عام كامل .. وأنا اسكب أفكاري هنا ... أشارككم بخواطري ... بمشاعر قد كانت حكرا علي نفسي ثم أشعتها بينكم
أكتب في مدونتي ومدونتي تحكيني لكم .. تحكي الزين بتفاصيلها ... تجدونها مختبئة وراء الكلمة والحرف والفكرة ... وتجدونها أوضح وأكثر بينكم بالردود على تعليقاتكم وتواصلكم معها
عام كامل أهديتكم الكثير خلاله وأخذت منكم أكثر.. من تفاعل ومشاركة .. مواساة ومؤازرة .. حب وابتسامة .. والكثير من اللحظات الجميلة عبر حروفكم البسيطة والمحبة حتى أدمنت تواجدي بينكم
تجتاحني في هذه اللحظة الكثير من المشاعر .. حب ... احتواء .. امتنان لتواجدي بينكم ... والكثير الكثير من الدفء
وككل طريق نسلكه ونتعثر أحيانا بانكساراته و احباطاته ... كانت نصوصي ... ولكن بالمقابل كسبت الكثير من الأصدقاء ... منهم من شجعني على الاستمرار .. ومنهم من وجهني وساعدني على صقل حروفي لأصل إلى ما وصلت إليه اليوم
أسماء كثيرة ... معظمها بلا وجوه ... تركت في نفس الزين شيئا لا يقدر بثمن .. تجربة أضافت لي الكثير .. وربما خلقت مني الزين أخرى .. أحبها أكثر واعتز بما تملكه من حس قد لامس قلوب الكثيرين والكثيرات منكم
مفعمة أنا اليوم بالمشاعر... تغلبني عبراتي ...واعجز عن التعبير ... لا تضحكون علي بس هذا بالفعل إحساسي
وحدة سألتني شنو االلي كسبتيه من المدونة ... ما فكرت لوهلة جاوبتها وقلت ... إخوان وخوات ما تربطني فيهم الا الكلمة ومع هذا أحببتهم وأحبوني من خلال شاشه وكي بورد .. دون انتظار المقابل في زمن غلبت عليه المصالح
كثير هو ما يدور بخاطري... كثيرة هي الكلمات... مشاعري لكم بعمق محيط أزرق كلون السماء ..
أريد قول الكثير ويعجز قلمي اليوم ...
اختصر كل هذا بكلمة واحدة
أحبكم ... وشكرا لكم لكل دقيقة أمضيتموها هنا عند الزين وكل كلمة شاركتموني بها
أكتب في مدونتي ومدونتي تحكيني لكم .. تحكي الزين بتفاصيلها ... تجدونها مختبئة وراء الكلمة والحرف والفكرة ... وتجدونها أوضح وأكثر بينكم بالردود على تعليقاتكم وتواصلكم معها
عام كامل أهديتكم الكثير خلاله وأخذت منكم أكثر.. من تفاعل ومشاركة .. مواساة ومؤازرة .. حب وابتسامة .. والكثير من اللحظات الجميلة عبر حروفكم البسيطة والمحبة حتى أدمنت تواجدي بينكم
تجتاحني في هذه اللحظة الكثير من المشاعر .. حب ... احتواء .. امتنان لتواجدي بينكم ... والكثير الكثير من الدفء
وككل طريق نسلكه ونتعثر أحيانا بانكساراته و احباطاته ... كانت نصوصي ... ولكن بالمقابل كسبت الكثير من الأصدقاء ... منهم من شجعني على الاستمرار .. ومنهم من وجهني وساعدني على صقل حروفي لأصل إلى ما وصلت إليه اليوم
أسماء كثيرة ... معظمها بلا وجوه ... تركت في نفس الزين شيئا لا يقدر بثمن .. تجربة أضافت لي الكثير .. وربما خلقت مني الزين أخرى .. أحبها أكثر واعتز بما تملكه من حس قد لامس قلوب الكثيرين والكثيرات منكم
مفعمة أنا اليوم بالمشاعر... تغلبني عبراتي ...واعجز عن التعبير ... لا تضحكون علي بس هذا بالفعل إحساسي
وحدة سألتني شنو االلي كسبتيه من المدونة ... ما فكرت لوهلة جاوبتها وقلت ... إخوان وخوات ما تربطني فيهم الا الكلمة ومع هذا أحببتهم وأحبوني من خلال شاشه وكي بورد .. دون انتظار المقابل في زمن غلبت عليه المصالح
كثير هو ما يدور بخاطري... كثيرة هي الكلمات... مشاعري لكم بعمق محيط أزرق كلون السماء ..
أريد قول الكثير ويعجز قلمي اليوم ...
اختصر كل هذا بكلمة واحدة
أحبكم ... وشكرا لكم لكل دقيقة أمضيتموها هنا عند الزين وكل كلمة شاركتموني بها
هناك 117 تعليقًا:
كل عام واحلى المدونات بخير
كل عام ومشاعرج .. احساسج .. خيالج .. بخير
كل عام والزين بخير
صج الايام تركض
مدونتج كانت من أول المدونات اللي استوقفتني
وقفت عندها مدة طويلة
كنت ولا زلت اجد فيها متعة واحساس ماله وصيف
كل شي اهني عشته غير
مشاعري بكل تقلباتها
برد .. ودفا .. وحرارة احيانا تلسعني
انفتحت درايش وبيبان خيالي
لما صرت اطير منهم
وكانت حروفج واحاسيسج تشاركني وتطير معاي
حبيت المدونة وحبيت حروفها وحبيت صاحبتها
حبيت الشعور اللي اعيشه واطلع منه
كل بوست انكتب اهني كان له معنى خاص بقلبي
اعتز بوجودي ومعرفتي بهالمدونة
اتمنالج كل التوفيق يالزين
والله لا يخلينا منج :*
HaPpPpPpY BirthDay To
Stories About Zoz0ta
كل عام و المدونه احلى و ارقى
كل عام و انتي تشاركينا بوح قلمج
و مكنونات نفسج
كل عام و الزين بخير
:)
الله سنه وانتي بعالم المدونات
عالم جميل عالم غامض
نغضب احيانا نتعب نزعل ونفرح كل ما بداخلنا من انفعالات نفرغه في
مدوناتنا المتواضعه كلامنا غير احساسنا غير
كل شي غير
اي والله اهني غير
نتكلم من غير قيود وخوف
بدون مجاملات حبيت هالعالم الغريب
حسيت انه بيتي الثاني
وانتو اهلي وانتي اختي يا الزين
اي والله هذا الي احسه من غير مجاملات
وكذب
يشرفني اني دخلت مدونتج الرائعه
يشرفني اني عرفتج
وكل عام ومدونة الزين عامره
وكل عام زيونه معانا باحساسها ومشاعرها وخيالها الي ماله حدود يارب
الله يوفقج وينور مدونتج ويزيدها حب
ويبعد عنها وعنج الحزن
:***
عسى بيرق هالمدونة ما يختفي
لا هو ولا صاحبتة يا رب
ومنها للاعلى
هذا عيدنا كلنا
يا حلوها والله اللي منخشه ورى الكلمة
ويا بختنا بهالزين
وكل سنه انشالله وانتي طيبه
:)
ولو أني حديث التعرف على مدونتك، لكن لا يمنع أن أقول كل عام وأنت بخير
:-)
وأحب أقول لك ولنفسي أولا أنه يجب أن يأخذ التجوال في عالم التدوين وقتا محددا باليوم إن كنا أدمنا عليه، للقراءة والمطالعة يجب أن يكون نصيب غير المهام الأخرى
كل عام وانتي وبلوقج بالف خير
حبينا فيه الحوارات
اللي جايز كنا طرف فيها مره
او جايز سمعناها مره
بسيطه
لكن عميقه بمفهومها
خصوصا ان لين شبك بيدنا الملل
ندور البوستات القديمه
يعطيج الف عافيه
الغاليه الزين
كل عام ومدونتج الزينه بخير
كل عام وانتي بخير بين حبايبج
مدونتج من اجمل واميز المدونات اللي قريتها
دايما انتي مميزه باسلوبج
برقه احساسج
لا تحرمينا ابداعاتج
والله يطول بعمر مدونتج الراقيه
العزيزة الزين
كل عام و انتم بخير
اتحفتينا بكتاباتك و الله يوفقك
بوخالد
وكل عام والمدونة وانتِ بخير
وان شاء الله الاستمرارية والازدهار
تحياتي
مبرووووووووووك كل عام ومدونتك بالف خيير ياارب
تصدقين زوزو حسبالي انتي قديمة يعني صارلج سنين اهنيي
امبي يارب تكونين معانا كل سنه تحتفلين فيها
و يخليلج كل عزيز و غالي
و احنا كماااااااااان بنحبك
salamz sis....
الشكر لج أنج أطعمتينا من ما حباك الرحمن تبارك الله من قلم مميز معطر بأروع وأجمل العبارات محبوكة بعمق المشاعر وأصدقها
فعلا روعة التدوين محبة بشر أجمعتج الكلمات فيهم تقبلتيهم وأحببتيهم بصدق عباراتهم بعيد كل البعد عن رتوش الحياة وسطحيتها
كل عام وأنتي ومدونتج بألف خير وعسى ماننحرم من كتاباتج
كل عام والمدونة وصاحبة المدونة
بألف خير
والى مزيد من التقدم والازدهار والابداع المتواصل
ودمتم بحب وود ووصل
:)
كل عام وان بخير وزوزوتا
وكل عام وانتي "الزينة".
كل عام و الزين
و مدونتها بخير و سعاده
و كل عام و قلمها و افكارها
و احاسيسها من رائع لاروع
بصراحه يا الزين مدونتج راقيه و كل ما فيها جميل لان وراها روح انسانه حلوه مثل كلماتها الحلوه
مع اني يديده في عالم التدوين بس كنت من المتابعين لمدونتج قبل ادخله ^_^
الله لا يحرمنا منج و لا من مدونتج
دمتي بحفظ الله
كل عام وانتي الزين كله
كل عام و انتي كايدتهم ;)
كل عام و انتي بخير :)
HAPPY ANNEVIRSARY
:)))))))
كــــل عــام و انت الزين
كــــل عــام و انت الحب
كــــل عــام و انت بخيــــــر
كــــل عــام و مدونتج بخيــــر
كــــل عــام و انت تمتعينا بقصصج الحلوه
كــــل عــام و احنا بوجودج معانا بخيـــــــــــر
وااااي زوزووو ما احس صارلج بس سنه
!!!
احس صارلج سنييييييييين (اللي يسمع يقول انا صارلي 10 سنين بلوقر) هههههههههههههه
:****
مساج الله بالخير يا اخيتي
:)
يقولون العاده ان كل سنه تمضي من حياتنا تأخذ معها شمعه وتطفيها
وفي عالم العلاقات تنعكس الآيه حيث تصبح كل علاقه مع مر الزمن اجمل واعمق وبالرغم من مايصادفنا في علاقاتنا من خير وشر الا انه تبقلى هناك ميزه جميله جدا الا وهي اننا نحتفظ باجمل مافيها
اما القبيح منها فنضيف عليه جمالا بسمو اخلاقنا :)
الزين كل عام وانتي بخير
كل عام ومدونتج الغالية بخير
مشالله اللهم زيد وبارك
الشهر هذا كله افراح وياعسااااه دوم
اللى عيد ميلاده واللى تخرج واللى تفوق والى اشتغل واللى مضى ااياام حلوه بالبلوق
كل عام وانتى بخير وتواجدج معانا يارب يكون دوم
وابارك حق نفسي بهالمناسبه السعيده اللى من خلالها جمعتنى بانسانه راقيه نفسج واخت من خلال الشاشه اللابتوبيه عرفتها
عشنا معاج لحظه بلحظه واكيد نعتز بتواجدج ويانا
عاد تدري حتى انا مابقى شي على عيد ميلادي التدويني البلوقي
وكل سنه وانتى بخيرررر
Happy anniversary zayoon
wish you the best
with luv
:**
(F)
تمنياتي لك وللمدونة بالتوفيق
:)
نجمة
كل عام وأنا بينكم
استمتع بوجودكم وصحبتكم
تغدقون على من محبتكم
صج يانجمة الأيام تركض
ومانسيت بداياتي وخطواتي المتردده
وكلماتي المبعثرة
فرحتي بأول بوست
وفرحتي بألول تعليق
حتى بداية صجبتنا انا معاج
لا يمكن أنساها
تعني لي الكثير الكثير
كلماتج يانجمة تطلق سراح عبراتي
نقية بناء روحك
شفافه بشفافية صداقتي معك
وحتى لو فكرت يوم اني اوقف تدوين
فبتظلين الأخل العزيزة الغالية
والزميلة المبدعة
مشكورة يا نجمة من أقصى قلبي
وربي لا يحرمنا من هالصحبة
:***
الخيلاء
:))))
مشكوووورة
وصوتج حلو وانتي تغنينها لي
الله لا يحرمني منج يارب
:**
صبا
أول شي بعطيج لمه كبر الدنيا
وأقول لج ان القلوب شواهد
تصوري سنه وانا اكتب واقول
98 بوست
:)
كان بخاطري اسويهم 100
بالفعل المدونات هي صدى لأفكارنا ومشاعرنا
تحمل الكثير منا وتتلون بألوانا
وكلنا اهل هنيه اخوان وخوات
بدون ما تحلفين اكيد احنا خوات
الشرف لي بمعرفتج ياصبا
بمشاركتج افكاري ومشاركتي بوحك
وكل عام والدنيا اجمل واحلا بوجودكم يارب
:*****
حسافتج ياكويت
ماني قايلة شي
انت تدري باللي ودي اقوله
عسى الله لا يحرمني منك يارب
:)
سليمان
:)
شفت شلون منخشه عدل
يابختي فيك زميل هنيه وهناك
وكل عام وانت بخير وصحة وسلامة وويانا
ادري فيك على الموت
تغط وتطلع
باغي شهادة
تمون ياخوي تقول اللي بخاطرك افا عليك
صدقني
اناوقتي مقسمته عدل
وبعدين شفت الأخطبوط
هذي انا
مليون شغله اسويها بنفس الوقت
واحرص انها تكون بالمستوى المطلوب
والمدونات هي هوى نفسي
ومتنفس لأفكاري
وجودج واليوم بالذات اسعدني
كل الشكر لك
سنعة
الله يسلمج ويعز غاليج يارب
تصدقين حتى انا كنت استمتع بالحوارات وايد
واضحك وانا اكتبها
وسلامات يالشيخه
ان شاء الله الحين احسن
:**
شلالات
غاليتي
كلامج اسعدني جدا
اتمنى لج ولمدونتج كل النجاح
وعندي كل الثقة بانج من افضل اللي انضموا الينا مؤخرا
اسلوبج الساخر برقي نقدج البناء وبترفع
كله دلالات على رقي شلالات
كملي رغم الإحباطات والإنكسارات احيانا
كملي
وكتبي لأنج تبين تكتبين
مو لأن مطلوب منج تكتبين
مشكورة وايد
ولا خلا ولا عدم
:**
غير معرف
(بو خالد)
الله يسلمك ياخوي وساعة المباركه
حياك الله اليوم ودوم بمدونتي المتواضع
صلاح
مشكور ياخوي
وحياك الله
كل الود
خروفااااا
وكل عام وانتي بخير حبيبتي
لا ماني قديمه
يديدة توني بقراطيسي
وتوني اشيل اول قرطاس
:)
الله يسلمج حبيبة قلبي ويعز غاليج ويعطيج الل في بالج يارب
:**
محارة
انربط لساني
وايد علي هالحجي يا محارة
:**
الله لا يحرمني منج يارب
سلوقا
:)
كل عام وانت والإنتخابات اللي شاغلتك بخير
ومن طول الغيبات يالشيخ
مكانك مبين ولك فرية
ومثل ماقال فريج سعود
قاتل الله الإنتخابات
:)
مشكور على التهنئة
ودمت بكل الحب والود والوصل
عاجل
حيا الله اخوي عاجل
مشكور وما نتحرمش
Q8 uniQue
كل عام وانت مبدع مثل ما انت واكثر
مشكور من اقصى قلبي
قلب طفلة
:)
والله مادري شرد عليكم
مشاعركم وكلامكم الحلو يعجزوني عن الرد
مشكووووورة
مشكوووووورة
لين باجر
وعساه وصل ما ينقطع
:**
Lawyer
ههههههههههههههه
كل عام وانا وانتي يميع
وكل عام واحنا ضاربين الدنيا بعرض الطوفة
وحرة يا عذالي
:**
يالله سترك
Ray
ريووو
مشكورة حبيبتي
:**
برليووووش
يا بختي يا بختي يا بختي وانا كل هذا
:))
مو بالوقت ياقلب زيون من داخل انتي
بالخبرة
;-))))
اقعد
هههههههه
حبيبتي الله لا يحرمني منج يارب
:*****
بوراشد
يه يه يه
اخوي بوراشد عندي
صب قهوة ياولد
ساعة المباركه
وصح لسانك
سعيده بزيارتك
شكرا لك
فريج سعود
مشكور يالشيخ
ما نتحرمش
شيماء الكندري
تهقين كله افراح
كل عام وانتي اجمل وأوصل للكل
كل عام وانتي معاي بحال افضل
كل عام ومشاعرج ادفا
مشكورة حبيبتي لكل هذا التواصل والحب والمشاركه
:**
غير معرف (F)
بعدي والله
ماتحرمش
ManalQ8
مشكووووووورة
انتي وينج صار لج فترة غاطه من غير شر
ولهت عليج ويتهنا اللي شاغلج عنا
:**
البمبرة تقولك جبسيني ببستوق
واكليني مع ذاك المطبق الزبيدي
بس لا تحرمينا من سوالفك ومدوناتك.
صفحة جديدة ناطرينها هالسنه
بحلة مشرقة
منوعة
بروح جديد
مجنونة اكثر من جنونك الحين
ناطرتك؟؟؟؟
يا مجنونة القلم
TAKE CARE
كل عام وانتي ومدونتج بألف خير
لو بقولج شي بهالمناسبة
راح أقولج إنج من الناس الغير
فعلاً
في ناس أقل من عاديين وهذولي مو كثير
وفي ناس عاديين وهذولي أغلب الناس والسواد الاعظم
وفي ناس غير عاديين ومختلفين
أنا أحطج من الناس الغير عاديين
والله صج ، طبعاً أتكلم بالنسبة للمدونات
لأنج مبدعة ومميزة وتتقنين فن الأحساس
وعندج كاريزما قوية جداً
كاريزما يعني شيء جاذب مو كاريزما زميلتنا العزيزة
ههههه :)
مدونتج بسرعة كبيرة صارت من أهم المدونات ومن أجملها وأكثرها صدق وأحساس
وغير هذا الواحد يحسج قريبة يعني انا أحس إني اعرفج من زماان
:)
كل عام والزين متألقة ومبدعة
وإن شاءالله دائماً وأبداً متواجده بينا وتسعدينا وتمتعينا بكلمات واسلوبج العذب
أجمل تحية للزين
كل عام و احنا بالف خير
اي احنا
لان مدونتج يا الزين هدية من الله لنا
كل عام وانتي بالف الف خير
و عساها مدونة عامرة دايما
حافظج الرحمن يا الزييييييييين
يه يه كل عام و انتي بخير
الحين متى توصلني الكيكة ؟؟
افضل انه بدال الكيكة سينابون
كل
عام
والزين
بخير
:***
من
حظنا
وجودج
معانا :*
البمبرة
هههههه
بدعتي مع مطبق الزبيدي
لا تشجعيني على الجنون
ترى اذا فصلت شيعقلني
ياحبي لج يالبمبرة
ربي لا يحرمني منج قولي آمين
:**
حسين يا حسين
قلت وافضت علي من مشاعرك الرقيقه
والله ياخوي كلامك كبير علي
ويحملني مسئولية كبيره جدام
والقلوب عند بعضها انت اخو عزيز وغالي
وشهادتي فيك مجروحه
والزين ما صارت ولا وصلت للي وصلت له الا بفضل تشجيعكم ونقدكم لأخطائي وتنبيهكم لي على نقاط ضعفي
وجودكم معاي هنيه ووجودي معاكم في مدوناتكم اضاف لي الكثير الكثير ياحسين
شاكره للكل وقفته معاي
وشاكرة لك انت بالذات وقفتك معاي في بداياتي
والكثير من الأخوة والخوات
وبقول لك سر صغير
انت بالذات ديما انتظر تعليقك عندي
ردة فعلك على النص تسعدني
الله لا يحرمني منكم يارب
ولا يغير علينا
تسلم لي ياحسين
عثماني
كل عام وانا وانت وكل انسان شفاف ومخلص وراقي مثلك نجتمع هنيه في عالم كفل لنا حرية التعبير والبوح المستتر وراء شاشه
الله يسعدك يا خوي ويعز غاليك
متفائل
ماكو انت ياي متأخر
وزعنا سينابون امس مع وليمة الخرافي
:)
مرني ونروح يميع كويت عقد بس لا تنسى العجرة
:)))
حياك الله اخوي وساعة المباركه اللي علق عندنا متفائل
مو جنة طولت غيبتك؟؟؟
منو ينسى
كل عام وانا بخير لأني بينك وحواليكم
مشكوووووره
:**
كل عام وانتي متألقه
كل عام وانتي بخير
مدونتك فيها سحر يحذبنا
مدونتك ترحنا
الزين اسم على مسمى
لاننا ماشفنا الا كل زين
بس
كل عام و مدونتج الخفيفة اللطيفة بالف خير .. و انتي كمان بخير :)
Happy 1st birthday
و كل عام وأنتي و مدونتج بخير
فعلاً مدونه رائعة ومميزه و إحساس جميل و صادق
و كتابات ولا أحلا :)
ودمتي رائعة
yaaaaaaaaaaaaaaay
سلم قلبها صار عمرها سنة :D
.
.
.
لمساحة الحب ... هنا
لفرصة المتعة ... هنا
لقصص الخيال العذبة ... هنا
شكرا ..
لكل خاصة و ميزة في قلب الزين و روحها
و شكرا ..
لمشاركتنا ..
قصص عن الزين
:*****
كوني بخير .. برقة .. و بهمس راقي نحبه
:*****
يديدة على المدونات،
لكن اللي شفته بمدونتج عجبني...
وأتمنى دوم أشوف ابداعج...
كل عام انتي ومدونتج بخير..:)
كل عام وانتي بخير يا صاحبة ارق مدونه
يالزين
بشفافيتج
دخلتى قلوبنا
وحبيناج
واتمنى
ابارك لج بالسنة الثانية والثالثة والعاشرة
الله يوفقج دوم يا أمر
كل عام و انتي بمليوون خيير ..
و عساج دوم تتحفينا في بوستاتج الرومانسيه و الخفيفه الطينه ..
:}}
مع اني متأخره وايد بس عذريني و عذري مشاغل الحياة
كـــل عــام والزيــن بخيــر
كـــل عام ومدــونتح بخيــر
الله لا يحــرمنــا لا منهــا ولا منــج
مــرت سنــه وعقبــال العشــرين ..,,
أستمتع بكــل حــرف أقراه فيهــا
وما أقــدر أطــوف ولا سطــر :]
صــج ترى مو مجــامله :]
الله يخليــكم لنــا
ويعطييج العافيه
وعســاج على القــوه
عساهم هدد
مو
عدد
:)
كل عام و قصص زوزوتا لا تنتهي
تفرحنا
وتثيرنا
وتتركنا معلقين ، بين الحقيقة والخيال
بين الواقع والمحال
تعيد قراءة ماضينا
تحكي فصول حاضرنا
وترسم لنا مستقبلنا
قرب حروفك
قرّبكِ
مِنا
بإختصار : زوزو قريبة من الكل
وتستاهل إن الكل قريب منها
أسجل اعجابي
المقرون بتمنياتي
بدوام التميز
دمتِ بود
:*
عؤبال الاحتفاليه رقم مليار والبوست رقم ترليون :)
كل عام وانت وأحرفك بخير
بوحك وقصصك
دمتِ بذات التألق سيدة الزين
نايف
اتمنى لج ولمدونتج التوفيق والتقدم والازدهار
:)
اذا كانت مشاعرج لنا بعمق محيط
فحبي لج ولمدونتج ولكتاباتج الاكثر من الروعه ببعد سما بيضه متروسه سحاب يحتوي حب ورومانسيه ومشاعر شفافه تمر على صفحات مدونتج بفرح مرسومه على انها تعليقات بسيطه من خلال حروف وكلمات تحاول تعبر شكثر مشاعرج لامست فيني وشكثر فرحتي بمرور سنه على وجودج بعالم التدوين
وان شاء بتكوت عمر في قلبي انا
عرفتج مدونه وصديقه وزميله هني
وكسبتج اخت وحبيبه وروح من روحي قريبه بحياتي وواقعها الصعب
:)
ادري متاخره بس والله مو لاقيه كلمات تليق بمقام هالمناسبه الحلوه الي احسها غير بالنسبه لج خصوصا وانا عارفه منو االزين الي تكتب بطريقه سحريه تجذب الكل ببراءه وبسهوله
كل عام وانت بخير وعسى ربي يعيدها ويزيدها فرحه كل سنه
ومنها للاعلى باشعار بخواطر ببوح من القلب للقلوب الي تحب الزين
بقلبي حجي وايد محتاره شلون اكتبه هني بس اتمنى احساسي ولو ذره منه وصل
موفقه يالغاليه وما ننحرمش منج ولا من ابداعاتج
:**
براك
الله يسلمك ويعز غاليك ياخوي
وانت الخير والبركه
وكلمة حق لازم اقولها
الزين وصلت هنيه من تشجيعكم لها
وانت بالذات يابراك تركت الأثر الكبير
علي باللي اكتبه
لما اشوف ناس راقين مثلك
احاول ارتقي واوصل مواصيلهم
خلنى انا اشكرك واقول لك
لك مكان هنيه اكثر من الغير
ولك مكان في قلب الزين ما يتغير
ودار الزمن لو قصر براك بيكون شمعة المدونات كلها
تسلم لي ياخوي
كويت سن
غبت عني والشوق جابك
غيابك عن المودنات دايما يترك فراغ ياخوي
وعذرك معاك
وزيارتك اليوم يت بالوقت الصح
تدري ليش
لأن يهمني تكون وياي بفرحتي
اخو عزيز وغالي وزميل احترمه واقدره
مشكور يالشيخ ولا خلا ولا عدم
لافندر
زيارة اول مره صح؟؟
حياج الله وساعة المباركه
ومشكورة وايد على الكلام الطيب
اتمنى لج التوفيق بمدونتج
ولا تقاطعين
احلا انجنير
هههههه
شفتي صار عمرها سنه يعني بلشت تخطي
لتواجدج
لأستمتاعج
لتوجيهج لي
لنقدج البناء
لعلمي انك هناك تراقبين وتقرين بصمت
المج لمه كبر الدنيا
واحطج بعيوني واغمض عليج
واقول لج احبج ليييييييييين باجر
:**
لؤلؤة
:**
تواصلكم انتم يضيف لي الكثير الكثير
يفرحني ويسعدني ويعزز من ثقتي باللي اكتبه ويخليني احرص اني اكتب اكثر واحلى وارقى
ويعطيني العزم اني اواصل
مشكوره يالشيخه ولا خلا ولا عدم
الدنيا
هممممممم
عندج وتنهدت ليش مادري
يمكن لأني اشتقت لج ولبوستاتج الحلوة
انتي وايد مقله
يطري على اول ما بلشت تدوين انتي كنتي موجودة قبلي
وكنتي انشط
وكنت احرص اقرا لج كل يوم واشوف شنو جديدج
شاللي صار؟؟
عتب المحب ترى من حرصه عليك
:)
مشكورة على الكلمات الرقيقه
وشكرا على تواجدك اليوم
:**
شذر
بعدي والله
الله يعينج ويوفقج يارب
ومشكوره وايد
:**
7ayakom allah eb my blog .. this is my first post atmana ena ya3jebkom :)
ما زلت اذكر زيارتي الأولى هنا
ما زلت اذكر تلك الحاله من الانبهار التي اصابتني بقدوم مدونه جديدة قادرة على لفت الانتباه وحصد الحب بكلمات دون اي تكلف بالاحساس
!!
ما زلت اتذكر حين أقرأ رقم 85 وتفكيري بهالزين:
ما شاء الله معقوله بنت مواليد 85 ولها هالعقل والطرح والتفكير؟
تبهرني بكل فكرة
تملكني باحساسها
ارى عيني تطل بين سطورها
واحساسي ينطبق بكلماتها
علاقتي الجميله معها بدأت من كلمات
تربطني باحساسها وروحها
تركتني دائمة الانتظار لمرورها
دئمة التحري لاحساسها
علاقتي معها لم تقف لهذا الحد
ولم ترتبط بببوست ورد
علاقه امتدت الى نوع من التواصل الحسي والروحي بينا
!!
لو اغيب
لو تشغلني الدنيا
لو اتأخر كثيرا
لابد لي من يوم رجوع
اقطف من ازهار احساسها
واتزين بفرح كلماتها
:***
كل عام ومدونه الزين بخير
وكل عام والزين اروع
واجمل
وانقى
واطهر
كل عام والزين وكل حبايب قلبها بخير
:)
اشكرك
المدونات عالم رائع جدا مبارك لك مرور عام على مدونتك هذه أول مرة أتشرف بزيارة مدونتك وإذا هذه المدونة لديها مناسبة فرح يبدو إن وجهي أصبح اخير وجه خير على احد ما وأن سبق الخير وجهي :) مبارك لكِ السنة الأولى إن شاء الله عقبال سنين وسنين في هذا العالم الجميل لك مني خالص التحية .
كل عام انتي و بلوقج مزايين
قولي امين
كل عام و مدونتج بخير
=)
قطوطه
كل عام والزين بألف خير
مدونه عامره :)
مساالورد والجوري
غاليتي الحبيبه
كل سنة وانت بمليون خير
كل سنة وانت بسعاده
وانت بفرح دايم
وانت واحاسيسج بتدفق مستمر
حتي نشعر برقي حروفك
احنا كسبا اخت واكثر
الله لايحرمنا منج
آمين
:**
يو تيرن
حبيبة قلبي
مشكورة وايد على الكلام الطيب
وهذا من طيبج
الغاية من كتابتي هنيه بالمدونة هي استمتاع القراء
مابي اكثر
وعشرين سنه واااايد ترى
الخطوة اليايه شي ثاني
والمدونةبالنسبة لي ما هي الا مرحلة
اسعدني تواجدك مع كل هالناس الطيبين
ولا خلا ولا عدم
:**
حقوقية
بعدي والله
مشكورة من اقصى قلبي
:**
يمكن هالمناسبة علمتني شكثر الناس حابتني ومتقبلتني بحروفي البسيطه
ويمكن اكدت لي ان لي اصحاب كنت اعلم بوجودهم او لا اعلم
شي هزني من داخل
شي خلاني افكر مليون مره قبل لا احط ايدي على الكي بورد واكتب
شي يخليني دايما اطمح اني اكون عند حسن ظن الكل
اكتب ما يمتعني ويمتعكم ويثير مخيلتكم
الكتابه هنيه متعه بس ردود افعالكم تقبلكم للنص هي المتعة الأكبر
مشكورة واااايد على التواصل والله لا يخليني
:**
كويت بلوقر
مليون وترليون
هههههههههههه
وايد ترى يامن حي يامن ميت
طولة العمر لك ولمدونتك الراقية
مشكور يالشيخ وما تحرمش
:)
نايف
:)
ويالجمال اليوم واكتمال القه عندما افتح مدونتي لأجد ان نايف قد ترك بصمته هنا
تعليق ووجود يضاف الى رصيد الزين
مشكور يالشيخ
تمنياتي لك بالتوفيق
ولا تغيب عن الزين
Mok
شكرا لك عزيزي
اتمنى لك المثل
زيارتك جدا اسعدتني
مجنونة
:******
فوق الوصف
كل اللي قلتيه اثر فيني فوق الوصف
مو عارفة ارد عليج
وجودج في حياة الزين اهم من كل اللي انقال او ممكن ينقال
اصير اصف يم خروفه وابجي
:))
مع الإعتذار من خروفه
مشكوره يا مجنونه على كل شي
انتي فاهمتني
اللحظة وياج عمر اجمل وارق وادفا
متلخبطة ومو عارفة ارد عليج
احس كل الكلام اللي ممكن اقوله قلته هناك لك وخلصت
ما ابي اعيد
انتي تعرفين شنو انتي بالنسبة حق الزين
الله لا يخليني يارب ويجمعنا على الفرح
فهد مايند
حياك الله وان شاء الله بنمرك
بس انت جهز القهوة
:)
affa 3alch chay gahwa kelshay mawjood ;)
pluss am a girl :)
استكانه
:)
لما الحين منبهرة؟
ههههه
مادري شقول
....
ما احمله لك شي لا يوصف ولا يقال في تعليق
احساسي باستكانه حبيبتي وزميلتي وصاحبتي اعمق من كلمه واكبر من شعور
وارق من همسه واعذب من طيب البخور
حوارات ليلية وبوح بدون تكلف
احتواء ودفء
تحلطم وسوالف مالها طعم الا وياج
مدونتي هي الباب الذي دخلتي منه لقلب الزين
وحتى لو جاء اليوم اللي اسكر هالباب
هذاك الباب بيتم مفتوح
باب قلبي يا استكانه
:)
ودي اقول الكثير
بس الكثير اللي بقوله هو مو كل شي
كوني كما انت قريبه حميمة وصادقه مع الزين ... تملكيني حتى آخر نفس
براك
ولو
ما قلت شي
وما بالغت باللي قلته
:)
صقر قريش
حياك الله ياخوي والبيت بيتك
زيارتك تسعدني واتمنى ان تتواصل تلك الزيارات
اكيد انت وجه خير
معرفتى بك بهاليوم تاكد لي ان اليوم يوم جديد بناسه ورزقه
وانت كنت جزء من رزقه
تعليقك اسعدني جدا
وحياك الله
هوت لاين
وكل عام وانت اصدق
مررت هناك حيث تدفق افكارك وعجبني آخر بوست
كلمة حق كان لازم تنقال
قوالك الله
وجدا جدا جدا سعيده انك تكون من قراء الزين
قطوطة
مشكووووره يالشيخه
وحياج الله وساعة المباركه
:)
JD
وانتي بخير حبيبتي
وعامرة بوجودج
:)
فراولة
متابعتي منذ البدايه
انا الآن بخير لوجودج
حبيبة قلبي الواصله والمحبة للكل
وجودك كنسمة هواء باردة محملة بعبق الورد
مشكوره وايد وايد
لكل زيارة وكل تعليق وكل تواصل كان من القلب بيننا
الله لا يحرمني منج يارب
:**
فهد ان مايند
اهااا
سوري على اللبس
ولا يهمج ياللي فهد شاغل بالج
راح امر اشوف اللي عندج
:)
كل عام وانتي ومدونتج بالف خير يالغاليه
وعسانا ما ننحرم من روعة كتاباتج
*
*
*
كــــل عــــام ومدونتــك عـــامرة بالتعليــــقات (الزوار) .
:)
تـدرين أنا أول ما دخلـت مدونتـك شنـو أول شي لفــت نظري ؟ وفي أي بووست أنا علقـت ؟ برغـم أن البـووست كان قــديم .
مـاني قايلـه بشوفج تـذكرين ؟
وعقـب راح أكمـل تعليـقي
:)
****************
بووسـتك الحالي
أدري أنج شايلة التعليق بس ودي أقول كلمة أذا سمحتيلي
معذورة .. عندما عجزت الكلمات وعجزت أصابعك عن مواصلة الكتابة .. قلبي معك
:*
آآآه من ألـــــــم
قلـــب يفقـد نبضــة
أحســاس يفقـد شعـورة
عيــن تفقـد بصـرهـا
روح تفقــد تـوأمهـا
الله يرحمــها ويسـكنها فسـيح جنـاتـه
:**
مملوحة
:**
من طول الغيبات
وانتي غيبتج طالت هالمرة
مشكورة يالغالية وعساه وصل ما ينقطع
دللي
اذكر شلون ما اذكر
كان في بوست الزين والحداق
طلعنا ثنتينا حداقه
بعد قلبي تسلمين لي الله يحفظج ويحفظ حبايبج يارب
اللهم آمين
مشكورة من اقصى اقصى القلب
:**
زين
كل سنه وانتي طيبه
كنت عايزة اعلق على في مثل هذا اليوم ترحلين لان كلماتها فطرت قلبي نصين الله يسامحك وجعتي قلبي
ويارب يشيل الالم والحزن من قلبك يا زين
همسه
يا حبيبتى يالزين
اول شى سامحينى انى اكون اخر وحده اتعلق فى بوست مثل هذى بس مو بيدى لابتوبى اخترب على وتونى اليوم استخدمه كنت منقطعه عن الكل بالفتره الى فاتت
انت وحده من الناس الى احمد ربى انى صرت فى هالمكان عشان اعرفها وادش عالمها اللذيذ عالم الزين الى كلنا نحبه ونستمتع فيه
الله يحفظج من كل شر يا زيونه
ويخليج لنا سنه ورا سنه ولا يقطعج عنا :**
كل عام والزين ومدونتها بالف خير
احبج
كل عام وأنتي ومدونتك بخير
فعلا مدونتك من المدونات اللي تشرح الخاطر والصدر
وأنشاء الله كل لحظة وكل عام وأنتي معانا
وشكرا لك عزيزتي
وبس
بابل
يا بعد عمري صــــح
:)
ما يستهويني الشعر والنثر كثــــــر ما يستهويني الصيد والبحـر
كانت مدونتج يبين بالبار الجانبي عناوين بووستاتج القديمة
دخلت مدونتج .. وقعت أقرى العناوين .. وفجأه لفت نظري كلمة الحداق .. على طوول ضغطت العنوان وشفت الصور وقريت البوست .. على طوول دخلتي قلبي .
قلت : يحليلها حـــداقة مثلي .. وخبرج نادر ما تلقين بنات يحبون الحداق
:)
أنا أحب الحداق بـــس ما أحب أكل أي شي من البحر
لا سمج ولا ربيان ولااااا شي طالع من البحر
:)
مــدونة تشـرح القلــب .. وصــاحبتها تــدخل القلــب
:**
عفوا
انتي زوزوتا ؟
همسة
وانتي بخير وصحة وعافية حبيبتي
وخطوة عزيزة من اهل مصر
اسمحي لي فالنص كتب لها هي فقط في ذكرى يوم وفاتها
سعيده بزيارتك وتعليقك
وراح تكون لي زيارة اكيد لمدونتك
:)
كاريزما
مسموح ياللي تعذر
:**
ما اكون الزين حبيبة كاريزما اذا ما عذرتج على الغياب
انت بالنسبة لي اكثر من تعليق على بوست
حبتج العافية يابعدهم كلهم
بابل
مشكوووور يالشيخ
وعساه وصل ما ينقطع ياخوي
تسلم وعسى الله يسعدك وينولك اللي في بالك
ديلي وملي
وه وه وه
بخت عيني وياكبر فرحة قلبي ان البوست ياز لك وكان فاتحة خير علينا
وجودج يعني لي الكثير ما تصدقين
والحداق للجدعاااان
:))
انا اعشق الحداق والزفرة
واكل كل شي يطلع من البحر
وانتي واعدتني بطلعة حداق والييم علي
يالله وعد الحر دين عليه
:)
اللي يشرح الصدر وجود الناس اللي مثلج حولي ومعاي في مناسبة مثل هذي
لا خلا ولا عدم يالشيخه
:**
ماكسيميليان
ايه نعم انا زوزوتا
:)
كل يوم وانتي بألف خير يا الزين
انا لي الحين متفاجأه .. !
شلون مادليت هني من زمان
: )
ان شاءالله بكون من المتابعين هني
واتشرف
إرسال تعليق