
اسمك نجم ولا تحمل من النجم صفاتا الا ضوءه الآفل
وتنتمي لقوم شمر .... فويل شمر بمثلك ......سارق جائر
اعزائي رواد مدونتي ... زملائي
اسمحوا لي ... حاولت ان اترفع ... حاولت اني اطوف الموضوع واتغاضى
بس مثل ما يقولون لكل فعل ردة فعل ... واللي صار ما ينسكت عنه
سرقة فكرية عيني عينك ... بكل برود اعصاب ... وانعدام للضمير ..
كوبي وبسيت اشكره من مدونتي لمنتدى يدعى منتديات شعرك تحت اسمه المبجل الا وهو نجم الشمري
ودي اطلع عند حدود الأدب واسبه ... بس تربيتي ما تسمح لي ولا مبادئي ولا اخلاقي
مستواه اوطي من اني انزل له ...
والمشكله ان يرد على الناس ويفتي بالموضوع ... يا اخي استح على وجهك ......عيب
ولا اقول لك ... انت اصلا ما عندك وجه ... لأنك حرامي الظلام ... وما استحيت من رب العالمين يوم انك تطاولت على مالا تملك ... بتستحي مني انا
كل اللي اقوله
وبالحقيقة انت لست اكثر من .... ثعلب ماكر
يضرب بالخفاء يتسلل بالظلمة ويأمن ضرب المساطر
هل هو غباء ... هل هو استخفاف .. ام هي سفالة غادر
وتدعي انك تكتب ... تجمع الكفوف حولك
وتنصب نفسك مفتي بكل رياء..... داعر
عهرك الأدبي ..يحمل كل القبح وانت تعلم انك بلا حياء و.......سافر
اسمك نجم ولا تحمل من النجم صفاتا الا ضوءه الآفل
وتنتمي لقوم شمر .... فويل شمر بمثلك ......سارق جائر
اعزائي رواد مدونتي ... زملائي
اسمحوا لي ... حاولت ان اترفع ... حاولت اني اطوف الموضوع واتغاضى
بس مثل ما يقولون لكل فعل ردة فعل ... واللي صار ما ينسكت عنه
سرقة فكرية عيني عينك ... بكل برود اعصاب ... وانعدام للضمير ..
كوبي وبسيت اشكره من مدونتي لمنتدى يدعى منتديات شعرك تحت اسمه المبجل الا وهو نجم الشمري
ودي اطلع عند حدود الأدب واسبه ... بس تربيتي ما تسمح لي ولا مبادئي ولا اخلاقي
مستواه اوطي من اني انزل له ...
والمشكله ان يرد على الناس ويفتي بالموضوع ... يا اخي استح على وجهك ......عيب
ولا اقول لك ... انت اصلا ما عندك وجه ... لأنك حرامي الظلام ... وما استحيت من رب العالمين يوم انك تطاولت على مالا تملك ... بتستحي مني انا
كل اللي اقوله
يا حيف على طوال الشوارب ... يا حيف على الرجال
اللي يحب يعرف تفاصيل اكثر يلقاها بمدونة الضحية الثانية واللي صادت الحرامي ولها جزيل الشكر انها نبهتني
اختي جارة القمر
http://jarat-elgamer.blogspot.com/
منكم السموحة ... وخل اصون صيامي وما اخسره على واحد مثله
وانت يانجم يا ولد الشمري حسبي الله ونعم الوكيل فيك
خليتني اطلع من طوري وخطي في هذا الشهر الفضيل
تنويه
بلوق عمتي لا تزعل ولا تعصب وربي ما قدرت ..... ادري كسرت بحملتك وانا اول وحدة شاركت فيها
بس هذا ترى مو تحلطم .. هذا حق وموضوع ما ينسكت عنه
ادري شيفكني من لسانك
يعين الله
:)
هناك 65 تعليقًا:
مهما يدورون وينقلون
ومهما بحروفج تستروا
مايحركون فيج شعرة
ولا يقدرون شبر يقربون
وماتزيد الصدمة المبدع الا ابداع
والله مهما حاولوا يوصولون للج
مايطولونج ابد مايطولووووون
شفته امس ؟؟؟؟؟؟؟؟
حراااااااامي
لا بعد رمضان ويبوق !!!!!!!
قلة حياااااااااا
نحتاج الى موقع لصوص كلمة متخصص في المدونات!
بس عشان نعرف منو حرامي ومنو مو حرامي!
الله يعين!
لا حول ولا قوة إلا بالله
لا توقفين بسبب مثل هالمحاولات
اللي يبوق، يسخر من نفسه قبل لا يسخر من غيره و يخدعهم!
مالومج تحترين بس عموما انتي تعرفين نفسج ومنتي محتاجه انج تثبتين لهم شي! انا فالبدايه كنت بقولج سوي account عندهم وبلغي عن السالفه, بس فكرت مره ثانيه و جني شوي تراجعت عن هالفكره.. بالتاكيد كل الحق لج!
وبعدين هم اهما ما ينلامون p; تستاهلين من يبوقج ما شا الله عليج مبدعه
حسبج الله ونعم الوكيل
(:)
انتي شفتي التنبيه اللي بالصفحة فوق ؟
@@ عيني عينك وقاحته!!
يا حيف على الرجال !!
عزيزتي هو ليس برجل ولا شبيه للرجال
وهو اقل من ان تغصبي لمثله
يا عزيزتي انتي موأول ولا اخر انسان تسرق افكاره من عديمي الضمائر بس ابي اعرف شلي بقى ما ينباق ؟؟؟
عموما هذه قصيدة لواحد اعتقد متعرض لنفس الموقف اسمه صالح الازوري قريتها صدفه في منتدى فحبيت احطها لج يمكن فيها شوية عزاء
***********************
انقل قصيدي واكتبه روح يفداك
ماني لحالي ينسرق له قصيده
شاعر بحر ما همني ذا ولا ذاك
شاعر بحر ماهو مغلق رصيده
شاعر واسيرها على كل الافلاك
يوم ان بعض الناس كل(ن) يصيده
لا ماكل(ن) زادك ولا شارب(ن) ماك
لكن ربي يفعل اللي يريده
اليا سرقت بيوت غيرك عرفناك
ما حد يقول ان الحرامي وليده
يا شعري الغالي بدورك والقاك
الباع يا طوله والاريا سديده
اليوم ابكتب بك على الناس واقراك
القاف طيب والمعاني فريده
يشهد على ما قول بيتك ومعناك
ما للحديده غير طرقة حديده
والناس تقرى ما كتبته بيمناك
للمنتدى هذي قصيده جديده
***************************
اللهم اشهد اني نوهت و ذكرت اسم قائلها لا يقولون عني حرامي بعد
بوس وحرامي عموما ولا يهمك بكولك مثل ما كال خي ابو عمار يا جبل ما بيهزك ريح يا عمي (:
وعطني ولعه
طايحينله بوق
لاحول ولا قوة الا بالله
ماعليه صارت فينا كلنا
على فكره حاولت ادش المنتدى طلعوا مسكرينه لازم تشتركين فيه عشان ادشين
اقول هدي اعصابج وسوي مثل ما انا اسوي لي ضاق صدري ادش بلوقج واسمع الموسيقى الي انتي حاطتها وادخن بس انتي لا ادخنين
حاسة بشعوج ...
مادري شنو بيستفيد يعني ؟؟
الظاهر يحب الناس اتطبل له ...
فقير ما عنده ثقة بنفسه فقال أييبها على حساب غيري ..
ولا يهمج حبوبة ما ينباق إلا المبدع
:P
عنجهيات
لا اخلاقيات
شتقولين...
أي شي تبين قولي، لا يردج إلا لسانك
العجرة بالسيارة، والليور تحت الكشن
حاضرين حق التفاهم في أي وقت
عاد في احد يبوق من مدونات الله يهداهم
الناس تبوق كتب
موسوعة
بس ضحالة فكرية
من تقليلا بشأن المدونات لكن يا اخي لا تصير عيني عينك
نفس التعليق اللى كتبته اهناك
اخيتي
اذا الانسان تربى ان يكون واطي و منحط
و يبوق اي شي تطيح عليه عينه
فالحل الصحيح ان نترفع عنه و لان الحرامي مهما كان فطين .. يبقى غبي لان مشى بهالطريج
ولا يضيق خلقج اخيتي
لا يضيق خلقج
إنتي مبدعة علشان جذي يبوقون إبداعج
هذا مسكين ، ماعنده سالفة ، على باله ماراح ينجك
لكنه طلع حرامي .
وانتوا ماقصرتوا فيه
:S
حالفه ما اتحلطم
:&
حسبي الله عليه
أخيتي
ودي أقول شي ...
أولا... مو كل من طلع له شارب ريال... لأن الرجولة ليست صفة جنس المخلوق .. بل هي مجموعة من الأخلاق تكتسب بالتربية .. تترجم بأفعال مشهود لها ...ومن يقوم بمثل ما قام به من ذكرتي ... لا يسوى من كلمة الرجولة مقدار حرف واحد
ثانيا... من يسعى للظهور على ظهر غيره هو شخص واهي ولا يملك مما سرق قدر نطفة
ثالثا... لا ترمى بحجر الا الشجرة المثمرة .. وانتي لا تحتاجين الى شهادتي في ابداعاتج
شدي حيلج .. واستمري ... ولا تخلين هالنوع من البشر يهزون منج شعرة ...
والى الأمام دائما
هذا شنو الهدف من حركته هذي بطبق مقولة
لا تبوق لا تخاف ؟
طوليي بالج و سحبي سيفون هالناس صارت ما عندها ضمير..
اي شي اي شي
انتي تكتبين وتعصرين مخج واالاخ بارد مبرده كوبي
لاحول ولا قوة الا بالله
ههههههههههه
بالعكس الناس تزعل من الانسان المحترم ؟؟؟؟
لكن اللصوووص ...الاغبياء
مشكلتهم مشكله !!!1
حبلهم قصير ...وانا اقترح
عليك ان تضعي اسم مدونته
في موقع بارز في مدونتج
واكتبي ...احذروا المدون اللص ...فلان الفلاني
كل مايكتب في هذه المودنه مسسسسسسسروق
ولا تزيدي على هالكلمات
سوف نشاهد وتشاهدين بعد مده دخان مدونته !!!!1
اهدأي وتأكدي ان كل الضرب من الخلف
لانك في ...المقدمه
فمالله
أتفق معك بكل ما قلتيه عن الجبان الحرامي المفلس
بس من زاوية أخرى ..
أنا اشوفها شهادة كبيرة ما مثلها شهادة بمدى رقي ما تكتبين :))
ادري بالبداية الموضوع ينرفز .. لما تبردين شوي بتستانسين
مع العلم .. اللي تكتبينه راقي من زمان مو محتاج نعرف هالشي لما ينباق
:)
إن لم تستح فاصنع ما شئت
:\
حبيبتي الزين
ادري ان اللي سواه سرقة فكرية و اكثر شي يعور القلب انه ينسب الكلام لنفسه ..
لكن تأكدي ان وايد ناس يتابعون كتاباتج و عارفين اسلوبج و قارين كل حرف كتبتيه :) و انا وحدة منهم
و انتي تدرين انا شكثر ادخل مدونتج العسل اللي نفسج و اقرا و مااشبع من حروفج :)
لا تعورين راسج مع شوية ناس ما تقدر معنى الملكية الفكرية لانهم باختصار ما يعرفون شي عنها و الجهل زايد هذي الايام
احبج و ولهت عليج و على القصص الحلوه تكفين ابي قصه اندمج فيها من قصصج الحلوه..
و باركيلي عندي لاب توب فيه عربي و اخيرا :)
ويـــــــــــــــــــه
ولكم تو ذه كلب :)
اول مره تصير معاج ؟؟
باجر تتعودين ما عليه
اهلا فيج في عالم الانترنت .. غير موثق = قابل للتداول
قريت كل التعليقات
وبعد كل تعليق اقول صح صح صح
:))
خلي قلبج يقرا الناس اللي تحبج
واقتنعي بأن لنقص فيه نقل كلمات ليس له وعاش الدور
!!
ردي عليه
خليه يعرف انه مفضوح
والموضوع ما يحتاج
مجرد وصله لمدونتج مع تاريخ النشر ليعرف الجميع من السارق ويفتشل جدام اللي طايرين فيه
!!
واذا ما رديتي
ماكو مشكله
احنا نعرف الزين
ونحب هالزين
وما يطلع منج الا كل زين
وهو؟
ما انشهر الا من سرقاته واخزياه
:PPp~
بردي قلبج يا عل ربي يبرده دنيا وآخره
وبيعينا بالسوق
ولا يسون امثاله تكدر خاطر
:***
انا لو منج انشر او ابحث عن ايميله
و اوجهه دعوة للناس لمراسلته و تهزيئه
و صدقيني راح اكون اول المرسلين
مشكلة السرقة في الانترنت
ان السارق لا يؤمن بتقاطع الخطوط
او انه ممكن انه ينكشف كما ان الانترنت
دولة كبيرة ما فيها شرطة و لا لها حدود
يعني حق الواحد لازم ينوخذ بأيده و ايد زملائه
قلبي معاج وايد احتريت
نصيحه ياوخيتي
بالمكتبه المركزيه التابعه للمجلس الوطني للثقافه ولفنون والاداب والواقع بقرب سوق المباركيه هناك يوجد تسجيل لمدونتك ولاي موقع الكتروني تملكينه
حيث من الممكن ان يكون هناك اثبات رسمي على حقك الادبي
مبين عليك وايد معصبه
هذي من سلبات النشر على النت
عادي
لاتحرين نفسك
استغفر الله العظيم
انسان غبي بكل معنى الكلمه يسرق
فكر و اسلوب غيره !!!
يستمتع بقرائته بس ما يمتلكه
و ينسبه لنفسه :@
لا تزعلين عمرج مهما كانت
هالسرقه ربج فووووقه
بعدين هالشي يدل على روعة ما
تكتبين يا الزين :)
انا من زمان غاسلة ايدي
ما فيه رياييل
هذا مايصير
ودي أفهم ليش بعده في نوع من الناس يبلشنا..
تريد تزيد مواضيعك في منتدي
انقل بس قول منقووووووول
زين ماكتبتي الزين..حقج
نجمة
ابد ما يطولون
:)
صبا
شفتي شلون
قمة بقلة الحيا
صلاح
تصدق المفروض نخصص مدونة لفضح هالأشكال
وضع ما ينسكت عليه
الموضوع منتشر بشكل واضح وسهل
والكل يشتكي من نفس الموضوع
والحل يا صلاح؟
حسام بن ضرار
لا تحاتي
ياجبل ما يهزك ريح
تأكد ان اختك اقوى من جذيه
وعروقها بالقاع
مشكور يا حسام على التواصل
:)
ضاد
سويت وبلغت
وحطيت الأخ بمكانه
والمنتدى ما قصروا واعتذروا
بس تهقين هذي نهاية القصه
الحرامي بيتم حرامي
:)
مشكوره يا ضاد على التواصل
تراب
:***
ما اوفيج حقج على البوست اللي عندج
وعلى فكرة التنويه هذا حطوه عقب البوقه
قبلها ماكان موجود
تسلمين لي ياتراب
وربي ما يخليني منج قولي آمين
محسد
هو بالفعل شبيه للرجال
مو غضب كثر ماهو العين بالعين
تسلم لي يا محسد ومنورني دايما
the boss
مشكووووور على القصيدة
جدا رائعة
ومشكور على التواصل يالشيخ
:)
وماكو ولعة عندنا
بس نشوف لك وحدة ولا يهمك
حياك الله
مهندسنا
:)
ايه شفت شلون
صرت مثلك مشهوره
:)))))
يعني....
خووووش فكرة
بس انا من فنجان قهوة
بخلي التدخين لك
نون
:)
ولا يهز شعره مني
اقول نون شسالفة هالحلم الأقشر
ترى خرعتيني
@@
تركواز
انا معاج باللي قلتيه
ناس كلها خواء من داخل
ويبون يعبونه على حساب غيرهم
ما اقول الا اللهم اني صائم
فهد
@@
يمه!!!
شكلك من المافيا
خبري فيك مسالم
اشوفك قلبت
شنو علموك!!
مشاري
ليش تستقل من بالمدونات!!!!!
بالعكس اسهل له يبوق من مدونة
ولا تنكر ان في مدونات تسوي
وطرحها راقي
وتحمل الكثير من الإبداع
والوقاحه لما تندمج مع غباء
هذي نتايجها
حياك الله يا مشاري
عثماني
مشكور يا عثماني
كافي وقفة الطيبين مثلك معاي
حسين
شوف يا حسين
انا كلي ثقه بالرحمن اني تحت عينه وحافظني من كل شر
تجربتي بالحياة علمتني ان اللي يسيء لي
اكشفه للغير عشان يتقون شره
واعطيه ظهري وامشي
ولا يشكل لي اي اهمية
وسبحانه ربي يراويني فيه
والحوبه تبطي ما تخطي
حياك الله ياحسين
:)
شلالات
ايه والله خرب علينا
حسبي الله وهو الكافي
دروازة
:)
زيارتك اليوم وكلامك الطيب اسعدني
مشكووور وايد يالشيخ
والله لا يخليني من الطيبين اللي مثلك
عبادي
سحبت سحبت من قلب
:)
واي مي
قلتيها انتي
اي شي
اجار الدين
:)
اهم شي بالموضوع دخان مدونته
هالأشكال لا يملكون مدونات يا اجار
هذا حرامي منتديات يسمونه
ما اخذت اجازة؟؟؟؟
سيكرت
:)
احرجتني بكلامك
ما تقصر يا عسلي
هذا بعضا مما عندكم من رفي بالطرح
ولما الحين اقول انك مقل
زيد الجيله شويه ولا تصير بخيل
قصة خيال
من قلب
:**
تعالي بساسرج
ابي قصه تنعش قلبي
يالله
بالإنتظار
فسكرة
مبرووووووك على اللاب توب
:**
راح نرجع للقصص بعد رمضان
وبيني وبينج في بالي قصه ناااار
بتحبينها
انا بعد ولهت عليج
سلمي لي على الوالدة واللي عندج كلهم
:)
بنت بطنها
:)
يمكن مو اول مره
ويمكن في غيره وايد
بس حبينا انا وداركنس نكشفه
تقبل الله طاعتج
وزيارتج اسعدتني
:*
استكانه
ولهت عليج
:**
تصدقين وانا قاعدة اشوفج وانتي تقولين صح صح
كلامج غير
يمسح على قلبي يااستكانه ويراضيه
وسويت اللي قلتيه من زمان
والموضوع خلاص صار ورى ظهري
:**
ملاحظه
:)
يا هلا ومرحبا
اذا كانت هالسالفة الشينه بتخليج تزوريني وتعلقين
ليتني انباق كل يوم
:))
بعد قلبي
زيارتج صج ونستني
وللأسف ما حصلت له ايميل
ولا جان سويتها من زمان
اسم الله عليج من الحرة
وانسي الموضوع
انتهى
قلبي الصفحه
:*
براك
مشكور على النصيحه
وماني معصبة صدقني
انا وايد هادية
:)
@@
صج ما يستحون
يعني ما عندهم لا ذمه ولا ضمير
اذا اهو ما يمتلك ملكه الكتابه
اكيد عنده هوايه ثانيه ..
مو كوبي بيست و بوق بعد عيني عينك
احتريت الله يعينج انتي و داركنس
قلب طفلة
تصدقين عاد انا فاقدتج
اقول وينها ما بينت من بداية رمضان
:**
تقبل الله طاعتج يالشيخه
هذيان
ههههههههههههههه
يغربل ابليسج
ايييييييه مقيوله
راحوا رياييل ينطحون الدروازة
لؤلؤة
:)
ماعليه اصابع ايدج مو وحدة
:**
من صجه هذا
حرامي بلوقات
اي شي والله اي شي
ماتعرف تكتب ليش تتفلسف
اقرا وتعلم
تبوق
شهالرياييل النيو لوك لا حيا ولا مستحى لا ومنوع البلوقات بعد يحليله
يبا لاتحاتين
لو باق كلمه
احساسج ماراح يقدر يبوقه
بس اشوى الله كشفه جدامكم
عزيزتي الزين ..
اقدر واتفهم شعورج جداً
السرقات الأدبية .. ظاهرة من الأزل .. الكثير من الكتاب درجة ثالثة وثانية .. يسرقون جهد وثمار عقل غيرهم .. على حساب الشهرة ..
ولكن تبقى سرقة أدبية وفكرية .. بكل لا أخلاقية ..
قد اتقبل .. تشابه الفكرة .. أو بعضها .. وخاصة حالات الظروف المتشابهة ..
لكن أن تكون سرقة كلمة بكلمة وصورة وبصورة .. هذا لا يمكن يكون توارد خواطر ..
ولكن اسمها سرقة أدبية فكرية علمية .. حسب نوع المحتوى ..
هناك أناس تسحب الجامعات منهم الدرجة بسبب هذا الموضوع ..
أختي الكريمة .. الزين
كتابتك مميزة .. ونحن قراءك .. نستطيع أن نميز خصوصيتها بك .. من بين مليون كاتب ..
فلا يمكن سرقة البصمة من الأصبع
وسعي خاطرك ..
وجميل .. أنكِ دافعت عن حقك المشروع .. وشكرا لوضعه لنا هنا في البلوق ..
ولا أعرف كيف أعبر .. ولكن أريد أن اقول (أجديتي).. وما قصرتي .. ولاتغضبي أكثر ..
لأنك مميزة بالفعل .. ومن يمر على بلوقج .. يدرك ذلك من السطر الأول
وكل عام وأنت بخير بمناسبة العيد
بنت سيف
حســـــبي الله ونــعم الوكيـل
لكن ماعليييج منهم
ماااا يهزززك ريــح يا جبــــل
وأنتي كتاباتج مميزة .. لوو مهما نسبها أنسان لنفسه .. أحنا ندري أنها لج
شي يزعل ويحر
بس يسلمج لااااا تقثيين عمرج حبيبتي
:*
عزيزيتي
ابتداء ... ردة فعلك مبررة ومشروعة
وهي حق لك .. ولا خلاف في ذلك
لكن هل كان هذا هو الخيار الوحيد بالنسبة لك ؟
.... قصة قصيرة
قرر احدهم عمل سبيل ماء في مكان مزدحم في السوق
وكتب عليه :
ارجو الدعاء لفاعل الخير
وكان يقصد بهذا العمل وجه الله سبحانه وتعالى في سقيا الماء
بعد فترة من الزمن مر امام هذا السبيل
واذا مكتوب عليه :
ارجو الدعاء لفلان بن فلان الفلاني
وهو ليس اسمه
وانما هناك شخص آخر كتب اسمه
فابتسم واكمل طريقه مرددا ...الله يهدينا واياك
فحدثته نفسه قائلة :
النفس : يسرق عملك وتبتسم وتدعو له بالهداية ؟
الرجل : انما عملت ذلك لوجه الله دون ان اضع اسمي فالله سبحانه وتعالى عليم بصير ولتا يهمني ما تم .
النفس : ولكن هو سرق منك ذلك بوضع اسمه وفي هذا اعتداء عليك ... على الاقل تزيل اسمه.
الرجل : ان ازلته اليوم سيضعه في الغد او يقوم غيره بفعل ذلك ، مالي ولهم بهذه التفاهات .
النفس : ولكن يجب ان لا تساعد على فعل ذلك .
الرجل : ان لا اساعد عليه وانما ...
الذي وضع اسمه: يعرف يقينا انه كاذب
وهذا اسوأ انواع الكذب بان يكذب الانسان على نفسه قبا ان يكذب على الاخرين .
والناس : لن تفرق معهم من هو صاحب السبيل ...انما هم غايتهم الماء .
والله سبحانه وتعالى : علام الغيوب ويكتب الاجر لمستحقه .
هكذا هو الامر بكل بساطة
النفس : وما الذي جعلك تفعل ذلك
الرجل : قول الله سبحانه وتعالى
الَّذِينَ يُنفِقُونَ فِي السَّرَّاء وَالضَّرَّاء وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللّهُ يُحِبُّ الْمُحْسِنِينَ
( ال عمران : 134 )
فاردت ان اكون من المحسنين وذلك بالعفو عمن اخطأ بحقي وان احسن اليه بالدعاء له
......انتهى
رؤيتي للامر من زاوية مختلفة هي :
وانت في خضم الجو الروحاني المفعم بالايمانيات والتقرب الى الله سبحانه وتعالى
شاءت قدرة الله سبحانه وتعالى ان يرسل لك اختبارا صغيرا...
وهي اكتشاف امر السرقة
فالسرقة قد تمت منذ زمن
ولكن تم اكتشافها في وقت محدد ... ولاحظي انه يوم 22/9 وهو ماكان يجب ان يعطيك دافعا اضافيا لكي تتريثي بردة فعلك او اعلانها على الاقل .
كانت فرصة امامك ... ولكن لم تستغليها ...وهذا امر طبيعي
لان الامر يحتاج الى وقت حتى يتعود الانسان على التحكم بردة الفعل التلقائية .
لست هنا لاوجه اللوم
وانما للتذكرة ليس الا
ستكون هناك اختبارات اخرى بين وقت وآخر
حاولي ان تستحضري قول الله سبحانه وتعالى:
والله يحب المحسنين
ان استطعتي تطبيقها مرة واحدة
سيتملكك شعور غريب وجميل جدا
اسأل الله ان يجعلنا واياك من المحسنين
وآسف على الاطالة
حفظك الله ورعاك
إرسال تعليق